Ангисартан™-50

• русский
• қазақша

• Скачать инструкцию медикамента

Саудалық атауы

АнгисартанТМ-25

АнгисартанТМ-50

Халықаралық патенттелмеген атауы

Лозартан

Дәрілік түрі

Үлбірлі қабықпен қапталған 25 мг және 50 мг таблеткалар

Құрамы

Бір таблетканың құрамында

белсенді зат –25 мг немесе 50 мг калий лозартаны,

қосымша заттар: микрокристалды целлюлоза, алдан ала желатинделген крахмал, натрий кроскармеллозасы, тазартылған тальк, коллоидты кремнийдің қостотығы (аэросил 200), магний стеараты

қабықтың құрамы: инстокоат ақ IC-S -223 (25 мг доза үшін) Инстокоат қызғылт IC-S- 6740 (50 мг доза үшін)

Сипаттамасы

Ақ түсті (25 мг доза үшін) немесе қызғылт түсті (50 мг доза үшін) үлбірлі қабықпен қапталған, екі жақ беті дөңес дөңгелек және жүрек пішінді таблеткалар.

Фармакотерапиялық тобы

Ренин-ангиотензин жүйесіне ықпал ететін препараттар. Ангиотензин ІІ антагонистері.

ATХ коды C09CA01

Фармакологиялық қасиеттері

Фармакокинетикасы

Ангисартантм ішке қабылданғаннан кейін жақсы сіңеді және алғашқы өту кезінде елеулі метаболизмге ұшырайды. Лозартанның жүйелік биожетімділігі шамамен 33% құрайды. Лозартанның ішу арқылы қабылданатын дозасының 14%-ға жуығы белсенді метаболитке айналады. Лозартан және оның белсенді метаболиті орташа ең жоғары концентрация шегіне, тиісінше, 1 сағаттан және 3-4 сағаттан кейін жетеді. Лозартанның және оның белсенді метаболитінің ең жоғары плазмалық концентрациялары шамамен бірдей болса да, метаболиттің AUC («концентрация –уақыт» қисығы астындағы аудан) мәні лозартанның AUC мәнінен 4 есе жоғары болады. Ас қабылдау лозартанның сіңуін баяулатады және препараттың Cmax (ең жоғары концентрациясын) төмендетеді, бірақ лозартанның AUC немесе оның метаболитінің AUC мәндеріне елеулі ықпалын тигізбейді.

Ангисартантм P450 цитохромы ферменттерінің қатысуымен алғаш өту кезінде елеулі метаболизмге ұшырайтын белсенді ішу арқылы қабылданған дәрі болып табылады. Ішінара препарат лозартанмен емдегенде ангиотензин ІІ рецепторларының бөгелуіне үлкен дәрежеде жауапты болатын карбоксил қышқылының белсенді метаболитіне айналады. Лозартанның ақырғы сатыда жартылай шығарылу кезеңі 2 сағатқа жуықты, ал метаболиттікі 6 - 9 сағатқа жуықты құрайды. Лозартанның және оның белсенді метаболитінің фармакокинетикасы лозартанды 200 мг-ға дейінгі дозаларда ішу арқылы қабылдағанда дозаға байланысты болып табылады және уақытқа байланысты өзгермейді. Тәулігіне бір рет дозалау режимінде қайталанатын дозаларды тағайындағанда лозартан да, оның метаболиті де плазмаға жиналмайды. Бұған қосымша, карбоксил қышқылының белсенді метаболитінен басқа, бірнеше белсенді емес метаболиттер түзеді.

Лозартан да, сонымен қатар оның белсенді метаболиті де плазма ақуыздарымен, негізінен альбуминдермен елеулі дәрежеде байланысады, бос плазмалық фракция, тиісінше, 1.3% және 0.2% құрайды. Тиісті дозаларда тағайындаған кезде қол жететін концентрацияларда плазма ақуыздарымен байланысуы тұрақты. Лозартанның метаболиттері адам плазмасынан және несебінен табылды. Лозартанның және оның белсенді метаболитінің таралу көлемі, тиісінше, шамамен 34 л және 12 л құрайды.

