Эмтрицитабин/Тенофовир

Эмтрицитабин/Тенофовир

Жоқ

Үлбірлі қабықпен қапталған таблеткалар, 200 мг/300 мг

Бір таблетканың құрамында

белсенді заттар: 200 мг эмтрицитабин, 300мг тенофовир дизопроксилі фумараты (245 мг тенофовир дизопроксиліне баламалы)

қосымша заттар: микрокристалды целлюлоза, лактоза моногидраты, натрий кроскармеллозасы (AC-DI-SOL), желатинделген крахмал, магний стеараты

үлбірлі қабық

Opadry ақ (Y-1-7000)3, тазартылған су

Opadry ақ (Y-1-7000) үлбірлі қабықтың құрамы, пайызбен:

Капсула пішіндес, ақ түсті үлбірлі қабықпен қапталған, екі жағы дөңес, екі беті де тегіс таблеткалар.

Жүйелі қолдануға арналған вирусқа қарсы препараттар. Нуклеозидтер -кері транскриптаза тежегіштері.

АТХ коды J05AF

Фармакокинетикасы

Сіңірілуі: Эмтрицитабиннің және тенофовир дизопроксил фумаратының (200/300 мг) үлбірлі қабықпен қапталған бір таблеткасының және 200 мг эмтрицитабиннің бір қатты капсуласының және 245 мг тенофовир дизопроксил фумаратының үлбірлі қабықпен қапталған бір таблеткасының биобаламалылығы дені сау еріктілердің аш қарынға бір реттік дозаны енгізуінен кейін анықталды. Дені сау еріктілер эмтрицитабин және тенофовир дизопроксил фумаратының таблеткаларын (200/300 мг) ішу арқылы қабылдаған соң эмтрицитабин және тенофовир дизопроксил фумараты тез сіңеді және тенофовир дизопроксил фумараты тенофовирге айналады. Эмтрицитабин мен тенофовирдің ең жоғары концентрациялары ашқарынға енгізуден кейін 0,5-тен 3,0 сағатқа дейінгі диапазонда сарысудан байқалады. Эмтрицитабин мен тенофовир дизопроксил фумараты таблеткаларын (200/300 мг) тамақ ішкен кезде қабылдау тенофовирдің ең жоғары концентрацияларға жетуі сағаттың шамамен төрттен үш бөлігіндей кідіруіне және, ашқарынға қабылдаумен салыстырғанда, құрамында май мөлшері жоғары немесе жеңіл тамақпен қабылдағанда тенофовирдің AUC және Сmax мәндерінің, тиісінше, шамамен 35% және 15% артуына алып келді. Тенофовир сіңуін оңтайландыру үшін эмтрицитабин мен тенофовир дизопроксил фумараты (200/300 мг) таблеткаларын тамақпен бірге қабылдау ұсынылады.

Таралуы: вена ішіне енгізуден кейін эмтрицитабин мен тенофовирдің таралу көлемі, тиісінше, 1,4 л/кг және 800 мл/кг жуықты құрады. Эмтрицитабин немесе тенофовир дизопроксил фумаратын ішу арқылы қолданудан кейін эмтрицитабин мен тенофовир бүкіл организмге кеңінен таралады. Эмтрицитабиннің адам қан плазмасы ақуыздарымен іn vitro байланысуы <4% құрады және 0,02-ден 200 мкг/мл дейінгі диапазонда концентрацияға тәуелді емес. Тенофовирдің плазма немесе қан сарысуы ақуыздарымен in vitro байланысуы тенофовирдің 0,01-ден 25 мкг/мл дейінгі концентрация диапазонында, тиісінше, 0,7 және 7,2%-дан аз болды.

Биотрансформациясы: Эмтрицитабиннің метаболизмі шектеулі. Эмтрицитабин биотрансформациясы диастереомерлер 3’-сульфоксидінің түзілуімен тиол қалдығының тотығуын (дозаның 9% шамасы) және 2’-О-глюкуронидін түзу арқылы глюкурон қышқылымен конъюгациясын (дозаның 4% шамасы) қамтиды. Іn vitro зерттеулер тенофовир дизопроксилі фумараты да, тенофовир де CYP450 ферменттерінің субстраттары емес екенін көрсетті. Эмтрицитабин де, тенофовир де дәрілік заттардың биотрансформациясына қатысатын адамның негізгі CYP450 изоформаларының кез келгені арқылы жүретін дәрілік заттардың in vitro метаболизмін тежемейді. Бұдан басқа, эмтрицитабин глюкурондануға жауап беретін фермент – уридин-5’-дифосфоглюкуронилтрансферазаны тежемейді.

Шығарылуы: Эмтрицитабин негізінен несептегі (86%-ға жуық) және нәжістегі (14%-ға жуық) дозасының толық қалпына келуімен бүйрекпен шығарылады. Эмтрицитабиннің дозасының он үш пайызы несепте үш метаболит түрінде анықталды. Эмтрицитабиннің жүйелі клиренсі орташа алғанда 307 мл/минутты құрады. Эмтрицитабинді ішу арқылы енгізгеннен кейінгі жартылай шығарылу кезеңі 10 сағатқа жуықты құрайды.

