Альгерика (150 мг)

Альгерика

Прегабалин

75 мг, 150 мг капсулалар

Бір капсуланың құрамында

белсенді зат - 75 мг, 150 мг прегабалин

қосымша заттар: маннитол, алдын ала желатинделген жүгері крахмалы (жүгері крахмалы STA –Rx 1500), тальк,

капсула қақпақшасының құрамы: титанның қостотығы (Е171), темірдің сары тотығы (Е172), темірдің қызыл тотығы (Е172), желатин

корпус: титанның қостотығы (Е171), темірдің сары тотығы (Е172), желатин

Мөлдір емес, крем түсті корпусы және қызғылт түсті қақпағы бар, өлшемі № 3, корпусында қара түсті «75» таңбасы жазылған капсулалар. Капсуланың ішіндегісі – ақ немесе ақ дерлік түсті түйіршіктелген ұнтақ (75 мг доза үшін).

Мөлдір емес, крем түсті, өлшемі № 2, корпусында қара түсті «150» таңбасы бар капсулалар. Капсуланың ішіндегісі – ақ немесе ақ дерлік түсті түйіршіктелген ұнтақ (150 мг доза үшін).

Эпилепсияға қарсы басқа да препараттар. Прегабалин.

АТХ коды N03AX16

Фармакокинетикасы

Прегабалин ашқарынға тез сіңеді. Бір реттік қолданғанда да, сонымен қатар қайталап қолданғанда да 1 сағаттан соң қан плазмасында препараттың концентрациясы ең жоғары шегіне жетеді. Ішке қабылдағанда прегабалиннің биожетімділігі >90% құрайды және дозаға байланысты емес. Қайталап қолданғанда тепе-теңдік күйіне 24-48 сағаттан кейін жетеді. Тамақ ішу прегабалиннің сіңуін нашарлатады. Мұндайда Сmax шамамен 25-30%-ға төмендейді, ал ең жоғары концентрацияға жету уақыты (tmax) шамамен 2,5 сағатқа дейін артады. Алайда прегабалинді тамақпен бірге қолданудың сіңу ұзақтығына клиникалық тұрғыдан маңызды әсері болмайды.

Ішке қабылдағаннан кейін прегабалиннің таралу көлемі шамамен 0,56 л/кг құрайды. Препарат қан плазмасы ақуыздарымен байланыспайды.

Прегабалин іс жүзінде метаболизмге ұшырамайды. Препараттың шамамен 98%-ы несепте өзгермеген күйінде табылады.

Прегабалин негізінен, бүйрек арқылы шығарылады.

Жартылай шығарылуының орташа кезеңі 6,3 сағатты құрайды. Прегабалинның плазмадағы клиренсі және бүйректік клиренсі креатинин клиренсіне тура пропорционал. Бүйрек функциясы бұзылған науқастарда дозаны түзету қажет.

Фармакодинамикасы

Альгерика препаратының әсер етуші заты прегабалин – гамма-аминобутир қышқылының ((S)-3-(аминометил)-5-метилгексаной қышқылы) аналогы.

Прегабалин орталық жүйке жүйесінде шеткері сенсорлы нейрондардың потенциал-тәуелді кальций өзектерінің қосымша суббірлігімен (α2-дельта-протеин) байланысады, мұндай байланысу оның анальгезиялық және құрысуға қарсы әсерлерінің көрініс беруіне мүмкіндік беруі мүмкін деп жорамалданады.

• ересектерде шеткері және орталық нейропатиялық ауыруды емдеуде

• салдарлы таралған немесе онсыз парциальді құрысулары бар ересектердегі эпилепсияда (қосымша дәрі ретінде)

• ересектерде денеге жайылған үрейлі бұзылыстарды емдеуде

Дозалануы

Күніне екі немесе үш қабылдауға бөлінген 150-ден 600 мг-ге дейінгі доза. Препаратты тамақ ішуге қарамай қабылдай беруге болады.

Нейропатиялық ауыру

Прегабалиннің бастапқы дозасы тәулігіне екі немесе үш қабылдауға бөлінген 150 мг құрайды.

