Амизон® (0.125 г)

МНН: Энисамия йодид
Производитель: Фармак ПАО
Анатомо-терапевтическо-химическая классификация: Прочие противовирусные препараты
Номер регистрации в РК: № РК-ЛС-5№013807
Информация о регистрации в РК: 23.09.2019 - 23.09.2024

Инструкция

Саудалық атауы

Амизон®

Халықаралық патенттелмеген атауы

Энисамия йодид

Дәрілік түрі

Қабықпен қапталған таблеткалар, 0,125 және 0,25 г

Құрамы

1 таблетканың құрамында

белсенді зат: 0,125 және 0,25 г амизон® (энисамия йодиді),

қосымша заттар: лактоза моногидраты, микрокристалды целлюлоза, повидон, натрий кроскармеллозасы, кальций стеараты;

OPADRY II Clear (Опадрай II Мөлдір 85F19250) қабығының құрамы: поливинил спирті, тальк, полиэтиленгликоль, полисорбат 80.

Сипаттамасы

Дөңгелек пішінді, екі жағы дөңес, сары немесе сарғыш-жасыл түсті, қабықпен қапталған таблеткалар. Таблетка-ядросының бетінде елеусіз теңбілдер болуына жол беріледі.

Фармакотерапиялық тобы

Вирусқа қарсы басқадай препараттар.

ATХ коды J05 AХ

Фармакологиялық қасиеттері

Фармакокинетикасы

Ішу арқылы қабылдағаннан кейін Амизон® қанға тез түседі, оның қандағы ең жоғарғы концентрациясы қабылдағаннан кейін 2-2,5 сағаттан соң байқалады. Жартылай шығарылу кезеңі 13,5-14 сағатты құрайды, бауырда метаболизденеді, бірақ тіндерден тез шығарылады (жартылай шығарылу кезеңі 2-3 сағатты құрайды). Организмнен 90-95 %-ы несеппен метаболиттер түрінде шығарылады.

Фармакодинамикасы

Амизон® – изоникотин қышқылының туындысы. Тұмау вирустарына тежегіштік әсерін жүзеге асырады, интерфероногендік қасиеттері бар, организмнің вирустық жұқпаларға төзімділігін арттырады, қабынуға қарсы, ыстықты түсіретін және ауыруды басатын әсер береді.

Амизонның® вирусқа қарсы әсері оның тұмау вирусының гемагглютининдеріне тікелей әсерімен байланысты, соның салдарынан вирион ары қарай репликациялану үшін нысана жасушаларға қосылу қабілетін жоғалтады.

Қабынуға қарсы әсері жасушалық және лизосомалық жарғақшалардың тұрақтануының, базофилдердің дегрануляциясы, антиоксиданттық әсері баяулауының, қабыну ошағында простагландиндер, циклдік нуклеотидтер деңгейі мен энергетикалық алмасуы қалыпқа түсуінің нәтижесі болып табылады. Бұл дәрінің ыстықты түсіретін қасиеті мидың жылуды реттегіш орталықтарына әсер етуіне байланысты. Препараттың ауыруды басатын әсері ми діңі ретикулярлық формациясы арқылы жүзеге асады.

Амизон® қан плазмасында эндогендік интерферон деңгейін 3-4 есе арттыру, лизоцимді және жұқпа қоздырғыштарына антиденелер титрін, сондай-ақ жасушалық иммунитетті – Т-лимфоциттер мен макрофагтардың функционалдық белсенділігін көтермелеу есебінен арттыру арқылы персистирленетін иммунитетті күшейтеді. Бұл дәрі эндогендік интерферонның күшті индукторы болып табылады.

Қолданылуы

  • ауруларды емдеу мен алдын алуда: тұмау және респираторлық вирустық жұқпалар; жұқпалы мононуклеоз; қызылша, қызамық, желшешек, паротит жұқпасы; феллиноз (мысық тырнауының ауруы); А, Е гепатиттерінің спецификалық емес химиопрофилактикасында;

  • кешенді ем құрамында: вирустық, вирустық-бактериялық және бактериялық пневмония және баспа; эризипелоидтің терілік-буындық түрі; менингит және шығу тегі вирустық менингоэнцефалит; герпестік жұқпалар; А, Е гепатиті; остеохондроз, омыртқа аралық дискілер жарығы, артрит, невралгия кезіндегі ауыру синдромдары.

Қолдану тәсілі және дозалары

Амизон® тамақтанудан кейін, ішке шайнамай қабылдайды. Ең жоғары бір реттік дозасы – 1000 мг, тәуліктік – 2000 мг.

