Аранесп (30 мкг)

• русский
• қазақша

• Скачать инструкцию медикамента

Саудалық атауы

Аранесп

Халықаралық патенттелмеген атауы

Дарбэпоэтин альфа

Дәрілік түрі

Инъекцияға арналған ерітінді, 10 мкг, 20 мкг, 30 мкг, 40 мкг, 50 мкг,

60 мкг, 80 мкг, 100 мкг, 150 мкг, 300 мкг, 500 мкг

Құрамы

Бір мл құрамында:

белсенді зат: 25 мкг, 40 мкг, 100 мкг, 200 мкг, 500 мкг рекомбинантты дарбэпоэтин альфа бар,

қосымша заттар: натрий дигидрофосфаты моногидраты, натрий гидрофосфаты, натрий хлориді, полисорбат 80, инъекцияға арналған су.

Сипаттамасы

Мөлдір, түссіз ерітінді.

Фармакотерапиялық тобы

Басқа да гемопоэз стимуляторлары. Дарбэпоэтин альфа.

АТХ коды В03ХА02

Фармакологиялық қасиеттері

Фармакокинетикасы

Көмірсулар мөлшерінің жоғары болуына орай, дарбэпоэтин альфаның қан айналымындағы концентрациясы, арЭпо баламалы дозаларымен салыстырғанда, едәуір ұзаққа созылатын уақыт ішінде эритропоэз көтермеленуі үшін қажетті ең төмен концентрациядан асып кетеді, бұл биологиялық жауаптың баламалы деңгейін сақтай отырып, дарбэпоэтин альфа енгізу жиілігін азайтуға мүмкіндік береді.

Созылмалы бүйрек жеткіліксіздігі бар науқастар

Дарбэпоэтин альфа фармакокинетикасы созылмалы бүйрек жеткіліксіздігі бар науқастарда препаратты көктамыр ішіне және тері астына енгізу кезінде зерттелді. Көктамыр ішіне енгізгенде оның жартылай шығарылу кезеңі 21 сағат (стандартты ауытқу (СА) 7,5) құрады. Дарбэпоэтин альфа клиренсі 1,9 мл/сағ./кг (СА 0,56) құрады, ал таралу көлемі (Орс) плазма көлеміне (50 мл/кг) шамамен баламалы болды. Препаратты тері астына енгізгенде оның биожетімділігі 37% сәйкес келді. Дарбэпоэтин альфаны 0,6-дан 2,1 мкг/кг дейінгі дозада ай сайын тері астына енгізгенде оның жартылай шығарылу кезеңі 73 сағат (СО 24) құрады. Тері астына енгізгенде дарбэпоэтин альфаның едәуір ұзаққа созылатын жартылай шығарылу кезеңі, көктамырішілікпен салыстырғанда, сіңу кинетикасымен жүзеге асады. Клиникалық зерттеулер барысында препараттың ең аз жиналуы енгізудің кез келген тәсілінде байқалды. Клиникаға дейінгі зерттеулерде дарбэпоэтиннің бүйректік клиренсінің өте төмен екені (2% дейін жалпы клиренс) және препараттың сарысудан жартылай шығарылу кезеңіне ықпалын тигізбейтіні көріністелді.

Дарбэпоэтин альфа фармакокинетикасы СБЖ бар, диализде жүрген немесе диализде жүрмеген балаларда (3-16 жас) зерттелді, бұл орайда үлгілер алу препаратты бір рет тері астына немесе көктамыр ішіне енгізген сәттен бастап, енгізгеннен кейін бір аптаға дейін (168 сағат) жүргізілді. Үлгілер алу кезеңдерінің ұзақтығы СБЖ бар ересектердегідей болды, ал бұл салыстыру дарбэпоэтин альфа фармакокинетикасының СБЖ бар ересектер мен балаларда ұқсас екенін көрсетті. Препаратты көктамыр ішіне енгізуден кейін ересектер мен балалар арасында нөлдік уақыт белгісінен шексізге дейінгі «концентрация-уақыт» фармакокинетикалық қисығы астындағы ауданға (AUC[0-∞]) қатысты шамамен 25% айырмашылық болды; сонда да, балаларда аталған айырмашылық екі реттік ауқымнан аз AUC[0-∞] құрады. Препаратты тері астына енгізгеннен кейін AUC[0-∞] шамасы ересектерде және балаларда ұқсас болды. Препаратты көктамыр ішіне де, тері астына да енгізуден кейінгі сияқты, препараттың жартылай шығарылу кезеңі СБЖ бар балалар мен ересектерде ұқсас болды.

