5-Фторурацил

5-Фторурацил “Эбеве”

Фторурацил

Инфузия үшін ерітінді дайындауға арналған 250 мг/5мл, 500 мг/10мл

концентрат

1 мл ерітіндінің құрамында

белсенді зат – 50мг 5- фторурацил,

қосымша заттар: натрий гидроксиді, инъекцияға арналған су.

Мөлдір түссіз немесе түссіз дерлік ерітінді.

Ісікке қарсы препараттар. Пиримидиннің аналогтары.

АТЖ коды L01BC02

Фармакокинетикасы

Көктамыр ішіне енгізгеннен кейін препарат тез биоөзгеріске түседі және ісік тіндерінде, ішектің шырышты қабықтарында, сүйек кемігінде бауырда және басқа тіндерде таралады. Жұлын сұйықтығы мен ми тіндеріне түсе отырып, гематоэнцефалдық бөгет арқылы оңай өтеді. Негізінен бауырда белсенді емес метаболиттер түзе отырып метаболизденеді. Фторурацилдің жартылай шығарылу кезеңі енгізілген дозасына тәуелді және 8-22 минутты құрайды. Препараттың 20%-ға жуығы бүйрекпен өзгеріссіз күйде 6 сағат ішінде (бұл мөлшерінің 90%-ы бастапқы 1 сағат ішінде шығарылады) және 60-80%-ы — тыныс жолдары арқылы СО2 түрінде шығарылады, азғантай мөлшері өтпен бөлініп шығады.

Фармакодинамикасы

Фторурацил — урацилдің антиметаболиті. Әсер ету механизмі препараттың тіндерде белсенді метаболит фторуридинмонофосфатқа айналуына негізделген, ол нуклеин қышқылдарының синтезіне қатысатын тимидилатсинтетаза ферментінің бәсекелес тежегіші болып табылады. Фторурацил ісік жасушаларының бөлінуін бәсеңдете отырып, ДНҚ синтезін бұзады және аяқталмаған РНҚ құрылымының түзілуін тудырады. Белсенді метаболиттері жасуша ішінде орналасады.

5- Фторурацил «Эбеве» мына қатерлі ісіктерде моно- немесе басқа цитостатиктермен біріктірілген ем ретінде қолданылады

- сүт безінің обыры

- колоректальді обыр (тоқ және тік ішектің обыры)

Сондай-ақ емдік белсенділігі асқазан обырымен, бас және мойын обырымен және ұйқы безінің карциномасымен науқастарда да байқалған.

Қолдану тәсілі мен дозалары

Тиісінше дозасы мен емдеу сызбасын таңдау науқастың жағдайына, емделетін обырдың түріне және емдеу түріне қарай анықталады, яғни 5-фторурацил монотерапия түрінде немесе басқа дәрілік затпен біріктіріп тағайындалатын-тағайындалмайтыны анықталады.

Емдеуді аурухана жағдайларында бастау керек және тәуліктік жиынтық дозасы 1 грамнан аспауы тиіс.

Тромбоциттер мен лейкоциттер деңгейін күн сайын бақылау ұсынылады.

Тромбоциттер құрамы 100 000/мм3-ден төмендесе немесе лейкоциттер құрамы 3000/м3-ден төмендесе, емдеуді тоқтату керек.

Дозасын науқастың семіздік, ісінулер немесе ағзада судың патологиялық кідіруінің басқа түрлерін, мысалы асцитті қоспағанда, нақты дене салмағына сәйкес есептеу қолданылып жүр.

Жоғарыда аталған жағдайларды есептегенде емделушінің салмағының нақты шамасын пайдаланады.

5- Фторурацил «Эбевені» көктамырішілік инъекция, көктамырішілік немесе артерияішілік инфузия түрінде тағайындайды.

Төменде бағдарлы дозалары келтірілген:

Колоректальді обыр (тоқ ішек пен тік ішектің обыры):

Емдеуді инфузия немесе инъекция түрінде бастайды және бірінші тағайындалу тәсілі уыттылығының аз болуына байланысты дұрысырақ болады. Көктамырішілік инфузия:

5- Фторурацил «Эбевенің» дене салмағына 15 мг/кг (600 мг/м2), бірақ әр инфузия үшін 1 г аспайтын тәуліктік дозасын, 300-500 мл 5% глюкоза ерітіндісі немесе 300-500 мл 0,9%-дық натрий хлориді ерітіндісінде сұйылтады және 4 сағаттық инфузия жолымен енгізеді.

