Энтерофурил® (100 мг)

Энтерофурил®

Нифуроксазид

Капсулалар

белсенді зат - 100 мг, 200 мг нифуроксазид

қосымша заттар: сахароза, жүгері крахмалы, микрокристалды целлюлоза, магний стеараты,

капсула құрамы: темірдің сары тотығы (Е 172), титанның қос тотығы (Е 171), желатин.

Сары түсті (100 мг доза үшін, өлшемі №2) және сарғыш-қоңыр түсті (200 мг доза үшін, өлшемі №0) қатты желатинді мөлдір емес капсулалар. Капсуланың құрамында: Сары түсті ұнтақ немесе ақырындап басқан кезде шашырап кететін сары түсті нығыздалған ұнтақ. Ұнтақта нығыздалған массаның аздаған түйіршігіне жол беріледі.

Диареяға қарсы препараттар. Ішектік микробқа қарсы және қабынуға қарсы препараттар. Басқадай ішектік микробқа қарсы препараттары. Нифуроксазид.

АТХ коды А07АХ03

Фармакокинетикасы Ішектің шырышты қабаты зақымдалмаса препараттың сіңуі өте төмен.

Фармакодинамикасы

Энтерофурил антисептикалық әсерге ие, нитротопты (NO2) құрайтын нитрофуран туындыларына жатады. NO2 радикалы бактериялық ДНҚ негізін өзгертетін нитрозо-туындыларына дейін қалпына келуі мүмкін. Барлық бұл туындылар бактериостатикалық және бактерицидтік әсерлерге ие.

Энтерофурил дегидрогеназ белсенділігіне және бактериялық жасушаларда көбінесе ішек саңылауында ақуыздар синтезіне тежегіш әсер көрсетеді. Энтерофурил бактериялық штаммдар төзімділігін туындатпайды, патогендік микроорганизмдерге қарсы асқазан-ішек жолдарының алғашқы қорғаныш кедергісі болып табылатын ішектің сапрофитті флорасын бәсеңдетпейді.

Клиникалық зерттеулермен нифуроксазид ішекте төзімді бактериялардың және антибиотиктермен салыстырғанда (мысалы, неомицинді 7 күн қабылдайды) ашытқылық зеңдердің популяциясын жоғарылатпайтыны белгіленген.

Басқа клиникалық зерттеулерде нифуроксазид дені сау адамдарға жоғары дозаны (1200 мг) қабылдағаннан кейінгі сияқты, әдеттегі терапиялық дозаларда да (800 мг/тәулік 6 күн бойына) нәжістік флораға әсер етпейтінін көрсетті.

Нифуроксазидтің кейбір штаммдарға қатысты белсенділігі:

өте сезімтал топ минимальді тежегіш концентрация (MIC <8 мг/л): Campylobacter, Vibrio cholerae, Shigella Clostridium perfrigers; орташа сезімтал топ (MIC < 8-ден 32 мг/л-ге дейін): Escherichia coli, Salmonella, Haffnia, Yersinia, Staphylococcus, Enterococcus; төзімді топ (MIC > 32 мг/л): Klebsiella, Enterobacter, Serratia, Proteus mirabillis, Providentia, Pseudomonas, Acinetobacter.

Бактериялық генездегі диарея

Энтерофурил®, капсулалары ішу арқылы қабылдауға арналған. Капсуланы аздаған мөлшердегі сумен ішу керек.

100 мг капсулалар:

Ересектерге: 2 капсуладан тәулігіне 4 рет. Ең жоғары тәуліктік доза 800 мг.

15 жастағы және одан үлкен балаларға: 2 капсуладан тәулігіне 3 - 4 рет. Ең жоғары тәуліктік доза 600 мг - 800 мг.

200 мг капсулалар:

Ересектерге: 1 капсуладан тәулігіне 4 рет. Ең жоғары тәуліктік доза 800 мг

15 жастағы және одан үлкен балаларға: 1 капсуладан тәулігіне 3 - 4 рет. Ең жоғары тәуліктік доза 600 мг - 800 мг.

