Амосин® (таблетки, 500 мг)

• русский
• қазақша

• Скачать инструкцию медикамента

Саудалық атауы

АМОСИН®

Халықаралық патенттелмеген атауы

Амоксициллин

Дәрілік түрі

250 мг, 500 мг таблеткалар

Құрамы

Бір таблетканың құрамында

белсенді зат – амоксициллин тригидраты (амоксициллинге шаққанда)

250 мг, 500 мг,

қосымша заттар: картоп крахмалы, магний стеараты, тальк, повидон, кальций стеараты.

Сипаттамасы

Жалпақ цилиндр пішінді, ойығы мен сызығы бар, ақ немесе ақ дерлік түсті таблеткалар.

Фармакотерапиялық тобы

Бактерияға қарсы жүйелі пайдалануға арналған препараттар. Бактерияға қарсы бета-лактамды препараттар – пенициллиндер. Әсер ету ауқымы кең пенициллиндер. Амоксициллин

АТХ коды J01CA04

Фармакологиялық қасиеттері

Фармакокинетикасы

Сіңірілуі – жылдам, жоғары (93%), ас ішу сіңірілуіне ықпалын тигізбейді, асқазан қышқылды ортасында ыдырамайды. 125 мг және 250 мг дозада ішке қабылдағанда ең жоғары концентрациясы, тиісінше, 1.5-3 мкг/мл және 3.5-5 мкг/мл. Ішу арқылы қабылдағаннан кейін ең жоғары концентрациясына жету уақыты – 1-2 сағат.

Таралу көлемі үлкен: жоғары концентрацияларда плазмадан, қақырықтан, бронх секретінен (іріңді бронх секретінде таралуы әлсіз), плевралық және перитонеальді сұйықтықтан, несептен, тері күлдіреуіктерінің ішіндегісінен, өкпе тіндерінен, ішектің шырышты қабығынан, әйелдің жыныс ағзаларынан, қуық асты безінен, ортаңғы құлақ сұйықтығынан (ол қабынғанда), сүйектен, май тінінен, өт қабынан (қалыпты бауыр функциясында), ұрық тіндерінен табылады. Дозаны 2 есеге арттырғанда концентрациясы да 2 есе ұлғаяды.

Өттегі концентрациясы плазмадағы концентрациясынан 2-4 есе асып кетеді. Амниотикалық сұйықтықта және кіндік тамырларында амоксициллин концентрациясы – жүкті әйел плазмасындағы деңгейдің 25-30%. Гематоэнцефалдық бөгет арқылы нашар өтеді, ми қабықтарының қабынуында жұлын сұйықтығындағы концентрациясы – плазмадағы деңгейінен 20% жуық. Плазма ақуыздарымен байланысы – 17 %. Белсенді емес метаболиттер түзумен ішінара метаболизденеді. Жартылай шығарылу кезеңі – 1-1.5 сағат. Өзгеріссіз күйде бүйрекпен 50-70% (өзекшелік секреция жолымен - 80 % және шумақтық сүзілістер арқылы - 20 %), бауырмен 10-20 % шығарылады. Аздаған мөлшерде ана сүтімен бөлінеді. Бүйрек функциясының бұзылуында (креатинин клиренсі (КК) 15 мл/минуттан аз немесе оған тең) жартылай шығарылу кезеңі 8.5 сағатқа дейін ұзарады.

Амоксициллин гемодиализ кезінде шығарылады.

Фармакодинамикасы

Амосин® - жартылай синтетикалық пенициллиндер тобындағы әсер ету ауқымы кең бактерицидті антибиотик. Бөліну және өсу кезеңінде пептидогликан (жасуша қабырғасының тірек полимері) синтезін бұзады, бактериялар лизисін тудырады. Аэробты грамоң микроорганизмдер: Staphylococcus spp. (пенициллиназа өндіретін штамдарды қоспағанда), Streptococcus spp. және аэробты грамтеріс микроорганизмдер: Neisseria gonorrhoeae, Neisseria meningitidis, Escherichia coli, Shigella spp., Salmonella spp., Klebsiella spp. қатысты белсенді. Пенициллиназа өндіретін штамдар амоксициллин әсеріне төзімді.

Қолданылуы

- бронхит, пневмонияда

- синусит, фарингит, тонзиллит, жедел ортаңғы отитте

- пиелонефрит, пиелит, цистит, уретрит, соз, эндометрит, цервицитте

- холангит, холецистит, дизентерия, сальмонеллез, сальмонеллез тасымалдаушылықта

- тілме, импетиго, екіншілей жұқтырылған дерматоздарда

- лептоспирозда

- листериозда

- Лайм ауруында (боррелиоз)

- эндокардитте (алдын алу)

Қолдану тәсілі және дозалары

Ішке, ас ішуге байланыссыз қабылданады. Таблетканы бір стақан сумен ішіп, бүтіндей жұтуға, екіге бөлуге немесе шайнауға болады.

