Цеф III (0.5 Грамм) (Цефтриаксон)

Цеф III®

Цефтриаксон

Дәрілік түрі, дозасы

Вена ішіне және бұлшықет ішіне енгізу үшін ерітінді дайындауға арналған 0.5 г және 1.0 г ұнтақ

Жүйелі пайдалануға арналған инфекцияға қарсы препараттар. Жүйелі қолдануға арналған бактерияға қарсы препараттар. Бактерияға қарсы басқа бета-лактамды препараттар. Үшінші буын цефалоспориндері.

Цефтриаксон.

АТХ коды J01DD04

Цефтриаксонға сезімтал қоздырғыштардан туындаған инфекцияларда:

• тыныс алу жолдарының инфекциялары, әсіресе пневмония, сондай-ақ ЛОР-ағзалардың инфекциялары

• абдоминальді инфекциялар (перитонит, өт жолдарының, сондай-ақ асқазан-ішек жолының инфекциялары)

• бүйрек және несеп шығару жолдарының инфекциялары

• созды қоса, жыныс ағзаларының инфекциялары

• сепсис

• сүйектердің, буындардың, жұмсақ тіндердің, терінің инфекциялары, сондай-ақ жарақат инфекциялары

• иммунитеті әлсіреген пациенттердегі инфекциялар

• менингит

• диссеминацияланған Лайм ауруы (II және III сатылары)

Асқазан-ішек жолындағы, өт жолдарындағы, урогенитальді және гинекологиялық аймақтардағы инфекциялардың операция алдындағы профилактикасы, бірақ әлеуетті немесе дәлелденген контаминация жағдайларында ғана.

Антибиотиктерді тиісті түрде пайдалану жөніндегі ресми нұсқауларға, әсіресе антибиотиктерге резистенттіліктің жоғарылауының алдын алу үшін қолдану жөніндегі нұсқауларға назар аудару қажет.

Қолданудың басталуына дейінгі қажетті мәліметтер тізбесі

-цефтриаксонға, цефалоспориндерге немесе кез-келген қосалқы заттарға аса жоғары сезімталдық.

• анамнезде бактерияға қарсы басқа бета-лактамдық препараттарға (пенициллиндер, монобактамдар және карбапенемдер) аса жоғары сезімталдықтың ауыр реакциялары (мысалы, анафилаксиялық реакциялар)

• еріткіші – лидокаинге аса жоғары сезімталдық. Лидокаинді пайдаланып цефтриаксонның бұлшықет ішіне инъекциясын жүргізер алдында лидокаинге қарсы көрсетілімдердің бар-жоқтығын анықтау қажет. Лидокаинді қолдануға болмайтын жағдайлар лидокаинді медициналық қолдану жөніндегі нұсқаулықта келтірілген.

Құрамында лидокаин бар цефтриаксон ерітінділерін вена ішіне

енгізуге болмайды

• жүрек өткізгіштігінің бұзылуы

• жедел іркілісті жүрек жеткіліксіздігі

• 41 аптаны қоса алғанға дейінгі (гестациялық және постнатальді жастың қосындысы) мерзімі жетпеген жаңа туған нәрестелер

• гипербилирубинемиясы бар жаңа туған нәрестелер, цефтриаксонның ықпалымен билирубиннің сарысулық альбуминмен байланысудан ығыстырылуы себебінен билирубиндік энцефалопатияның даму қаупіне орай

• жаңа туған нәрестелер және құрамында кальций бар ерітінділер:

Цеф III® препаратын, құрамында кальций бар ерітінділерді вена ішіне енгізу қажет немесе қажет болуы мүмкін жаңа туған нәрестелерге (жасы 28 күнге дейінгі) құрамында кальций бар препараттардың ұзаққа созылатын инфузияларын қоса, мысалы, парентеральді тамақтандыру кезінде, өкпеде және бүйректе өлімге әкеліп соғатын цефтриаксонның кальций тұздары преципитаттарының түзілу қаупіне орай, қолдануға болмайды.