Мұндай дозасын уыттылық белгілері туындағанға дейін бірнеше күн қатарынан немесе жиынтық дозасы 12-15 г жеткенше тағайындайды. Ең жоғарғы тәуліктік дозасы 1 г аспайтын болса да, кейбір емделушілерге 30 г дейін тағайындалған.

Емдеуді тек гематологиялық немесе асқазан-ішектік уыттылықты жойғаннан кейін ғана жалғастыру керек.

Мүмкін болатын басқа нұсқасы 5- Фторурацил «Эбевені» үздіксіз 24 сағаттық инфузия жолымен тағайындау болып табылады.

Көктамырішілік инъекция:

5- Фторурацил «Эбевені» дене салмағына 12 мг/кг (480 мг/м2) көктамырішілік инъекция жолымен тағайындауға болады, ол 3 күн бойы күн сайын орындалады. Уыттылық белгілері жоқ болса, 5, 7 және 9-күндері емделушіге дене салмағына 6 мг/кг (240 мг/м2) дозасын тағайындауға болады

Демеуші ер ретінде аптасына 1 рет 5-10 мг/кг (200-400 мг/м2) дозасын көктамырішілік инъекция түрінде тағайындайды. Кез-келген жағдайда демеуші емді тек уыттылық белгілері жоғалғаннан кейін ғана бастауға болады.

Сүт безінің обыры:

Сүт безінің обырын емдеу үшін 5- Фторурацил «Эбевені» біріктірілген ем құрамында, мысалы, метотрексатпен және циклофосфамидпен бірге немесе доксорубицинмен және циклофосфамидпен бірге тағайындауға болады. Бұл сызбамен емдегенде 28 күндік курстың 1-інші және 8-інші күндері 5-фторурацилдің көктамырішілік инъекциясын 10-15 мг/кг (400-600 мг/м2) дозада тағайындайды.

Мүмкін болатын басқа нұсқасы 5- Фторурацил «Эбевені» үздіксіз 24 сағаттық инфузия арқылы 8,25 мг/кг (350 мг/м2) дозада тағайындау болып табылады.

5- Фторурацил «Эбевенің» артерия ішілік инфузиясы үздіксіз 24 сағаттық артерияішілік инфузия түрінде тағайындауға болады; бұл кезде тәуліктік дозасы 5-7,5 мг/кг (200-300 мг/м2) құрайды. Жекелеген жағдайларда бастапқы ісікті немесе метастаздарды емдеу үшін аймақтық инфузиясын тағайындауға болады.

Төменде атап келтірілген жағдайларды біреуімен емделушілерге дозасын төмендету ұсынылады:

- кахексия

- алдыңғы 30 күн ішіндегі ауыр операция

- сүйек кемігінің бәсеңдеуі

- бауыр немесе бүйрек қызметінің бұзылулары

5- Фторурацил «Эбевенің» балаларға арналған дозалау жөніндегі ұсынымдар жоқ. Егде жастағы науқастарға дозасын түзету қажет емес.

Өте жиі

- лейкопения, нейтропения, тромбоцитопения. Лейкоциттер санының анағұрлым елеулі төмендеуі әдетте 9-күннен 14-күндері (25 күнге дейін), тромбоциттер санының төмендеуі — емдеудің 7-күнінен 17-күніне дейін байқалады

- жүрек айнуы, құсу, диарея, асқазан-ішек жолының шырышты қабығының қабынуы (стоматит, эзофагит, проктит, фарингит)

Жиі

- агранулоцитоз, анемия, панцитопения

- атаксия, нистагм, сананың шатасуы және экстрапирамидтік қимыл-қозғалыс пен кортикальді бұзылыстар байқалатын өтпелі қайтымды церебральді синдром, бұлар әдетте 5- Фторурацилді тоқтатқаннан кейін жоғалып кетеді (сөйлеудің бұзылуы, афазия, бас ауыруы, бағдарсыздық, эйфория, құрысулар, шеткергі нейропатия)

- алопеция, ол қайтымды болып табылады

Сирек

- қызба

- аллергиялық реакциялар: есекжем, бронх түйілуі, анафилактикалық шок

- фотосенсибилизация

- сепсис

- ұйқышылдық

- көздің шырышты қабығының тітіркенуі, көзден шамадан тыс жас ағу, конъюнктивит, дакриостеноз (мұрын-көз жасы жолының стенозы), жарықтан қорқу, катаракта, көрудің нашарлауы, диплопия, блефарит, эктропион (көз қабығының айналып кетуі) көру жүйкесінің невриті, қыртысты соқырлық (жоғары дозаларда)

