ЦИТУ

ЦИТУ

Цитарабин

Инъекцияға арналған ерітінді 1000 мг/10 мл 10 мл

1 мл препараттың құрамында

белсенді зат –цитарабин 100 мг,

қосымша заттар: макрогол 400, трометамол/трометамин, инъекцияға арналған су.

Мөлдір түссіз ерітінді.

Антинеопластикалық және иммуномодуляциялайтын препараттар. Антинеопластикалық препараттар. Антиметаболиттер. Пиримидин аналогтары. Цитарабин.

АТХ коды L01ВС01

Фармакокинетикасы

Сіңуі

Пероральді түрде енгізу ішекте тезірек аминсізденетін болғандықтан тиімді емес. Цитидиндезаминаза бауырда концентрацияланады, ал венаішілік дозалар жартылай ыдырау кезеңі шамамен 10 минут және 1-3 сағат болатын екі фазалы элиминацияны көрсетеді.

Таралуы

Вена ішіне құйған кезде ЖМС (жұлын-ми сұйықтығы) деңгейлері плазмада 50% деңгейіне жетеді. Интратекальді дозалану (T1/2 2-11 сағат) баяу жойылуына әкеледі. Цитарабин тіндерге тез және кеңінен таралады, гематоэнцефалдық бөгетпен, сондай-ақ плацентамен түйіседі.

Метаболизмі

Қанда және тіндерде, әсіресе бауырда, және ең аз мөлшерде жұлын-ми сұйықтығында аминсіздену жолымен тез метаболизденеді.

Шығарылуы

24 сағаттан кейін дозаның 80%-ы белсенді емес метаболит ретінде, немесе өзгермеген цитарабин ретінде, негізінен, несепте, бірақ өте біршама мөлшерде жойылады.

Фармакодинамикасы

Цитарабин S-жасушалық циклге тән ерекшеліктері бар ісікке қарсы препарат болып табылады. Цитарабин белсенді метаболитке (цитарабин трифосфаты) айналады, ол жасушада ДНҚ синтезін тежейді. Осы айналымға жауап беретін фермент – дезоксицитидинкиназа – көбіне бауырда және, мүмкін, бүйректе де болады. Цитарабин цитидиндезаминаза ферментімен белсенділігін жояды, ол жіңішке ішектен, бүйректен және бауырдан табылды. Жасушадағы белсенділендірілген (дезоксицитидинкиназа) және белсенділігі жойылған (цитидиндезаминаза) ферментінің арақатынасы цитарабиннің цитоуыттық әсеріне тіннің сезімталдығын анықтайды. Сезімталдығы жоғары тіндерде белсенділендіретін фермент деңгейі жоғары болады.

Ересектерде жедел миелобласттық лейкозда және ересектер мен балаларда басқа да жедел лейкоздарда ремиссияны индукциялау үшін.

Препарат вена ішіне инъекция немесе инфузия түрінде, немесе теріасты инъекциясы түрінде енгізіледі.

Дозалануы жөнінде нұсқаулар дене салмағына (мг / кг) сәйкес немесе BSA (мг / м2) бойынша жасалуы мүмкін. Дозалануы жөнінде нұсқаулар дене салмағына, номограмм жәрдемімен дене бетіне қатысты нұсқауларға сай қайта жасалуы мүмкін.

a) Үздіксіз емдеу:

i) Тез инъекция – күніне 2 мг / кг – бастапқы доза. Препарат 10 бойы енгізіледі. Қанға күн сайын талдау жүргізу ұсынылады. Егер лейкемияға қарсы әсер білінбесе және айқын уыттылық жоқ болса, дозаны күніне 4 мг / кг дейін арттырады және емдік әсер немесе уыттылық көрініс бергенше демейді. Барлық дерлік пациенттер уыттылық белгілерінің көрініс беруінсіз жоғарыда көрсетілген дозаларды көтереді.

ii) күніне 0,5 - 1,0 мг / кг дозаны ұзақтығы 24 сағаттық инфузия жолымен енгізуге болады. Бір сағаттық инфузия нәтижелері пациенттердің көбісінде қанағаттанарлықтай болды. 10 күннен кейін бастапқы тәуліктік доза уыттылық белгілерінің көрініс беруіне байланысты күніне 2 мг / кг дейін арттырылуы мүмкін. Емдеу емдік әсер немесе уыттылық көрініс бергенше жалғастырылады.