Лозартанның және оның белсенді метаболитінің жалпы плазмалық клиренсі, тиісінше, минутына шамамен 600 мл-ді және 50мл-ді құрайды, бүйректік клиренсі, тиісінше, минутына шамамен 75 мл және 25 мл құрайды. Лозартанды ішу арқылы қабылдағаннан кейін дозаның 40%-ға жуығы несеппен бірге және 60%-ға жуығы нәжіспен бірге өзгермеген күйінде немесе белсенді метаболит түрінде шығарылады. Лозартан және оның метаболиттері ішінара өтпен бірге шығарылады.

Егде жастағы емделушілердегі фармакокинетикасы: лозартанның фармакокинетикасы екі жыныстылардағы егде емделушілерде (65-75 жас) зерттелді. Лозартанның және оның белсенді метаболитінің плазмалық концентрациялары артериялық гипертензиясы бар жас емделушілерде және егде жастағы емделушілерде бірдей.

Фармакодинамикасы

Ангисартантм гипотензивті препарат, ІІ ангиотензин рецепторларының пептидтік емес бөгегіші болып табылады. АТ1 типті рецепторларға селективтілігі және аффинитеттілігі жоғары. Аталған рецепторларды бөгей отырып, Ангисартантм ангиотензин ІІ қантамырларды тарылтатын әсерін, оның бүйрек үсті бездерімен альдостерон секрециясын стимуляциялау ықпалын және ангиотензин ІІ кейбір басқа да әсерлерін болдырмайды және жояды. Брадикининді бұзатын II-фермент киназасын төмендетпейді. Жалпы шеткергі қантамырлар қарсыласуын (ЖШҚҚ), қандағы адреналин мен альдостерон концентрациясын, артериялық қысымды (АҚ), қан айналымның кіші шеңберіндегі қысымды төмендетеді; кейінгі жүктемені азайтады, диуретикалық әсер береді. Миокард гипертрофиясына кедергі жасайды, жүрек қызметінің жеткіліксіздігі бар емделушілерде дене жүктемесіне төзімділікті арттырады.

Бір реттік қабылдаудан кейін гипотензивтк әсерге (систолалық және диастолалық АҚ азаяды) ең көп дегенде 6 сағаттан соң жетеді, содан кейін 24 сағат ішінде біртіндеп төмендейді.

Ең жоғары гипотензивтік әсерге препаратты қабылдауды бастағаннан кейін 3-6 аптадан соң жетеді.

Фармакологиялық деректер бауыр циррозы бар науқастардың қан плазмасында Ангисартантм концентрациясының артатындығын көрсетеді, сондықтан сыртартқысында бауыр аурулары бар емделушілерге өте төмен дозада қолданған жөн.

Қолданылуы

- артериялық гипертензияны емдеуде

- гипертензиясы және сол жақ қарынша гипертрофиясымен емделушілерде инсульттің қаупін төмендету үшін

- 2 типті қант диабетімен, асқынған диабеттік нефропатиямен емделушілерде креатинин және протеинурия деңгейлері жоғарылағанда (несеп альбумині мен креатининнің арақатынасы ≥ 300 мг/г) артериялық гипертензияны емдеу үшін

Қолдану тәсілі және дозалары

Таблетканы стакан сумен ішу арқылы қабылдайды. Препаратты ас қабылдауға қарамай-ақ қолдануға болады.

Артериялық гипертензия

Көптеген емделушілер үшін әдеттегі бастапқы және демеуші доза тәулігіне бір рет 50 мг құрайды. Гипертензияға қарсы ең жоғары әсерге емдеуді бастағаннан кейін 3 – 6 аптадан соң жетеді. Кейбір емделушілерде препарат дозасының тәулігіне (таңертең) 100 мг-ға дейін жоғарылауы өте тиімді болуы мүмкін.

Ангисартандытм гипертензияға қарсы басқа да препараттармен, әсіресе диуретиктермен (мысалы, гидрохлоротиазидпен) біріктіріп қоолдануға болады.

