Антигистин

МНН: Хлоропирамин
Производитель: НИКО ООО
Анатомо-терапевтическо-химическая классификация: Chloropyramine
Номер регистрации в РК: № РК-ЛС-5№021622
Информация о регистрации в РК: 15.09.2015 - 15.09.2020

Инструкция

Саудалық атауы

Антигистин

Халықаралық патенттелмеген атауы

Хлоропирамин

Дәрілік түрі

Инъекцияға арналған 20 мг/мл ерітінді, 1 мл

Құрамы

1 мл препараттың құрамында

белсенді зат: хлоропирамин гидрохлориді - 20 мг

қосымша зат: инъекцияға арналған су

Сипаттамасы

Әлсіз өзіне тән иісі бар  мөлдір түссіз сұйықтық

Фармакотерапиялық тобы

Жүйелі әсер ететін антигистаминдік препараттар. Этилендиаминдер орнын басқан. Хлоропирамин.

АТХ коды R06AC03

Фармакологиялық қасиеттері

Фармакокинетикасы

Организмде біртегіс таралады, гематоэнцефалдық бөгет арқылы өтеді. Қан плазмасы ақуыздарымен байланысуы - 7,9 % құрайды. Байланысу шыңы рН 6,8-7,4 кезінде байқалған. Хлоропирамин бауырда метаболизденеді. Негізінен бүйрек арқылы несеппен метаболиттер түрінде шығарылады. Балаларда шығарылуы ересектерге қарағанда жылдам болады. Бүйрек функциясының бұзылуы кезінде шығарылуының төмендеуі, бұл препарат дозасын төмендетуді қажет етуі мүмкін.

Бауыр функциясының бұзылуы кезінде хлоропираминнің метаболизмі баяулайды, сондықтан препарат дозасын азайту қажет.

Фармакодинамикасы

Хлоропирамин гидрохлориді, трипеленаминнің (пирибензаминнің) хлорлы аналогы, этилендиаминді антигистаминдік препараттар тобына жататын, бірінші буындағы антигистаминдік препарат.

Препараттың әсер ету механизмі, гистаминдік Н1-рецепторларының бөгелуіне байланысты. Препарат сондай-ақ тегіс бұлшықеттерге, қантамырлар өткізгіштігіне және орталық жүйке жүйесіне әсер етеді.

Препарат аллергиялық реакциялардың жалпы симптомдарын жеңілдетеді; аллергияға қарсы әсерінен басқа, тыныштандыратын, ұйықтататын және қышынуға қарсы әсері бар. Орташа шеткергі антихолинергиялық және спазмолитикалық белсенділік және құсуға қарсы әсер иеленген.

Қолданылуы

  • аллергиялық аурулар, оның ішінде есекжем, маусымдық аллергиялық ринит, аллергиялық конъюнктивит, тағамдық және дәрілік аллергия,

  • жәндіктердің шағуына аллергиялық реакциялар

  • жанаспалы дерматит, дерматографизм

  • жүйелі анафилактикалық реакцияны және ангионевроздық ісінуді адъювантты емдеу

Қолдану тәсілі және дозалары

Антигистин, инъекцияға арналған ерітіндіні тек дәрігер немесе медбике ғана енгізе алады. Инъекция бұлшықет ішіне енгізіледі. Анафилактикалық шок немесе жедел, ауыр аллергиялық реакция кезінде емдеуді көктамыр ішілік инъекциядан бастау керек, одан кейін бұлшықет ішіне инъекциялау немесе хлоропирамин гидрохлоридінің таблеткаларын пероральді түрде қабылдауға ауысу ұсынылады.

Емдеу ұзақтығын емдеуші дәрігер анықтайды.

Ересектер

Әдеттегі тәуліктік доза 1 - 2 мл құрайды.

Балалар

Ұсынылған бастапқы доза:

  • 1-ден 12 айға дейінгі балаларға: 1/4 ампуладан (0,25 мл);

  • 1-ден 6 жасқа дейінгі балаларға: 1/2 ампуладан (0,5 мл);

  • 6-дан 14 жасқа дейінгі балаларға: 1/2-1 ампуладан (0,5 мл - 1 мл).