Пациенттің жекелей реакциясына және препараттың жағымдылығына байланысты, доза 3–7 күннен кейін тәулігіне 300 мг-ге дейін арттырылуы мүмкін және, егер қажет болса, ол тағы 7 күннен кейін тәулігіне 600 мг дозаға дейін ұлғайтылуы мүмкін.

Эпилепсия

Прегабалиннің бастапқы дозасы тәулігіне екі немесе үш қабылдауға бөлінген 150 мг құрайды.

Дозаны, пациенттің жекелей реакциясына және препараттың жағымдылығына байланысты, 1 аптадан соң тәулігіне 300 мг дейін арттыруға болады. Тағы 1 аптадан кейін тәулігіне ең жоғары 600 мг дозаға дейін ұлғайтуға болады.

Жайылған үрейлі бұзылыс

Тәуліктік доза 2 немесе 3 қабылдауға бөлінген 150-ден 600 мг-ге дейін ауытқып отырады. Прегабалинмен емдеу қажеттілігі ұдайы қарастырылуы тиіс.

Прегабалинмен емдеу тәулігіне 150 мг дозадан басталуы мүмкін. Препараттың жекелей реакциясына және жағымдылығына байланысты, дозаны емнің 1 аптасынан кейін тәулігіне 300 мг-ге дейін арттыруға болады. Емдеудің келесі аптасы бойы доза тәулігіне 450 мг-ге дейін арттырылуы мүмкін. Тағы 1 аптадан соң дозаны тәулігіне ең жоғары 600 мг дозаға дейін көтеруге болады.

Прегабалинді тоқтату

Қазіргі клиникалық іс тәжірибеге сәйкес, егер прегабалинді тоқтату қажет болса, мұны қолдану көрсетілімдеріне қарамай-ақ, кем дегенде 1 апта бойы біртіндеп жасау ұсынылады.

Бүйрек функциясының жеткіліксіздігі бар пациенттер

Прегабалин жүйелік қан ағысынан көбіне бүйрек арқылы өзгермеген күйінде шығарылады.

Прегабалиннің клиренсі креатинин клиренсіне тура пропорционал, сондықтан бүйрек функциясы бұзылған пациенттерде дозаны төмендетуді 1 кестеде көрсетілген креатинин клиренсін (CLcr) ескере отырып, жекелей жүргізу керек, ол мына формула бойынша анықталады:

1,23 х [140 – жасы (жыл)] х дене салмағы (кг)

C

Сарысулық креатинин (мкмоль/л)

Прегабалин плазмадан гемодиализдің жәрдемімен тиімді түрде жойылады (4 сағаттың ішінде белсенді заттың 50%-ы). Гемодиализ жүргізілетін пациенттерде прегабалиннің тәуліктік дозасын бүйрек функциясын есепке ала отырып таңдайды. Тәуліктік дозаға қосымша 4 сағаттық гемодиализ процедурасынан кейін бірден препараттың қосымша дозасын тағайындайды (1 кесте).

 1 кесте. Прегабалиннің дозасын бүйректің функциональді жағдайын ескере отырып түзету

TID = үш қабылдау

BID = екі қабылдау

* Миллиграмм мөлшеріндегі дозаны алу үшін жиынтық тәуліктік дозаны (мг/тәул.) қабылдау санына бөлу қажет.

+Қосымша доза — бір реттік қосымша доза

Бауыр функциясының жеткіліксіздігі бар пациенттер

Бауыр функциясының бұзылулары бар пациенттерде дозаны түзету қажет емес

Егде жастағы пациенттер (65 жастан асқан)

Егде жастағы пациенттерде бүйрек функциясының төмендеуіне байланысты прегабалин дозасын төмендету қажет болуы мүмкін.

Балалар

Альгерика препаратының қауіпсіздігі мен тиімділігі 12 жасқа толмаған балаларда және жасөспірімдерде (12-17 жастағы) анықталған жоқ.

