Азипар™-200

• русский
• қазақша

• Скачать инструкцию медикамента

Саудалық атауы

АзипарТМ-200

Халықаралық патенттелмеген атауы

Азитромицин

Дәрілік түрі

200 мг/5мл, 30 мл ішке қабылдайтын суспензия дайындауға арналған ұнтақ

Құрамы

Бір құты суспензияның құрамында

белсенді зат –200 мг азитромицин,

қосымша заттар: сахароза, негізгі натрий фосфаты, ксантан, гидроксипропилметилцеллюлоза, аэросил-200, манго хош иістендіргіші ДС217, аспартам, натрий сахарині.

Сипаттамасы

Жағымды жеміс-жидек иісі және ашық сары түсті теңбілдері бар ақ түсті дерлік ұнтақ.

Қалпына келтірілген суспензия – қою, манго дәмі бар, қызыл сары түсті тұтқыр сұйықтық.

Фармакотерапиялық тобы

Микробтарға қарсы жүйелік қолдануға арналған препараттар. Макролидтер. Азитромицин.

АТХ коды J01FA10

Фармакологиялық қасиеттері

Фармакокинетикасы

Сіңуі

Ішке қабылдағаннан кейін азитромицин тез сіңеді. Азитромициннің плазма ақуыздарымен байланысуы концентрацияға байланысты өзгеріп отырады және 0.02 мкг/мл-дегі 51%-дан 2 мкг/мл-дегі 7%-ға дейін төмендейді.

Таралуы

Азитромицин бүкіл организмге кең таралады. Азитромициннің тіндерге тез таралуы және жасушаішілік концентрациясының жоғары болуы препараттың тіндердегі концентрациясының плазмадағыдан немесе сарысудағыдан өте жоғары болуын қамтамасыз етеді.

Метаболизмі және шығарылуы

Азитромициннің қан плазмасынан шығарылуы 2 сатыда жүреді: жартылай шығарылу кезеңі (Т1/2) препаратты қабылдағаннан кейін 8 сағаттан бастап 24 сағатқа дейінгі аралықта 14-20 сағатты және 24 сағаттан бастап 72 сағатқа дейінгі аралықта 41 сағатты құрайды, бұл препаратты тәулігіне 1 рет қолдануға мүмкіндік береді. Препарат негізінен өтпен бірге өзгермеген күйінде бөлініп шығады, аздаған бөлігі бүйректер арқылы шығарылады.

Фармакодинамикасы

Азитромицин – әсер ету ауқымы кең, макролидтік антибиотиктердің жаңа топ тармағы – азалидтердің өкілі. Азитромицин бактерия рибосомаларының 50s суббірлігімен байланысу арқылы бактериялық жасушалар ақуызының синтезін бұзады. Нуклеин қышқылы синтезіне әсер етпейді.

Азитромицин келесі микроорганизмдердің көптеген штаммдарына қатысты белсенді: Грамоң аэробтар - Staphylococcus aureus, Streptococcus agalactiae, Streptococcus pneumoniae, Streptococcus pyogenes, Streptococci (C,F,G топтары), Viridans тобының стрептококктары;

Грамтеріс аэробтар - Haemophilus ducreyi, Haemophilus influenzae, Moraxella catarrhalis, Neisseria gonorrhoeae, Bordetella pertussis, Legionella pneumophila;

Анаэробтық микроорганизмдер - Peptostreptococcus species, Prevotella bivia; Басқа да микроорганизмдер - Chlamydia pneumoniae, Chlamydia trachomatis, Mycoplasma pneumoniae, Ureaplasma urealyticum.

Қолданылуы

Препаратқа сезімтал микроорганизмдерден туындаған жұқпалы-қабыну ауруларында:

• тыныс алу жолдарының жоғарғы бөлімдерінің және оториноларингологиялық (ЛОР) ағзалардың жұқпаларында (ангина, синусит, тонзиллит, ортаңғы отит)

• тыныс алу жолдарының төменгі бөлімдерінің жұқпаларында (бактериялық және атипиялық пневмониялар, бронхит)

• урогенитальді жол жұқпаларында (создық және создық емес уретрит, цервицит)

• тері мен жұмсақ тін жұқпаларында (тілме, импетиго, екінші қайтара жұққан дерматоздар)

• Лайм ауруында (боррелиоз) бастапқы сатысын (erythema migrans) емдеу үшін

• асқазан мен он екі елі ішектің Helicobacter pylori-мен астасқан ауруларында.

Қолдану тәсілі және дозалары

Азитромицинді тамақтанудан 1 сағат бұрын немесе тамақтанудан кейін 2 сағаттан соң қабылдаған жөн. Азитромицинді тамақпен бірге қабылдамаған жөн.

Ересектерде:

Сезімтал микроорганизмдерден туындаған өкпенің ауырлығы жеңіл және ауыр дәрежелі созылмалы обструктивтік ауруларының асқынуын, ауруханадан тыс пневмонияны, фарингитті және тонзиллитті (екінші қатардағы ем ретінде) және тері мен жұмсақ тіндердің асқынбаған жұқпаларын емдеуге: алғашқы күні 1 рет 500 мг, содан кейін 2-5-ші күндері 250 мг-нан.

Еркектерде жыныс ағзаларының Haemophilus ducreyi-ден болған ойық жара ауруларын (шанкроид), C. trachomatis-ден болған гонококктік емес уретритті және цервицитті емдеуге: бір рет 1 г қабылдау.

