Эдарби Кло (40мг/12,5мг)

МНН: Азилсартана медоксомил, Хлорталидон
Производитель: Такеда Фармасьютикал Компани Лтд., Осака Плант
Анатомо-терапевтическо-химическая классификация: Азилсартан медоксомила и диуретики
Номер регистрации в РК: № РК-ЛС-5№121965
Период регистрации: 15.01.2016 - 15.01.2021

Инструкция

Саудалық атауы

Эдарби Кло

Халықаралық патенттелмеген атауы

Жоқ

Дәрілік түрі

Үлбірлі қабықпен қапталған таблеткалар, 40 мг/12,5 мг және 40 мг/25 мг

Құрамы

40 мг/12,5 мг 1 таблетканың құрамында

белсенді заттар: 42,68 мг калийдің азилсартан медоксомилі (40,0 мг азилсартан медоксомилінің бос қышқылына баламалы)

12,5 мг хлорталидон

қосымша заттар: маннитол, микрокристалды целлюлоза, фумар қышқылы, натрий гидроксиді, гидроксипропилцеллюлоза, кросповидон, магний стеараты

Үлбірлі қабығы: гипромеллоза 2910, титанның қостотығы (Е 171), тальк, полиэтиленгликоль 8000, темірдің қызыл тотығы (Е 172), тазартылған сұр сия F1 *

40 мг/25 мг 1 таблетканың құрамында

белсенді заттар: 42,68 мг калийдің азилсартан медоксомилі (40,0 мг азилсартан медоксомилінің бос қышқылына баламалы)

хлорталидон 25 мг

қосымша заттар: маннитол, микрокристалды целлюлоза, фумар қышқылы, натрий гидроксиді, гидроксипропилцеллюлоза, кросповидон, магний стеараты

Үлбірлі қабығы: гипромеллоза 2910, титанның қостотығы (Е 171), тальк, полиэтиленгликоль 8000, темірдің қызыл тотығы (Е 172), тазартылған сұр сия F1 *

құрамы

Сипаттамасы

Дөңгелек, екі беті дөңес, бозғылт-қызғылт түсті үлбірлі қабықпен қапталған таблеткалар, таблетканың бір жағында «А/С» және «40/12.5» жазуы бар (40 мг/12.5 мг дозасы үшін).

Дөңгелек, екі беті дөңес, сұрғылттау-қызғылт түсті үлбірлі қабықпен қапталған, таблетканың бір жағында «А/С» және «40/25» жазуы бар (40 мг/25 мг дозасы үшін).

Фармакотерапиялық тобы

Ренин-ангиотензин жүйесіне әсер ететін препараттар. Ангиотензин II антагонистері басқа препараттармен біріктірілімде. Ангиотензин II антагонистері диуретиктермен біріктірілімде. Азилсартан медоксимилі және диуретиктер.

АТХ коды: C09DA09

Фармакологиялық қасиеттері

Фармакокинетикасы

Сіңуі

Эдарби Клоны ішке қабылдағаннан кейін, азилсартан мен хлорталидон плазмадағы шыңдық концентрацияларына сәйкесінше 3 және 1 сағаттан соң жетеді. Азилсартанның сіңу жылдамдығы (Cmax пен Tmax) мен дәрежесі (AUC) оны хлорталидонмен бірге және онсыз қабылдаған кездегіге ұқсас. Хлорталидонның AUC оны азилсартан медоксомилімен бірге және онсыз қабылдаған кездегіге ұқсас; алайда хлорталидонның Cmax, оны азилсартан медоксомилімен бірге қабылдаған жағдайда, 47%-ға жоғары болды. Азилсартан мен хлорталидонның жартылай шығарылу кезеңі (T1/2) шамамен, сәйкесінше 12 және 45 сағатты құрайды.

Ас ішу Эдарби Клоның биожетімділігіне әсер етпейді.

Азилсартан медоксомилі

Асқазан-ішек жолында сіңуі кезінде азилсартан медоксомилі белсенді азилсартанға дейін жылдам гидролизденеді. Азилсартан медоксомилі ішу арқылы қабылдағаннан кейін плазмада анықталмайды. Азилсартан үшін доза пропорционалдылығы азилсартан медоксомилінің бір рет немесе бірнеше рет қабылданғаннан кейінгі 20-дан 320 мг дейінгі дозаларының ауқымында болды. Азилсартан медоксомилін қабылдағаннан кейінгі азилсартанның есептелген абсолюттік биожетімділігі шамамен 60% құрайды. Азилсартан медоксомилін ішу арқылы қабылдағаннан кейін азилсартан плазмадағы Сmax 1,5-3 сағат ішінде жетеді. Ас ішу азилсартанның биожетімділігіне әсер етпейді.

Таралуы

Азилсартан медоксомилі

Азилсартанның таралу көлемі 16 литрге жуықты құрайды. Азилсартан плазма ақуыздарымен, негізінен альбуминмен тығыз (>99%) байланысады. Плазма ақуыздарымен байланысуы тіпті азилсартанның плазмадағы, ұсынылатын дозаларында қол жеткізілгеннен әлдеқайда артық дозаларында да тұрақты.

