Ампициллина тригидрат (250 мг, таблетки, Химфарм АО)

• русский
• қазақша

• Скачать инструкцию медикамента

Саудалық атауы

Ампициллин тригидраты

Халықаралық патенттелмеген атауы

Ампициллин

Дәрілік түрі

250 мг таблеткалар

Құрамы

Бір таблетканың құрамында

белсенді зат - 290.0 мг ампициллин тригидраты

(100% затқа шаққанда 250.0 мг),

қосымша заттар: картоп крахмалы, тальк, натрий крахмалының гликоляты, кальций стеараты.

Сипаттамасы

Ақ түсті, жалпақ цилиндр тәрізді таблеткалар. Таблетканың бір жақ бетінде ойығы мен бөлетін сызығы, басқа жақ бетінде ойығы және фирманың крест түріндегі логотипі бар.

Фармакотерапиялық тобы

Бактерияларға қарсы жүйелік пайдалануға арналған препараттар. Бактерияларға қарсы бета-лактамдық препараттар. Әсер ету ауқымы кең пенициллиндер. Ампициллин

АТХ коды J01CA01

Фармакологиялық қасиеттері

Фармакокинетикасы

Ішке қабылдағаннан кейін асқазан-ішек жолынан жақсы сіңеді, биожетімділігі 30-40% құрайды. Ең жоғары концентрацияға 1,5-2 сағаттан соң жетеді. Қанда плазма ақуыздарымен (20%-ға жуығы) қайтымды байланысады. Гистогематикалық бөгеттер арқылы және барлық ағзалар мен тіндерге оңай өтеді. Плевралық, перитонеальді және синовиальді сұйықтықтарда жоғары концентрацияларда байқалады. Гематоэнцефалдық бөгет арқылы нашар өтеді (ми қабықтары қабынғанда өткізгіштігі артады).

Препараттың 30%-ға жуығы бауырда метаболизденеді. Жартылай шығарылу кезеңі 1-2 сағатты құрайды. Өзгермеген күйінде (75-80%) өзекшелік секреция жолымен бүйректер арқылы шығарылады, мұндайда несепте ампициллиннің жоғары концентрациялары түзіледі. Ішекке өтпен бірге аз дәрежеде бөлініп шығады. Бүйрек қызметінің жеткіліксіздігінде ампициллиннің шығарылуы баяулайды. 60 жастан асқан адамдарда препараттың жартылай шығарылу кезеңі 4,9-6,7 сағатты құрайды.

Фармакодинамикасы

Ампициллин тригидраты – әсер ету ауқымы кең, жартылай синтетикалық пенициллиндер тобына жататын антибиотик. Бактериялардың жасушалық қабырғалары синтезінің басылуы есебінен бактерицидтік әсер береді.

Пептидогликан және транспептидаза полимеразасын тежейді, пептидтік байланыстардың түзілуіне кедергі жасайды және микроорганизмдер бөлшектенетін жасушалық қабырғалар синтезінің кеш сатыларын бұзады. Қабықтардың пайда болған ақаулары бактериялық жасушалардың осмостық төзімділігін төмендетеді және оны өлтіреді (лизис). Ампициллин көптеген аэробтық грамоң бактерияларға қатысты белсенді: Staphylococcus spp. (пенициллиназаны өндіретін штаммдарды қоспағанда), Streptococcus spp., Enterococcus spp., Listeria monocytogenes; грамтеріс бактериялар: Neisseria gonorrhoeae, Neisseria meningitidis, Escherichia coli, Shigella spp., Salmonella spp., Bordetella pertussis, кейбір Haemophilus influenzae штаммдары. Пенициллиназаны түзетін стафилококктарға әсер етпейді. Қышқылға төзімді.

Қолданылуы

- ЛОР-ағзалардың жұқпаларында (синусит, тонзиллит, фарингит, ортаңғы отит)

- жоғарғы және төменгі тыныс жолдарының жұқпаларында (бронхит, пневмония)

- несеп шығару жолдарының жедел және созылмалы жұқпаларында (пиелонефрит, пиелит, цистит, уретрит)

- асқазан-ішек жолының жұқпаларында (сальмонеллез, сальмонеллез тасымалдаушы, іш сүзегі, холангит, холецистит)

- созда

Қолдану тәсілі және дозалары

Препаратты ас қабылдаудан 30 минут бұрын немесе тамақтанудан кейін 2 сағаттан соң ішке қабылдайды.

Емдеу курсы 5-10 күнді құрайды. Дозасын және емдеу ұзақтығын аурудың ауырлығына, жұқпаның орналасуына және қоздырғыштың сезімталдығына байланысты, жеке белгіленеді.

