Эналаприл (10 мг)

• русский
• қазақша

• Скачать инструкцию медикамента

Саудалық атауы

Эналаприл

Халықаралық патенттелмеген атауы

Эналаприл

Дәрілік түрі

10 мг таблеткалар

Құрамы

Бір таблетканың құрамында

белсенді зат – 10 мг эналаприл малеаты,

қосымша заттар: starlac*, кросповидон (полипласдон XL10), кальций стеараты, натрий гидрокарбонаты.

* - лактоза моногидратының 85 бөлігінен (ЕФ/АҚШ Ф) және жүгері крахмалының 15 бөлігінен тұратын (ЕФ/АҚШ Ф) құрамында ГМО жоқ қоспа

Сипаттамасы

Ойығы мен сызығы бар, жалпақ цилиндр пішінді ақ түсті таблеткалар.

Фармакотерапиялық тобы

Ренин-ангиотензин жүйесіне әсер ететін препараттар.

Ангиотензин өзгертуші фермент (АӨФ) тежегіштері.

АТЖ коды С09АА02

Фармакологиялық қасиеттері

Фармакокинетикасы

Ішке қабылдағаннан кейін препараттың 60-ға жуығы сіңеді. Тамақтану сіңуіне әсер етпейді. Қан плазмасында ең жоғары концентрациясына 3-4 сағаттан соң жетеді. Эналаприл бауырда белсенді метаболит – эналаприлатты түзе отырып, жылдам және толығымен гидролизденеді, ал оның ең жоғары концентрациясы препаратты ішке қабылдағанан кейін 4-6 сағаттан соң байқалады. Негізінен бүйрекпен шығарылады. Эналаприлдің жартылай шығарылу кезеңі 11 сағатты құрайды әрі бүйрек жеткіліксіздігі кезінде ұзарады.

Фармакодинамикасы

Эналаприлдің әсер ету механизмі ангиотензин-ІІ түзілуінің азаюына әкелетін, қан тамырларының тарылуына және бір мезгілде тамыр кеңейткіш әсері бар кининдер мен простациклиннің түзілуі белсенділігіне ықпал ететін ангиотензин өзгертуші фермент белсенділігін бәсеңдетумен байланысты. Эналаприл сондай-ақ, альдостерон синтезін орташа бәсеңдетумен байланысты біраз диуретикалық әсер береді. Препарат артериялық қысымды төмендетумен қатар жүрек жеткіліксіздігі кезінде миокард алды- және одан кейінгі жүктемелерді азайтады, шағын шеңбер мен тыныс алу қызметінің қан айналымын жақсартады, бүйрек тамырларындағы қарсыластықты төмендетеді.

Қолданылуы

- артериялық гипертензияда (оның ішінде реноваскулярлық)

- созылмалы жүрек жеткіліксіздігінде (біріктірілген ем құрамында)

Қолдану тәсілі және дозалары

Эналаприл тамақтану уақытына байланыссыз ішке қабылдауға тағайындалады.

Артериялық гипертония кезінде бастапқы дозасында тәулігіне 1 рет 5 мг тағайындайды.

Гипотензивті әсері айқындылығының жеткіліксіздігі кезінде дозаны тәулігіне 2 қабылдауға 10-20 мг дейін көбейтуге болады.

Ең жоғары тәуліктік доза - 40 мг.

Реноваскулярлы гипертензияда препаратты аз дозаларда тағайындайды (ангиотензин өзгерткіш ферментті тежеуге өте сезімталдығына байланысты).

Бастапқы доза әдетте күніне 5 мг құрайды, содан соң дозаны жекелей таңдайды, тәуліктік доза 20 мг аспауы тиіс (бір қабылдауға).

Жүректің созылмалы жеткіліксіздігінде бастапқы доза тәулігіне 1 рет 2.5 мг құрайды, сосын дозаны 10-20 мг дейін (1-2 қабылдауға) біртіндеп жоғарылатады.

Артериялық қысым шамадан тыс төмендеген барлық жағдайларда дозаны төмендетеді.

Дәрігердің тағайындауы бойынша қолданылады.

Жағымсыз әсерлері

• артериялық гипотензия (ортостатикалық гипотензия), естен тану, стенокардия, төс артындағы аритмия ауыруы, тахикардия, миокард инфарктісі, церебральді инсульт, флебиттер

• протеинурия, гиперкалиемия, бауыр трансаминазалары белсенділігінің артуы, қандағы билирубин концентрациясының жоғарылауы, нейтропения, гемоглобиннің, гематокрит және/немесе лейкоциттердің төмендеуі

• бас айналу, бас ауыру, шаршау сезімі, әлсіздік, сананың шатасуы

• жөтел, бронх түйілуі, фарингит, дауыстың өзгеруі, өкпедегі инфильтраттар

• ауыздың құрғауы, жүрек айну, іш өту, дәм сезудің өзгеруі, анорексия, диарея, іш қату, трансаминазалар белсенділігінің жоғарылауы, сирек – холестатикалық сарғаю, гепатит, панкреатит, стоматит

Сирек

• панкреатит

• анемия, лейкопения, тромбоцитопения, агранулоцитоз

• фотосенсибилизация, эксфолиативті дерматит, Стивенс - Джонсон синдромы

• бұлшықеттердің түйілуі

• бүйрек қызметінің бұзылуы

• нейтропения

• тері бөртпесі, ангионевротикалық ісіну

• қызыл жегі тәріздес синдромның дамуы (дене температурасының көтерілуі, артралгия, миалгия, серозит, васкулит, ЭШЖ жоғарылауы, лейкоцитоз, эозинофилия)