Емдеудің ең жоғары курсы 7 күннен аспайды.

Жүрек айнуы, құсу, аллергиялық реакциялар (тері бөртпесі, есекжем, Квинке ісінуі, анафилактикалық шок)

- нитрофуран туындыларына немесе препараттың басқа да компоненттеріне жоғары жеке сезімталдық;

- 15 жасқа дейінгі балаларға (тыныс алу жолдарына түсу қаупіне байланысты);

- фруктозаны көтере алмаушылық, глюкоза және галактоза мальабсорбция синдромы, сахараза және изомальтаза тапшылығы

- жүктілік және лактация кезеңі

Энтерофурилді дисульфирамтәрізді реакцияларға немесе орталық жүйке жүйесінің депрессанттарына апаратын препараттармен біріктіріп қолдануға болмайды.

Диареяны нифуроксазид терапиясымен бір мезгілде емдегенде диарея қарқындылығы мен пациент жағдайына сәйкес регидратациялық ем (ішу арқылы немесе вена ішіне) жүргізу керек.

Егер емдеу барысында диарея 3 күннен аса сақталса, емді қайта қарау керек.

Емдеу кезінде алкогольді қабылдауға тыйым салынады, өйткені ол нифуроксазидке организмнің сезімталдығын арттырады.

Асқын сезімталдық симптомдары (ентігу, бөртпе, қышыма) пайда болған кезде препаратты қабылдауды тоқтату керек.

Жүктілік және лактация кезеңі

Энтерофурил® препаратын жүктілік кезінде анасы үшін емнің күтілетін пайдасы шарана үшін әлеуетті қауіптен асқан жағдайларда ғана қолдануға болады.

Энтерофурил® асқазан-ішек жолдарынан сіңбейді және жүйелі қан айналымына түспейді, алайда препаратты лактация кезеңінде қолдану тек қатаң көрсетілімдер бойынша ғана мүмкін, сонымен қатар баланы емізуді тоқтату туралы мәселені шешіп алу керек.

Дәрілік заттың көлік құралын немесе қауіптілігі зор механизмдерді басқару қабілетіне әсер ету ерекшеліктері

Әсер етпейді.

Симптомдары: Препарат асқазан-ішек жолдарынан сіңбейді және жүйелі қанағымына түспейді. Артық дозалану жағдайлары белгісіз.

Емдеу: Доза арттырылған жағдайда, асқазанды шаю және симптоматикалық терапия ұсынылады.

Шығарылу түрі және қаптамасы

Поливинилхлоридті үлбірден және алюминий фольгадан жасалған пішінді ұяшықты қаптамаға 10 капсуладан салады.

3 пішінді ұяшықты қаптамадан медициналық қолдану жөніндегі мемлекеттік және орыс тілдеріндегі нұсқаулықпен бірге картон қорапшаға салынады (100 мг доза үшін).

8 капсуладан поливинилхлоридті үлбірден және алюминий фольгадан жасалған пішінді ұяшықты қаптамаға салынады.

1 немесе 2 пішінді ұяшықты қаптамадан медициналық қолдану жөніндегі мемлекеттік және орыс тілдеріндегі нұсқаулықпен бірге картон қорапшаға салынады (200 мг доза үшін).

30°С-ден аспайтын температурада сақтау керек. Балалардың қолы жетпейтін жерде сақтау керек!

5 жыл

Жарамдылық мерзімі өткеннен кейін қолдануға болмайды.

Рецептісіз

Өндіруші

Босналек АҚ, Босния және Герцеговина. 71000 Сараево, Юкичев к-сі, 53

Босналек АҚ, Босния және Герцеговина. 71000 Сараево, Юкичев к-сі, 53

Қазақстан Республикасы аумағында тұтынушылардан дәрілік заттың сапасына қатысты шағымдарды (ұсыныстарды) қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымның атауы және мекенжайы:

«Adalan» ЖШС

050057 Алматы қ., Тимирязев к-сі 42, 23 пав, 202 кеңсе,

Тел. + 727 269 54 59; e-mail: reg@adalan.kz