Имипенем+Циластатин (Порошок, Химфарм, Казахстан)

Имипенем+Циластатин

Жоқ

Дәрілік түрі, дозалануы

Жүйелі қолдануға арналған инфекцияға қарсы препараттар. Жүйелі қолдануға арналған бактерияға қарсы препараттар. Басқа да бактерияға қарсы бета-лактамды препараттар. Карбапенемдер. Имипенем және циластатин.

АТХ коды J01DH51

Ересектерде және 1 жастан асқан балаларда инфекциялық ауруларды емдеу

• асқынған интраабдоминальді инфекцияларда;

• ауыр пневмония, ауруханалық және ӨЖЖ-астасқан пневмонияны қоса;

• интранатальді және босанудан кейінгі инфекцияларда;

• несеп шығару жолдарының асқынған инфекцияларында;

• терінің және жұмсақ тіндердің асқынған инфекцияларында;

Имипенем+Циластатин бактериялық инфекциядан күдіктенгенде нейтропениясы бар қызуы көтерілген пациенттерді емдегенде пайдалануға болады.

Жоғарыда аталған инфекциялардың кез келгенімен байланысты немесе аталған жоғарыдағы инфекциялардың кез келгенімен байланысты деп болжамдалатын бактериемиямен пациенттерді емдеу.

Бактерияға қарсы дәрілерді тиісінше қолдану жөніндегі ресми ұсынымдарды да ескерген жөн.

Қолдануды бастағанға дейін қажетті мәліметтер тізбесі

• белсенді затқа немесе қосымша заттардың кез келгеніне аса жоғары сезімталдық

• басқа карбапенемдерге жоғары сезімталдық

• басқа бета-лактамдық антибиотиктерге (мысалы, пенициллиндерге немесе цефалоспориндерге) жоғары сезімталдық (мысалы, анафилаксиялық реакциялар, ауыр тері реакциялары)

Қолдану кезінде қажетті сақтық шаралары

Имипенеммен+Циластатинді қолдану мақсатқа сәйкестігін бағалағаннан кейін, инфекцияның ауырлық дәрежесі, басқа да антибактериялық агенттерге резистенттілік деңгейі және карбапенемдерге тұрақты қоздырғыш-микроорганизмдердің болу қаупі сияқты факторларға негізделе отырып бастау керек.

Аса жоғары сезімталдық

Бета-лактамдық антибиотиктерді қолдана отырып, ем қабылдаған пациенттерде аса жоғары сезімталдықтың ауыр және кейде өлімге әкелген реакциялары (анафилаксиялық реакциялар) туралы хабарланған. Бұл реакциялар үлкен ықтималдықпен анамнездегі түрлі аллергендерге сезімталдығы бар пациенттерде туындауы мүмкін. Имипенем+Циластатинмен емді бастар алдында карбапенемдерге, пенициллиндерге, цефалоспориндерге, басқа бета-лактамдық антибиотиктерге және басқа да аллергендерге аса жоғары сезімталдық реакцияларына қатысты анамнез жинау керек. Имипенем+Циластатинге аллергиялық реакция байқалғанда емдеуді дереу тоқтату керек.

Күрделі анафилаксиялық реакциялар шұғыл медициналық көмек көрсетуді талап етеді.

Бауыр функциясы

Бауыр функциясы гепатоуыттылық реакциясының даму қаупіне байланысты (трансаминаза деңгейінің жоғарылауы, бауыр жеткіліксіздігі және фульминантты гепатит сияқты) Имипенем+Циластатин емдеу барысында мұқият бақылануы тиіс. Бауыр функциясы бұзылған пациенттерде Имипенеммен+Циластатинмен емдеу кезінде бауыр функциясына мұқият мониторинг жүргізу қажет. Дозаларды түзету қажет емес.

Гематология

Имипенем+Циластатин емдеу кезінде Кумбстың тікелей және тікелей емес сынамасына оң реакция дамуы мүмкін.