Цефтриаксон және құрамында кальций бар ерітінділерді алған жаңа туған нәрестелерде өліммен аяқталған бірнеше оқиғалар тіркелді, бұл ретте өкпеде және бүйректе аутопсия кезінде преципитаттар анықталды. Осы жағдайлардың кейбіреуінде цефтриаксон препаратын және құрамында кальций бар ерітінділерді енгізу үшін бір ғана инфузиялық желі пайдаланылды, басқа жағдайларда инфузиялық желіде тұнба анықталды. Цефтриаксон және құрамында кальций бар ерітінділер әртүрлі уақытта және әртүрлі инфузиялық желілер арқылы енгізілген кезде кем дегенде бір неонатальді өлім оқиғасы туралы хабарланды; аутопсия кезінде преципитаттар анықталмады. Жаңа туған нәрестелерден басқа пациенттердің жас санаттарына қатысты осындай хабарламалар келіп түскен жоқ .

Қолдану кезіндегі қажетті сақтандыру шаралары

Аса жоғары сезімталдық реакциялары

Басқа бета-лактамды антибиотиктерді қолданғандағы сияқты, аса жоғары сезімталдықтың ауыр, соның ішінде өліммен аяқталған реакциялары тіркелген. Аса жоғары сезімталдықтың ауыр реакциясы дамыған жағдайда, Цеф III® препаратымен емдеуді дереу тоқтату және сәйкесінше шұғыл емдеу шараларын жүргізу қажет. Цеф III® препаратымен емдеуді бастар алдында пациентте цефтриаксонға, цефалоспориндерге аса жоғары сезімталдық реакцияларының немесе басқа бета-лактамды антибиотиктерге (пенициллиндерге, монобактамдар мен карбапенемдерге) аса жоғары сезімталдықтың ауыр реакцияларының байқалған-байқалмағандығын анықтап алу қажет. Анамнезінде басқа бета-лактамдық антибиотиктерге аса жоғары сезімталдықтың реакциялары бар пациенттерге цефтриаксонды тағайындағанда сақтық таныту қажет.

Аса жоғары сезімталдық реакциялары (оның ішінде анафилаксиялық шок) лидокаиннен (бұлшықет ішіне енгізуге арналған еріткіштің құрамында бар) туындаған болуы мүмкін.

Сәйкесінше, Цеф III® және Цефтриаксонды қоса алғанда, бета-лактамды антибиотиктерді қабылдаған пациенттерде Стивенс-Джонсон синдромы, уытты эпидермалық некролиз, эозинофилиямен және жүйелі симптомдармен дәрілік бөртпе (DRESS), мультиформалы эритема және жедел жайылған экзантематоздық пустулез (AGEP) сияқты, дәрілік заттарға ауыр тері реакциялары (СКАР) тіркелген.

Аса жоғары сезімталдық реакциялары сондай-ақ Коунис синдромына — күрделі аллергиялық реакцияға әкелуі мүмкін, ол миокард инфарктіне ұшыратуы ықтимал. Мұндай реакциялардың алғашқы симптомдары бета-лактамды антибиотиктерге аллергиялық реакциямен байланысты кеуденің ауыруын қамтуы мүмкін.Мұндай реакциялар туындаған жағдайда Цеф III® қабылдауды дереу тоқтату және баламалы терапияны қарастыру керек.

Протромбин уақытының ұзаруы

Цефтриаксон протромбин уақытын ұзартуы мүмкін. K дәруменінің тапшылығына күдіктенген жағдайда протромбин уақытын бақылау ұсынылады.

Жаңа туған нәрестелер, балалар мен жасөспірімдер

Цефтриаксонды құрамында кальций бар ерітінділермен, тіпті егер ерітінділер әртүрлі инфузиялық желілердің көмегімен енгізілсе де, араластыруға немесе бір мезгілде енгізуге болмайды.