Хлорталидон

Жаңа алынған қанда хлорталидон көбінесе эритроциттердің карбоангидразасымен байланысады. Плазмада хлорталидонның шамамен 75%-ы плазма ақуыздарымен, соның ішінде препараттың 58%-ы – альбуминмен байланысады.

Метаболизмі және шығарылуы

Азилсартан медоксомилі

Азилсартан екі негізгі метаболитіне дейін метаболизденеді. Плазмадағы негізгі метаболиті О-дезалкилдену жолымен түзіледі және М-II метаболиті деп аталады, екінші метаболиті M-I азғантай концентрацияда декарбоксилдену жолымен түзіледі. Екі метаболитінің де адам организміндегі жүйелі әсері шамамен сәйкесінше 50% және 1%-дан азды құрайды. M-I және M-II азилсартан медоксомилінің фармакологиялық белсенділігіне қатыспайды. Азилсартанның метаболизміне жауап беретін негізгі фермент CYP2C9 болып табылады.

14С-таңбалы азилсартан медоксомилінің пероральді дозасынан кейін, радиобелсенді заттың шамамен 55%-ы нәжісте және шамамен 42%-ы несепте анықталды, сонымен қатар дозасының 15%-ы азилсартан түрінде несеппен шығарылады. Азилсартанның жартылай шығарылу кезеңі шамамен 11 сағатты құрайды, ал бүйректік клиренсі минутына 2,3 мл жуықты құрайды. Азилсартан стационарлық деңгейлеріне 5 күн ішінде жетеді, бұл кезде күн сайын бір рет қайталап енгізген кезде плазмада жинақталуы жүрмейді.

Хлорталидон

Препарат негізінен өзгеріссіз күйде бүйрекпен шығарылады. Препарат элиминациясының басқа жолдары әзірге анықталған жоқ. Хлорталидонның өзгеріссіз күйде және метаболиттер түрінде шығарылатын салыстырмалы мөлшерілері, препараттың биологиялық сұйықтықтардағы концентрациялары, жекелеген ағзаларда немесе ұрықтың организмінде жинақталу дәрежелері, немесе гематоэнцефалдық бөгет арқылы өтетіні туралы мәліметтер жоқ.

Әсер ету механизмі

Эдарби Кло препаратының белсенді заттарының әсері қан қысымын реттеуге қатысатын екі жеке механизмге бағытталған. Азилсартан ангиотензин II жүрек бұлшықетіне, тамырлардың тегіс бұлшықеттеріне, сондай-ақ бүйрекүсті безі мен бүйрек жасушаларына тамырды тарылтатын және натрийді іркитін әсерлерін бөгейді. Хлорталидон натрий мен хлоридтің Генле ілмегінің үдеме буынының кортикальді сегментіндегі экскрециясының жоғарылауымен жүретін диурезбен қамтамасыз етеді.

Азилсартан медоксомилі

Ангиотензин II ангиотензин I-ден, ангиотензинөзгертуші ферменттер (АӨФ, киназа II) катализдейтін реакцияда түзіледі. Ангиотензин II ренин-ангиотензин жүйесінің (РАЖ) негізгі тамыртарылтқыш агенті болып табылады, және оның әсерлеріне тамырлардың тарылуы, альдостерон синтезінің стимуляциясы мен босап шығуы, жүрек стимуляциясы және натрийдің бүйрекке кері сіңірілуі кіреді. Азилсартан тамырды тарылтатын әсерін және альдостерон секрециясымен байланысты әсерін ангиотензин II тамырлардың тегіс бұлшықеттері және бүйрекүсті бездері сияқты тіндердегі AT1 рецепторымен байланысуын іріктеп бөгеу арқылы тежейді. Осылайша, оның әсері ангиотензин II синтезделу жолына тәуелсіз.

АТ2-рецепторлары көптеген тіндерде анықталады, алайда бұл рецептордың жүрек-қантамыр гомеостазымен байланысына әзірге дәлелдер жоқ. Азилсартан AT2 рецепторына қарағанда, AT1 рецепторымен байланысуының 10000 еседен астам аффинділігімен сипатталады.

РАЖ жүйесін ангиотензин I-ден ангиотензин II биосинтезделуін бөгейтін АӨФ тежегіштерінің бәсеңдетуі, артериялық гипертензияны емдеуде кеңінен пайдаланылады. АӨФ тежегіштері де АӨФ арқылы катализденетін брадикининнің ыдырауын бәсеңдетеді. Азилсартан АӨФ (киназа II) бәсеңдетпейтіндіктен, ол брадикинин деңгейлеріне әсер етпеуі тиіс. Азилсартан жүрек-қантамыр жүйесінің реттелуінде маңызды рөл атқаратын басқа рецепторлармен немесе ион өзектерімен байланыспайды немесе бөгемейді.