Гипертензиясы және ІІ типті қант диабеті бар емделушілер (протеинурия тәулігіне ≥ 0,5 г)

Әдеттегі бастапқы дозасы тәулігіне бір рет 50 мг құрайды. Дозаны емдеуді бастағаннан кейін бір айдан соң артериялық қысымның көрсеткіштеріне қарай, тәулігіне бір рет 100 мг-ға дейін арттыруға болады. Ангисартандытм гипертензияға қарсы басқа да препараттармен (диуретиктермен, кальций өзекшелерінің бөгегіштерімен, альфа- немесе бета-рецептор бөгегіштерімен, орталық әсері бар препараттармен), сондай-ақ инсулинмен және кеңінен қолданылатын басқа да гипогликемиялық препараттармен (сульфонилмочевина, глитазондар және глюкозидаза тежегіштері) бірге қолдануға болады.

Жүрек қызметінің жеткіліксіздігі

Жүрек қызметіінң жеткіліксіздігі бар емделушілер үшін Ангисартанныңтм әдеттегі бастапқы дозасы тәулігіне бір рет 12,5 мг құрайды. Дозаны әдетте апталық аралықпен (мысалы, тәулігіне 12,5 мг, тәулігіне 25 мг, тәулігіне 50 мг, тәулігіне 100 мг және тәулігіне бір рет ең жоғары 150 мг дозаға дейін), жекелей жағымдылығына байланысты, титрлеген жөн.

ЭКГ-мен айғақталған гипертензиясы және сол жақ қарынша гипертрофиясымен емделушілерде инсульттің даму қаупін төмендету

Әдеттегі бастапқы дозасы тәулігіне бір рет 50 мг Ангисартандытм құрайды. Артериялық қысым деңгейінің төмендеуіне байланысты емдеуге төмен дозалы гидрохлортиазидті қосқан және/немесе Ангисартантм дозасын тәулігіне бір рет 100 мг-ға дейін арттырған жөн.

Емделушілердің жекелеген топтары

Айналымдағы қан көлемі төмендеген емделушілерге қолданылуы

Айналымдағы қан көлемі төмендеген (диуретиктердің жоғары дозаларымен емдеу нәтижесінде) емделушілерді емдеу үшін препаратты тәулігіне бір рет бастапқы 25 мг дозада қолдану жөніндегі мәселені қарастырған жөн.

Бүйрек қызметі бұзылған емделушілерге және гемодиализ жүргізіліп жатқан емделушілерге қолданылуы

Бүрек қызметі бұзылған емделушілер үшін, сондай-ақ гемодилиз жүргізіліп жатқан емделушілер үшін бастапқы дозаны түзетудің қажеті жоқ.

Бауыр қызметі бұзылған емделушілерге қолданылуы

Сыртартқысында бауыр қызметі бұзылғаны көрсетілген емделушілер үшін препаратты өте төмен дозаларда тағайындау жөніндегі мәселені қарастырған жөн. Бауыр қызметінің бұзылуы ауыр емделушілерді емдеу тәжірибесі жоқ, сондықтан Ангисартандытм емделушілердің осы тобына қолдануға болмайды.

Егде жастағы емделушілерге қолданылуы

Әдеттегідей, 75 жастан асқан емделушілер үшін препаратты бастапқы 25 мг дозада тағайындау мүмкін екендігін ескерілсе де, егде жастағы емделушілер үшін бастапқы дозаны түзетудің қажеті жоқ.

Жағымсыз әсерлері

Жиі

- бас айналу, вертиго

- гиперкалиемия, аланинаминотрансфераза (АЛТ) белсенділігінің жоғарылауы

- анемия

- бүйрек қызметінің бұзылуы, бүйрек қызметінің жеткіліксіздігі

- гипотензия, ортостатикалық гипотензияны қоса есептегенде

- қанда мочевина деңгейінің, қан сарысуында креатининнің және қан сарысуында калийдің жоғарылауы

