Циннаризин №50 (25 мг)

МНН: Циннаризин
Производитель: Фарма АД
Анатомо-терапевтическо-химическая классификация: Cinnarizine
Номер регистрации в РК: № РК-ЛС-5№121817
Период регистрации: 15.12.2015 - 15.12.2020

Инструкция

Саудалық атауы

Циннаризин

Халықаралық патенттелмеген атауы

Циннаризин

Дәрілік түрі

Таблеткалар

Құрамы

Бір таблетканың құрамында

белсенді зат - 25.00 мг циннаризин,

қосымша заттар: лактоза моногидраты, бидай крахмалы, коллоидты кремнийдің қостотығы (аэросил 200), Повидон-К25 (поливинилпирролидон К 25), тальк, магний стеараты.

Сипаттамасы

Дөңгелек, екі беті дөңес, ақтан ақ дерлік түске дейінгі таблеткалар.

Фармакотерапиялық тобы

Жүйке жүйесі ауруларын емдеуге арналған басқа да препараттар. Бас айналуын басуға арналған дәрілер. Циннаризин.

АТХ коды N07CA02

Фармакологиялық қасиеттері

Фармакокинетикасы

Препарат асқазан мен ішекте сіңеді. Қан плазмасындағы ең жоғары концентрациясы ішке қабылдағаннан кейін 1-3 сағаттан соң. Циннаризиннің плазма ақуыздарымен байланысуы 91 % құрайды. Толықтай бауырда метаболизденеді (дезалкилдену арқылы). Жартылай шығарылу кезеңі 4 сағатқа тең. Метаболиттер түрінде шығарылады: 1/3 – бүйрекпен және 2/3 – нәжіспен – ішек арқылы.

Фармакодинамикасы

Циннаризин – кальций өзектерін бөгеу арқылы қантамырлардың тегіс бұлшықеттері жасушаларының жиырылуын тежейді. Одан басқа, циннаризин кальцийдің тікелей антагонисі болып табылады және рецептор-басқарушы кальций өзектерін бөгей отырып, норэпинефрин және серотонин вазоактивті заттардың жиырылғыш белсенділігін төмендетеді. Кальцийдің жасушаға түсуін бөгеу тіндік-селективті болып табылады және артериялық қысымға немесе жүрек жиырылысының жиілігіне әсер етпестен, вазоконстрикцияның азаюына алып келеді. Циннаризин қосымша эритроциттердің деформацияға ұшырауын күшейтіп, және қан тұтқырлығын төмендетіп, жеткіліксіз микроайналымды жақсартуы мүмкін. Оны қабылдағанда жасушалардың гипоксияға төзімділігі артады.

Препарат вестибулярлы жүйенің көтермеленуін төмендетеді, нәтижесінде нистагм және вегетативті бұзылудың басқа да автономды симптомдары жойылады. Препарат бас айналуының жедел ұстамасы симптомдарының пайда болуына кедергі келтіреді немесе оны бөгейді.

Қолданылуы

  • бас айналу, құлақтың шуылдауы, жүрек айну, құсу сияқты Меньер ауруы кезінде туындайтын вестибулярлық бұзылулардың профилактикасында және емдеуде

  • қозғалыс кезіндегі бас айналу профилактикасында және емдеуде

Қолдану тәсілі мен дозалары

Ішке, тамақтанудан кейін.

Вестибулярлық бұзылу

Ересектер, егде жастағы адамдар және 12 жастан асқан жасөспірімдер: 1 таблеткадан күніне 3 рет.

6 жастан 12 жасқа дейінгі балалар: ересектер дозасының жартысы ұсынылады.

Ұсынылатын дозадан асырмау керек.

Қозғалыс кезіндегі бас айналу

Ересектер, егде жастағы адамдар және 12 жастан асқан жасөспірімдер: сапарға дейін 2 сағат бұрын 1 таблеткадан, одан әрі сапар бойына әрбір 8 сағат сайын 1/2 таблеткадан.

6 жастан 12 жасқа дейінгі балалар: ересектер дозасының жартысы ұсынылады.

Жағымсыз әсерлері

Жиі

  • ұйқышылдық, диспепсиялық құбылыстар (әдетте өтпелі болады және біртіндеп оңтайлы дозасына жеткізу арқылы болдырмауға болады)

Сирек

  • ауыздың құрғауы, дене салмағының артуы

  • бас ауыру

  • қатты тершеңдік

  • аллергиялық реакциялар

Өте сирек

  • қызыл жалпақ теміреткі, қызыл жегі тәрізді реакциялар

  • бір ғана холестаздық сарғаю жағдайы

  • қарттық жастағы науқастарға препаратты ұзақ қолданғанда экстрапирамидалық бұзылыстар, депрессия болуы мүмкін. Мұндай жағдайларда емдеу курсын тоқтату керек.