Антибактериялық спектр

Қандай да бір эмпирикалық емдеу туралы шешім қабылдау алдында, әсіресе өмірге қауіп төндіретін жағдайларда, Имипенем+Циластатиннің антибактериялық спектрін назарға алған жөн. Оған қоса, Имипенем+Циластатинге сезімталдықтың спецификалық патогендердің, мысалы, тері мен жұмсақ тіндердің бактериялық инфекцияларымен астасқан шектеулілігіне байланысты, ерекше сақтық шараларын сақтау керек. Имипенем+Циластатин тағайындау патогендердің препаратқа дәлелденген немесе болжамды сезімталдығы жоқ инфекцияларды емдеуде қолданылмайды. Staphylococcus aureus (MRSA) метициллинге резистентті стафилококкты инфекцияның бар екендігіне күдіктенген немесе бар екендігі дәлелденген кезде метициллинге резистентті стафилококты бәсеңдету үшін қолайлы антибиотикті бірлесіп қолдану көрсетілген. Бекітілген көрсетілімдердің құрамында Pseudomonas aeruginosa инфекцияларының бар екендігіне күдіктенген немесе бар екендігі дәлелденген кезде, аминогликозидтерді бірге қолдану көрсетілген.

Вальпрой қышқылымен бірге қолдану

Имипенем+Циластатин мен вальпрой қышқылының препараттарын бірге қолдану ұсынылмаған.

Clostridium difficile

Антибиотикпен астасқан колит пен жалған жарғақшалы колиттің жеңілден өмірге қауіп төндіретін ауырлық дәрежесіне дейін дамуы туралы хабарламалар бар, олар Имипенем+Циластатинмен, сондай-ақ басқа да антибиотиктермен емдеу кезінде дамыды. Сондықтан, Имипенем+Циластатинмен емдеу кезінде немесе одан кейін туындаған диареясы бар пациенттерде осы диагнозды саралау керек. Бұл жағдайда Имипенем+Циластатинді алып тастау және Clostridium difficile тиісті ем тағайындау туралы мәселені қарастыру керек. Перистальтиканы тежейтін препараттарды қолдану ұсынылмайды.

Менингит

Имипенем+Циластатин менингитті емдеу үшін ұсынылмайды.

Бүйрек жеткіліксіздігі

Имипенем+Циластатин бүйрек функциясы төмендеген пациенттерде жинақталады, сондықтан мұндай пациенттерде (дозаны дұрыс таңдамау жағдайында) ОЖЖ тарапынан жағымсыз әсерлері дамуы мүмкін.

Орталық жүйке жүйесі

Миоклониялық белсенділікті, сананың шатасуы мен құрысуды қоса, әсіресе бүйрек функциясының және дене салмағының жағдайы бойынша ұсынылған дозалардан асырғанда ОЖЖ тарапынан жағымсыз реакциялар туралы хабарламалар алынды. Мұндай жағдайлар анамнездегі ОЖЖ бұзылыстары кезінде (мысалы, мидың зақымдануы немесе құрысу анамнезі) және/немесе препараттың белсенді компоненттерінің жинақталуы мүмкін бүйрек функциясы бұзылғанда жиі хабарланған. Сондықтан мұндай пациенттерде ұсынылған дозаны қатаң ұстану қажет. Анамнезінде құрысу синдромы бар пациенттерде құрысуға қарсы ем жалғастырылуы тиіс.

Құрысудың даму қаупі факторлары болған кезде немесе құрысу шегін төмендететін басқа препараттармен бірге емделген кезде балалардағы неврологиялық симптомдарға немесе құрысуларға ерекше назар аудару керек.

Фокальді тремор, миоклонус немесе құрысулар туындаған кезде пациент, егер ол әлі қолданылмаса, неврологиялық статусын анықтауды және құрысуға қарсы емді тағайындауды қажет етеді. ОЖЖ тарапынан симптомдар жалғасқан кезде Имипенем+Циластатин дозасын төмендету немесе препаратпен емдеуді тоқтату көрсетілген.

Креатинин клиренсі ≤5мл/мин/1.73 м2 Имипенем+Циластатинді инфузиядан кейін келесі 48 сағат ішінде гемодиализ тағайындалған жағдайда ғана тағайындаған жөн. Гемодиализдегі пациенттер үшін Имипенем+Циластатин емдеудің басымдықтары құрысудың потенциалды даму қаупінен асатын жағдайларда ғана ұсынылады.