Ангиотензин II рецепторының блокадасы ангиотензин II ренин секрециясына теріс реттегіштік реакциясын тежейді, алайда бұл кезде байқалған плазма ренині белсенділігінің және айналымдағы ангиотензин II деңгейлерінің жоғарылауы азилсартанның қан қысымына әсерін бәсеңдетпейді.

Хлорталидон

Хлорталидон натрий мен хлорид экскрециясының жоғарылауымен жүретін диурезді қамтамасыз етеді. Әсер ететін орны Генле ілмегінің үдеме буынының кортикальді сегменті болып табылады. Хлорталидонның несеп айдағыш әсері жасушадан тыс сұйықтықтың, плазма көлемінің, жүрек лықсытуының, жалпы алмасатын натрийдің, шумақтық сүзіліс жылдамдығының, бүйректік плазма ағынының азаюына алып келеді. Хлорталидон мен тектес препараттардың әсер ету механизмі толығымен зерттелген жоқ, натрий деңгейі мен сұйықтық көлемінің төмендеуі оның антигипертензивтік әсеріне негіз болады.

Фармакодинамикасы

Азилсартан медоксомилі мен хлорталидон артериялық қысымды шеткергі кедергіні азайтудың есебінен, бірақ бір-бірін толықтыратын механизмдер арқылы төмендетеді.

Азилсартан медоксомилі

Азилсартан дозасына байланысты ангиотензин II тамырды тарылтатын әсерлерін тежейді.

Азилсартанды 32 мг азилсартан медоксомиліне баламалы дозада бір рет қабылдау, ангиотензин II тамырды тарылтатын әсерін жоғарырақ концентрациясы кезінде шамамен 90%-ға, және қабылдағаннан кейін 24 сағаттан соң 60%-ға тежеген. Қан плазмасындағы ангиотензин I мен ангиотензин II концентрациялары мен рениннің белсенділігі артты, ал альдостеронның концентрациясы бір рет ішке қабылдағаннан кейін және азилсартан медоксомилінің қайталанған дозаларынан кейін төмендеді; калий немесе натрий мөлшеріне клиникалық тұрғыдан маңызды әсері анықталған жоқ.

Хлорталидон

Хлорталидонның несеп айдайтын әсері шамамен 2,6 сағаттан соң басталады және 72 сағат бойына жалғасады.

Қолданылуы

Эдарби Кло – қан қысымын төмендету мақсатында артериялық гипертензияны емдеу үшін қолдану көрсетілген ангиотензин II рецепторлары блокаторының (АРБ) және тиазид тәрізді диуретиктің біріктірілімі:

– монотерапияны қолданған кезде артериялық қысымның бақылдануын қамтамасыз ету мүмкін емес пациенттерде

– артериялық қысымның қажетті деңгейіне қол жеткізу үшін бірнеше препарат қажет болуы мүмкін пациенттерде бастапқы емдеу құралы ретінде

Қолдану тәсілі және дозалары

Эдарби Кло препаратының ұсынылатын бастапқы дозасы күніне бір рет пероральді 40/12,5 мг құрайды. Негізінен, антигипертензивтік әсері 1-2 апта ішінде білінеді. 2-4 апта емдеуден кейін қажет болған жағдайда, дозасын көзделген артериялық қысымға қол жеткізу үшін 40/25 мг дейін арттыруға болады. Препаратты 40/25 мг асатын дозаларда қабылдау, қосымша пайдасымен сипатталмауы ықтимал.

Эдарби Кло препаратын монотерапия ретінде АРБ немесе диуретиктерді қолданған кезде қан қысымын тиісінше бақылануын қамтамасыз ету мүмкін болмаған пациенттерде қан қысымын қосымша төмендету үшін қолдануға болады. Артериялық қысымы 80 мг азилсартан медоксомилін қабылдаған кезде бақыланбаған пациенттерде, 40/12,5 мг дозадағы Эдарби Клоға ауысқан кезде өлшенген сәттегі артериялық қысымның 13/6 мм сын. бағ. (систолалық/диастолалық) қосымша төмендеуі байқалуы мүмкін. Қан қысымын хлорталидонды 25 мг дозада қолдана отырып тиісінше бақылау қамтамасыз етілмеген пациенттер Эдарби Кло препаратын 40/12,5 мг дозада қабылдауға ауысқан кезде өлшенген сәттегі қан қысымының 10/7 мм сын. бағ. (систолалық/диастолалық) қосымша төмендеуі байқалуы мүмкін.

Артериялық қысымның қажетті деңгейіне қол жеткізу үшін бірнеше препарат қажет болуы мүмкін пациенттерде Эдарби Кло препаратын бастапқы емдеу құралы ретінде пайдалануға болады.

Жекелеген компоненттеріне (азилсартан медоксомилі мен хлорталидон), титрлеу жүргізілген пациенттер олардың орнына Эдарби Клоның сәйкесінше дозасын қабылдай алады. Эдарби Кло препаратын ас ішуге байланыссыз қабылдауға болады.

Эдарби Кло препаратын қажеттілігіне қарай басқа антигипертензивтік дәрілермен қабылдауға болады.

