Алка-Зельтцер®

• русский
• қазақша

• Скачать инструкцию медикамента

Саудалық атауы

Алка-Зельтцер®

Халықаралық патенттелмеген атауы

Жоқ

Дәрілік түрі

Көпіршитін таблеткалар

Құрамы

Бір таблетканың құрамында

белсенді заттар: 324 мг ацетилсалицил қышқылы,

965 мг сусыз лимон қышқылы, 1743,87 мг натрий гидрокарбонаты (1625 мг натрий гидрокарбонатына баламалы).

қосымша заттар: повидон 25, кальций силикаты, диметикон, натрий докузаты, натрий бензоаты, натрий сахаринаты, лимон хош иістендіргіші, лайм хош иістендіргіші

Сипаттамасы

Бір жағында «ALKA SELTZER» таңбасы бар, екінші жағында- біржақты ойығы бар, тегіс, дөңгелек, ақ таблеткалар.

Фармакотерапиялық тобы

Басқа да анальгетиктер антипиретиктер. Салицил қышқылы және оның туындылары.

АТЖ коды N02BА51

Фармакологиялық қасиеттері

Әсері құрамына кіретін белсенді компоненттеріне негізделген біріктірілген препарат.

Ацетилсалицил қышқылы ауыруды басатын, ыстықты түсіретін, қабынуға қарсы әсер береді, бұл простагландиндер синтезіне қатысатын циклооксигеназалар энзимдерін тежеуіне негізделген; А2 тромбоксанының синтезін бөгей отырып, тромбоциттер агрегациясын тежейді.

Натрий карбонаты асқазандағы бос тұз қышқылын бейтараптандырады, бұл препараттың тітіркендіргіштік әсерін азайтады.

Лимон қышқылы препараттың жылдамырақ сіңуіне ықпал етеді.

Қолданылуы

Симптоматикасын жеңілдету үшін:

• бас ауырудың, соның ішінде масаңдық табы синдромында

• тіс ауырғанда

• тамақ ауырғанда

• арқа мен бұлшықет ауырғанда

• буындар ауырғанда

• етеккір кезіндегі ауыруларда.

ЖРВЖ, тұмаудың және басқа жұқпалы-қабынбалы аурулардың симптомдарын басу үшін:

• жоғары дене температурасында.

Қолдану тәсілі мен дозалары

Ішке, тәулігіне 1 таблеткадан 6 ретке дейін. Қатты ауыру мен жоғары температурада 2-3 таблеткадан; ең жоғарғы тәуліктік дозасы 9 таблеткадан аспауы тиіс (3 г).

Қабылдар алдында таблетканы/таблеткаларды стақан суда (200 мл) еріту керек. Қабылдау жиілігі мен уақыты: препаратты қабылдаулардың аралығы кемінде 4 сағатты құрауы тиіс. Препаратты қабылдау режимінің жүйелі сақталуы температураның күрт жоғарылауын болдырмауға және ауыру синдромының қарқындылығын азайтуға мүмкіндік береді.

Емдеу ұзақтығы (дәрігердің кеңесінсіз) ауыруды басатын дәрі ретінде тағайындағанда 5 күннен және қызу түсіретін дәрі ретінде- 3 күннен аспауы тиіс.

Жағымсыз әсері

- іштің ауыруы, қыжыл, жүрек айнуы, құсу

- қан кету қаупінің жоғарылауы (асқазан-ішектен, мұрыннан)

- бірен-саран жағдайлар – бүйрек қызметінің бұзылуы (бауыр трансаминазалары белсенділігінң жоғарылауы)

- тері бөртпесі, бронх түйілуі, Квинке ісінуі, анафилактикалық реакциялар

Қолдануға болмайтын жағдайлар

- препараттың құрамдас бөліктеріне жекелей жоғары сезімталдықта

- ацетилсалицил қышқылын немесе оның туындыларын қабылдаудан туындаған демікпеде

- асқазан-ішек жолының эрозиялы-ойық жаралы зақымдануларында (өршу сатысында)

- геморрагиялық диатездерде

- аптасына 15 мг және одан көп дозада метотрексатпен үйлестіріп қолдануға

- жүктілікте ( I- III триместр) және лактация кезеңінде

- Рейе синдромының даму қаупіне байланысты (энцефалопатия және бауыр жеткіліксіздігінің жедел дамуымен бауырдың жедел майлы дистрофиясында), 16 жасқа дейінгі балаларға, шығу тегі вирустық жедел респираторлық ауруларда.

Дәрілермен өзара әрекеттесуі

Препаратты бірге қолданғанда:

метотрексатпен аптасына 15 мг немесе одан көп дозада қолданғанда: метотрексаттың гемолитикалық цитоуыттылығы жоғарылайды (метотрексаттың бүйректік клиренсі төмендейді және метотрексат қан плазмасы ақуыздарымен байланыстағы салицилаттармен алмасады); антикоагулянттармен, мысалы, гепаринмен қолданғанда тромбоциттер қызметін тежеуінің салдарынан қан кету қаупі, асқазан-ішек жолының шырышты қабығының зақымдалу қаупі, қан плазмасы ақуыздарымен байланыстан антикоагулянттарды (пероральді) ығыстыруы артады;

