Аевит (Combinations of vitamins)

• русский
• қазақша

• Скачать инструкцию медикамента

Саудалық атауы

Аевит

Халықаралық патенттелмеген атауы

Жоқ

Дәрілік түрі

Капсулалар

Құрамы

1 капсуланың құрамында белсенді заттар: ретинол пальмитаты (100% затқа шаққанда) - 55,036 мг (100000 ХБ), альфа-токоферилацетаты (100% затқа шаққанда) - 100 мг

қосымша зат: күнбағыс майы

капсуланың қабығы: желатин, глицерин, метилпарагидроксибензоат, пропилпарагидроксибензоат, тазартылған су, бояғыштар: көркем қызыл Е-129, хинолинді сары Е-104, бриллиантты көк Е-133.

Сипаттамасы

Қоңыр сарыдан ақшыл қоңыр түске дейінгі шартәріздес түрлі желатинді жұмсақ капсулалар.

Капсула құрамында ашық-сарыдан қоңыр-сары түске дейінгі майлы сұйықтық.

Фармакотерапиялық тобы

Витаминдер. А және Е витаминдері біріктірілімі.

АТЖ коды А11JА

Фармакологиялық қасиеттері

Фармакокинетикасы

Аевит ретинол пальмитаты ішке қабылдағаннан кейін аш ішектің жоғары бөліктерінде жақсы сіңеді, лимфаға өтіп, бауырға түседі.

Сіңуі өт қышқылдарының, панкреаттық липазаның, ақуыздар мен майлардың болуын қажет етеді.

Енгізгеннен кейін плазмадағы ең жоғары концентрациясына 4 сағаттан кейін жетеді. Плазма ақуыздарымен (липопротеиндермен) байланысуы қалыпта 5 %- дан төмен. А витаминінің липопротеиндермен байланысқан мөлшері гиперлипопротеинемияда артуы мүмкін. Ретинол ағзада әрқалай таралады.

Оның ең көп мөлшері бауырда және көздің тор қабығында болады, оны бүйректе, өкпеде, май деполарында, бүйрек үсті безінде және басқа да ішкі сөліністің бездерінде табуға болады. Аздаған мөлшерде емшек сүтіне және плацента арқылы өтеді. Бауырда алдымен белсенді, ал содан кейін белсенсіз метаболиттерге айналып метаболизденеді. Бүйректермен және ішек арқылы шығарылады.

Элиминация ақырын жүреді: 21 күн ішінде ағзадан енгізілген дозаның 34% ғана жоғалады. Сондықтан қайталап қабылдағанда препараттың жинақталу қаупі айтарлықтай жоғары.

Альфа-токоферилацетат асқазан ішек жолында (ЖКТ) сіңеді, көп бөлігі лимфаға түсіп, барлық тіндерге тез таралып өтпен және метаболиттер түрінде несеппен бөлінеді.

12-елі ішектен (өт қышқылдары тұздарының, майлардың болуын, асқазан асты безінің қалыпты қызметін қажет етеді) - 50-80 % сіңеді. Қанның бета-липопротеиндерімен байланысады. Ақуыздар алмасуы бұзылғанда тасымалдануы бұзылады. ТСmax – 4 сағат. Барлық мүшелер мен тіндерде жинақталады, әсіресе май тінінде. Плацента арқылы жеткіліксіз мөлшерде өтеді: ұрық қанына ана қанындағы концентрациядан 20-30 % өтеді. Емшек сүтіне өтеді. Бауырда хинонды түзілімі бар (олардың кейбіреуі витаминді белсенділікке ие) туындыларға дейін метаболизденеді. Өт арқылы 90 % – дан астамы (кейбір мөлшері қайта сіңеді және энтерогепатикалық айналымға ұшырайды), бүйректермен– 6 % (токофероний қышқылының глюкуронидтері және оның гаммалактоны түрінде) шығарылады. Ақырын шығарылады.

Фармакодинамикасы

Ретинол (витамин А) – майда еритін витамин, тотығу-тотықсыздану үдерістерінде маңызды роль атқарады, мукополисахаридтер, ақуыздар, липидтер синтезіне қатысады. Қалыпты спермато- және овогенезге, плацентаның дамуына, эмбриональді тіндердің оның ішінде эпителиальді құрылымның және сүйек тіндерінің, өсуіне, қалыпты дамуына және дифференциациясына ықпал етеді.

Қалыпты ымырттық және түрлі-түсті көруге қажетті көру пигменттерінің түзілуіне қатысады; эпителиальді тіндердің бүтіндігін қамтамасыз етеді, сүйектердің өсуін реттейді.

