Алковер®
Инструкция
-
русский
-
қазақша
Саудалық атауы
Алковер®
Халықаралық патенттелмеген атауы
Жоқ
Дәрілік түрі
Ішуге арналған 17,5% ерітінді, 10 мл және 140 мл
Құрамы
Препараттың 10 мл және 140 мл бір құтысының ішінде
белсенді зат – натрий оксибаты (натрий тұзы 4-гидроксибутират)
сәйкесінше 1.750 г және 24.500 г,
қосымша заттар: натрий сахарині, метилпарагидроксибензоат,
пропилпарагидроксибензоат, сұйық сорбитол (70% ерітінді), шие хош иістендіргіші, тазартылған су.
Сипаттамасы
Мөлдір сарғыш ерітінді.
Фармакотерапиялық тобы
Аддиктивті бұзылыстарды емдеуге арналған дәрілер. Алкогольге тәуелділікті емдеуге арналған дәрілер.АТХ коды N07BВ
Фармакологиялық қасиеттері
Фармакокинетикасы
Еріктілерге жүргізілген фармакокинетикалық зерттеулерден, натрий оксибатының тез сіңетіні көрінеді, тәжірибеде Tmax шыңына қабылданған дозасынан кейінгі есептік Tmax 2 сағатты құрайтынына қарамастан, препаратты қабылдағаннан кейін 20-45 минуттан соң-ақ жетеді. Натрий оксибатының жартылай шығарылу кезеңі 4 сағатқа жуықты құрайтынына қарамастан, препарат әдетте 8 сағат бойы тиімді.
Биожетімділігі бірінші өтуінің нақты әсерінің арқасында шамамен 30% құрайды. Натрий оксибаты елеулі дәрежеде метаболизденеді және β-оксидациядан кейін (шамамен 1%-ы өзгеріссіз күйде несеппен шығарылады) немесе Кребс циклында тотыққаннан кейінгі СО2 түрінде шығарылған деммен элиминацияланады деуге болады. Элиминацияның қандағы мәні екі фазалы сипатта болады.
Фармакодинамикасы
300 мг/кг дейінгі дозасындағы белсенді ингредиенті норадреналиннен, изопреналин және ацетилхолиннен туындаған жүрек-қантамыр әсерлеріне айтарлықтай ықпал етпейді. Препаратты 300 және 600 мг/кг дозада қолданғанда орталық жүйке жүйесіне қозғалу белсенділігінің өздігінен артуы және 1200 мг/кг дозада жазу қабілетін жоғалту және ұйқышылдықпен орталық жүйке жүйесін айқын бәсеңдетуі түрінде ықпал ететіні анықталған.
Алкогольге тәуелділікті тудыру үшін этанол берілген егеуқұйрықтарға жүргізілген арнайы фармакодинамикалық зерттеулер натрий оксибатын 200-ден 300 мг/кг дейінгі дозада қолданғанда егеуқұйрықтардың алкоголь тұтынуы 60-70%-ға азайғанын көрсетті. Бұл кезде егеуқұйрықтарда натрий оксибатын 500 мг/кг дейінгі дозада қолданғанда елеулі асқазан-ішек реакциялары білінген жоқ.
Натрий оксибатының миға қосарлы әсер ету механизмі бар деп есептеледі: атап айтқанда, биохимиялық мәліметтер, аталған затқа тән нейробиологиялық белсенділігінің өз рецепторларының белсенділенуімен байланысты екендігін көрсетеді, ал анағұрлым маңызды клиникалық әсерлеріне ГАМҚВ-эргиялық рецепторлары арқылы жетеді.
Қолданылуы
Қосымша зат ретінде:
- алкогольді тоқтатудың жедел синдромын емдік бақылауда
- алкогольге тәуелділікті мультимодальді емдеудің бастапқы сатысында
- басқа емдеу түрлеріне төзімді алкогольге тәуелділікті ұзақ мультимодальді емдеуде
Қолдану тәсілі және дозалары
Алкогольді тоқтатудың жедел синдромын емдік бақылауда және алкогольге тәуелділікті мультимодальді емдеудің бастапқы сатысында (алғашқы 60 күн): 4 сағаттан кем емес аралықпен күніне 3 қабылдауға бөлінген 50 мг/кг (мысалы: таңертең, түсте және кеште).
