Алвоспир

• русский
• қазақша

• Скачать инструкцию медикамента

Саудалық атауы

Алвоспир

Халықаралық патенттелмеген атауы

Жоқ

Дәрілік түрі

50/20 мг капсулалар

Құрамы

Бір капсуланың құрамында

белсенді заттар: 50,0 мг спиронолактон және 20,0 мг фуросемид,

қосымша заттар: маннитол, натрий кроскармелозасы, кремнийдің коллоидты қостотығы, натрий лаурилсульфаты, повидон, магний стеараты,

капсула корпусы мен қақпақшасының құрамы: метилпарагидроксибензоат (Е218), пропилпарагидроксибензоат (Е216), глицерол, кремнийдің коллоидты қостотығы, натрий лаурилсульфаты, сусыз сірке қышқылы, желатин.

Сипаттамасы

Мөлдір түссіз корпусы мен қақпақшасы бар қатты желатинді капсулалар

№ 2.

Капсулалар ішіндегісі – ақ немесе ақ дерлік түсті біртекті ұнтақ.

Фармакотерапиялық тобы

Диуретиктер. Калий жинақтаушы препараттармен біріктірілген «ілмектік» диуретиктер. Калий жинақтаушы препараттармен біріктірілген фуросемид.

АТХ коды C03EB01

Фармакологиялық қасиеттері

Фармакокинетикасы

Спиронолактон: Спиронолактон асқазан-ішек жолынан жылдам және толық сіңіріледі. Ол плазманың ақуыздарымен елеулі дәрежеде (шамамен 90 %) байланысады. Спиронолактон жылдам метаболизмге ұшырайды. Оның белсенді метаболиттері 7α-тиометилспиронолактон мен канренон болып табылады. Спиронолактонның өзінің жартылай шығарылу кезеңі қысқа (1,3 сағат) болуына қарамастан, оның белсенді метаболиттерінің жартылай шығарылу кезеңдері ұзақтау (2,8-ден 11,2 сағатқа) дейін болады. Метаболиттері негізінен несеппен; аздаған бөлігі нәжіспен шығарылады. Спиронолактон мен оның метаболиттері плацента арқылы өтеді және ана сүтімен шығарылады.

100 мг спиронолактонды күн сайын 15 күн бойы қабылдаудан кейін плазмадағы концентрациясының шыңына жеткенге дейінгі уақыт (tmax), плазмадағы концентрациясы шыңының (Cmax) және жартылай шығарылу кезеңінің (t1/2) көрсеткіштері: 2,6 сағат, 80 нг/мл және шамамен тиісінше 1,4 сағатты құраған. 7α-тиометилспиронолактон мен канренон үшін бұл көрсеткіштер тиісінше 3,2 және 4,3 сағат; 391 нг/мл және 181 нг/мл; 13,8 және 16,5 сағат құраған.

Спиронолактонның бір реттік дозасының бүйрекке әсері 7 сағаттан кейін шыңына жетеді және кем дегенде 24 сағат бойы сақталады.

Фуросемид: жылдам және толық сіңіріледі. Биожетімділігі 60-70% құрайды. Бүйректің ауыр сырқаттарында немесе созылмалы жүрек жеткіліксіздігінде сіңірілу дәрежесі төмендейді. Жартылай шығарылу кезеңі (t1/2) – 30-60 минут. Плазманың ақуыздарымен (негізінен альбуминдермен) байланысуы - 95-99 %. Бауырда метаболизденеді. Бүйрекпен – 88 %, өтпен – 12 % шығарылады. Клиренсі – 1,5-3 мл/мин/кг.

Фармакодинамикасы

Спиронолактон: альдостеронның бәсекелес антагонисі болып табылады. натрий иондары мен судың қайта сіңірілуін, сондай-ақ калий иондарының шығарылуын – альдостерон әсерлерін тежей отырып, нефронның дистальді өзекшелерінде әсер етеді. Ол Na+ және Cl- шығарылуын жоғарылатып және К+ -тің несеппен шығарылуын төмендетіп қана қоймайды –сондай-ақ ол Н+-тің шығарылуын да төмендетеді. Өзінің диуретикалық тиімділігінің салдары ретінде ол гипотензиялық әсерге ие.