Бұл жағдайда бұлшықет ішіне енгізуге арналған иненің ұзындығындай инсулиндік еккішті қолдану қажет.

Сәбиге арналған тәуліктік доза дене массасының 2 мг/кг аспау керек.

 

Ампуламен жұмыс істеу тәртібі.

  • Бір ампуланы блоктан бөліп алыңыз және оны мойнынан ұстап тұрып сілкіңіз (сур. 1).

  • Ампуланы қолмен қысып (бұл ретте препарат ақпауы тиіс) және айналдыра қозғалта басын бұрап, бөліп алу керек (2 сурет).

  • Пайда болған саңылауға дереу ампуласымен еккіш қосылады (3 сурет).

  • Ампуланы төңкеріп, оның ішіндегісін еккішке баяу тартып алады (4 сурет).

  • Инені еккішке кигізіңіз.

     

    1 сурет 2 сурет 3 сурет. 4 сурет

Жағымсыз әсерлері

Антигистин инъекцияға арналған ерітіндісін қолданғанда жағымсыз реакциялар туындауы мүмкін.

Жүйке жүйесі тарапынан: тыныштандыратын әсері, қажу, бас айналу, атаксия, тремор, ашушаңдық, діріл, құрысулар, бас ауыру, эйфория, энцефалопатия, айқын көрмеу.

Жүрек-қантамыр жүйесі тарапынан: артериялық гипотензия, тахикардия, аритмия.

Ас қорыту жүйесі тарапынан: асқазанның эпигастральді аймағының ауыруы және жайсыздық, ауыздың құрғауы, жүрек айнуы, құсу, диарея, іш қату, анорексия, тәбеттің артуы.

Тері және тері асты шел тіні тарапынан: фотосезімталдық.

Қан және лимфалық жүйе тарапынан: сирек – лейкопения, агранулоцитоз, гемолитикалық анемия, қанның басқа да патологиялық өзгерістері.

Басқа да жағымсыз реакциялар: дизурия, несептің іркілуі, миопатия, көзішілік қысымның жоғарылауы, глаукома, аллергиялық реакциялар.

Қолдануға болмайтын жағдайлар

  • препараттың құрамына кіретін кез-келген ингридиенттеріне жоғары сезімталдық

  • бронхтық демікпенің жедел ұстамасында

  • жедел миокард инфарктісі, аритмиялар

  • асқыну сатысындағы асқазанның ойық жара ауруы

  • қуық асты безі гипертрофиясы

  • жабықбұрышты глаукома

  • шала туылған және жаңа туылған балалар (1 айға дейін)

  • жүктілік және лактация кезеңі

Дәрілермен өзара әрекеттесуі

МАО тежегіштері хлоропираминнің антихолинергиялық әсерін ұзартады және күшейтеді. Хлоропираминді тыныштандыратын дәрілермен, транквилизаторлармен, тыныштандыратын анальгетиктермен, үшциклді антидепрессанттармен, атропинмен, мускаринергиялық парасимпатолитиктермен бір мезгілде тағайындаған кезде айрықша сақ болу керек. Өзара әсерін күшейтуі мүмкін.

Алкоголь хлоропираминнің орталық жүйке жүйесіне депрессиялық әсерін күшейтеді, сондықтан хлоропираминмен емдеу кезінде алкоголь ішімдіктерін қабылдаудан аулақ болған жөн.

Антигистаминдік препараттар аллергиялық тестілерге тері реакциясын бәсеңдетуі мүмкін, сондықтан Антигистин қабылдау теріге сынама жүргізгенге дейін бірнеше күн бұрын тоқтатылуы тиіс.

Айрықша нұсқаулар

Хлоропираминді егде жастағы емделушілер мен жүдеген науқастарға аса сақтықпен тағайындайды, өйткені олар антигистаминдердің белгілі бір жағымсыз әсерлеріне (бас айналу, ұйқышылдық, артериялық қысымның төмендеп кетуі) анағұрлым сезімтал.

Бауыр функциясы бұзылғанда дозаны төмендету қажет болуы мүмкін, өйткені бауыр ауруы кезінде әсер етуші заттардың метаболизмі азаяды.

