Авиментин
Инструкция
-
русский
-
қазақша
Саудалық атауы
Авиментин
Халықаралық патенттелмеген атауы
Жоқ
Дәрілік түрі
Үлбірлі қабықпен қапталған таблеткалар, 625 мг (500 мг/125 мг)
Фармакотерапиялық тобы
Жүйелі пайдалануға арналған инфекцияға қарсы препараттар. Жүйелі қолдануға арналған бактерияға қарсы препараттар. Бактерияға қарсы бета- лактамды препараттар, пенициллиндер. Пенициллиндер бета-лактамазалар тежегіштерімен біріктілімде. Амоксициллин және бета-лактамаза тежегіші.
АТХ коды J01CR02
Қолданылуы
- жедел бактериялық синусит (расталған диагноз кезінде)
- жедел ортаңғы отит
- созылмалы бронхиттің өршуі (расталған диагноз кезінде)
- ауруханадан тыс пневмония
- цистит
- пиелонефрит
- тері мен жұмсақ тіндердің инфекциялары (атап айтқанда, тері асты шелінің қабынуы - целлюлитте, жәндіктер шаққанда, жедел абсцесстер мен жақсүйек-бет маңының флегмоналарында)
- сүйектер мен буындар инфекциялары, атап айтқанда остеомиелит
Бактерияға қарсы дәрілерді тиісінше қолдану бойынша ресми нұсқауларды назарға алу керек.
Қолданудың басталуына дейін қажетті мәліметтер тізбесі
Қолдануға болмайтын жағдайлар
- амоксициллинге, клавулан қышқылына, пенициллиндерге немесе қосымша заттардың кез келгеніне аса жоғары сезімталдық
- басқа бета-лактамды антибиотиктерге (цефалоспориндерге, карбапенемдерге, монобактамдарға) жедел аса жоғары сезімталдықтың ауыр реакциясы (мысалы, анафилаксия)
- осының алдындағы сарғаю көріністері немесе анамнездегі амоксициллиннің клавулан қышқылымен біріктірілімін қолдану кезіндегі бауыр функциясының бұзылуы
- дене салмағы 25 кг-ден аз балалар.
Қолдану кезіндегі қажетті сақтандыру шаралары
Қолдану кезіндегі қажетті сақтандыру шаралары
Авиментин препаратымен емдеуді бастар алдында пенициллиндерге, цефалоспориндерге немесе басқа аллергендерге бұрын болған аса жоғары сезімталдық реакцияларына қатысты толық анамнез жинау қажет.
Пенициллинмен ем алып жүрген пациенттерде аса жоғары сезімталдықтың, кейде өліммен аяқталатын (анафилактоидты және терінің ауыр жағымсыз реакцияларын қоса) күрделі реакцияларының дамуы туралы хабарламалар алынды.
Аллергиялық реакциялар туындаған жағдайда Авиментин препаратымен емдеуді тоқтату және тиісті баламалы емді бастау қажет. Аса жоғары сезімталдықтың күрделі реакцияларында кідіріссіз эпинефрин енгізу керек. Сонымен қатар, оксигенотерапия, глюкокортикостероидтарды вена ішіне енгізу мен интубацияны қоса, тыныс жолдарының өткізгіштігін қамтамасыз ету қажет болуы мүмкін.
Егер инфекция амоксициллинге сезімтал микроорганизмдерден туындағаны дәлелденген жағдайда, ресми нұсқаулыққа сәйкес амоксициллин/клавулан қышқылынан амоксициллинге ауысу мәселесін қарастыру керек.
Инфекциялық мононуклеоз күмән тудырғанда Авиментин препаратын тағайындау ұсынылмайды, өйткені осы ауру бар пациенттерде амоксициллин қызылша тәрізді бөртпе туындатуы мүмкін, ол аурудың диагностикасын қиындатады.
Препарат болжамды патогендері бета-лактамды агенттерге төзімді болатын, яғни клавулан қышқылының тежеуіне сезімтал бета-лактамалар түрткі болмаған жоғары қауіп болғанда пайдалануға сай келмейді. Препараттың бұл түрі пенициллинге төзімді S. pneumoniae емінде пайдаланылмауы тиіс.
Ұзақ уақыт пайдалану кейде сезімтал емес микроорганизмдердің шамадан тыс көбеюіне әкелуі мүмкін.
