Эритромицин-АКОС

МНН: Эритромицин
Производитель: Биосинтез ОАО
Анатомо-терапевтическо-химическая классификация: Erythromycin
Номер регистрации в РК: № РК-ЛС-5№016913
Период регистрации: 08.10.2015 - 08.10.2020

Инструкция

Саудалық атауы

ЭРИТРОМИЦИН- АКОС

Халықаралық патенттелмеген атауы

Эритромицин

Дәрілік түрі

10 000 ӘБ/г-дық көз жақпамайы, 5 г, 10 г

Құрамы

100 г жақпамайдың құрамында

белсенді зат – эритромицин (белсенді затқа шаққанда) – 1 000 000 ӘБ,

қосымша заттар: сусыз ланолин, натрий дисульфиті, «көзге арналған жақпамай» вазелині

Сипаттамасы

Сарғыштау немесе қоңырлау-сары түсті жақпамай

Фармакотерапиялық тобы

Көз ауруларын емдеуге арналған препараттар. Антибиотиктер. Эритромицин

АТХ коды S01AA17

Фармакологиялық қасиеттері

Фармакокинетикасы

Мөлдір қабыққа және көздің сулы ылғалына сіңеді. Жергілікті қолданғанда жүйелік сіңуі төмен. Биожетімділігі 30-65 % құрайды. Организмнің көптеген тіндері мен сұйықтығына таралады. Плазма ақуыздарымен байланысуы 70-90 % құрайды. Ішінара метаболиттер түзе отырып, бауырда метаболизденеді. Жартылай шығарылу кезеңі – 1,4-2 сағ. Ішекпен және бүйрекпен шығарылады.

Фармакодинамикасы

Эритромицин – Streptomyсes erythreus өндіретін макролидтер тобының антибиотигі. Жергілікті қолданғанда бактерияға қарсы әсер етеді. Рибосомалардың 50S суббірлігімен қайтымды байланысады, бұл амин қышқылдары молекулалары арасындағы пептидті байланыстардың түзілуін бұзады және микроорганизмдер ақуыздарының синтезін бөгейді (нуклеин қышқылдары синтезіне әсер етпейді). Жоғары дозаларда қолданғанда қоздырғыш түріне байланысты бактерицидті әсерін көрсетуі мүмкін. Конъюнктиваны, мөлдір қабықтың беткейлік көз инфекцияларын туындататын сезімтал микроорганизмдерге, оның ішінде Neisseria gonorrhoeae, Chlamydia trachomatis қатысты тиімді.

Қолданылуы

  • конъюнктивитте (оның ішінде жаңа туған нәрестелерде)

  • бактериялық блефарит, блефароконъюнктивит, мейбомит

  • кератитте, хламидиозда, трахома кешенді емінде

  • жаңа туған нәрестелерде бленнорея профилактикасында

Қолдану тәсілі және дозалары

Жақпамайды ұзындығы 1-1,3 см 3 жолақ түрінде төменгі қабаққа күніне бір рет салып жағады. Жаңа туған нәрестелерде офтальмияны, бактериялық конъюнктивитті, блефаритті, блефароконънюктивитті, мейбомитті емдеу ұзақтығы, кератитті емдеу кезінде аурулардың түрлері мен ауырлығына байланысты, бірақ 14 күннен аспауы тиіс. Трахоманы емдеу кезінде – күніне 4-5 рет, емдеуді фолликулаларды тілумен үйлестірген жөн. Қабыну үдерісі бәсеңдеген кезде препаратты күніне 2-3 рет қолданады. Трахоманы емдеу ұзақтығы 4 айға дейін.

Хламидиялық конъюнктивитті емдегенде жақпамайды конъюнктивалық қалтаға күніне 4-5 рет салып жағады, емдеу ұзақтығы аурудың ауырлығына байланысты, 3 айға дейін болуы мүмкін. Жаңа туған нәрестелерде бленнорея профилактикасы үшін жақпамайдың ұзындығы 0,5 – 1 см жолағын төменгі қабаққа бір мәрте салып жағады.