Фуросемид: айқын несеп айдағыш тиімділігі бар жылдам әсер ететін диуретик. Генле ілмегінің өрлейтін бөлігіндегі жуан сегментте натрий, хлор иондарының қайта сіңірілуін бұзады. Фуросемид айқын натрий уретикалық, хлор уретикалық әсер етеді. Бұдан бөлек, калий, кальций, магний иондарының шығарылуын арттырады.

Натрий иондарының бөлініп шығуы артуы салдарынан судың екіншілік (сумен байланысты жанама осмотикалық) күшті шығарылуы және бүйрек өзекшесінің дистальді бөлігіндегі калий иондары секрециясының артуы жүреді. Бір мезгілде кальций мен магний иондарының шығарылуы артады.

Бүйрек ішілік медиаторлар бөлініп шығуымен және бүйрек ішілік қан ағымының қайта таралуымен байланысты салдарлы тиімділікке ие.

Стенокардия кезінде ірі көктамырлардың кеңеюі арқылы жүрекке алдыңғы жүктеменің төмендеуіне жылдам әкеледі. Натрий хлориді шығарылуының артуы мен вазоконстрикторлы әсерге тамырлар тегіс бұлшық еттері реакциясының төмендеуі салдарынан және айналымдағы қан көлемінің (АҚК) төмендеуі нәтижесінде гипотензиялық әсер етеді

Қан айналымының жеткіліксіздігі бар науқастарды емдеу кезіндегі фуросемидтің тиімділігі тек диуретикалық әсер етуімен ғана емес, шеткергі тамырларға кеңейткіш әсер етуімен де тікелей байланысты болады. Препарат артериялық гипертензияда, соның ішінде басқа салуретиктер тиімсіз болатын ауыр түрлерінде тиімді. Фуросемидті гипертониялық криздерді басу үшін қолданады.

Қолданылуы

- альдостерон секрециясы жоғары пациенттердегі артериялық гипертензияда

- тұрақты ісіну синдромы, соның ішінде созылмалы жүрек жеткіліксіздігі мен бауыр циррозында

Қолдану тәсілі мен дозалары

Күннің бірінші жартысында толық стақан сумен іше отырып, ішке қабылдайды. Дозалау режимі клиникалық ситуация мен пациенттің жасы ескеріле отырып жекелей белгіленеді. Ішке қабылдаған кезде ересектерге арналған әдеттегі доза тәулігіне 1-4 капсуланы құрайды. Емдеу курсын дәрігер белгілейді.

Жағымсыз әсерлері

- тәбеттің төмендеуі, ауыздың кеберсуі, шөліркеу, жүрек айнуы, құсу, іш қату немесе диарея

- холестатикалық сары ауру, трансаминазалар белсенділігінің жоғарылауы, панкреатит

- бұлшықет әлсіздігі, адинамия, ұйқышылдық, сылбырлық, сананың шатасуы

- ортостатикалық гипотензия, артериялық қысымның төмендеуі (бұл зейін шоғырландырудың, реакцияның төмендеуі, бас айналуы, ұйқышылдық, әлсіздік, көру бұзылыстары, ауыздың кеберсуі сияқты белгілер мен симптомдарды туындатуы мүмкін), коллапс, тахикардия, аритмиялар, АҚК төмендеуі;

Сирек

- бас айналуы, бас ауыруы, көрудің бұзылуы, құлақтағы шуыл, естудің нашарлауы, несептің жедел іркілісі (қуық асты безінің аденомасы, қуық функциясының бұзылуы, несеп шығару өзегінің тарылуы бар науқастарда), дауыстың өзгеруі

