Циклонамин (12,5 %)
Инструкция
-
русский
-
қазақша
Саудалық атауы
Циклонамин
Халықаралық патенттелмеген атауы
Этамзилат
Дәрілік түрі
Инъекцияға арналған ерітінді 12.5 %, 2 мл
Құрамы
Бір ампуланың (2 мл) ішінде
белсенді зат - 250,0 мг этамзилат бар,
қосымша заттар: натрий метабисульфиті, сусыз натрий сульфиті, инъекцияға арналған су.
Сипаттамасы
Мөлдір түссіз сұйықтық.
Фармакотерапиялық тобы
Қан түзілуі мен қанға әсер ететін препараттар. Басқа да жүйелі гемостатиктер. Этамзилат.
АТХ коды B02BX01
Фармакологиялық қасиеттері
Фармакокинетикасы
500 мг этамзилатты көктамыр ішіне енгізгеннен кейін, плазмадағы ең жоғарғы концентрациясына 10 минуттан соң жетеді; қан плазмасынан жартылай шығарылу кезеңі 1,9 сағатқа жуықты құрайды. Қабылданған дозасының 85 %-ға жуығы бастапқы 24 сағат ішінде несеппен шығарылады.
Қан плазмасы ақуыздарымен байланысу дәрежесі 95 %-ға жуықты құрайды. Қан плазмасынан жартылай шығарылу кезеңі 3.7 сағатқа жуықты құрайды. Қабылданған дозасының 72 %-ға жуығы бастапқы 24 сағат ішінде несеппен шығарылады: молекула өзгеріссіз күйде шығарылады. Этамзилат плацентарлық бөгет арқылы өтеді. Ананың және кіндіктің қанындағы этамзилаттың концентрациялары ұқсас. Этамзилаттың емшек сүтіне өтетін-өтпейтіндігі белгісіз.
Бауыр және бүйрек жеткіліксіздігі бар емделушілердегі фармококинетикасы. Бүйрек және/немесе бауыр функциясының бұзылуы бар емделушілерде этамзилаттың фармакокинетикалық қасиеттері өзгеретін-өзгермейтіндігі белгісіз.
Фармакодинамикасы
Этамзилат – бұл синтетикалық қан тоқтататын және ангиопротекторлық препарат, бастапқы қан тоқтатқыш дәрі ретінде қолданылады (эндотелий-тромбоциттердің өзара әрекеттесуі). Тромбоциттердің адгезивтілігін жақсарта отырып және қылтамырлардың резистенттілігін қалпына келтіре отырып, препарат қан кету уақытынның қысқаруы мен қан жоғалтудың азаюын қамтамасыз етеді.
Этамзилаттың тамырды тарылтатын әсері жоқ, фибринолизге әсер етпейді және плазманың коагуляциясы факторларын өзгертпейді.
Қолданылуы
- отоларингология, гинекология, акушерлік, урология, стоматология, офтальмология және пластикалық хирургиядағы хирургиялық операциялар кезіндегі және олардан кейінгі қан кетулердің алдын алу және тоқтатуда;
- шығу тегі мен орналасуы әр түрлі: гематурия, метроррагия, бастапқы меноррагиялар, жатырішілік контрацептивтерді пайдаланатын әйелдердегі меноррагиялар, мұрыннан қан кету, қызыл иектің қанауы кезіндегі қылтамырлық қан кетулердің алдын алу және тоқтатуда
Қолдану тәсілі және дозалары
Препаратты бұлшықет ішіне немесе көктамыр ішіне енгізеді.
Ересектерде қолданылуы
Көп жағдайларда көктамыр ішіне немесе бұлшықет ішіне тәулігіне 3-4 рет 250 - 500 мг (1 - 2 ампула) енгізіледі.
Хирургияда
Операцияға дейін: емшараға дейін 1 сағат бұрын көктамыр ішіне немесе бұлшықет ішіне 250-500 мг (1-2 ампула);
Операция кезінде: көктамыр ішіне 250-500 мг (1-2 ампула);
Операциядан кейін: қан кету қаупі бар кезде, бұлшықет ішіне, 4-6 сағат аралықпен 250-500 мг (1-2 ампула).
Қан кету ауырлығына байланысты шұғыл жағдайлар: қан кету қаупі бар кезде, көктамыр ішіне немесе бұлшықет ішіне әр 4-6 сағат сайын 250 - 500 мг (1-2 ампула)
Жергілікті қолданылуы: тампонды ампуланың ішіндегісіне шылайды және қан кету орнына, немесе жұлынған тістің орнындағы ойыққа басады. Қажет болса, препаратқа малынған тампон басуды қайталауға немесе препаратты оральді немесе парентеральді қабылдаумен біріктіруге болады.
Балалар: тәуліктік дозасы кг дене салмағына 3-4 қабылдауға бөлінген 10-15 мг құрайды.
