Аметронид
Инструкция
-
русский
-
қазақша
Саудалық атауы
Аметронид
Халықаралық патенттелмеген атауы
Жоқ
Дәрілік түрі
Гель
Құрамы
10 г гельдің құрамында, грамм бойынша
белсенді заттар: метронидазол бензоаты 0,160 г
метронидазолға баламалы 0,100 г
хлоргексидин глюконат ерітіндісі
хлоргексидин глюконатына баламалы 0,025 г
қосымша заттар: карбопол 974P - 0.120 г, натрий метилпарабені - 0.010 г, натрий пропилпарабені - 0.003 г, полиэтиленгликоль 400 - 1.500 г, бұрыш жалбызының эссенциясы - 0.013г, триэтаноламин 0.225г, пропиленгликоль 1.000 г, тазартылған су 10.00 г дейін.
Сипаттамасы
Қатты бөлшектерсіз және ауа көпіршіктерінсіз, ақ дерлік түсті біртектес гель.
Фармакотерапиялық тобы
Стоматологиялық препараттар. Ауыз қуысының ауруларын жергілікті емдеуге арналған микробқа қарсы препараттар. Басқалары.
АТХ коды А01АВ11
Фармакологиялық қасиеттері
Фармакокинетикасы
Аметронид стоматологиялық гелінің әсері оның компоненттерінің жиынтық әсері болып табылады, сондықтан фармакокинетикалық зерттеулер жүргізу мүмкін емес. Аметронид препаратын жергілікті қолданған кезде белсенді заттары іс жүзінде жүйелі сіңуге ұшырамайды және жүйелі әсер етпейді.
Фармакодинамикасы
Ауыз қуысының инфекциялық-қабынбалы ауруларының профилактикасына және емдеуге арналған микробтарға қарсы біріктірілген препарат. Препараттың әсері оның құрамына кіретін компоненттерінің қасиеттеріне байланысты.
Метронидазол пародонт ауруларын туғызатын: Porphyromonas gingivalis, Prevotella intermedia, Fusobacterium fusiformis, Wolinella recta, Eikenella corrodens, Borrelia vincenti, Bacteroides melaninogenicus, Selenomonas spp. анаэробты бактерияларына қатысты белсенді.
Хлоргексидин – кең ауқымда әсер ететін антисептик, бактерицидтік әсері бар. Грамоң және грамтеріс микроорганизмдердің, сондай-ақ ашытқылар, дерматофиттер және липофильді вирустардың вегетативті түрлеріне қатысты белсенді.
Қолданылуы
Пародонттың және ауыз қуысының шырышты қабығының инфекциялық-қабынбалы аурулары:
Қолдану тәсілі және дозалары
Ересектерге және 6 жастан үлкен балаларға гингивит кезінде Аметронидті қызыл иектің айналасына тәулігіне 2 рет жағады, гельді шаю ұсынылмайды. Емдеу курсының ұзақтығы орта есеппен 7-10 күнді құрайды. Гельді қолданғаннан кейін 30 минуттай су ішуден және тамақ қабылдаудан тыйыла тұрған жөн.
Пародонтит кезінде тістегі шөгінділерді алғаннан кейін пародонтальді қалталарды гельмен өңдейді және қызыл иек аумағына гельді жапсырады. Экспозиция уақыты – 30 минут. Емшара мөлшері аурудың ауырлығына байланысты. Гельді ары қарай жапсыруды пациенттің өзі жүргізуіне болады: препаратты қызыл иек аумағына 7-10 күн бойы тәулігіне 2 рет жағу керек.
Афтозды стоматит кезінде гельді ауыз қуысының шырышты қабығының зақымданған жерлеріне 7-10 күн бойы тәулігіне 2 рет жағу керек.
Созылмалы гингивиттің және пародонтиттің асқынуының профилактикасы үшін гельді қызыл иек аумағына 7-10 күн бойы тәулігіне 2 рет жағу керек. Профилактика курстарын жылына 2-3 рет жүргізеді.