Аурудың ауырлығы мен этиологиясына байланысты ұсынылатын емдеу курсы – 5 күннен 30 күнге дейін.

Тұмау және басқа да респираторлық вирустық жұқпалар

Емдеу. Ересектер мен 12 жастан асқан балаларға 250-500 мг-ден тәулігіне 2-4 рет 5-7 күн бойы тағайындайды; 6-дан 12 жасқа дейінгі балаларға 125 мг-ден тәулігіне 2-3 рет 5-7 күн бойы тағайындайды.

Алдын алу. Ересектер мен 16 жастан асқан балаларға – тәулігіне 250 мг-ден 3-5 күн бойы, бұдан әрі – 250 мг 2-3 тәулікте 1 рет 2-3 апта бойы; 6-12 жастағы балаларға – 125 мг-ден күнара 2-3 апта бойы; 12-ден 16 жасқа дейінгі балаларға – 250 мг-ден күнара 2-3 апта бойы.

Менингоэнцефалиттер кезінде ересектерге Амизонды® 250 мг-ден тәулігіне 3 рет 10 күн бойы тағайындайды.

Қызылша, қызамық, желшешекті емдеу үшін ересектер мен 16 жастан асқан балаларға ‑ 500 мг-ден тәулігіне 3 рет; 6-7 жастағы балаларға ‑ 125 мг-ден тәулігіне 3 рет; 8-12 жастағы балаларға ‑ 125 мг-ден 4 рет; 13-14 жастағы балаларға – 250 мг-ден тәулігіне 3 рет; 14-16 жастағы балаларға ‑ 250 мг-ден тәулігіне 4 рет.

Паротитті жұқпаларды емдеу үшін ересектер мен 14 жастан асқан балаларға орташа ауырлықтағы аурулар кезінде 250 мг-ден тәулігіне 4 рет және ауыр ағымды кезінде 500 мг-ден тәулігіне 3 рет 6-7 күн бойы тағайындайды; 12-14 жастағы балаларға 250 мг-ден тәулігіне 3-4 рет 6-7 күн бойы тағайындайды.

Паротитті жұқпаның спецификалық емес химиопрофилактикасы ересектерге 250 мг-ден тәулігіне 2 рет 10-14 күн бойы тағайындайды.

Орташа ауырлықтағы жұқпалы мононуклеозде ересектер мен 12 жастан асқан балаларға – 250 мг Амизоннан® тәулігіне 3-4 рет және 6-дан 12 жасқа дейінгі балаларға – 125 мг тәулігіне 3 рет. Ағымы ауыр кезінде алғашқы 2-3 күн бойы ересектер мен 12 жастан асқан балаларға – тәулігіне 1500-2000 мг, 6-дан 12 жасқа дейінгі балаларға – тәулігіне 1000 мг-ден. Клиникалық әсеріне қол жеткізген соң дозаны екі есе азайтуға болады..

Феллинозды емдеу үшін ересектер мен 14 жастан асқан балаларға орташа ауырлығы кезінде 250 мг-ден тәулігіне 3-4 рет және аурудың ауыр түрінде 500 мг-ден тәулігіне 3 рет тағайындайды. 6-9 жастағы балаларға ‑ 125 мг-ден тәулігіне 3 рет; 10-14 жастағы балаларға ‑ 125 мг-ден тәулігіне 4 рет тағайындайды.

Эризипелоидтің терілік-буындық түрінде ересектерге – 500 мг-ден тәулігіне 3 рет 7-14 күн бойы.

Вирустық А, Е гепатиті. Кешенді емдеуде ересектерге – 250 мг-ден тәулігіне 3 рет алғашқы 5 күн бойы. Спецификалық емес химиопрофилактика ересектерге – 250 мг-ден тәулігіне 3 рет.

Пневмонияны кешенді емдеуде ересектерге – 250 мг-ден тәулігіне 3 рет 10-15 күн бойы.

Баспаны кешенді емдеуде ересектерге – орташа ауырлықтағы аурулар кезінде 250 мг-ден тәулігіне 3-4 рет 5 күн бойы; аурудың ауыр ағымдылығы кезінде 500 мг-ден тәулігіне 3-4 рет 7 күн бойы.

Ауыратын синдромдар кезінде ересектер 250-500 мг-ден тәулігіне 3-4 рет қабылдайды.

Жағымсыз әсерлері

Аллергиялық реакциялар: тері бөртпелерін, есекжемді, ангионевротикалық ісінуді, қышынуды қоса, аса жоғары сезімталдық реакциялары.