Өте жиі (>1/10)

- бас айналу, ұйқышылдық, бас ауыру

Жиі (>1/100, <1/10)

- тәбеттің ұлғаюы

- назофарингит

- эйфория, сананың шатасуы, тітіркенгіштік, бағдардан адасу, ұйқысыздық, либидоның нашарлауы

- атаксия, зейіннің бұзылуы, үйлесімнің бұзылуы, дизартрия, жадының нашарлауы, парестезиялар, гипестезия, седативті әсер, тепе-теңдіктің бұзылулары, мәңгіру

- көрудің жіті болмауы, диплопия

- вертиго

- құсу, іштің қатуы, метеоризм, іштің кебуі, ауыздың кеберсуі, жүректің айнуы, диарея*

- эректильді дисфункция

- бұлшық ет құрысулары, артралгия, арқаның ауыруы, аяқ-қолдың ауыруы, омыртқаның мойын бөлімі бұлшық етінің түйілуі

- ісінулер, жүріс-тұрыс мәнерінің бұзылуы, естен тану, масаңдану сезімі, өзін нашар сезіну, қатты қажығыштық

- дене салмағының артуы

Жиі емес (>1/1000 <1/100)

- нейтропения

- аса жоғары сезімталдық

- анорексия, гипогликемия

- елестеулер, паникалық шабуыл, мазасыздық, қозу, депрессия, басыңқы көңіл-күй, көтеріңкі көңіл-күй, озбырлық, көңіл-күйдің ауытқуы, деперсонализация, сөздерді ажыратудағы қиындықтар, әдеттен тыс түс көрулер, либидоның жоғарылауы, аноргазмия, апатия

- естен тану, мелшию, миоклонус, есінен айырылу, психомоторлы аса жоғары белсенділік, дискинезия, постуральді бас айналу, интенциялық тремор, нистагм, когнитивті бұзылыс, ақыл-ой қызметінің бұзылулары, сөйлеу бұзылысы, гипорефлексия, гиперестезия, күйдіру сезімі, агевзия, дімкәстік

- шеткерілік көруден айырылу, көру бұзылулары, көру ауқымының кемістігі, көздің құрғауы, көздің ісінуі, көру өткірлігінің нашарталуы, көздің ауыруы, астенопия, фотопсия, көзден жас бөлінудің ұлғаюы, көздің тітіркенуі

- гиперакузия

- тахикардия, бірінші дәрежелі атриовентрикулярлы блокада, синустық брадикардия, жүрек функциясының іркілген жеткіліксіздігі

- гипотония, гипертония, қан кернеулер, қызару, аяқ-қолдың салқындауы

- ентігу, эпистаксис, жөтел, мұрынның бітелуі, ринит, қорылдау, мұрынның шырышты қабығының құрғауы

- гастроэзофагеальді рефлюкс, гиперсаливация, оральді гипестезия

- папулезді бөртпе, есекжем, гипергидроз, қышыну

- буындардың ісінуі, миалгия, бұлшық еттің тартылуы, мойынның ауыруы, бұлшық еттің сіресуі

- несепті ұстай алмау, дизурия

- сексуальді дисфункция, эякуляцияның кідіруі, дисменорея, сүт бездерінің ауырушаңдығы

- жайылған ісіну, беттің ісінуі, кеуде қуысының қысылу сезімі, ауыру, қызба, шөлдеу, қалтырау, астения

- креатинфосфокиназа, аланинаминотрансфераза, аспартатаминотрансфераза деңгейлерінің жоғарылауы, қандағы глюкоза деңгейінің жоғарылауы, тромбоциттер санының азаюы, қандағы креатинин концентрациясының жоғарылауы, қандағы калий концентрациясының төмендеуі, дене салмағының кемуі

Сирек (>1/10000, <1/1000)

- ангионевроздық ісіну, аллергиялық реакциялар

- сексуальді тежелушілік

- құрысулар, иіс сезімінің бұзылуы (паросмия), гипокинезия, дисграфия

- көруден айырылу, кератит, осцилопсия, көру сезімі тереңдігінің өзгеруі, мидриаз, қыли көз, көздің өткірлігі