б) Үзік-үзік емдеу:

Күніне 3 - 5 мг / кг дозаны вена ішіне бірізді бес күн сайын енгізеді. Екі-тоғыз күндік демалу кезеңінен кейін курс әрі қарай жүргізіледі. Емдеу емдік әсер алынғанша немесе уыттылық белгілері пайда болғанша созылады.

Сүйек кемігі жағдайының алғашқы жақсару белгілері емдеуді бастағаннан кейін 7 - 64 күннен соң (орта есеппен 28 күн) пайда болады.

Жалпы алғанда, егер пациентте уыттылық белгілері байқалса немесе тиісінше емделуден кейін ремиссия басталса, өте жоғары дозаларды ақырын енгізу ақталады. Әдеттегідей, пациенттер вена ішіне тезірек енгізген кездегі жоғары дозаларды, баяу құюмен салыстырғанда, өте жақсы көтереді. Бұл айырмашылық, жоғары дозаның әсер ету ұзақтығының қысқа болуы салдары ретінде, цитарабиннің тез метаболизмімен жүзеге асырылады.

Цитарабин немесе басқа дәрілік заттар әсерінен туындаған ремиссия аптасына бір немесе екі рет 1 мг / кг дозада вена ішіне немесе теріастына инъекция жасау арқылы сақталуы мүмкін.

Балалар: ересектерге қарағанда, жоғарырақ дозаларды өте жақсы көтереді. Сәйкесінше, дозалар ауқымы көрсетілген жерде, балалар өте жоғары дозаларды, ал ересектер өте төмен дозаларды қабылдауы тиіс.

Егде жастағы пациенттер: егде жастағы пациенттерде дозаны өзгертудің қажеттілігі жоқ. Алайда, егде жастағы пациенттер жас пациенттер сияқты жағымсыз әсерлерге сезімтал болғандықтан, қажет болған жағдайда, демеуші дозаны тиісінше қабылдауды бастай отырып, дәрілік-индукцияланған лейкопенияға, тромбоцитопенияға және анемияға ерекше назар аударуы керек.

Цитарабинмен емдеумен байланысты келесі жағымсыз реакциялар жөнінде мәлімделді. Жиілігі келесі шарттарды пайдалып белгіленеді:

Өте жиі (> 1/10), жиі (> 1/100, <1/10), жиі емес (> 1/1000, <1/100), сирек (> 1/10000, <1/1000), өте сирек (<1/10000) және жиілігі белгісіз (қолда бар деректермен баға беру мүмкін емес).

Цитарабиннің жағымсыз әсерлері дозаға байланысты. Өте кең таралғандары асқазан-ішектің жағымсыз әсерлері. Цитарабин сүйек кемігі үшін уытты болып табылады және гематологиялық жағымсыз әсерлерді туындатады.

Жиі

• анемия, мегалобластоз, лейкопения, тромбоцитопения

• анорексия, гиперурикемия

• мишық немесе ми әсерінен сана деңгейінің, дизартриялардың, нистагмның нашарлауы

• қайтымды геморрагиялық конъюнктивит (фотофобия, ашып ауыру, көрудің бұзылуы, көз жасының ұлғаюы), кератит

• дисфагия, іштің ауыруы, жүректің айнуы, құсу, диарея, оральді / анальді қабыну немесе ойық жара

• фермент деңгейлерінің жоғарылауымен бірге бауырға реверсивті әсерлері

• эритема, буллезді дерматит, есекжем, васкулит, алопеция

• бүйрек функциясының жеткіліксіздігі, несептің кідіруі

• қызба, инъекция жасаған жерде тромбофлебит

Жиі емес

• сепсис (иммуносупрессия)

• Лентиго

• бас ауыру, шеткері невропатия, интратекальді енгізген кезде параплегия

• перикардит

• пневмония, ентігу, тамақтың ауыруы

• эзофагит, өңештің ойық жарасы, ішек цистоидтарының пневмоцитозы, некрозданатын колит, перитонит

