Ангиорус

АНГИОРУС

Жоқ

Дәрілік түрі, дозасы

Үлбірлі қабықпен қапталған таблеткалар, 50 мг + 450 мг

Жүрек-қантамыр жүйесі. Вазопротекторлар. Капиллярларды тұрақтандыратын дәрілер. Биофлавоноидтар. Диосмин, біріктірілімдер.

АТХ коды С05СА53

Препарат ересектерде қолдануға арналған.

Аяқтағы веналардың созылмалы жеткіліксіздігінің функционалдық немесе органикалық симптомдары мен белгілерін емдеу үшін:

- ауырлық сезімінде

- ауыруда

- түнгі құрысуларда

- ісінулерде

- трофикалық өзгерістер, соның ішінде, сирақтың ойық жарасында

Өршу кезеңіндегі геморрой ауруын емдеу, геморрой ауруының субъективтік симптомдары мен функционалдық объективтік көріністерінің базалық емі үшін

Қолдануды бастағанға дейін қажетті мәліметтер тізбесі

- препараттың құрамындағы белсенді компоненттерге немесе қосымша заттарға жоғары сезімталдық

- лактация кезеңі

- галактозаның тұқым қуалайтын көтере алмаушылығы, Lapp (ЛАПП)-лактаза ферментінің тапшылығы, глюкоза-галактоза мальабсорбциясы бар адамдарға

Қолдану кезіндегі қажетті сақтандыру шаралары

АНГИОРУС препаратын қабылдауды бастар алдында пациентке дәрігермен кеңесу ұсынылады.

Геморрой өршуі кезінде, АНГИОРУС препаратын тағайындау тік ішектің басқа ауруларының арнайы емін алмастыра алмайды. Емдеу ұзақтығы «Қолдану тәсілі және дозалары» бөлімінде көрсетілген мерзімдерден аспауы тиіс. Егер ұсынылған емдеу курсынан кейін симптомдары жойылмаса, пациент, қажет болған жағдайда ары қарай тексерілу және емін түзетуі үшін проктологқа жүгінгені дұрыс.

Веналық қан айналымының бұзылуы болған кезде емдеудің ең жоғары әсері салауатты (теңдестірілген) өмір салтымен емнің үйлесуін қамтамасыз етеді: күнге ұзақ болудан, аяққа ұзақ уақыт күш түсіруден аулақ болған жөн, сондай-ақ артық дене салмағын төмендету ұсынылады. Жаяу серуендеу және кейбір жағдайларда, қан айналымын жақсартуға ықпал ететін арнайы шұлықтарды кию.

Егер АНГИОРУС препаратымен емдеу үдерісінде жай-күйі нашарласа немесе жақсаруы басталмаса, пациент дереу дәрігерге жүгінуі керек.

Басқа дәрілік препараттармен өзара әрекеттесулері

Басқа дәрілік заттармен өзара әрекеттесуі туралы деректер жоқ.

Арнайы сақтандырулар

Препараттың құрамында лактоза моногидраты бар, соған байланысты, АНГИОРУС препаратын тұқым қуалайтын галактоза жақпаушылығы, Lapp (ЛАПП)-лактаза ферментінің тапшылығы, глюкоза-галактоза мальабсорбциясы бар адамдарға қолдануға болмайды

Педиатрияда қолдану

АНГИОРУС препараттың балалардағы қауіпсіздігі мен тиімділігі анықталмаған.

Жүктілік немесе лактация кезінде

Осы уақытқа дейін препаратты жүкті әйелдерде қолданғанда жағымсыз әсерлері туралы хабарламалар болған жоқ.

Препараттың емшек сүтіне шығарылуы туралы мәліметтер болмағандықтан, бала емізу кезеңінде АНГИОРУС препаратын қабылдау ұсынылмайды.

Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері

АНГИОРУС препараты көлік құралдарын басқару және механизмдермен жұмыс істеу қабілетіне әсер етпейді.

Қолдану жөніндегі нұсқаулар

Дозалау режимі

Аяқ веналарының созылмалы жеткіліксіздігі кезінде

Әдеттегі дозасы: тәулігіне 2 таблетка, оны бір немесе екі қабылдауға бөліп, яғни, тәулігіне екі рет 1 таблеткадан, не болмаса тәулігіне бір рет 2 таблеткадан қабылдайды.

Геморрой ауруы

- геморройдың өршуі кезінде: 4 күн бойы тәулігіне 6 таблеткадан, содан соң келесі 3 күн бойына тәулігіне 4 таблеткадан.

- созылмалы геморрой кезінде: тәулігіне 2 таблеткадан.

Пациенттердің ерекше топтары

Балалар

Балаларда қолданылуы жөнінде деректер жоқ.