Жағымсыз әсерлері
Сирек (≥ 1/10000, < 1/1000)
- гипотония
- бас ауыруы, бас айналуы
- бет гиперемиясы
- аллергиялық реакциялар (тері бөртпесі, анафилактикалық шок, демікпе ұстамасы)
- ауыздағы ащы дәм, жүрек айнуы, құсу, эпигастрийдің ауыруы, диарея
- белдің, арқаның ауыруы
- аяқтардағы парестезия
Өте сирек (< 1/10000):
- тромбоэмболия
- жедел порфирия
Қолдануға болмайтын жағдайлар
- препараттың кез-келген компонентіне аса жоғары сезімталдық
- жүктілік және лактация кезеңі
- жедел порфирия
- бронх демікпесі және басқа аллергиялық аурулар
- тромбоз, тромбоэмболия
- 4 жасқа дейінгі балаларға
- балалардағы гемобластоз (лимфобластты және миелобластты лейкоз, остеосаркома)
Дәрілермен өзара әрекеттесуі
Инъекцияға арналған ерітінді басқа дәрілік затармен үйлесімсіз (бір еккіште).
Декстрандарды енгізуден (орташа молекулалық салмағы 30-40 мың Да) 1 сағат бұрын кг дене салмағына 10 мг дозада енгізу олардың антиагреганттық әсерін болдырмайды. Декстрандарды енгізгеннен кейін Циклонаминді енгізу гемостатикалық әсер бермейді.
Аминокапрон қышқылымен және менадион натрий бисульфитімен үйлесуі мүмкін.
Инъекцияға арналған ерітінді құрамында гидрогенкарбонат пен натрий лактаты бар ерітінділермен үйлесімсіз. Басқа препараттармен өзара әрекеттесуі белгісіз.
Айрықша нұсқаулар
Антикоагулянттардың артық дозалануымен байланысты геморрагиялық асқынулар кезінде арнайы у қайтарғыларды пайалану ұсынылады. Этамзилатты қанның ұю жүйесі бұзылған науқастарда пайдалануға болады, бірақ ол ұйыту жүйесі факторларының анықталған тапшылығын немесе ақауын қайтаратын дәрілік заттарды енгізумен толықтырылуы тиіс.
Емдеуді бастар алдында, препараттың тромбоцитопениясы бар емделушілерде тиімсіз екендігін ескеру қажет.
Препаратты артериялық қысымы тұрақсыз немесе гипотониясы бар емделушілерге сақтықпен тағайындайды.
Циклонаминнің құрамында сульфиттер бар, олар басқа ингредиенттеріне қарағанда, аса жоғары сезімталдық реакцияларын, әсіресе сыртартқысында аллергиялық реакциялар бар науқастарда жиі тудыруы мүмкін. Аллергиялық реакция туындаған жағдайда препаратпен емдеуді дереу тоқтату керек.
Дәрілік заттың көлік құралын немесе қауіптілігі зор механизмдерді басқару қабілетіне әсер ету ерекшеліктері
Препараттың көлік және зейін шоғырландыруды қажет ететін басқа механизмдерді басқару қабілетіне әсері туралы мәліметтер жоқ.
Артық дозалануы
Артық дозаланған жағдайлар туралы деректер жоқ.
Шығарылу түрі және қаптамасы
2 мл препараттан түссіз шыныдан жасалған ампулаларға құяды.
Ампулаға өздігінен желімденетін заттаңба жапсырылады.
5 ампуладан поливинилхлоридті үлбірден жасалған пішінді ұяшықты қаптамаға салынады.
1 немесе 10 пішінді қаптамадан медицинада қолданылуы жөніндегі мемлекеттік және орыс тілдеріндегі нұсқаулықпен бірге картон пәшкеге салады.
Сақтау шарттары
25 0С-ден аспайтын температурада сақтау керек.
Балалардың қолы жетпейтін жерде сақтау керек.
Сақтау мерзімі
3 жыл
Жарамдылық мерзімі өткеннен кейін пайдалануға болмайды.
Дәріханалардан босатылу шарттары
Рецепт арқылы
Өндіруші
«ПОЛЬФАРМА» Фармацевтикалық зауыты АҚ, Польша
Польша, 83-200 Старогард Гданьски, Пельплиньска к-сі 19
Тіркеу куәлігінің иесі
«ГАЛЕНА» ФӨК, Польша
Қазақстан Республикасы аумағында тұтынушылардан өнім (тауар) сапасына қатысты шағымдарды қабылдайтын ұйымның мекенжайы Қазақстандағы «ПОЛЬФА» АҚ өкілдігі
Республика алаңы 15, 372 кеңсе, 050013 Алматы
тел/факс + 7 (727) 2505 241, 2505 962, 2503 469