Тіпті әртүрлі инфузиялық желілерді пайдаланғанның және цефтриаксон мен құрамында кальций бар ерітінділерді әртүрлі уақытта енгізгеннің өзінде, жаңа туған нәрестелердің өкпесі мен бүйрегінде цефтриаксон-кальций преципитаттарының түзілуінің нәтижесінде өліммен аяқталған жағдайлар сипатталған. Сондықтан, құрамында кальций бар вена ішілік кальций ерітінділерін жаңа туған нәрестелерге, Цеф III® препаратын соңғы рет енгізгеннен кейін кем дегенде 48 сағаттың ішінде енгізуге болмайды.

Әртүрлі жас топтарындағы пациенттерде цефтриаксонды және құрамында кальций бар вена ішілік ерітінділерді бір мезгілде қолданудан кейін цефтриаксон-кальций преципитаттарының түзілу жағдайлары белгісіз. Дегенмен, оларды барлық пациенттерде бір мезгілде қолданудан аулақ болу керек.

Аутоиммундық гемолиздік анемия

Басқа цефалоспориндерді қолданғандағы сияқты, Цеф III® препаратымен емдеу кезінде аутоиммундық гемолиздік анемия дамуы мүмкін. Ересектер мен балаларда ауыр, соның ішінде өліммен аяқталған гемолиздік анемия жағдайлары тіркелген. Цеф III® препаратымен емделіп жүрген пациентте анемия дамыған жағдайда, цефалоспоринмен астасқан анемия диагнозын жоққа шығаруға болмайды және себебі анықталғанға дейін емдеуді тоқтата тұру қажет.

Қан талдауының мониторингі

Ұзақ уақыт емдегенде қанның кеңейтілген талдауын жүйелі түрде жүргізіп отыру керек.

Колит/Сезімтал емес микроорганизмдердің шамадан тыс көбеюі

Цефтриаксонды қоса, антибиотиктердің барлығын дерлік қолданған жағдайда, антибиотикпен астасқан колит пен жалғанжарғақшалы колит тіркелген, және ауырлығы жағынан жеңілден өмірге қауіп төндіретінге дейін ауытқып отыруы мүмкін.

Бактерияға қарсы препараттармен емдеу тоқ ішектің қалыпты микрофлорасын бәсеңдетеді және. С. difficile өсуіне түрткі болады

С. difficile CDAD патогенезінің факторлары болып табылатын А және B токсиндерін өндіреді. Токсиндерді көп өндіретін С. difficile штамдары, олардың микробқа қарсы емге төзімді болуы мүмкіндігі салдарынан, асқынулар мен өлім қаупі жоғары инфекциялардың қоздырғыштары болып табылады, ал емі колоноэктомияны қажет етуі мүмкін. Антибиотиктермен емдеуден кейінгі диареясы бар пациенттердің барлығында CDAD диагнозын қарастыру керек. Егжей-тегжейлі анамнез жинақтау қажет, өйткені, бактерияға қарсы емнен кейін 2 ай өткен соң CDAD дамыған жағдайлар туралы хабарланған. CDAD күдік туындаған немесе расталған жағдайда, ағымдағы, С. difficile-ге бағытталмаған антибиотиктермен емді тоқтату қажет болуы мүмкін. Клиникалық көрсетілімдері бар болса, сұйықтықтар мен электролиттерді, ақуыздарды және С. difficile-ге қатысты тиімді бактерияға қарсы препараттарды енгізумен тиісінше ем, хирургиялық емдеу тағайындалуы тиіс.

Ішек перистальтикасын бәсеңдететін препараттарды қолдануға болмайды.

Суперинфекциялар

Цеф ІІІ® препаратын ұзақ уақыт қолданғанда сезімтал емес қоздырғыштардың саны артуы мүмкін. Осыған байланысты пациентті мұқият қадағалау қажет. Егер емдеу кезінде суперинфекция дамыса, тиісті шараларды қабылдау қажет.

Бүйрек функциясының бұзылуы

Бүйрек функциясының бұзылуы бар пациенттерге аминогликозидтермен және диуретиктермен бір мезгілде емдеген кезде сақтық таныту керек.