Енгізу әдісі және жолы

Ішке қабылдауға арналған

Таблеткаларды тұтастай, ас ішу кезінде қабылдау және сұйықтықпен ішіп жіберу керек.

Артық дозалану жағдайында қабылдау қажет болатын шаралар

Симптомдары

Жануарларға жүргізілген зерттеулер барысында препараттың уыттылығы төмен екендігі көрсетілгендіктен, уыттану ықтималдығы өте аз. Тек асқазан-ішек жолы тарапынан жеңіл формадағы, диспепсия түріндегі бұзылулар ғана байқалды.

Емі

Симптоматикалық ем жүргізу керек.

Дәрілік препаратты қолдану тәсілін түсіндіру үшін медицина қызметкерінен кеңес алуға жүгіну бойынша ұсынымдар

Дәрілік препаратты қолданар алдында дәрігерге немесе фармацевтке жүгініңіз

Дәрілік препарат стандартты қолдану кезінде көрініс беретін жағымсыз реакциялар сипаттамасы және осы жағдайда қабылдау керек шаралар

Жиі

- диарея

- диспепсия

- жүрек айнуы

- құсу

Жиі емес

- колит

Сирек

- бас айналуы

- бас ауыруы

- мазасыздық сезімі

- тері бөртпесі

- тері қышынуы

- есекжем

Жиілігі белгісіз

- ангионевроздық ісіну

- іш ауыруы

- беттің, еріннің, қабақтың оқшау ісінулері.

Жағымсыз дәрілік реакциялар туындаған жағдайда медицина қызметкеріне, фармацевтика қызметкеріне немесе тікелей, дәрілік препараттардың тиімсіздігі туралы хабарламаларды қоса, дәрілік препараттарға жағымсыз реакциялар (әсерлер) жөніндегі ақпараттық мәліметтер базасына хабарласу керек

Қазақстан Республикасы Денсаулық сақтау министрлігі Медициналық және фармацевтикалық комитеті «Дәрілік заттарды, медициналық бұйымдарды сараптау Ұлттық орталығы” ШЖҚ РМК

www.ndda.kz

Қосымша мәліметтер

Дәрілік препараттың құрамы

Бір таблетканың құрамында

белсенді заттар: геспередин, 50 мг, диосмин, 450 мг

қосымша заттар – ядро құрамы: гипромеллоза, лактоза моногидраты, тальк, коллоидты кремнийдің қостотығы, магний стеараты, натрий карбоксиметилкрахмалы, микрокристалды целлюлоза М 102.

Қабықтың құрамы - Опадрай II сары, оның құрамында: макрогол-4000, титанның қостотығы Е 171, тальк, поливинил спирті, бояғышы темірдің сары тотығы Е 172.

Сыртқы түрінің, иісінің, дәмінің сипаттамасы

Сары қоңыр түсті үлбірлі қабықпен қапталған сопақша пішінді екі беті дөңес таблеткалар. Таблетканың сынған жеріндегі түрі – ашық сарыдан сұрғыш сары түске дейін.

Шығарылу түрі және қаптамасы

Поливинилхлорид үлбірден және баспалы лакталған алюминий фольгадан жасалған пішінді ұяшықты қаптамада 10 таблеткадан.

Пішінді ұяшықты 3, 6 қаптама медициналық қолдану жөніндегі қазақ және орыс тілдеріндегі нұсқаулықпен картон қорапшаға салынған.

2 жыл

Жарамдылық мерзімі өткеннен кейін қолдануға болмайды!

Жарықтан қорғалған жерде, 30 ºС -ден аспайтын температурада сақтау керек.

Балалардың қолы жетпейтін жерде сақтау керек!

Рецептісіз

Өндіруші туралы мәліметтер

«Синтез» ААҚ. Ресей, 640008,

Қорған обл., Қорған қ.,

Конституция даңғылы, 7 үй

Тел./факс (3522) 48-16-89

E-mail: contact@ksintez.ru

www.ksintez.ru

Тіркеу куәлігінің ұстаушысы

«Синтез» ААҚ. Ресей, 640008,

Қорған обл., Қорған қ.,

Конституция даңғылы, 7 үй

Тел./факс (3522) 48-16-89

E-mail: contact@ksintez.ru

www.ksintez.ru

Қазақстан Республикасы аумағында тұтынушылардан дәрілік заттардың сапасына қатысты шағымдарды (ұсыныстарды) қабылдайтын және дәрілік заттардың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон, факс, электронды пошта)

«Deсalog» ЖШС,

050050, Қазақстан Республикасы,

Алматы қ., Глазунов к-сі, 41 А-4

тел.: +7(727) 2944221,

тел.: +7 (701) 7315218

E-mail: deсalog@nur.kz