Тенофовир негізінен бүйрекпен сүзілу жолымен де, белсенді өзекшелік тасымал жүйесімен де шығарылады; вена ішіне енгізуден кейін дозаның шамамен 70-80%-ы организмнен өзгеріссіз күйде несеппен шығарылады. Тенофовирдің болжамды клиренсі орта есеппен минутына 307 мл-ге жуықты құрайды. Бүйректік клиренсі, берілген баға бойынша, минутына 210 мл-ге жуық, бұл шумақты сүзіліс жылдамдығын арттырады. Бұл белсенді өзекшелік сөліністің тенофовир шығарылуының маңызды бөлігі екенін көрсетеді. Ішу арқылы енгізуден кейін тенофовирдің жартылай шығарылу кезеңі 12-18 сағатқа жуықты құрайды.

Жасы: Эмтрицитабинмен және тенофовирмен егде адамдарда (65 жастан асқан) фармакокинетикалық зерттеулер жүргізілмеген.

Жынысы: Эмтрицитабиннің немесе тенофовирдің фармакокинетикалық параметрлері еркектер мен әйелдерде ерекшеленбейді.

Этникалық тегі: Эмтрицитабин үшін этникалық тегі бойынша фармакокинетикалық параметрлерінің клиникалық елеулі айырмашылықтары анықталған жоқ. Тенофовирдің әртүрлі этникалық топтардағы фармакокинетикасы нақты зерттелмеген.

Балалар: Жалпы алғанда, сәбилердегі, балалар мен жасөспірімдердегі (4 айдан 18 жасқа дейінгі) эмтрицитабиннің фармакокинетикалық параметрлері ересектерде байқалғандарымен ұқсас. Балалар мен жасөспірімдерде (18 жасқа дейінгі) тенофовирмен фармакокинетикалық зерттеулер жүргізілген жоқ.

Бүйрек функциясының бұзылуы: Бүйрек жеткіліксіздігі бар науқастарда эмтрицитабин мен тенофовирді жеке препараттар түрінде немесе эмтрицитабин мен тенофовир дизопроксил фумараты таблеткаларын (200/300 мг) бір мезгілде енгізуден кейінгі фармакокинетикасы бойынша шектеулі деректер бар. Фармакокинетикалық параметрлері негізінен бүйрек функциясының бұзылуы әртүрлі дәрежедегі АИТВ инфекциясын жұқтырмаған пациенттерге 200 мг эмтрицитабин немесе 245 мг тенофовир дизопроксилінің бір реттік дозаларын енгізуден кейін анықталды. Бүйрек жеткіліксіздігінің ауырлық дәрежесі бастапқы креатинин клиренсіне (CrCl) сәйкес анықталды (CrCl > 80 мл/минут кезіндегі бүйректің қалыпты функциясы, CrCl = 50–79 мл/минут кезіндегі бүйрек функциясының жеңіл бұзылуы; CrCl = 30–49 мл/ минут кезіндегі бүйрек функциясының орташа дәрежедегі бұзылуы және креатинин клиренсі = 10-29 мл/ минут кезіндегі бүйрек функциясының ауыр бұзылуы).

Эмтрицитабиннің орташа (%CV) экспозициясы бүйрек функциясы қалыпты пациенттердегі 12 (25%) мкг•сағ./мл-ден бүйрек функциясының болымсыз, орташа және ауыр бұзылулары бар пациенттердегі, тиісінше, 20 (6%) мкг•сағ./мл, 25 (23%) мкг•сағ./мл және 34 (6%) мкг•сағ./мл дейін жоғарылады.

Тенофовирдің орташа (%CV) экспозициясы бүйрек функциясы қалыпты пациенттердегі 2185 (12%) нг•сағ./мл-ден бүйрек функциясы жеңіл, орташа және ауыр бұзылулары бар пациенттердегі, тиісінше, 3064 (30%) нг•сағ./мл, 6009 (42%) нг•сағ./мл және 15985 (45%) нг•сағ./мл дейін жоғарылады.

Бүйрек функциясы орташа бұзылған пациенттерде эмтрицитабин мен тенофовир дизопроксил фумараты (200/300 мг) таблеткаларының дозалар аралығын арттыру, күткендегідей, бүйрек функциясы қалыпты пациенттермен салыстырғанда плазмадағы концентрация шыңының жоғарылауына және Cmin деңгейлерінің төмендеуіне әкеледі. Мұның клиникалық аспектілері белгісіз.