Ересектерге және 10 жастан үлкен (дене салмағы 40 кг-ден көп) балаларға тәулігіне 3 рет 500 мг тағайындалады; жұқпаның ауыр ағымында – тәулігіне 3 рет 750-1000 мг.

6-10 жастағы балаларға тәулігіне 3 рет 250 мг-ден тағайындалады; жұқпаның ауыр ағымында – тәулігіне 3 рет 60 мг/кг/тәулік. Емдеу курсы 5-12 күн.

Жедел асқынбаған соз кезінде бір рет 3000 мг тағайындалады; әйелдерді емдегенде көрсетілген дозаны күнара қайта қабылдау ұсынылады.

Асқазан-ішек жолының (паратифтер, іш сүзегі) және өт шығару жолдарының жедел жұқпалы ауруларында, гинекологиялық жұқпалы ауруларда ересектерге – тәулігіне 3 рет 1500-2000 мг немесе тәулігіне 4 рет 1000-1500 мг.

Лептоспирозда ересектерге – 6-12 күн бойы тәулігіне 4 рет 500-750 мг.

Сальмонелл тасымалдаушылықта ересектерге – 2-4 апта бойы тәулігіне 3 рет 1500-2000 мг.

Шағын хирургиялық араласуларда эндокардиттің алдын алу үшін ересектерге – емшара жасалуынан 1 сағат бұрын 3000-4000 мг. Қажет болса, 8-9 сағаттан соң қайталау дозасы тағайындалады. Балаларда қайталау дозасын 2 есе азайтады.

Бүйрек функциясы бұзылған емделушілерде КК 15-40 мл/мин кезінде қабылдаулар арасындағы аралықты 12 сағатқа дейін ұзартады; КК 10 мл/мин төмен болғанда дозаны 15-50 % азайтады; анурияда – ең жоғары дозасы 2000 мг/тәулік.

Жағымсыз әсерлері

- дисбактериоз, дәм сезудің өзгеруі, стоматит, глоссит, жүрек айну, құсу, диарея, «бауыр» трансаминазалары белсенділігінің орташа жоғарылауы

- жалған жарғақшалы энтероколит

- қозу, үрейлену, ұйқысыздық, атаксия, сананың шатасуы, мінез-құлық өзгеруі, депрессия, шеткергі невропатия, бас ауыру, бас айналу, эпилепсиялық реакциялар

- лейкопения, нейтропения, тромбоцитопениялық пурпура, анемия

- есекжем, тері гиперемиясы, эритематозды бөртпелер, ангионевротикалық ісіну, ринит, конъюнктивит; сирек: - қызба, артралгия, эозинофилия, эксфолиативті дерматит, мультиформалы экссудаттық эритема (соның ішінде Стивенс-Джонсон синдромы), сарысу құю ауруына ұқсас реакциялар, өте сирек - анафилактикалық шок

- басқалары: қынаптық кандидамикоз, тыныстың тарылуы, тахикардия, интерстициальді нефрит, асқын жұқпа (әсіресе, созылмалы аурулары бар немесе организм төзімділігі төмендеген емделушілерде)

Қолдануға болмайтын жағдайлар

- препаратқа (соның ішінде басқа пенициллиндерге, цефалоспориндерге, карбапенемдерге) аса жоғары сезімталдық

- 6 жасқа дейінгі балаларға (осы дәрілік түр үшін)

- лактация кезеңі

Дәрілермен өзара әрекеттесуі

Антацидтер, глюкозамин, іш жүргізгіш дәрілік заттар, тамақ, аминогликозидтер сіңірілуін баяулатады және төмендетеді; аскорбин қышқылы сіңірілуін арттырады.

Бактерицидті антибиотиктер (соның ішінде аминогликозидтер, цефалоспориндер, ванкомицин, рифампицин) синергидті; бактериостатикалық дәрілік заттар (макролидтер, хлорамфеникол, линкозамидтер, тетрациклиндер, сульфаниламидтер) антагонистік әсер көрсетеді.

Тікелей емес антикоагулянттар тиімділігін арттырады (ішек микрофлорасын бәсеңдетумен, К витамині синтезін және протромбин индексін төмендетеді); құрамында эстроген бар ішуге арналған контрацептивтердің; метаболизм үдерісінде парааминобензой қышқылы түзілетін дәрілік заттардың, этинилэстрадиолдың тиімділігін азайтады – «құйылған» қан кетулердің даму қаупі.

Амоксициллин метотрексаттың клиренсін азайтып, уыттылығын арттырады; дигоксиннің сіңуін күшейтеді.

