Цилоксан®

• русский
• қазақша

• Скачать инструкцию медикамента

Саудалық атауы

Цилоксан

Халықаралық патенттелмеген атауы

Ципрофлоксацин

Дәрілік түрі

Көз тамшы дәрісі 0,3, 5 мл

Құрамы

1 мл құрамында

белсенді зат - 3,5 мг ципрофлоксацин гидрохлориді моногидраты (3.0 мг ципрофлоксацинге баламалы)

қосымша заттар: бензалконий хлориді, натрий ацетаты тригидраты, сірке қышқылы 6 М, маннитол, динатрий эдетаты, хлорсутек қышқылы және/немесе натрий гидроксиді рН түзету үшін, тазартылған су.

Сипаттамасы

Түссізден ашық-сары түске дейінгі мөлдір ерітінді.

Фармакотерапиялық тобы

Көз ауруларын емдеуге арналған препараттар. Басқа да микробтарға қарсы препараттар. Ципрофлоксацин.

АТХ коды S01АХ13

Фармакологиялық қасиеттері

Фармакокинетикасы

Көзге жергілікті қолданғаннан кейін ципрофлоксациннің жүйелік сіңуі төмен. Көзге 7 күн бойы жергілікті түрде қолданғаннан кейінгі плазмадағы ципрофлоксациннің деңгейі өлшенбейтіннен ( 1,25 нг/м) 4,7 нг/мл-ге дейінгі аралықта табылады. Көзге жергілікті қолданғаннан кейінгі плазмадағы ципрофлоксацин деңгейінің орташа жоғарғы мәні, ципрофлоксацинді ішу арқылы 250 мг қабылдағаннан кейін бақыланатын мәнінен шамамен 450 есе аз.

Таралу көлемі тепе-теңдік жағдайда 1.7-2.7 л/кг құрайды. Сарысулық байланысқан ақуыз 16-43 құрайды. Плазмадан ципрофлоксациннің жартылай шығарылу кезеңі 3-5 сағатты құрайды. Ципрофлоксациннің 250-750 мг бір реттік дозасын ішу арқылы қолданғаннан кейін бүйрек қызметі қалыпты ересек емделушілерде дозаның 15-50% жуығы өзгермеген түрде несеппен және 24 сағат ішінде метаболит түрінде 10-15% шығарылады. Ципрофлоксацин де және оның негізгі төрт метаболиті де несеппен және нәжіспен шығарылады. Ципрофлоксациннің бүйректік клиренсі әдетте 300-479 мл/мин құрайды. Дозаның шамамен 20-40-ы 5 күн ішінде нәжіспен өзгермеген түрде және метаболиттер түрінде шығарылады.

Фармакодинамикасы

Цилоксан көз тамшы дәрісінің құрамында хинолон ципрофлоксацин гидрохлориді бар. Хинолондар ДНҚ-гиразаны тежеу арқылы бактерицидтік әсер береді.

Бактерияларға қарсы белсенділігінің ауқымы

ҚАБЫЛДАҒЫШ ТҮРЛЕРІ

Қолданылуы

Ципрофлоксацинді қабылдағыш штаммдар туындатқан көздің және оның қосалқыларының жұқпаларында:

- мөлдір қабықтың ойық жарасында

- кератитте

- конъюнктивитте

Офтальмологияда операциядан кейінгі жұқпалы аурулардың асқынуының алдын алуға.

Қолдану тәсілі және дозалары

Мөлдір қабықтың ойық жарасында:

Цилоксан® көз тамшы дәрісі, тіпті түнгі уақытта да, мынадай аралықта қолданылуға тиіс:

• бірінші тәуліктің алғашқы алты сағатында әрбір 15 минут сайын зақымданған көздің конъюнктива қапшығына 2 тамшыдан; және одан кейін тәуліктің соңына дейін әрбір 30 минут сайын зақымданған көздің конъюнктива қапшығына 2 тамшыдан

• екінші тәулікте зақымданған көздің конъюнктива қапшығына әрбір сағат сайын 2 тамшыдан

• үшінші тәуліктен бастап он төртінші тәулікке дейін зақымданған көздің конъюнктива қапшығына әрбір 4 сағат сайын екі тамшыдан.

Мөлдір қабық ойық жарасын емдеу ұзақтығы 14 күннен асуы мүмкін; дозалануы мен емдеу ұзақтығын емдеуші дәрігер реттейді.

Көздің және оның қосалқыларының беткейлік жұқпаларында:

Күніне 4 рет зақымданған көздің конъюнктива қапшығына әдеттегі доза 1 немесе 2 тамшы. Елеулі жұқпа жағдайында алғашқы екі күнінде доза сергек сағатында әрбір 2 сағат сайын 1-2 тамшыны құрайды.

Емдеудің әдеттегі ұзақтығы 7-14 күнді құрайды.

