Алмирал (1%)

Алмирал

Диклофенак

100 г препарат құрамында

белсенді зат - 1,16 г диэтиламин диклофенагы 1.00 г натрий диклофенагына баламалы

қосымша заттар: тазартылған су, пропиленгликоль, 2-пропанол, карбоксиполиметилен (карбопол 940), дипропиленгликоль монометил эфирі, бұрыш жалбызының майы.

Түссіз, мөлдір, бұрыш жалбызына тән иісі бар біртекті гель.

Сүйек-бұлшықет жүйесі. Буын және бұлшықет ауырулары кезінде жергілікті қолдануға арналған препараттар. Жергілікті қолдануға арналған қабынуға қарсы стероидты емес препараттар Диклофенак.

АТХ коды М02АА15

Фармакокинетикасы

Ұсынылған тәсілмен жағу кезінде диклофенактың қолданылған дозасының 6 %-ға жуығы тері арқылы сіңіріледі. Диклофенак одан таралып, қабынған тіндерге енеді.

Диклофенактың синовиальді сұйықтықтағы және тіндердегі концентрациясы плазмадағы концентрациясынан асады.

Фармакодинамикасы

Диклофенактың белсенді компоненті – ауыруды басатын және қабынуға қарсы қасиеттері бар қабынуға қарсы стероидты емес препарат. Диклофенак гель сыртқа қолдануға арналған. Негізі сулы-спиртті болуына байланысты гель тыныштандыратын және салқындататын әсер береді.

- созылу, тартылу және соғылуға байланысты сіңірлердің, байламдардың, бұлшықеттер мен буындардың жарақаттық зақымдануларында

- жұмсақ тіндер ревматизмінің оқшауланған түрлерінде

Шеткері буындардың, мысалы тізенің, остеоартритін емдеу үшін.

Сыртқа қолдануға арналған.

Ересектер мен 14 жастан асқан балаларға

Препаратты абайлап теріге жағу керек. Зақымданған бөліктің аумағына байланысты, 2-4 г (диаметрі 2.0-2.5 см гель массасы) күніне 3-4 рет қолдану керек. Ең жоғары тәуліктік дозасы 16 г болады. Демек, ең жоғары апталық доза 112 г құрайды.

Артритпен байланысты ауырған кезде ауырсынудың жеңілдегіні байқалғанға дейін диклофенакты 7 күн бойы (буынға әсерін күшейту үшін) қолдану қажет болуы мүмкін. Препаратты 14 күннен асырмай қолдануға болады.

Препаратты жаққаннан кейін қолды жуу керек.

Егер 7 күн бойы қолдануда пациенттің жағдайы нашарласа немесе өзгермеген болса, дәрігерге көріну қажет. Организмде екеуден астам ірі буын зақымданған болса, дәрігермен кеңесу ұсынылады.

Егде жастағы пациенттер

Дозаны түзету қажет етілмейді.

Балалар және жасөспірімдер

Балалар мен 14 жастан кіші жасөспірімдерге қолданудың тиімділігі мен қауіпсіздігі туралы деректер жеткіліксіз. 14 жастан асқан балаларда ауыруды басу үшін осы өнімді 7 күннен артық қолдану қажет болған жағдайда немесе симптомдар нашарласа, пациент дәрігермен кеңесуі керек.

Төменде аталатын жағымсыз әсерлері кездесу жиілігіне сәйкес жіктелген. Жиілік санаттары MedDRA (Реттеу қызметі терминдерінің медициналық сөздігі) белгілеріне сәйкес анықталған: Өте жиі (≥1/10); Жиі (≥1/100 <1/10 дейін); Жиі емес (≥1/1000 <1/100 дейін); Сирек (≥1/10000 <1/1000 дейін); Өте сирек (<1/10000); Белгісіз (қолда бар деректер бойынша бағалау мүмкін емес).

Жиі (≥1/100, бірақ <1/10)

- бөртпе, эритема, экзема қышыну, дерматит (жанаспалы дерматитті қоса)

Сирек (≥1/10000, бірақ <1/1000)

- буллезді дерматит

Өте сирек (<1/10000)

- пустулезді бөртулер

- аса жоғары сезімталдық реакциялары (есекжем, Квинке ісінуі)

Препаратты жергілікті қолдану кезінде диклофенактың жүйелік сіңірілуі өте төмен болғандықтан, өзара әрекеттесуінің туындау ықтималдығы аз.

Алмирал қолданудан болатын жүйелі жағымсыз құбылыстар терінің үлкен бөліктеріне және ұзақ уақыт бойы қолданудың нәтижесінде туындауы мүмкін.

Алмиралды қабынған бөліктер мен ашық жараларға тигізіп алмай, зақымданбаған сау теріге ғана жағу керек. Препараттың көз бен шырышты қабықтарға түсуіне жол бермеу керек. Ішке қабылдауға болмайды.

Тері бөртпесі дамыған кезде Алмирал қолдануды тоқтату керек.

Ойық жара ауруы немесе анамнезінде ойық жара ауруы бар пациенттерде жекелеген жағдайларда асқазан-ішектен қан кетудің кейбір мүмкіндіктері хабарланған.

Простагландинсинтетаза белсенділігін тежейтін басқа препараттарға ұқсас, диклофенак және басқа ҚҚСД, егер олар бронх демікпесімен зардап шегетін және зардап шеккен пациенттерге тағайындалатын болса, бронх түйілуін жеделдетуі/туындатуы мүмкін.

Алмирал құрамында пропиленгликоль бар, ол кейбір адамдарда терінің жеңіл оқшауланған тітіркенуін туындатуы мүмкін.

Дәрілік заттың көлік құралдарын немесе қауіптілігі зор механизмдерді басқару қабілетіне әсер ету ерекшеліктері

Көлік құралын немесе қауіптілігі зор басқа механизмдерді басқару қабілетіне әсер етпейді.

Симптомдары: препаратты жергілікті қолданған кезде артық дозалану ықтималдығы аз. Кездейсоқ ішке қабылдағанда гипотония, бүйрек жеткіліксіздігі, құрысулар, асқазан-ішек жолдарының тітіркенуі және тыныс тарылуы сияқты асқынулар байқалуы мүмкін.

Емі: асқазанды шаю, белсендірілген көмірді қабылдау, симптоматикалық ем.

25 г, 50 г немесе 100 г препараттан номиналдық көлеміне сәйкес келетін лакталған герметикалық алюминий сықпаға салынған, ол қаусырылған және пластик қақпақпен жабылған.

1 сықпадан медициналық қолдану жөніндегі мемлекеттік және орыс тіліндегі нұсқаулықпен бірге картон қорапшаға салынады.

Түпнұсқалық қаптамада, 25 °С-ден аспайтын температурада сақтау керек.

Балалардың қолы жетпейтін жерде сақтау керек!

2 жыл

Жарамдылық мерзімі өткеннен кейін қолдануға болмайды.

Рецептісіз

Өндіруші

«Медокеми Лтд», Лимасол, Кипр.

1-10 Constantinoupoleos Street, 3011, Limassol, Cyprus

Тіркеу куәлігінің ұстаушысы және қаптаушы

«Медокеми Лтд», Лимасол, Кипр.

Қазақстан Республикасы аумағында тұтынушылардан дәрілік заттың сапасына қатысты шағымдарды (ұсыныстарды) қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон, факс, электронды пошта):

«Медокеми Лтд» Қазақстан Республикасындағы өкілдігі

050010 Алматы қ., Қазыбек би 41 «А», 1 кеңсе

телефон/факс: 8 (727) 321-05-05

email: kazakhstan@medochemie.com