Ангисепт МТ®
Инструкция
-
русский
-
қазақша
Саудалық атауы
АНГИСЕПТ МТ®
Халықаралық патенттелмеген атауы
Жоқ
Дәрілік түрі
Соруға арналған таблеткалар
Құрамы
Бір таблетканың құрамында
белсенді заттар: 0,06 г прополис тұндырмасы,
0,005 г аскорбин қышқылы
0,003 г эвкалипт қою сығындысы
0,002 г бұрыш жалбызы қою сығындысы
қосымша заттар: қант, лимон қышқылы, кальций стеараты.
Сипаттамасы
Сызығы мен ойығы, аздап теңбілі бар ашық-сары түсті жалпақ цилиндрлі таблеткалар. Өзіне тән қышқылтым – тәтті дәмі бар.
Фармакотерапиялық тобы
Тамақ ауруларын емдеуге арналған препараттар. Антисептиктер.
АТЖ коды R02АА20
Фармакологиялық қасиеттері
Прополис құрамында флавоноидтер, флавондар, флавонолдар, даршын қышқылының туындылары болуы есебінен препарат бактерияға қарсы, қабынуға қарсы, ауыруды басатын, жарақатты жазатын әсерге ие. Аскорбин қышқылы. Тотығу-қалпына келу үдерістерін, көмірсу алмасуын, қан ұйығыштығын реттеуге қатысады, организмнің жұқпаға төзімділігін жоғарылатады. Фенилаланин, тирозин, фолий қышқылы метаболизміне, көмірсулардың ыдырауына, липидтер, ақуыздар, карнитин синтезіне, иммундық реакцияларға, серотониннің гидроксилденуіне қатысады. Аниагрегантты және антиоксидантты қасиетке ие. Көптеген биохимиялық реакцияларда сутегі иондарын тасымалдауды реттейді. Жасуша аралық заттың коллоидты жағдайын және қылтамырлардың қалыпты өткізгіштігін демейді.
Эвкалиптінің қою сығындысының құрамында эфир майы (цинеол), илегіш заттар, органикалық қышқылдар, ащы заттар, альдегидтер (изовалерианды, куминді, каприлді), флавоноидтар бар. Эвкалиптінің қою сығындысының антисептикалық, қабынуға қарсы, ауыруды басатын, жараларды жазатын әсерлері бар.
Бұрыш жалбызы қою сығындысының құрамында эфир майы (ментол), флавоноидтар, органикалық қышқылдар, С, РР, Е витаминдері, каротин бар. Бұрыш жалбызы сығындысы антисептикалық, ауыруды басатын, спазмолитикалық әсер береді.
Қолданылуы
-
жоғары тыныс алу жолдарының жедел және созылмалы жұқпаларында (ЖРА, бронхитте, баспада, гингивитте, стоматитте)
-
ауыз қуысының ойық жаралары мен жараларында
-
ауызда және тамақта жағымсыздықты сезінгенде (кеберсуде және жыбырлауда)
-
ауыздан жағымсыз иісті кетіруде
Қолдану тәсілі және дозалары
Таблетканы ауызда толық ерігенге дейін ұстау керек. 6 жастан асқан балаларға 1 таблеткадан күніне 3-4 рет. Ересектер мен 12 жастан асқан балаларға 2 таблеткадан күніне 3-4 рет. Емдеу курсы 5-7 күн.
Жағымсыз әсерлері
-
жүрек айнуы, құсу, тәбеттің төмендеуі
-
балдан жасалған өнімге аллергиялық реакциялар
Қолдануға болмайтын жағдайлар
-
препараттың құрамдас бөліктеріне жоғары сезімталдықта
-
қант диабетінде
-
6 жасқа дейінгі балаларға
Дәрілермен өзара әрекеттесуі
Анықталмаған.
Артық дозаланғанда
Белгілері: аздап жүрек айнуы.
Емі: препаратты қабылдауды тоқтату керек.
Шығарылу түрі және қаптамасы
Полимерлі жабындымен біріктірілген қағаздан жасалған пішінді ұяшықсыз қаптамада 10 таблеткадан. Пішінді қаптама мемлекеттік және орыс тілдерінде жазылған қолданылуы жөніндегі нұсқаулықпен бірге топтық ыдысқа салынған.
Сақтау шарттары
Құрғақ, жарықтан қорғалған жерде, 15 ºС-ден 25ºС-ге дейінгі температурада сақтау керек.
Балалардың қолы жетпейтін жерде сақтау керек!
Сақтау мерзімі
2 жыл
Жарамдылық мерзімі өткеннен кейін препаратты қолдануға болмайды.
Дәріханалардан босатылу шарттары
Рецептісіз
Өндіруші
“Д-ДӨ “ЖАНАФАРМ” ЖШС, Қазақстан, Алматы, Шухов к-сі 37-б
Тіркеу куәлігінің иесі
“Д-ДӨ “ЖАНАФАРМ” ЖШС, Қазақстан
Тұтынушылардан өнім сапасына қатысты шағымдарды қабылдайтын ұйымның мекенжайы:
Алматы қ., Шухов к-сі 37-б
тел 8 231-22-85
факс 8 727239-32-19
электронды поштасы Janafarm@ok.kz