Амлесса® (4 мг/10 мг)

• русский
• қазақша

• Скачать инструкцию медикамента

Саудалық атауы

АМЛЕССА®

Халықаралық патенттелмеген атауы

Жоқ

Дәрілік түрі

4 мг / 5 мг, 4 мг/10 мг, 8 мг / 5 мг, 8 мг/10 мг таблеткалар

 

Құрамы

Бір таблетканың құрамында

белсенді заттар: 4 мг/5 мг таблеткалар: 4 мг периндоприл эрбумині, 6.935 мг амлодипин бесилаты (5 мг амлодипинге баламалы),

4 мг/10 мг таблеткалар: 4 мг периндоприл эрбумині, 13.870 мг амлодипин бесилаты (10 мг амлодипинге баламалы),

8 мг/5 мг таблеткалар: 8 мг периндоприл эрбумині, 6.935 мг амлодипин бесилаты (5 мг амлодипинге баламалы),

8 мг/10 мг таблеткалар: 8 мг периндоприл эрбумині, 13.870 мг амлодипин бесилаты (10 мг амлодипинге баламалы),

қосымша заттар: микрокристалды целлюлоза, желатинденген крахмал, натрий крахмалының гликоляты, кальций хлориді, натрий гидрокарбонаты, сусыз коллоидты кремнийдің қостотығы, магний стеараты.

 

Сипаттамасы

Ақ немесе ақ дерлік түсті, дөңгелек пішінді, екі жақ беті сәл дөңес, жиегі кертілген таблеткалар (4 мг/5 мг дозалар үшін)

Ақ немесе ақ дерлік түсті, капсула пішінді, екі жақ беті дөңес, бір жақ бетінде сызығы бар таблеткалар (4 мг/10 мг дозалар үшін)

Ақ немесе ақ дерлік түсті, дөңгелек пішінді, екі жақ беті дөңес, жиегі кертілген таблеткалар (8 мг/5 мг дозалар үшін)

Ақ немесе ақ дерлік түсті, дөңгелек пішінді, екі жақ беті дөңес, бір жақ бетінде сызығы бар және жиегі кертілген таблеткалар (8 мг/10 мг дозалар үшін)

Фармакотерапиялық тобы

Ренин-ангиотензин жүйесіне ықпал ететін препараттар. Басқа препараттармен біріктірілген АКФ тежегіштері. «Баяу» кальций өзекшелері блокаторларымен біріктірілген АКФ тежегіштері. Периндоприл және амлодипин.

АТХ коды C09BB04

 

Фармакологиялық қасиеттері

Фармакокинетикасы

Амлесса® құрамындағы периндоприл мен амлодипиннің және бір компоненті ғана бар таблетканы қабылдаған кездегі фармакокинетикалық көрсеткіштердің айырмашылығы мардымсыз.

Периндоприл

Ішке қабылдағанда периндоприл тез сіңеді, ең жоғары концентрацияға 1 сағаттың ішінде жетеді. Плазмадағы периндоприлдың жартылай ыдырау кезеңі 1 сағатты құрайды.

Периндоприл дәрілердің ізашары болып табылады. Периндоприлдің қабылданған дозасының 27%-ы қан ағысына белсенді метаболит периндоприлат түрінде түседі. Организмде белсенді периндоприлаттан басқа, белсенді емес тағы бес метаболит түзіледі. Периндоприлат плазмада ең жоғары концентрацияға препаратты қабылдағаннан кейін 3-4 сағаттан соң жетеді.

Ас қабылдау периндоприлдің периндоприлатқа айналуын төмендетеді, және, демек, оның биожетімділігін де төмендетеді, сондықтан периндоприл эрбуминін тәулігіне бір рет, пероральді түрде, таңертең тамақтанар алдында қабылдау керек. Периндоприл дозасы мен оның плазмадағы экспозициясы арасындағы байланыс дозаға байланысты болады.

Байланыспаған периндоприлаттың таралу көлемі шамамен 0,2 л/кг құрайды. Периндоприлаттың плазма ақуыздарымен байланысуы 20% құрайды. Негізінен, байланысу ангиотензин-конвертациялаушы ферментпен (АКФ) жүреді, бірақ ол препараттың концентрациясына байланысты болады. Периндоприлат несеппен бірге бөлініп шығады, оның бос фракциясының жартылай шығарылуының ақырғы кезеңі 17 сағатқа жуықты құрайды, бұл 4 күн ішінде тепе-тең жағдайға жетуге мүмкіндік береді.

Периндоприлаттың шығарылуы егде жастағы емделушілерде, сондай-ақ жүрек немесе бүйрек қызметінің жеткіліксіздігі бар емделушілерде баяулайды. Сондықтан әдеттегі медициналық бақылау креатинин және калий деңгейлеріне жиі мониторинг жасауды қамтуы тиіс.

Диализ кезінде периндоприлат клиренсі 70 мл/мин құрайды. Периндоприлтың кинетикасы бауыр циррозы бар емделушілерде өзгеріп отырады: бастапқы молекуланың бауырлық клиренсі екі есе баяулайды. Алайда түзілген периндоприлаттың мөлшері төмендемейді, сондықтан дозаны таңдаудың қажеті жоқ.