• терінің ойық жарасы, қышыну, алақан мен табанның күйдіріп ауыруы

• миалгия, буындардың ауыруы

Өте сирек

• аритмия

• нейтрофильді эккрин-гидраднит

Жиілігі белгісіз

• ретикулоцитопения

• анафилаксия

• бас айналу, неврит немесе нейроуыттылық және ауыру, бөртпе

• конъюнктивит

• синустық брадикардия

• асқазан-ішектік қан кетулер, панкреатит

• бауыр дисфункциясы және сарғаю

• бөртпе, секпілдер, теріден қан кету

• бүйрек дисфункциясы

• инъекция жасалған жерде целлюлит

• кеуденің ауыруы, инъекция жасалған жердің тітіркенуі немесе сепсис, шырышты қабықтан қан кету

Цитарабин синдромы (иммуноаллергиялық әсер) қызбамен, миалгиямен, сүйектердің ауыруымен, кейде кеуденің ауыруымен, экзантемамен, макулопапулезді бөртпемен, конъюнктивитпен, жүректің айнуымен және дімкәстікпен сипатталады. Әдетте бұл енгізуден кейін 6-12 сағаттан соң болады. Кортикостероидтар осы синдромды емдегенде және профилактика жүргізгенде пайдалы екендігін көрсетті. Егер синдром симптомдары емдеудің ақталуы үшін барынша күрделі болса, кортикостероидтарды қолдануды қарастырған жөн. Егер емдеу тиімдірек болса, цитарабинмен емдеу жалғастырылуы мүмкін.

Цитарабиннің жоғары дозаларынан, әдеттегі дозаларда байқалатындардан басқа, туындаған жағымсыз әсерлер мыналарды қамтиды:

Қанның және лимфалық жүйенің бұзылыстары

Гематологиялық уыттылық терең панцитопения ретінде қарастырылды, ол әдеттегі дозаларда байқалатындарға қарағанда, сүйек кемігінің өте ауыр аплазиясымен қатар 15-25 күнге созылуы мүмкін.

Жүйке жүйесінің бұзылулары

Цитарабиннің жоғары дозаларымен емдегеннен кейін ми және мишық әсерлерінің, мысалы, жеке бастың өзгеруі, қырағылық, дизартрия, атаксия, тремор, нистагм, бас ауыру, сананың шатасуы, ұйқышылдық, бас айналу, кома, құрысулар және т.б. сияқты симптомдары пациенттердің 8-37%-да пайда болады, егде жастағы (55 жастан асқан) пациенттерде одан да жоғары болуы мүмкін. Бейім ететін басқа факторлар бауыр және бүйрек функцияларының бұзылулары, мұның алдында ОЖЖ емдеу (мысалы, сәулемен емдеу) және алкогольді шамадан тыс пайдалану болып табылады. ОЖЖ бұзылулары көп жағдайларда қайтымды болады.

Егер цитарабинмен емдеу – вена ішіне жоғары дозалар түрінде – ОЖЖ-ның басқа уытты, мысалы, сәулемен емдеу немесе цитоуытты агенттің жоғары дозасы сияқты еммен үйлессе, ОЖЖ-ның уыттану қаупі ұлғаяды.

Көрудің бұзылулары

Мөлдір қабықтың реверсивті зақымдануы және геморрагиялық конъюнктивит сипатталған. Бұл құбылыстарды көзге тамызатын кортикостероидтық дәрілерді пайдалану арқылы болдырмауға немесе азайтуға болады.

Асқазан-ішектік бұзылыстар

Әсіресе цитарабиннің жоғары дозаларымен емдеген кезде кең таралған симптомдарға қосымша ретінде күрделірек реакциялар пайда болуы мүмкін. Ішек бітелісімен және перитонитпен бірге ішектің тесілуі немесе некрозы жөнінде мәлімделді. Панкреатит те жоғары дозадағы емнен кейін байқалды.

Гепатобилиарлық бұзылыстар

Жоғары дозада жүргізілген емнен кейін бауыр абсцестері, гепатомегалия және Бадд-Кьяри синдромы (бауырдың веналық тромбозы) байқалды.