Бүйрек пен бауырдың ауыр жеткіліксіздігі

Бүйрек пен бауырдың ауыр жеткіліксіздігі кезінде қауіпсіздігі мен тиімділігін клиникалық бақылау ұсынылады.

Серологиялық тесттерге ықпалы

Кумбс тесттеріне ықпалы туындауы мүмкін, өйткені Цеф III® сынақтардың жалған оң нәтижелеріне алып келуі мүмкін. Цеф III® галактоземияға жүргізілетін сынақтардың да жалған оң нәтижелеріне алып келуі мүмкін. Несептегі глюкозаны анықтаудың ферменттік емес әдістері жалған оң нәтижелер беруі мүмкін. Цеф III® емі кезінде несептегі глюкоза деңгейін анықтау ферменттік әдіспен жүргізілуі тиіс.

Цефтриаксонның әсер ету ауқымы

Цефтриаксонның әсер ету ауқымы шектеулі және патогендік агенті сәйкестендірілген жағдайлардан басқасында, Цеф III® препаратымен монотерапия бактериялардың кейбір типтеріне қатысты тиімсіз болуы мүмкін. Цефтриаксонға резистентті штаммдар қатысқан полимикробтық инфекция кезінде Цеф III® препаратына қосымша антибиотикті енгізуді қарастыру керек.

Лидокаин

Құрамында лидокаин бар Цеф III® ерітінділерін тек бұлшықет ішіне енгізу керек. Лидокаинді қолдануға болмайтын жағдайлар лидокаинді медициналық қолдану жөніндегі нұсқаулықта келтірілген.

Лидокаинде сұйылтылған Цеф III® препаратын 15 жасқа толмаған балаларға қолдануға болмайды.

Еріткіш ретінде лидокаинді қолданғанда, 15 жастан асқан адамдарда лидокаинге терінің ішіне аллергия сынамасын жүргізу ұсынылады.

Лидокаин ерітіндісін вена ішіне енгізуге болмайды.

Лидокаинге (бұлшықетішілік инъекцияларға арналған еріткіштің құрамында бар) қатысты сақтандыру шаралары

Лидокаин сияқты жергілікті анестетиктерден болатын күрделі жағымсыз әсерлердің қаупі келесі жағдайларда ұлғаяды:

• Егде жастағы пациенттер

• Жалпы жай-күйі нашар пациенттер

• АВ-блокада (себебі жергілікті анестетиктер өткізгіштіктің кідіруіне әкелуі мүмкін)

• Бауырдың ауыр аурулары

• Бүйректің ауыр жеткіліксіздігі

Бұл жағдайларда Цеф III® бұлшықет ішіне енгізуді (лидокаин еріткішімен) ерекше сақтықпен жүргізу керек.

Аритмияға қарсы III класты препараттарды (мысалы, амиодарон) қабылдайтын пациенттер бақылауда болуы тиіс және ЭКГ-мониторинг жүргізу мүмкіндігін ескеру керек, өйткені жүрекке әсерлері аддитивті болуы мүмкін.

Құрамында лидокаин бар ерітінділерді бас және мойын аймағына инъекциялау, егер олар абайсызда артерия ішіне жасалса, тіпті төмен дозаларда да ОЖЖ тарапынан симптомдар туғызуы мүмкін.

Өттастардың түзілуі

Цефтриаксонды, әдетте, ұсынылған стандартты (тәулігіне 1 г және одан көп) дозаларынан артық дозаларда қолданғаннан кейін, өт қалтасын ультрадыбыстық зерттеу кезінде цефтриаксонның кальций тұзының преципитаттары анықталды, олардың бала жастағы пациенттерде түзілуі ықтималдау. Преципитаттар қандай-да бір симптоматикасын сирек жағдайда білдіреді және Цеф III® препаратымен емдеу аяқталғаннан немесе тоқтатылғаннан кейін жоғалып кетеді. Егер аталған құбылыстар клиникалық симптоматикамен қатар жүрсе, хирургиялық емес дағдылы ем ұсынылады, ал препаратты тоқтату туралы шешім емдеуші дәрігердің қарастыруына қалдырылады және пайдасы мен қаупін жекелей бағалауға негізделуі тиіс.