Амлодипин

Ішке емдік дозаларда қабылдағанда амлодипин жақсы сіңіп, қанда ең жоғары концентрацияға оны қабылдағаннан кейін 6-12 сағаттан соң жетеді. Абсолютті биожетімділігі 64-80% құрайды. Таралу көлемі шамамен 21 л/кг тең. Ас қабылдау амлодипиннің биожетімділігіне ықпалын тигізбейді. Айналымдағы амлодипиннің шамамен 97,5%-ы плазма ақуыздарымен байланысты.

Плазмадан жартылай шығарылуының ақырғы кезеңі 35-50 сағатты құрайды, бұл препаратты тәулігіне бір рет қабылдағанға сәйкес келеді. Амлодипин бауырда белсенді емес метаболиттер түзілгенше едәуір дәрежеде метаболизденеді, қабылданған дозаның 60%-ы несеппен бірге, 10%-ы өзгермеген амлодипин түрінде шығарылады.

Егде жастағы емделушілерге қолданылуы

Плазмада амлодипиннің ең жоғары концентрацияға жету уақыты егде жастағылар мен жас емделушілерде бірдей. Егде жастағы емделушілерде амлодипин клиренсі төмендейді, бұл AUC және T1/2 артуымен қатар жүреді.

Егде жастағылар үшін де дозалау режимі сондай, дегенмен дозаны арттыру сақтықпен жүргізілуі тиіс.

Бүйрек және бауыр қызметінің жеткіліксіздігі бар емделушілерге қолданылуы

Бүйрек қызметінің жеткіліксіздігі бар және бауыр қызметі бұзылған науқастарда амлодипиннің жартылай шығарылу кезеңі баяулайды.

Фармакодинамикасы

Амлесса АКФ тежегіші - периндоприл эрбумині мен дигидропиридин тобының кальций иондарының амлодипин-антагонисінің біріктірілімі болып табылады. АКФ тежелуі плазмада ангиотензин II төмендеуіне әкеледі, бұл плазмада ренин белсенділігін жоғарылатады және альдостеронның бөлініп шығуын төмендетеді. АКФ тежелуі сондай-ақ айналымдағы және орныққан калликреин-кинин жүйесінің белсенділенуін (сондай-ақ про­стагландин жүйесінін белсенділенуін) арттырады. Аталған механизм АКФ тежегіштерінің гипотензивтік әсерінің басталуына мүмкіндік береді және жағымсыз әсерлердің кейбіреуін (мысалы, жөтелді) ішінара туындатады.

Периндоприл өзінің белсенді метаболиті периндоприлат арқылы әсер етеді. Басқа метаболиттер АКФ әсерін тежеу қабілетін көрсеткен жоқ.

Гипертензия

Периндоприл артериялық гипертензияның кез келген: әлсіз, орташа және ауыр дәрежесіне әсер етеді; шалқадан жатқанда да, түрегеліп тұрғанда да систолалық және диастолалық артериялық қысымды төмендетеді.

Периндоприл шеткергі қантамырлар кернеуін азайтады, ол артериялық қысымның төмендеуіне әкеледі. Осының салдары ретінде, шеткергі қан ағысы жүректің жиырылу жиілігіне ықпалын тигізбей артады.

Әдеттегідей, бүйректік қан ағысы артады, сол кезде гломе­рулярлы сүзілу деңгейі әдетте өзгермеген күйінде қалады.

Бір реттік дозаны қабылдағаннан кейін 4-6 сағаттан соң ең жоғары гипотензивтік белсенділікке жетеді және кем дегенде 24 сағат бойы сақталады.

Артериялық қысымның төмендеуі тез басталады. Емдеуге сезімтал емделушілерде артериялық қысымның қалыпқа келуі бір ай бойы жүреді және тахифилаксияның пайда болуынсыз сақталады.

Емдеуді тоқтату, тоқтату синдромының пайда болуымен қатар жүрмейді.

Периндоприл сол жақ қарыншаның гипертрофиясын азайтады.

Периндоприлдің қантамырды кеңейтетін әсері бар екендігі, ірі артериялардың созылғыштығын жақсартатыны және кіші артериялардың ағыс/саңылау арақатынасын азайтатыны айғақталды.

Жүректің тұрақты коронарлық ауруы бар емделушілер

Периндоприл эрбуминінің 8 мг (ол 10 мг периндоприл аргининіне баламалы) емдеуде күніне бір рет қабылдағанда алғашқы ақырғы нүктенің 1,9%-ға абсолютті маңызды төмендеуіне әкеледі (салыстырмалы қаупі 20%-ға төмендейді).

Сыртартқысында миокард инфарктісі және/немесе реваскуляризациясы бар емделушілерде алғашқы ақырғы нүктесі бойынша абсолютті төмендеуі 2,2%-ға жетеді, бұл салыстырмалы қаупінің (СҚТ), плацебомен салыстырғанда, 22,4%-ға төмендеуіне сәйкес келеді.