- QT аралығының ұзаруы, синустық тахикардия, синустық аритмия

- өкпенің ісінуі, тамақта тұншығу сезімі

- асцит, панкреатит, тілдің ісінуі, дисфагия

- Стивенс-Джонсон синдромы, суық тер

- рабдомилиоз

- бүйрек функциясының жеткіліксіздігі, олигурия, несеп шығарудың кідіруі

- аменорея, сүт безінен бөлінділердің бөлінуі, емшектің ұлғаюы, гинекомастия

- қандағы лейкоциттер мөлшерінің азаюы

- препараттың белсенді затына немесе қосымша заттарының кез келгеніне аса жоғары сезімталдық

- 18 жасқа дейінгі балалар мен жасөспірімдер

- жүктілік және лактация кезеңі

Прегабалин көбіне өзгермеген күйінде несеппен бірге экскрецияланатын және адам организмінде тек аздап метаболизденетін болғандықтан (енгізілген дозаның <2%-ы метаболиттер түрінде шығарылады), басқа препараттардың метаболизмін in vitro тежемейді және қан ақуыздарымен байланыспайды, ендеше, прегабалиннің басқа дәрілік заттармен фармакокинетикалық өзара әрекеттесуге түсуінің немесе ұқсас өзара әрекеттесулер объектісі болуының мүмкін екендігі екіталай.

 In vivo зерттеулер және популяцияны фармакокинетикалық талдау

Осыған сәйкес, in vivo зерттеулерде прегабалин және фенитоин, карбамазепин, вальпрой қышқылы, ламотриджин, габапентин, лоразепам, оксикодон немесе этанол арасында маңызды клиникалық фармакокинетикалық өзара әрекеттесулер байқалған жоқ. Бұдан басқа, жүргізілген фармакокинетикалық талдау прегабалиннің клиренсіне диабетке қарсы пероральді препараттар, диуретиктер, инсулин, фенобарбитал, тиагабин және топирамат клиникалық тұрғыдан маңызды ықпал етпейтіндігін көрсетті.

 Ішуге арналған контрацептивтер, норэтистерон және/немесе этинилэстрадиол

Прегабалинді және пероральді контрацептивтерді — норэтистеронды және/немесе этинилэстрадиолды — бір мезгілде қолдану препараттардың әрқайсысының тепе-тең жағдайында фармакокинетикасына ықпалын тигізбейді.

 Орталық жүйке жүйесіне ықпалын тигізетін дәрілік заттар

Прегабалин этанолдың және лоразепамның әсерін потенциялауы мүмкін. Бақыланатын клиникалық зерттеулерде прегабалиннің және оксикодонның, лоразепамның немесе этанолдың дозаларын көп реттік пероральді түрде қабылдау тыныс алу функциясына клиникалық тұрғыдан маңызды әсерін тигізген жоқ. Постмаркетингтік бақылау барысында прегабалинді және ОЖЖ басқа да депрессанттарын бір мезгілде қабылдаған пациенттерде тыныс алу функциясы жеткіліксіздігінің және команың дамығаны жөнінде мәлімделді. Прегабалин оксикодонның әсерінен туындаған мнестикалық және негізгі қимыл-қозғалыс функцияларының бұзылуын күшейтті.

 Егде жастағы адамдардағы өзара әрекеттесулер

Егде жастағы еріктілерде фармакодинамикалық өзара әрекеттесулеріне арнайы зерттеулер жүргізілген жоқ. Өзара әрекеттесуіне зерттеулер тек ересектерде ғана жүргізілді.

Қант диабеті бар пациенттер

Қазіргі клиникалық іс тәжірибеге сәйкес, прегабалинмен емдеу кезінде дене салмағы артқан, қант диабеті бар кейбір пациенттерде гипогликемиялық препараттардың дозасына түзету жүргізу қажет.

Аса жоғары сезімталдық реакциялары

Постмаркетингтік қолдану кезеңінде, ангионевроздық ісінудің даму жағдайларын қоса, аса жоғары сезімталдық реакцияларының пайда болу жөнінде мәлімдемелер алынды. Беттің, ауыз айналасының немесе жоғары тыныс жолдарының ісінуі сияқты симптомдар пайда болған кезде прегабалин қолдануды дереу тоқтату қажет.

