L-лизина эсцинат
Инструкция
-
русский
-
қазақша
Саудалық атауы
L-ЛИЗИН ЭСЦИНАТЫ
Халықаралық патенттелмеген атауы
Жоқ
Дәрілік түрі
Инъекцияға арналған 1 мг/мл ерітінді
Құрамы
1мл ерітіндінің құрамында
белсенді зат - L-лизин эсцинаты (100% затқа шаққанда) - 1 мг;
қосымша заттар - 96% этанол, пропиленгликоль, инъекцияға арналған су.
Сипаттамасы
Мөлдір, түссіз сұйықтық.
Фармакотерапиялық тобы
Ангиопротекторлар. Капиллярлардың өткізгіштігін төмендететін препараттар. Капиллярлардың өткізгіштігін төмендететін басқа да препараттар.
АТХ коды С05СХ
Фармакологиялық қасиеттері
Фармакодинамикасы.
Препараттың қабынуға қарсы, ісінуге қарсы және ауыруды басатын әсері бар. Эсцин лизосомалық гидролиз белсенділігін төмендетіп, капиллярлар қабырғасында және оларды қоршап тұрған дәнекер тіндерде мукополисахаридтердің ыдырауының алдын алады, осылайша тамыр-тін жоғары өткізгіштігін қалпына келтіреді және экссудацияға қарсы (ісінуге қарсы), қабынуға қарсы және ауырғанды басатын әсері бар. Препарат тамырлар тонусын арттырады, орташа иммунитет түзетуші және гипогликемиялық әсер көрсетеді.
Фармакокинетикасы.
Зерттелмеген.
Қолданылуы
- кез келген орналасудағы жарақаттан кейінгі, интра- және операциядан кейінгі ісінулерінде: ми мен жұлынның, оның ішінде бассүйекішілік қан құйылулары, бассүйекішілік қысымның жоғарылауы және ісіп-кебу құбылысы бар ісінулерде; ми қан айналымының созылмалы бұзылуы және вегето-қантамырлық дистониясы кезінде ликворлы-көктамырлардың бұзылуында
- тірек-қимыл аппаратына таралатын, жергілікті қанмен қамтамасыз етілуінің бұзылыстары мен ауыру синдромы қатар жүретін жұмсақ тіндердің ісінуінде
- омыртқа жотасының, дененің, аяқ-қолдардың ісініп-ауыру синдромында
- жедел тромбофлебит кезінде, ісіну-қабыну синдромымен қатар жүретін аяқтың веноздық қан айналымының ауыр бұзылуларында
Қолдану тәсілі және дозалары
Препаратты қатаң түрде көктамыр ішіне тәуліктік 5-10 мл дозада баяу енгізеді (артерия ішіне енгізуге болмайды!). Көктамыр ішіне тамшылатып енгізу ұсынылады. L-лизин эсцинатының инфузиялық ерітіндісін дайындаған кезде 0,9% натрий хлориді ерітіндісінің 15-50 мл-іне сұйылтады.
Науқастың өміріне қауіп төндіретін жағдайларда (жедел бас сүйек-ми жарақаты, интра- және операциядан кейінгі ми мен жұлынның ісіп-домбығу құбылысы болатын ісінуі, жұмсақ тіндер мен тірек-қимыл аппаратының ауқымды жарақаттарының салдарынан үлкен көлемді ісінулер) тәуліктік дозаны 2 рет енгізуге бөліп 20 мл-ге дейін арттырады. Ересектер үшін тәуліктік ең жоғарғы доза - 25 мл.
Балаларда бір реттік доза: 1-5 жас – 1 кг дене салмағына 0,22 мг L-лизин эсцинаты; 5 -10 жас – 0,18 мг/кг, 10 жас және одан үлкендер – 1 кг дене салмағына 0,15 мг құрайды.
Препарат тәулігіне 2 рет енгізіледі.
Емдеу курсының ұзақтығы науқастың жағдайы мен емнің тиімділігіне байланысты, 2-ден 8 күнге дейін.