Колиттер
Бактерияға қарсы препараттарды қолданумен байланысты колиттер, амоксициллинді қоса, бактерияға қарсы агенттердің бәрімен дерлік тіркелген және ауырлық дәрежесі бойынша жеңілден өмірге қатерлі түріне дейін өзгеріп отыруы мүмкін. Сондықтан кез келген антибиотиктерді қабылдау кезінде немесе қабылдаудан кейін диареяға шалдыққан пациенттерде осы диагнозды ескеру маңызды. Антибиотиктермен байланысты колит туындаған жағдайда амоксициллин/клавулан қышқылын қабылдауды дереу тоқтату, дәрігермен кеңесу және тиісті емді бастау керек. Бұл жағдайда антиперистальтикалық дәрілік заттар қарсы көрсетілімді.
Емдеудің басында пустуламен байланысты қызбамен жайылған эритеманың туындауы жедел жайылған экзантемалық пустулез (AGEP) симптомы болуы мүмкін. Бұл реакция препаратты енгізудің тоқтатылуын талап етеді және амоксициллиннің кез келген келесі енгізілуіне қарсы көрсетілімді.
Авиментин препаратымен ұзақ уақыт емдеу кезінде бүйрек, бауыр және қан түзу функциясын мезгіл-мезгіл бағалау ұсынылады.
Амоксициллин/клавулан қышқылын қабылдаған пациенттерде протромбин уақыты ұзаруы мүмкін. Егер антикоагулянттар бір мезгілде қабылданса, талапқа сай бақылау жасалуы тиіс. Пероральді антикоагулянттар дозасын түзету қажетті антикоагуляция деңгейінің сақталуы үшін қажет.
Асқазан-ішек жолы тарапынан жағымсыз әсерлердің даму қаупін төмендету мақсатында препаратты ас ішудің басында қабылдау керек.
Ауыз қуысының күтімі тіс түсінің өзгеруін болдырмауға көмектеседі, өйткені ол үшін тісті тазалау жеткілікті.
Таблеткаларды қаптамасы ашылған сәттен бастап 30 күн ішінде пайдалану қажет.
Егде жастағы пациенттерде қолдану
Егде жастағы пациенттерге Авиментин препаратының дозасын төмендету қажет емес, дозалары ересектердегімен бірдей. Бүйрек функциясының бұзылулары бар егде жастағы пациенттерде дозаны бүйрек функциясының бұзылулары бар ересектердегі сияқты түзету керек.
Бауыр жеткіліксіздігі
Емдеу сақтықпен жүргізіледі, бауыр функциясына жүйелі мониторинг өткізіледі. Пациенттердің осы санатында дозалау режиміне түзету жүргізу үшін деректер жеткіліксіз.
Гепатобилиарлы бұзылыстар көбінесе ерлерде және егде жастағы пациенттерде тіркелген және ұзақ уақыт емдеумен байланысты болуы мүмкін. Осы оқиғалар туралы балаларда өте сирек мәлімделеді. Барлық қауымда белгілері мен симптомдары, әдетте, емдеу кезінде немесе одан кейін тез арада пайда болады, бірақ кейбір жағдайларда емдеуді тоқтатудан кейін бірнеше апта өткен соң барып көрініс беруі мүмкін. Олар, әдетте, қайтымды. Гепатобилиарлы реакциялар күрделі болуы мүмкін және аса сирек жағдайларда өлім жағдайлары тіркелген. Олар үнемі дерлік күрделі ауруы бар немесе бауырға әсер етуі мүмкін екені белгілі қатарлас препараттарды қабылдап жүрген пациенттерде туындады.
Бүйрек жеткіліксіздігі
Препарат дозасы бұзылу дәрежесіне қарай түзетілуі тиіс. Бүйрек функциясының бұзылуы бар пациенттерде Авиментин препаратының дозасын бұзылу дәрежесіне сәйкес төмендету керек. Бүйрек функциясының бұзылуы бар немесе препараттың көп дозаларын қабылдаған пациенттерде құрысулар пайда болуы мүмкін.
Диурез төмендеген пациенттерде өте сирек жағдайларда көбінесе препаратты парентеральді қолдану кезінде кристаллурия дамуы хабарланды. Амоксициллиннің жоғары дозаларын енгізу кезінде сұйықтықтың жеткілікті мөлшерін қабылдау және амоксициллин кристалдарының түзілу ықтималдығын азайту үшін талапқа сай диурезді демеп отыру ұсынылады.