Бүйрек жеткіліксіздігінің терминальді сатысындағы (ТБЖ), гемодиализді қажет ететін пациенттерде, диализ сессиялары арасындағы экспозиция эмтрицитабин үшін 72 сағаттың ішінде 53 (19%) мкг • сағ / мл дейін және тенофовир үшін 48 сағаттан астам уақыт ішінде 42857 (29%) нг • сағ / мл дейін елеулі түрде жоғарылады.

Креатинин клиренсі 30-дан 49 мл /мин дейінгі пациенттер үшін эмтрицитабин және тенофовир дизопроксил фумаратының таблеткаларын (200/300 мг) дозалау аралығын модификациялау ұсынылады. Эмтрицитабин және тенофовир дизопроксил фумараты таблеткалары (200/300 мг) креатинин клиренсі <30 мл / мин пациенттерге немесе гемодиализде жүргендерге жарамайды.

АИТВ инфекциясын жұқтырған, бүйрек жеткіліксіздігі бар пациенттерде эмтрицитабинмен біріктірілген тенофовир дизопроксил фумаратының қауіпсіздігіне, вирусқа қарсы белсенділігі мен фармакокинетикасына баға беру мақсатында шағын клиникалық зерттеу жүргізілді. Бастапқы креатинин клиренсі минутына 50-ден 60 мл дейін, препаратты күніне бір рет қабылдап жүрген пациенттердің қосалқы тобында тенофовир экспозициясы 2-4 есе артты және бүйрек функциясы нашарлады.

Бауыр функциясының бұзылуы: Эмтрицитабин және тенофовир дизопроксил фумараты таблеткаларының (200/300 мг) бауыр функциясы бұзылған пациенттердегі фармакокинетикасы зерттелмеген. Алайда бауыр функциясы бұзылған пациенттер үшін, эмтрицитабин және тенофовир дизопроксил фумараты таблеткаларының (200/300 мг) дозасын түзету қажет болуының ықтималдығы аз.

Бауыр жеткіліксіздігінің әртүрлі дәрежесінде В гепатиті вирусымен инфекцияланбаған еріктілердегі эмтрицитабиннің фармакокинетикасы зерттелмеген. Жалпы, В гепатиті вирусымен инфекцияланған пациенттердегі эмтрицитабиннің фармакокинетикасы дені сау адамдардағы және АИТВ-инфекцияланған пациенттердегі фармакокинетикасына ұқсас болды.

245 мг тенофовир дизопроксил фумаратының бір реттік дозасы АИТВ-инфекцияланбаған, бірақ Чайлд-Пью-Теркотт (ЧПТ) жіктемесі бойынша анықталған бауыр функциясы бұзылуының әртүрлі дәрежесіндегі пациенттерге енгізілді. Тенофовирдің фармакокинетикалық параметрлері бауыр жеткіліксіздігі бар пациенттерде онша өзгерген жоқ, бұл осы пациенттерге дозаны түзету қажет еместігін көрсетеді. Тенофовирдің Cmax және AUC0- орташа мәндері (% CV) бауыр функциясы орташа бұзылған пациенттердегі 289 (46,0%) нг / мл және 2310 (43,5%) нг • сағ / мл, сондай-ақ бауырдың ауыр жеткіліксіздігі бар пациенттердегі 305 (24,8%) нг / мл және 2740 (44,0%) нг • сағ / мл салыстырғанда бауыр функциясы қалыпты пациенттерде тиісінше 223 (34,8%) нг / мл және 2050 (50,8%) нг • сағ / мл құрады.

Фармакодинамикасы

Әсер ету механизмі және фармакодинамикалық әсерлері: Эмтрицитабин цитидиннің аналогы –нуклеозид болып табылады. Тенофовир дизопроксил фумараты табиғи жағдайларда тенофовирге, аденозин монофосфатының аналогы – нуклеозид монофосфатына (нуклеотидке) өзгереді. Екі препарат та, эмтрицитабин және тенофовир, адамның иммун тапшылығы вирусына (АИТВ-1 және АИТВ-2) және B гепатиті вирусына қатысты спецификалық белсенділікке ие.

Эмтрицитабин сияқты, тенофовир де жасуша ферменттері арқылы, сәйкесінше эмтрицитабин трифосфаты мен тенофовир дифосфатын түзе отырып фосфорланады. Пробиркадағы зерттеулер, эмтрицитабиннің де, тенофовирдің де жасушада бір мезгілде толығымен фосфорлана алатындығын көрсетті. Эмтрицитабин трифосфаты мен тенофовир дифосфаты АИТВ-1 кері транскриптазасын бәсекелестік түрде тежеп, ДНҚ тізбегінің үзілуіне алып келеді.

Эмтрицитабин трифосфаты да, тенофовир дифосфаты да сүтқоректілердің ДНҚ-полимеразасының әлсіз тежегіштері болып табылады, митохондрия үшін уыттылығы туралы іn vitro және in vivo деректер жоқ.