Жағымсыз әсерлері
Эсцинге жекелеген жоғары сезімталдық кезінде жекелей науқастарда болуы мүмкін:
- аллергиялық реакциялар: тері бөртпесі (папулезді, петехиальді, эритематозды), қышыну, бет терісінің гиперемиясы, қызба, есекжем, жекелеген жағдайларда – Квинке ісінуі, анафилактикалық шок;
- орталық және шеткергі жүйке жүйесі тарапынан: бас ауыруы, бас айналуы, діріл, парестезиялар, жекелеген жағдайларда – теңселіп жүру, тепе-теңдіктің бұзылуы, сананың қысқа мерзімді жоғалуы;
- бауыр және билиарлы жүйе тарапынан: трансаминазалар мен билирубин деңгейінің жоғарылауы;
- асқазан-ішек жолы тарапынан: жүрек айнуы, жекелеген жағдайларда – құсу, диарея, іш ауыруы;
- жүрек-қантамыр жүйесі тарапынан: артериялық гипотензия, артериялық гипертензия, тахикардия, кеуде қуысының ауыруы;
- тыныс алу мүшесі тарапынан: жекелеген жағдайларда – ауа жетіспеушілігін сезіну, ентігу, бронхтық обструкция, құрғақ жөтел;
- жергілікті реакциялар: енгізу кезінде көктамыр бойында шымылдатқанын сезіну, флебит, енгізген жерде ауыру мен ісіну;
- басқалар: жалпы әлсіздік, қалтырау, ыстықты сезіну, белдің ауыруы, тершеңдік
Қолдануға болмайтын жағдайлар
- L-лизин эсцинатына және/немесе препараттың басқа компоненттеріне жоғары сезімталдық
- бүйрек қызметінің ауыр бұзылулары
- бауыр қызметінің ауыр бұзылулары
- жүктілік
- лактация кезеңі
- 1 жасқа дейінгі балалар
Дәрілермен өзара әрекеттесуі
L-лизин эсцинатымен емдегенде сәйкес көрсетілімдер болғанда басқа да дәрілік препараттар тағайындалуы мүмкін (қабынуға қарсы, анальгетиктер, микробқа қарсы).
Нефроуыттылығының арту мүмкіндігіне байланысты препаратты аминогликозидтермен бір мезгілде қолданбаған жөн. L-лизин эсцинатын тағайындаудан бұрын жүргізілген антикоагулянттармен ұзақ емдеген жағдайда немесе L-лизин эсцинатын және антикоагулянттарды бір мезгілде тағайындау қажеттілігі болғанда соңғысының дозасын түзету (дозасын төмендету) және протромбиндік индексті бақылау керек. Цефалоспарин қатарындағы антибиотиктермен бір мезгілде қолданғанда эсциннің плазма ақуыздарымен байланысуы нашарлап, соңғысының жағымсыз әсерлері даму қаупімен қандағы бос эсциннің концентрациясын арттыруы мүмкін.
Айрықша нұсқаулар
Гепатохолециститі бар жекелеген науқастарға препаратты тағайындаған кезде трансаминазалар және билирубин (тікелей фракциясы) белсенділігінің қысқа мерзімді жоғарылауы мүмкін, ол науқастар үшін қауіп туғызбайды және препаратты тоқтатуды талап етпейді.
Жүктілік және бала емізу кезеңінде қолдану. Жүктілік және бала емізу кезеңінде препаратты қолдануға болмайды (емдеу кезеңінде бала емізуді тоқтату керек).
Балалар. Препаратты 1 жасқа дейінгі балаларға қолдануға болмайды.
Дәрілік заттың көлікті немесе қауіпті механизмдерді басқару қабілетіне ықпал ету ерекшеліктері
Осы уақатқа дейін хабарлар жоқ, алайда препаратты қолданған кезде жүйке жүйесі тарапынан жағымсыз реакциялар дамуы мүмкін екендігін ескеру керек.
Артық дозалануы
Симптомдары: ысыну, тахикардия, меноррагия, жүрек айнуы, қыжыл, эпигастрий тұсының ауыруы.
Емдеу: белгілеріне қарай емдеу.
Шығарылу түрі және қаптамасы
Ампуладағы немесе сары түсті бөлетін сақинасы немесе бөлу нүктесі бар ампулада препарат 5 мл-ден.
Поливинилхлоридті үлбірден жасалған пішінді ұяшықты қаптамада 5 ампуладан немесе пленкамен жабылған поливинилхлоридті үлбірден жасалған пішінді ұяшықты қаптамада 5 ампуладан.
2 пішінді ұяшықты қаптама медицинада қолданылуы жөніндегі мемлекеттік және орыс тілдеріндегі нұсқаулықпен және ампулалық скарификатормен бірге картоннан жасалған пәшкеге салынған.
Сындыру нүктесі немесе сақинасы бар ампуланы пайдаланған кезде скарификтор салынбайды.
Сақтау шарттары
Балалардың қолы жетпейтін жерде сақтау керек!
Жарықтан қорғалған жерде, 15°С-ден 25°С-ге дейінгі температурада сақтау керек.
Сақтау мерзімі
2 жыл
Жарамдылық мерзімі өткеннен кейін қолдануға болмайды.
Дәріханалардан босатылу шарттары
Рецепт арқылы
Өндіруші
«Галичфарм» АҚ, Украина
79024, Львов қ-сы, Опрышковская к-сі, 6/8
Қазақстан Республикасы аумағында тұтынушылардан өнім сапасына қатысты шағымдарды қабылдайтын ұйымның мекенжайы:
Қазақстан Республикасындағы «Артериум» корпорациясының өкілдігі
050060, Алматы қ., Әл-Фараби даңғылы, 97 үй, 3 подъезд, «54» кеңсе
Тел/факс: 8(727)315-82-09; 8(727)315-82-10;
Е-mail: Almaty@arterium.ua