Энтеросгель® (Паста)

• русский
• қазақша

• Скачать инструкцию медикамента

Саудалық атауы

Энтеросгель®

Халықаралық патенттелмеген атауы

Жоқ

Дәрілік түрі, дозасы

Ішке қабылдауға арналған паста 225 г, 22,5 г

Фармакотерапиялық тобы

Ас қорыту жолы және зат алмасу. Диареяға қарсы, ішекке арналған қабынуға қарсы/микробқа қарсы препараттар. Ішек адсорбенттері. Басқа да ішек адсорбенттері.

АТХ коды А07ВС

Қолданылуы

Ересектерде детоксикациялық дәрі ретінде:

• шығу тегі әр түрлі жедел және созылмалы уыттанулар;

• күшті әсер ететін және улы заттармен, оның ішінде, дәрілік

препараттармен және алкогольмен, алкалоидтармен, ауыр металл

тұздарымен жедел улану;

• жедел ішек инфекцияларында кешенді ем құрамында;

• айқын уыттанумен қатар жүретін іріңді-сепсистік аурулар, кешенді ем

құрамында;

• тағамға және дәріге аллергия;

• гипербилирубинемия (вирустық гепатиттер) және гиперазотемия

(созылмалы бүйрек жеткіліксіздігі);

• зиянды өндірісте істейтін жұмысшыларға созылмалы уыттану

профилактикасы мақсатында (политропты әсер ететін химиялық

агенттермен кәсіби, ксенобиотиктермен, бір құрамға бірлестірілген

радионуклидтермен, қорғасын, сынап, мышьяк қосылыстарымен, мұнай

өнімдерімен, органикалық еріткіштермен, азот тотықтарымен,

көміртегімен, фторидтермен, ауыр металл тұздарымен уыттануда).

Қолдануды бастағанға дейін қажетті мәліметтер тізбесі

Қолдануға болмайтын жағдайлар

- әсер етуші затына немесе қосымша заттарының кез келгеніне аса жоғары

сезімталдық

- ішек атониясы

- ішек бітелісі

- әйелдерге жүктілік және лактация кезінде

- балалар және 18 жасқа дейінгі жасөспірімдерге

Қолдану кезіндегі қажетті сақтандыру шаралары

Препаратты басқа дәрілік заттарды қабылдауға дейін 1-2 сағат бұрын немесе кейін уақытпен бөлінген қабылдау ережелерін сақтаған жағдайда, басқа дәрілік заттармен кешенді емде пайдалануға болады.

Сізде кез келген, оның ішінде аталған нұсқаулықта көрсетілмеген жағымсыз реакциялар мен сезімдер пайда болғаны туралы, сондай-ақ емдеу аясында зертханалық көрсеткіштердің өзгерістері туралы дәрігерді хабардар етіңіз.

Басқа дәрілік препараттармен өзара әрекеттесуі

Энтеросгель® препаратымен бір уақытта қабылдағанда басқа препараттардың сіңірілуі азаюы мүмкін.

Арнайы сақтандырулар

Жүктілік және лактация кезеңі

Энтеросгель® жүктілік және лактация кезінде қолдануға болмайды.

Препараттың көлік құралын немесе қауіптілігі зор механизмдерді басқару қабілетіне  әсер ету ерекшеліктері.

Энтеросгель® препаратының көлік құралын немесе қауіптілігі зор механизмдерді басқару қабілетіне әсері анықталған жоқ.

Қолдану жөніндегі нұсқаулар

Дозалау режимі

Ересектерге ұсынылған доза - 15 г - 22,5 г (1 - 1,5 ас қасық) тәулігіне 3 рет. Тәуліктік дозасы 45 г - 67,5 г.

Созылмалы уыттанулар  профилактикасы үшін – күніне 2 рет айсайын 7-10 күн бойы 22,5 г-ден.

Енгізу әдісі мен жолы

Ішке тағам немесе басқа дәрілерді қабылдау алдында 1-2 сағат бұрын немесе одан кейін, сумен іше отырып қабылдайды. Препараттың қабылдауға қажет мөлшерін бөлме температурасындағы стақандағы судың үш есе артық көлемімен араластырып немесе сумен іше отырып ішке қабылдау керек.

Қабылдау уақыты көрсетілген қолдану жиілігі

Ауыр уыттанулар кезінде алғаш үш тәулік бойы препарат дозасын екі есе ұлғайтуға болады.

Емдеу ұзақтығы

Жедел улануда емдеу ұзақтығы - 3-5 тәулік, ал созылмалы уыттануларда және аллергиялық жағдайларда - 2-3 апта. Қайталау курсы дәрігердің ұсынысы бойынша.

Артық дозалану жағдайында қабылдау қажет болатын шаралар

Артық дозалану жағдайлары анықталмаған.