- лейкопения, тромбоцитопения, агранулоцитоз, эозинофилия, апластикалық анемия, гемолитикалық анемия; сүйек кемігі функциясының бәсеңдеуі (бұл дереу емдеуді тоқтатуды талап етеді), қандағы холестерин, триглицеридтер, креатинин, мочевина, несеп қышқылы деңгейінің жоғарылауы, подагра ұстамалары

- глюкозаны көтере алушылықтың төмендеуі. Қант диабеті бар науқастарда фуросемидті қабылдау метаболизмдік бақылаудың нашарлауына әкелуі мүмкін; латентті қант диабеті дамуы мүмкін

Өте сирек

- аллергиялық реакциялар, бөртпе, тері қышымасы, есекжем, эритема, буллездік пемфигоид, Стивенс-Джонсон синдромы, уытты эпидермальді некролиз, эксфолиативті дерматит, пурпура, жайылған жедел экзантематозды пустулез, қалтырау, қызба, фотосенсибилизация, анафилактикалық шок, васкулит, DRESS-синдромы (эозинофилиямен және жүйелі көрініс берулермен қатар жүретін тері реакциясы)

- интерстициальді нефрит

- су-электроиттік теңгерімнің бұзылуы, метаболизмдік алкалоз, олигурия, гипергликемия, гиперурикемия, гипокальциемия, тетания, гипокалиемия, гипонатриемия, гипохлоремия, гиповолемия, сусыздану (әсіресе егде адамдарда), тромбоздың дамуына тенденциямен гемоконцентрация (дозалау режимін бұза отырып ұзақ қолданғанда).

Су-электролиттік теңгерімнің бұзылу симптомдары қатты шөліркеуді, бас ауыруын, гипотензияны, сананың шатасуын, бұлшықет құрысуларын, тетанияны, бұлшықет әлсіздігін, жүрек ырғағының бұзылуын және асқазан-ішек симтомдарын қамтиды. Тамыр соғысы біркелкі болмауында, шаршағанда немесе бұлшықеттің (әсіресе аяқтағы) әлсіздігінде гиперкалиемияның даму ықтималдығына ерекше назар аудару керек. Фуросемидті қабылдау кезінде бұрын болған метаболизмдік алкалоз (мысалы қалпына келмейтін бауыр циррозы) күшеюі мүмкін. Әсіресе су-электролиттік теңгерімнің бұзылуы түзетілуі тиіс.

- гинекомастия, гирсутизм, етеккір циклының бұзылуы, потенцияның төмендеуі

- гепатоцеллюлярлы жеткіліксіздігі бар пациенттерде бауыр энцефалопатиясы пайда болуы мүмкін

Спиронолактонның асқазан-ішектік көтере алмаушылықты туғызатыны туралы хабарлар бар. Асқазанның ойық жарасының (кейде қан кетумен) пайда болу жағдайлары туралы хабарлар сирек келіп түскен. Спиронолактон, сондай-ақ ұйқышылдықты, бас ауыруын, атаксияны және шатасуды да туындатуы мүмкін.

Өзінің жыныстық гормондармен химиялық ұқсас болуына байланысты пиронолактон емізікшенің қол тигізуге сезімталдығын арттыруы мүмкін. Екі жыныстағыларда да дозаға тәуелді мастодиния мен қайтымды гинекомастия пайда болуы мүмкін. Макулопапулярлы немесе эритематозды тері бөртпелері әлсіз андрогенді көрініс берулер, мысалы гирсутизм мен етеккір циклының бұзылуы да сирек хабарланған. Кейде еркектерде потенция бұзылуы мүмкін. Спиронолактон дауыстың өзгеруін, мысалы қырылдауды (әйелдерде) және дауыс тембрінің төмендеуін немесе дауыс жіңішкелігінің жоғарылауын (еркектерде) туындатуы мүмкін. Кейбір пациенттерде дауыстың бұл өзгерістері Алвоспирді қабылдауды тоқтатқаннан кейін де сақталады.

