Алфлутоп® (раствор для инъекций, 0,1 мл)
Инструкция
-
русский
-
қазақша
Саудалық атауы
Алфлутоп®
Халықаралық патенттелмеген атауы
Жоқ
Дәрілік түрі
Инъекцияға арналған ерітінді
Құрамы
1 мл ерітіндінің құрамында
белсенді зат- майда теңіз балықтарының биобелсенді концентраты 0,1мл,
қосымша заттар: фенол, инъекцияға арналған су 1 мл-ге дейін.
Сипаттамасы
Ақшыл-сарыдан ақшыл-қоңыр түске дейінгі мөлдір ерітінді.
Фармакотерапиялық тобы
Басқа да қимыл-тірек аппараты ауруларын емдеуге арналған препараттар.
АТХ коды М09АX
Фармакологиялық қасиеттері
Фармакокинетикасы
Теңіз организмдері сығындысының әсері оның белсенді компоненттерінің біріккен әсері болып табылады, сондықтан фармакокинетикалық сипаттамасын зерттеу мүмкін емес.
Фармакодинамикасы
Алфлутоп – хондропротектор, гликозаминогликандардан (гиалурон қышқылы, хондроитин-6-сульфат, хондроитин-4-сульфат, дерматан сульфат, кератан сульфат; аминқышқылдар) молекулярлық салмағы 50000 дальтон полипептидтерден және макро- және микроэлементтерден (натрий, калий, кальций, магний, темір, мырыш, мыс) тұратын теңіз организмдерінің сығындысы болып табылады. Препарат шеміршек тіндерінде зат алмасуын реттейді: гиалуронидаза және басқа да ферменттердің белсенділігін бәсеңдетуге негізделген, хондропротекторлы әсер көрсетеді және гиалурон қышқылы мен II типті коллагеннің биосинтезін қалпына келтіреді.
Алфлутоп интерстициальді тінде және буын шеміршегінің тіндерінде қалпына келу үдерісін ынталандырады, қабынуға қарсы цитокиндерді қоса, қабыну медиаторының биосинтезін бәсеңдетеді.
Айқын қабынуға қарсы және ауыруды басатын әсері емдеудің 8-10 күні байқалады.
Қолданылуы
- әртүрлі локализациядағы (оның ішінде коксартроз, гонартроз, ұсақ буындар артрозы) алғашқы және салдарлы остеоартроз
- остеохондроз
- спондилез
Қолдану тәсілі және дозалары
Ересектерге
Препаратты остеоартрозда және остеохондрозда күніне 1 мл-ден 3 апта бойы терең бұлшықет ішіне енгізеді.
Негізінен ірі буындар зақымданған жағдайда препаратты буын ішіне әрбір буынға 1-2 мл-ден 3 күндік аралықпен дәрігердің бақылауымен енгізеді. Барлық емдеу курсы әрбір буынға 5 инъекцияны құрайды.
Емдеу курсын 3 - 6 айдан соң, дәрігердің кеңесінен кейін қайталау мақсатқа сай.
Жағымсыз әсерлері
Сирек
- қышыма дерматит, препаратты енгізу орнындағы терінің қызаруы және күйдіру сезімі
- қысқа мерзімдік миалгиялар
- қан қысымының жоғарылауы
Кейбір жағдайларда
- буынішілік инъекцияларда ауыру синдромының қайтымды күшеюі мүмкін
Өте сирек
- анафилактикалық реакциялар дамуы мүмкін
Қолдануға болмайтын жағдайлар
- препараттың кез келген компонентіне жоғары сезімталдық
- жүктілік және лактация кезеңі
-18 жасқа дейінгі балаларға
Дәрілермен өзара әрекеттесуі
Анықталмаған
Айрықша нұсқаулар
Препарат аутоиммунды арулар (ревматоидты полиартрит, шорбуынданған спондилит, эритематоз, склеродермия) жағдайында, қатаң медициналық бақылаумен, сақтықпен қолданылуы керек.
Теңіз өнімдеріне (теңіз балығы) жеке көтере алмаушылық жағдайында аллергиялық реакциялар даму қаупі жоғарылайды.
Дәрілік заттың көлік құралын немесе қауіптілігі зор механизмдерді басқару қабілетіне әсер ету ерекшеліктері
Әсер етпейді
Артық дозалануы
Симптомдары:бейім емделушілерде аллергиялық реакциялар дамуы мүмкін.
Емі: препаратты тоқтату, симптоматикалық терапия.
Шығарылу түрі және қаптамасы
1 мл препараттан қоңыр түсті шыны ампулаларға құйылған. 5 ампуладан полиэтиленнен жасалған тұғырға салынған.
2 тұғырдан медицинада қолданылуы жөніндегі мемлекеттік және орыс тіліндегі нұсқаулықпен бірге картоннан жасалған қорапшаға салынған.
Сақтау шарттары
Жарықтан қорғалған жерде, 15 0С-ден 25 0С-ге дейінгі температурада сақтау керек.
Балалардың қолы жетпейтін жерде сақтау керек!
Сақтау мерзімі
3 жыл
Қаптамасында көрсетілген жарамдылық мерзімі өткеннен кейін препаратты пайдалануға болмайды.
Дәріханалардан босатылу шарттары
Рецепт арқылы
Өндіруші
Ромфарм Компани С.Р.Л. Отопень қ., Ероилор 1А к-сі, Румыния тел.+40 21 208 9743, +40 21 208 97 42, факс: +40 21 266 49 38
Тіркеу куәлігінің иесі
Биотехнос С.А., Отопень қ., Горунулуй к-сі 3-5, Румыния
Қазақстан Республикасы аумағында тұтынушылардан өнім сапасына қатысты шағымдарды қабылдайтын ұйымның мекенжайы
«Ромфарм Компани» ҚР өкілдігі Алматы қ., 050013, Бұқар жырау бульвары, 33 үй, «Жеңіс» БО, 607 кеңсе тел./факс: 8(727) 247-07-85