Вирусқа қарсы пробиркадағы белсенділігі: In vitro эмтрицитабин мен тенофовирді біріктіргенде вирусты бейтараптандырушы синергетикалық белсенділігі байқалды. Аддитивті синергетикалық әсерлері протеаза тежегіштерімен, сондай-ақ нуклеозидтермен және АИТВ кері транскриптазасының нуклеозидтік емес ұқсас тежегіштерімен біріктірген зерттеулер жүргізген кезде байқалды.

Төзімділік: Төзімділік in vitro және АИТВ инфекцияланған кейбір пациенттерде эмтрицитабин үшін M184V / I мутациясының немесе тенофовир үшін K65R мутациясының дамуына байланысты байқалды. Эмтрицитабинге немесе тенофовирге төзімділіктің басқа ешқандай жолдары анықталған жоқ. Эмтрицитабинге төзімді M184V / I мутациялы вирустар ламивудинге айқаспалы төзімділік көрсетті, бірақ диданозинге, ставудинге, тенофовирге және зидовудинге сезімталдығын сақтады. K65R мутациялары абакавир немесе диданозин үшін де іріктелуі мүмкін және осы агенттерге қоса ламивудин, эмтрицитабин және тенофовирге сезімталдықтың төмендеуіне әкеледі. Тенофовир дизопроксил фумаратын K65R жасырын мутациясы кезінде АИТВ-1 бар пациенттерге тағайындамау керек.

АИТВ инфекциясы мен В гепатиті вирусы ұштасқан пациенттер үшін шектеулі клиникалық тәжірибе АИТВ-инфекцияны бақылау үшін вирусқа қарсы біріктірілген емде эмтрицитабинмен немесе тенофовир дизопроксил фумаратымен емдеу сонымен қатар В гепатиті вирусының ДНҚ төмендеуіне де әкеледі деп болжауға мүмкіндік береді (сәйкесінше 3 log10 қысқаруы немесе 4-тен 5 log10 дейін азаюы).

Балалар: Эмтрицитабин және тенофовир дизопроксил фумараты таблеткаларының (200/300 мг) 18 жасқа дейінгі балалардағы қауіпсіздігі мен тиімділігі анықталмаған.

Эмтрицитабин және тенофовир дизопроксил фумараты таблеткалары (200/300 мг) басқа антиретровирустық препараттармен (нуклеозидтік емес кері транскриптаза тежегіштері немесе протеаза тежегіштері сияқтылармен) бірге 18 жастағы және одан үлкен ересектердегі АИТВ-1 инфекциясын емдеуге ұсынылады.

Ересектер: Эмтрицитабин мен тенофовир дизопроксил фумараты таблеткаларының (200/300 мг) ұсынылған дозасы бір таблетка, оны ішу арқылы, күніне бір рет қабылдайды.

Ерекше топтар

Егде адамдар: 65 жастан асқан пациенттер үшін ұсынылған дозаны анықтауға болатындай қолжетімді деректер жоқ. Алайда, егер бүйрек жеткіліксіздігі фактісі болмаса, ересектер үшін ұсынылған тәуліктік дозаны реттеудің қажеті жоқ.

Бүйрек жеткіліксіздігі: Эмтрицитабин мен тенофовир бүйрек экскрециясы арқылы шығарылады, эмтрицитабиннің және тенофовирдің әсері бүйрек дисфункциясы бар науқастарда көбірек білінеді. Бүйрек дисфункциясы бар науқастарда Эмтрицитабин мен тенофовир дизопроксил фумараты таблеткаларын (200/300 мг), егер емдеудің әлеуетті артықшылықтары әлеуетті қаупінен асып түседі деп саналса ғана пайдалану керек. Бүйрек дисфункциясы бар пациенттерге бүйрек функциясын мұқият бақылау қажет болуы мүмкін. Креатинин клиренсі 30 және 49 мл/мин арасындағы пациенттер үшін дозаларды қабылдау аралығын реттеу ұсынылады.

Орташа бүйрек жеткіліксіздігі (креатинин клиренсі 30-49 мл/мин): Бүйрек жеткіліксіздігі әртүрлі дәрежедегі АИТВ-инфекцияланбаған субъектілерде Эмтрицитабин және тенофовир дизопроксил фумараты үшін бір реттік дозаның фармакокинетикалық деректерін модельдеу негізінде, Эмтрицитабин және тенофовир дизопроксил фумараты таблеткаларын (200/300 мг) әр 48 сағатта тағайындау ұсынылады.

Ауыр бүйрек жеткіліксіздігі (креатинин клиренсі <30 мл / мин) және пациенттер гемодиализі: Эмтрицитабин және тенофовир дизопроксил фумараты таблеткалары (200/300 мг) ауыр бүйрек жеткіліксіздігі бар (креатинин клиренсі <30 мл / мин), сондай-ақ гемодиализді қажет ететін пациенттер үшін ұсынылмайды, өйткені біріктірілген таблетканы пайдаланған кезде тиісінше төмендетілген дозаны алу мүмкін емес.