Балаларда қолдану

Қазіргі уақытта 3 айға дейінгі балаларда немесе бүйрек функциясы бұзылған балаларда Имипенем+Циластатинді қолдану бойынша клиникалық деректер жеткіліксіз (сарысулық креатинин >2 мг/дл).

Басқа дәрілік препараттармен өзара әрекеттесуі

Жайылған құрысулар ганцикловир және имипенем/циластатин алған пациенттерде тіркелген. Бұл дәрілік препараттар, егер тек әлеуетті пайдасы асқынулардың даму қаупінен басым түспесе, бір мезгілде тағайындалмауы тиіс.

Имипенем/циластатин енгізу құрысу белсенділігінің жоғарылау қаупімен астасқан вальпрой қышқылы сарысулық концентрациясының төмендеуімен қатар жүреді, сондықтан Имипенем+Циластатинмен емделу кезеңінде вальпрой қышқылының сарысулық концентрациясына мониторинг жасау ұсынылады.

Имипенем+Циластатинді басқа антибиотиктермен бір шприцте араластыруға болмайды, бұл орайда басқа антибиотиктермен (аминогликозидтермен) бір мезгілде, бірақ оқшау енгізуге рұқсат етілген.

Пероральді антикоагулянттар

Антибиотиктерді варфаринмен бір мезгілде енгізу соңғысының антикоагулянттық әсерін арттыруы мүмкін. Дәл осы уақытта антибиотиктер алған пациенттерде ішуге арналған антикоагулянттар, соның ішінде варфариннің коагуляцияға қарсы әсерінің артуы жөнінде көптеген хабарламалар бар. Қауіптер инфекцияның түріне, пациенттің жасы мен жалпы ахуалына қарай өзгеруі мүмкін, өйткені антибиотиктің ХҚҚ (халықаралық қалыптасқан қатынас) артуындағы үлесін бағалау қиын. Антибиотиктерді антикоагулянттардың ішуге арналған түрлерімен бірге енгізу кезінде және одан кейін бірден ХҚҚ бақылауы ерекше жиі ұсынылады.

Имипенем/циластатин мен пробенецидті бір мезгілде тағайындау плазмадағы имипенем деңгейінің өте аз ұлғаюына және оның плазмадан жартылай шығарылу кезеңінің ұзаруына алып келеді. Имипенем/циластатин пробенецидпен енгізілгенде белсенді (метаболизденбеген) имипенемнің несепте қалпына келуі шамамен 60% төмендейді. Бір мезгілде имипенем/циластатин және пробенецид қабылдау плазмадағы циластатин деңгейі мен оның жартылай ыдырау кезеңін екі еселейді, бірақ оның несепте қалпына келуіне еш ықпалын тигізбейді.

Арнайы ескертулер

Жүктілік немесе лактация кезінде

Имипенем/циластатинді жүкті әйелдерде пайдалану бойынша сенімді бақыланған зерттеулер жоқ. Репродуктивті уыттылықтың болуы анықталды. Адам үшін ықтимал қауіп белгісіз.

Имипенем+Циластатинді жүктілік кезінде ана үшін емдеуден пайда ұрық үшін потенциалды қауіпті басым жағдайда ғана қолданған жөн.

Имипенем+Циластатин аз мөлшерлерде ана сүтімен бөлініп шығады. Егер Имипенем+Циластатинді препаратын қолдану қажет болса, емшек емізудің артықшылықтарын және балаға төнетін ықтимал қауіпті салыстыру керек.

Еркектердің немесе әйелдердің фертильдік функциясына имипенем/циластатиннің потенциалды әсер етуіне қатысты деректер жоқ.

Қолдану жөніндегі нұсқаулар

Дозалау режимі

Имипенем+Циластатин дозаларын таңдау бойынша ұсынымдар: тәуліктік дозасы инфекцияның типі мен ауырлығына, бөлініп алынған қоздырғышқа (қоздырғыштарға), пациенттің бүйрек функциясы мен дене салмағына байланысты.