Қолдануға болмайтын жағдайлар

- препараттың белсенді немесе қосымша компоненттеріне, сульфонамидтерге немесе сульфонамид туындыларына жоғары сезімталдық

- бүйрек функциясының бұзылуы және дене беткейінің 1,73 м2 –не креатинин клиренсі <30 мл/мин

- жедел гломерулонефрит

- ануриямен жедел жүрек жеткіліксіздігі

- алкалоз

- нефроуытты уыттану немесе гепатоуытты агенттермен улану салдарынан болған бүйрек жеткіліксіздігі

- кома алдындағы жай-күй

- бауырдың ауыр жеткіліксіздігі, бауыр комасы мен прекома

- диабетитік кома

- анурия, несеп шығару жолдарының механикалық бітелуі

- орталықтық көктамырлық қысымның жоғарылауы (с.б. 10 мм астам.)

- артериялық гипотензия

- жедел миокард инфаркты

- панкреатит

- су-электролиттік алмасудың бұзылуы (гиповолемия, артериялық гипотензиямен немесе онсыз сусыздану, гипонатриемия, гипокалиемия, гиперкалиемия, гипохлоремия, гипокальциемия, гипомагниемия)

- дигиталистік уыттану

- Аддисон ауруы

- жүктілік пен бала емізу

- балалар мен 18 жасқа дейінгі жасөспірімдер

Дәрілермен өзара әрекеттесуі

Жүрек гликозидтерін, диуретиктерді, гипертензияға қарсы преараттарды және артериялық қысымды төмендететін басқа да дәрілік заттарды бір мезгілде қолданған кезде дозалауды түзету қажет болуы мүмкін. Ангиотензин өзгертуші ферменттер (АӨФ) тежегіштерін немесе ангиотензин II рецепторлары антагонистерін фуросемидпен бір мезгілде немесе олардың дозаларын арттыра отырып қолданғанда артериялық қысымның айқын төмендеуі мен бүйрек функциясының нашарлауы байқалуы мүмкін. АӨФ тежегіштерін немесе ангиотензин II рецепторлары антагонистерін қабылдаудың немесе олардың дозасын өзгертудің алдында Алвоспирдің дозасын емді бастағанға дейін кем дегенде үш күн бұрын төмендету ұсынылады.

Калийдің шығарылуын төмендететін препараттармен, қабынуға қарсы стероидты емес дәрілермен (ҚҚСД) немесе АӨФ тежегіштерімен Алвоспир мен калий тұздарының біріктірілімін бір мезгілде қолданғанда қандағы калий концентрациясының артуы және гиперкалиемияның дамуы байқалуы мүмкін.

Фуросемид сияқты күшті диуретиктермен бір мезгілде қабылдағанда нефроуытты препараттардың уытты әсері артуы мүмкін.

Алвоспир мен сукральфатты кемінде екі сағаттық аралықпен қабылдау ұсынылады, өйткені сукральфат фуросемидтің ішектен сіңірілуін азайтуы мүмкін, сөйтіп оның әсерін төмендетеді.

Алвоспирді және литий препараттарын бір мезгілде қолдану қандағы литий деңгейінің жоғарылауын және литийдің кардиоуытты және нейроуытты әсерлерінің қаупі артуына әкеледі, Сондықтан литий деңгейін мұқият бақылау және қажет болғанда литий дозасын түзету ұсынылады.

Алвоспир мен рисперидонды бір мезгілде қолдану айрықша сақ болуды және бұл біріктірудің қаупі мен артықшылығын бағалауды қажет етеді.

Қабынуға қарсы стероидты емес дәрілер (ҚҚСД), атап айтқанда ацетилсалицил қышқылы индометацин және мефенам қышқылы Алвоспирдің диуретикалық, натрийуретикалық және гипертензияға қарсы әсерінің қатар жүруімен гиперкалиемияның жағарылау қаупіне әкеп соғады.

Алвоспирді қабылдау кезінде салицилаттардың уыттылығы артады. Басқа препараттардың (мысалы, диабетке қарсы препараттар мен прессорлық аминдердің) әсері әлсіреуі ал кейде (мысалы, салицилаттардың, теофиллиннің және кураре тәрізді бұлшықет релаксанттарының) күшеюі мүмкін.