- гипогликемия

Жиі емес

- бас ауыру

- ұйқышылдық, ұйқының бұзылуы

- пальпитация, стенокардия, тахикардия

- симптоматикалық гипотензия, дозаға байланысты ортостатикалық әсер, бөртпе

- абдоминальді ауыру, ұдайы іш қату, диарея, диспепсия, жүректің айнуы, құсу

- астения, әлсіздік, ісіну/ісінушілік, кеуде шаршысының ауыруы

- арқаның ауыруы, бұлшықет спазмдары

- жөтел, мұрынның бітелуі, фарингит, қуыстарының ауыруы, жоғарғы тыныс алу жолдарының жұқпалары

- диспноэ

- есекжем, қышыну

Сирек

- парестезия

- синкопе, жүрекшелердің фибрилляциясы, инсульт

Постмаркетингтік бақылаулар

Белгісіз

- тромбоцитопения

- құлақтың шуылы

-анафилактикалық реакциялар, көмейді және жұтқыншақты қамтып, тыныс алу жолдарының обструциясын туындататын ангионевротикалық ісіну, және/немесе беттің, еріннің, жұтқыншақтың және/немесе тілдің ісінуі. Осы емделушілердің кейбіреулерінің сыртартқыларында АӨФ тежегіштерін қабылдаған кезде ангионевротикалық ісінуге көріністер болды

- Шенлейн-Генох пурпурасын қоса, васкулит

- дімкәстік

- бауыр қызметінің бұзылуы

- фотосезімталдық, эритродермия.

- миалгия, артралгия, рабдомиолиз

- эректильді қызметтің бұзылуы, импотенция

- депрессия

- гипонатриемия

Сирек

- гепатиттер

Қолдануға болмайтын жағдайлар

- препараттың кез келген компонентіне жоғары сезімталдық

- жүктілік және лактация кезеңі

- 18 жасқа дейінгі балалар

Дәрілермен өзара әрекеттесуі

Басқа да гипотензивтік препараттар лозартанның гипотензивтік әсерін күшейтуі мүмкін. Жағымсыз реакциялар ретінде артериялық гипотензияның пайда болуын индукциялауы мүмкін басқа да препараттармен (трициклдік антидепрессанттар, антипсихотикалық дәрілер, баклофен және амифостин) бір мезгілде қолдану гипотензияның пайда брлу қаупін арттыруы мүмкін.

Лозартан көбіне Р450 (CYP) 2С9 цитохромы жүйесінің қатысуымен белсенді карбоксиқышқыл метаболитке дейін метаболизденеді. Клиникалық зерттеулерде флуконазолдың (CYP2С9 тежегіші) белсенді метаболиттің экспозициясын шамамен 50%-ға төмендететіні анықталды. Лозартанмен және рифампицинмен (метаболиз ферментінің индукторы) бір мезгілде қолдану қан плазмасында белсенді метаболит концентрациясының 40%-ға төмендеуіне әкелетіні анықталды. Осы әсердің клиникалық маңызы белгісіз. Лозартанды және флувастатинді (CYP2С9 әлсіз тежегішін) бір мезгілде қолданған кездегі экспозициясында айырмашылық жоқ.

Ангиотензин ІІ немесе оның әсерлерін бөгейтін басқа да препараттарды қолданған кездегідей, организмде калийді іркіп қалатын препараттармен (мысалы, калийді сақтайтын диуретиктерді: спиронолактон, триамтерен, амилорид), калийдің деңгейін арттыруы мүмкін препараттарды (мысалы, гепарин), сондай-ақ калий үстемелері немесе тұздың орнын алмастыратын препараттарды қатарластыра қолдану қан сарысуында калий мөлшерінің артуына әкеп соғуы мүмкін. Осындай дәрілерді бір мезгілде қолдануға болмайды.

Литийді АӨФ тежегіштерімен бір мезгілде қолданғанда қан сарысуында литий концентрациясының қайтымды жоғарылауы жөнінде, сондай-ақ оның уыттылығы жөнінде мәлімделді. Сонымен қатар ангиотензин ІІ рецепторлары антагонистерін қолданған кездегі жағдайлар өте сирек мәлімделді. Литиймен және лозартанмен бір мезгілде емдеуді абайлап жүргізген жөн. Егер осындай біріктіруді қолдану қажет деп есептелсе, бір мезгілде қолдану барысында қан сарысуындағы литий деңгейін тексеріп отыру керек.