Бүйрек функциясы қалыпты ересек пациенттер

Бүйрек функциясы қалыпты пациенттер үшін (креатинин клиренсі > 70 мл/мин/ 1,73 м2) және дене салмағы ≥ 70 кг:

• 6 сағат сайын 500 мг/500 мг немесе

• 8 сағат сайын немесе 6 сағат сайын 1000 мг/1000 мг.

Инфекцияларды емдеу үшін анықталған немесе ықтимал себеп бактериялардың сезімталдығы төменірек түрлері (Pseudomonas aeruginosa сияқты) және ауыр инфекциялар (мысалы, қызбасы бар пациенттердің нейтропениясында) болып табылады, 6 сағат сайын 1000 мг/1000 мг дозаны қолдану ұсынылады.

Креатинин клиренсі <70 мл/мин/1,73 м2 және/немесе дене салмағы 70 кг кем пациенттер үшін дозаны төмендету керек. Дене салмағына байланысты дозаны азайту әсіресе 70 кг дене салмағынан едәуір аз және/немесе бүйрек функциясы орташа/ауыр формада бұзылған пациенттер үшін маңызды.

Дене салмағы 70 кг төмен пациенттерге арналған дозаны мына формуланың көмегімен анықтайды:

Нақты дене салмағы (кг) * стандартты доза

70 (кг)

Ең жоғары тәуліктік доза тәулігіне 4000 мг/4000 мг аспауы тиіс.

Пациенттердің ерекше топтары

Бүйрек функциясы бұзылған ересек пациенттер

Бүйрек функциясы бұзылған ересек пациенттер үшін төмендетілген дозаны анықтау үшін мыналар қажет:

1. Әдетте бүйрек функциясы қалыпты пациенттерге қолданатын жалпы тәуліктік дозаны анықтау (яғни 2000/2000, 3000/3000 немесе 4000/4000 мг).

2. Пациенттің КК және инфузия жүргізу ұзақтығына сәйкес дозасы төмендетілген қажетті енгізу режимін таңдау (1 кестені қар.) («Қолдану тәсілі» қар.).

1 кесте Имипенем+Циластатин  препаратының бүйрек функциясы бұзылған және дене салмағы 70 кг және одан жоғары ересек науқастарға арналған дозалары *

* Дене салмағы 70 кг кем пациенттер үшін дозаны пропорционалды түрде төмендету керек.

** 500 мг / 500 мг дозаны қолданғанда креатинин клиренсі 6-20 мл/мин/1,73 м2 пациенттерге құрысудың туындау қаупі едәуір өседі.

Креатинин клиренсі <5мл/мин/1.73м2 пациенттер

Егер алдағы 48 сағат ішінде оларға гемодиализ жүргізбесе, креатинин клиренсі <5 мл / мин / 1,73 м2 пациенттерге Имипенем+Циластатинді енгізу үшін тағайындамаған жөн.

Гемодиализдегі пациенттер

Креатинин клиренсі <5мл/мин/1,73м2 және гемодиализдегі пациенттерді емдегенде креатинин клиренсі 15-29 мл/мин/1,73 м2 пациенттерге ұсынылған дозаларды қолданады (1 кес.қ.).

Имипенем де, циластатин де гемодиализ жүргізу барысында шығарылады. Пациентке гемодиализ сеансынан кейін бірден Имипенем+Циластатинді енгізу қажет және әрі қарай ол аяқталғаннан кейін 12 сағат сайын енгізу қажет. Гемодиализдегі, әсіресе, негізгі ауруы орталық жүйке жүйесінің ауруы болып табылатын пациенттер мұқият қадағалауды талап етеді; Имипенем+Циластатинді мұндай пациенттерге тағайындау күтілетін әсер құрысулардың ықтимал туындау қаупінен басым болған жағдайда ұсынылады.

Қазіргі сәтте Имипенем+Циластатин   препаратын перитонеальді диализдегі пациенттерге қолдану бойынша деректер жеткіліксіз, сондықтан оны осы пациенттер тобын емдеу үшін қолданбаған жөн.