Бауыр жеткіліксіздігі: бауыр функциясы бұзылған пациенттерде эмтрицитабин және тенофовир дизопроксил фумараты таблеткалары (200/300 мг) үшін дозаны түзету қажет емес.

АИТВ және гепатитті бір мезгілде жұқтырған науқастарда Эмтрицитабин және тенофовир дизопроксил фумараты таблеткаларын (200/300 мг) қабылдау тоқтатылса, бұл пациенттерде гепатиттің өршуі бар-жоқтығын мұқият тексеру қажет.

Балалар популяциясы: Эмтрицитабин және тенофовир дизопроксил фумараты таблеткаларының (200/300 мг) 18 жасқа дейінгі балалардағы қауіпсіздігі мен тиімділігі анықталмаған.

Қолдану тәсілі

Эмтрицитабин және тенофовир дизопроксил фумараты таблеткаларын (200/300 мг) күніне бір рет, ішу арқылы тамақпен бірге қабылдау керек.

Жағымсыз реакциялардың жиынтық кестесі

Клиникалық зерттеулерден және препарат нарыққа шыққаннан кейінгі зертеулерден алынған эмтрицитабин және тенофовир дизопроксил фумараты таблеткаларының (200/300 мг) компоненттерімен емдеумен неғұрлым байланысты болуы мүмкін жағымсыз реакциялар төмендегі 1-кестеде дене мүшелері жүйелерінің типі және пайда болу жиілігі бойынша келтірілген. Әрбір жиілік тобының шегінде жағымсыз реакциялар ауырлық дәрежесінің кему ретімен берілген. Жиіліктері өте көп таралған (1/10), таралған (1/100 - <1/10 дейін), таралмаған (1/1000 - <1/100 дейін) немесе сирек (1/10 000 - <1/1000 дейін) деп анықталады.

1-кесте: Эмтрицитабин және тенофовир дизопроксил фумаратының, таблетканың (200/300 мг) жеке компоненттерімен байланысты жағымсыз реакциялардың клиникалық зерттеулерге және постмаркетингтік тәжірибеге негізделген жиынтық кестесі

- фармацевтикалық субстанцияларға немесе қосымша заттардың кез келгеніне аса жоғары сезімталдық

Оппортунистік инфекциялар. Эмтрицитабин және тенофовир дизопроксил фумараты таблеткаларын (200/300 мг) қабылдаған пациенттер оппортунистік инфекцияларды және басқа АИТВ-инфекцияның асқынуларын одан әрі жұқтыру қаупіне ұшырауы мүмкін, сондықтан да дәрігерлердің мұқият клиникалық бақылауында қалуы тиіс.

Бүйрек функциясының бұзылуы: Бүйрек жеткіліксіздігі, бүйрек функциясының бұзылуы, креатининнің артуы, гипофосфатемия және проксимальді тубулопатия (Фанкони синдромын қоса) тенофовир дизопроксил фумаратын клиникалық тәжірибеде тағайындаған кезде тіркелген.

Бүйрек функциясының бұзылуы бар пациенттер (креатинин клиренсі <80 мл / мин), гемодиализдегі пациенттерді қоса: Эмтрицитабин және тенофовир дизопроксил фумараты таблеткаларын (200/300 мг) ауыр бүйрек жеткіліксіздігі бар (креатинин клиренсі <30 мл / мин) пациенттерге және гемодиализді қажет ететін пациенттерге пайдалану ұсынылмайды, өйткені біріктірілген таблетканы пайдаланғанда дозаны төмендетуді тағайындау арқылы тиісті нәтижеге жету мүмкін емес.

Эмтрицитабин және тенофовир дизопроксил фумараты таблеткаларын (200/300 мг) нефроуытты дәрілік заттарды қатарлас немесе жақын арада қолданған кезде пайдаланудан аулақ болу керек. Эмтрицитабин мен тенофовир дизопроксил фумараты таблеткаларын (200/300 мг) және нефроуытты агенттерді пайдалануға тура келсе, бүйрек функциясын апта сайын бақылау қажет.

АИТВ 1 мутациясы бар пациенттерге: K65R мутациясы бар АИТВ-1 антиретровирустық пациенттер Эмтрицитабин мен тенофовир дизопроксил фумараты таблеткаларын (200/300 мг) қабылдаудан аулақ болуы тиіс.

АИТВ және В немесе С типті гепатитін қатарлас жұқтырған пациенттер

Антиретровирустық емнен өтетін В немесе С созылмалы гепатиті бар пациенттер бауыр тарапынан болатын ауыр немесе өлімге әкелу ықтималдығы зор жағымсыз реакциялардың жоғары қаупіне ұшырайды.