Эдарби Кло препаратымен емдеуді бастар алдында, әсіресе бүйрек функциясы бұзылған пациенттерде немесе диуретиктерді жоғары дозаларда қабылдаған пациенттерде төмендеген сұйықтық көлеміне түзету жүргізу қажет.

Хлорталидонмен емдеу кезінде дозасын лимиттеуші жағымсыз реакцияларды бастан өткерген пациенттерді, бастапқыда хлорталидонның дозасы төменірек Эдарби Кло препаратын қабылдауға ауыстыруға болады.Пациенттердің ерекше топтары

Егде жастағы пациенттер

Егде жастағы пациенттерде Эдарби Кло препаратының дозасын түзету қажет емес. Эдарби Кло препаратымен клиникалық зерттеулердегі пациенттердің жалпы санының 24%-ы егде жастағы пациенттер (65 жас шамасындағы немесе одан үлкен); 5,7%-ы 75 жас шамасындағы және одан үлкендер болды. Препараттың қауіпсіздігі немесе тиімділігі тұрғысынан егде және жастау пациенттер арасында ешқандай ортақ айырмашылықтар анықталған жоқ, алайда кейбір жасы үлкен адамдардағы сезімталдық деңгейінің жоғарырақ болуы жоққа шығарылмайды.

Балалар

Эдарби Кло препаратының 18 жасқа дейінгі пациенттердегі қауіпсіздігі мен тиімділігі анықталмаған.

Бүйрек функциясының бұзылуы бар пациенттер

Эдарби Кло препаратының бүйрек функциясының ауыр дәрежелі бұзылуы бар (ШСЖ <30 мл/мин/1,73 м2) пациенттердегі қауіпсіздігі мен тиімділігі анықталмаған. Бүйрек функциясының жеңіл (ШСЖ 60-90 мл/мин/1,73 м2) немесе орташа дәрежелі (ШСЖ 30-60 мл/мин/1,73 м2) бұзылулары бар пациенттерде дозасын түзету қажет емес.

Хлорталидонды қабылдау азотемияны тудыруы мүмкін.

Бауыр функциясының бұзылуы бар пациенттер

Азилсартан медоксомилі

Бауыр функциясының жеңіл немесе орташа дәрежелі бұзылулары бар пациенттерде дозасын түзету қажет емес. Бауырдың ауыр жеткіліксіздігі бар науқастарда азилсартан медоксомилін қолдану зерттелген жоқ.

Хлорталидон

Сұйықтық пен электролиттер теңгерімінің болар-болмас өзгерістері бауыр функциясының бұзылулары немесе бауырдың үдемелі ауруы бар науқастарда бауыр комасын туғызуы мүмкін.

Жағымсыз әсерлері

«Айрықша нұсқаулар» бөлімінде Эдарби Кло препаратын, азилсартан медоксомилін немесе хлорталидонды қабылдаумен байланысты жағымсыз реакциялар туралы толығырақ ақпарат берілген:

– эмбриоуыттылық

– сұйықтық көлемі немесе тұздар деңгейі төмендеген пациенттердегі артериялық гипотензия

– бүйрек функциясының бұзылуы

– гипокалиемия

– гиперурикемия

Клиникалық зерттеулер тәжірибесі

Эдарби Кло препаратының қауіпсіздігін бағалау артериялық гипертензиясы бар 3900-ден астам пациенттің қатысуымен жүргізілген зерттеулерде орындалды. 700-ден астам пациент кемінде 6 ай бойы және 280-нен астам пациент кемінде 1 жыл бойы емделді. Жағымсыз реакциялар, әдетте ауырлық дәрежесі жағынан жеңіл және өтпелі болды.

Эдарби Клоны қабылдаған кездегі жалпы жағымсыз реакциялар жиі, азилсартан медоксомилін немесе хлорталидонды қабылдаған топтарымен салыстырғанда, 8 апталық факториальді зерттеуге қатысқан пациенттердің пациенттердің кемінде 2%-ында байқалды (1 кесте).

1 кесте. Азилсартан медоксомилін немесе хлорталидонды қабылдаған топтардың көрсеткіштерімен салыстырғанда, Эдарби Кло препаратын қабылдаған кезде ≥ 2% жағдайда байқалған жағымсыз реакциялар

Жағымсыз құбылыс

Азилсартан медоксомилі 20, 40, 80 мг

(N = 470)

Хлорталидон 12,5, 25 мг

(N = 316)

Эдарби Кло препараты 40/12,5, 40/25 мг

(N = 302)

Бас айналуы

1.7%

1.9%

8.9%

Шаршау

0.6%

1.3%

2.0%

Артериялық гипотензия мен естен танулар Эдарби Клоны қабылдаған пациенттердің 1,7% және 0,3%-ында байқалған.

Азилсартан медоксомилін қабылдаған 3,2% пациент пен хлорталидонды қабылдаған 3,2% пациентпен салыстырғанда, Эдарби Клоны ұсынылған дозаларда қабылдаған 8,3% пациент жағымсыз реакцияларға байланысты зерттеуге қатысуды тоқтатты. Эдарби Кло препаратымен емдеуді тоқтатудың анағұрлым кең таралған себептеріне қан сарысуындағы креатинин деңгейінің жоғарылауы (3.6%) мен бас айналуы (2,3%) кіреді.