Амлодипин – кальций иондарының антагонисі және баяу өзекшелердің блокаторы, кальций иондарының жарғақшалар арқылы миокард пен қантамырлардың тегіс бұлшықет жасушаларына түсуін бөгейді. Амлоди­пиннің гипертензияға қарсы әсер ету механизмі қантамырлардың тегіс бұлшықеттеріне тікелей босаңсытқыш әсер етуімен жүзеге асады. Амлодипиннің нақты әсер ету механизмі стенокардияда түпкілікті анықталған жоқ, бірақ амлодипин ишемияны мына екі жолмен аайтады:

1) шеткергі артериолдарды кеңейтеді, сөйтіп жалпы шеткергі кедергіні (жүктемеден кейінгі) төмендетеді, оны жеңіп шығуға жүректің жұмысы жұмсалады; жүректің жиырылу жиілігі тұрақты күйінде қалатындықтан, жүрекке жүктеменің азаюы миокардтың энергия тұтынуының және оның оттегіні қажетсінуінің төмендеуіне әкеледі

2) негізгі коронарлық артерияларды және коронарлық артериолдарды кеңейтеді, мұндайда вазоспастикалық стенокардиясы (Принцметал стенокардиясы немесе вариантты стенокардия) бар науқастарда миокардқа оттегінің түсуі артады.

Гипертензиясы бар науқастарда амлодипиннің бір реттік тәуліктік дозасы жатқан кезде де, түрегеліп тұрған кезде де 24 сағат бойы артериялық қысымның клиникалық тұрғыдан маңызды төмендеуін қамтамасыз етеді.

Стенокардиясы бар науқастарда амлодипинді бір реттік тәуліктік қабылдау дене жүктемесінің жалпы жасалу уақытын арттырады, жұмыс жасалу кезінде стенокардия ұстамасының басталуын және ST сегменті депрессиясының (1 мм-ке) пайда болуын кідіртеді, стенокардия ұстамасының жиілігін және нитроглицерин таблеткасын тұтынуды төмендетеді.

Амлодипин зат алмасуға және қан плазмасының липидтеріне ешқандай жағымсыз әсер етпейді және бронх демікпесінен, қант диабетінен және подаградан зардап шегіп жүрген емделушілерді емдеуге сай келеді.

Қолданылуы

- эссенциальді гипертензияда- жүректің тұрақты ишемиялық ауруында

Қолдану тәсілі және дозалары

Ішке қабылдауға арналған.

Амлесса® препаратының бір таблеткасын күніне бір рет, таңертең тамақтанар алдында қабылдаған дұрыс.

Дозаның бекітілген біріктірілімі бастапқы ем үшін сай келмейді.

Қажет болған жағдайда, дозаны өзгертуді компоненттердің еркін біріктірілімінің дозаларын жекелей титрлеу арқылы жүргізген жөн.

Амлесса® дозасын түзетпей-ақ, КК минутына  60 мл болатын емделушілерге тағайындалуы мүмкін, КК минутына < 60 мл болатын емделушілерде жеке компоненттерінің дозаларын жекелей титрлеу ұсынылады.

Амлодипиннің плазмалық концентрациясының өзгеруі мен бүйрек қызметінің бұзылу дәрежесі арасында өзара байланыстылық жоқ.

Бауыр қызметінің жеткіліксіздігі бар емделушілер үшін дозалау режимі анықталмаған. Сондықтан Амлесса® препаратын тағайындаған кезде сақ болған жөн.

Жағымсыз әсерлері

Амлодипинмен байланысты

Жиі ( ≥1/100 - <1/10)

• ұйқышылдық, бас айналу, бас ауыру

• жүрек қағуының жиілеуі

• ысынулар

• іштің ауыруы, жүректің айнуы

• ісіну, шеткергі ісіну

• шаршау

Жиі емес ( ≥1/1,000 - <1/100)

• салмақтың қосылуы немесе төмендеуі

• ұйқысыздық, көңіл-күйдің өзгеруі

• тремор, гипестезия, парестезия

• көрудің нашарлауы

• құлақтың шыңылдауы

• естен тану

• гипотензия (және гипотензиямен байланысты әсерлер), ентігу

• ринит

• құсу, диспепсия, ішектің перистальтикасының өзгеруі, ауыз ішінің құрғауы, дәмнің бұзылуы

• алопеция, пурпура, терінің түссізденуі, терлеудің күшеюі, қышыну, бөртпе

• артралгия, миалгия, бұлшықет құрысулары

• арқаның ауыруы, кеуденің ауыруы, астения, дімкәстік

• несептің бөлініп шығуының бұзылуы, түнгі полиурия, несептің бөлінуінің жиілеуі

• импотенция, гинекомастия

Сирек ( ≥1/10,000 - <1/1,000)

• ангинальді ауыру

Өте сирек (<1/10,000)

• лейкопения/нейтропения, тромбоцитопения

• Квинке ісінуі, аллергиялық реакция: есекжем

• гипергликемия

• қуыс ағзалар қабырғасы бұлшықеті тонусының артуы

• шеткергі нейропатия

• миокард инфарктісі, жоғары қауіп тобындағы емделушілерде шамадан тыс гипотензиядан туындауы мүмкін

• аритмия (брадикардияны, қарыншалық тахикардияны және жүрекшелердің фибрилля­циясын қоса есептегенде)

• васкулит

• жөтел

• гипертрофиялық гингивит

• панкреатит, гастрит

• гепатит, холестатикалық сарғаю

• эритема (алуан түрлері)

• Стивенс-Джонсон синдромы (қатерлі экссудативті эритема)

• бауыр ферменттері: АCТ, АCT деңгейінің жоғарылауы (негізінен, холестазға сәйкес келеді)

Кальций өзекшелерінің блокаторларын қабылдаған кезде экстрапирамидальді синдромның жекелеген жағдайлары жөнінде мәлімделді.