АИТВ және гепатитпен қатар инфекцияланған пациенттерде Эмтрицитабин мен тенофовир дизопроксил фумараты таблеткаларын (200/300 мг) қабылдауды тоқтату гепатиттің ауыр жедел ұстамаларымен байланысты болуы мүмкін. АИТВ және гепатитпен қатар инфекцияланған, Эмтрицитабин мен тенофовир дизопроксил фумараты таблеткаларын (200/300 мг) қабылдауды тоқтататын пациенттерге клиникалық және зертханалық бақылау арқылы, емдеуді тоқтатудан кейін кем дегенде бірнеше ай бойы мұқият бақылау орнатылуы тиіс. Қажет болған жағдайда В гепатитін емдеуді жаңғыртуға болады. Бауыр ауруы үдеген немесе циррозға шалдыққан пациенттерге емдеуді тоқтату ұсынылмайды, өйткені емдеуден кейін гепатит өршуі бауыр жеткіліксіздігіне әкелуі мүмкін.

Лактацидоз: лактацидозды, әдетте, бауыр стеатозымен байланыстырады, нуклеозидтік аналогтарды пайдаланған кезде тіркелген. Ерте білінетін симптомдары (симптоматикалық гиперлактатемия) әлсіз әсер ететін асқорыту симптомдарын (жүрек айну, құсу және іштің ауыруы), спецификалық емес дімкәстік, тәбеттің жоғалуы, салмақтың азаюы, респираторлық симптомдарды (жылдам және/немесе терең тыныс алу) немесе неврологиялық симптомдарды (моторлық әлсіздікті қоса) қамтиды. Лактацидоз өлімнің жоғарылығымен сипатталады және панкреатитпен, бауыр немесе бүйрек жеткіліксіздігімен байланысты болуы мүмкін. Лактацидоз әдетте кейбір немесе бірнеше айлық емдеуден кейін пайда болады.

Симптоматикалық гиперлактатемия және метаболизмдік/лактацидоз, үдемелі гепатомегалия немесе аминотрансфераза деңгейінің қарқынды түрде жоғарылауы аясында нуклеозидтік аналогтармен емдеуді тоқтату керек.

Нуклеозидтік аналогтарды гепатомегалиясы, гепатиті немесе басқа бауыр ауруларының белгілі қауіп факторлары және бауыр стеатозы бар (белгілі бір дәрілік заттарды алкогольді қоса) кез келген пациентке (әсіресе семіздіктен зардап шегетін әйелдерге) тағайындаған кезде сақ болу керек. С гепатитімен қатарлас инфекцияланған әрі альфа-интерферонмен және рибавиринмен емделіп жүрген пациенттер ерекше қауіпте болы мүмкін.

Қаупі жоғары пациенттерді мұқият бақылауға алу қажет.

Липодистрофия: біріктірілген антиретровирустық ем АИТВ бар пациенттерде майдың қайта таралуымен (липодистрофия) байланысты болды. Бұл оқиғалардың ұзақ мерзімдік салдарлары қазіргі уақытта белгісіз. Емнің механизмі туралы білімдер толық емес.

Иммундық қайта белсенділену синдромы:

В гепатиті вирусын қатар жұқтырған АИТВ-инфекцияланған пациенттер антиретровирустық емді бастағаннан кейін иммундық қайта белсенділену синдромына байланысты жедел гепатит ұстамаларын бастан кешуі мүмкін.

Остеонекроз: Егер пациенттер буынның сырқырауы мен ауыруын, буындардың қарысуын немесе қозғалудың қиындығын сезінсе, дәрігерге көрінгендері жөн.

Егде адамдар: Эмтрицитабин және тенофовир дизопроксил фумараты таблеткалары (200/300 мг) 65 жастан асқан пациенттер арасында зерттелмеген. Егде жастағы пациенттерде бүйрек функциясының төмендеу ықтималдығы зор; Сондықтан егде пациенттерді Эмтрицитабин және тенофовир дизопроксил фумараты таблеткаларымен (200/300 мг) емдеу кезінде сақ болу қажет.

Оппортунистік инфекциялар. Эмтрицитабин және тенофовир дизопроксил фумараты таблеткаларын (200/300 мг) қабылдап жүрген пациенттерде оппортунистік инфекциялар мен АИТВ инфекциясының басқа асқынуларының дамуы жалғасуы мүмкін, сондықтан да олар дәрігерлердің жіті клиникалық бақылауында болуы тиіс.

Бүйрек функциясының бұзылуы: Бүйрек жеткіліксіздігі, бүйрек функциясының бұзылуы, креатининнің жоғарылауы, гипофосфатемия және проксимальді тубулопатия (Фанкони синдромын қоса) тенофовир дизопроксил фумаратын клиникалық тәжірибеде тағайындаған кезде тіркелген.

Бүйрек функциясының бұзылулары бар (креатинин клиренсі <80 мл/мин) пациенттер, гемодиализде жүрген пациенттерді қоса: Эмтрицитабин мен тенофовир дизопроксил фумарат таблеткаларын (200/300 мг) ауыр бүйрек жеткіліксіздігі бар (креатинин клиренсі <30 мл/мин) пациенттерге және гемодиализ қажет болатын пациенттерге қолдану ұсынылмайды, өйткені біріктірілген таблетканы пайдаланып дозаны төмендетуді тағайындағанда тиісті нәтижеге жету мүмкін емес.