Азилсартан медоксомилі

Жалпы алғанда қауіпсіздігіне қатысты, клиникалық зерттеулер кезінде азилсартан медоксомилін 20, 40 немесе 80 мг дозаларда қабылдаған 4814 пациентке зерттеу жүргізілді. Бұл санның ішіне дәрілік затты кемінде 6 ай бойы қабылдаған 1704 пациент кіреді, олардың 588-і кемінде 1 жыл бойы ем қабылдаған. Әдетте, жағымсыз реакциялары ауырлық дәрежесінің жеңілдігімен сипатталып отырды, енгізілген дозасына тәуелді болған жоқ және жас шамасына, жынысы мен нәсіліне байланыссыз салыстырмалы болды.

Жағымсыз реакцияларының жиілігі 3300-ден астам пациентте ≥ 0.3%; реакциялардың сипаты төменде сипатталады:

– асқазан-ішек бұзылыстары: диарея, жүрек айнуы;

– жалпы асқынулар және препарат енгізілген жердегі асқынулар: астения, шаршау;

– тірек-қимыл аппараты мен дәнекер тіндер тарапынан болатын бұзылулар: бұлшықет түйілулері;

– жүйке жүйесі тарапынан болатын бұзылыстар: бас айналуы, постуральді бас айналуы;

– тыныс алу жүйесі, кеуде қуысы ағзалары және көкірекорта тарапынан болатын бұзылулар: жөтел;

Хлорталидон

Хлорталидонмен жүргізілген клиникалық сынақтарда төмендегідей жағымсыз реакциялар байқалды: бөртпе, бас ауыруы, бас айналуы, асқазан-ішек жолының бұзылыстары және несеп қышқылы мен холестерин деңгейлерінің жоғарылауы.

Эдарби Кло препаратының клиникалық зертханалық зерттеулерінің нәтижелері

Факториальді зерттеуде стандартты зертханалық көрсеткіштердің клиникалық маңызды өзгерістері Эдарби Кло препаратын ұсынылған дозаларда енгізгенде сирек байқалған.

Бүйрек функциясының параметрлері:

Қан креатинині деңгейінің жоғарылауы ренин-ангиотензин альдостерон (РААЖ) жүйесінің АРБ және АӨФ тежегіштері сияқты блокаторларының белгілі фармакологиялық әсері болып табылады. Креатинин деңгейі жоғарылаған бірізді жағдайлардың жиілігі Эдарби Кло препаратын ұсынылған дозаларында қабылдаған пациенттерде, азилсартан медоксомилімен және хлорталидонмен емдеудегі сәйкесінше 0,4% және 0,3%-бен салыстырғанда, бастапқы деңгейінің ≥ 50%-ын және жоғарғы қалып шегінен (ЖҚШ) > 2,0% құрады. Креатинин деңгейлерінің жоғарылауы, әдетте уақытша, қайтымды болды немесе үдеген жоқ және артериялық қысымның елеулі төмендеуімен байланысты болды.

Эдарби Кло препаратымен емдеу кезінде (5,3 мг/дл) азилсартан медоксомилімен (1,5 мг/дл) және хлорталидонмен (2,5 мг/дл) емдеу кезіндегі ҚМА көрсеткіштерімен салыстырғанда қан мочевинасы азотының (ҚМА) орташа жоғарылауы байқалған.

Тіркеуден кейін қолданылу тәжірибесі

Эдарби Кло препаратын тіркеуден кейінгі кезеңде қолдану барысында төмендегідей жағымсыз реакциялар анықталды:

– жүрек айнуы

– бөртпе

– қышыну

– Квинке ісінуі

Аталған реакциялар туралы деректер халықтан ерікті түрде келіп түсетіндіктен, ондай реакциялардың туындауына үнемі нақты баға беру немесе препаратты қабылдаумен себеп-салдарлық байланысын анықтау мүмкін емес.

Қолдануға болмайтын жағдайлар

– азилсартан медоксомиліне немесе хлорталидонға немесе кез келген қосымша затына аса жоғары сезімталдық

– анурия

– жүктілік және лактация кезеңі

– қант диабеті кезінде алискиренмен бір мезгілде тағайындауға болмайды

–18 жасқа дейінгі балаларға

Дәрілермен өзара әрекеттесуі

Эдарби Кло

Азилсартан медоксомилі мен хлорталидонның фармакокинетикасы бірге қабылдаған кезде өзгермейді. Эдарби Кло препаратының басқа дәрілік заттармен өзара әрекеттесулерін зерттеулер жүргізілген жоқ, алайда мұндай зерттеулер азилсартан медоксомилі мен хлорталидонға жүргізілді.