Респираторлық, кеуденің және көкірек ортасының бұзылыстары

Өкпе ісінулерінде/РДСВ кезінде болатын клиникалық белгілер әсіресе жоғары дозалармен емдеген кезде дамуы мүмкін. Реакция альвеолярлы капиллярдың жарақаттануынан туындауы мүмкін.

Жиілігіне баға беру қиын (әртүрлі жарияланымдарда 10-26% көрсетілген), өйткені пациенттерде, әдетте басқа факторлар осы реакцияларға мүмкіндік беруі мүмкін болған жағдайда, ауру қайталанады.

Емшек және ұрпақ өрбіту жүйесінің бұзылулары

Аменорея және азооспермия

Басқалары

Цитарабинмен емдеуден кейін кардиомиопатия және рабдомиолиз жөнінде мәлімделді.

Асқазан-ішектік жағымсыз әсерлер, егер инфузия ретінде цитарабин енгізілсе, азаяды. Жергілікті глюкокортикоидтар геморрагиялық конъюнктивитке профилактика ретінде ұсынылады. Жүректің тоқтап қалуына әкелген және реанимацияны қажет еткен анафилаксияның бір жағдайы жөнінде мәлімделді.

• цитарабинге немесе қосымша заттардың кез келгеніне аса жоғары сезімталдық

• дегенеративтік және уыттық энцефалопатиялар, әсіресе метотрексатты пайдаланғаннан немесе иондалған сәулелермен емдеуден кейін

• цитарабинмен емдеу, егер дәрігер мұндай емдеуді пациент үшін өте сенімді альтернатива деп санамаса, сүйек кемігінің бұрыннан дәрілермен басылуы бар пациенттерде қарастырылмауы тиіс. Цитарабин, иммуносупрессияны қоспағанда, қатерсіз ауруларды емдеу үшін пайдаланылмауы керек.

ЦИТУ препаратын фармацевтикалық тұрғыдан үйлеспейтін препараттармен: гепаринмен, инсулинмен, метотрексатпен, 5-фторурацилмен, оксациллинмен, бензилпенициллинмен, метилпреднизолонмен араластырмау керек.

Ісікке қарсы басқа миелосупрессиялық препараттармен немесе сәулемен емдеумен бірге қолдану осы препараттардың цитоуыттық, сондай-ақ иммунодепрессиялық белсенділігін күшейтеді.

Цитарабин қамтылған полихимиотерапияны қолданған кезде дигоксиннің тепе-тең плазмалық концентрациясының қайтымды төмендеуі (сіңуінің төмендеуі есебінен – ішектің шырышты қабығына уытты әсер ететіндіктен, сіңуінің бұзылуы), сондай-ақ гликозидтің бүйректік экскрециясының азаюы білінді. Осындай науқастар үшін альтернатива ретінде дигитоксинді қолдану орынды деп саналады, оның тепе-тең плазмалық концентрациясы өзгермейді.

Гентамицин мен цитарабин арасында қарама-қайшылық бар, соның салдарынан гентамицинге К. pneumoniae штамдарының сезімталдығы төмендеуі мүмкін.

Цитарабинмен бір мезгілде қолданғанда фторцитозиннің тиімділігі төмендеуі мүмкін.

Иммунодепрессанттар (азатиоприн, хлорамбуцил, глюкокортикостероидтар, циклофосфамид, циклоспорин, меркаптопурин, такролимус) инфекциялық асқынулардың даму қаупін арттырады.

Өлтірілген вирус вакциналары – цитарабинмен қорғанудың қалыпты механизмдерінің басылуы салдарынан антиденелердің түзілуі төмендеуі мүмкін.

Тірі вирус вакциналары – цитарабинмен қорғанудың қалыпты механизмдерінің басылуы салдарынан вирус репликациясы потенциялануы, жағымсыз әсерлері күшеюі, антиденелердің түзілуі төмендеуі мүмкін.

ЦИТУ препаратымен емдеуді ісікке қарсы химиотерапияны қолдану тәжірибесі бар дәрігердің бақылауымен жүргізу қажет.

Препаратпен жұмыс жасаған кезде пайдаланудың және цитоуытты препараттарды жоюдың қажетті тәртібін сақтау керек.