Эмтрицитабин және тенофовир дизопроксил фумараты таблеткаларын (200/300 мг) нефроуытты дәрілік заттарды қатарлас немесе жақын арада қолданған кезде пайдаланудан аулақ болу керек. Эмтрицитабин мен тенофовир дизопроксил фумараты таблеткаларын (200/300 мг) және нефроуытты агенттерді пайдалануға тура келсе, бүйрек функциясын апта сайын бақылау қажет.

АИТВ 1 мутациясы бар пациенттерге: K65R мутациясы бар АИТВ-1 антиретровирустық пациенттер Эмтрицитабин мен тенофовир дизопроксил фумараты таблеткаларын (200/300 мг) қабылдаудан аулақ болуы тиіс.

АИТВ және В немесе С типті гепатитін қатарлас жұқтырған пациенттер

Антиретровирустық емнен өтетін В немесе С созылмалы гепатиті бар пациенттер бауыр тарапынан болатын ауыр немесе өлімге әкелу ықтималдығы зор жағымсыз реакциялардың жоғары қаупіне ұшырайды.

АИТВ және гепатитпен қатар инфекцияланған пациенттерде Эмтрицитабин мен тенофовир дизопроксил фумараты таблеткаларын (200/300 мг) қабылдауды тоқтату гепатиттің ауыр жедел ұстамаларымен байланысты болуы мүмкін. АИТВ және гепатитпен қатар инфекцияланған, Эмтрицитабин мен тенофовир дизопроксил фумараты таблеткаларын (200/300 мг) қабылдауды тоқтататын пациенттерге клиникалық және зертханалық бақылау арқылы, емдеуді тоқтатудан кейін кем дегенде бірнеше ай бойы мұқият бақылау орнатылуы тиіс. Қажет болған жағдайда В гепатитін емдеуді жаңғыртуға болады. Бауыр ауруы үдеген немесе циррозға шалдыққан пациенттерге емдеуді тоқтату ұсынылмайды, өйткені емдеуден кейін гепатит өршуі бауыр жеткіліксіздігіне әкелуі мүмкін.

Лактацидоз: лактацидозды, әдетте, бауыр стеатозымен байланыстырады, нуклеозидтік аналогтарды пайдаланған кезде тіркелген. Ерте білінетін симптомдары (симптоматикалық гиперлактатемия) әлсіз әсер ететін асқорыту симптомдарын (жүрек айну, құсу және іштің ауыруы), спецификалық емес дімкәстік, тәбеттің жоғалуы, салмақтың азаюы, респираторлық симптомдарды (жылдам және/немесе терең тыныс алу) немесе неврологиялық симптомдарды (моторлық әлсіздікті қоса) қамтиды. Лактацидоз өлімнің жоғарылығымен сипатталады және панкреатитпен, бауыр немесе бүйрек жеткіліксіздігімен байланысты болуы мүмкін. Лактацидоз әдетте кейбір немесе бірнеше айлық емдеуден кейін пайда болады.

Симптоматикалық гиперлактатемия және метаболизмдік/лактацидоз, үдемелі гепатомегалия немесе аминотрансфераза деңгейінің қарқынды түрде жоғарылауы аясында нуклеозидтік аналогтармен емдеуді тоқтату керек.

Нуклеозидтік аналогтарды гепатомегалиясы, гепатиті немесе басқа бауыр ауруларының белгілі қауіп факторлары және бауыр стеатозы бар (белгілі бір дәрілік заттарды алкогольді қоса) кез келген пациентке (әсіресе семіздіктен зардап шегетін әйелдерге) тағайындаған кезде сақ болу керек. С гепатитімен қатарлас инфекцияланған әрі альфа-интерферонмен және рибавиринмен емделіп жүрген пациенттер ерекше қауіпте болы мүмкін.

Қаупі жоғары пациенттерді мұқият бақылауға алу қажет.

Липодистрофия: біріктірілген антиретровирустық ем АИТВ бар пациенттерде майдың қайта таралуымен (липодистрофия) байланысты болды. Бұл оқиғалардың ұзақ мерзімдік салдарлары қазіргі уақытта белгісіз. Емнің механизмі туралы білімдер толық емес.

Иммундық қайта белсенділену синдромы:

В гепатиті вирусын қатар жұқтырған АИТВ-инфекцияланған пациенттер антиретровирустық емді бастағаннан кейін иммундық қайта белсенділену синдромына байланысты жедел гепатит ұстамаларын бастан кешуі мүмкін.

Остеонекроз: Егер пациенттер буынның сырқырауы мен ауыруын, буындардың қарысуын немесе қозғалудың қиындығын сезінсе, дәрігерге көрінгендері жөн.