Авиментин препаратын ішке қабылдау несептегі амоксициллиннің жоғары мөлшеріне әкеледі, бұл несептегі глюкозаны анықтау (мысалы, Бенедикт сынамасы, Фелинг сынамасы) кезінде жалған оң нәтижелерге әкелуі мүмкін. Бұл жағдайда несептегі глюкоза концентрациясын анықтаудың глюкозооксиданттық әдісін қолдану ұсынылады.
Препаратта клавулан қышқылының болуы IgG мен альбуминнің эритроциттер жарғақшаларымен спецификалық емес байланысуын тудыруы мүмкін, бұл Кумбс тестісінің жалған оң нәтижесін беруі мүмкін.
Амоксициллин/клавулан қышқылын қабылдаған, кейіннен аспергиллез инфекциясы анықталмаған пациенттерде Bio-Rad Laboratories Platelia Aspergillus EIA тестісі пайдаланылған жалған оң тест нәтижелері туралы хабарламалар бар. Bio-Rad Laboratories Platelia Aspergillus EIA тестісінің көмегімен аспергиллаларға жатпайтын полисахаридтермен және полифуранозалармен айқаспалы реакциялар хабарланды. Сол сияқты, амоксициллин/клавулан қышқылын қабылдап жүрген пациенттердегі оң тест нәтижелерін сақтықпен түсіндіру және басқа диагностика әдістерімен растау керек.
Қосымша заттар
Препараттың қосымша заттарының құрамында натрий бар (құрамында 10.00 натрий кроскармеллозасы бар). Тұзсыз диета ұстанатын пациенттерге тағайындағанда сақтық шарасын қадағалау керек.
Басқа дәрілік препараттармен өзара әрекеттесуі
Пероральді антикоагулянттар
Пероральді антикоагулянттар мен бактерияға қарсы пенициллин препараттары өзара әрекеттесуі туралы хабарламаларсыз практикада кеңінен пайдаланылды. Алайда, әдебиетте аценокумарол немесе варфарин қабылдап жүрген және амоксициллин курсы тағайындалған пациенттерде жоғарылаған халықаралық қалыптасқан қатынас (ХҚҚ) жағдайлары кездеседі. Егер бірге енгізу қажет болса, амоксициллинді қосумен немесе тоқтатумен протромбин уақытын және ХҚҚ мұқият бақылану керек. Бұдан бөлек, пероральді антикоагулянттар дозасын түзету қажет болуы мүмкін.
Метотрексат
Пенициллиндер метотрексат экскрециясын төмендетіп, уыттылығының ықтималды артуын тудыруы мүмкін.
Пробенецид
Пробенецидті бір мезгілде қабылдау ұсынылмайды. Пробенецид амоксициллиннің бүйректік өзекшелік секрециясын төмендетеді. Пробенецидті бір мезгілде қабылдау қанда амоксициллин деңгейінің жоғарылауына және ұзақ сақталуына әкелуі мүмкін, бірақ клавулан қышқылына қатыссыз.
Микофенолат мофетил
Микофенолат мофетилін қабылдаған пациентерде амоксициллин/клавулан қышқылын пероральді қабылдау басталған соң микофенол қышқылы (МФҚ) белсенді метаболиті концентрациясының шамамен 50% төмендеуі тіркелді. Дозаны енгізуге дейінгі деңгейдің өзгеруі МФҚ жалпы әсер ету өзгерістерін дәл көрсетпеуі мүмкін. Демек, әдетте, трансплантат дисфункциясының клиникалық белгілері болмаса, микофенолат мофетил дозасын өзгерту қажет емес. Дегенмен де, біріктірілім кезінде және антибиотиктермен емдеуден кейін тез арада мұқият клиникалық мониторинг өткізу керек.
Аллопуринол
Аллопуринолды бір мезгілде қолдану амоксициллинмен емдеу кезінде аллергиялық тері реакцияларының даму ықтималдығын арттыруы мүмкін. Аллопуринол мен амоксициллин тригидраты/калий клавуланаты біріктірілімін бір мезгілде қолдану туралы деректер жоқ.
Арнайы сақтандырулар
Педиатрияда қолдану
12 жастағы және одан кіші немесе дене салмағы 40 кг-ден аз балаларды
суспензиялар немесе педиатриялық сашелер түріндегі дәрілік нысандармен емдеген дұрыс.