басқа қабынуға қарсы стероидтық емес препараттармен, сондай-ақ, салицилаттардың жоғары дозаларымен (күніне 3 г немесе одан да көп) өзара синергиялық әрекеттесуінің нәтижесінде, ойық жара мен қан кету қаупі артады; урикозураттармен, мысалы, бензбромаронмен урикозуриялық әсері төмендейді; дигоксинмен бүйрекпен шығарылуы салдарынан, дигоксиннің концентрациясы артады; диабетке қарсы препараттармен, мысалы, инсулинмен, ацетилсалицил қышқылының гипогликемиялық әсері салдарынан диабетке қарсы препараттардың гипогликемиялық әсері артады; тромболитиктер тобы препараттарымен қан кетудің туындау қаупі артады;

диуретиктермен (күніне 3 мг және одан да көп дозада) простагландиндер синтезінің салдарынан гломерулярлық сүзілу төмендейді; жүйелік глюкокортикостероидтармен, Аддисон ауруында орынбасушы ем ретінде пайдаланылатын гидрокортизонды қоспағанда, соңғысының шығарылуының артуы салдарынан қандағы салицилаттар деңгейі төмендейді;

ангиотензи өзгертуші ферменттің тежегіштерімен (күніне 3 г және одан да көп дозада) простаглан­диндерді тежеуінің есебінен, гломерулярлық сүзілу төмендейді және соның салдары ретінде антигипертензивтік әсері төмендейді; вальпрой қышқылымен вальпрой қышқылының уыттылығы артады; этанолмен асқазан-ішек жолының шырышты қабығына зақымдағыш әсер ету қаупі артады және қан кету уақыты ұзарады.

Айрықша нұсқаулар

Ацетилсалицил қышқылы бронх түйілуін (сыртартқысында бронх демікпесі, созылмалы бронхөкпе ауруларын, мұрын полипін, аллер­гиялық риниттерді тудыруы мүмкін).

Ацетилсалицил қышқылы қанағыштыққа бейімділікті арттыруы мүмкін, бұл тромбоциттер агрегациясына тежегіштік әсерімен байланысты. Оны тіс жұлу сияқты шағын араласуларды қоса, хирургиялық араласулар қажет болғанда ескеру қажет. Хирургиялық араласулар алдында, операция барысындағы және операциядан кейінгі кезеңде қанағыштықты азайту үшін, препаратты қабылдауды 5-7 күн бұрын тоқтату және дәрігерді құлағдар ету қажет.

Қантамыр ауруларын емдеуде ацетилсалицил қышқылының тәуліктік дозасы 75 -тен 300 мг дейін құрайды.

Препаратты антикоагу­лянттармен қатарлас емдеуде, подаграда (несеп қышқылының шығарылуын азайтады), асқазан және/немесе он екі елі ішектің ойық жаралы ауруында (сыртартқыда), ойық жара ауруының созылмалы немесе рецидивті ағымында, немесе асқазан-ішектен қан кету көріністері; бүйрек және/немесе бауыр жеткіліксіздігінде, глюкоза-6-фосфатдегидрогеназа тапшылығында сақтықпен тағайындайды.

Көпіршитін Алка-Зельтцердің® бір таблеткасында 477 мг натрий бар, мұны натрий тұтынылуы бақыланатын емдәмде ескеру қажет.

Дәрілік заттың көлік құралдарын және қауіптілігі зор механизмдерді басқару қабілетіне ықпал ету ерекшеліктері.

Әсер етпейді

Артық дозаланғанда

Белгілері: ауырлық дәрежесі орташа артық дозалануда: жүрек айнуы, құсу, құлақтағы шуыл, естудің нашарлауы, бас ауыруы, бас айналуы және сананың шатасуы – бұл сим­птомдар препараттың дозасын төмендеткенде басылады.

Ауыр артық дозалануда: қызба, гипервентиляция, кетоз, респираторлық ал­калоз, метаболикалық ацидоз, кома, кардиогендік шок, тыныс алу жеткіліксіздігі, айқын гипогликемия.

Емі: лаваж, белсенділендірілген көмірді қабылдау, 7,5-8 арасында несептік рН алу үшін қышқыл-сілтілік теңгерімді мониторингілеу (қарқынды сілтілік диурез қолжетімді саналады, егер қан плазмасындағы салицилат концентра­циясы 500 мг/л-ден астамды (3,6 ммоль/л) құраса немесе 300 мг/л (2,2 ммоль/л) балаларда), гемодиализ, жоғалған сұйықтықтың орнын толтыру, симптоматикалық ем.

Шығарылу түрі мен қаптамасы

Алюминий фольгамен ламинацияланған қағаздан жасалған пішінді ұяшықсыз қаптамада 2 таблеткадан.

5 пішінді ұяшықсыз қаптамадан мемлекеттік және орыс тілдеріндегі қолдану жөніндегі нұсқаулықпен бірге картон пәшкеге салынған.

Сақтау шарттары

25°С-ден аспайтын температурада сақтау керек.

Балалардың қолы жетпейтін жерде сақтауға болады!

Сақтау мерзімі

3 жыл

Қаптамасында көрсетілген жарамдылық мерзімі өткеннен кейін пайдалануға болмайды

Дәріханалардан босатылу шарттары

Рецептісіз

Өндіруші ұйымның атауы мен елі

Байер Биттерфельд ГмбХ, Германия

Тіркеу куәлігі иесінің атауы мен елі

Байер Консьюмер Кэр АГ, Швейцария

Қазақстан Республикасы аумағында тұтынушылардан өнім (тауар) сапасына қатысты шағымдарды қабылдайтын ұйымның мекенжайы:

«Байер КАЗ» ЖШҚ

Тимирязев к-сі, 42, «Экспо-Сити» бизнес орталығы, 15 пав.

050057 Алматы, Қазақстан Республикасы

тел. +7 727 258 80 40

факс: +7 727 244 70 01

e-mail: kz.claims@bayer.com