• жоғары дозада пайдаланғанда – жоғары жүйке қозғыштығы, депрессия, тепе-теңдіктің бұзылуы, құлақтағы шуыл, шаш түсу

Қолдануға болмайтын жағдайлар

- эналаприлге және басқа да АӨФ тежегіштеріне немесе препараттың басқа компоненттеріне жоғары сезімталдық

- сыртартқысындағы ангионевротикалық ісіну

- порфирия

- бастапқы гиперальдостеронизм

- бүйрек артериясының екіжақты стенозы немесе бір бүйректің бүйректік артерия стенозы кезінде күшейіп келе жатқан азотемия

- бүйрек трансплантациясынан кейінгі жағдай

- гиперкалиемия

- аортальді немесе митральді клапан стенозы, гипертрофикалық кардиомиопатия

- коллагеноздар

- жүктілік және лактация кезеңі

- балалар мен 18 жасқа дейінгі жасөспірімдер

Дәрілермен өзара әрекеттесуі

Препарат аутоиммунды ауруларда, бауыр мен бүйрек қызметінің бұзылуларында, сұйықтық пен тұздарды жоғалту кезінде салуретиктер және иммунодепрессанттармен бір мезгілде сақтықпен қолданылады. Алдында салуретиктермен емделген жағдайда, оның ішінде созылмалы жүрек жеткіліксіздігі бар науқастарда ортостатикалық гипотонияның даму қаупі артады, сондықтан эналаприлмен емдеуді бастар алдында жоғалтқан сұйықтық пен тұздардың орны толтырылуы қажет.

Қабынуға қарсы стероидты емес дәрілермен бір мезгілде қолданғанда олардың әсері төмендеуі мүмкін; калий жинақтаушы диуретиктермен – гиперкалиемия болуы; литий тұздарымен – литийдің шығарылуы баяулауы мүмкін. Алкоголь препараттың гипотензиялық әсерін күшейтеді.

Айрықша нұсқаулар

Бүйрек қызметі төмендеген наустарда бір реттік дозаны азайтқан немесе препаратты қабылдаудың аралығын ұзартқан жөн. Препаратты аутоиммунды ауруларда, бүйрек пен бауыр қызметтерінің бұзылуында, сұйықтық пен тұздарды жоғалтқанда, иммунодепрессанттар және салуретиктермен бір мезгілде айрықша абайлап қолдану керек. Алдында салуретиктермен емделген жағдайда, оның ішінде созылмалы жүрек жеткіліксіздігі бар науқастарда ортостатикалық гипотония даму қаупін арттырады, сондықтан эналаприлмен емдеуді бастар алдында жоғалтқан сұйықтық пен тұздардың орны толтырылуы қажет

Ұзақ емдеу үдерісінде шеткергі қан көрінісін бақылау ұсынылады. Қалқанша безі маңы қызметін зерттеудің алдында Эналаприлді тоқтатқан жөн.

Дәрілік заттың көлік құралдарын немесе қауіптілігі зор механизмдерді басқару қабілетіне әсер ету ерекшеліктері

Автокөлік жүргізу немесе қозғалатын механизмдермен жұмыс істеу кезінде сақ болған жөн.

Артық дозаланғанда

Симптомдары: артериялық гипотензия

Емі: артериялық қысымы шамадан тыс төмендеп кетсе, науқасты қатаң түрде көлденеңінен (басын аласа етіп) жатқызу керек. Артынан белсенділендірілген көмір тағайындай отырып, асқазанды шаю. Стационар жағдайында АҚ тұрақтандыруға бағытталған іс-шаралар: көктамыр ішіне физиологиялық ерітінді немесе плазма алмастырғыштар енгізу жүргізіледі.

Шығарылу түрі және қаптамасы

10 таблеткадан поливинилхлоридті немесе ұқсас импорттық үлбірден және баспалы лакталған немесе ұқсас импорттық алюминий фольгадан жасалған пішінді ұяшықты қаптамада.

Пішінді ұяшықты қаптамалар медицинада қолданылуы жөніндегі мемлекеттік және орыс тілдеріндегі нұсқаулықтардың сәйкес санымен бірге гофрланған картон жәшікке салынады.

Сақтау шарттары

Құрғақ, жарықтан қорғалған жерде, 25оС-ден аспайтын температурада сақтау керек.

Балалардың қолы жетпейтін жерде сақтау керек!

Сақтау мерзімі

2 жыл

Жарамдылық мерзімі өткеннен кейін пайдалануға болмайды.

Дәріханалардан босатылу шарттары

Рецепт арқылы

Өндіруші

«Павлодар фармацевтикалық зауыты» ЖШС

Қазақстан, Павлодар қ., 140011, Қамзин к-сі, 33

Тіркеу куәлігінің иесі

«Павлодар фармацевтикалық зауыты» ЖШС, Қазақстан

Қазақстан Республикасы аумағында тұтынушылардан өнім (тауар) сапасына қатысты шағымдар қабылдайтын ұйымның мекенжайы:

«Павлодар фармацевтикалық зауыты» ЖШС, Қазақстан, 140011, Павлодар қ., Қамзин к-сі, 33, Тел./факс 8 (7182) 50-04-01/50-10-25