Диуретиктер, аллопуринол, оксифенбутазон, фенилбутазон, қабынуға қарсы стероидты емес препараттар және өзекшелік секрецияны бөгейтін басқа да дәрілік заттар қандағы амоксициллин концентрациясын жоғарылатады.

Аллопуринол тері бөртпесінің даму қаупін арттырады.

Айрықша нұсқаулар

Сақтықпен: аллергиялық аурулар (соның ішінде сыртартқыдағы), сыртартқыдағы асқазан-ішек жолы аурулары (әсіресе, антибиотиктер қолданумен байланысты колит), бүйрек жеткіліксіздігі, бауыр функциясының ауыр бұзылуы, жұқпалы мононуклеоз, лимфолейкоз.

Курстық емдеуде қан түзу ағзаларының, бауыр және бүйрек функциясының жағдайын бақылап отыру қажет.

Дәріге сезімтал емес микрофлораның өсуінен асқын жұқпаның дамуы мүмкін, бұл бактерияға қарсы емді тиісінше өзгертуді талап етеді.

Сепсиспен науқастарға тағайындалғанда бактериолиз реакцияларының (Яриш-Герксгеймер реакциясы) дамуы мүмкін (сирек).

Пенициллиндерге жоғары сезімталдығы бар емделушілерде басқа бета-лактамды антибиотиктермен айқаспалы аллергиялық реакциялар болуы мүмкін.

Курстық емдеу аясында жеңіл диареяны емдегенде ішек перистальтикасын төмендететін диареяға қарсы препараттардан аулақ болу керек; құрамында каолин немесе аттапульгит бар диареяға қарсы дәрілерді пайдалануға болады.

Ауыр диареяда дәрігерге қаралу қажет.

Емдеу аурудың клиникалық белгілері басылғаннан кейін міндетті түрде тағы 48-72 сағат жалғасады.

Құрамында эстроген бар ішуге арналған контрацептивтер мен амоксициллин бір мезгілде қолданылғанда мүмкіндігінше басқа немесе қосымша контрацепция әдістерін пайдалану керек.

Жүктілік және лактация кезеңі

Жүктілік кезінде препаратты ана үшін болжанатын пайдасы ұрыққа төнетін зор қатерден артық болатын жағдайда ғана қолдануға болады.

Дәрілік заттың көлік құралын немесе қауіптілігі зор механизмдерді басқару қабілетіне әсер ету ерекшеліктері

Амоксициллиннің автокөлік басқаруға немесе механизмдермен жұмыс істеуге әсер етуі жөнінде хабарламалар болмаған. Дегенмен де, кейбір емделушілерде бас ауыру және бас айналу болуы мүмкін. Олар білінгенде емделуші автокөлік басқарғанда және механизмдермен жұмыс істегенде ерекше сақтану шараларын қадағалауы тиіс.

Артық дозалануы

Симптомдары: жүрек айну, құсу, диарея, су-электролит теңгерімінің бұзылуы (құсу және диарея салдарынан).

Емі: асқазанды шаю, белсендірілген көмір, тұзды іш жүргізгіштер су-электролит теңгерімін сақтап тұруға арналған дәрілік заттар; гемодиализ.

Шығарылу түрі және қаптамасы

250 мг, 500 мг таблеткалар.

10 таблеткадан поливинилхлоридті үлбірден және баспалы лакталған алюминий фольгадан жасалған пішінді ұяшықты қаптамада.

1 пішінді ұяшықты қаптамадан медицинада қолданылуы жөніндегі мемлекеттік және орыс тілдеріндегі нұсқаулықпен бірге картон пәшкеге салады.

Сақтау шарттары

Құрғақ, жарықтан қорғалған жерде, 25°C-ден аспайтын температурада сақтау керек.

Балалардың қолы жетпейтін жерде сақтау керек!

Сақтау мерзімі

2 жыл

Жарамдылық мерзімі өткеннен кейін пайдалануға болмайды.

Дәріханалардан босатылу шарттары

Рецепт арқылы

Өндіруші

«Синтез» ААҚ.

640008, Ресей, Қорған қ., Конституция даңғылы, 7

Тел/факс (3522) 48-16-89

E-mail: real@kurgansintez.ru

Интернет-сайт: http://www.kurgansintez.ru

«ПОЛЛО» ЖШҚ тапсырысы бойынша өндірілген

640000, Ресей, Қорған қ., Ленин д-лы, 5, 320 кеңсе

Тіркеу куәлігінің иесі

«ПОЛЛО» ЖШҚ, Ресей

Қазақстан Республикасы аумағында тұтынушылардан өнім сапасына қатысты шағымдар қабылдайтын ұйымның мекенжайы:

«СТОФАРМ» ЖШҚ, 000100, Қазақстан Республикасы,

Қостанай облысы, Қостанай қ., Орал к-сі, 14

тел. 714 228 01 79