АДАПТОЛ® (ADAPTOLUM®) (300 мг)

Жоқ

300 мг капсулалар

Бір капсула құрамында

белсенді зат - 300 мг мебикар

қосымша заттар: метилцеллюлоза, кальций стеараты,

капсула корпусы мен қақпағының құрамы: желатин, титанның қостотығы Е171.

Құрамында ақ немесе ақ дерлік түсті ұнтақ болатын ақ/ақ дерлік түсті №0 қатты желатин капсулалар, шыны таяқшамен түрткенде сусып төгілетін бағанда нығыздалған түрде болады. Бөлшектерінің өлшеміне қарай әркелкі болуына жол беріледі.

Фармакокинетикасы

Препаратты пероральді қабылдағанда мебикар дозасының 77-80  қанға барады, 40  - ға дейінгі мөлшері эритроциттермен байланысады. Әсер етуші заттың қалған бөлігі қан плазмасының ақуыздарымен байланыспайды және плазмада бос күйінде болады, сондықтан организмге кедергісіз таралады да, жасушалық жарғақшалардан еркін өтеді. Мебикардың қандағы ең жоғары концентрациясына препарат қабылдаған соң 0,5 сағат өткенде жетеді және жоғары деңгейі 3-4 сағат бойы сақталады, одан кейін біртіндеп төмендейді. Жартылай шығарылу кезеңі 8 сағатты құрайды. Мебикар организмнен несеп пен нәжіс арқылы бір тәуліктің ішінде толық шығарылады.

Препарат биохимиялық өзгерістерге ұшырамайды және организмде жинақталып қалмайды.

Фармакодинамикасы

Адаптол® орташа тыныштандыратын белсенділікке ие, мазасыздықты, қорқынышты, үрейді, ішкі эмоциональдық ширығу мен ашушаңдықты жояды немесе әлсіретеді. Адаптол® лимбиялық-ретикулярлы кешеніне, оның ішінде гипоталамустың эмоциогенді аймақтарының құрамына кіретін құрылымдардың белсенділігіне әсер етеді. Олардың теңгерілуі және бірігуіне ықпал ете отырып, сондай-ақ ГАМҚ барлық 4 негізгі нейромедиаторлы жүйелеріне, холин-, серотонин- әрі адренергиялық жүйелерге әсер етеді, бірақ шеткері адренонегативті әсері жоқ.

Препараттың транквилизаторлық әсері миорелаксацияны және қозғалыс үйлесімділігінің бұзылуын тудырмайды. Осы себепті Адаптолды® «күндізгі транквилизатор» деп атайды. Ұйықтататын әсері жоқ, бірақ ұйықтататын дәрілердің әсерін күшейтеді және ұйқы бұзылғанда ұйқыны жақсартады. Адаптол® никотиндік абстиненцияны жеңілдетеді немесе басады.

• ашушаңдық, эмоциональдық тұрақсыздық, үрей мен қорқыныш құбылыстарымен өтетін невроздар мен неврозға ұқсас жай-күйлерде

• олар туғызатын соматовегетативтік және неврологиялық жағымсыз әсерлерді жою мақсатында нейролептиктер мен транквилизаторларды көтере алуды жақсарту үшін

• түрлі генездегі (жүректің ишемиялық ауруымен байланысты емес) кардиалгиялар кезінде

• кешенді ем құрамында темекі шегуге құмарлықты төмендететін дәрі ретінде.

Ересектер Адаптолды® тамақтануға қарамастан 300-600 мг-ден күніне 2-3 рет ішке қабылдайды. Ең жоғарғы бір реттік дозасы 3 г, тәуліктік дозасы – 10 г құрайды. Емдеу курсының ұзақтығы – бірнеше күннен 2-3 айға дейін.

Кешенді ем кезінде темекі шегуге құмарлықты төмендететін дәрі ретінде препаратты 5-6 апта бойы 600-900 мг-дан күніне 3 рет тағайындайды.

Егде пациенттерге дозаны таңдаудың қажеті жоқ.

Бауыр жеткіліксіздігі бар пациенттерге дозаны төмендетуің қажет жоқ.

