Анальгин (50%)

• русский
• қазақша

• Скачать инструкцию медикамента

Саудалық атауы

Анальгин

Халықаралық патенттелмеген атауы

Натрий метамизолы

Дәрінің түрі

Инъекцияға арналған 50% 2 мл ерітінді

Құрамы

2 мл ерітіндінің құрамында

белсенді зат - 1000.0 мг натрий метамизолы,

қосымша зат - инъекцияға арналған су.

Сипаттамасы

Түссізден сарғыштау түске дейінгі мөлдір ерітінді.

Фармакотерапиялық тобы

Жүйке жүйесі ауруларын емдеуге арналған препараттар. Басқа да анальгетиктер – антипиретиктер. Пиразолондар

АТХ коды N02BB02

Фармакологиялық қасиеттері

Фармакокинетикасы

Бұлшықет ішіне енгізгеннен кейін натрий метамизолы 4-формил-амино-антипирин метаболитін және басқа метаболиттер түзе отырып, ағзалар мен тіндерде жылдам таралады.

Көктамыр ішіне енгізгеннен кейін өзгермейтін натрий метамизолы қанда елеусіз мөлшерде анықталады. Қанда плазма ақуыздарымен 50-60% қайтымды байланысады.

Енгізілген дозаның көбірек бөлігі метаболит түрінде несеппен шығарылады. Метаболиттер емшек сүтімен бөлінеді.

Фармакодинамикасы

Анальгин – ауыруды басатын есірткілік емес дәрі, пиразолон туындысы, ЦОГ-ты іріктеусіз бөгейді және арахидон қышқылынан Pg түзілуін төмендетеді. Ауырғанды басатын, қабынуға қарсы және механизмі простагландиндер синтезін бәсеңдетумен байланысты ыстықты түсіретін айқын әсерге ие.

Голль мен Бурдах будалары бойынша экстра- және проприоцептивтік ауырудың импульстері өтуіне кедергі жасайды, ауыру сезімталдығының таламустық орталықтарының қозғыштық шегін жоғарылатады, жылу берілуін ұлғайтады.

Қолданылуы

• шығу тегі әртүрлі ауыруларда (бас ауыруы, тіс ауыруы, дисальгоменорея, невралгиялар, артралгиялар, радикулиттер, миалгиялар, бүйрек және бауыр шаншулары, жарақаттар, күйіктер, операциядан кейінгі кезең, ісіктер, белдемелі теміреткі, орхит, плеврит, өт және ішек шаншуларында)

• инфекциялық-қабыну аурулары кезіндегі қызба синдромында (тұмау, жедел респираторлы вирусты инфекциялар, ревматизм, радикулит, жәндіктердің шағуы және трансфузиядан кейінгі асқынулар), басқа ыстық түсіретін дәрілердің әсері болмағанда

Қолдану тәсілі және дозалары

Бұлшықет ішіне немесе көктамыр ішіне (қатты ауырғанда) ересектерге 1-2 мл 50% ерітіндіні күніне 2-3 рет енгізеді; тәулігіне 2 г асырмау керек. Көктамыр ішіне енгізуді баяу (минутына 1 мл аспайтын жылдамдықпен), көлденең жатқан күйде, АҚ, ЖЖЖ мен тыныс алуын бақылай отырып жүргізген жөн.

Инъекциялық ерітінді 37-38˚С дейін қыздырылуы тиіс.

Балалар және жаңа туған нәрестелер: Анальгин ерітіндісін жасы 3 айға дейінгі немесе дене салмағы 5 кг аздау жаңа туған нәрестелерге енгізуге болмайды.

Жасы 3-12 айлық балаларға (бала денесінің салмағы 5-тен 9 кг дейін) 10 кг дене салмағына 50-100 мг дозада (0,1 – 0,2 мл 50 % ерітінді) тек бұлшықет ішіне енгізіледі.

Тіндердің тітіркенуі мүмкін болғандықтан, тері астына енгізбейді.

Ересектер үшін ең жоғары бір реттік доза:

бұлшықет ішіне және көктамыр ішіне – 1 г; ең жоғары тәуліктік – 2 г.

Препарат қысқа мерзімдік пайдалануға арналған.