Педиатрияда қолдану

8 жастан кіші балаларға Цилоксан® көз тамшы дәрісі препаратын қолдану тиімділігі мен қауіпсіздігі анықталмаған. 8 жастағы және одан үлкен балалар үшін доза ересек емделушілерге арналған дозаны құрайды. Тамызғаннан кейін мұрынжас каналын қысу немесе қабақты абайлап жабу ұсынылады. Бұл көз тіндері арқылы енгізілген дәрілік препараттың жүйелік сіңуін төмендетеді және жүйелік жағымсыз әсерлердің дамуының алдын алады.

Басқа жергілікті офтальмологиялық дәрілік препараттармен біріктіріп емдеген жағдайда, препараттар арасындағы аралық шамамен 10-15 минут болуы ұсынылады.

Құтының ішіндегісінің ластануын болдырмау үшін, тамшуырдың ұшын көзге немесе кез келген басқа беткейге тигізіп алмау керек.

Жағымсыз әсерлері

Жергілікті:

Жиі

- көздің қышынуы, көздің тітіркенуі

- көздегі жайсыздық, көзде бөгде денені сезіну, көзде абнормальді сезіну

- қабақ шетінде қабықтың түзілуі

- конъюнктива гиперемиясы, көз гиперемиясы

- препарат қалдығы

Жиі емес

• кератит, кератопатия, мөлдір қабықтың боялуы

- көз аллергиясы

- көру жітілігінің төмендеуі, көрудің бұлыңғырлануы, жарықтан қорқу

- қабақтың ісінуі

- мөлдір қабық инфильтрациясы

- көздің ауыруы

- жас ағудың артуы

Жүйелі:

Жиі

• дәм сезудің бұзылуы

Жиі емес

- постназальді синдром

- жүрек айнуы

- дерматит

- герпестік кератит, көз жүйкесінің қарапайым ұшығы, теріскен

- жоғары сезімталдық

- бас ауыруы

Қолдануға болмайтын жағдайлар

• ципрофлоксацинге немесе басқа хинолондарға, немесе қосымша заттардың қандай да біріне жоғары сезімталдық

• 8 жасқа дейінгі балалар

• жүктілік және лактация кезеңі

Дәрілермен өзара әрекеттесуі

Дәрілермен өзара әрекеттесуіне зерттеулер жүргізілген жоқ.

Кейбір хинолондарды жүйелік қолданған кезде қан плазмасындағы теофиллин концентрациясы артуы, кофеин метаболизміне әсер етуі және ішілетін антикоагулянт варфариннің және оның туындыларының әсерін күшейтуі мүмкін. Сондай-ақ циклоспоринмен хинолон туындыларын бір мезгілде пайдалану қан сарысуындағы креатининнің өтпелі артуымен байланысады.

Ципрофлоксациннің жүйелі концентрациясының төмендігін ескере отырып көзге жергілікті қолданғаннан кейін, дәрілік өзара әрекеттесу ықтималдығы аз.

Айрықша нұсқаулар

Жергілікті офтальмологиялық қолдануға арналған препаратты, инъекция немесе ішке қабылдау үшін пайдалануға болмайды.

Цилоксан® көз тамшы дәрісі препаратын қолдануды алғашқы тері бөртпесі немесе кез келген басқа да жоғары сезімталдық белгілері пайда болған кезде тоқтату керек. Жүйелі хинолондарды қабылдаған науқастарда кейде алғашқы дозадан кейін, жоғары сезімталдық реакциясының (анафилактикалық реакциялар) елеулі кейбір жағдайларда өліммен аяқталуы байқалды. Кейбір реакциялар жүрек-қантамыр жеткіліксіздігімен, естен танумен, шаншумен, көмей және беттің ісінуімен, ентігумен, есекжеммен және қышынумен қатар жүрген. Жоғары сезімталдықтың айтарлықтай жедел елеулі рекациясында кезек күттірмейтін жылдам эпинефринмен (адреналинмен) емдеу және оттегіні қабылдауды, көктамырішілік ерітіндіні, көктамырішілік гистаминге қарсы дәріні, кортикоидты, тамыр тарылтқыш факторларды және клиникалық қажеттілік жағдайда өкпені жасанды желдетуді қоса басқа да реанимациялық шаралар талап етіледі.

Хинолондар класының кейбір өкілдерін жүйелі қабылдаған уақытта тікелей күн сәулесінің астында болған емделушілерде күн сәулесінің күйдіру реакциясы түрінде фотоуыттылықтың орташадан ауыр дәрежеге дейін пайда болғаны белгілі. Шамадан көп күн сәулесіннен аулақ болған жөн. Фотоуыттылық жағдайы пайда болғанда емдеуді тоқтату керек.