Бауыр жеткіліксіздігі

Бауыр функциясы бұзылған пациенттер үшін дозаны түзету талап етілмейді.

Егде жастағы пациенттер

Бүйрек функциясы қалыпты егде жастағы пациенттер үшін дозаны түзету талап етілмейді.

1 жастан бастап балалар

> 1 жастағы балалар үшін ұсынылған доза 15/15 немесе 6 сағат сайын 25/25 мг/кг/доза құрайды.

Инфекцияларды емдеу үшін анықталған немесе ықтимал себеп бактериялардың сезімталдығы төменірек түрлері (Pseudomonas aeruginosa сияқты) және ауыр инфекциялар (мысалы, қызбасы бар пациенттердің нейтропениясында) болып табылады, 6 сағат сайын 25/25 мг/кг дозаны қолдану ұсынылады.

Бүйрек жеткіліксіздігі бар педиатриялық пациенттер

Бүйрек жеткіліксіздігі бар педиатриялық пациенттер үшін клиникалық деректер жеткіліксіз (сарысулық креатинин >2 мг/дл).

Вена ішіне инфузияға арналған ерітінді дайындау

Вена ішіне инфузияға арналған Имипенем+Циластатин басқа антибиотиктермен араластыруға немесе қосуға болмайды.

НАЗАР АУДАРЫҢЫЗ: Вена ішіне инфузияға арналған Имипенем+Циластатин дәрілік түрі сүт қышқылымен (лактат) химиялық тұрғыдан үйлеспейді және лактат-қамтылған еріткіштер негізінде дайындалмауы тиіс. Алайда, Имипенем+Циластатин лактат-қамтылмаған еріткіштер сияқты сол инфузиялық жүйе арқылы вена ішіне енгізуге болады.

Натрий хлоридінің 0.9% ерітіндісін еріткіш ретінде пайдалану ұсынылады. Натрий хлоридінің 0.9% ерітіндісін клиникалық себептер бойынша пайдаланылуы мүмкін емес кезде, 5% глюкоза ерітіндісін немесе құрамында лактат жоқ басқа еріткіштерді пайдалануға болады.

Имипенем+Циластатин в/і инфузияға арналған ерітіндісі 2 кестеде ұсынылған нұсқаулықтарға сәйкес дайындалады.

2 кесте. Имипенем+Циластатин в/і инфузияға арналған ерітіндісін дайындау.

Еріту: Құты ішіндегісін 10 мл жарамды еріткіште алдын ала еріту қажет.

АЛЫНҒАН ЕРІТІНДІНІ ТІКЕЛЕЙ ЕНГІЗУ ҮШІН ПАЙДАЛАНУҒА БОЛМАЙДЫ!

Алынған ерітіндіні ұнтақ толық ерігенге және мөлдір сұйықтық түзілгенге дейін сілку қажет. Ерітіндінің сарыдан түссізге дейін боялу нұсқалары препарат белсенділігіне ықпал етпейді. Сосын ерітіндіні еріткіштің қалған бөлігімен (90 мл) құтыға немесе контейнерге ауыстырады. Еріткіштің жалпы көлемі – 100 мл.

Препаратты құтыға толық ауыстыру үшін қайтадан бұрын алынған ерітіндінің 10 мл қосады, тағы бір рет мұқият сілкиді, сосын алынған ерітіндінің екеуін де пакетке немесе инфузияға арналған құтыға ауыстырады.

Ерітіндінің жалпы көлемі – 100 мл.

Дайындалған ерітіндіні дайындағаннан кейін бірден енгізу керек.

Енгізу жолы және тәсілі

Вена ішіне енгізуге арналған Имипенем+Циласатин  500 мг/500 мг аспайтын әрбір дозасын 20-30 мин бойы енгізу керек. 500 мг/500 мг асатын әрбір дозаны 40-60 мин бойы енгізу керек. Егер пациентте инфузия уақытында жүрек айнуы пайда болса препаратты енгізу жылдамдығын төмендету қажет.

