Алмагель®

Алмагель®

Жоқ

5 мл (бір өлшеуіш қасық) құрамында

белсенді заттар: алюминий гидроксиді гелі (15.3 % Al(OH)3) 2,18 г (218 мг алюминий оксидіне (10 % Al2O3) шаққанда), 350 мг магний гидроксиді пастасы (75 мг магний оксидіне шаққанда)

қосымша заттар: сутегі асқын тотығы ерітіндісі (30%), сорбитол, натрий сахарині, гидроксиэтилцеллюлоза, метилпарагидроксибензоат, пропилпарагидроксибензоат, бутилпарагидроксибензоат, пропиленгликоль, макрагол 4000, лимон майы, 96% этил спирті, тазартылған су.

10 мл (бір пакет) құрамында

белсенді заттар: алюминий гидроксиді гелі (15.3 % Al(OH)3) 4,36 г (алюминий оксидіне шаққанда (10 % Al2O3) 436 мг), 700 мг магний гидроксиді пастасы (150 мг магния оксидіне шаққанда)

қосымша заттар: сутегі асқын тотығы ерітіндісі (30%), сорбитол, натрий сахарині, гидроксиэтилцеллюлоза, метилпарагидроксибензоат, пропилпарагидроксибензоат, бутилпарагидроксибензоат, пропиленгликоль, макрагол 4000, лимон майы, 96% этил спирті, тазартылған су.

Лимон дәмі бар, түсі ақ немесе ақ дерлік суспензия.

Сақтаған кезде бетінде қабаттарға бөлінуіне жол беріледі. Құтыны жақсылап шайқағанда, суспензия гомогендігі қалпына келеді.

Қышқылдықтың бұзылуымен байланысты ауруларды емдеуге арналған препараттар. Антацидтер. Алюминий препараттары. Алюминий препараттарының біріктірілімі.

АТХ коды: А02АВ10

Фармакокинетикасы

Алюминий тұздары ішекте елеусіз дәрежеде сіңеді.

Магний иондарының 10%-ға жуығы сіңеді және олардың қандағы концентрациясы өзгермейді деуге болады. Препарат қабылдағаннан кейін емдік әсерге 3-5 минуттан соң жетеді. Әсер ету ұзақтығы асқазанның босату жылдамдығына байланысты. Ол ашқарынға қабылдағанда 20-дан 70 минутқа дейінгі арада ауытқиды. Тамақ ішкеннен соң бір сағаттан кейін қабылдағанда препараттың антацидтік әсері 3 сағатқа дейін созылуы мүмкін. Алюминий гидроксиді және магний гидроксиді алюминий хлоридін және магний хлоридін түзіп, асқазандағы тұз қышқылының артық мөлшерін бейтараптандырады. Ішектегі сілтінің әсеріне байланысты олар алюминий және магнийдің сілтілі тұздарына айналады, олар нашар сіңеді және асқазан-ішек жолы арқылы шығарылады.

Фармакодинамикасы

Алмагель® – антацидтік препарат. Үзіліссіз бөлінетін асқазан сөлінің жергілікті бейтараптануын қамтамасыз етеді және оның құрамындағы тұз қышқылының жоғары мөлшерін қолайлы шектерге дейін төмендетеді. Содан басқа карминативті, өт айдағыш және әлсіз іш айдағыш әсерін көрсетеді. Алюминий гидроксиді пепсиннің сөлінісін тежейді, алюминий хлоридін түзе отырып, тұз қышқылын бейтараптандырады, ол сілтілі ортада алюминийдің сілтілі тұздарына айналады. Магний гидроксиді де магний хлоридіне айналып, тұз қышқылын бейтараптандырады, ол аздаған іш жүргізгіш әсерге ие болады. Осылайша, іш қатуын тудыратын алюминий гидроксидіне қарсы әсер көрсетеді. Препарат құрамындағы сорбит карминативті, өт бөлінуін күшейтетін, әлсіз іш жүргізгіш әсерін көрсетеді, магний гидроксидінің әсерін толықтырады. Препарат өз кезегінде іш кебуі, эпигастрий аймағындағы ауырлық сезімі және тұз қышқылы түзілуінің екіншілік күшеюінің себебі болып табылатын, артынан көмірқышқыл газын түзбейтін, біркелкі және ұзаққа созылатын антацидтік әсермен сипатталады. Препаратты қабылдау электролиттік баланстың бұзылуына әкелмейді, алкалозды және несеп шығарушы жолдарындағы конкременттердің түзілуін шақырмайды. Гельдік құрылымына байланысты препарат қорғаныс қабатын түзіп, асқазанның шырышты қабатындағы белсенді заттардың бірдей таралуын қамтамасыз етеді.