Азилсартан медоксомилі

Азилсартан медоксомилін немесе азилсартанды амлодипинмен, антацидтермен, хлорталидонмен, дигоксинмен, флуконазолмен, глибуридпен, кетоконазолмен, метформинмен, пиоглитазонмен және варфаринмен қолдануды зерттеулерде ешқандай клиникалық маңызды дәрілік өзара әрекеттесулер байқалған жоқ. Алынған мәліметтер азилсартан медоксомилін атап келтірілген препараттармен қолдануға болатындығын көрсетеді.

Циклооксигеназа-2 (ЦОГ-2 тежегіштері) селективті тежегіштерін қоса, қабынуға қарсы стероидты емес дәрілер (ҚҚСД)

Егде жастағы пациенттерде, сұйықтық көлемі төмендеген пациенттерде (диуретиктермен ем қабылдап жүрген пациенттерді қоса), немесе бүйрек функциясы бұзылған пациенттерде, азилсартанды қоса, ангиотензин II рецепторының антагонистерімен қатарлас ЦОГ-2 селективті тежегіштерін қоса, ҚҚСП енгізу бүйрек функциясының нашарлауына, соның ішінде, бүйректің болуы мүмкін жедел жеткіліксіздігіне алып келуі мүмкін. Бұл әсерлері әдетте қайтымды. Эдарби Кло препараты мен ҚҚСП емін қабылдап жүрген пациенттерде бүйрек функциясын мезгіл-мезгіл бақылап отыру қажет.

Эдарби Кло препаратының антигипертензивтік әсері ЦОГ-2 селективтік тежегіштерін қоса, ҚҚСП әсерінен әлсіреуі мүмкін.

РАЖ қосарлы блокадасы

РАЖ ангиотензин рецепторларының блокаторларымен, АӨФ тежегіштерімен немесе алискиренмен қосарлы блокадасы, монотерапиямен салыстырғанда гипотензия, гиперкалиемия және бүйрек функциясының өзгеру (бүйректің жедел жеткіліксіздігін қоса) қаупімен байланысты. РАЖ екі тежегішінің біріктірілімін қабылдап жүрген пациенттердің көпшілігінде монотерапиямен салыстырғанда ешқандай қосымша пайдасы білінген жоқ. Жалпы алғанда, РАЖ тежегіштерін біріктіріп пайдаланылуын болдырмаған жөн. Эдарби Кло препараты мен РАЖ-ға әсер ететін басқа агенттерді қабылдап жүрген науқастарда артериялық қысымға, бүйрек функциясы мен электролиттер деңгейлеріне мұқият мониторинг жүргізу қажет.

Алискиренді қант диабеті бар пациенттерге Эдарби Кло препаратымен бірге тағайындамау керек. Бүйрек жеткіліксіздігі бар (ШСЖ <60 мл/мин) пациенттерде алискиреннің Эдарби Кло препаратымен пайдаланылуын болдырмаңыз.

Хлорталидон

Литийдің бүйректік клиренсі хлорталидон сияқты диуретиктерді қабылдаған кезде төмендейді, сонымен қатар литий концентрациясының уыттылық деңгейіне дейін арту қаупін арттырады. Эдарби Кло препаратын қолданған кезде литий деңгейлеріне тиісінше мониторинг жүргізілуін қамтамасыз ету қажет.

Литий

Қан сарысуындағы литий концентрациясының жоғарылауы және оның концентрациясының уыттылық деңгейіне дейін артуы литийді ангиотензин II рецепторларының агонистерімен қатарлас енгізу кезінде тіркелді. Қатарлас қолданған кезде литий деңгейлеріне тиісінше мониторинг жүргізілуін қамтамасыз ету қажет.

Айрықша нұсқаулар

Гиповолемиясы немесе электролиттердің азаюы бар пациенттердегі гипотензия

РАЖ белсенген науқастарда, мысалы, гиповолемиясы немесе электролиттердің азаюы бар пациенттерде (жоғары дозаларда диуретиктермен емдеу кезінде байқалғандай), Эдарби Кло препаратымен емдеуді бастағаннан кейін симптоматикалық гипотония байқалуы мүмкін. Ондай пациенттер, бір препараттан артық қолдана отырып емдеуді бастау үшін қолайлы үміткер болып табылмауы ықтимал; сондықтан, Эдарби Кло препаратын қабылдауды бастар алдында гиповолемияның түзетілуін қамтамасыз ету қажет. Гипотензия дамыған жағдайда, пациентті жатқызу және қажет болса, физиологиялық ерітіндіні көктамыр ішіне құюмен қамтамасыз ету қажет. Уақытша гипотензивтік реакция ары қарай емдеу үшін қарсы көрсетілім болып табылмайды, және препаратты қабылдауды әдетте, артериялық қысым тұрақтағаннан кейін қандай-да бір қиындықтарсыз қайта бастауға болады.

Бүйрек функциясының бұзылуы

Эдарби Кло

Бүйрек функциясының бұзылуы бар пациенттерде бүйрек функциясының нашарлауына мониторинг жүргізілуін қамтамасыз ету қажет. Бүйрек жеткіліксіздігінің үдеу белгілері бар болса, Эдарби Кло препаратын қабылдауды тоқтата тұру немесе тоқтату туралы мәселені қарастыру қажет.