Қабылдау уақыты көрсетілген қолдану жиілігі

Қатысты емес

Емдеу ұзақтығы

Қатысты емес

Артық дозалану жағдайында қабылдануы қажет шаралар

Симптомдары

Мыналарды қамтуы мүмкін препараттың жағымсыз әсерлерінің күшеюі: құрысу, сананың шатасуы, тремор, жүрек айнуы, құсу, гипотензия, брадикардия .

Емі

Имипенем/циластатинмен артық дозалануды емдеу туралы арнайы ақпарат жоқ. Препарат гемодиализ кезінде шығарылады, алайда препаратты артық дозаланған кезде осы емнің тиімділігі белгісіз.

Дәрілік препараттың бір немесе бірнеше дозасын жіберіп алғанда қажетті шаралар

Жіберіп алған дозаның орнын толтыру үшін қосарлы дозаны қабылдамаңыз.

Тоқтату симптомдарының болу қаупіне нұсқау

Қатысты емес

Дәрілік препаратты қолдану тәсілін түсіндіру үшін медицина қызметкерінің кеңесіне жүгіну бойынша нұсқаулар

Дәрілік препаратты қабылдаудан бұрын дәрігерге немесе фармацевтке қаралыңыз.

ДП стандартты қолдану кезінде көрініс табатын жағымсыз реакциялардың сипаттамасы және осы жағдайда қабылдануы керек шаралар

Емдеумен байланысты болуы мүмкін кең таралған жүйелі жағымсыз реакциялар туралы хабарланған болатын: жүрек айнуы (2,0%), диарея (1, 8%), құсу (1,5%), бөртпе (0,9%), қызба (0,5%), артериялық гипотензия (0,4%), құрысулар (0,4%), бас айналу (0,3%), қышыну (0,3%), есекжем (0,2%), ұйқышылдық (0,2%); жергілікті жағымсыз реакциялар: флебит/тромбофлебит (3,1%), инъекция орнындағы ауырсыну (0,7%), инъекция орнындағы эритема (0,4%) және венаның индурациясы (0,2%) болды; сондай-ақ сарысудағы трансаминазалар және сілтілік фосфатаза деңгейінің жоғарылауы байқалды.

Жиі

• эозинофилия

• тромбофлебит

• диарея, жүрек айну, құсу. Жүрек айну мен құсу имипенем/циластатинмен емдеу аясында гранулоцитопениямен науқастарда байқалады

• бөртпе, оның ішінде экзантематозды

• қан сарысуында трансаминазалар мен сілтілік фосфатазаның жоғарылауы

Жиі емес

• панцитопения, нейтропения, лейкопения, тромбоцитопения, тромбоцитоз

• психикалық бұзылыстар, елестеулер мен бағдардан жаңылуды қоса

• құрысу, құрысулар, миоклонустық белсенділік, бас айналу, ұйқышылдық

• гипотензия

• есекжем, қышыну

• қызба, жергілікті ауыру және тығыздалу, инъекция орнындағы эритема

• тікелей оң Кумбс реакциясы, протромбиндік уақыттың ұзаруы, гемоглобиннің төмендеуі, билирубиннің жоғарылауы, сарысудағы креатининнің және мочевинаның жоғарылауы

Сирек

• жалған жарғақшалы колит, кандидоз

• агранулоцитоз

• анафилаксиялық реакциялар

• энцефалопатия, парестезия, фокальді тремор, дәм сезудің бұрмалануы

• естімей қалу

• тілдің және/немесе тістердің боялуы

• бауыр жеткіліксіздігі, гепатит

• уытты эпидермальді некролиз, ангионевроздық ісіну, Стивенс-Джонсон синдромы, мультиформалы эритема, эксфолиативті дерматит

• жедел бүйрек жеткіліксіздігі, oлигурия/анурия, полиурия, несептің түссізденуі (қауіпсіз, гематуриямен шатастыруға болмайды). Имипенем+Циластатин препаратын қолданудың бүйрек функциясының өзгеруіне әсерін бағалау қиын, себебі, әдетте, преренальді азотемияның дамуына немесе бүйрек функциясының бұзылуына бейім факторлар бар.