Алвоспир аминогликозидтер мен басқа да отоуытты препараттардың отоуыттылығын күшейте алады может. Бұл әсер қайтымсыз зақымдануларды туғызуы мүмкін болғандықтан, оған салмақты медициналық себептер болғанда ғана оларды бір мезгілде қолдануға болады.

Фуросемид пен цисплатинді бір мезгілде қабылдағанда отоуытты әсер ету қаупі болады. Бұдан бөлек, фуросемидті үлкен (мысалы, бүйрегінің функциясы қалыпты пациенттерде 40 мг) дозада және цисплатинмен емдеу кезінде қарқынды диурезге қол жеткізу үшін сұйықтықтың оң теңгерімімен қабылдағанда цисплатиннің нефроуыттылығы жоғарылауы мүмкін.

Спиронолактон дигоксин деңгейінің жоғарылауын туындатуы мүмкін. Кейбір электролиттік бұзылулар (мысалы, гипокалиемия, гипомагниемия) кейбір басқа препараттардың (мысалы, оймақгүл препараттары мен QT аралығының ұзаруын туындататын препараттардың) уыттылығын арттыруы мүмкін.

Фенитоинды бір мезгілде қолданғаннан кейін Алвоспир әсерінің әлсіреуі болуы мүмкін.

Карбамазепин немесе аминоглютетимидті бір мезгілде қолдану гипонатриемия қаупін арттыруы мүмкін.

Кортикостероидтарды бір мезгілде қабылдау натрийдің ірікілуін туындатуы мүмкін.

Спиронолактонның карбеноксолонға бәсеңдеткіш және керісінше әсер ететіні байқалған. Осыған байланысты көп мөлшердегі лакрица да карбеноксолон сияқты әсер етеді. Көп мөлшерде кортикостероидтар, карбеноксолон, лакрица, β2- симпатомиметиктер және іш жүргізетіндер, ребоксетин мен амфотерицинді ұзақ қолдану гипокалиемияның даму қаупін арттыруы мүмкін.

Пробенецид, метотрексат Алвоспирдің әсерін төмендетуі мүмкін. Және керісінше фуросемид осы препараттардың бүйрекпен элиминациялануын төмендетуі мүмкін. Жоғары дозаларды (атап айтқанда фуросемид пен басқа препараттарды) қабылдаған кезде бұл қандағы деңгейінің жоғарылауына және фуросемидтің немесе қатар жүретін емнің жағымсыз әсерлері қаупінің артуына әкелуі мүмкін.

Алвоспир мен кейбір цефалоспориндердің жоғары жозаларын бір мезгілде қолдану бүйрек жеткіліксіздігіне әкеп соғуы мүмкін.

Циклоспорин мен Алвоспирді бір мезгілде қолдану подагралық артрит дамуының жоғарғы қаупін туындатады.

Тиазидті диуретиктермен бір мезгілде қолдану гиперурикемияның төмендеуін осыған дейін бар болған кальций конкременттерінің еруін туындатады.

Сульфаниламидтерді көтере алмаушылығы бар науқастарда айқаспалы аллергиялық реакциялар дамуы мүмкін. Деполяризациялайтын миорелаксанттардың (сукцинилхолин) жүйке-бұлшықеттік бөгелісін күшейтеді және деполяризацияламайтын миорелаксанттардың (тубокурарин) әсерін әлсіретеді. Аминогликозидтермен біріктіріп тағайындағанда нефро – және отоуытты әсері күшейеді. Цефалоспориндердің нефроуыттылығын арттырады. Фуросемидпен емдеу аясында салицилаттардың үлкен дозаларын бір мезгілде қабылдау олардың уыттылығының көрініс беру қаупін арттырады; қабынуға қарсы стероидты емес дәрілер диуретикалық белсенділігін төмендетеді. Жүрек гликозидтерімен біріктіріп тағайындағанда гипогликемияның салдарынан дигиталистік уыттанудың даму қаупі пайда болады. Гипотензиялық дәрілік заттардың әсерін, деполяризациялайтын миорелаксанттар туындатқан жүйке-бұлшықет бөгелісін күшейтеді және деполяризацияламайтын миорелаксанттардың әсерін әлсіретеді.