Қолдануға болмайтын жағдайлар

- препарат компоненттеріне жоғары сезімталдық

- 6 жасқа дейінгі балалар

Дәрілермен өзара әрекеттесуі

Алькогольді қатар пайдалану және орталық жүйке жүйесі қызметін бәсеңдететін дәрілерді немесе үшциклді антидепрессанттарды қолдану атап шыққан дәрілік заттардың кезкелгені немесе Циннаризин препараты тыныштандыратын әсерді күшейтуі мүмкін. Теріге аллергиялық сынама жүргізген кезде гистаминге қарсы әсеріне байланысты Циннаризин тері реактивтілігінің факторына оң реакцияны жасыруы мүмкін. Мұның алдын алу үшін теріге сынама жүргізгенге дейін препаратты 4 күн бұрын қабылдамау керек.

Айрықша нұсқаулар

Эпигастрия аймағында жайсыздықты туындатуы мүмкін, тамақтанудан кейін қабылдау асқазан шырышты қабығының тітіркенуін азайтады.

Паркинсон ауруы бар пациенттерге оны тағайындаудан артықшылығы жай-күйдің нашарлау қаупінің мүмкіндігінен артқан жағдайда ғана тағайындалуы тиіс.

Мынадай аурулар болғанда сақтықпен қолданады: айқын гипотония, бауыр және бүйрек аурулары.

Таблетка құрамында лактоза моногидраты бар, осыған байланысты галактоза жақпаушылығы, Лапп лактаза жеткіліксіздігі сияқты сирек тұқым қуалайтын аурулары немесе глюкоза-галактоза сіңуінің бұзылуы бар пациенттер препаратты қабылдамаулары тиіс.

Циннаризин емдеудің басында ұйқышылдық туындатуы мүмкін болғандықтан, алкоголді қатар тұтынғанда немесе ОЖЖ қызметін бәсеңдететін дәрілер қабылдағанда сақ болған жөн.

Жүктілік және лактация кезеңі

Егер анасы үшін емдік пайдасы ұрыққа төнетін ықтимал қауіпті ақтайтын жағдайда болса ғана, препарат жүктілік кезеңінде пайдаланылуы тиіс.

Препаратының әйелдің емшек сүтіне бөлінуі туралы деректер жоқ, сондықтан Циннаризин қабылдайтын әйелдер бала емізуден бас тарта тұрулары тиіс.

Дәрілік заттың көлік құралын немесе қауіптілігі зор механизмдерді басқару қабілетіне әсер ету ерекшеліктері

Әсіресе емдеудің басында ұйқышылдық туындатуы мүмкін, сондықтан автокөлікті басқару және жоғары назар шоғырландыруды және психомоторлық реакцияның жылдамдығын талап ететін басқа да қауіпті қызмет түрлерімен айналысуда абай болу керек.

Артық дозалануы

Симптомдары: құсу, ұйқышылдық, тремор, АҚ шамадан тыс төмендеуі, кома.

Емі: арнайы у қайтарғысы жоқ, асқазанды шаю, белсендірілген көмір, симптоматикалық ем.

Шығарылу түрі мен қаптамасы

50 таблеткадан поливинилхлоридті үлбірден және алюминий фольгадан жасалған пішінді ұяшықты қаптамаға салынған.

1 пішінді қаптамадан медициналық қолдану жөніндегі мемлекеттік және орыс тіліндегі нұсқаулықпен бірге картон қорапшаға салынады.

Сақтау шарттары

Құрғақ, жарықтан қорғалған жерде, 25 оС-ден аспайтын температурада сақтау керек.

Балалардың қолы жетпейтін жерде сақтау керек.

Сақтау мерзімі

3 жыл

Жарамдылық мерзімі өткеннен кейін пайдалануға болмайды.

Дәріханалардан босатылу шарттары

Рецепт арқылы

Өндіруші

«ФАРМА» АД, 2600, Дупница, Неофит Рилски к-сі 13, Болгария

Тіркеу куәлігінің иесі

«ФАРМА» АД, 2600, Дупница, Неофит Рилски к-сі 13, Болгария

Қазақстан Республикасы аумағында тұтынушылардан өнім (тауар) сапасына қатысты шағымдар қабылдайтын ұйымның мекенжайы

«MFS Company» ЖШС

050004, Қазақстан Республикасы, Алматы қ., Тохтабаев к-сі, 9-35 үй

Телефон/Факс: (727)3172030

E-mail: mfs_info@mail.ru

Прикрепленные файлы

364051591477976320_ru.doc 58 кб
334455171477977565_kz.doc 72 кб

Отправить прикрепленные файлы на почту

Источники

Национальный центр экспертизы лекарственных средств, изделий медицинского назначения и медицинской техники