Ұзақ қолдану басқа да бактерияға қарсы препараттарды қолдану секілді бактериялық штаммдардың немесе зеңдердің cезімтал емес санының шамадан көп пайда болуына әкелуі мүмкін. Асқын жұқпа пайда болған жағдайда тиісті ем бастау керек.

Фторхинолондар, оның ішінде ципрофлоксацинмен жүйелі емдеу кезінде, әсіресе егде емделушілерде және кортикостероидтарды бірге қабылдап жүрген емделушілерде сіңірдің қабыну және үзілу жағдайы болуы мүмкін. Сондықтан Цилоксан® көз тамшы дәрісімен емдеу сіңір қабынуының алғашқы белгісінде тоқтатылуы тиіс.

Педиатрия

Цилоксан® көз тамшы дәрісі препаратының құрамында бензалконий хлориді бар болғандықтан, оны 8 жастан кіші балаларға қолдану ұсынылмайды.

Жүктілік

Цилоксан® көз тамшы дәрісі препаратын жүкті әйелдерге пайдалану бойынша барабар деректер жоқ. Цилоксан® көз тамшы дәрісі препаратын жүктілік кезінде қолдану ұсынылмайды.

Лактация

Ішке қабылдау арқылы қолданғанда ципрофлоксацин емшек сүтінен табылған. Көзге жергілікті қолданғанда ципрофлоксациннің емшек сүтіне бөлінетіндігі жөнінде жеткілікті деректер жоқ. Көптеген дәрілік препараттар емшек сүтіне бөлінетіндіктен, бала үшін емшек емізу артықшылығы мен әйел үшін емдеу пайдасын ескере отырып, бала емізуді тоқтату немесе Цилоксан® көз тамшы дәрісі препаратымен емдеуді тоқтата/үзе тұру жөнінде дұрыс шешім қабылдау керек. Емшек емізу кезеңінде препаратты қолданғанда емшек емізуді тоқтату керек.

Жанаспалы линзалар

Цилоксан® көз тамшы дәрісі құрамында консервант ретінде бензалконий хлориді бар, ол көздің тітіркенуіне және жұмсақ жанаспалы линзаның түссізденуіне әкелуі мүмкін. Көз жұқпасын емдеу кезінде жанспалы линзаны тағу ұсынылмайды. Цилоксан® көз тамшы дәрісімен емдеу кезінде емделушілерге жанаспалы линзаны тағу ұсынылмайды.

Дәрілік заттың көлік құралдарын немесе қауіпті механизмдерді басқару қабілетіне ықпал ету ерекшеліктері

Тамызғаннан кейін көру уақытша анық болмауы немесе көрудің басқа да бұзылыстары болуы мүмкін, бұл автомобильді немесе басқа да қауіпті механизмдерді басқару қабілетіне жағымсыз ықпалын тигізуі мүмкін. Мұндай жағдайда көздің көруі қалпына келгенше аздаған уақыт күте тұру қажет.

Артық дозалануы

Артық дозалану жағдайы жөнінде хабарлар болған жоқ.

Цилоксан® көз тамшы дәрісі препаратын жергілікті қолданған кезде артық дозаланған жағдайда, көзді жылы сумен шаю ұсынылады.

Цилоксан® көз тамшы дәрісі препаратын кездейсоқ ішке қабылдаған кезде уыттылықтың пайда болу ықтималдығы аз.

Емі: артық дозаланудың барлық жағдайында симптоматикалық және демеуші болуы тиіс.

Шығарылу түрі және қаптамасы

5 мл препараттан полипропиленнен жасалған бұралатын ақ түсті қалпақшасы және дозалағыш ұштығы бар, Дроптейнер™ жүйесінің тығыздығы төмен полиэтиленнен жасалған табиғи түсті жартылай мөлдір құтысына салынған.

1 құтыдан медицинада қолданылуы жөніндегі мемлекеттік және орыс тіліндегі нұсқаулықпен бірге картон пәшкеге салынған.

Сақтау шарттары

Жарықтан қорғалған жерде, 30 °С-ден аспайтын температурада. Салқындатуға және мұздатып қатыруға болмайды. Балалардың қолы жетпейтін жерде сақтау керек!

Сақтау мерзімі

2 жыл

Құтыны ашқаннан кейінгі қолдану кезеңі – 4 апта.

Жарамдылық мерзімі өткеннен кейін қолдануға болмайды.

Дәріханалардан босатылу шарттары

Рецепт арқылы

Өндіруші

Alcon-Couvreur

В-2870 Пуурс, Бельгия

Тіркеу куәлігінің иесі

Alcon-Couvreur, Бельгия

Қазақстан Республикасы аумағында тұтынушылардан өнім (тауар) сапасына қатысты шағымдарды қабылдайтын ұйымның мекенжайы: «Алкон Фармасьютикалс Лтд.» өкілдігі

Тел.: +7 (727) 256 02 05

Факс: +7 (727) 256 06 81

Электронды поштасы: phv.hotline@alcon.com