Химиялық ем алып жүрген онкологиялық науқастар

Препаратты онкологиялық ересек науқастарда тері астына 2,25 мкг/кг дозада енгізгеннен кейін дарбэпоэтин альфаның 10,6 нг/мл (СО 5,9) құрайтын орташа ең жоғары концентрациялары орта есеппен 91 сағат (СО 19,7) ішінде анықталды. Бұл параметрлер кең ауқымды мәндердегі дозаның желілік фармакокинетикасына сәйкес келді (апта сайын енгізгенде 0,5-тен 8 мкг/кг дейін және екі аптада бір рет енгізгенде 3 мкг/кг-ден 9 мкг/кг дейін). Фармакокинетикалық параметрлер 12 апта ішінде (апта сайын енгізу немесе екі аптада бір рет енгізу) көп реттік дозалау кезінде өзгермеген. Тепе-тең жағдайға жеткенде препараттың сарысулық концентрациясының күтілімді орташа (< 2 есе) жоғарылауы болды, бірақ қайта тағайындау кезінде оның жиналып қалу белгілері анықталмаған. Фармакокинетика зерттеулері химиялық ем кезінде индукцияланған анемиясы бар, үш аптада бір рет тері астына 6,75 мкг/кг дозада дарбэпоэтин альфа инъекциясын химиялық еммен біріктіріп алған емделушілерді қамтумен орындалды. Осы зерттеуде жартылай шығарылу кезеңінің орташа мәні (СО) 74 сағат (СО 27) құрады.

Фармакодинамикасы

Әсер ету механизмі

Адам эритропоэтині – бұл эндогенді гликопротеин гормоны, ол сүйек кемігіндегі эритроидты ізашар-жасушаларда эритропоэтин рецепторымен спецификалық өзара әрекеттесу арқылы негізгі эритропоэз реттеушісі болып табылады. Эритропоэтин өндірілуі ең алдымен оттегімен қанығудың өзгеруіне жауап ретінде жүреді және бүйрекпен реттеледі. Эндогенді эритропоэтин өнімі созылмалы бүйрек жеткіліксіздігі бар емделушілерде төмендеген, бұл эритропоэтин тапшылығы салдарынан анемияның негізгі себебі болып табылады. Химиялық ем алып жүрген онкологиялық емделушілерде анемия этиологиясы көп факторлы болып табылады. Бұл емделушілерде эритропоэтин тапшылығы және эритроидты ізашар-жасушалардың эндогенді эритропоэтинге жеткіліксіз жауабына ұласатын анемияның дамуына ықпал етеді.

Фармакодинамикалық әсерлері

Дарбэпоэтин альфа, эндогенді эритропоэтин сияқты, сол механизм бойынша эритропоэзді көтермелейді. Дарбэпоэтин альфа құрамында бес N-байланысқан көмірсу тізбегі бар, осы тұста эндогенді гормон сияқты адам рекомбинантты эритропоэтиндерінде (арЭпо) де небәрі үш тізбек болады. Қосымша қант қалдықтары, молекулалық көзқарас тұрғысынан, эндогенді гормондағы осындайдан ерекшеленбейді. Көмірсу мөлшерінің көп болуы салдарынан дарбэпоэтин альфа жартылай шығарылу кезеңі арЭпо-мен салыстырғанда едәуір ұзақ, соған сай, in vivo белсенділігі көбірек болады. Молекулалық құрылысының аталған өзгерістеріне қарамастан, дарбэпоэтин альфа эритропоэтинді рецепторға өте аз спецификалығын сақтайды.

Эритропоэтин – негізінен эритроциттердің түзілуін көтермелейтін өсу факторы. Эритропоэтинге рецепторлар әртүрлі ісік жасушаларының беткейінде экспрессиялануы мүмкін.