Ересек емделушілер үшін

ЛОР-ағзалар, жоғарғы және төменгі тыныс жолдарының жұқпалары

Бір реттік дозасы 250 мг - 500 мг құрайды, тәулігіне 4 рет 1-2 таблеткадан.

Несеп шығару жолдарының жұқпалары және асқазан-ішек жолының жұқпалары (холангит, холецистит, сальмонеллез)

Бір реттік доза 500 мг құрайды, тәулігіне 4 рет 2 таблеткадан.

Іш сүзегі

Жедел ағымды: тәуліктік дозасы - 1-2 г, тәулігіне 4 рет 1-2 таблеткадан, 2 апта бойы.

Тасымалдаушы: тәуліктік дозасы - 1-2 г, тәулігіне 4 рет 1-2 таблеткадан, 4-12 апта бойы, нәжісті бактериологиялық зерттеудің нәтижелерін бақылай отырып.

Жедел соз

Препаратты бір реттік 3 г-нан (12 таблетка) тәулігіне бір рет тағайындайды.

Егде жастағы емделушілер

Дозаны түзетудің қажеті жоқ.

Бүйрек қызметінің бұзылуы

Бүйрек қызметі бұылғанда дозаны азайтуды қарастырған жөн.

Креатинин клиренсі минутына > 30 мл болғанда: тәуліктік доза - 1 г, препаратты қабылдау арасындағы аралық 6-8 сағатты құрайды.

Креатинин клиренсі минутына < 30 мл болғанда: тәуліктік доза - 1 г, препаратты қабылдау арасындағы аралық 12 сағатты құрайды.

6 жастан асқан балалар

Дозаны нәрестенің салмағына және аурудың ауырлығына байланысты, жекелей тағайындайды.

Ұсынылатын тәуліктік доза күніне 25-50 мг/кг құрайды.

Тәуліктік дозаны 4 қабылдауға бөледі.

Жағымсыз әсерлері

Жиі

- жүректің айнуы, құсу, метеоризм, диарея

Жиі емес

- кандидоз, дисбактериоз

- қышыну, есекжем, Квинке ісінуі, ринит, коньюнктивит

Сирек

- қызба, артралгиялар, эозинофилия, эритематозды және макулопапулезді бөртпе, эксфолиативті дерматит, мультиформалы экссудативті эритема, соның ішінде Стивенс-Джонсон синдромы, сарысулық ауруға ұқсас реакциялар

- стоматит, глоссит, ауыз ішінің құрғауы, дәмнің өзгеруі, гастрит, бауыр қызметінің өзгеруі, «бауыр» трансаминазалары деңгейінің жоғарылауы, жалған жарғақшалы колит

- ажитация немесе озбырлық, үрейленушілік, сананың шатасуы, мінездің өзгеруі

- лейкопения, нейтропения, тромбоцитопения

- интерстициальді нефрит, нефропатия

- асқынжұқпа (әсіресе созылмалы аурулары бар немесе организмінің төзімділігі төмендеген емделушілерде)

Өте сирек

- анафилактикалық шок

- депрессия

- құрысулар (жоғары дозалармен емдеген кезде)

- агранулоцитоз, анемия

Қолдануға болмайтын жағдайлар

- ампициллинге, цефалоспориндерге, пенициллин қатарының басқа да препараттарына және препараттың қосымша компоненттеріне жоғары сезімталдық

- жұқпалы мононуклеоз, лимфолейкоз

- бауыр қызметінің бұзылуы

- асқазан-ішек жолы ауруларының сырттартқыда болуы (әсіресе антибиотиктерді қолданумен байланысты колит)

- 6 жасқа дейінгі балалар

- лактация кезеңі

Дәрілермен өзара әрекеттесуі

Ампициллин тригидратын бактерицидтік антибиотиктермен, соның ішінде аминогликозидтермен, цефалоспориндермен, циклосеринмен, ванкомицинмен, рифампицинмен бір мезгілде қолданғанда синергизм білінеді; бактериостатикалық антибиотиктермен, соның ішінде макролидтермен, хлорамфениколмен, линкозамидтермен, тетрациклиндермен, сульфаниламидтермен бірге – антагонизм.

Антикоагулянттармен және антибиотиктер-аминогликозидтермен бір мезгілде қолданғанда олардың тиімділігі артады.

Ампициллин тригидраты құрамында эстрогені бар ішілетін контрацептивтердің тиімділігін төмендетеді.