Периндоприлмен байланысты

Жиі (≥1/100 - <1/10)

• бас айналу, бас ауыру

• парестезия

• көрудің нашарлауы

• құлақтың шыңылдауы

• гипотензия (және гипотензиямен байланысты әсерлер)

• ентігу, жөтел

• іштің ауыруы, жүректің айнуы, құсу, диспепсия, дисгевзия, диарея, іш қату

• қышыну, бөртпе

• бұлшықет құрысулары

• астения

Жиі емес (≥1/1,000 - <1/100)

• аллергиялық реакция: есекжем

• көңіл-күйдің өзгеруі

• ұйқының бұзылуы

• бронхтың түйілуі, ауыз ішінің құрғауы

• беттің, аяқ-қолдың, еріннің, шырышты қабықтардың, тілдің, дыбыс саңылауының және/немесе көмейдің ангионевротикалық ісінуі

• тердің бөлінуі

• бүйрек қызметінің бұзылуы

• импотенция

Сирек ( ≥1/10,000 - <1/1,000)

• сарысуда билирубиннің және бауыр ферменттері мөлшерінің жоғарылауы

Өте сирек (<1/10,000)

• сананың шатасуы

• лейкопения/нейтропения, агранулоцитоз немесе панцитопения, тромбоцитопения, іштен туа G-6PDH жеткіліксіздігі бар емделушілерде гемолитикалық анемия, гемоглобиннің және гематокриттің төмендеуі

• стенокардия

• инсульт, жоғары қауіп тобындағы емделушілерде өте үлкен гипотензиядан туындауы мүмкін

• ринит

• эозинофильді пневмония

• панкреатит

• гепатит, цитолитикалық немесе холестатикалық гепатит

• эритема

• бүйрек қызметінің жедел жеткіліксіздігі

Белгісіз (қолда бар деректер бойынша баға беру мүмкін емес)

• гипокалиемия

• васкулит

• қанда мочевина деңгейінің және сарысуда креатинин деңгейінің жоғарылауы, гиперкалиемия

Қолдануға болмайтын жағдайлар

- периндоприлге (немесе кез келген басқа АКФ тежегішіне), амлодипинге (немесе кез келген дигидропиридинге) немесе қосымша заттардың кез келгеніне жоғары сезімталдық

- мұның алдында АКФ тежегіштерімен емделуге байланысты ангионевротикалық ісінудің сыртартқыда болуы

- тұқым қуалаған немесе идиопатиялық ангионевротикалық ісіну

- жүктілік және лактация кезеңі

- ауыр артериялық гипотензия

- шок, кардиогенді шокты қоса есептегенде

- сол жақ қарыншаның шығатын жолының бітелуі (мысалы, қолқаның ауыр стенозы)

- жедел миокард инфарктісінен кейінгі жүрек қызметінің гемодинамикалық тұрғыдан тұрақсыз жеткіліксіздігі

 

Дәрілермен өзара әрекеттесуі

Периндоприлмен байланысты

Ұсынылмайтын біріктірілімдер

Калий жинақтаушы диуретиктер (мысалы, спиронолактон, триамтерен немесе амилорид сияқты), калий қоспалары және құрамында калий бар тұздың орнын алмастырушылар қан сарысуында калий деңгейінің едәуір жоғарылауына әкелуі мүмкін. Егер осы препараттар айқын гипокалиемия себебіне байланысты қатар қолданылса, онда оларды қабылдаған кезде аса сақ болған және қан сарысуында калий мөлшеріне жиі мониторинг жүргізген жөн.

Литийді және АКФ тежегіштерін біріктіріп қабылдау сарысуда литий концентрациясының және уыттылықтың (ауыр нейроуыттылық) қайтымды түрде артуына әкеп соғуы мүмкін. Бірақ біріктіріп қабылдау қажет болса, онда қан сарысуындағы литий деңгейіне мұқият мониторинг жүргізу қажет.

Эстрамустин периндоприлдің ангионевротикалық ісіну (ангиоісіну) сияқты жағымсыз әсерлерінің пайда болу қаупін жоғарылатады.

Аса сақтықты талап ететін біріктірілімдер

АКФ тежегіштерін қабынуға қарсы стероиды емес препараттармен (мысалы, ацетилсалицил қышқылымен күніне  3 г және қабынуға қарсы препараттармен, ЦОГ-2 тежегіштерімен және селективті емес ҚҚСД) бір мезгілде қабылдағанда гипотензивтік әсері төмендей бастауы мүмкін. АКФ тежегіштерін және ҚҚСД қатар қабылдау, әсіресе бұрыннан бүйрек қызметі бұзылған емделушілерде, бүйрек қызметінің нашарлауын, бүйрек қызметінің жедел жеткіліксіздігін қоса есептегенде, қан сарысуында калий мөлшерінің жоғарылау қаупін арттыруы мүмкін. Осы препараттарды біріктіріп қабылдауды әсіресе егде жастағы емделушілерде сақтықпен тағайындаған жөн. Емделушілерде организмнің талапқа сай гидратациясын қадағалаған жөн. Біріктірілген емді бастағанда, сондай-ақ емдеу кезінде мезгіл-мезгіл бүйрек қызметіне мониторинг жүргізген жөн.

