Амбролан

• русский
• қазақша

• Скачать инструкцию медикамента

Саудалық атауы

Амбролан

Халықаралық патенттелмеген атауы

Амброксол

Дәрілік түрі

30 мг таблеткалар

Құрамы

Бір таблетканың құрамында

белсенді зат - 30 мг амброксол гидрохлориді,

қосымша заттар: лактоза моногидраты, картоп крахмалы, микрокристалды целлюлоза, повидон, магний стеараты

Сипаттамасы

Дөңгелек пішінді, екі беті дөңес, бөлгіш сызығы бар, ақ түсті таблеткалар.

Фармакотерапиялық тобы

Суық тию симптомдары мен жөтелді қайтаруға арналған препараттар. Қақырық түсіретін препараттар. Муколитиктер. Амброксол.

АТХ коды R05CB06

Фармакологиялық қасиеттері

Фармакокинетикасы

Амброксол қолданғаннан кейін іс жүзінде толықтай сіңіріледі. Ішке қабылдағаннан кейінгі ең жоғары концентрациясы 1-ден 3 сағатқа дейінді құрайды. Қабылдағаннан кейін 30 минуттан соң әсер етуі басталады және 6-12 сағатқа созылады.

Плазма ақуыздарымен байланысуы шамамен 85 % (80-90%). Амброксол гематоэнцефалдық бөгеттен өтіп, емшек сүтіне бөлініп шығарылады және плацентаға енеді.

Дибромантранил қышқылы мен глюкурон коньюгаттарын түзе отырып, бауырда метаболизденеді. Жартылай шығарылу кезеңі 1,3 сағат, плазмадағы жартылай ыдыраудың ақырғы кезеңі 7-ден 12 сағатқа дейінді құрайды. Бүйрек арқылы шығады: 90 %-ы суда еритін метаболиттер түрінде, 5%-ы өзгермеген түрде.

Бауыр және бүйрек қызметі бұзылған емделушілер

Бүйрек және бауыр қызметі бұзылған емделушілерде амброксолдың бүйрек клиренсі 20-дан 40%-ға дейін төмендейді.

Фармакодинамикасы

Амброксол бромгексиннің метаболиті болып табылады. Бронх секреті сероздық компонентінің артуы, лизосома және гидролизденген ферменттердің белсенділендірілуі есебінен қақырық тұтқырлығын азайтады.

Амбролан сурфактанттың синтезі мен секрециясын көтермелейді. Бронхтан қақырықтың шығуын жеңілдете отырып, мукоцилиарлық тасымалдауды ұлғайтады.

Қолданылуы

• қақырықтың шығуы қиын жедел және созылмалы респираторлық ауруларда

• созылмалы бронхитте

• қақырықтың шығуы қиын бронх демікпесінде

Қолдану тәсілі және дозалары

Амброланды тамақтан соң, жеткілікті мөлшердегі жылы сұйықтықпен ішке қабылдайды.

12 жастан асқан балалар және ересектерге 1 таблеткадан (30 мг) тәулігіне 2 рет, қажет болған жағдайда емдік әсерін күшейту үшін, дәрігермен кеңескеннен соң дозаны тәулігіне 3 рет 30 мг дейін арттыруға болады.

Емделу курсының ұзақтығы жекелей белгіленеді және орта есеппен 4-5 күнді құрайды.

Бүйрек және/немесе бауырдың күрделі жеткіліксіздігімен емделушілерге күнделікті дозаны төмендету немесе дозалау аралығын ұзарту қажет болуы мүмкін.

Жағымсыз әсерлері

Жағымсыз әсерлері олардың күрделілігі мен жиілігіне сәйкес жіктеледі.

Өте жиі (≥1/10)

Жиі (≥1/100-ден <1/10-ға дейін)

Жиі емес (≥1/1 000-ден <1/100-ге дейін)

Сирек (≥1/10 000-нан <1/1 000-ға дейін)

Өте сирек (<1/10 00)

Белгісіз (қолда бар деректер арқылы баға берілуі мүмкін емес)

Жиі

- диарея

Жиі емес

- жүрек айну, құсу

- аллергиялық реакциялар

Сирек

- жүрек тұсының ауыруы

Өте сирек

- диспепсия

- тері бөртпелері, есекжем, ангионевротикалық ісіну

- анафилактикалық реакциялар (оның ішінде анафилактикалық шок)

- терінің зақымдануы (Стивенс-Джонсон синдромы, Лайелл синдромы)

Қолдануға болмайтын жағдайлар

• амброксолға немесе препараттың басқа да компоненттеріне жоғары сезімталдық

• галактозаны көтере алмаушылық, Лапп лактазасы жеткіліксіздігі, глюкоза-галактоза малабсорбциясы

- асқазан және он екі елі ішектің ойық жара ауруы

• жүктілік және лактация кезеңі

• 12 жасқа дейінгі балалар

Дәрілермен өзара әрекеттесуі

Жөтелдің азаюы аясында қақырықтың шығуы қиындайтындықтан Амбролан мен жөтелге қарсы дәрілерді бір мезетте қолдануға болмайды.

Амброланды антибиотиктермен (амоксициллин, цефуроксим, эритромицин, доксициклин) бірге қолдану өкпе тіндерінде антибиотиктердің жоғары концентрациясы туындауына әкеп соқтырады.

Айрықша нұсқаулар

Бүйрек және бауыр жеткіліксіздігі бар емделушілерге тәуліктік дозаны азайту немесе препаратты қабылдау аралығын ұлғайту қажет.

Теріде аллергия пайда болғанда – Амброланды қабылдауды тоқтату қажет.

Бронхомоторлық қызмет нашарлаған немесе қақырық көп шыққан жағдайда препаратты тек дәрігердің кеңесінен соң қабылдаған жөн.

Дәрілік заттың көлік құралдарын немесе қауіптілігі зор механизмдерді басқару қабілетіне әсер ету ерекшеліктері

Емделушінің автокөлікті басқару қабілетіне немесе басқа да операторлық қызметке әсер етпейді.

Артық дозалануы

Симптомдары: қысқа мерзімдік мазасыздану, сілекейдің көп мөлшерде бөлінуі, құсу, артериялық қан қысымының төмендеуі, диарея.

Емі: симптоматикалық. Жасанды құстырту, препаратты қабылдағаннан кейін алғашқы 1-2 сағатта асқазанды шаю, құрамында май бар тағамдарды қабылдау.

Шығарылу түрі мен қаптамасы

10 таблеткадан поливинилхлоридті үлбірден және алюминий фольгадан жасалған пішінді ұяшықты қаптамаға салынған.

2 пішінді қаптамадан медицинада қолданылуы жөніндегі мемлекеттік және орыс тілдеріндегі нұсқаулықпен бірге картон пәшкеге салынады.

Сақтау шарттары

Құрғақ, жарықтан қорғалған жерде, 25°С-ден аспайтын температурада сақтау керек.

Балалардың қолы жетпейтін жерде сақтау керек!

Сақтау мерзімі

5 жыл

Жарамдылық мерзімі өткеннен кейін препаратты пайдалануға болмайды.

Босатылу шарттары

Рецептісіз

Өндіруші

«G.L. Pharmа GmbH.», Industriestraße 1, A-8502 Lannach, Австрия

Тіркеу куәлігінің иесі

«Валеант» ЖШҚ, Ресей

Қазақстан Республикасы аумағында тұтынушылардан өнім (тауар) сапасына қатысты шағымдарды қабылдайтын ұйымның мекенжайы:

Телефон 3 111 516 Факс 3 111 517

Элетронды пошта Office.KZ@valeant.com