Қолданылуы

• ересектерде және балаларда созылмалы бүйрек жеткіліксіздігі (СБЖ) туғызған симптоматикалық анемияда («Қолдану тәсілі және дозалары» бөлімін қараңыз)

• химиялық ем алып жүрген ересек науқастарда миелоидты емес қатерлі жаңа түзілімдер кезіндегі симптоматикалық анемияда

Қолдану тәсілі және дозалары

Аранесп препаратымен емдеуді жоғарыда аталған көрсетілімдер бойынша тағайындау тәжірибесі бар дәрігерлер жүргізуі тиіс.

Ересектер мен балаларда созылмалы бүйрек жеткіліксіздігіне (СБЖ) ұласқан симптоматикалық анемияны емдеу

Анемия симптомдары мен зардаптары емделушілер жасына, олардың жынысына және ауру ауырлығына байланысты өзгеріп отыруы мүмкін; әр жағдайда емдеуші дәрігер емделушінің жеке клиникалық деректеріне талдау жасау қажет.

Гемоглобин деңгейін арттыру үшін, бірақ 120 г/л-ден (7,5 ммоль/л) аспайтындай тері астына немесе көктамыр ішіне Аранесп қолдануға болады. Диализде жүрмеген науқастарда, шеткергі көктамырлар пункциясын жасамауға мүмкіндік беретіндіктен, тері астына енгізу тәсілі дұрыс болады. Емделушілердегі гемоглобин деңгейі әркімде жеке ауытқуларға бейім, соның ішінде қалаулы мақсатты мәндерден кейде жоғары немесе төмен. Гемоглобин деңгейі мақсатты мәндер шегінен ауытқығанда дозаға модификация жасалады, бұл орайда мақсатты мән деп 100 г/л-ден (6,2 ммоль/л) 120 г/л (7,5 ммоль/л) дейінгі аралықты қарастыру керек. Гемоглобин деңгейінің 120 г/л (7,5 ммоль/л) жоғары тұрақты артуына жол бермеген жөн, гемоглобиннің 120 г/л (7,5 ммоль/л) жоғары мәндерінде дозаны модификациялау жөніндегі нұсқаулар төменде берілген. Сондай-ақ гемоглобин деңгейінің 4 апталық кезең ішінде 20 г/л-ден аса (1,25 ммоль/л) жоғарылауына жол бермеген жөн. Бұл жағдайда да дозаны түзету қажет.

Аранесп препаратымен емдеу екі сатыны – түзету фазасы және демеуші фазаны қамтиды. Ересектер мен балаларда қолданылуы және дозалануы жөніндегі нұсқаулар нұсқаулықта бөлек беріледі.

Созылмалы бүйрек жеткіліксіздігі бар ересек емделушілер

Түзету фазасы

Тері астына немесе көктамыр ішіне апта сайын бір рет енгізген кездегі бастапқы доза дене салмағына 0,45 мкг/кг құрауы тиіс. Баламалы түрде, диализ алмайтын емделушілер үшін де препараттың мынадай бастапқы дозаларын тері астына енгізуге тағайындауға болады: әр екі апта сайын дене салмағына 0,75 мкг/кг немесе айына бір рет дене салмағына 1,5 мкг/кг. Егер гемоглобин концентрациясының жоғарылауы жеткіліксіз (4 апта ішінде 10 г/л аз (0,6 ммоль/л)) болса, препарат дозасы шамамен 25% арттырылады. Препарат дозасын арттыру төрт аптада бір реттен жиі болмауы тиіс.

Егер гемоглобин мөлшерінің артуы 4 апта ішінде 20 г/л-ден (1,25 ммоль/л) асып кетсе, препарат дозасын шамамен 25% азайту керек. Гемоглобин деңгейі 120 г/л-ден (7,5 ммоль/л) асып кеткен жағдайда, препарат дозасын азайту мүмкіндігін қарастыру керек. Егер гемоглобин мөлшерінің артуы жалғасса, дозаны шамамен 25% азайтқан жөн. Егер дозаны азайтудан соң гемоглобин жоғарылауы жалғасса, гемоглобин деңгейі төмендей бастағанша препарат қолдануды уақытша тоқтату қажет, сонан соң емдеуді жаңғыртуға болады, осы орайда препарат дозасын алдыңғы дозадан шамамен 25% азайтқан жөн.

Гемоглобинді ол тұрақтанғанша апта сайын немесе екі аптада бір рет өлшеп отыру керек. Кейінірек гемоглобин өлшеулер арасындағы аралықтарды ұзартуға болады.

