ЭНЭРИОН®

• русский
• қазақша

• Скачать инструкцию медикамента

Саудалық атауы

ЭНЭРИОН

Халықаралық патенттелмеген атауы

Сульбутиамин

Дәрілік түрі

Қабықпен қапталған таблеткалар, 200 мг

Құрамы

Бір таблетканың құрамында

белсенді зат – 200 мг сульбутиамин,

қосымша заттар: сусыз глюкоза, лактоза моногидраты, магний стеараты, жүгері крахмалы, крахмал клейстері, тальк

қабығы: араның ақ балауызы, натрий кармеллозасы, этилцеллюлоза, глицерин моноолеаты, полисорбат 80, повидон, сусыз коллоидты кремнийдің қостотығы, натрий гидрокарбонаты, сахароза, күн батар түстес сары бояғыш FCF, алюминий лагы (Е110), тальк, титанның қостотығы (Е171)

Сипаттамасы

Қызғылт-сары түсті қантты қабықпен қапталған, пішіні жасымық тәрізді таблеткалар

Фармакотерапиялық тобы

Витаминдер. В1 витамині. Сульбутиамин

АТХ коды A11DA02

Фармакологиялық қасиеттері

Фармакокинетикасы

Ішке қабылдағаннан кейін сульбутиамин асқазан-ішек жолынан (АІЖ) тез сіңеді. Препарат қан плазмасындағы ең жоғарғы концентрациясына 1-2 сағаттан соң жетеді. Бауырда метаболизденеді. Жартылай шығарылу кезеңі (Т1/2) шамамен 5 сағатты құрайды. Несеппен шығарылады.

Фармакодинамикасы

Сульбутиамин – құрылымы жағынан тиаминге жақын синтетикалық қосылыс. Сульбутиаминнің молекуласының ашық триазольдік циклі, қосымша дисульфидті байланысы мен липофильді эфирі болады. Осындай модификациясы арқасында АІЖ-дан жылдам сіңеді және гематоэнцефалдық бөгет арқылы жеңіл өтеді. Тиаминнен айырмашылығы, ретикулярлық формация жасушаларында және гиппокампта, сондай-ақ Пуркинье талшықтары жасушаларында және мишық қыртысының түйірлі қабатының шумақтарында жинақталуға қабілетті. Энэрионды қабылдау аясында қозғалыс үйлесімділігі жақсарады және дене жүктемелеріне төзімділік артып, ми қыртысы құрылымының қайталанатын гипоксияға төзімділігі жоғарылайды.

Қолданылуы

• функционалдық астенияны симптоматикалық емдеу

Қолдану тәсілі және дозалары

Ересектерге препаратты екі қабылдауға бөлінген 400-600 мг (2-3 таблетка) тәуліктік дозада тағайындайды.

Таблеткаларды таңертеңгі және түскі ас кезінде ішке бір стақан сумен ішіп қабылдайды.

Емдеу курсының ұзақтығы 4 аптадан аспауы тиіс.

Жағымсыз әсерлері

• тремор, бас ауыруы, қозу, дімкәстік

• жүрек айну, құсу

• аллергиялық реакциялар (бөртпе)

Қолдануға болмайтын жағдайлар

- белсенді затқа немесе қосымша заттың кез келгеніне жоғары сезімталдық

- 18 жасқа дейінгі балалар мен жасөспірімдер

Дәрілермен өзара әрекеттесуі

Басқа препараттармен өзара әрекеттесуі туралы деректер жоқ.

Айрықша нұсқаулар

Препараттың құрамында лактоза бар, сондықтан лактаза жеткіліксіздігі, туа біткен галактоземия және глюкоза-галактоза мальабсорбциясы синдромы бар пациенттерге оны қолдануға болмайды.

Жүктілік және лактация кезеңі

Клиникалық деректердің жеткіліксіздігіне байланысты Энэриондыжүктілік және лактация кезінде қолдану ұсынылмайды.

Дәрілік заттың көлік құралын немесе қауіптілігі зор механизмдерді басқару қабілетіне әсер ету ерекшеліктері

Препарат автомобиль және қауіптілігі зор механизмдерді басқару қабілетіне әсер етпейді.

Артық дозалануы

Симптомдары: көңіл күйдің көтерілуі және аяқ-қол дірілімен қатар жүретін қозу жағдайы.

Артық дозалану симптомдары өздігінен қайтады және арнайы емдеуді қажет етпейді.

Шығарылу түрі және қаптамасы

Поливинилхлоридті үлбірден және алюминий фольгадан жасалған пішінді ұяшықты қаптамаға 10 таблеткадан салынған.

2 пішінді ұяшықты қаптамадан медициналық қолдану жөніндегі мемлекеттік және орыс тілдеріндегі нұсқаулықпен бірге картон қорапшаға салынады.

Сақтау шарттары

250С-ден аспайтын температурада сақтау керек.

Балалардың қолы жетпейтін жерде сақтау керек!

Сақтау мерзімі

3 жыл

Қаптамада көрсетілген жарамдылық мерзімі өткеннен кейін қолдануға болмайды.

Дәріханалардан босатылу шарттары

Рецептісіз

Өндіруші

Les Laboratoires Servier Industrie, Франция

Тіркеу куәлігінің иесі

Les Laboratoires Servier, Франция