Айрықша нұсқаулар

Спиронолактон дауыстың өзгеруін туындатуы мүмкін. Алвоспирді тағайындағанда дауысы олардың жұмысы үшін айрықша маңызды пациенттерге (мысалы, актерлерге, әншілерге, мүғалімдерге) айрықша назар аудару керек.

Несеп жолдары ішінара тарылған, мысалы қуық асты безінің гипертрофиясы немесе несеп шығаруының бұзылуы бар пациенттер жедел несеп іркілісі дамуының жоғары қаупіне ие болады және мұқият бақылауды қажет етеді.

Алвоспирді қолдану үшін көрсетілімдер болғанда емді бастауға дейін гипотонияны немесе гиповолемияны жою қажет.

Әсіресе мына жағдайларда мұқият мониторинг қажет:

• гипотониясы бар пациенттерге;

• артериялық қысымының айқын төмендеуі қаупіне ұшырайтын пациенттер;

• мысалы нефроуытты синдромы туындатқан гипопротеинемиясы бар пациенттерге (фуросемидтің әсері әлсіреуі мүмкін және оның отоуыттылығы күшейеді). Дозаны абайлап титрлеу талап етіледі.

Қандағы калийдің деңгейі жоғары болғанда Алвоспирді қабылдаудан аулақ болу керек. Триамтеренді, амилоридті калий қоспаларын емесе қабынуға қарсы стероидты емес препараттарды бір мезгілде қолдану ұсынылмайды, өйткені гиперкалиемияның дамуына әкеп соғуы мүмкін.

Электролиттер тапшылығына бейім пациенттерге айрықша сақ болу қажет. Емдеу кезінде қандағы натрий, калий, креатинин мен глюкозаның деңгейін ұдайы мониторингілеу ұсынылады; әсіресе электролиттік теңгерімнің бұзылу қаупі жоғары пациенттерде немесе сұйықтығы елеулі жоғалған жағдайда айрықша мұқият мониторинг қажет. Гиповолемия немесе сусыздану, сондай-ақ электролиттік немесе қышқылдық-сілтілік теңгерімнің кез-келген елеулі бұзылулары түзетілуі мүмкін. Бұл Алвоспир қабылдауды уақытша тоқтат тұруды қажет етуі мүмкін.

Бүйрек функциясы бұзылған және креатинин клиренсі дене беткейінің 1,73 м2 –не 60 мл/мин төмен пациенттерде, сондай-ақ Алвоспирді калий деңгейінің артуын туындатуы мүмкін кейбір препараттармен үйлестіріп қабылданған кезде қандағы калий деңгейін жиі бақылау бақылау қажет.

Рентгеноконтрастылы нефропатияның даму қаупі жоғары пациенттерде фуросемид рентгеноконтрастылы нефропатияға қарсы профилактикалық шара ретінде ұсынылмайды.

Плацебо бақыланатын зерттеулерде рисперидонның әсер етуі тек респиредон (3,1%, орта жасы 84-те, диапазоны 70-96 жас) немесе тек фуросемид (4,1 %, орта жасы 80-де, диапазоны 67-90 жас) қабылдаған пациенттермен салыстырғанда фуросемид плюс рисперидон қабылдаған (7,3%, орташа жасы 89-да, диапазоны 75-97 жас) деменциясы бар егде пациенттерде өлімге ұшырау жиілігі едәуір жоғары болған. Рисперидонды басқа диуретиктермен (негізінен төмен дозалардағы тиазидті диуретиктермен) бір мезгілде қолдану осыған ұқсас нәтижелерге әкелмеген.