- жүрек тұсының ауыруы, аритмиялар, ишемия, миокард инфарктісі, стенокардия, ми ишемиясы, тромбоэмболия, жүрек жеткіліксіздігі, кенеттен жүрек ауруынан өлу

- васкулит, Рейно синдромы

- мұрыннан қан кету, пневмопатия (жөтел, ентігу) артериялық гипотензия, тромбофлебит

- асқазан-ішек жолының ойық жаралары, асқазан-ішектен қан кетулер

- сперматогенез бұзылулары (азооспермия) және овуляциялар, аменорея

- мұрын сүйектерінің некрозы

- бауыр қызметінің бұзылуы

- бүйрек жеткіліксіздігі, гиперурикемия

- әлсіздік (әдетте енгізгеннен кейін бірден туындайды және 12- 36 сағат бойы сақталады)

- иммуносупрессия, салдарлы жұқпалардың дамуы

- дерматит, терінің құрғауы мен жарылуы, эрозиялар, эритема, бөртпе, қышу, телеангиэктазия, тырнақтардың өзгеруі (соның ішінде, сынуы), алақан-табан эритродизестезиясы синдромы (саусақтар мен табандардағы шаншу сезімі, ары қарай ауыру, гиперемия және ісінудің пайда болуы), терінің гиперпигментациясы, экзантема

- қатты қажығыштық

Өте сирек

- протромбиндік уақыттың ұзаруы

- лейкоэнцефалопатия, ми инфарктісі

- кардиогендік шок

- 5-фторурацилға жоғары сезімталдық

- сүйек кемігінің бәсеңдеуі, әсіресе сәулемен емдеуден немесе ісікке қарсы басқа дәрілік заттармен емдеуден кейін

- қан жасушалары құрамындағы күрделі өзгерістер (лейкоциттер саны 5 мың/мкл-ден аз, тромбоциттер саны 100 мың/мкл аз), сүйек кемігінің ісік жасушаларымен инфильтрациялануы

- қан құйылулар

- стоматиттер, ауыз қуысындағы ойық жаралар және асқазан-ішек жолының ойық жаралары

- ауыр диарея

- бауыр немесе бүйрек қызметінің ауыр бұзылулары

- табиғаты вирустық, зеңдік немесе бактериялық жедел жұқпалы аурулар (соның ішінде, туберкулез, желшешек, белдеуленген теміреткі)

- айқын қажу

- плазмадағы билирубин құрамының 85 мкмоль/л жоғарылауы

- жүктілік, лактация кезеңі

Кальций фолинаты фторурацилдің емдік және уытты әсерлерін күшейтеді.

Басқа цитостатиктер және альфа-интерферонмен біріктіріп қолданғанда да фторурацилдың ісікке қарсы әсерінің де, уыттылығының да күшейгені байқалады.

Митомицинмен ұзақ уақыт бірге қолданылғанда, гемолитикалық уремиялық синдромның пайда болуы байқалды.

Фторурацилді аминофеназонмен, фенилбутазонмен және сульфаниламидтермен емдеуден кейін және бірге қолданбаған жөн.

Хлордиазепоксид, дисульфирам, гризеофульвин және изониазид 5-фторурацилдің белсенділігін күшейтуі мүмкін.

Фторурацилмен емдеуде табиғи қорғаныс механизмдерінің бәсеңдеу мүмкіндігіне байланысты, тірі немесе белсенділігі жойылған вакциналармен вакцинациялауды фторурацилмен емдеу аяқталғаннан біраз уақыт өткен соң жүргізу ұсынылады, аралығы 3 айдан 1 жылға дейін ауытқып тұрады.

Соривудинмен бір мезгілде қабылдағанда кей жағдайларда өлімге соқтыратын айқын лейкопения білінген.

5- Фторурацил «Эбеве» цитоуытты препарат болып табылады, сондықтан оны ұстағанда сақ болу қажет.

Стоматит немесе диарея пайда болса, препаратпен емдеуді бұл симптомдар жойылғанша тоқтата тұру керек.

Бұрын кіші жамбас тұсы радиацияның жоғары дозаларының әсеріне шалдыққан немесе алкилирлеуші препараттарды қабылдаған науқастарға тағайындағанда сақ болу керек.