АКФ тежегіштерін диабетке қарсы препараттар (инсулин немесе гипогликемиялық сульфонамидтер) қабылдап жүрген емделушілерге тағайындау гипогликемиялық әсердің күшеюіне әкелуі мүмкін. Гипогликемия сирек басталады (глюкозаның жағымдылығы жақсарып, әрі қарай инсулинді қажетсіну төмендеуі мүмкін).

Сақтықты талап ететін біріктірілімдер

Диуретиктерді қабылдап жүрген емделушілерде, әсіресе айналымдағы қан көлемі төмендеген және/немесе тұз тапшы болатын емдеушілерде АКФ тежегіштерімен емделуді бастағаннан кейін артериялық қысым шамадан тыс төмендеп кетуі мүмкін. Емдеуді бастар алдында диуретикті тоқтату, айналымдағы қан көлемін арттыру немесе тұздарды қабылдау, сондай-ақ периндоприлдің бастапқы төмен дозаларын тағайындау және оларды біртіндеп арттыру гипотензияның пайда болу қаупін төмендетеді.

Симпатомиметиктер АКФ тежегіштерінің гипотензивтік әсерін төмендетуі мүмкін.

Құрамында алтыны бар препараттармен (натрий ауротиомалаты) инъекциялық ем қабылдап жүрген және АКФ тежегіштерімен, периндоприлді қоса есептегенде, қатар емделіп жүрген емделушілерде нитритоидты реакциялар (беттің қызаруын, жүректің айнуын, құсуды және гипотензияны қамтитын симптомдар) жөнінде мәлімдемелер сирек түсті.

Амлодипинмен байланысты

Аса сақтықты қажет ететін біріктірілімдер

Жас емделушілерде CYP3A4 тежегішін эритромицинмен және егде жастағы емделушілерде дилтиаземмен бір мезгілде қолданғанда амлодипиннің қан плазмасындағы концентрациясы тиісінше 22%-ға және 50%-ға артты. Алайда бұл нәтижелердің клиникалық маңызы анықталмаған күйінде қалады. CYP3A4 күшті тежегіштерінің (мысалы, кетоконазол, итраконазол, ритонавир) амлодипиннің қан плазмасындағы концентрациясын, дилтиаземге қарағанда, үлкен дәрежеде арттыра алатындығы жоққа шығарылмайды. Амлодипинді CYP3A4 тежегіштерімен бірге абайлап тағайындаған жөн.

CYP3A4 индукторларын (рифампицин, шілтерлі шайқурай, құрысуға қарсы дәрілер, яғни карбамазепин, фенобарби­тал, фенитоин, фосфенитоин, примидон) бір мезгілде қолдану осы индукторлардан амлодипиннің бауырлық метаболизмінің жоғарылауына байланысты, амлодипиннің плазмадағы концентрациясының төмендеуіне әкеледі. Амлодипинді CYP3A4 индукторларымен біріктіргенде сақ болған жөн, қажет болғанда амлодипиннің дозасын бейімдеуге болады.

Ескеруді қажет ететін біріктірілімдер

Жүрек қызметінің жеткіліксіздігінде тағайындалатын бета-блокаторлармен (бизо­пролол, карведилол, метопролол) бірге, жүрек қызметінің жеткіліксіздігі бар емделушілерде, егер ол жасырын немесе қадағалауға келмейтін болса, гипотензияның, әлсіздіктің пайда болу қаупі артады (жағымсыз инотропты әсер қосылады). Бұдан басқа, бета-блокатор күшті гемоди­намикалық реперкуссияда симпатикалық рефлексті азайта алады.

Монотерапия кезінде, амлодипин тиазидтік диуретиктермен, бета-блокаторлармен, АКФ тежегішерімен, ұзақ әсер ететін нитраттармен, сублингвальді қолдануға арналған нитроглицеринмен, дигоксинмен, варфаринмен, аторвастатинмен, силденафилмен, қышқылға қарсы препараттармен (алюминий гидроксидінің гелі, магний гидроксиді, симетикон), циметидинмен, қабынуға қарсы стероидты емес препараттармен, антибиотиктермен және перораль­ді гипогликемиялық препараттармен бірге қауіпсіз тағайындалады.

Циметидинмен, аторвастатинмен, дигоксинмен, варфаринмен және циклоспоринмен жүргізілген арнайы зерттеулерде олардың фармакокинетикасы мен амлодипиннің фармакокинетикасында өзгерулер байқалған жоқ.

Аса сақтықты қажет ететін біріктірілімдер

Баклофен гипотензивті әсердің айқындылығын күшейтеді. Бірге қолданған кезде артериялық қысымға және бүйрек қызметіне мониторинг жүргізу қажет, сондай-ақ қажет болғанда гипертензияға қарсы препараттардың дозасын бейімдеген жөн.

Сақтықты қажет ететін біріктірілімдер

Альфа блокаторлар (празозин, алфузозин, доксазозин, тамсулозин, теразозин), бета- блокаторлар, вазодилататорлар, нитроглицерин және басқа да нитраттар, үшциклдік антидепрессанттар, антипсихотикалық, жансыздандырушы препараттар, амифостин амлодипиннің гипотензивтік әсерін күшейтеді және ортостатикалық гипотензияның пайда болу қаупін арттырады.

Кортикостероидтар, тетракозактид гипотензивтік әсерді (кортикостероидтардың әсерінен тұздардың және судың іркілуін) азайтады.