Бүйрек функциясы бұзылғанда препарат дозасын төмендету қажет, өйткені әсер етуші зат негізінен бүйрекпен шығарылады.

Антихолинергиялық және тыныштандыратын әсердің болуына байланысты хлоропираминді қолданғанда аса сақ болған жөн.

Хлоропираминді отоуытты дәрілермен біріктіріп қолданғанда отоуыттылық симптомдарын бүркемелеуі мүмкін.

Алкоголь препараттың орталық жүйке жүйесігне тыныштандыратын әсерін күшейтеді.

Антигистаминдерді ұзақ қолдану сирек жағдайларда қан түзілу жүйесі тарапынан бұзылулар туғызуы мүмкін (лейкопения, агранулоцитоз, тромбоцитопения, гемолитикалық анемия). Препаратты ұзақ қолданғанда жағымсыз әсерлері туындаса (қызба, ларингит, ауыз қуысы шырышты қабығында ойық жараның пайда болуы, бозару, сарғаю, гематомалар, қан кету), емдеуді тоқтатып, қан көрсеткіштерін бақылау қажет.

Дәрілік заттың көлік құралын немесе қауіптілігі зор механизмдерді басқару қабілетіне әсер ету ерекшеліктері

Антигистин препаратымен емдеу аясында бас айналуы және ұйқышылдық болуына байланысты, зейін шоғырландыру қабілетін және психомоторлық реакциялар жылдамдығын төмендетуі мүмкін.

Артық дозалануы

Антигистаминдік препараттардың біле тұра немесе кездейсоқ артық дозалануы, әсіресе балаларда өлімге әкелуі мүмкін.

Симптомдары: елестеулер, мазасыздық, атаксия, қимыл үйлесімінің бұзылуы, атетоз, құрысулар. Балаларда қозғыштық басым болады. Одан басқа ауыздың құрғауы, көз қарашығының кеңеюі, бетке қан тебу, синустық тахикардия, несептің іркілуі, қызба байқалуы мүмкін. Ересектерде қызба мен қан тебулер әрдайым байқалмайды; қозу кезеңі құрысулар және постиктальді депрессиямен қатар жүруі мүмкін. Мұнымен қоса, кома және жүрек-өкпе коллапсы туындауы, ол 2-18 сағат ішінде емделушінің өліміне әкелуі мүмкін.

Емі: жүрек-өкпе функциясына мониторинг ұсынылады. Емі симптоматикалық. У қайтарғысы белгісіз.

Шығарылу түрі және қаптамасы

1 мл препараттан полиэтилен ампулада.

5 ампуладан медициналық қолдану жөніндегі мемлекеттік және орыс тілдеріндегі нұсқаулықпен бірге тұтынушы ыдысына арналған картоннан жасалған қорапшаға салынған.

Сақтау шарттары

Түпнұсқалық қаптамасында, 25 °С-ден аспайтын температурада сақтау керек.

Балалардың қолы жетпейтін жерде сақтау керек!

Сақтау мерзімі

2 жыл.

Ампуланы ашқаннан кейінгі жарамдылық мерзімі

Ампула ішіндегісінің пайдаланылмағанын жою керек, оны кейіннен қолдану үшін сақтауға болмайды.

Дәріханалардан босатылу шарттары

Рецепт арқылы

Өндіруші

«НИКО» ЖШҚ, Украина, 86123, Донецк обл., Макеевка қ., Таёжная к-сі, 1-1

Тіркеу куәлігінің иесі

«НИКО» ЖШҚ, Украина

Қазақстан Республикасы аумағында тұтынушылардан өнім (тауар) сапасына қатысты шағымдарды қабылдайтын ұйымның мекенжайы

«НИКО» ЖШҚ, Украина, 86123, Донецк обл., Макеевка қ., Таёжная к-сі, 1-1.

Тел/факс: +(062) 341 46 42, электронды поштасы: office@nikopharm.com.ua

 

 

Прикрепленные файлы

858959461477976397_ru.doc 171.5 кб
242648421477977595_kz.doc 172.5 кб

Отправить прикрепленные файлы на почту

Источники

Национальный центр экспертизы лекарственных средств, изделий медицинского назначения и медицинской техники