 Бас айналу, ұйқышылдық, сананың жоғалуы, сананың шатасуы және ақыл-ой қызметінің нашарлауы

Прегабалинді қолдану бас айналу және ұйқышылдық жағдайларымен қатар жүрді, бұл егде жастағы адамдарда абайсызда жарақаттану (құлау) жиілігін арттыруы мүмкін. Сананың жоғалуы, сананың шатасуы, ақыл-ой қызметінің нашарлауы жөнінде постмаркетингтік мәлімдемелер алынды. Сондықтан препараттың ықтимал жекелей ықпалы белгілі болмайынша, пациенттерге сақтық танытудың керектігін ұсынған жөн.

 Көрумен байланысты реакциялар

Бақыланатын клиникалық зерттеулерде прегабалин қабылдаған пациенттердің көбірек бөлігінде, плацебо қабылдаған пациенттерге қарағанда, көрудің бұзылулары байқалды, көптеген жағдайларда осы реакция препаратты үнемі қабылдаған кезде қайтты. Офтальмологиялық тексеру жүргізілген клиникалық зерттеулерде көру жітілігінің төмендеу жиілігі және көру ауқымының өзгерулері, плацебо тобындағы пациенттерге қарағанда, прегабалинмен емделген пациенттерде жоғары болды; көз түбі тарапынан өзгерулердің пайда болу жиілігі плацебо тобындағы пациенттерде жоғары болды.

Постмаркетингтік бақылау кезеңі ішінде көруден айырылу, көздің жіті көрмеуі немесе көру жітілігінің басқа да өзгерулерін қоса, көру мүшелері тарапынан жағымсыз әсерлер жөнінде де мәлімделді, олардың көбісі уақытша болды. Прегабалин қабылдауды тоқтату көру тарапынан осы симптомдардың жоғалуына немесе азаюына әкелуі мүмкін.

 Бүйрек функциясының жеткіліксіздігі

Препаратты қабылдаумен байланысты бүйрек функциясы жеткіліксіздігінің жағдайлары тіркелді және кейбір жағдайларда прегабалинді қабылдауды тоқтату бүйрек функциясының жақсаруына мүмкіндік берді.

Эпилепсияға қарсы қатар қолданылатын дәрілік заттарды тоқтату

Жүргізілетін емге прегабалинді қосқанда, прегабалинмен монотерапияға ауысқанда құрысуларды бақылауға қол жеткізгеннен кейін эпилепсияға қарсы қатар қолданылып жүрген препараттарды тоқтатуға қатысты деректер жеткіліксіз.

Тоқтату синдромы

Прегабалинмен қысқа мерзімдік және ұзақ емделуді тоқтатқаннан кейін кейбір пациенттерде тоқтату симптомдары байқалды. Физикалық тәуелділікті айғақтайтын келесі құбылыстар: ұйқысыздық, бас ауыру, жүректің айнуы, үрейлену, диарея, тұмауға ұқсас синдром, күйгелектік, депрессия, ауыру, құрысулар, гипергидроз және бас айналу байқалды. Мұны пациентке емді бастаған кезде мәлімдеген жөн.

Прегабалинді қолдану барысында немесе оны тоқтатқаннан кейін көп ұзамай, эпилепсиялық статусты және толық құрысу ұстамаларын қоса, құрысулар пайда болуы мүмкін. Прегабалинмен ұзақ емдеуді тоқтатуға қатысты айтар болсақ, онда деректер тоқтату симптомдарының жиілігі және ауырлығы препарат дозасына байланысты болуы мүмкін екендігін айғақтайды.

Жүрек функциясының іркілген жеткіліксіздігі

Постмаркетингтік кезеңде прегабалин қабылдаған пациенттерде жүрек функциясының іркілген жеткіліксіздігі жағдайлары жөнінде мәлімделді. Бұл реакциялар, негізінен, нейропатиялық көрсетілімдерде прегабалинмен емделу кезінде жүрек-қантамыр бұзылулары бар болған егде жастағы пациенттерде байқалды. Прегабалинді бұл науқастарда сақтықпен пайдаланған жөн. Прегабалин қолдануды тоқтату реакцияның қайтуына әкелуі мүмкін.