Таблеткаларды бөлуге болмайтындықтан, дене салмағы 25 кг-ден аз
балаларға қолдануға болмайды.
Жүктілік немесе лактация кезінде
Клиникаға дейінгі деректер жүктілікке, шарананың эмбриональді дамуына, босануға немесе босанғаннан кейінгі дамуға қатысты тікелей немесе жанама зиянды әсерлерді көрсетпейді. Адамдарда жүктілік кезінде амоксициллин/клавулан қышқылын қолданудың шектеулі деректері туа біткен даму кемістіктерінің жоғары қаупін көрсетпейді. Амоксициллин/клавулан қышқылымен профилактикалық емдеу жаңа туған нәрестелерде некроздық энтероколиттің даму қаупінің жоғарылауымен байланысты болуы мүмкін. Тек ана үшін болжамды пайдасы бала үшін ықтимал қауіптен жоғары жағдайларды қоспағанда, жүктілік кезінде Авиментин препаратын қолдану ұсынылмайды.
Авиментин препараты емшек сүтіне шығарылады. Демек, емшек сүтімен қоректенетін нәрестеде диарея және шырышты қабықтың саңырауқұлақ инфекциясы мүмкін. Сенсибилизация мүмкіндігін ескеру қажет. Амоксициллин/клавулан қышқылы емшек сүтімен емізу кезінде пайда-қауіп бағаланғаннан кейін ғана қолданылуы керек. Емшек сүтімен қоректенетін нәрестелерде жағымсыз әсерлер пайда болған жағдайда, емізуді тоқтату керек.
Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері
Автокөлік басқару және машиналарды пайдалану қабілетіне ықпал етуіне қатысты ешқандай зерттеулер жүргізілмеген. Препарат жағымсыз әсерлерді (мысалы, аллергиялық реакциялар, бас айналу, құрысулар) тудыруы мүмкін болғандықтан, пациенттерге көлік құралдары мен ықтимал қауіпті механизмдерді басқару кезінде сақтық шаралары туралы ескерту қажет.
Қолдану жөніндегі нұсқаулар
Дозалау режимі
Дозалар, препараттың жеке компонентінің бірліктерінде көрсетілген жағдайларды қоспағанда, амоксициллин/клавулан қышқылының мөлшері бойынша өрнектелген.
Инфекциялық ауруды емдеу үшін таңдалған дозада ескерілуі тиіс:
- күтілетін патогендер және олардың бактерияға қарсы агенттерге ықтимал сезімталдығы
- аурудың ауырлығы
- пациенттің жасы, салмағы және бүйрек функциясы
Баламалы дозаларды (мысалы, амоксициллиннің өте жоғары дозаларын қамтамасыз ететіндер және/немесе амоксициллиннің клавулан қышқылына әртүрлі арақатынастары) пайдалануды, қажеттілігіне қарай, қарастырылу керек.
Ересектер және салмағы > 40 кг балалар үшін, Авиментин препаратының осы құрамы мен дәрілік түрі төмендегі ұсынымдарға сәйкес тағайындалғанда 1500 мг амоксициллин /375 мг клавулан қышқылының жалпы тәуліктік дозасын қамтамасыз етеді.
Егер амоксициллиннің жоғарырақ тәуліктік дозасын қабылдау туралы шешім қабылданса, клавулан қышқылының тым артық жоғары тәуліктік дозаларын енгізіп қоймас үшін басқа Авиментин препаратын таңдау ұсынылады.
Дене салмағы > 40 кг ересектер мен балалар, ұсынылатын дозалар:
|
стандартты доза (барлық көрсеткіштер бойынша) |
1 таблетка 500 мг/125 мг тәулігіне 3 рет |
Емдеу ұзақтығы
Емдеу клиникалық жағдайды қайта қараусыз 14 тәуліктен көпке созылмауы тиіс.
Емдеу ұзақтығы пациенттің жүргізілетін емге реакциясына қарай белгіленуі тиіс. Кейбір патологияларға (атап айтқанда, остеомиелит) ұзағырақ курс қажет болуы мүмкін.
40 кг дейінгі балалар
Тәулігіне 20 мг/5 мг/кг-ден тәулігіне 60 мг/15 мг/кг дейін 3 қабылдауға бөлінген.
12 жастағы және одан кіші немесе дене салмағы 40 кг-ден аз балаларды суспензиялар немесе педиатриялық сашелер түріндегі дәрілік нысандармен емдеген дұрыс.