Ангиотензин ІІ антагонистерін және қабынуға қарсы стероидты емес препараттарды (мысалы, селективті циклооксигеназа-2 тежегіштерін (ЦОГ-2), ацетилсалицил қышқылын қабынуға қарсы әсер ететін дозаларда, селективті емес ҚҚСП) бір мезгілде қолдану гипертензияға қарсы әсерді бәсеңдетуі мүмкін. Ангиотензин ІІ немесе диуретиктерді ҚҚСП бір мезгілде қолдану бүйрек қызметінің нашарлау қаупінің, бүйрек қызметінің жедел жеткіліксіздігінің пайда болу мүмкін екендігін қоса есептегенде, жоғарылауына, сондай-ақ, әсіресе егде жастағы емделушілерде қан сарысуында калий деңгейінің артуына әкелуі мүмкін. Мұндай біріктіруді әсіресе егде жастағы емделушілерге абайлап тағайындаған жөн. Емделушілерге тиісті гидратация жүргізген жөн, сондай-ақ тиісті емді бастағаннан кейін, әрі қарай мезгіл-мезгіл бүйрек қызметін бақылауға қатысты мәселені қарастырған жөн.

Әдебиеттерде анықталған атеросклероздық ауруы, жүрек қызметінің жеткіліксіздігі немесе нысана ағзалардың зақымдануымен диабеті, ренин-ангиотензин-альдостерон жүйесінің қосарланып бөгелуі, артериялық гипотензиясы, естен тану, гиперкалиемия және бүйрек қызметінің бұзылулары (бүйрек қызметінің жедел жеткіліксіздігін қоса есептегенде) бар емделушілерде пайда болу жиілігінің, ренин-ангиотензин-альдостерон жүйесіне ықпалын тигізетін бір препаратты қолданумен салыстырғанда, жоғары болуымен астасатыны айтылған. Қосарлап бөгеуді (мысалы, АӨФ тежегішін ангиотензин ІІ рецепторларының антагонистерімен бірге тағайындау) бүйрек қызметін ұдайы бақылай отырып, белгілі бір жекелеген жағдайларда ғана жүргізген жөн.

Айрықша нұсқаулар

Ангионевротикалық ісіну. Сыртартқысында ангионевротикалық ісінуі (беттің, еріннің, тамақтың және/немесе тілдің ісінуі) бар емделушілердің жағдайын жиі бақылап отырған жөн.

Артериялық гипотензия және су-электролиттік теңгерімнің бұзылуы

Симптоматикалық артериялық гипотензия, әсіресе препараттың алғашқы дозасын қолданғаннан кейін немесе дозаны арттырғаннан кейін, күшті диуретиктерді қолданудан, тұзды пайдалануды диеталық шектеуден, диареядан немесе құсудан натрий тапшы болатын және/немесе көктамырішілік көлемі төмендеген емделушілерде пайда болуы мүмкін. Емдеуді бастар алдында осындай жағдайларды түзеткен немесе препаратты өте төмен бастапқы дозада қолданған жөн.

Электролиттік теңгерімнің бұзылуы

Электролиттік тепе-теңдіктің бұзылуы бүйрек қызметі бұзылған (қант диабеті бар немесе онсыз) емделушілерде жиі байқалады, бұған көңіл бөлген жөн. ІІ типті қант диабетінің және нефропатиясы бар емделушілердің қатысуымен жүргізілген клиникалық зерттеулерде гиперкалиемияның пайда болу жиілігі, плацебоны қолданған топқа қарағанда, лозартанды қолданған топта жоғары болды. Сондықтан, әсіресе жүрек қызметінің жеткіліксіздігі бар және креатинин клиренсі минутына 30 – 50 мл болатын емделушілерде қан плазмасындағы калий концентрациясын және креатинин клиренсінің көрсеткіштерін жиі тексеріп отырған жөн.

Ангисартантм препараты мен калий сақтайтын диуретиктерді, калий қоспаларын және құрамында калий бар тұз алмастырғыштарды бір мезгілде қолдануға болмайды.