• өршу сатысындағы асқазанның және он екі елі ішектің ойық-жара ауруында

• жедел және созылмалы гастритте

• дуоденитте

• энтеритте

• диафрагмадағы өңеш тесігінің жарығы, рефлюкс-эзофагитте

• емдәм бұзылғанда, кофені, никотинді, алкогольді, дәрілік заттарды қабылдаудан кейін пайда болатын эпигастрий аймағындағы жайсыздықта және ауыру сезімінде

• операциядан кейін асқазан шырышты қабатының қабынуында

• қабынуға қарсы стероидты емес препараттарды және глюкокортикостероидтарды қабылдағаннан кейін пайда болатын диспепсиялық белгілерді емдеу және оларды алдын алуда

Қолдану тәсілі мен дозалары

Ішке. Қабылдар алдында құтыны шайқау керек.

Асқорыту жолының жоғары бөлімдерінің шырышты қабатында протективті әсеріне жету үшін препаратты тамақ ішкенге дейін 10-15 минут бұрын қабылдайды.

Ересектерге - 5-10 мл (1-2 өлшеуіш қасық немесе 1 пакет) күніне 3-4 рет. Қажет болса, бір реттік дозаны 15 мл (3 өлшеуіш қасық) дейін жоғарылатуға болады.

15-тен 18 жасқа дейінгі балаларға – 5 мл-ден (1 өлшеуіш қасық) күніне 3 рет.

10 жастан 15 жасқа дейінгі балаларға ересектерге ұсынылатын дозаның ½ тағайындайды, бірақ бір реттік дозада 5 мл асырмай.

Препаратты қабылдағаннан кейін 15 минут бойы су ішуге болмайды.

Емдік әсерге жеткеннен кейін тәуліктік дозаны күніне 3-4 рет 5 мл дейін (1 өлшеуіш қасық) немесе тәулігіне 1-2 пакетке дейін азайтады. Препаратты тамақ ішкеннен кейін 45-60 минуттан кейін және ұйықтар алдында кешке қабылдайды. Емдеу ұзақтығы 15-20 күннен аспауы керек.

Профилактикалық мақсатта асқазан-ішек жолын тітіркендіретін дәрілік заттарды қабылдағанда – 5-15 мл (1-3 өлшеуіш қасық немесе 1 пакет) дәрілік затты қабылдағанға дейін 15 минут бұрын ішеді, бірақ 10-12 күннен артық емес.

Препаратты қабылдағаннан кейін жатып, бірнеше рет (әрбір 1-2 минуттан кейін) бүйірден бүйірге аунау керек (асқазан шырышты қабығында оның таралуын жақсарту үшін).

• іш қату, жүрек айну, құсу, асқазанның түйілулері, дәм сезудің өзгеруі

• қандағы магний деңгейінің жоғарылауы және фосфор мөлшерінің төмендеуі

• жергілікті және жалпы типтегі аллергиялық реакциялар

• нейроуыттылығы (бүйрек жеткіліксіздігі бар және диализдік емдеуде жүрген науқастар ұзақ қабылдағанда көңіл-күйдің және ақыл-ой белсенділігінің өзгеруі)

• остеомаляция (тағамдағы фосфор тапшылығымен қатар препараттың жоғары дозаларын ұзақ қабылдағанда)

• препарат компоненттеріне жоғары сезімталдылық

• бүйрек жеткіліксіздігі

• Альцгеймер ауруы

• жедел аппендицитке күдіктену

• ойық-жаралы колит, колостомия немесе илеостомия

• іш қату

• созылмалы диарея

• эпилепсия, алкоголизм

• геморрой

• гипермагниемия

• гипофосфатемияда

• жүктілік кезеңі

• лактация кезеңі

• 10 жасқа дейінгі балалар

• тұқым қуалайтын фруктозаны көтере алмаушылық

Басқа дәрілік заттарды Алмагель® қабылдардың алдында 1-2 сағат бұрын немесе қабылдаудан кейін сондай уақыт өткен соң ішу керек. Алмагель® асқазан сөлінің қышқылдығын төмендетеді және бұл көптеген дәрілік заттармен бірге қабылдағанда, олардың әсеріне ықпал етуі мүмкін. Алмагель® резерпиннің, циметидиннің, ранитидиннің, оймақгүл гликозидтердің, темір тұздарының, литий препараттарының, хинидиннің, мексилетиннің, фенотиазиндік препараттардың, тетрациклин қатарындағы антибиотиктердің, ципрофлоксациннің, изониазидтің және кетоконазолдың емдік әсерлерін төмендетеді. Алмагель® асқазан секрециясының деңгейін төмендетіп, осылайша асқазан сөлінің қышқылдығын функционалдық зерттеу нәтижелеріне әсер етуі мүмкін.

Басқа дәрілік заттарды Алмагель® қабылдардың алдында 1-2 сағат бұрын немесе қабылдаудан кейін сондай уақыт өткен соң ішу керек.