Демеуші фаза

Диализде жүрген емделушілерде аптасына бір рет Аранесп енгізуді жалғастыруға немесе әр екі аптада бір рет енгізуге көшуге болады. Диализде жүрген емделушілерді апта сайынғы инъекциялардан екі аптада бір рет енгізілетін режимге көшіргенде бастапқы доза аптасына бір рет енгізілетін дозадан екі есе артық болуы тиіс. Диализ алмайтын емделушілер үшін аптасына бір рет немесе әр екі аптада бір рет немесе айына бір рет Аранесп енгізуді жалғастыруға болады. Әр екі аптада бір рет Аранесп алатын емделушілер үшін препаратты екі аптада бір рет тағайындау аясында гемоглобиннің қажетті концентрациясына жеткеннен кейін, оны тері астына енгізуді екі аптада бір рет енгізілетін алдыңғы дозадан екі есе жоғары бастапқы дозаны пайдаланумен айына бір рет жүргізуге болады.

Гемоглобиннің қажетті концентрациясын сақтау мақсатында дозаны титрлеуді қажетінше жиі жүргізген жөн.

Егер қажетті гемоглобинді сақтап тұру үшін Аранесп дозасын оңтайландыру қажет болса, оны шамамен 25% арттыру ұсынылады.

Егер гемоглобиннің 4 апта ішінде 20 г/л-ден аса (1,25 ммоль/л) жоғарылауы байқалған жағдайда препарат дозасын, арттыру жылдамдығына қарай, шамамен 25% азайту керек. Егер гемоглобин мөлшері 120 г/л-ден (7,5 ммоль/л) асып кетсе, препарат дозасын азайту мүмкіндігін қарастыру керек. Егер гемоглобин мөлшерінің артуы жалғасса, дозаны шамамен 25% азайтқан жөн. Егер дозаны азайтудан соң гемоглобин жоғарылауы жалғасса, гемоглобин деңгейі төмендей бастағанша препарат қолдануды уақытша тоқтату қажет, содан кейін емді жаңғыртуға болады, бұл орайда препарат дозасын алдыңғы дозадан шамамен 25% азайту керек.

Анемияны талапқа сай түзетуді қамтамасыз ету үшін мақұлданған ең төмен Аранесп дозаларын қолданып, емделушілерге мұқият бақылау жүргізген жөн.

Дозаны немесе енгізу режимін кез келген өзгертуден соң гемоглобин мөлшерін әр 1 немесе 2 апта сайын бақылап отыру керек. Демеуші фаза кезінде дозаны өзгерту екі аптада бір реттен жиі атқарылмауы тиіс.

Препарат енгізу жолдарын өзгерткенде препараттың сол дозаларын пайдаланып, гемоглобиннің қажетті деңгейін сақтау мақсатында, гемоглобин концентрациясына 1-2 аптада бір рет мониторинг жасаған жөн.

Апта сайын бір, екі немесе үш арЭпо инъекциясын алып жүрген ересек емделушілерді апта сайын бір рет Аранесп енгізу немесе оны екі аптада бір рет енгізу режиміне көшіруге болады. Апта сайынғы бастапқы Аранесп дозасын (мкг/апта) жалпы апталық арЭпо дозасын (ХБ/апта) 200-ге бөлумен анықтайды. Екі аптада бір рет енгізу режимінде бастапқы Аранесп дозасын (мкг/екі аптада) екі апталық кезең ішінде енгізілген арЭпо жинақталған жиынтық дозасын 200-ге бөлу арқылы анықтайды. Жекеше ауытқуы белгілі болғандықтан, жекелеген науқастар үшін ұтымды емдік әсері алынғанша дозаларды титрлеу қажет болуы мүмкін. АрЭпо Аранесп препаратына алмастырылғанда гемоглобин деңгейін өлшеуді аптасына немесе екі аптада бір реттен сиретпей атқару керек, ал препаратты енгізу тәсілі өзгермеген күйде қалуы тиіс.

Созылмалы бүйрек жеткіліксіздігі бар балалар

1 жасқа толмаған емделушілерді емдеу зерттелмеген.