Айрықша нұсқаулар

Периндоприлмен байланысты

АКФ тежегіштерімен, периндоприлді қоса есептегенде, емделіп жүрген емделушілерде беттің, аяқ-қолдың, еріннің, шырышты қабықтардың, тілдің, дыбыс саңылауының және/немесе көмейдің ангионевротикалық ісінуі жөнінде сирек мәлімдемелер бар. Мұндай жағдайларда Амлесса® қабылдауды дереу тоқтатқан және симптомдар толық жоғалғанға дейін қажетті мониторингті жүргізген жөн. Әдетте, ісіну тек бет пен ерінде болған жағдайларда, олар қандай да бір емсіз қайтады, ан­тигистаминдік препараттар симптомдарды жеңілдетуге жәрдемдеседі. Көмейдің ісінуімен қатар жүретін ангионевротикалық ісіну, өліммен аяқталуға әкеп соғуы мүмкін. Тіл, дыбыс саңылауы немесе көмей ісінгенде, тыныс жолдарын бітеп тастауы мүмкін болғандықтан, алғашқы жәрдемді дереу көрсеткен жөн, бұған ареналинді тағайындау және/немесе тыныс жолдарының ашықтығын сақтау қамтылады. Емделуші, симптомдар толық және үзілді-кесілді жоғалғанша, қалтқысыз медициналық бақылауда болуы тиіс. АКФ тежегішін қабылдағанда ангиневротикалық ісінудің басталу қаупі АКФ тежегішін қабылдаумен байланысты емес ангионевротикалық ісінуді бастан кешкен емделушілерде жоғары болады. АКФ тежегіштерін қабылдаған емделушілерде ішектің ангиоісінуі жөнінде сирек мәліметтер түсті. Осы емделушілерде іштің ауыруы (жүректің айнуымен және құсумен немесе онсыз) пайда болды; кейбір жағдайларда оның алдында беттің ангиоісінуі болмаған және С-1 эстераза деңгейі қалыпты болды. Ангиоісіну компьютерлі томография, ультрадыбыс қамтылатын емшаралардың немесе хирургиялы операциялардың жәрдемімен анықталды, симптомдар АКФ тежегіштерін қабылдауды тоқтатқаннан кейін тоқтады. АКФ тежегіштерін қабылдап жүрген, іші ауырған емделушілерде дифференциальді диагнозға ішек ангиоісінуі қамтылуы тиіс.

Сирек жағдайларда, декстрансульфатты түрде сіңіру жәрдемімен ТТЛП (тығыздығы төмен липопротеидтер) аферезі емшарасынан өткен емделушілерде АКФ тежегіштерін тағайындағанда өмірге қауіп төндіретін анафилактоидтық реакциялар білінді. Осы реакцияларды болдырмау әрбір аферезді жүргізер алдында АКФ тежегішін уақытша тоқтату арқылы мүмкін болды.

Десенсибилизациялаушы ем (мысалы, гименоптериялық умен) кезінде АКФ тежегіштерімен ем қабылдаған кейбір емделушілерде анафилак­тоидтық реакциялар басталды. Осы реакциялардан АКФ тежегішін уақытша тоқтату арқылы мүмкін болды, бірақ препаратты абайсыз қабылдап қойған жағдайда олар қайтадан басталды.

АКФ тежегішерін қабылдап жүрген емделушілерде нейтропения/агранулоцитоз, тромбоцитопения және анемия білінді. Бауыр қызметі қалыпты және басқа асқындыратын факторлары жоқ емделушілерде нейтропения сирек болады. Периндоприлді қабылдаған кезде коллагенозды-қантамырлық аурулары бар емделушілер, иммунодепрессантты ем қабылдап жүрген емделушілер, аллопуринолмен немесе прокаинамидпен емделіп жүрген, немесе осы асқындырғыш факторлардың барлығы бар, әсіресе бүйрек қызметі бұзылуы бар емделушілерде өте сақ болған жөн. Осындай емделушілердің кейбіреулерінде ауыр жұқпалар пайда болған. Жекелеген жағдайларда антибиотиктермен қарқынды түрде емдеу нәтижесіз болып шыққан. Периндоприлді осындай емделушілерге тағайындағанда лейкоциттер санына әлсін-әлсін мониторинг жүргізу және емделушілерге жұқпалардың кез келген белгілері (мысалы, тамақтың ауыруы, ыстығы көтерілуі) жөнінде мәлімдеп отыру керектігіне нұсқау беру қажет.

Қабылдаған кездегі сақтандырулар

Клиникалық біліністері бар гипотензияның басталу қаупі жоғары емделушілерді (айналымдағы қан көлемі төмендеген: диуретиктерді қабылдап жүрген, тұзды пайдалану шектелген диетадағы, диализдегі, диареядан немесе құсудан зардап шегіп жүрген; ренин-тәуелді гипертензиясы ауыр емделушілерді) Амлессамен® емдеген кезде артериялық қысымға, бүйрек қызметіне және сарысудағы калий деңгейіне мұқият мониторинг жүргізген жөн. Осы секілді пікірлер жүректің ишемиялық аурулары және цереброваскулярлы аурулары бар, артериялық қысымының айқын төмендеуі миокард инфарктісіне немесе инсультке әкеп соғуы мүмкін емделушілерге де қатысты.