Ерітіндіні дайындау және қолдану инъекциялық ерітінділерді әзірлеу және сұйылту кезінде белгіленген сақтық шараларын (стерильді боксте, бір реттік хирургиялық қолғаптарды және маскаларды пайдаланып) сақтай отырып, білікті қызметкер ғана жүргізуі тиіс. Басқа да цитоуытты заттармен жұмыс жасаған кездегідей, жүкті қызметкерлерге препаратпен жұмыс жасауға рұқсат етілмейді. Препаратты теріге және шырышты қабықтарға тигізіп алуға жол бермеу керек. Абайсызда теріге және шырышты қабықтарға тигізіп алған жағдайда оларды тезірек және сабынмен мұқият жуып, шаю керек, көзге тигізіп алған жағдайда судың мол мөлшерімен шаю қажет.

Жедел лейкоздарда ЦИТУ препаратын пайдалану, индукциялық және ұзақ емдеу стационар жағдайында тәжірибелі онкологтардың бақылауымен және мұқият бақылауды қамтамасыз ете отырып, жүргізілуі тиіс. Шеткері қан көрінісін (индукциялық емде күн сайын), сүйек кемігінің, бауырдың және бүйректің функцияларын, сондай-ақ сарысудағы несеп қышқылының деңгейін ұдайы бақылау қажет. Тромбоциттер 50000-нан төменге немесе полиморфты-ядролық гранулоциттер 1000/мм3-ден төменге төмендегенде емдеуді тоқтату немесе модификациялау керек. Шеткері қандағы формалық элементтер саны препаратты қабылдауды тоқтатқаннан кейін төмендеуін жалғастыруы және 12-24 күннен кейін ең төмен деңгейіне жетуі мүмкін. Көрсетілімдер бар болған жағдайда, сүйек кемігін зерттеу нәтижелері бойынша, қан түзудің қалпына келуінің айқын белгілері пайда болған кезде емдеуді қайта жаңғыртуға болады.

Жоғары дозалармен ем жүргізген кезде ОЖЖ және өкпені үнемі бақылауды жүзеге асыру керек.

Жоғары дозалармен емдегенде және бауыр немесе бүйрек функциялары бұзылғанда ОЖЖ тарапынан уыттылық ықтималдылығы жоғарылауы мүмкін. Бауыр немесе бүйрек функциялары бұзылған пациенттерге препаратты сақтықпен және, мүмкіндігінше, төмендетілген дозада қолданған жөн. Цитарабин қабылдап жүрген пациенттерде бауыр және бүйрек функцияларына ұдайы бақылау жүргізу керек.

Цитарабин инфузия түрінде енгізілген пациенттерде және бұрын L-аспарагиназамен ем қабылдаған пациенттерде жедел панкреатит байқалды.

ЦИТУ препаратының жоғары дозаларын қабылдап жүрген науқастар нейропатияның дамуы мүмкін екендігіне қатысты бақылануы тиіс, өйткені қайтымсыз неврологиялық бұзылуларға жол бермеу үшін дозаларды немесе емдеу режимін өзгерту қажет болуы мүмкін. ОЖЖ-ге уытты ықпалының симптомдары пайда болғанда қауіптеріне арнайы баға беру керек; мұндай әрекеттер сондай-ақ аллергияның алғаш симптомдары пайда болған кезде де қажет.

Ісікке қарсы басқа да препараттар сияқты, ЦИТУ ісік жасушаларының тез ыдырауы салдарынан гиперурикемияның дамуына әкелуі мүмкін. Бластты жасушалар мөлшері жоғары немесе ісік массалары үлкен (мысалы, ходжкиндік емес лимфомада) пациенттерде гиперурикемияға профилактика жүргізу ұсынылады. Пациент қанындағы несеп қышқылының деңгейін ұдайы бақылау қажет.

ЦИТУ емі жүргізілетін пациенттерді вакцинациялау гематологиялық статусқа мұқият баға бергеннен кейін және цитарабинмен емдеп жүрген дәрігердің келісімімен өте сақ жүргізілуі тиіс.

Этиологиясы қатерсіз анемиясы, лейкопениясы және тромбоцитопениясы (мысалы, сүйек кемігінің аплазиясы) бар пациенттерге препаратты енгізу ұсынылмайды, алайда аса қажет болған жағдайда препаратты пайда/қаупінің арақатынасына баға бергеннен кейін енгізу керек.