Жағымсыз әсерлері

Сирек

  • аллергиялық реакциялар, қызару, қышыну

Кейде

- гиперемия, көз шырышты қабығының тітіркенуі, көріп қабылдаудың айқын болмауы

Қолдануға болмайтын жағдайлар

  • препаратқа және оның компоненттеріне жеке жоғары сезімталдық

  • бауыр және бүйрек функциясының ауыр бұзылуында

  • сыртартқыдағы сарғаю

Дәрілермен өзара әрекеттесуі

Препарат линкомицинмен, клиндамицинмен, хлорамфениколмен үйлеспейді (антагонизмі бар).

Бета-лактамды антибиотиктердің (пенициллиндер, цефалоспориндер, карбопенемдер) бактерицидті әсерін төмендетеді.

Аминогликозидтермен фармацевтикалық үйлесімсіз. Кортикостероидтармен пайдаланғанда олардың әсерінің ұлғаюына әкеледі.

Айрықша нұсқаулар

Сақтықпен: егде жаста, бүйрек және/немесе бауыр функциясы бұзылуында.

Жаңа туған нәрестелерде офтальмияның профилактикасында эритромицин көз жақпамайын көзден шайып тастамау керек.

Анасында клиникалық айқын созы бар балаларға эритромицинді офтальмологиялық дәрілік зат ретінде парентеральді қолдануға арналған G пенциллин сулы ерітіндісімен бір мезгілде пайдаланады. Сықпа ашылғаннан кейін 1 ай ішінде пайдалану керек.

Жүктілік және лактация

Эритромицин плацента арқылы өтеді, емшек сүтімен бөлініп шығады. Эритромицинді жүктілік кезінде қолданғанда ана үшін болжамды пайдасы мен ұрыққа төнетін ықтимал қаупін бағалау керек. Лактация кезеңінде қолдану қажет болғанда бала емізуді тоқтату жөніндегі мәселені шешіп алған жөн.

Дәрілік заттың көлік құралдарын немесе басқару қауіптілігі зор механизмдерді басқару қабілетіне әсер ету ерекшеліктері

Емдеу кезінде көлік құралдарын басқарудан және айқын көруді талап ететін машиналар және механизмдермен қызмет көрсетуден тартына тұрған дұрыс.

Артық дозалануы

Қазіргі кезге дейін препараттың артық дозалану жағдайлары туралы хабарланбаған.

Шығарылу түрі мен қаптамасы

5 г, 10 г-ден алюминий сықпада немесе ламинатты сықпада.

Әрбір сықпаны медициналық қолдану жөніндегі мемлекеттік және орыс тіліндегі нұсқаулықпен картон қорапшаға салынады.

Сақтау шарттары

250С-ден аспайтын температурада сақтау керек.

Балалардың қолы жетпейтін жерде сақтау керек!

Сақтау мерзімі

5 жыл

Жарамдылық мерзімі өткеннен кейін пайдалануға болмайды.

Дәріханалардан босатылу шарттары

Рецепт арқылы

Өндіруші

«Синтез» ААҚ

640008, Ресей Федерациясы, Қорған қ., Конституция даңғылы,7

тел/факс (3522) 48-16-89

E-mail: real@kurgansintez.ru

Интернет-сайт: www.kurgansintez.ru

Тіркеу куәлігінің иесі

«Синтез» ААҚ, Ресей Федерациясы

Қазақстан Республикасы аумағында тұтынушылардан өнім (тауар) сапасына қатысты шағымдарды қабылдайтын ұйымның мекенжайы

«СТОФАРМ» ЖШС, 000100, Қазақстан Республикасы,

Қостанай обл., Қостанай қ., Орал к-сі, 14

тел. 714 228 01 79

 

 

 

 

 

Прикрепленные файлы

875351231477976385_ru.doc 50.5 кб
062973181477977586_kz.doc 52 кб

Отправить прикрепленные файлы на почту

Источники

Национальный центр экспертизы лекарственных средств, изделий медицинского назначения и медицинской техники