Түзету фазасы

11 жастағы және одан үлкен балалар үшін препаратты тері астына немесе көктамыр ішіне енгізген кездегі бастапқы дозасы аптасына бір рет бір реттік инъекция түрінде дене салмағына 0,45 мкг/кг құрайды. Диализ алып жүрмеген емделушілерде екі аптада бір рет тері астына 0,75 мкг/кг тең бастапқы доза қолдануға болады. Егер гемоглобин деңгейінің артуы жеткіліксіз (4 апта ішінде 10 г/л аз (0,6 ммоль/л)) болса, препарат дозасын шамамен 25% арттыру қажет. Дозаны арттыру төрт аптада бір реттен жиілетпей жүргізілуі тиіс.

Егер гемоглобин мөлшерінің артуы 4 апта ішінде 20 г/л-ден (1,25 ммоль/л) асып кетсе, гемоглобин деңгейінің арту дәрежесіне қарай, препарат дозасын шамамен 25% азайту керек. Гемоглобин деңгейі 120 г/л-ден (7,5 ммоль/л) асып кеткен жағдайда, препарат дозасын азайту мүмкіндігін қарастырған жөн. Егер гемоглобин мөлшерінің артуы жалғасатын болса, дозаны шамамен 25% азайту керек. Егер дозаны азайтудан соң гемоглобин жоғарылауы жалғасса, препарат қолдануды гемоглобин деңгейі төмендей бастағанша уақытша тоқтату қажет, сонан соң емдеуді жаңғыртуға болады, осы тұста препарат дозасын алдыңғы дозадан шамамен 25% азайтқан жөн.

Гемоглобинді ол тұрақтанғанша апта сайын немесе екі аптада бір рет өлшеп отыру керек.

Кейіннен гемоглобин өлшеу арасындағы аралықтарды ұзартуға болады.

Аранесп препаратымен анемияны емдеу түзету фазасындағы балаларда айына бір рет дозалау режимінде зерттелмеген.

1 жастан 10 жасқа дейінгі балаларда гемоглобин деңгейін түзетуге қатысты нұсқаулар жоқ.

Демеуші фаза

11 жастағы және одан үлкен балаларда емнің демеуші фазасында аптасына бір рет немесе екі аптада бір рет Аранесп енгізу режимін жалғастыруға болады. Диализде жүрген емделушілер аптасына бір рет Аранесп дозалау режимінен екі аптада бір рет режимге көшірілгенде бастапқыда аптасына бір рет енгізу режимінде екі есесіне баламалы дозаны алуы тиіс. Диализде жүрмеген емделушілерде препаратты екі аптада 1 рет дозалау режимінде гемоглобин мақсатты деңгейіне жеткеннен кейін тері астына айына 1 рет Аранесп тағайындауға болады, бұл орайда бастапқы дозалануы екі аптада 1 реттік режиммен пайдаланылған дозаның екі еселенген мөлшерін құрауы тиіс.

Клиникалық деректер аптасына екі немесе үш рет арЭпо алатын емделушілерді аптасына 1 рет енгізілетін Аранеспке көшіруге болатынын және аптасына бір рет арЭпо алатын емделушілер екі аптада бір рет енгізу режиміне көшіруге болатынын көрсетті. Апта сайын енгізілетін балаларға арналған (мкг/апта) Аранесп бастапқы дозалануын арЭпо апталық жиынтық дозасын (ХБ/апта) 240-қа бөлу арқылы анықтауға болады. Әр 2 апта сайын (мкг/әр 2 апта) енгізгенде бастапқы Аранесп дозалануын екі апталық кезең ішіндегі арЭпо жиынтық дозасын 240-қа бөлу арқылы анықтауға болады. Жекелеген емделушілерге тән жекеше айырмашылықтар болу себебіне орай, ұтымды емдік дозаны таңдап алу талап етіледі. АрЭпо Аранеспке алмастырылғанда гемоглобин деңгейі әр 1-2 апта сайын бақылануы тиіс, әрі бұл орайда препарат енгізудің бір ғана тәсілі пайдаланылуы тиіс.

Гемоглобиннің қажетті концентрациясын сақтау мақсатында дозаны титрлеуді қанша қажет болса, сонша жиі жүргізген жөн.

Егер қажетті гемоглобинді сақтау үшін Аранесп дозасын оңтайландыру қажет болса, оны шамамен 25% арттыру ұсынылады.