Алкогольге тәуелділікті ұзақ мультимодальді емдеуде (60 күннен астам): күніне 50 мг/кг-ден ең жоғарғысы күніне 4 сағаттан кем емес аралықпен күніне 3 қабылдауға бөлінген 100 мг/кг дейін.
140 мл құты препаратты дозалауға арналған өлшеуіш стақанмен жабдықталған. 1 мл ерітіндінің құрамында 175 мг белсенді зат бар.
Емделушінің дене салмағын (дозасына сәйкес тәулігіне 50 мг/кг) ескере отырып, препаратты күн сайын қабылдау үшін, күніне 3 рет қабылдауға арналған мл препараттың дозасы төмендегідей болады:
Дене салмағы мл
50 кг 5
75 кг 7,5 х күніне 3 рет
100 кг 10
Емдеу ұзақтығы:
-
алкогольді тоқтатудың жедел синдромын емдік бақылауда 7-10 күн;
-
алкогольге тәуелділікті мультимодальді емдеудің бастапқы сатысында 60 күн;
-
алкогольге тәуелділікті ұзақ мультимодальді емдеуде 60 күннен артық.
Жағымсыз әсерлері
- дәріні бірінші қабылдағаннан кейін жиі туындайтын жеңіл бас айналуы, ол 15-30 минут өткеннен кейін өздігінен басылады және препаратты келесі қабылдағанда туындамайды
- жекелеген жағдайларда жүрек айнуы және диарея
- ұйқышылдық
- дұрыс пайдаланбаған немесе медициналық бақылаусыз пайдаланған жағдайда тәуелділік дамуы мүмкін
Қолдануға болмайтын жағдайлар
- ауыр органикалық және психикалық аурулар, өйткені бұл жағдайлардағы Алковерді® қолданудың қысқа мерзімді және ұзақ әсерлері белгісіз
- эпилепсиялық және эпилепсия түріндегі ұстамалар, соның ішінде сыртартқыдағы (эпилепсияға қарсы препараттардың тыныштандыратын әсерінің күшеюін болдырмау үшін)
- эпилепсияға қарсы және психобелсенді дәрілермен бірге қолдану
- бұрын болған немесе қазіргі уақыттағы есірткі пайдалануға бейімдікте түрлі психобелсенді дәрілерді олардың дозасын арттыру қажеттілігімен қабылдаумен сипатталатын осы патологиялық жағдайға тән кез келген өздігінен артық дозалау мен фармакологиялық синергизмді болдырмау үшін
- асқыну сатысындағы гастрит немесе асқазан мен он екі елі ішектің ойық жаралы ауруында
- инсульт
- сараланған хирургиялық емшаралар кезінде регионарлық анестезия жүргізу
- миастения
- препараттың жекелеген компоненттері мен ұқсас дәрілерге жоғары сезімталдық
- жүктілік және лактация кезеңі
- балалар мен 18 жасқа дейінгі жасөспірімдер
Дәрілермен өзара әрекеттесуі
Басқа препараттармен өзара әрекеттесулері анықталған жоқ.
Алайда эпилепсияға қарсы дәрілердің тыныштандыратын әсерін синергиялық күшеюі және психобелсенді дәрілермен фармакотоксикологиялық синергия болуы мүмкін. Анальгетиктердің, наркозға арналған, ұйықтататын, антипсихоздық, анксиолитикалық дәрілердің әсерін көтермелейді, бемегридке антагонизм көрсетеді.
