Актовегин® раствор (10%) (Никомед Австрия ГмбХ)

• русский
• қазақша

• Скачать инструкцию медикамента

Саудалық атауы

Актовегин®

Халықаралық патенттелмеген атауы

Жоқ

Дәрілік түрі

Инфузияға арналған ерітінді (натрий хлориді ерітіндісінде) 10% – 250 мл

Инфузияға арналған ерітінді (натрий хлориді ерітіндісінде) 20% – 250 мл

Инфузияға арналған ерітінді (декстроза ерітіндісінде) 10% – 250 мл

Құрамы

Натрий хлориді ерітіндісіндегі инфузияға арналған 10% немесе 20%

250 мл ерітіндінің құрамында

белсенді зат - протеинсіздендірілген бұзаулар қанының гемодериваты – тиісінше 1 г немесе 2 г

қосымша заттар: натрий хлориді, инъекцияға арналған су

Декстроза ерітіндісіндегі инфузияға арналған 10% 250 мл ерітіндінің құрамында

белсенді зат - протеинсіздендірілген бұзаулар қанының гемодериваты – 1 г

қосымша заттар: сусыз декстроза, натрий хлориді, инъекцияға арналған су

Сипаттамасы

Мөлдір түссіз немесе ақшыл-сары түсті ерітінді.

Фармакотерапиялық тобы

Басқа да гематологиялық препараттар

АТЖ коды В06АВ

Фармакологиялық қасиеттері

Фармакокинетикасы

Актовегин® препаратының фармакокинетикалық сипатын (сіңуін, таралуын, шығарылуын) зерттеу мүмкін емес, өйткені ол әдетте организмде болатын физиологиялық компоненттерден ғана тұрады.

Қазірге дейін фармакинетикасы өзгерген (мысалы, бүйрек немесе бауыр жеткіліксіздігі, жасының қартаюына байланысты метаболизмнің өзгеруі, сондай-ақ жаңа туған нәрестелер метаболизмінің ерекшеліктері) науқастарда гемодериваттардың фармакологиялық әсерінің төмендеуі анықталмаған.

Фармакодинамикасы

Актовегин® қуатты антигипоксант. Глюкоза мен оттегінің тасымалдануын және жинақталуын арттырады, олардың жасушаішілік утилизациясын жоғарылатады, жасушаның қуатты қажетсінуін қамтамасыз ете отырып, АТФ өндірілуін көтермелейді.

Қуаттық метаболизмнің қалыпты қызметі шектелетін жағдайларда (гипоксияда, субстраттар жеткіліксіздігінде) және қуатты тұтыну артқанда (жараның жазылуында, регенерацияда) Актовегин® функциональдық метаболизм мен анаболизмнің энергетикалық үдерістерін көтермелейді.

Қанмен қамтамасыз етуді күшейту салдарлы әсері болып табылады.

Актовегиннің® құрамында молекулярлық салмағы 5000 дальтоннан кем емес физиологиялық заттар ғана болады. Молекулярлық деңгейде ол препарат оттегінің утилизациясы мен тұтынуы артуын туғызады (гипоксияға төзімділікті арттырады), қуаттық метаболизмді және глюкозаны пайдаға асыруды жоғарылатады, мұның диабеттік полинейропатияны емдеуде мәні зор.

Осы үдерістердің қосынды әсері, әсіресе гипоксия мен ишемия жағдайында жасушаның қуаттық жағдайын күшейтумен айқындалады.

Қант диабеті және диабеттік полинейропатиясы бар емделушілерде Актовегин® полинейропатияның симптомдарын шын мәнінде азайтады (шаншып ауыру, ашыту сезімі, парестезия, аяқ басының ұйып қалуы).

Сезімталдықтың бұзылуы объективті түрде азайып, емделушілердің психикалық көңіл күйі жақсарады.

Актовегин® препаратының әсері парентеральді енгізгеннен немесе ішке қабылдағаннан кейін кемінде 30 минут өткенде барып, байқалады және 3 сағаттан соң барынша жоғары шыңына жетеді.

Қолданылуы

• мидың метаболикалық және қан тамырлық бұзылуларында (оның ішінде мидағы қан айналымының жедел бұзылуы, бассүйек-ми жарақаттары мен олардың салдарында)

• түрлі генездегі гипоксиялық жай-күйлерде

• шеткергі (артериялық және көктамырлық) қан тамырлары бұзылуларында және олардың салдарында (артериялық ангиопатияда, трофикалық ойық жараларда)

• жарақаттарды жазуда (әр түрлі этиологиядағы ойық жаралар, күйіктер, трофикалық бұзылулар, жамбастың тесілулерінде, жарақаттардың жазылуы үдерістері бұзылуында)

• сәулемен емдеу кезінде тері мен шырышты қабықтың сәуледен зақымдануының алдын алу және емдеуде

• диабеттік полинейропатияда

Қолдану тәсілі мен дозалары

Инфузияға арналған Актовегин® ерітінділерін к/і тамшылатып немесе артерия ішіне сорғалататып енгізеді. Инфузияны бастаудың алдында құтының бүтіндігіне көз жеткізіп алу қажет. Инфузияның жылдамдығы 2 мл/минутқа жуық болады.