Бауыр қызметінің бұзылуы

Бауыр циррозы бар емделушілердің қан плазмасындағы лозартан концентрациясының едәуір жоғарылағанын көрсететін фармакокинетикасы жөніндегі деректерді ескере отырып, сыртартқысында бауыр қызметінің бұзылулары бар емделушілерде препараттың дозасын төмендету мәселесін қарастырған жөн. Лозартанды бауыр қызметінің бұзылуы ауыр болатын емделушілерге қолдану тәжірибсі жоқ. Сондықтан лозартанды бауыр қызметінің бұзылуы ауыр болатын емделушілерге қолданбаған жөн.

Бүйрек қызметінің бұзылуы

Ренин-ангиотензинді жүйенің басылуымен байланысты бүйрек қызметінің жеткіліксіздігін қоса есептегенде, бүйрек қызметінің өзгергені жөнінде мәлімделді (әсіресе бүйрек қызметі ренин-ангиотензин-альдостерон жүйесіне байланысты болатын емделушілерде, яғни жүрек қызметінің ауыр бұзылулары немесе бүйрек қызметінің бұрыннан бұзылуы бар емделушілерде). Ренин-ангиотензин-альдостерон жүйесіне ықпалын тигізетін басқа да препараттарды қолданған бүйрек артерияларының екі жақты тарылуы бар немесе жалғыз ғана бүйрегі барларда бүйрек артериялары тарылған емделушілерде қандағы мочевина деңгейінің және қан сарысуында креатининнің жоғарылағаны жөнінде мәлімделді. Бүйректегі бұл өзгерулер емдеуді тоқтатқаннан кейін қайтымды болуы мүмкін. Лозартанды бүйрек артерияларының екі жақты тарылуы бар немесе жалғыз бүйрегінде бүйрек артериялары тарылған емделушілерге сақтықпен қолданған жөн.

Лозартанмен емдеу барысында бүйрек қызметін жүйелі тексеріп отырған жөн, өйткені ол нашарлап кетуі мүмкін. Бұл әсіресе лозартанды бүйрек қызметінің ықпалын тигізетін басқа да патологиялық жағдайлар (қызба, дегидратация) болған кезде қолдануға қатысты.

Лозартан мен АӨФ тежегіштерін бір мезгілде қолдану бүйрек қызметін нашарлатады, сондықтан мұндай біріктіруді қолдануға болмайды.

Бүйректерді ауыстырып салу

Жақын арада бүйректері ауыстырып салынған емделушілерге препаратты қолдану тәжірибесі жоқ.

Алғашқы гиперальдостеронизм

Алғашқы гиперальдостеронизмі бар емделушілерде, әдеттегідей, ренин-ангиотензин жүйесін тежеу арқылы әсер ететін, гипертензияға қарсы препараттар тиімді емес. Сондықтан лозартанды қолдануға болмайды.

Коронарлы артериялар аурулары және цереброваскулярлы аурулар.

Гипертензияға қарсы басқа да препараттарды қолданған кездегідей, ишемиялық жүрек-қантамыр аурулары және цереброваскулярлы аурулары бар емделушілерде миокард инфарктісінің немесе инсульттің пайда болуына әкеп соғуы ммүкін.

Жүрек қызметінің жеткіліксіздігі

Ренин-ангиотензин жүйесіне ықпалын тигізетін басқа да препараттарды қолданған кездегідей, бүйрек қызметі бұзылған/онсыз жүрек қызметінің жеткіліксіздігі бар емделушілерде ауыр артериялық гипертензияның пайда болуы және (көбіне жедел) бүйрек қызметінің бұзылу қаупі бар.

Лозартанды жүрек қызметінің жеткіліксіздігі бар және бүйрек қызметінің ауыр бұзылулары қатарласа жүретін емделушілерде, жүрек қызметінің ауыр жеткіліксіздігі бар (NYHA бойынша ІV класс) емделушілерде, сондай-ақ жүрек қызметінің жеткіліксіздігі және өмір үшін қауіпті жүректің симптоматикалық аритмиясы бар емделушілерде қолданудың жеткілікті емдеу тәжірибесі жоқ. Сондықтан лозартанды емделушілердің осы тобына сақтықпен қолданған жөн. Лозартан мен бета-бөгегіштерді бір мезгілде қолданғанда сақ болған жөн.

