Амбробене 75 мг
Инструкция
-
русский
-
қазақша
Саудалық атауы
Амбробене 75 мг
Халықаралық патенттелмеген атауы
Амброксол
Дәрілік түрі
Ретард капсулалар, 75 мг
Құрамы
Бір таблетканың құрамында белсенді зат: амброксол гидрохлориді 75,00 мг,
қосымша заттар: микрокристалды целлюлоза (Avicel PH 102), микрокристалды целлюлоза және натрий карбоксиметилцеллюлозасы (Avicel RC 581), метилгидроксипропилцеллюлоза (Pharmacoat 603), метакрил қышқылы этилакрилат кополимері (1:1) (Eudragit RS 30 D), триэтил цитрат (Citroflex 2), сусыз коллоидты кремний (Syloid 244), тазартылған су,
капсула қабығының құрамы: желатин, темірдің (III) сары тотығы (Е 172), темірдің (III) қара тотығы (Е 172), темірдің (III) қызыл тотығы (Е 172), титанның қостотығы (Е 171)
Сипаттамасы
Мөлдір емес қоңыр түсті қақпақшасы және мөлдір түссіз корпусы бар қатты желатинді капсулалар.
Капсуланың ішіндегісі – ақтан ақшыл-сары түске дейінгі түйіршіктер.
Фармакотерапиялық тобы
Суық тию симптомдарын және жөтелді қайтаруға арналған препараттар. Қақырық түсіретін препараттар. Муколитиктер. Амброксол.
АТХ коды R05CB 06
Фармакологиялық әсерлері
Фармакокинетикасы
Ішке қабылдағаннан кейін Амброксол асқазан-ішек жолынан ic жүзінде толығымен сіңіріледі. Препараттың плазмадағы ең жоғары концентрациясы 1-3 сағаттан кейін басталады. Ақуыздармен байланысуы 85%-ға жуықты құрайды. Жартылай ыдырау кезеңі 22 сағатқа жуықты құрайды. 90%-ы метабилиттер түрінде және 10%-ы өзгермеген амброксол түрінде бүйрек арқылы шығарылады.
Фармакодинамикасы
Амбробене 75 мг өзгерген бронхөкпе секрециясын қалыпқа түсіреді, қақырықтың тұтқырлығын азайта отырып, оның реологиялық көрсеткіштерін жақсартады және қақырықтың бронхтардан шығарылуын жеңілдетеді. Амбробене 75 мг альвеолалардағы және Клар-жасушадағы 2 типті пневмоциттерге тікелей әсер етуі арқылы беткейлік белсенді заттар жүйесін белсенділендіруге ықпал етеді, альвеола мен бронхта беткейлік белсенді материалдың (сурфактант) түзілуін және шығарылуын көтермелейді. Бұдан басқа, амброксолдың антиоксидантты әсерлері анықталған. Амбробене 75 мг қолданудан кейін қақырық пен бронх секретінде антибиотиктердің концентрациясы артады.
Қолданылуы
Қақырықтың бөлінуі мен шығарылуы бұзылатын жедел және созылмалы бронхопульмональдық ауруларда секретолитикалық терапияда:
-
жедел және созылмалы бронхиттерде, пневмонияда
-
қақырықтың түсуі қиындайтын бронх демікпесінде
-
бронхоэктаздық ауруда.
Қолдану тәсілі және дозалары
Ересектер және 12 жастан асқан балалар: 1 капсуладан күніне 1 рет тамақтанудан кейін жеткілікті мөлшердегі жылы сумен ішке қабылдайды. Емдеу ұзақтығы ауру ағымы ерекшеліктеріне байланысты. Дәрігердің тағайындауынсыз 4-5 күннен артық қолдануға болмайды.
Жағымсыз әсерлері
Кейде
- әлсіздік, бас ауыруы
- тыныс алу жолдарының құрғауы, ринорея
- ауыздың құрғауы, гастралгиялар, жүрек айнуы, құсу, диарея, іш қату
- экзантема, дизурия, гипертермия
Сирек
- тыныс алудың бұзылуы, аллергиялық реакциялар (тері бөртпесі, қышыну) аллергиялық жанаспалы дерматиттер және анафилактикалық шок).
Қолдануға болмайтын жағдайлар
-
амброксолға және/немесе препараттың басқа компоненттеріне жоғары сезімталдық
-
асқазан мен он екі елі ішектің ойық жара аурулары
-
жүктілік және лактация кезеңі - 12 жасқа дейінгі балалар
Дәрілермен өзара әрекеттесуі
Бір мезгілде Амбробене 75 мг және:
- жөтелге қарсы препараттарды қолданғанда – жөтел рефлексі азаюы аясында бронхтардан қақырықтың шығарылуы қиындауы мүмкін.
- антибиотиктерді (амоксициллин, цефуроксим, эритромицин, доксициклин) қолданғанда - антибиотиктердің емдік тиімділігі жақсарады.
Доксициклинмен мұндай өзара әрекеттесу емдік мақсатта кеңінен пайдаланылады.
Айрықша нұсқаулар
Бүйректің функционалдық қабілеті шектелуінде және/немесе бауырдың ауыр ауруларында қабылданатын дозаны азайтып, препаратты қабылдау аралығындағы уақытты ұзарта отырып, Амбробене 75 мг айрықша сақтықпен қабылдау керек.
Жүктілік және лактация кезеңі
Амброксолды жүкті әйелдердің қолдануы жөнінде жеткілікті деректер жоқ. Бұл әсіресе жүктіліктің 28 аптасына дейінгі кезеңге қатысты.
Препараттың емшек сүтіне өтуі туралы деректер жоқ, сондықтан Амбробене 75 мг бала емізу кезінде емдеуші дәрігер пайдасы/қаупі арақатынасын тиянақты таразылап алғаннан соң ғана қабылдануы тиіс.
Дәрілік заттың көлік құралын немесе қауіптілігі зор механизмдерді басқару қабілетіне әсер ету ерекшеліктері
Әсер етпейді
Артық дозалануы
Симптомдары: қозу, диарея, саливацияның жоғарылауы, құсу және гипотензия
Емі: симптоматикалык ем.
Шығарылу түрі және қаптамасы
10 капсуладан поливинилхлоридті үлбірден және алюминий фольгадан жасалған пішінді ұяшықты қаптамада.
2 немесе 5 пішінді ұяшықты қаптамадан медицинада қолданылуы жөніндегі мемлекеттік және орыс тілдеріндегі нұсқаулықпен бірге картон пәшкеге салынады.
Сақтау шарттары
25оС-ден аспайтын температурада сақтау керек.
Балалардың қолы жетпейтін жерде сақтау керек!
Сақтау мерзімі
5 жыл
Жарамдылық мерзімі өткеннен кейін қолдануға болмайды
Дәріханалардан босатылу шарттары
Рецептісіз
Өндіруші
«Acino Pharma AG», Швейцария
Тіркеу куәлігінің иесі
"ратиофарм ГмбХ", Германия
Қазақстан Республикасы аумағында тұтынушылардан өнім (тауар) сапасы жөніндегі шағымдарды қабылдайтын ұйымның мекенжайы
«ратиофарм Қазақстан» ЖШС, 050040, Алматы қ., Әл-Фараби д-лы, 19
Нұрлы тау БО, 1Б, 603 кеңсе, телефон: (727) 311 09 15, факс: (727) 311 07 34, e-mail: teva@teva.kz