Пробенецид, диуретиктер, аллопуринол, фенилбутазон, қабынуға қарсы стероидты емес дәрілер Ампициллин тригидратының өзекшелік секрециясын азайтады, бұл оның қан плазмасындағы концентрацияларының артуымен қатарласа жүруі мүмкін.

Ампициллин тригидраты метотрексаттың шығарылуын төмендетеді, бұл соңғысының уыттылығын күшейтуі мүмкін.

Антацидтер, глюкозамин, іш жүргізетін дәрілер, аминогликозидтер Ампициллин тригидратының сіңуін баяулатады және азайтады, ал аскорбин қышқылы арттырады.

Ампициллин тригидратын аллопуринолмен бір мезгілде қолданғанда, әсіресе гиперурикемиясы бар науқастарда тері бөртпесінің пайда болу мүмкіндігі артады.

Айрықша нұсқаулар

Ампициллин тригидратын аллергиялық аурулары (поллиноз, аллергиялық коньюнктивит, бронх демікпесі) бар емделушілерге тағайындағанда, анафилактикалық реакциялардың пайда болуы мүмкін екендігіне байланысты, сақ болған жөн.

Аллергиялық реакциялар пайда болған кезде препаратты тоқтатқан және сезімталдықты басатын ем тағайындаған жөн.

Емдеу барысында бүйрек, бауыр қызметтеріне және қанның жалпы талдамасына жүйелі бақылау жасау қажет.

Бүйрек қызметі бұзылған емделушілерде дозаны креатинин клиренсінің мәндеріне сай түзету қажет етіледі.

Бүйрек қызметінің жеткіліксіздігі бар науқастарға жоғары дозаларда қолданғанда препарат орталық жүйке жүйесіне уытты әсер етуі мүмкін.

Антибиотиктерді ұзақ уақыт қолдану асқынжұқпаның пайда болуына, Candida және Pseudomonas-дың шамадан тыс өсуіне әкеп соғуы мүмкін.

Кандидоздың пайда болуының алдын алу үшін Ампициллин тригидратымен бір мезгілде зеңге қарсы препараттарды да тағайындаған жөн.

Жүктілік және лактация кезеңі

Жүктілік кезінде ана үшін болжамды пайдасы ұрық үшін потенциальді қаупінен басым болған жағдайларда ғана қолданылуы мүмкін.

Ампициллин тригидарты емшек сүтімен бірге төмен концентрацияларда бөлініп шығады. Лактация кезеңінде қолдану қажет болғанда емшек емізуді тоқтата тұрған жөн.

Дәрілік заттың автокөлікті немесе қауіпті механизмдерді басқару қабілетіне ықпал ету ерекшеліктері

Автокөлікті басқарғанда немесе қауіпті механизмдермен жұмыс жасағанда сақ болған жөн.

Артық дозалануы

Симптомдары: жүректің айнуы, құсу, диарея, құрысулар, жағымсыз әсерлердің күшеюі.

Емдеу: препаратты тоқтату, асқазанды шаю, белсенділендірілген көмір және іш жүргізгіш тұзды дәрілерді қабылдау, гемодиализ, гемоперфузия, симптоматикалық ем. Өзіне тән арнайы у қайтарғысы жоқ.

Шығарылу түрі және қаптамасы

Поливинилхлоридті үлбірден және алюминий фольгадан жасалған пішінді ұяшықты қаптамада 10 таблеткадан.

Пішінді қаптамалар картон қораптарға салынған.

Әрбір қорапқа медицинада қолданылуы жөнінде мемлекеттік және орыс тілдерінде бекітілген нұсқаулықтарымен бірге салынған.

Сақтау шарттары

Құрғақ, жарықтан қорғалған жерде, 2оС-ден 30°С-ге дейінгі температурада сақтау керек.

Балалардың қолы жетпейтін жерде сақтау керек!

Сақтау мерзімі

2 жыл

Жарамдылық мерзімі өткен препаратты қолдануға болмайды.

Дәріханадан босатылу шарттары

Рецепт арқылы

Өндіруші

«Химфарм» АҚ, Қазақстан

Тіркеу куәлігіінң иесі

«Химфарм» АҚ, Қазақстан

Тұтынушылардан өнім (тауар) сапасы жөнінде шағымдарды Қазақстан Республикасы аумағында қабылдайтын ұйымның мекенжайы

«Химфарм» АҚ, Шымкент қ-сы, ҚАЗАҚСТАН,

Рашидов к-сі, н/ж, т/ф: 560882

Телефон нөмірі 7252 (561342)

Факс нөмірі 7252 (561342)

Электронды поштасы standart@santo.kz