Дәрілік препараттың бір немесе бірнеше дозасын өткізіп алу кезіндегі қажетті шаралар

Препараттың бір немесе бірнеше дозасын өткізіп алған жағдайда, оны кейіннен қолдануды осы нұсқаулықта көрсетілгендей немесе емдеуші дәрігер ұсынғандай әдеттегі режимде жүргізілуі керек.

Тоқтату симптомдары қаупінің болуына нұсқау

Туындатпайды.

Дәрілік препаратты қолдану тәсілін түсіндіру үшін медицина қызметкеріне кеңеске жүгіну бойынша ұсынымдар

Препаратты қолдану туралы қосымша сұрақтар туындаса, кеңес алу үшін емдеуші дәрігерге немесе фармацевтке жүгініңіз.

ДП стандартты қолдану кезінде көрініс табатын жағымсыз реакциялардың сипаттамасы және осы жағдайда қабылдануы керек шаралар

Емдеу уақытында туындауы мүмкін жағымсыз реакциялардың жиілігі келесі градация түрінде келтірілген: өте жиі (>1/10); жиі (>1/100, <1/10); жиі емес (>1/1000, <1/100); сирек (>1/10000, <1/1000); өте сирек (<1/10000).

Өте сирек

- жүрек айнуы, іш қату

- бүйрек немесе бауырдың ауыр жеткіліксіздігінде препаратқа жиіркену сезімінің пайда болуы.

Жағымсыз дәрілік реакциялар туындағанда медициналық қызметкерге, фармацевтикалық қызметкерге немесе, дәрілік препараттардың тиімсіздігі туралы хабарламаларды қоса, дәрілік препараттарға болатын жағымсыз реакциялар (әсерлер) жөніндегі ақпараттық деректер базасына тікелей хабарласу керек

Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК

http://www.ndda.kz

Қосымша мәліметтер

Дәрілік препараттың құрамы

100 г препараттың құрамында

белсенді зат - полиметилсилоксан полигидраты (дозаға тәуелсіз поликонденсация өнімі 1, 1, 3, 3 –тетрагидрокси -1,3-диметилдисилоксан полигидраты) 70 г,

қосымша зат - 30 г тазартылған су.

Сыртқы түрінің, иісінің, дәмінің сипаттамасы

Ақтан ақ дерлік түске дейінгі иіссіз бір текті паста тәрізді масса.

Шығарылу түрі және қаптамасы

225 г препараттан МемСТ 33756-2016 бушондары бар біріктірілген материалдардан жасалған және алюминий негізіндегі сықпа аузына термодәнекерленетін жеңіл алынатын жалғағыш (жарғақша) түріндегі алғаш ашылуы бақыланатын ламинатты сықпаларға салынады.

22,5 г алюминий фольга және үлбір негізіндегі біріктірілген екі қабат материалдан жасалған пакеттерде.

Әрбір сықпа немесе 22,5 г 10 пакет медициналық қолдану жөніндегі қазақ және орыс тілдеріндегі нұсқаулықпен бірге МемСТ 33781-2016 бойынша лакталған, офсеттік баспа тәсілімен мөрленген тұтынушы ыдысына арналған картон қорапшаға салынады.

Сақтау мерзімі

3 жыл.

Жарамдылық мерзімі өткеннен кейін қолдануға болмайды.

Сақтау шарттары

4°С-ден  төмен емес және  30°C-ден аспайтын температурада сақтау керек.

Алғаш ашқаннан кейін тығыз жабылған қаптамада сақтау керек.

Мұздатып қатыруға болмайды.

Балалардың қолы жетпейтін жерде сақтау керек!

Дәріханалардан босатылу шарттары

Рецептісіз.

Өндіруші туралы мәліметтер

«ТНК СИЛМА» ЖШҚ

399851, Ресей, Липецк обл., Данков қ., Л.Толстой көш., 32/2 үй

Тел./факс: (495)223-91-00 www.enterosgel.ru

e-mail: contact@enterosgel.ru

Тіркеу куәлігінің ұстаушысы

«ФАРМАСИЛ» ЖШҚ

115573, Ресей, Мәскеу қ., Шипиловская көш., 50 үй, 1 корп., 2 құр., 1 қаб.,

I орын жай, 5 бөл.

Тел./факс: +7 (499) 782-61-96

e-mail: contact@enterosgel.ru

Қазақстан Республикасы аумағында тұтынушылардан дәрілік заттар сапасына қатысты шағымдар (ұсыныстар) қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон, электрондық пошта)

«Pharmaline» ЖШС, Қазақстан Республикасы, Алматы қ., Шамиева көш., 11.

Тел./факс: +7 (727) 338 48 14 (қос.111), +7 (727) 338 48 15

e-mail: pvppharmaline@pharmaline.kz