Егер гемоглобин мөлшерінің артуы 4 апта ішінде 20 г/л-ден (1,25 ммоль/л) асып кетсе, препарат дозасын гемоглобин деңгейінің арту дәрежесіне қарай, шамамен 25% азайту керек. Гемоглобин деңгейі 120 г/л-ден (7,5 ммоль/л) асып кеткен жағдайда, препарат дозасын азайту мүмкіндігін қарастыру керек. Егер гемоглобин мөлшерінің артуы жалғасса, дозаны шамамен 25% азайтқан жөн. Егер дозаны азайтудан соң гемоглобин көтерілуі жалғасса, гемоглобин деңгейі төмендей бастағанша, препарат қолдануды уақытша тоқтату қажет, одан кейін емдеуді жаңғыртуға болады, дегенмен препарат дозасын алдыңғы дозаның шамамен 25% дейін азайту керек.

Пайдаланылатын ең төмен мақұлданған Аранесп дозалары анемия симптомдарын талапқа сай бақылауды қамтамасыз ететініне сенімді болу үшін емделушілер ахуалына мұқият мониторинг жасаған жөн.

Дозаны немесе енгізу режимін кез келген өзгертуден кейін гемоглобин мөлшерін әр 1 немесе 2 апта сайын бақылап отыру керек. Демеуші фаза кезінде дозаны өзгерту екі аптада бір реттен жиі атқарылмауы тиіс.

Препарат енгізу жолдарын өзгерткенде препараттың сол дозаларын пайдаланып, гемоглобиннің қажетті деңгейін сақтап тұру мақсатында, гемоглобин концентрациясына 1-2 аптада бір рет мониторинг жасаған жөн.

Онкологиялық аурулары бар емделушілерде химиялық еммен индукцияланған симптоматикалық анемияны емдеу

Анемиясы бар емделушілерде (мысалы, 100 г/л (6,2 ммоль/л) тең немесе төмен гемоглобин концентрациясында) гемоглобин деңгейін көтеру үшін тері астына, бірақ 120 г/л-ден асырмай (7,5 ммоль/л) Аранесп қолдануға болады. Анемия симптоматикасы мен зардаптары емделушілердің жасына, олардың жынысына және аурудың ауырлығына байланысты болады. Әр жағдайда емдеуші дәрігер емделушінің жеке клиникалық деректеріне талдау жасау қажет.

Қандағы гемоглобин мөлшері әркімнің жеке көрсеткіші екендіктен, оған айқын әртүрлілік тән, кейбір емделушілерде оның мөлшері мақсатты деңгейден асып кетуі де, одан аз болуы да мүмкін. Бұл жағдайда гемоглобиннің мақсатты деңгейі 100 г/л-ден (6,2 ммоль/л) 120 г/л дейін (7,5 ммоль/л) құрауы ескеріліп, препарат дозалануын түзету көмектеседі. Гемоглобин концентрациясының 120 г/л-ден аса (7,5 ммоль/л) артуына жол бермеген жөн; егер гемоглобин мөлшері 120 г/л-ден (7,5 ммоль/л) асып кеткен жағдайда дозаны түзету жөніндегі нұсқау төменде берілген.

Препараттың ұсынылған бастапқы дозасы – 3 аптада 1 рет 500 мкг (6,75 мкг/кг) немесе аптасына 1 рет 2,25 мкг/кг. Егер клиникалық жауап (қатты қажу, гемоглобин мөлшері) тоғыз апта өткенде талапқа сай болмаса, әріқарай емдеу тиімсіз болуы мүмкін.

Аранесп қолдану химиялық ем аяқталған соң шамамен төрт апта өткенде тоқтатылады.

Гемоглобиннің мақсатты деңгейіне жеткеннен кейін, мақұлданған ең төмен Аранесп дозаларын пайдаланып, анемия симптоматикасын талапқа сай бақылау үшін препарат дозалануын 25-50% азайту керек. 500 мкг, 300 мкг және 150 мкг арасында дозаны титрлеуге болады.