Егде адамдар: Эмтрицитабин және тенофовир дизопроксил фумараты таблеткалары (200/300 мг) 65 жастан асқан пациенттер арасында зерттелмеген. Егде жастағы пациенттерде бүйрек функциясының төмендеу ықтималдығы зор; Сондықтан егде пациенттерді Эмтрицитабин және тенофовир дизопроксил фумараты таблеткаларымен (200/300 мг) емдеу кезінде сақ болу қажет.

Жүктілік

Жүкті әйелдер туралы деректердің шектеулі көлемі (жүктіліктің 300-ден 1000-ға дейінгі нәтижесі) Эмтрицитабин және тенофовир дизопроксил фумаратымен байланысты шаранаға/жаңа туған нәрестеге уытты әсер етуінің немесе даму ақауларының жоқ екенін көрсетеді. Эмтрицитабин және тенофовир дизопроксил фумаратын қолдану бойынша жануарлардағы зерттеулер ұрпақ өрбіту функциясына уытты әсерін көрсеткен жоқ. Сондықтан, қажет болса жүктілік кезінде эмтрицитабин және тенофовир дизопроксил фумараты таблеткаларын (200/300 мг) пайдалануға болады.

Бала емізу

Эмтрицитабин мен тенофовирдің ана сүтіне бөлінетіні көрсетілген. Эмтрицитабин мен тенофовирдің жаңа туған нәрестелерге/емшектегі сәбилерге әсер етуі туралы ақпарат жеткіліксіз. Сондықтан эмтрицитабин және тенофовир дизопроксил фумараты таблеткаларын (200/300 мг) бала емізу кезеңінде пайдаланбау керек.

Әдетте, АИТВ инфекциясын жұқтырған әйелдерге сәбиге АИТВ берілуінен сақтану үшін ешқашанда бала емізуге кеңес берілмейді.

Ұрпақ өрбіту функциясы

Эмтрицитабин мен тенофовир дизопроксил фумараты таблеткаларының (200/300 мг) әсері туралы мәліметтер жоқ. Жануарлардағы зерттеулер эмтрицитабиннің немесе тенофовир дизопроксил фумаратының ұрпақ өрбіту функциясына зиянды әсерін көрсетпейді.

Дәрілік заттың көлік құралын және басқа қауіптілігі зор механизмдерді басқару қабілетіне ықпал ету ерекшеліктері

Автокөлікті жүргізу және механизмдермен жұмыс істеу қабілетіне әсер етуіне қатысты ешқандай зерттеулер жүргізілмеген. Алайда эмтрицитабинмен де, тенофовир дизопроксил фумаратымен де емделу кезінде бас айналу жөнінде хабарламалар болғанынан пациенттерді хабардар ету керек.

Артық дозалану жағдайында пациентті уыттану белгілеріне қатысты бақылау қажет (жағымсыз реакциялар бөлімін қараңыз), және қажеттілігіне қарай, стандартты демеуші ем тағайындау керек.

Эмтрицитабиннің 30%-ға дейінгі дозасы және шамамен 10% тенофовир дозасы гемодиализ көмегімен шығарылуы мүмкін. Эмтрицитабин немесе тенофовир перитонеальді диализдің көмегімен шығарыла ма, жоқ па, белгісіз.

Шығарылу түрі және қаптамасы

30 таблеткадан тығыздығы жоғары полиэтиленнен (HDPE) дайындалған, бұралып жабылатын ақ түсті қақпақшасы бар, алғашқы ашылуы бақыланатын ақ түсті пластик құтыға салынады. Құтыда ылғал сіңіргіш силикагель болады.

1 құтыдан медициналық қолдану жөніндегі мемлекеттік және орыс тілдеріндегі нұсқаулықпен бірге картон қорапшаға салынады.

Түпнұсқалық қаптамасында, жарықтан қорғалған жерде, 25 °С-ден аспайтын температурада.

Балалардың қолы жетпейтін жерде сақтау керек!

2 жыл

Қаптамасында көрсетілген жарамдылық мерзімі өткеннен кейін қолдануға болмайды.

Рецепт арқылы

Өндіруші ұйымның және қаптаушы ұйымның атауы және елі

Strides Pharma Science Limited

36/7, Сурагаджакканахалли,

Индлавади Кросс, Анекал Талук,

Бангалор-562 106, ҮНДІСТАН.

Тіркеу куәлігін ұстаушысының атауы және елі

Strides Pharma Science Limited

«Strides House» Bilekahalli,

Bannerghatta Road,

Бангалор – 560 076, ҮНДІСТАН

Қазақстан Республикасы аумағында тұтынушылардан дәрілік заттың сапасына қатысты шағымдарды қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымның мекенжайы:

ЖК «Попова Татьяна Александровна», 050004 Қазақстан Республикасы, Алматы қ., Алмалы ауд, Абылай Хан даңғылы 30-35

Тел.:  +7 771 300 99 07, e-mail: popovakz@gmail.com