Гипотензия пайда болған жағдайда, емделушіні шалқасынан жатқызу керек, қажет болғанда айналымдағы қан көлемін көктамыр ішіне 0,9% натрий хлориді ерітіндісін (9 мг/мл) енгізу арқылы толықтырған жөн. Өткінші гипотензия препаратты әрі қарай қабылдау үшін қарсы көрсетілім болып табылмайды, оны әдетте айналымдағы қан көлемінің ұлғаюы салдарынан артериялық қысым қайтадан жоғарылағаннан кейін де сенімді түрде жалғастыруға болады.

АКФ-нің басқа да тежегіштері сияқты, периндоприлды митральді клапаны тарылған және сол жақ қарыншаның шығатын жолының обструкциясы бар, мысалы қолқасы тарылған немесе гипертрофиялық кардиомиопатиясы бар емделушілерге аса сақтықпен тағайындаған жөн.

АКФ тежегіштерімен емдеген кезде өнімсіз, тоқтамайтын жөтелу жағдайлары білінді, ол препаратты тоқтатқанда қайтады. АКФ тежегішін қабылдаудан болған жөтелді жөтелдің дифференциалды диагнозының бір бөлігі ретінде қарастырған жөн.

Хирургиялық араласымда немесе гипотензияны тудыратын препараттармен жансыздандыру кезінде Амлесса®, рениннің компенсаторлы босап шығуы салдарынан, ангиотензин II түзілуін бөгеуі мүмкін. Емдеуді операциядан бір күн бұрын тоқтату керек. Осы әсер ету механизмімен байланысты деп болжам жасалатын гипотензия басталғанда айналымдағы қан көлемін арттырған жөн.

АКФ тежегіштерімен, соның ішінде периндоприлмен ем қабылдап жүрген кейбір емделушілерде қан сарысуындағы калий мөлшерінің жоғарылау жағдайлары білінді. Гиперкалиемияны пайда болуы үшін қауіпті факторларға бүйрек қызметінің жеткіліксіздігі, бүйрек қызметінің нашарлауы, жасы (> 70 жас), қант диабеті, организмнің сусыздануы сияқты кенеттен болатын құбылыстар, жүрек қызметінің жедел декомпенсациясы, метаболизмдік ацидоз, калий жинақтаушы диуретиктерді (спиронолактон, эплеренон, триамтерен немесе амилорид), калий қоспаларын немесе құрамында калий бар тұз алмастырғыштарды бір мезгілде қабылдау, сондай-ақ сарысудағы калий деңгейін жоғарылататын басқа да дәрілік препараттарды (мысалы, гепаринді) қабылдау жатады. Калий қоспаларын, калий жинақтаушы диуре­тиктерді және құрамында калий бар тұз алмастырғыштарды қабылдау, әсіресе бүйрек қызметі бұзылған емделушілерде, сарысудағы калий деңгейінің маңызды түрде артуына әкеп соғуы мүмкін. Гиперкалиемия ауыр, кейде өліммен аяқталатын аритмияны тудыруы мүмкін. Егер периндоприлді және жоғарыда аталған препараттарды қатар тағайындау қажет деп саналса, онда оларды қабылдау сақтықпен және қан сарысуындағы калий мөлшеріне жүйелі түрде мониторинг жасай отырып жүргізілуі тиіс.

Бүйрек қызметінің жеткіліксіздігі

Бүйрек қызметінің жеткіліксіздігінде (креатинин клиренсі < 60 мл/мин.) жеке компоненттерінің дозасын жекелей титрлеу ұсынылады. Бүйрек қызметінің жеткіліксіздігі бар емделушілерде әдеттегі медициналық тексеруге калий мен креатинин деңгейлеріне мониторинг жасау қамтылуы тиіс. Екі жақты бүйрек артериялары стенозы немесе жалғыз бүйрек артериялары стенозы бар, АКФ тежегіштерімен ем қабылдап жүрген кейбір емделушілерде қандағы мочевина деңгейінің және сарысудағы креатинин деңгейінің жоғарылағаны байқалды, әсіресе олар емдеуді тоқтатқан жағдайда қайтымды болды. Бұл бүйрек қызметінің жеткіліксіздігі бар емделушілерде көбірек болуы мүмкін. Реноваскулярлы ги­пертензияда сондай-ақ ауыр гипотензияның және бүйрек қызметі жеткіліксіздігінің жоғары қаупі бар.

Бүйрек артерияларының көзге көрінерлік бұзылуларынсыз гипертензиясы бар кейбір емделушілерде қандағы мочевина концентрациясының және сарысудағы креатининнің жоғарылағаны байқалды, әсіресе периндоприл мен диуретикті біріктіріп қабылдағанда әдетте бұл болымсыз және өткінші сипатта болды. Бұл бүйрек қызметі жеткіліксіздігінен зардап шегіп жүрген емделушілерде көбірек болуы ықтимал.

Бауыр қызметінің жеткіліксіздігі

Сирек жағдайларда АКФ тежегіштерін қабылдау холестатикалық сарғаюдан басталатын синдроммен қатар жүреді және бауырдың фульминантті нек­розына өршиді және (кейде) өліммен аяқталады. Осы синдромның механизмі әзірше түсініксіз. АКФ тежегіштерін қабылдап жүрген, сарғаю пайда болған немесе бауыр ферменттері елеулі жоғарылаған емделушілер АКФ тежегіштерін қабылдауды тоқтатуы және мұқият медициналық тексерілуден өтуі тиіс.