Егде жастағы науқастар ұзақ уақыт қабылдағанда остеомаляция және остеопороз дамуы мүмкін. Сондықтан препаратты қабылдау кезеңінде фосфорға бай тағамдарды ішу керек. Үлкен дозаларды ұзақ қабылдағанда бүйректе тастар түзілуі, ауыр іш қатулар, ұйқышылдық, гипермагниемия, сонымен бірге метаболиздік алкалоздың белгілері: ақыл-ойдың немесе көңіл-күйдің ауыспалылығы, бұлшық еттің жансыздануы немесе ауыруы, ашушандық және тез шаршағыштық, тыныстың бәсеңдеуі, жағымсыз дәм сезінулер дамуы мүмкін.

Алмагель® кейбір зертханалық және функционалдық зерттеулердің және тесттердің нәтижелеріне әсерін тигізуі мүмкін: қышқылдығын анықтау кезінде асқазан секрециясының деңгейін төмендетеді; асқазан және өт қапшығындағы натрий пертехнетаттың 99 mТc көмегімен дивертикулдерді көру тестісін және технеция 99mТc изотопымен белгіленген күкірттің коллоидты ерітіндісі көмегімен сүйектер сцинтиграфиясын бұзады; гастриннің сарысулық деңгейін орташа және аз уақытқа жоғарылатады, фосфордың сарысулық деңгейін, сарысудың және несептің рН-ын төмендетеді.

Алмагельді® сүттің көп мөлшерімен (бірден 1л-ден көп) және сүт тағамдарымен бірге қабылдау ұсынылмайды.

Препараттың құрамында қант жоқ болғандықтан, қант диабеті бар науқастарға қабылдауға болады.

Препараттың құрамында сорбитол бар, ол фруктозаны туа біткен көтере алмаушылық кезінде қарсы көрсетілімде, өйткені ішек тітіркенуін және іш өтуді туғызу мүмкін.

Алмагель® құрамында парабендер бар, олар тері бөртпелерін және қышынуын туғызуы мүмкін, ал сирек жағдайларда аллергиялық бронх түйілуін туындатуы мүмкін.

Алмагель құрамында 2,5 к. % этанол (алкоголь), яғни 98,1 mg этанол 5 ml (2,5 ml сыра немесе 1 ml шарапқа баламалы) басталатын дозада немесе 196,2 mg этанол 10 ml тұратын дозада (2 ml шарапқа және 5 ml сыраға баламалы) немесе 294,3 mg этанол 15 ml тұратын дозада (7,5 ml сыра немесе 3 ml шарапқа баламалы) болады, сондықтан препарат бауыр және ми аурулары бар, эпилепсиямен, алкоголизммен ауыратын емделушілерге, жүкті әйелдерге және 10 жасқа дейінгі балаларға ұсынылмайды.

Дәрілік заттардың көлікті жүргізу немесе қауіпті механизмдермен жұмыс істеу қабілетіне әсер ету ерекшеліктері.

Көлік құралдарын басқару қабілетіне және жоғары назар шоғырландыруды талап ететін механизмдерді пайдалануда дәрілік заттың жағымсыз әсер етуі жөнінде деректер жоқ.

Симптомдары: іш қату, іш кебу, ауыздағы металл дәмі (препаратты көп мөлшерде бір реттік қабылдауда).

Емі: асқазанды шаю, белсендірілген көмірді қабылдау.

170 мл шыны құтыда немесе полиэтилентерефталаттан жасалған құтыда.

Бір құтыдан 5 мл болатын дозалаушы қасығымен және медицинада қолданылуы жөніндегі мемлекеттік және орыс тіліндегі нұсқаулықпен бірге картон пәшкеге салынған.

10 мл препараттан көпқабатты фольгадан жасалған пакетке салынады.

10 немесе 20 пакет медицинада қолданылуы жөніндегі мемлекеттік және орыс тіліндегі нұсқаулықпен бірге картон пәшкеге салынған.

Жарықтан қорғалған жерде, 25С-ден аспайтын температурада сақтау керек. Мұздатып қатыруға болмайды!

Балалардың қолы жетпейтін жерде сақтау керек!

2 жыл

Қаптамасында көрсетілген жарамдылық мерзімі өткеннен кейін қолдануға болмайды.

Рецептісіз

Өндіруші

«Балканфарма - Троян» АД, Болгария, 5600, Троян қ., “Крайречна” к-сі № 1

«Балканфарма - Троян» АД, Болгария

Қазақстан Республикасы аумағында тұтынушылардан өнім (тауар) сапасына қатысты шағымдар қабылдайтын ұйымның мекенжайы:

«Актавис Интернешнл Лтд.» Алматы қ. өкілдігі

Қазақстан Республикасы, 050009, Алматы қ., Мұқанов к-сі, 241, 1-а кеңсе,

Тел./факс: 8(727) 313 74 30, 313 74 31, 313 74 32;

Электронды поштасы: actavis@actavis.kz; сайт: www. actavis.com