Таблеткаларды бөлуге болмайтындықтан, дене салмағы 25 кг-ден аз
балаларға қолдануға болмайды.
Кестеде 500 мг/125 мг таблеткаларын қолдану кезіндегі дене салмағы 25 кг-ден 40 кг дейінгі балаларда ұсынылатын дозалар (мг/кг дене салмағы) берілген.
|
Дене салмағы [кг] |
40 |
35 |
30 |
25 |
Ұсынылатын бір реттік доза [мг/кг дене салмағы] (жоғарыдан қараңыз) |
|
Амоксициллин [мг/кг дене салмағы] бір реттік дозасына (үлбірлі қабықпен қапталған 1 таблетка) |
12,5 |
14.3 |
16,7 |
20,0 |
6,67 - 20 |
|
Клавулан қышқылы [мг/кг дене салмағы] бір реттік дозасына (үлбірлі қабықпен қапталған 1 таблетка) |
3.1 |
3,6 |
4.2 |
5,0 |
1,67 - 5 |
Егде жастағы пациенттер
Дозалау режимін түзету қажет емес, ересек пациенттердегі сияқты дозалау режимі қолданылады. Бүйрек функциясының бұзылуы бар егде жастағы пациенттерде бүйрек функциясының бұзылуы бар ересек пациенттер үшін тиісті дозалар тағайындалады.
Бауыр жеткіліксіздігі бар пациенттер
Сақтықпен және бауыр функциясының жүйелі бақылауымен әдеттегі доза қолданылады.
Бүйрек жеткіліксіздігі бар пациенттер
Дозаны түзету амоксициллиннің ең жоғары ұсынылатын деңгейіне негізделген.
Креатинин клиренсі (CrCl) 30 мл/минуттан асатын пациенттерде дозаны түзету қажет емес.
Ересектер және ≥ 40 кг балалар
|
CrCl: 10-30 мл/мин |
500 мг/125 мг күніне екі рет |
|
CrCl < 10 мл/мин |
500 мг/125 мг күніне бір рет |
|
гемодиализ |
Әр 24 сағат сайын 500 мг/125 мг дозаға қоса, диализ кезіндегі 500 мг/125 мг, оларды диализ соңында қайталау керек (амоксициллин мен клавулан қышқылының сарысулық концентрацияларының төмендеу шамасына қарай) |
Енгізу әдісі және жолы
Авиментин препараты пероральді қолдануға арналған.
Авиментин препаратын асқазан-ішекке ықтималды жақпаушылығын азайту үшін тамақтану кезінде қабылдау керек. Таблеткаларды сумен ішіп, тұтастай жұту керек, таблетканы шайнауға, ұсақтауға немесе жартылай бөлуге болмайды. Тұншығып қалу қаупін төмендету үшін балаларға бір ретінде бір таблеткадан артық жұтуға болмайды.
Артық дозалану жағдайында қабылдау қажет болатын шаралар
Симптомдары: асқазан-ішек симптомдары және сұйықтық пен электролиттер теңгерімінің бұзылуы айқын болуы мүмкін. Кейбір жағдайларда бүйрек жеткіліксіздігіне әкелетін амоксициллин кристаллуриясы байқалды. Бүйрек функциясының бұзылулары бар немесе жоғары дозаларын қабылдап жүрген пациенттерде құрысулар туындауы мүмкін.
Амоксициллиннің көбінесе үлкен дозаларын вена ішіне енгізуден кейін қуық катетерлерінде шөгетіні хабарланды. Өткізгіштік күйін жүйелі тексеріп отыру керек.
Емі: асқазан-ішек симптомдарын су-электролит теңгеріміне көңіл бөле отырып, симптоматикалық емдеуге болады. Амоксициллин/клавулан қышқылын қан ағымынан гемодиализ арқылы шығаруға болады.
Дәрілік препаратты қолдану тәсілін түсіндіру үшін медициналық қызметкер кеңесіне жүгіну жөніндегі нұсқаулар
Аталған дәрілік препаратты қолдану жөнінде қандай да бір қосымша сұрақтар туындаған жағдайда, өз дәрігеріңізге хабарласыңыз.