Қант диабеті бар емделушілер

Қант диабеті бар, диабетке қарсы пероральді препараттарды немесе инсулинді қабылдап жүрген емделушілерде АКФ тежегіштерімен емделудің алғашқы айы ішінде гликемияға мұқият мониторинг жүргізген жөн.

Нәсілі

АКФ тежегіштерімен емдеген кезде ангионевротиалық ісіну басқа нәсілдерге қарағанда қара нәсілділерде жиі болады.

АКФ басқа тежегіштері сияқты, периндоприлдің гипотензивтік тиімділігі қара нәсілді емделушілерде, басқа нәсілділерге қарағанда, төмен болуы мүмкін. Мұның себебі қара нәсілді емделушілерде ренин мөлшерінің төмен болуы аясында гипертензия өте жиірек болуы мүмкін.

Амлодипинмен байланысты

Бауыр қызметінің жеткіліксіздігі бар емделушілер:

Амлодипиннің жартылай шығарылу кезеңі, кальцийдің барлық қалған антогонистері сияқты, бауыр қызметі бұзылған емделушілерде ұлғайған. Сондықтан осы емделушілерге аталған препаратты тағайындағанда сақ болған және бауырға мұқият мониторнг жүргізген жөн.

Жүрек қызметінің жеткіліксіздігі бар емделушілер:

Жүрек қызметінің жеткіліксіздігі бар емделушілерді емдеу сақтықты қажет етеді.

Этиологиясы ишемиялық емес жүрек қызметінің III және IV класқа жататын жеткіліксіздігі (NYHA классификациясы бойынша) бар емделушілерде амлоди­пинді қабылдау жүрек қызметі жеткіліксіздігінің, өкпе ісінуінің нашарлау жағдайларының ұлғаюымен қатарласа жүреді.

Амлессамен® байланысты

Жеке компоненттердің әрқайсысымен байланысты барлық нұсқаулар Амлессаның® бекітілген біріктіріліміне де қатысты.

Педиатрияда пайдаланылуы

Амлесса препаратын балаларға және жасөспірімдерге (18 жасқа дейінгі) қолдану тиімділігі және қауіпсіздігі жеткіліксіз зерттелген, осыған байланысты препаратты емделушілердің осы категориясына тағайындамау керек.

Автокөлікті және қауіпті механизмдерді басқару қабілетіне ықпал ету ерекшеліктері

АҚ төмендеуіне байланысты жекелей реакциялар, әсіресе емнің бастапқы сатысында немесе гипотензивтік препараттармен біріктіріп емдеген кезде пайда болатындықтан, автокөлікті жүргізгенде және қауіпті механизмдермен жұмыс жасағанда сақ болған жөн.

Артық дозалануы

Симптомдары: айқын жүйелік гипотензия, циркуляторлық шок, электролиттік теңгерімнің бұзылуы, бүйрек қызметінің жеткіліксіздігі, гипервентиляция, тахикардия, жүрек қағуының күшеюі, брадикардия, бас айналу, үрейлену жағдайы, жөтел.

Емдеу: қантамырлық тонусты және артериялық қысымды қалпына келтіруге арналған қантамырды тарылтқыш препараттар; кальций өзекшелерінің блокадасын жою үшін кальций глюконатын көктамыр ішіне енгізу, физиологиялық ерітіндімен инфузия, катехоламиндер инфузиясы және/немесе көктамыр ішіне енгізу. Емдеуге төзімді брадикардия жағдайында электрокардиостимуляция жүргізу қолданылады. Өмір үшін маңызды көрсеткіштерді, электролиттер деңгейін және сарысудағы креатининді ұдайы қадағалап отырған жөн. Периндоприл гемодиализдің жәрдемімен шығарылады (амлодипин гемодиализбен шығаруға келмейді).

Шығарылу түрі және қаптамасы

Ламинацияланған полиамидті/алюминий/поливинилхлоридті үлбірден және алюминий фольгадан жасалған пішінді ұяшықты қаптамада 10 таблеткадан салынған.

Пішінді ұяшықты 3, 6 немесе 9 қаптама медицинада қолданылуы жөнінде мемлекеттік және орыс тілдеріндегі нұсқаулықпен бірге картон пәшкеге салынған.

Сақтау шарттары

Түпнұсқалық қаптамасында, 30 °С-ден аспайтын температурада, жарықтан және ылғалдан қорғалған жерде.

Балалардың қолы жетпейтін жерде сақтау керек!

 

Сақтау мерзімі

2 жыл

Қаптамасында көрсетілген жарамдылық мерзімі өткеннен кейін қолдануға болмайды!

 

Дәріханадан босатылу шарттары

Рецепт арқылы

 

Өндіруші

КРКА, д.д. Ново место, Словения

Шмарьешка 6, 8501 Ново место, Словения

Тіркеу куәлігінің иесі

КРКА, д.д., Ново Место, Словения

Тұтынушылардан өнім (тауар) сапасы жөнінде шағымдарды Қазақстан Республикасы аумағында қабылдайтын ұйымның мекенжайы

ҚР-дағы «KRKA, tovarna zdravil, d.d., Novo mesto» өкілдігі

ҚР, 050059, Алматы қ-сы, Әл-Фараби д-лы 19, корпус 1б, 2-ші қабат

тел. 8 (727) 311-08-09

факс 8 (727) 311-08-12

www.krka.si