Бүйрек жеткіліксіздігі бар пациенттерде дозаны таңдау зерттелген жоқ.

Пациенттердің бұл тобына дәрілік затты сақтықпен қабылдау керек.

Адаптолға® дағдылану мен құмарлану, тоқтату синдромы анықталмаған.

Егер кезекті доза қабылданбай қалса, емдеу курсын бұрын тағайындалған дозада жалғастырады. Қажет кезінде емдеуші дәрігерден кеңес алу керек.

Адаптол® басқа дәрілер сияқты жағымсыз әсерлер тудыруы мүмкін, олар барлық паценттерде байқала бермейді. Әдетте Адаптол® көтерімділігі жақсы.

Даму жиілігі бойынша жағымсыз реакциялардың жіктемесі: өте жиі (≥1/10); жиі (≥1/100 <1/10 дейін); жиі емес (≥1/1000 <1/100 дейін); сирек (≥1/10 000 <1/1000 дейін); өте сирек (<1/10 000); пайда болу жиілігі белгісіз (қолда бар деректер бойынша анықтау мүмкін емес)*.

Сирек

- бас айналуы,

- артериялық гипотензия

- диспепсиялық құбылыстар (қыжыл, кекіру, іштің керу сезімі, іш өту)

- аллергиялық реакциялар болуы мүмкін (тері бөртпесі)

- дене температурасының төмендеуі

- әлсіздік

Аллергиялық реакция пайда болған жағдайда препаратты қабылдауды тоқтату керек.

Жоғары сезімталдықтың жедел реакциялары туралы жеке деректер алынды.

• әсер етуші затқа немесе қосымша заттарға жоғары сезімталдықта
• жүктілік пен лактация кезеңінде

• 18 жасқа дейінгі балалар және жасөспірімдер

Адаптолды® нейролептиктермен, транквилизаторлармен (бензодиазепиндермен), ұйықтататын дәрілермен, антидепрессанттармен және психостимуляторлармен біріктіруге болады.

Гипотензия және/немесе дене температурасының төмендеуі (дене температурасы 1-1,5 °С-ге дейін төмендеуі мүмкін) жағдайында препарат қабылдауды тоқтату талап етілмейді. Артериялық қысым және дене температурасы өз бетінше бірнеше күн ішінде қалыпқа түседі.

Дәрілік заттардың көлік құралдарын жүргізуге немесе қауіптілігі зор механизмдерді басқару қабілетіне әсер ету ерекшеліктері

Көлік құралдарын жүргізушілері мен кәсібі назар аудару жітілігін талап ететін адамдарға жұмыс уақытында қолдануға болмайды.

Препараттың уыттылығы төмен. Әдеттегі клиникалық артық дозалануы болмайды. Ауыр улану белгілері тіркелмеген.

Симптомдары байқалуы мүмкін: әлсіздік, гипотензия, бас айналуы.

Емі: симптоматикалық ем, оның ішінде асқазанды шаю.

Поливинилхлоридті үлбірден және алюминий фольгадан жасалған пішінді ұяшықты қаптамада 10 капсуладан.

2, 3 немесе 4 пішінді қаптамадан медициналық қолдану жөніндегі мемлекеттік және орыс тілдеріндегі нұсқаулықпен бірге картон қорапшаға салынған.

Құрғақ жерде, 250С-ден аспайтын температурада.

Балалардың қолы жетпейтін жерде сақтау керек.

3 жыл

Қаптамасында көрсетілген жарамдылық мерзімі өткеннен кейін препаратты қолдануға болмайды.

Рецепт арқылы

Тіркеу куәлігінің ұстаушысы/Өндіруші

«ОЛАЙНФАРМ» АҚ

Мекенжайы: Рупницу к. 5, Олайне, LV - 2114, Латвия.

Қазақстан Республикасы аумағында тұтынушылардан дәрілік заттың сапасына қатысты шағымдарды (ұсыныстарды) қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон, факс, электронды пошта):

ҚР-дағы «ОЛАЙНФАРМ» АҚ өкілдігі

050009 Алматы қ., Абай д. 151/115, 807 кеңсе

Телефон / Факс 007 727 333 46 52

E-mail olainfarm.instr@mail.ru