Өте сирек

• гастроэнтерит

• гемолиздік анемия, сүйек кемігі функциясының бәсеңдеуі

• миастенияның өршуі, бас ауыруы

• құлақтың шыңылдауы, бас айналуы

• цианоз, тахикардия, жүрек қағуы

• қан құйылу

• ентігу, гипервентиляция, тамақтың ауыруы

• геморрагиялық колит, іш ауыруы, қыжыл, глоссит, тіл бүртіктерінің гипертрофиясы, гиперсаливациясы

• шұғыл дамитын гепатит

• гипергидроз, тері тарапынан өзгерістер

• полиартралгия, омыртқаның кеуде бөлімінің ауыруы

• вульваның қышуы

• кеудедегі жайсыздық, астения/әлсіздік

Балалар

178 баланың қатысуымен жүргізілген зерттеулер барысында > 3 ай ересек пациенттерде байқалғандарға толық ұқсайтын жағымсыз реакциялар туралы хабарланған.

Жағымсыз дәрілік реакциялар туындаса медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаларды қоса, дәрілік препараттарға жағымсыз реакциялар (әсерлер) бойынша ақпараттық деректер базасына тікелей хабарласыңыз

Қазақстан Республикасы Денсаулық сақтау министрлігі Тауарлар мен көрсетілетін қызметтердің сапасы мен қауіпсіздігін бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК

http://www.ndda.kz

Қосымша мәліметтер

Дәрілік препараттың құрамы

Бір құтының ішінде

Имипенем, циластатин және натрий бикарбонатының стерильді қоспасы, оның ішінде:

белсенді заттар:

имипенем (сусыз имипенемге шаққанда) 500.0 мг

натрий циластатині (циластатинге шаққанда) 500.0 мг

қосымша зат - натрий бикарбонаты

Сыртқы түрінің, иісінің, дәмінің сипаттамасы

Құтының ішіндегісі – ақтан сәл сарғыш түске дейінгі ұнтақ.

Шығарылу түрі және қаптамасы

Препарат алюминий қалпақшалармен немесе «FLIP OFF» біріктірілген қалпақшалармен қаусырылған, резеңке тығынмен герметикалық тығындалған шыны құтыға салынады.

Әрбір құтыға заттаңба жапсырылады.

Әрбір құты медициналық қолдану жөніндегі қазақ және орыс тілдерінде бекітілген нұсқаулықпен бірге картон қорапшаға салынады.

Дәрілік препараты бар қорапшалар картон қорапқа салынады.

Медициналық қолдану жөніндегі қазақ және орыс тілдерінде бекітілген нұсқаулықтан мәтінді қорапшаға жазуға жол беріледі.

Қорапшасыз құтыларды картоннан жасалған топтық қорапқа қаптауға жол беріледі. Медициналық қолдану жөніндегі нұсқаулықтар саны құтылар саны бойынша салынады.

2 жыл

Жарамдылық мерзімі өткеннен кейін қолдануға болмайды!

Жарықтан қорғалған жерде, 25 °С-ден аспайтын температурада сақтау керек.

Балалардың қолы жетпейтін жерде сақтау керек!

Рецепт арқылы

Өндіруші туралы мәлімет

«Химфарм» АҚ, Қазақстан Республикасы, Шымкент қ., Рашидов к-сі, 81

Телефон нөмірі +7 7252 (610151)

Автожауапбергіш нөмірі +7 7252 (561342)

Электронды пошта complaints@santo.kz

Тіркеу куәлігінің ұстаушысы

«Химфарм» АҚ, Қазақстан Республикасы, Шымкент қ., Рашидов к-сі, 81

Телефон нөмірі +7 7252 (610151)

Автожауапбергіш нөмірі +7 7252 (561342)

Электронды пошта complaints@santo.kz

Қазақстан Республикасы аумағында тұтынушылардан дәрілік заттардың сапасына қатысты шағымдарды (ұсыныстарды) қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон, факс, электронды пошта)

«Химфарм» АҚ, Қазақстан Республикасы, Шымкент қ., Рашидов к-сі, 81

Телефон нөмірі +7 7252 (610150)

Электронды пошта phv@santo.kz; infomed@santo.kz