Цитарабин организмнен гемодиализ кезінде шығарылады. Сондықтан диализде жүрген пациенттерге ЦИТУ препаратын тура диализ жүргізуге дейін және диализ кезінде енгізбеген жөн.

Жүктілік және лактация кезеңі

Жүктілік кезеңінде препаратты қолдану жүкті әйелдер және шарана үшін пайда/қаупін ескере отырып, абсолюттік көрсетілімдерде ғана қарастырылуы мүмкін.

Көлік құралын немесе потенциалды қауіпті механизмдерді басқару қабілетіне дәрілік заттың ықпал ету ерекшеліктері

Көлік құралын басқару және механизмдермен жұмыс жасау қабілетіне ЦИТУ емінің ықпалы жөнінде деректер жоқ, алайда ЦИТУ препаратымен емдеу кезінде жүректің айнуы және құсу туындауы мүмкін болғандықтан, бұл автомобильді басқару және механизмдермен жұмыс жасау қабілетіне жанама әсер етуі мүмкін. Сондықтан жоғарыда көрсетілген жағдайларда препараттың жекелей әсеріне мұқият қарау керек.

Симптомдары: әрбір 12 сағат сайын 4,5 г/м2 дозада цитарабинмен вена ішіне 12 реттік инфузия жасау пациенттер ОЖЖ қайтымсыз өзгеруін және өліммен аяқталуды туындатты.

Артық дозалану сүйек кемігі функциясының ауыр депрессиясына әкелуі мүмкін, бұл қан кетумен, қауіпті инфекциялармен, нейроуытты симптомдармен қатар жүрді.

Емі: симптоматикалық. Интратекальді түрде енгізу кезінде артық дозаланған жағдайда люмбальді пункциялар, ауыр жағдайларда – нейрохирургиялық араласым қажет. Спецификалық антидоты жоқ. Цитарабин гемодиализ арқылы жойылуы мүмкін.

Шығарылу түрі және қаптамасы

Сыйымдылығы 10 мл, І типті мөлдір шыны құтыға 10 мл препараттан құйылған.

Құты 20 мм хлорбутил сұр резеңке тығынмен тығындалған және жұлып алатын жапсырмасы бар қызыл сары 20 мм алюминий қалпақшамен қаусырылған.

1 құты медициналық қолдану жөніндегі мемлекеттік және орыс тілдеріндегі нұсқаулықпен бірге картон қорапқа салынған.

25°С-ден аспайтын температурада сақтау керек. Мұздатып қатыруға болмайды!

Балалардың қолы жетпейтін жерде сақтау керек!

2 жыл

Сұйылтылғаннан кейін препаратты 2-8°С температурада 72 сағат бойы, 25°С-ге дейінгі температурада 24 сағат сақтау керек.

Жарамдылық мерзімі өткеннен кейін қолдануға болмайды.

Рецепт арқылы

Тіркеу куәлігінің ұстаушысы

Onko İlaç Sanayi ve Ticaret A.Ş., Стамбул/Түркия

Өндіруші

Onko İlaç Sanayi ve Ticaret A.Ş. (Түркия)

Gebze Organize Sanayi Bölgesi, 1700 Sokak, No:1703 Gebze, Kocaeli, Turkey (Түркия)

Қазақстан Республикасы аумағында тұтынушылардан дәрілік заттың сапасы жөніндегі шағымдарды (ұсыныстарды) қабылдайтын ұйымның атауы, мекенжайы және байланыс жасау деректері (телефон, факс, электронды пошта)

Salute Healthcare AG Representative

Қазақстан Республикасы, Алматы қ., Достық даңғылы, 128 үй, пәт. 73

Тел./факс: +7 727 329 59 69,

e-mail: pv_kz@salutehealthcare.com

Тіркеуден кейін дәрілік заттың қауіпсіздігін бақылауға жауапты ұйымның атауы, мекенжайы және байланыс жасау деректері (телефон, факс, электронды пошта)

Salute Healthcare AG Representative

Қазақстан Республикасы, Алматы қ., Достық даңғылы, 128 үй, пәт. 73

Тел./факс: +7 727 329 59 69,

e-mail: pv_kz@salutehealthcare.com