Емделушілер жағдайына мұқият мониторинг жүргізген жөн. Егер емделушіде гемоглобин деңгейі 120 г/л-ден асып кетсе (7,5 ммоль/л), препарат дозасын 25-50% азайтқан жөн. Егер гемоглобин мөлшері 130 г/л-ден асып кетсе (8,1 ммоль/л), Аранесп қолдануды уақытша тоқтату керек. Гемоглобин деңгейі 120 г/л (7,5 ммоль/л) дейін немесе одан төмен азайғаннан кейін, емді жаңғыртуға болады, препаратты дозалау бұл орайда алдыңғысынан шамамен 25% аз болуы тиіс.

Егер гемоглобин деңгейінің артуы 4 аптада 20 г/л асып кетсе (1,25 ммоль/л), препарат дозалануын 25-50% азайту керек.

Қолдану тәсілі

Аранесп, жоғарыда сипатталғандай, тері астына және көктамыр ішіне қолданылады.

Инъекция орнында жайсыздану болмас үшін, препарат енгізетін жерді ауыстырып, препаратты баяу енгізу қажет.

Алдын ала толтырылған еккіштердегі (АТЕ) Аранесп инъекциясын жасау емшарасының техникасы

Бұл бөлімде сіз өз бетіңізше атқара алатын Аранесп препараты инъекциясын жасау емшарасы сипатталады. Сізді өз емдеуші дәрігеріңіз немесе медбикеңіз үйреткенше, инъекцияны өзіңіз жасамауыңыз өте маңызды. Егер сіздің сұрақтарыңыз болса, дәрігерден, медбикеден немесе фармацевтен сұраңыз.

Сіз немесе сізге бұл инъекцияны жасайтын адам алдын ала толтырылған еккіштердегі Аранеспті қалай пайдалану керек?

Сізге өз дәрігеріңіз теріастылық инъекциялар үшін алдын ала толтырылған еккіштердегі Аранесп тағайындады. Препарат мөлшерін және енгізу жиілігін өз емдеуші дәрігеріңізден нақты біліп алыңыз.

Құрал-жабдық

Теріастылық инъекция жасау үшін мыналар қажет:

• алдын ала толтырылған еккіштегі жаңа Аранесп;

• спиртпен шыланған мақта тампондар.

  Теріастылық инъекцияға Аранесп дайындау

  1. Алдын ала толтырылған еккішті тоңазытқыштан алыңыз. Оны бөлме температурасында шамамен 30 минут қалдырыңыз. Бұл инъекция көтерімділігін жеңілдетеді. Еккішті қандай да бір басқа тәсілмен (мысалы, микротолқынды пеште немесе ыстық суда) жылытпаңыз. Еккішке күн сәулесінің тіке түсуіне жол бермеңіз.

  2. Алдын ала толтырылған еккішті сілкімеңіз.

  3. Инъекцияға дайын болуыңыздан бұрын еккіштен қалпақшасын алмаңыз.

  4. Дозаның өз дәрігеріңіз сізге тағайындағандай дозалануын тексеріңіз.

  5. Алдын ала толтырылған еккіштің жарамдылық мерзімін (… дейін жарамды) тексеріңіз. Егер қаптамада көрсетілген айдың соңғы күні өтіп кетсе, оны пайдаланбаңыз.

  6. Аранесп препаратының сыртқы түрін тексеріңіз. Сұйықтық мөлдір, түссіз немесе сәл бозаңдау болуы тиіс. Егер сұйықтық мөлдір болмаса, немесе онда бөлшектер бар болса, препаратты пайдаланбаңыз.

  7. Қолыңызды мұқият жуыңыз.

• Ыңғайлы, жарық жақсы түсетін, таза беткейді табыңыз да, инъекция үшін сізге керектінің бәрін жақындау жерге қойыңыз.

  Инъекцияға қалай дайындалады? Инъекция алдында Сіз мыналарды істеуге тиіссіз: 1.Инені майыстырып алмау үшін, 1 және 2 суреттерде көрсетілгендей, қалпақшасын бұрамастан абайлап тартыңыз. 2. Инеге тиіп кетуге және еккіштің поршенін басуға болмайды. 3. Егер алдын ала толтырылған еккіш ішінде ауа көпіршіктері көрінсе, оларды инъекция алдында шығару қажет емес. Ауа көпіршіктері бар ерітіндіні енгізу қауіпсіз. 4. Енді Сіз алдын ала толтырылған еккішті пайдалана аласыз.