Емдеу кезінде лейкоциттердің жалпы санын, нейтрофилдердің нақты санын, тромбоциттерді, гемоглобинді, «бауыр» сынамаларының белсенділігі мен билирубин деңгейін бақылау, стоматит белгілерін анықтау үшін, науқастың ауыз қуысын тексеру қажет (препаратты әр енгізу алдында).

Алақан-табан эритродизестезиясы синдромы дамығанда пиридоксинді ішке, тәулігіне 100- 150 мг дозада тағайындауға болады. Лейкопения дамып келе жатқан науқастарды жұқпа белгілерін анықтау үшін мұқият қадағалау керек.

Бала көтеретін жастағы ерлер мен әйелдерге фторурацилмен емдеу кезінде кемінде 3 ай өткенше сенімді контрацепция әдістерін қолдану керек.

Дәрілік заттың көлік құралын немесе қауіптілігі зор механизмдерді басқару қабілетіне әсер ету ерекшеліктері.

Фторурацилді қабылдаудан болатын жағымсыз әсерлер көлік құралын басқаруға теріс әсерін тигізуі мүмкін.

Белгілері:

Жедел: психотикалық реакциялар, ұйқышылдық, тағайындалатын седативтік препараттар тиімділігінің артуы, алкоголь уыттылығының артуы.

Седация қажет болса, диазепамның төменгі дозаларын көктамыр ішіне тағайындауға болады (мысалы, бастапқы дозасы 5 мг құрауы мүмкін); онымен бір мезгілде жүрек-қантамыр жүйесі мен өкпенің қызметін бақылап отыру керек.

Созылмалы: сүйек кемігінің агранулоцитоз және критикалық тромбоцитопения деңгейіне дейін бәсеңдеуі, қан құйылуына бейімдік, асқазан-ішек жолының ойық жаралы зақымданулары, диарея, алопеция.

Емі: арнайы у қайтарғысы белгісіз. Алдын алу мақсаттарында лейкоциттер немесе тромбоциттер концентраттарын инфузиялау тағайындалуы мүмкін/тиіс. Гидратация жеткіліктілігіне және диурезге көңіл бөлу керек; электролиттер теңгерімінің бұзылуын жою қажет. Әдетте, гемодиализ қажет емес. Қан түзу және асқазан-ішек жүйесі тарапынан болатын кешеуілдеген асқынуларды барынша ертерек анықтау үшін, емделушіні мұқият қадағалау қажет. Ары қарай емдеу симптоматикалық болуы тиіс.

5 мл препараттан түссіз шыныдан жасалған ампулаларда немесе 5 немесе 10 мл препараттан резеңке тығындармен тығындалып, алюминий қалпақшалармен қаусырылған және қорғағыш тефлон қақпақпен жабылған қоңыр түсті шыныдан жасалған құтыларда.

5 ампуладан немесе 1 құтыдан мемлекеттік және орыс тілдеріндегі медицинада қолданылуы жөніндегі нұсқаулықпен бірге картоннан жасалған пәшкеге салады.

Түпнұсқалық қаптамасында 25°С-ден аспайтын температурада сақтау керек.

Мұздатып қатыруға болмайды!

Ескерту: Төменгі температуралардың әсерінен шөгінді түзілген жағдайда, ерітіндіні пайдаланар алдында 60°С-ге дейін жылытып алып, қатты сілку және сосын бөлме температурасына дейін салқындату керек.

Балалардың қолы жетпейтін жерде сақтау керек!

2 жыл

Дәрілік затты қаптамасында көрсетілген жарамдылық мерзімі өткеннен кейін қолдануға болмайды.

Рецепт арқылы

Өндіруші

EBEWE Pharma Ges.m.b.H. Nfg.KG

А -4866 Унтерах, Австрия, Еуропа

Тіркеу куәлігі иесінің атауы мен елі

EBEWE Pharma Ges.m.b.H. Nfg.KG, Австрия

Қазақстан Республикасы аумағында тұтынушылардан өнім (тауар) сапасына қатысты шағымдарды қабылдайтын ұйымның мекенжайы

Қазақстан Республикасындағы Новартис Фарма Сервисез АГ филиалы,

Алматы қ-сы, Жамақаев к-сі, 155 А,

Тел.: (727) 258-12-91

Факс: (727) 250- 64- 63

e-mal: http://leknet.lek.si