Азилсартан медоксомил

Эдарби Кло препаратын қабылдап жүрген, қауіп тобындағы пациенттерде, РАЖ тежелуі салдарынан бүйрек функциясында өзгерістер байқалуы мүмкін. Бүйрек функциясы ренин-ангиотензин жүйесінің белсенділігіне тәуелді болуы мүмкін пациенттерде (мысалы, жүректің ауыр жеткіліксіздігі, бүйрек артерияларының стенозы бар немесе сұйықтық көлемі төмендеген науқастар), АӨФ тежегіштерімен және ангиотензин рецепторларывның блокаторларымен емдеу олигуриямен немесе үдемелі азотемиямен және сирек жағдайларда бүйректің жедел жеткіліксіздігімен және өліммен байланысты болды. Осыған ұқсас нәтижелерді Эдарби Кло препаратын қабылдаған пациенттерден де күтуге болады.

Бүйрек артериясының біржақты немесе екіжақты стенозы бар науқастарда АӨФ тежегіштерін зерттеулерде сарысу креатинині немесе ҚМА жоғарылауы тіркелді. Азилсартан медоксомилін бүйрек артериясының біржақты немесе екіжақты стенозы бар науқастарда ұзақ уақыт пайдалану тәжірибесі болмаған, бірақ осыған ұқсас нәтижелер болуы мүмкін.

Хлорталидон

Бүйрек аурулары бар пациенттерде, хлорталидон азотемияның дамуын туғызуы мүмкін. Бүйрек жеткіліксіздігінің ҚМА жоғары деңгейін көрсетуі мүмкін айқын үдеуі кезінде, диуретиктермен емдеуді тоқтата тұру немесе тоқтату туралы мәселені қарастыру қажет.

Гипокалиемия

Хлорталидон

Гипокалиемия хлорталидонды қабылдауға дозаға тәуелді жағымсыз реакция болып табылады. Оймақгүл препараттарын қатарлас қолдану гипокалиемияның ұнамсыз жағымсыз әсерлерін ушықтыруы мүмкін.

Эдарби Кло препараты хлорталидонды қабылдаудан туындаған гипокалиемия дәрежесін әлсіретеді. Калийдің бастапқы деңгейі қалыпты пациенттерде калий деңгейлерінің төмендеуі (3,4 ммоль/л аз) Эдарби Кло препаратын қабылдаған пациенттердің 1,7%-ында, азилсартан медоксомилін қабылдаған пациенттердің 0,9%-ында, және хлорталидонды қабылдаған пациенттердің 13,4%-ында байқалған.

Гиперурикемия

Хлорталидон

Кейбір науқастарда хлорталидонды немесе басқа тиазидтік диуретиктерді қабылдау гиперурикемияның немесе айқын подаграның дамуын тудыруы мүмкін.

Балалар

Эдарби Кло препаратының құрсақішілік әсеріне ұшыраған жаңа туған нәрестелер: олигурия немесе гипотония кезінде қан қысымы мен бүйрек функциясын демеу шараларын қамтамасыз ету қажет. Қан алмастырып құю немесе диализ қажет болуы мүмкін.

Жүктілік және лактация кезеңі

Дәрілік заттарды жүкті әйелдердің қолдануы кезіндегі D санаты.

РАЖ-ға әсер ететін препараттарды жүктіліктің екінші және үшінші триместрлерінде пайдалану, ұрықтың бүйрек функциясын төмендетеді және ұрық пен жаңа туған сәбидің аурушаңдық және өлім көрсеткіштерін арттырады. Препараттарды бұлай қабылдаудан туындаған су аздығы, ұрықтағы өкпе гипоплазиясымен және қаңқа деформацияларымен байланысты болуы мүмкін. Жаңа туған сәбилерде болуы мүмкін жағымсыз әсерлеріне бассүйек гипоплазиясы, анурия, гипотония, бүйрек жеткіліксіздігі және өлім кіреді. Жүктілік анықталған жағдайда, Эдарби Кло препаратын қабылдауды барынша тезірек тоқтату керек. Атап көрсетілген жағымсыз аяқталған жағдайлар, әдетте, препараттарды жүктіліктің екінші және үшінші триместрінде пайдаланумен байланысты болды. Анасының бірінші триместрде антигипертензивтік препараттарды қабылдауынан кейінгі ұрықтағы даму ақауларын зерттеуге бағытталған эпидемиологиялық зерттеулердің көпшілігі, РАЖ-ға әсер ететін препараттардың басқа антигипертензивтік препараттардан қандай-да бір айырмашылықтарын көрсеткен жоқ. Жүктілік кезінде, ана мен баланың аман қалу жағдайларын оңтайландыру үшін анасындағы гипертензия деңгейін тиісінше бақылауды қамтамасыз ету қажет.