Жұлынның зақымдану салдарынан орталық нейропатиялық ауыруды емдеу

Жұлынның зақымдану салдарынан шығу тегі орталықтан болатын нейропатиялық ауыруды емдеген кезде тұтастай жағымсыз реакциялардың, ОЖЖ тарапынан жағымсыз реакциялардың және әсіресе ұйқышылдықтың пайда болу жиілігі жоғары болды. Бұл осы ауруларды емдеу үшін қажетті басқа дәрілік заттардың (мысалы, түйілуге қарсы дәрілердің) аддитивті әсерімен түсіндірілуі мүмкін. Осы жағдайды прегабалинді мұндай пациенттерге тағайындаған кезде ескеру қажет.

Суицидтік ойлар және мінез-құлық

Белгілі бір көрсетілімдер бойынша эпилепсияға қарсы дәрілермен емделген пациенттерде суицидтік ойлар және мінез-құлықтар жөнінде мәлімделді. Эпилепсияға қарсы препараттарды рандомизацияланған плацебо-бақыланатын зерттеулерді мета-талдау нәтижелері де суицидтік ойлар және мінез-құлықтар қаупінің біршама ұлғайғанын көрсетті. Осы қауіптің пайда болу механизмі белгісіз, ал қолда бар деректер оның прегабалин үшін бар болу мүмкіндігін жоққа шығармайды.

Сондықтан пациенттерде суицидтік ойлар және мінез-құлықтар тұрғысынан мұқият мониторинг қажет, ол пайда болған жағдайда тиісті ем тағайындаған жөн. Пациенттер (және олардың қамқоршылары) суицидтік ойлар және мінез-құлықтар пайда болған жағдайда медициналық жәрдем алу үшін қаралу қажеттілігінен хабардар болуы тиіс.

Асқазан-ішек жолының төменгі бөлімі функцияларының төмендеуі

Прегабалинді іш қатуға себеп болуы мүмкін, ауыруды басатын апиындық дәрілер сияқты препараттармен қатар қолданған жағдайда АІЖ төменгі бөлімдері функцияларының төмендеуімен байланысты құбылыстар (мысалы, ішек бітелісі, ішектің салданып бітелісі, іш қату) жөнінде постмаркетингтік мәлімдемелер алынды. Прегабалинді және апиындарды біріктіріп қолданғанда (әсіресе әйелдерде және егде жастағы адамдарда) іш қатуға жол бермеу шараларын қолдану қажет.

Дұрыс пайдаланбау, шамадан тыс пайдалану немесе тәуелділік

Шамадан тыс пайдалану, дұрыс пайдаланбау және оған тәуелділік жағдайлары алынды. Психобелсенді заттарды шамадан тыс пайдаланғаны анамнезінде бар пациенттерде сақтық танытқан жөн, пациенттерде прегабалинді шамадан тыс пайдалану, оны дұрыс пайдаланбау және тәуелділік симптомдарының (дағдыланудың дамуы, дозалар эскалациясы, препаратты қабылдағаны үшін қаралу) пайда болуын бақылау керек.

Энцефалопатия

Энцефалопатия жағдайлары, негізінен, энцефалопатияны өршітуі мүмкін жағдайларға бейімі бар науқастарда тіркелген.

Жүктілік және лактация кезеңі

Бала туу жасындағы әйелдер/ еркектер мен әйелдер үшін контрацепция

Адам үшін потенциальді қаупі белгісіз, сондықтан бала туа алатын жастағы әйелдер контрацепцияның тиімді әдістерін қолдануы қажет.

Жүктілік

Жүктілік кезеңінде прегабалинді қолдануға қатысты деректер жоқ. Адам үшін потенциалды қаупі белгісіз.

Альгерика препаратын жүктілік кезінде, ана үшін пайдасы ұрық үшін ықтимал қаупінен басым болатын бөлек жағдайларды қоспағанда, қолданбаған жөн.