Альфа-токоферилацетат (Е витамині) антиоксидантты әсерге ие, ақуыздар синтезіне, жасушалар пролиферациясына, тіндердің тыныс алуына қатысады; биологиялық жарғақшаға оң әсер етеді.

Эритроциттердің тұрақтылығын демеп тұрады және олардың гемолизін болдырмайды, капиллярлардың жоғары өткізгіштігіне және сынғыштығына кедергі келтіреді, тіндердің гипоксияға төзімділігін арттырады, бұзылған липидтік алмасуға жағымды әсер етеді, өздігінен түсікті болдырмайды, ерлерде жыныс безі қызметін, бұлшықет дистрофиясында және басқа да бұлшықеттер зақымдануында қаңқа бұлшықеттерін қалпына келтіреді. Е витамині жүрек-қантамыры ауруларында жүрек бұлшықетінде метаболизмді қалыптандыруға ықпал етеді, артериолдарда қан ағымы жылдамдығын арттырады.

Қолданылуы

- облитерациялайтын атеросклерозда;

- трофикалық бұзылулармен асқынған I-II-III сатыдағы облитерациялайтын эндартериитте

Қолдану тәсілі және дозалары

Ішке күнделікті 1 капсуладан 20-40 күн бойы 3-6 ай аралықпен.

Жағымсыз әсерлері

- гипервитаминоз

- ұйқышылдық, сылбырлық, бас ауыруы

- аллергиялық реакциялар

- температураның қысқа уақытқа көтерілуі, тершеңдік

- тері бөртпелері

- эпигастрия аймағындағы жайсыздық сезімі, жүрек айнуы, құсу, диарея

- терінің түлеуі

- жүрістің бұзылуы

- сүйектердің және аяқтардың ауыруы

- жұлын ми сұйықтығында қысымның артуы (балаларда)

Қолдануға болмайтын жағдайлар

- тиреотоксикоз

- өттас ауруы

- созылмалы гломерулонефрит

- созылмалы жүрек жеткіліксіздігі

- препарат компоненттеріне жоғары сезімталдық

- сыртартқысындағы саркоидоз

- созылмалы панкреатит

- миокард инфаркты

- жүктілік және лактация кезеңі

- 18 жасқа дейінгі балаларға

Дәрілермен өзара әрекеттесуі

Эстрогендермен бір уақытта қолданғанда А гипервитаминозы қаупі артады. Ретинол глюкокортикоидтардың қабынуға қарсы әсерін азайтады.

Ca2+ препараттарының әсерін азайтады, гиперкальциемия даму қаупін арттырады. Изотретиноин уытты әсердің пайда болу қаупін арттырады.

Тетрациклин және А витаминін жоғары дозада (50 мың ХБ және жоғары) бір уақытта қабылдау бассүйекішілік гипертензияның даму қаупін арттырады.

Альфа-токоферилацетатты гипопротромбинемия және қан кетудің даму қаупі артуына байланысты алтын, күміс, тікелей әсер етпейтін антикоагулянтар, сілтіге сезімтал дәрілермен біріктіріп қабылдауға болмайды.

Эпилепсиямен науқастарда (қанында липидтердің асқын тотықты тотықтану өнімдері жоғары) эпилепсияға қарсы ДЗ тиімділігін арттырады. Е витаминін 400 ХБ/тәул. дозадан жоғарыда антикоагулянттармен (кумарин және индандион туындылары) бірге қабылдау гипопротромбинемия және қан кетудің даму қаупін арттырады.

Fe жоғары дозалары ағзадағы тотығу үдерістерін күшейтеді, ол Е витаминінің қажеттігін арттырады.

Колестирамин, колестипол, минеральді майлар А және Е витаминдерінің сіңірілуін төмендетеді.

Ағзада поливитаминді препараттармен басқа да А және Е витаминдерін соңғылардың жинақталу мүмкіндігіне байланысты бір уақытта қабылдауға болмайды.

Айрықша нұсқаулар

Жүрек қызметінің декомпенсациясында, ауыр кардиосклерозда, миокард инфарктінде, тромбоэмболия даму қаупі жоғары болғанда, қан тамырларының өткізгіштігі жоғары жағдайларда, жедел және созылмалы нефритте, холециститте, өттас аурулары және созылмалы панкреатитте препаратты сақтықпен қолдану керек.

Дозалануы жөніндегі нұсқаулықты қатаң сақтау керек. А және Е гипервитаминозы пайда болуы мүмкін.

Майда еритін витаминдердің (А және Е) артық дозалануы туындауы мүмкіндігіне байланысты, басқа поливитаминді препараттармен ұзақ уақыт бірге тағайындауға болмайды.