ДП стандартты қолдану кезінде көрініс беретін жағымсыз реакциялар сипаттамасы және осы жағдайда қабылдау керек шаралар
Өте жиі
- диарея
Жиі
- тері және шырышты жабындар кандидозы
- жүрек айну, құсу
Жүрек айну препараттың жоғары дозаларын қолдану кезінде жиірек кездеседі. Көрініс беру дәрежесін төмендету үшін препаратты ас ішудің басында қабылдау ұсынылады.
Жиі емеc
- бас айналу, бас ауыру
- диспепсия
- бауыр ферменттері АЛТ/АСТ деңгейінің орташа жоғарылауы (бета-лактамды антибиотиктермен ем алып жүрген пациенттерде байқалады, алайда, оның клиникалық мәні белгісіз)
- тері бөртпесі, қышыну, есекжем
Сирек
- қайтымды лейкопения (нейтропенияны қоса), тромбоцитопения
- мультиформалы эритема
Белгісіз
- дәрілік заттарға эозинофилиямен және жүйелі симптомдармен бірге жүретін реакция (DRESS-синдром)
- қайтымды агранулоцитоз және гемолиздік анемия, қан кету уақыты мен протромбин уақыты индексінің артуы
- ангионевроздық ісіну, анафилаксия; сарысу ауруына ұқсас синдром, аллергиялық васкулит
- қайтымды жоғары белсенділік және құрысулар, асептикалық менингит
- антибиотикпен астасқан колит (жалған жарғақшалы және геморрагиялық түрін қоса)
- қара түкті тіл (тілдің жіпше тәрізді бүртіктерінің созылмалы гиперплазиясы)
- гепатит, холестаздық сарғаю
- сезімтал емес микрофлораның шамадан тыс көбеюі
- Стивенс-Джонсон синдромы, уытты эпидермальді некролиз, буллезді эксфолиативті дерматит, жедел жайылған экзантематозды пустулез (аталған симптомдар дамығанда препаратты шұғыл тоқтату қажет)
- несептегі кристалдар жедел бүйрек жеткіліксіздігіне әкеледі
- ортасында қыртысы бар шеңберде орналасқан көпіршіктері бар бөртпе немесе інжу тізбегі түрінде (IgA сызықтық ауруы)
- ми мен жұлынның айналасындағы қабықтардың қабынуы (асептикалық менингит)
- интерстициальді нефрит, кристаллурия
- тіс түсінің өзгеруі.
Атап көрсетілген белгілер мен симптомдар, әдетте, емдеу үдерісінде немесе ем аяқталған соң бірден кездеседі, алайда, жекелеген жағдайларда ем аяқталған соң бірнеше апта бойы көрініс бермеуі мүмкін. Жағымсыз құбылыстар, әдетте, қайтымды болады. Ауыз қуысына күтім жасау тіс эмалі түсінің өзгеруін болдырмауға көмектеседі, өйткені бұл үшін тісті тазалау жеткілікті.
Бауыр тарапынан жағымсыз құбылыстар ауыр болуы мүмкін, айрықша сирек жағдайларда өліммен аяқталған оқиғалар туралы хабарламалар болды. Жағдайлардың бәрінде дерлік олар күрделі қатарлас патологиясы бар тұлғалар немесе гепатоуыттылығы зор ықтимал препараттарды бір мезгілде қабылдап жүрген тұлғалар болды.
Аллергиялық реакциялар кезінде назар аудару керек жағдайлар:
тері бөртпесі
қан тамырларының қабынуы (васкулит), ол теріде қызыл немесе күлгін дөңес дақтар түрінде көрінуі мүмкін, бірақ дененің басқа бөліктеріне де әсер етуі мүмкін
қызба, буын ауруы, мойын, қолтық немесе шап бездерінің ісінуі
ісіну, кейде бет немесе тамақ (ангионевроздық ісіну) тыныс алуды қиындатады
коллапс
аллергиялық реакциялар аясында кеудедегі ауырсыну, бұл аллергиядан туындаған миокард инфарктісінің симптомы болуы мүмкін (Кунис синдромы)
Егер сізде осы симптомдар пайда болса, дереу дәрігерге қаралыңыз.
Тоқ ішектің қабынуы
Әдетте қан мен шырыш, іштің ауыруы және/немесе қызбамен сулы диареяны тудыратын тоқ ішектің қабынуы.