Жұлғаннан кейінгі альвеолиттің профилактикасы үшін тісті жұлғаннан кейін препаратпен тіс шұңқырын өңдейді, одан кейін гельді 7-10 күн бойы тәулігіне 2-3 реттен амбулаториялық ем кезінде қолданады.
Жағымсыз әсерлері
Кейде:
- бас ауыруы, терінің тітіркенуі, аллергиялық реакциялар (тері бөртпесі, қышыну, есекжем)
Аметронид препаратын жергілікті қолданған кезде жүйелі жағымсыз әсерлердің дамуы неғайбіл.
Қолдануға болмайтын жағдайлар
-
жүктіліктің І триместрі
-
6 жасқа дейінгі балалар
-
метронидазолды, сондай-ақ басқа да нитроимидазол туындыларын, хлоргексидинді және препараттың қандай да бір басқа компоненттерін жеке көтере алмаушылық
Дәрілермен өзара әрекеттесуі
Ұсынылған дозада жергілікті қолданған кезде Аметронид гелінің басқа дәрілік заттармен жүйелі өзара әрекеттесуі байқалмаған.
Айрықша нұсқаулар
Аметронид гелін қолдану тісті гигиеналық тазалаудың орнын баса алмайды.
Жүктілік және лактация кезеңі
Жүктіліктің ІІ және ІІІ триместрінде ана үшін болжамды пайданы және шарана үшін әлеуетті қауіпті бағалағаннан кейін ғана препарат қолданылуы мүмкін. Лактация кезеңінде препаратты тағайындау қажет болған кезде баланы емізуді тоқтату туралы мәселені шешіп алу керек.
Дәрілік заттың көлік құралдарын немесе қауіптілігі зор механизмдерді басқару қабілетіне ықпал ету ерекшеліктері
Әсер етпейді.
Артық дозалануы
Аметронид препаратын жергілікті қолданған кездегі артық дозалану жағдайлары туралы осы уақытқа дейін хабарланбаған.
Шығарылу түрі және қаптамасы
Полиэтиленді бұралып жабылатын қалпақпен жабылған, алғашқы ашылуы бақыланатын алюминий сықпадағы 10 г препараттан. Бір сықпа медициналық қолданылуы жөніндегі мемлекеттік және орыс тілдеріндегі нұсқаулықпен бірге картон қорапқа салынған.
Сақтау шарттары
Құрғақ, жарықтан қорғалған жерде, 25ºС-ден аспайтын температурада. Мұздатып қатыруға болмайды.
Сақтау мерзімі
3 жыл.
Жарамдылық мерзімі өткеннен кейін қолдануға болмайды!
Дәріханалардан босатылу шарттары
Рецепт арқылы
Өндіруші
Акрити Фармасьютикалз Пвт. Лтд., Үндістан
Plot № D-10, D-11, M.I.D.C. Jejury, Dist. Pune -412 303, Maharashtra
Тіркеу куәлігі иесінің атауы және елі
Акрити Фармасьютикалз Пвт. Лтд., Үндістан
Қаптаушы ұйымның атауы және елі
Акрити Фармасьютикалз Пвт. Лтд., Үндістан
Қазақстан Республикасы аумағында тұтынушылардан өнім сапасына қатысты шағымдарды қабылдайтын ұйымның мекенжайы
«Авицена-ЛТД» ЖШС
050002, Алматы қ., Жангелдин к-сі 31, 416-кеңсе
тел./факс: +7727 3572387 /88/ 89
e-mail: reg@avitsena.kz
Дәрілік заттың тіркеуден кейінгі қауіпсіздігін қадағалауға жауапты ұйымның мекенжайы
ConsultAsia ЖШС
Шевченко к-сі 165 Б
тел./факс: +77051708876/+77051708825/+727-379-42-58
e-mail: pv@consultingasia.kz