Neisseria gonorrhoeae-ден болған уретритті және цервицитті емдеуге: бір реттік 2 г доза.

Ересектер үшін ең жоғары бір реттік доза: 2 г

Ересектер үшін ең жоғары тәуліктік доза: 2 г.

12 жастан асқан балаларда фарингитті немесе тонзиллитті емдеу үшін: 5 күн бойы тәулігіне бір рет 12 мг/кг.

Суспензияны пайдаланар алдында шайқап араластырған жөн.

Қолданылуы жөнінде нұсқаулар:

Жаңа қайнатылған салқын суды қосып, ұнтақ толық ерігенше шайқап араластыру керек. 30 мл көлем алу үшін сол белгіге дейін тағы да су қосу керек. Дайындалғаннан кейін 4 күн ішінде пайдалану керек.

Жағымсыз әсерлері

Қолдануға болмайтын жағдайлар

Дәрілермен өзара әрекеттесуі

Алюминий және магний бар антацидтер ең жоғарғы плазмалық деңгейін (сіңу жылдамдығын) төмендетеді.

Макролидтер мен теофиллинді бірге тағайындау теофиллиннің плазмалық концентрациясын жоғарылатады.

Дигоксинмен бірге тағайындау плазмадағы дигоксиннің деңгейін жоғарылады.

Триазоламмен бірге тағайындағанда триазоламның клиренсі төмендейді, сондықтан триазоламның фармакологиялық әсерін күшейтуі мүмкін.

Азитромицинді және P450 цитохромы жүйесінің қатысуымен метаболизденетін препараттарды бірге тағайындау карбамазепиннің, терфенадиннің, циклоспориннің, гексобарбиталдың және фенитоиннің плазмалық деңгейін арттырады.

Клиникалық тәжірибеде макролидтер мен варфаринді бірге тағайындағанда антикоагулянттық әсерінің күшейгені байқалды.

Азитромицинді және эрготаминді немесе дигидроэрготаминді бірге тағайындағанда емделушінің жағдайын қатаң қадағалау қажет, өйткені шеткергі қантамырлардың ауыр түйілуімен және дизестезиямен сипатталатын уытты реакциялар пайда болуы мүмкін.

Айрықша нұсқаулар

Егде жастағы емделушілер және жүрек ауруы бар емделушілер антибиотиктің аритмогендік әсеріне өте сезімтал болуы мүмкін.

Гепатит белгілері пайда болған кезде азитромицинді қабылдау дереу тоқтатылуы тиіс.

Алергиялық реакциялар пайда болған кезде азитромицин дереу тоқтатылуы және тиісті ем тағайындалуы тиіс. Жүрек-қантамыр патологиясы бар науқастарға абайлап тағайындайды. Алайда симптоматикалық емдеуді тоқтатқанда симптомдар қайтадан білінуі мүмкін. Қауіпті топтағы, бұрын QT аралығының ұзарғаны білінген, гипокалиемия, гипомагниемия және брадикардия болған емделушілер дәрігерден жан-жақты кеңес алуы тиіс.

Препараттың көлікті немесе қауіпті механизмдерді басқару қабілетіне ықпал ету ерекшеліктері

Дәрілік заттың жағымсыз әсерлерін ескеріп, автокөлікті және басқа да қауіпті механизмдерді басқарғанда сақтық таныту қажет.

Артық дозалануы

Симптомдары: естудің нашарлауы, жүректің қатты айнуы, құсу және диарея.

Емдеу: асқазанды шаю және симптоматикалық ем тағайындау керек.

Шығарылу түрі және қаптамасы

Өлшеуіш қалпақшасы бар ақ түсті бұрандалы пластмасса қақпақпен ақ түсті құтыларда. Құтыға заттаңба жапсырылған.

1 құты медицинада қолданылуы жөнінде мемлекеттік және орыс тілдеріндегі нұсқаулықпен бірге картон пәшкеге салынған.

Сақтау шарттары

Құрғақ, жарықтан қорғалған жерде, 25°С-ден аспайтын температурада сақтау керек.

Балалардың қолы жетпейтін жерде сақтау керек!

Сақтау мерзімі

2 жыл

Жарамдылық мерзімі өткеннен кейін қолдануға болмайды.

Дәріханадан босатылу шарттары

Рецепт арқылы

Өндіруші

Plethico Pharmaceuticals Ltd/ Плетхико Фармасьютикалз Лтд

Орналасқан мекенжайы:

A.Б. Роуд, Манглия - 453 771, Индор (М.П.), Үндістан

Заңды мекенжайы:

37/37А, Индастриал Истейт, Полограунд, Индор (М.П.), 452 015, Үндістан

Тіркеу куәлігінің иесі

Плетхико Фармасьютикалз Лтд, Үндістан

Тұтынушылардан өнім (тауар) сапасы жөнінде шағымдарды Қазақстан Республикасы аумағында қабылдайтын ұйымның мекенжайы

100009 Қарағанды қ-сы, Ермеков к-сі, 110/2 Тел.: /7212/ 48 16 44, 43 15 34, 43-15-63,48-17-67; тел./факс: /7212/ 48 17 44;

e-mail rezlov_ltd@mail.ru, rezlov-ltd@rambler.ru