Нақты бір пациент үшін РАЖ-ға әсер ететін препараттармен емдеудің баламасы болмаған жағдайларда, анасын ұрық үшін ықтимал қауіп туралы құлағдар ету қажет. Интраамниальді ортаның жағдайына баға беру үшін, УДЗ сериясын орындау қажет. Су аздығы анықталған жағдайда, анасының өмірі препаратпен емдеуге тәуелді жағдайларда болмаса, Эдарби Кло препаратын қабылдауды тоқтату керек. Жүктілік апталарын ескере отырып, ұрықтың жағдайын тексеру талапқа сай болып есептеледі. Алайда, пациенттер мен дәрігерлер, су аздығының белгілері ұрық жағдайының қайтымсыз бұзылуларыннан кейін ғана пайда болуы мүмкін екендігін түсінуі тиіс. Эдарби Кло препаратының құрсақішілік әсеріне ұшыраған жаңа туған нәрестелерде, гипотонияның, олигурия мен гиперкалиемияның дамуына қатысты мұқият мониторинг жүргізілуін қамтамасыз ету қажет.

Хлорталидон

Тиазидтер плацентарлық бөгет арқылы өтеді және кіндік қанында анықталады. Жағымсыз реакцияларға ұрық немесе жаңа туған сәбилердегі сарғаю мен тромбоцитопения кіреді.

Бала емізу

Азилсартанның ана сүтіне бөліну фактісі анықталған жоқ, алайда азилсартан емізетін егеуқұйрықтардың емшек сүтіне төмен концентрацияларда бөлінеді, ал хлорталидон ана сүтінен бөлініп шығады. Емшек еміп жүрген балаға жағымсыз әсер ету мүмкіндігіне байланысты, препараттың анасы үшін маңызын ескере отырып, бала емізуді немесе препаратты қабылдауды тоқтатуға қатысты шешім қабылдануы тиіс.

Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері

Көлік құралдарын басқару және жоғары зейін шоғырландыру мен реакция жылдамдығын қажет ететін механизмдермен жұмыс жасау кезінде сақтық таныту қажет: бас айналуы мен қатты қажудың даму қаупі.

Артық дозалануы

Адамдарда артық дозалануына қатысты мәліметтер шектеулі.

Азилсартан медоксомилі

Адамдарда артық дозалануына қатысты мәліметтер шектеулі. Дені сау субъектілердің қатысуымен бақыланатын клиникалық сынақтарды жүргізу аясында азилсартан медоксомилдің 7 күн бойы енгізілген 320 мг дейінгі бір реттік күнделікті дозаларының көтерімділігі жақсы болған. Артық дозаланған жағдайда, пациенттің клиникалық жағдайын ескере отырып, демеуші ем тағайындалуы тиіс. Азилсартан диализбен шығарылмайды.

Хлорталидон

Жедел артық дозалануының симптомдарына жүрек айнуы, әлсіздік, бас айналуы және электролиттік теңгерім бұзылулары кіреді. Адамдағы ең төменгі өлімге соқтыратын дозасы (ЕТӨД) анықталмаған. Арнайы у қайтарғылары жоқ, алайда асқазанды шайып, артынан демеуші ем жүргізу ұсынылады. Қажет болса, ондай емге тиісінше сақтық шараларын сақтай отырып, калий қосылған декстроза-тұз ерітіндісін көктамыр ішіне енгізуді кіргізуге болады.

Шығарылу түрі

7 таблеткадан ылғалсіңіргіші бар полиэтилен қабаты ішіне орнатылған, алюминий фольгадан жасалған пішінді ұяшықты қаптамаға салынған.

4 пішінді қаптамадан медициналық қолдану жөніндегі мемлекеттік және орыс тілдеріндегі нұсқаулықпен бірге картон қорапшаға салынады.

Сақтау шарттары

Құрғақ, жарықтан қорғалған жерде 25 °С-ден аспайтын температурада сақтау керек.

Балалардың қолы жетпейтін жерде сақтау керек!

Сақтау мерзімі

3 жыл

Жарамдылық мерзімі өткеннен кейін пайдалануға болмайды

Дәріханалардан босатылу шарттары

Рецепт арқылы

Өндіруші және шығарылу сапасын бақылаушы

Такеда Фармасьютикал Компани Лтд., Осака Плант, Жапония

Қаптаушы ұйымның атауы мен елі

АндерсонБрекон Инк., АҚШ

Тіркеу куәлігінің иесі

Такеда Фармасьютикалс АҚШ, Инк

Қазақстан Республикасы аумағында тұтынушылардан өнім (тауар) сапасына қатысты шағымдар қабылдайтын ұйымның мекенжайы

Қазақстандағы «Takeda Osteuropa Holding GmbH» (Австрия) компаниясының өкілдігі

Алматы қ., Шашкин к-сі 44

Телефон нөмірі (727) 2444004,

Факс нөмірі (727) 2444005

Электронды поштасы: DSO-KZ@takeda.com

Прикрепленные файлы

949602631477976319_ru.doc 151 кб
169345321477977565_kz.doc 197.5 кб

Отправить прикрепленные файлы на почту

Источники

Национальный центр экспертизы лекарственных средств, изделий медицинского назначения и медицинской техники