Емдеудің ұзақтығын емдеуші дәрігер анықтайды.

Жағымсыз әсерлері

• жүрек айнуы, құсу, анорексия, эпигастрий аумағының ауыруы, метеоризм, іш қату, диарея

• бас ауыру, бас айналу, қозу, ашушаңдық

Сирек

• парестезия, құлақтың шуылдауы, көрудің бұзылуы, тремор, депрессия

• гипотония

• тері бөртпесі, Квинке ісінуі, анафилактикалық шок

• енгізу орнындағы инфильтраттар (бұлшықет ішіне енгізгенде)

• геморрагиялар

• олиго- немесе анурия, протеинурия, интерстициальді нефрит

• аллергиялық реакциялар, есекжем, Квинке ісінуі, мультиформалы экссудативті эритема (оның ішінде Стивенс Джонсон синдромы), уытты эпидермальді некролиз (Лайелл синдромы) бронх түйілулері, анафилактикалық шок

Ұзақ уақыт қолданғанда

• лейкопения, агранулоцитоз, анемия, тромбоцитопения.

Қолдануға болмайтын жағдайлар

• пиразолон туындыларына жоғары сезімталдық

• бауыр және бүйрек функциясының айқын бұзылулары

• глюкоза-6-фосфатдегидрогеназа тапшылығы

• қан түзудің бұзылуы (агранулоцитоз, цитостатикалық немесе инфекциялық нейтропения)

• 60 жастан асқандар

• сыртартқыда асқазан мен он екі елі ішектің ойық жара ауруының болуы

• бронхтүйілуі, бронх демікпесі, есекжем, қабынуға қарсы стероидты емес дәрілерді қолдануға байланысты жедел ринит

• жүктілік және лактация кезеңі

• жасы 3 айға дейінгі немесе дене салмағы 5 кг аздау жаңа туған нәрестелерге

• 12 айға дейінгі балаларға препаратты көктамыр ішіне енгізуге

Дәрілермен өзара әрекеттесуі

Анальгинді басқа аналгетиктермен-антипиретиктермен, қабынуға қарсы стероидты емес дәрілермен бір мезгілде қолдану өзара уыттылық әсерлердің күшеюіне әкелуі мүмкін.

Бауырдың микросомальді ферменттері индукторларымен бір мезгілде қолданғанда натрий метамизолының тиімділігі азаюы мүмкін.

Бір мезгілде қабылдағанда тікелей емес антикоагулянттардың, ішу арқылы қабылданатын гипокликемиялық препараттардың, глюкокортикостероидтардың, индометациннің белсенділігі күшейеді, бұл оларды анальгиннің әсерімен қан ақуыздары байланысынан ығыстырып шығару салдарынан болады.

Фенотиазин туындыларымен бір мезгілде қолданғанда айқын гипертермия болуы мүмкін; тыныштандыратын дәрілермен, анксиолитиктермен – анальгиннің ауыруды басатын әсері күшейеді; үшциклды антидепрессанттармен, ішу арқылы қабылданатын контрацептивтермен, аллопуринолмен – анальгиннің метаболизімі бұзылады және оның уыттылығын көтереді; кофеинмен – анальгиннің әсері күшейеді; циклоспоринмен – қан плазмасында циклоспориннің концентрациясы азаяды.

Анальгинді питофенон гидрохлоридімен (ішкі ағазалардың тегіс бұлшықеттеріне тікелей миотропты әсер етіп, олардың босаңсуын тудырады) және фенпивериния бромидімен (м – холиноблокатор) біріктіре қолданғанда, олардың өзара фармакологиялық әсерлері күшейеді, бұл ауыру синдромының азаюы, тегіс бұлшықеттердің босаңсуы және көтерілген дене қызуының төмендеуімен қатар жүреді.

Барбитураттар, кодеин, анаприлин, Н2-гистамин рецепторлары бөгегіштері анальгиннің әсерін күшейтеді; соңғысы ішу арқылы қабылданатын диабетке қарсы препараттардың, сондай-ақ алкогольдің тыныштандырғыш әсерін жоғарылатады.