Айрықша нұсқаулар
Алковер® тікелей медициналық қадағалаумен және әсіресе, емделушілер алкогольге ауыр тәуелділік кезінде психикалық саулығының нашарлауынан зардап шеккен және өз құқықтарын жүзеге асыру мүмкіндігінен айырылған және сондықтан артық дозалану қаупіне ерекше бейім немесе жедел уыттану қаупіне бейім болатын кезде емдеуші дәрігердің қатысуымен (стационар жағдайларында) пайдаланылуы тиіс. Натрий тұзы-4-гидроксибутиратын (GHB) индукцияланған эйфорияға және дәрінің анаболиялық қасиеттеріне байланысты шамадан тыс пайдаланған жағдайлар сипатталған. Мұндай жағдайлар негізінен, GHB заңсыз, дәрігердің тағайындауынсыз және медициналық бақылаусыз, жоғары дозаларда пайдаланылғанда, көбінесе маскүнемдіктен зардап шекпейтін субъектілерде орын алуы мүмкін. Сондай-ақ, әсіресе препаратты заңсыз қабылдаған субъектілерде GHB тоқтату синдромы жағдайлары сипатталған. Тоқтату синдромы тремормен, ұйқысыздықпен, мазасыздықпен сипатталады. Бұл симптомдар асқынуларсыз 3-12 күн ішінде тыйылған. Препараттың құрамына метилпарагидроксибензоат, пропилпарагидроксибензоат кіреді, олар ішу арқылы қолданғанда баяу типтегі аллергиялық реакциялар туғызуы мүмкін.
Дәрілік заттың көлік құралдарын немесе қауіптілігі зор механизмдерді басқару қабілетіне әсер ету ерекшеліктері
Көлік құралын немесе қауіптілігі зор механизмдерді басқару қабілетіне әсер етуі мүмкін жағымсыз әсерлер жағдайлары болуы мүмкін. Емдеу кезінде емделушілер автокөлік жүргізу мен зейін шоғырландыру мен психомоторлық реакциялардың жылдамдығын қажет ететін басқа да қызмет түрлерінен бас тартқаны жөн.
Артық дозалануы
Артық дозаланған жағдайда Алковер® тынысты тарылту мүмкіндігімен орталық жүйке жүйесін бәсеңдететін әсер туғызуы мүмкін.
Симптомдары: артериялық гипотензия, брадикардия (минутына 40-50 соғ. дейін), құрысулар, құсу, едәуір артық дозаланғанда – тыныстың тарылуы (тыныс тоқтап қалуы мүмкін), көз рефлекстері сақтала отырып, айқын миорелаксация.
Емі: асқазанды шаю, тыныс алу және жүрек-қантамыр жүйесін демеуге арналған симптоматикалық терапия, жасанды тыныс алдыру және қарқынды диурез.
Шығарылу түрі мен қаптамасы
140 мл препараттан балалардың ашуын болдырмайтын полиэтилен қақпағы бар күңгірт полиэтилентерефталат құтыларда. Құтыны өлшеуіш стақанмен және мемлекеттік және орыс тілдеріндегі медициналық қолдану жөніндегі нұсқаулықпен бірге картон қорапқа салады.
10 мл препараттан полиэтилен тығыны және балалардың ашуын болдырмайтын бірінші ашылуы бақылануы бар күңгірт шыныдан жасалған құтыларда.
10 мл препараттан бұрандалы полиэтилен қақпағы бар полиэтилентерефталатты құтыларда.
12 құтыдан медициналық қолдану жөніндегі мемлекеттік және орыс тілдеріндегі нұсқаулықпен бірге картон қорапқа салады.
Сақтау шарттары
25оС-ден аспайтын температурада сақтау керек.
Балалардың қолы жетпейтін жерде сақтау керек!
Сақтау мерзімі
2 жыл
Препаратты жарамдылық мерзімі өткеннен кейін пайдалануға болмайды.
Сыйымдылығы 140 мл құтыны бірінші ашқаннан кейінгі қолдану кезеңі – 30 күннен аспайды.
Дәріханалардан босатылу шарттары
Рецепт арқылы
Өндіруші
Лабораторио Фармацеутико С.Т. Срл Италия
Тіркеу куәлігі иесінің атауы мен елі
Лабораторио Фармацеутико С.Т. Срл (Италия)
Қазақстан Республикасы аумағында тұтынушылардан өнім (тауар) сапасына қатысты шағымдарды қабылдайтын ұйымның мекенжайы
«Медэкспорт Италия» Консорциумының өкілдігі, Алматы қ., Айтеке би, 88
Телефон нөмірі: +7 727 279 99 00
Электронды поштасы: officealmaty@gmail.com