Емшек емізу

Прегабалин емшек сүтіне бөлініп шығады. Прегабалиннің жаңа туған нәрестелерге/сәбилерге ықпалы белгісіз. Емшек емізуді тоқтату немесе прегабалинмен емдеуді тоқтату жөніндегі шешім нәресте үшін емшек емзудің артықшылығы және әйел үшін емдеудің пайдасы ескеріле отырып қабылдануы тиіс.

Фертилділік

Прегабалиннің әйел фертильділігіне әсер етуі жөнінде клиникалық деректер жоқ.

Сперматозоидтардың қозғалғыштығына прегабалиннің ықпал етуіне баға беру үшін жүргізілген клиникалық сынақтарда дені сау еркектер прегабалинді тәулігіне 600 мг дозада қабылдады. 3 ай емдегеннен кейін сперматозоидтардың қозғалғыштығына ықпалы байқалған жоқ.

Көлік құралын немесе потенциалды қауіпті механизмдерді басқару қабілетіне дәрілік заттың ықпал ету ерекшеліктері

Альгерика көлік құралдарын басқару және механизмдерді пайдалану қабілетіне аздаған немесе орташа әсерін тигізуі мүмкін. Альгерика бас айналуды және ұйқышылдықты туындатуы, сондай-ақ көлік құралдарын басқару немесе механизмдермен жұмыс жасау қабілетіне ықпалын тигізуі мүмкін. Сондықтан пациенттер автомобильді басқаруды немесе күрделі техникамен жұмыс жасауды, препаратты осындай қызметтерге ықпалы белгілі болғанша, тоқтата тұрғаны жөн.

Симптомдары: аффективті бұзылыстар, ұйқышылдық, сананың шатасуы, депрессия, ажитация, мазасыздық, сирек жағдайларда кома.

Емі: асқазанды шаю, демеуші ем және қажет болғанда гемодиализ жүргізіледі.

Шығарылу түрі және қаптамасы

ПВХ/алюминий фольгадан жасалған блистерлі, ұяшықты қаптамаға 14 капсуладан салынған.

Пішінді 1 немесе 4 қаптама медициналық қолдану жөнінде мемлекеттік және орыс тілдеріндегі нұсқаулықпен бірге картон қорапшаға салынған (75 мг доза үшін).

ПВХ/алюминий фольгадан жасалған блистерлі, ұяшықты қаптамаға 14 капсуладан салынған.

Пішінді 4 қаптама медициналық қолдану жөнінде мемлекеттік және орыс тілдеріндегі нұсқаулықпен бірге картон қорапшаға салынған (150 мг доза үшін).

25°С-ден аспайтын температурада сақтау керек.

Балалардың қолы жетпейтін жерде сақтау керек!

3 жыл

Рецепт арқылы

Өндіруші

Pliva Hrvatska d.o.o., Хорватия

Қаптаушы ұйымның атауы және елі

Pliva Hrvatska d.o.o., Хорватия

Teva Pharmaceutical Industries Ltd, Израиль

Тұтынушылардан өнім сапасы жөніндегі шағымдарды Қазақстан Республикасы аумағында қабылдайтын ұйымның мекенжайы

«ратиофарм Қазақстан» ЖШС

050000 Қазақстан Республикасы

Алматы қ., әл-Фараби даңғылы 19

Нұрлы Тау бизнес орталығы, корпус 1Б, 603 кеңсе

Тел, факс: (727) 311 09 15, 311 07 34

E-mail: Safety.Kazakhstan@tevapharm.com

Қазақстан Республикасы аумағында тіркеуден кейін дәрілік заттың қауіпсіздігін бақылауға жауапты ұйымның мекенжайы

«ратиофарм Қазақстан» ЖШС

050000 Қазақстан Республикасы

Алматы қ., әл-Фараби даңғылы 19

Нұрлы Тау бизнес орталығы, корпус 1Б, 603 кеңсе

Тел, факс: (727) 311 07 08

E-mail: Dina.Baimakova@tevapharm.com