Айрықша нұсқаулар

Цитостатикалық дәрілерді алатын науқастарды емдегенде натрий метамизолын қабылдау тек дәрігердің бақылауымен жүргізілуі тиіс.

Натрий метамизолына аса жоғары сезімталдық реакциялары дамуының жоғары қаупі болады:

- бронх демікпесімен, әсіресе мұрын қойнаулары аймағында қатар жүретін полиптері бар науқастарда;

- созылмалы есекжемі бар науқастарда;

- алкоголь жақпаушылығы бар науқастарда;

- бояғыштар (мысалы, тартразин) немесе консерванттар (мысалы, бензоат) жақпаушылығы бар науқастарда.

Ұзақ емдегенде шеткергі қан көрінісін бақылап отыру қажет.

Анальгинді іштегі жедел ауыруды басуға оның себептері анықталғанға дейін қолдану ұсынылмайды.

Анальгинді қолданған кезде рубазон қышқылы метаболитінің бөлінуі есебінен несептің қызыл түске боялуы мүмкін.

Натрий метамизолын питофенонмен және фенпивериния бромидімен біріктірілімде спазмолитикалық әсері бар ауыруды басатын дәрі ретінде қолданады.

Систолалық қысым деңгейі 100 мм.с.б. төмен, бүйрек аурулары мен алкогольдік тәуелділігі бар пациенттердің қысымын мұқият бақылап отыру қажет.

Дәрілік заттың көлік құралын немесе қауіптілігі зор механизмдерді басқару қабілетіне әсер ету ерекшеліктері

Дәрілік препараттың жағымсыз әсерлерін ескере отырып, көлік құралдары немесе қауіптілігі зор механизмдерді басқару кезінде сақтық танытқан жөн.

Артық дозалануы

Симптомдары - препараттың жағымсыз әсерлерінің күшеюі (құсу, гипотермия, артериялық гипотония, тахикардия, ентігу, ұйқышылдық, сананың шатасуы, сандырақтау, бауыр және бүйрек функциясының бұзылуы).

Емі – препаратты тоқтату. Қарқынды диурез және натрий гидрокарбонатын енгізу жолымен несепті сілтілендіру анальгиннің шығарылуын жылдамдатады. Демеуші және симптоматикалық ем жүргізеді. Арнайы у қайтарғысы жоқ.

Шығарылу түрі және қаптамасы

2 мл-ден еккішпен толтырылатын бейтарап шыны ампулада немесе сындыру нүктесі немесе сындыру сақинасы бар еккішпен толтырылатын импорттық стерильді ампулада.

Әрбір ампулаға заттаңбалық немесе жазу қағазынан жасалған заттаңба жапсырылады.

5 немесе 10 ампуладан поливинилхлоридті үлбір мен алюминий фольгадан жасалған пішінді ұяшықты қаптамаға қапталған.

Пішінді ұяшықты қаптамалар медициналық қолдану жөніндегі мемлекеттік және орыс тіліндегі бекітілген нұсқаулықпен бірге картон немесе гофрланған картоннан жасалған қорапқа салынады. Медициналық қолдану жөніндегі нұсқаулықтар мөлшері қаптама саны бойынша салынады.

Сақтау шарттары

Жарықтан қорғалған жерде, 25 оС-ден аспайтын температурада сақтау керек.

Балалардың қолы жетпейтін жерде сақтау керек!

Сақтау мерзімі

3 жыл

Жарамдылық мерзімі өткеннен кейін пайдалануға болмайды.

Дәріханалардан босатылу шарттары

Рецепт арқылы

Өндіруші ұйымның атауы мен елі

«Химфарм» АҚ, Қазақстан Республикасы,

Шымкент қ., Рашидов к-сі, 81

Тіркеу куәлігі иесінің атауы мен елі

«Химфарм» АҚ, Қазақстан Республикасы

Қазақстан Республикасы аумағында тұтынушылардан өнім (тауар) сапасына қатысты шағымдарды қабылдайтын ұйымның мекенжайы

«Химфарм» АҚ, Шымкент қ., Қазақстан Республикасы, 160019

Рашидов к-сі, 81

Телефон нөмірі 7252 (561342)

Факс нөмірі 7252 (561342)

Электронды поштасы infomed@santo.kz