Ас қорыту жүйесі тарапынан: ауыздың құрғауы және ащы дәм білінуі, ауыз қуысы шырышты қабығының ісінуі, гиперсаливация, тілдің сары түске боялуы, жүрек айну, құсу, қыжыл, іштің ауыруы, оң жақ қабырға астының ауыр тартуы, диарея, іштің кебуі.

Тыныс алу жүйесі тарапынан: ентігу, тамақтың тітіркенуі.

Тіркеуден кейінгі кезеңде бірлі-жарым жағдайларда келесі жағымсыз реакциялар байқалған: бас ауыруы, бас айналуы, әлсіздік, артериялық қысымның ауытқуы.

Қолдануға болмайтын жағдайлар

  • йод препараттарына және препараттың басқа компоненттеріне жоғары сезімталдық
  • сыртартқыда аллерген табиғатына байланыссыз аллергиялық реакциялардың болуы
  • бауыр мен бүйректің ауыр органикалық зақымданулары
  • жүктіліктің бірінші триместрі

  • 6 жасқа дейінгі балалар

Дәрілермен өзара әрекеттесуі

Амизон® бактерияға қарсы және иммунмодуляциялаушы дәрілердің әсерін күшейтеді. Бұл препаратты аскорбин қышқылымен және басқа да витаминдермен біріктіру дұрыс болып табылады. Сондай-ақ Амизонды® рекомбинантты интерферонды қолданумен бір мезгілде тағайындауға болады.

Айрықша нұсқаулар

Препаратты қалқанша без аурулары бар емделушілерге, әсіресе гипертиреоз кезінде сақтықпен тағайындау керек.

Препарат құрамында лактоза бар, сондықтан галактозаны көтере алмаушылықтың сирек кездесетін тұқым қуалайтын түрлері, лактаза жеткліксіздігі немесе глюкоза-галактоза мальабсорбциясы синдромы бар емделушілерге препаратты қолдануға болмайды.

Жүктілік немесе лактация кезеңінде қолданылуы

Жүктіліктің ІІ және ІІІ триместрде тек дәрігердің тағайындауы бойынша қолдануға болады. Бала емізетін әйелдерге қолдануға қатысты деректер жоқ.

Дәрілік заттың көлік құралын немесе қауіптілігі зор механизмдерді басқару қабілетіне әсер ету ерекшеліктері

Амизон® препаратын қабылдау автокөлікті басқару немесе басқа механизмдермен жұмыс істеу қабілетіне әсер етпейді.

Артық дозалануы

Амизонмен® артық дозалану жағдайлары туралы хабарланбаған. Артық дозаланған кезде жағымсыз реакциялар көріністері күшеюі мүмкін: шырышты қабықтардың қоңыр түске боялуы, құсу, іштің ауыруы және диарея. Ісінулер, эритема, безеу тәрізді және буллёздік бөртпелер, қызба дамуы орын алуы мүмкін.

Емі: асқазанды шаю, симптоматикалық ем.

Шығарылу түрі және қаптамасы

10 немесе 20 таблеткадан поливинилхлоридті түссіз үлбірден және баспалы лакталған алюминий фольгадан жасалған пішінді ұяшықты қаптамаға (блистер) салынған.

1 пішінді ұяшықты қаптамадан (блистер) қолданылуы жөніндегі мемлекеттік және орыс тіліндегі нұсқаулықпен бірге картон пәшкеге салынады.

Сақтау шарттары

Жарықтан қорғалған жерде, 25 °С-ден аспайтын температурада сақтау керек.

Балалардың қолы жетпейтін жерде сақтау керек!

Сақтау мерзімі

3 жыл

Жарамдылық мерзімі өткеннен кейін препаратты қолдануға болмайды.

Дәріханалардан босатылу шарттары

Рецептісіз

Өндіруші

«Фармак» ЖАҚ, Украина, 04080, Киев қ., Фрунзе к-сі, 63.

Тіркеу куәлігінің иесі

«Фармак» ЖАҚ, Украина

Қазақстан Республикасы аумағында тұтынушылардан өнім (тауар) сапасына қатысты шағымдарды қабылдайтын ұйымның мекенжайы

Қазақстан Республикасы, 050009 Алматы қ., Абай к-сі 157, 5 кеңсе

Тел/факс: +7 (727) 250 66 23, электронды поштасы: Djatlova88@mail.ru

 

Прикрепленные файлы

444648541477976706_ru.doc 61.5 кб
116345401477977850_kz.doc 85 кб

Отправить прикрепленные файлы на почту

Источники

Национальный центр экспертизы лекарственных средств, изделий медицинского назначения и медицинской техники