Ұйқы безінің жедел қабынуы (жедел панкреатит)
Егер сізде асқазан аймағында қатты және тұрақты ауырсыну болса, бұл жедел панкреатиттің белгісі болуы мүмкін. Дәрілік индукцияланған энтероколит синдромы (DIES):
DIES жағдайлары негізінен амоксициллин/клавуланатпен емделген балаларда байқалды. Бұл қайталанатын құсудың жетекші симптомы бар аллергиялық реакцияның бір түрі (препаратты <қабылдаудан> <енгізуден> <қолданудан> кейін 1-4 сағаттан кейін). Басқа симптомдарға іштің ауыруы, дімкәстік, диарея және төмен қан қысымы кіруі мүмкін.
Егер сізде осы симптомдар пайда болса, мүмкіндігінше тезірек дәрігерге жүгініңіз.
Жағымсыз дәрілік реакциялар туындағанда медициналық қызметкерге, фармацевтикалық қызметкерге немесе, дәрілік препараттар тиімсіздігі туралы хабарламаларды қоса, дәрілік препараттарға жағымсыз реакциялар (әсерлер) жөніндегі ақпараттық деректер базасына тікелей хабарласу керек
Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК
http://www.ndda.kz
Қосымша мәліметтер
Дәрілік препарат құрамы
Бір таблетканың құрамында
белсенді заттар: амоксициллин тригидраты (500 мг амоксициллинге баламалы), сұйылтылған калий клавуланаты 125 мг клавулан қышқылына баламалы
қосымша заттар: кросповидон, микрокристалды целлюлоза рН-112, кремнийдің қостотығы, коллоидты кремнийдің қостотығы, магний стеараты, натрий кроскармеллозасы, микрокристалды целлюлоза, тазартылған тальк
қабық құрамы: гидроксипропилметилцеллюлоза (Anycoat-C AN-6), гидроксипропилметилцеллюлоза (Anycoat-C AN-15), этилцеллюлоза N-20-Cps, тазартылған тальк, титанның қостотығы (Е171), бутилфталат, метиленхлорид***, 2-пропанол***, тазартылған тальк***
*** соңғы өнім құрамында болмайды.
Сыртқы түрінің, иісінің, дәмінің сипаттамасы
Ұзынша, екі беті дөңес, екі жағы да тегіс, ақ немесе ақ дерлік түсті үлбірлі қабықпен қапталған таблеткалар.
Шығарылу түрі және қаптамасы
10 таблеткадан алюминий фольгадан жасалған пішінді ұяшықты қаптамаға салады.
2 пішінді ұяшықты қаптамадан медициналық қолдану жөніндегі қазақ және орыс тілдеріндегі нұсқаулықпен бірге картон қорапшаға салынады.
Сақтау мерзімі
2 жыл.
Жарамдылық мерзімі өткеннен кейін қолдануға болмайды.
Сақтау шарттары
Құрғақ, жарықтан қорғалған жерде, 30°C-ден аспайтын температурада сақтау керек.
Балалардың қолы жетпейтін жерде сақтау керек!
Дәріханалардан босатылу шарттары
Рецепт арқылы.
Өндіруші туралы мәліметтер
MEDICEF PHARMA
Plot No. 28, 29&48, Phase-I, EPIP Jharmajri,
Baddi, Distt. Solan (H.P.), Бадди, Үндістан
Тел./факс: +91 9654337600
Электронды пошта: info@medicefpharma.com
Тіркеу куәлігінің ұстаушысы
AVIMED REMEDIES LLP
302, Vatika Professional Point,
Golf Course Extension Road, Sector-66
Гуруграм-122001, Haryana, Үндістан
Тел./факс: +91124 4222244
Электронды пошта: direct@avimedremedies.com
Қазақстан Республикасы аумағында тұтынушылардан дәрілік заттар сапасына қатысты шағымдар (ұсыныстар) қабылдайтын жауапты ұйымның атауы, мекенжайы және байланыс деректері (телефон, факс, электронды пошта)
«Авицена-ЛТД» ЖШС, Қазақстан
050010, Алматы қ., Радлов к-сі, 65 үй, 6 т.е.,
Тел./факс: (727) 344 19 90/91/92/93
Электронды пошта: direct@avitsena.kz
Қазақстан Республикасы аумағында дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон, факс, электронды пошта)
«СonsultAsia» ЖШС
Қазақстан,
050061, Алматы,
Шевченко к-сі, 165Б
Тел.: +7705-1708825/+7(727) 379 42 58
Электронды пошта: pv@consultingasia.kz