Осы нәтижелерді түсіндіруге арналған бірде-бір патофизиологиялық механизм анықталмаған және өлімге ұшырау себептерінің заңдылығы байқалмаған. Дегенмен, емдеуді бастаудың алдында айрықша сақ болу және осы біріктірудің немесе басқа да қуатты диуретиктермен біріктіріп емдеудің қауіптері мен артықшылықтарын бағалау керек. Қатар жүретін ем ретінде рисперидонмен бірге басқа диуретиктерді қабылдайтын пациенттердегі өлімге ұшыраудың артуы тіркелмеген. Емдеуге байланысыз сусыздану өлімге ұшыраудың негізгі себебі болған және осыған орай деменциясы бар егде пациенттердегі сусыздануды болғызбау керек.

Алвоспирдің құрамында (баяу типінде болуы мүмкін) аллергиялық реакцияны туғызуы мүмкін метилпарагидроксибензоат пен пропилпарагидроксибензоат бар.

Дәрілік заттың көлік құралдарын немесе әлеуетті қаупі бар механизмдерді басқару қабілетіне әсер ету ерекшеліктері

Алвоспирді қолдану автокөлікті және әлеуетті қаупі бар механизмді басқару қабілетіне әсер етеді, сондықтан абай болу керек.

Артық дозалануы

Симптомдары: жедел немесе созылмалы артық дозалаудың клиникалық көрінісі бірінші кезекте электролиттер мен сұйықтықты жоғалту дәрежесіне және салдарына мысалы, шамадан тыс диурез туындатқан гиповолемияға, сусыздануға, гемоконцентрацияға, жүрек аритмиясына байланысты болады. Бұл бұзылулардың симптомдары елеулі гипотензияны (шокқа дейін өршитін), жедел бүйрек жеткіліксіздігін, тромбозды, сандырақтау жайын, сылбыр салдануды, апатияны және сасқалақтауды қамтиды

Емі: сұйықтықты толықтыруға және электролиттік теңгерімнің бұзылуын түзетуге бағытталуы тиіс. Осы бұзылулар мен организмге басқа да әсері бұзылуының нәтижесінде (мысалы, гиперкалиямияның дамуымен) туындаған бұл түзетуші әрекет жалпы және арнайы елеулі асқынуларды емдеу және профилактикасымен қарқынды медициналық қадағалау мен емдік шараларды (мысалы калийді шығаруды) қажет етуі мүмкін. Фуросемидтің арнайы у қайтарғысы жоқ. Ішке түскенде белсенді заттың одан әрі қарай сіңірілуін шектеу жөніндегі кезек күттірмес шараларды, мысалы, асқазанды шаюды немесе сіңірілуін азайту шараларын (мысалы, белсенділендірілген көмір қабылдауды) қолға алу керек.

Шығарылу түрі және қаптамасы

Поливинилхлоридті үлбірден және алюминий фольгадан жасалған пішінді ұяшықты қаптамаға 10 капсуладан салынған.

Картон қорапқа мемлекеттік және орыс тілдеріндегі медициналық қолдану жөніндегі нұсқаулықпен бірге 3 немесе 5 пішінді ұяшықты қаптамадан орналастырады.

Сақтау шарттары

25°С-ден аспайтын температурада сақтау керек.

Балалардың қолы жетпейтін жерде сақтау керек!

Сақтау мерзімі

2 жыл

Жарамдылық мерзімі өткеннен кейін қолдануға болмайды.

Дәріханалардан босатылу шарттары

Рецепт арқылы

Өндіруші

Лабормед Фарма С.А., Румыния

Тіркеу куәлігінің иесі

Алвоген ИПКо С.ар.Л, Люксембург

Қазақстан Республикасының аумағында тұтынушылардан өнімнің (тауардың) сапасы жөніндегі шағымдарды қабылдайтын ұйымның мекенжайы

«Алвоген Фарма Трейдинг Юроп ЕООД» өкілдігі

050026, Алматы қ-сы, Бөгенбай батыр к-сі 241, бизнес центр «Ордабасы» бизнес орталығы, 507 кеңсе, тел: 378 22 82, факс: 378 21 55

Электрондық пошта: Sholpan.Yensebayeva@alvogen.com;

сайт: www.alvogen.com