Қанмен қамтамасыз етілу мен ми метаболизмінің бұзылуында бастапқыда 2-4 апта бойы 250-500 мл/тәулігіне к/і енгізеді.

Ми қан айналымының жедел бұзылуында 2-3 апта бойы күн сайын немесе аптасына бірнеше рет к/і 250 – 500 мл енгізеді.

Артериялық ангиопатияда а/і және к/і күн сайын немесе аптасына бірнеше рет 250 мл енгізеді; емдеу ұзақтығы – 4 аптаға жуық.

Диабеттік полинейропатияда 3 апта бойы күн сайын немесе аптасына бірнеше рет к/і 250 – 500 мл енгізеді.

Трофикалық және басқа да баяу жазылатын ойық жараларда, күюлерде актовегинмен жергілікті емге қосымша ретінде жазылу жылдамдығына байланысты күн сайын немесе аптасына бірнеше рет к/і 250 мл енгізеді.

Тері мен шырышты қабықтар радиациялық зақымдануларының алдын алу мен емдеу мақсатында емдеуді бастаудан бір күн бұрын және сәулемен емдеу кезінде күн сайын, сондай-ақ ол аяқталған соң 2 апта ішінде орташа алғанда к/і 250 мл енгізеді.

Жағымсыз әсерлері

- аллергиялық реакциялар (есекжем, тері бөртпесі, ісінулер, гипертермия, тері гиперемиясы, қышу, ашу)

- анафилактикалық шок

Қолдануға болмайтын жағдайлар

- Актовегин® препаратының компоненттеріне аллергиялық бейімділікте

- декомпенсацияланған жүрек жеткіліксіздігі

- өкпенің ісінуі

- олигурия, анурия, сұйықтықтың ағзада іркілуі

- Препаратты мынадай жағдайларда сақтықпен тағайындаған жөн: гиперхлоремия, гипернатриемия, қант диабеті

Басқа дәрілік заттармен өзара әрекеттесуі

Анықталмаған.

Айрықша нұсқаулар

Анафилактоидтық реакциялардың пайда болу ықтималдығына қарай емдеудің алдында сынамалық инъекция жүргізу керек.

Аллергиялық реакциялар өршігенде Актовегинді® тоқтату керек. Қажет болғанда аллергиялық реакциялардың стандартты емін жүргізеді (гистаминге қарсы дәрілер және/немесе кортикостероидтар).

Ауыр анафилактикалық реакцияларда тиісті кезек күттірмес ем жүргізеді (плазма алмастырғыштарды, кортикостероидтарды жоғары дозаларда, катехоламиндерді енгізу).

Инфузияға арналған ерітінді сарғыштау реңге ие, қарқындылығы партиясының нөміріне және бастапқы материалына байланысты болады, дегенмен ерітіндінің түсі препараттың тиімділігі мен көтерімділігіне әсер етпейді.

Зертханалық көрсеткіштерді бақылау

Препаратты көп рет парентеральді қолдану кезінде сарысудың электролиттік құрамын және ағзаның су теңгерімін бақылау керек.

Мөлдір емес ерітіндіні немесе бөлшектері бар ерітіндіні пайдаланбаңыз.

Балалар

Балалар тәжірибесінде дәрілік препаратты күтілетін емдік пайдасы қатерінен асып түскен жағдайда ғана тағайындайды.

Жүктілік пен лактация

Актовегин® препаратын қолдануға жол беріледі.

Дәрілік заттың көлік құралын немесе қауіптілігі зор механизмдерді басқару қабілетіне әсер ету ерекшеліктері

Әсер етпейді.

Артық дозаланғанда

Әдетте препараттың көтерімділігі жақсы.

Артық дозалау кезінде жағымсыз әсерлері күшейеді. Емдеу симптоматикалық.

Шығарылу түрі

Натрий хлоридінің ерітіндісінде инфузияға арналған 10% (20%) ерітінділер мен декстроза ерітіндісіндегі 10% инфузияға арналған ерітінді 250 мл шыны құтыларда.

Екінші қаптамасы – картон қорап.

Сақтау шарттары

Құтыны ашқаннан кейін ерітіндіні сақтауға және сақталған ерітіндіні пайдалануға болмайды.

Жарықтан қорғалған жерде 25°С-ден аспайтын температурада сақтау керек.

Балалардың қолы жетпейтін жерде сақтау керек!

Жарамдылық мерзімі

Натрий хлориді ерітіндісіндегі инфузияға арналған 10% (20%) ерітінді

5 жыл

Жарамдылық мерзімі өткеннен кейін препаратты пайдалануға болмайды.

Декстроза ерітіндісіндегі 10% инфузияға арналған ерітінді

3 жыл

Жарамдылық мерзімі өткеннен кейін препаратты пайдалануға болмайды.

Дәріханалардан босатылу шарттары

Рецепт арқылы

Өндіруші

Никомед Австрия ГмбХ, Линц, Австрия

Қазақстан Республикасы аумағында тұтынушылардан өнім (тауар) сапасына қатысты шағымдарды қабылдайтын ұйымның мекенжайы:

“Никомед Остевропа Маркетинг Сервис ГмбХ”

Алматы қ., Бегалин к-сі 136 а

Телефон нөмірі (727) 2444004

Факс нөмірі (727) 2444005

Электронды поштасы aknu@nycomed.com