Дәрілік заттың көлік құралдарын немесе қауіптілігі зор механизмдерді басқару қабілетіне әсер ету ерекшеліктері

Емдеу барысында ұсынылған емдік дозадан арттырмай зейінді жоғары жұмылдыруды және психомоторлы реакциялар жылдамдығын талап ететін автокөлікті жүргізу және қауіптілігі зор қызметтермен айналысқанда сақтық шараларын сақтау керек.

Артық дозалануы

А витаминімен жедел артық дозалану белгілері (енгізгеннен кейін 6 сағаттан соң дамиды): А гипервитаминозы: ересектерде– ұйқышылдық, сылбырлық, диплопия, бас айналуы, қатты бас ауыруы, жүрек айнуы, ауыр құсу, диарея, ашушаңдық, остеопороз, қызыл иектен қан кетуі, ауыздың шырышты қабатының ойық жаралануы және құрғақтығы, еріннің, терінің (әсіресе алақанның), түлеуі, қозушылық, сананың шатасуы.

А витаминімен созылмалы уыттану белгілері: анорексия, сүйектердің ауыруы, терінің, еріннің жарылуы және құрғақтығы, ауыздың шырышты қабатының құрғауы, гастралгия, құсу. Гипертермия, астения, бас ауыруы, фотосенсибилизация, поллакиурия, никтурия, полиурия, ашушаңдық, шаштың түсуі, өкшелердегі, алақандағы, мұрын-ерін үшбұрышындағы қызыл-сары дақтар, гепатоуытты жағдайлар, көзішілік қысымның жоғарылауы, олигоменорея, портальді гипертензия, гемолитикалық анемия, сүйек рентгенограммасындағы өзгерістер; фетотоуытты жағдайлар: несеп шығару жүйесінің дамуының ақауы, өсудің тежелуі, өсудің эпифизарлы аймағының ерте жабылуы.

Е витаминімен жедел артық дозалану белгілері: ұзақ уақыт 400-800 ХБ/тәул. дозада қабылдағанда – анық көрмеу, бас айналуы, бас ауыруы, құсу, диарея, гастралгия, астения; ұзақ уақыт 800 ХБ/тәул. жоғары дозада қабылдау К гипоавитаминозбен науқастарда қан кетудің даму қаупін жоғарылатады, тиреоидты гормондардың метаболизмінің бұзылуы, сексуальді қызметтің бұзылуы, тромбофлебит, тромбоэмболия, некроздық колит, сепсис, гепатомегалия, гипербилирубинемия, бүйрек жеткіліксіздігі, көздің тор қабығына қан құйылуы, геморрагиялық инсульт, асцит, гемолиз.

Емі: препаратты тоқтату, А гиперавитаминозын жою үшін менингизм белгілерін жоятын және бассүйекішілік қысымды төмендететін маннитті; глюкокортикоидтарды тағайындайды, бауырдағы А және Е витаминдерінің метаболизмін жеделдетеді, Викасол геморрагия қаупін азайтады.

Шығарылу түрі мен қаптамасы

Алюминий фольгадан және поливинилхлоридті үлбірден жасалған пішінді ұяшықты қаптамада 10 капсуладан.

2 пішінді ұяшықты қаптамадан мемлекеттік және орыс тіліндегі қолданылуы жөніндегі нұсқаулықпен бірге картоннан жасалған пәшкеге салынған.

100 пішінді ұяшықты қаптамадан мемлекеттік және орыс тіліндегі қолданылуы жөніндегі нұсқаулықтың сәйкес санымен топтық ыдысқа салынған.

Сақтау шарттары

Жарық пен ылғалдан қорғалған жерде, 15°С-ден 25 °С-ге дейінгі температурада сақтау керек.

Балардың қолы жетпейтін жерде сақтау керек!

Сақтау мерзімі

2 жыл

Жарамдылық мерзімі өткеннен кейін қолдануға болмайды.

Дәріханалардан босатылу шарттары

Рецептісіз

Өндіруші

«Минскинтеркапс» УК, Беларусь Республикасы,

220075, Минск қаласы, а/я 112, Инженерная көшесі, 26 үй

Тел./факс (+ 37517) 344-18-66

Тіркеу куәлігі иесінің атауы мен елі

«Минскинтеркапс» УК, Беларусь Республикасы

Қазақстан Республикасы аумағында тұтынушылардан өнім (тауар) сапасына қатысты шағымдарды қабылдайтын ұйымның мекенжайы:

«Private Clinic Farmaceuticals & Technologies» ЖШС

ҚР, Алматы қаласы, Самал-2, 58А үй, 11 қабат

Тел. (+727)2668415

E-mail: info@privateCPT.kz