Қолқа және митральді қақпақшалардың тарылуы, обструктивті гипертрофиялық кардиомиопатия.

Басқа да вазодилататорларды қолданған кездегідей, препаратты қолқа және митральді қақпақшалары тарылған немесе обструктивті гипертрофиялық кардиомиопатиясы бар емделушілерге сақтықпен тағайындайды.

Қосымша заттар

Препараттың құрамына лактоза кіреді. Галактозаның жақпаушылығы, Лаппа лактаза тапшылығы және глюкоза-галактоза мальабсорбциясы сияқты тұқым қуалаған сирек аурулары бар емделушілерге осы препаратты қолданбаған жөн.

Басқа да сақтандырулар және ескертулер

Ангиотензинді өзгертуші фермент тежегіштеріне қатысты белгілі болғандай, лозартан және басқа да ангиотензин антагонистері қара нәсілді емделушілерде, басқа емделушілерге қарағанда тиімділігі аз болады, бұл қара нәсіл өкілдері болып табылатын, гипертензиясы бар емделушілерде белсенділігі төмен рениннің үлкен жиілікте кездесуіне байланысты болуы мүмкін.

Дәрілік заттың көлікті немесе қауіпті механизмдерді басқару қабілетіне ықпал ету ерекшелктері

Бас айналу және ұйқышылдық сияқты жағымсыз реакциялары әсіресе емнің басында және препарат дозасын арттырған кезде пайда болуы мүмкін екендігін есте ұстаған жөн.

Артық дозалануы

Симптомдары – артық дозаланудың өте көбірек мүмкін болатын біліністері гипотензия және тахикардия болуы мүмкін; парасимпатикалық (вагустық) стимуляция нәтижесінде брадикардия болуы мүмкін.

Емі - симптоматикалық.

Шығарылу түрі және қаптамасы

ПВХ үлбірден және алюминий фольгадан жасалған пішінді ұяшықты қаптамаға 14 таблеткадан қапталған.

Пішінді 1 қаптама медицинада қолданылуы жөнінде мемлекеттік және орыс тілдеріндегі нұсқаулықпен бірге картон пәшкеге салынған.

Сақтау шарттары

Құрғақ, жарықтан қорғалған жерде, 250С-ден аспайтын тмпературада сақтау керек.

Балалардың қолы жетпейтін жерде сақтау керек!

Сақтау мерзімі

3 жыл

Жарамдылық мерзімі өткеннен кейін қолдануға болмайды.

Дәріханадан босатылу шарттары

Рецепт арқылы

Өндіруші

Плетхико Фармасьютикалз Лтд, Үндістан

Тұрғылықты мекенжайы:

A.Б. Роуд, Манглия - 453 771, Индор (М.П.), Үндістан

Заңды мекенжайы:

37/37А, Индастриал Истейт, Полограунд, Индор (М.П.), 452 015, Үндістан

Тіркеу куәлігінің иесі

Плетхико Фармасьютикалз Лтд, Үндістан

Тұрғылықты мекенжайы:

Дхаравара, Калария – 453 001, Индор, Үндістан

Заңды мекенжайы:

37/37А, Индастриал Истейт, Полограунд, Индор (М.П.), 452 015, Үндістан

Тұтынушылардан өнім (тауар) сапасы жөнінде шағымдарды Қазақстан Республикасы аумағында қабылдайтын ұйымның мекенжайы

100009 Қарағанды қ-сы, Ермеков к-сі, 110/2

Тел.: /7212/ 48 16 44, 43 15 34, 43-15-63,48-17-67; тел./факс: /7212/ 48 17 44;

e-mail: rezlov_ltd@mail.ru, rezlov-ltd@rambler.ru

Сарапшы: Г. Несіпбаева

Аударған: Ұ.Тлегенова (08.11.12ж)