Билиарлық стаз

Цефтриаксон қабылдаған пациенттерде шығу тегі билиарлық-обструкциялық болуы мүмкін панкреатит жағдайлары тіркелген. Оларда билиарлық стаз бен билиарлық сладждың қауіп факторлары, мысалы, осының алдындағы ауқымды ем, ауыр ауру және парентералдық қоректендіру болған. Цеф III® билиарлық шөгумен байланысты триггерлер немесе кофакторларды жоққа шығаруға болмайды.

Бүйректе тастардың түзілуі

Бүйрек тастары түзілген жағдайлар туралы хабарланған, олар цефтриаксонды қабылдауды тоқтатқаннан кейін қайтымды болған. Симптоматикалық жағдайларда сонография жүргізген дұрыс. Анамнезінде бүйрек тастарының түзілуі немесе гиперкальциуриясы бар пациенттерде пайдаланылуын дәрігер пайдасы-қаупін арнайы бағалаудың негізінде қарастыруы тиіс.

Яриш-Герксгеймер реакциясы (JHR)

Цефтриаксонмен емдеуден кейін көп ұзамай, спирохеталардан туындаған инфекциясы бар кейбір пациенттерде Яриш-Герксгеймер реакциясы (JHR) туындауы мүмкін. Реакция әдетте өздігінен басылады, немесе симптоматикалық ем арқылы басуға болады. Реакция туындаған жағдайда, антибиотиктермен емдеуді тоқтатпау керек.

Энцефалопатия

Цефтриаксонды қолдану кезінде энцефалопатия туралы, әсіресе бүйректің ауыр жеткіліксіздігі бар немесе орталық жүйке жүйесінің бұзылыстары бар егде жастағы адамдарда хабарланды. Егер цефтриаксонмен байланысты энцефалопатияға күдік болса (мысалы, сананың деңгейі төмендеуі, психикалық жай-күйдің өзгеруі, миоклонус, құрысулар), цефтриаксонды қабылдауды тоқтату туралы мәселені қарастыру керек.

Үйлесімсіздігі

Цеф III® препараты амсакринмен, ванкомицинмен, флуконазолмен және аминогликозидтермен үйлесімсіздігі бар.

Цефтриаксонның кальций тұздары преципитаттары түзілуінің ықтималдығына байланысты, Рингер ерітіндісі немесе Хартман ерітіндісі сияқты, құрамында кальций бар ерітінділерді, құтыдағы цефтриаксонды еріту үшін немесе вена ішіне енгізуге арналған қалпына келтірілген ерітіндіні сұйылту үшін пайдалануға болмайды. Цефтриаксонның кальций тұздары преципитаттарының түзілуі, сондай-ақ вена ішіне енгізуге арналған бір инфузиялық жүйеде цефтриаксонды құрамында кальций бар ерітінділермен араластырған кезде орын алуы мүмкін. Цефтриаксонды құрамында кальций бар ерітінділермен соның ішінде, құрамында кальций бар, ұзаққа созылатын инфузиялармен мысалы, парентералдық қоректендіру кезінде бір мезгілде енгізуге болмайды .

Үйлесімсіз болуы мүмкіндігін ескере отырып, құрамында цефтриаксон бар ерітінділерді дайындау кезінде де, енгізгенде де, құрамында басқа антибиотиктер бар ерітінділермен араластыруға болмайды.

Натрий

Цеф III® препаратының әр грамында 3,6 ммоль натрий бар. Мұны натрий мөлшері бақыланатын диета ұстап жүрген пациенттер ескеруі керек.

Басқа дәрілік препараттармен өзара әрекеттесуі

Цеф III® жоғары дозаларын фуросемид сияқты күшті диуретиктермен бір мезгілде қолданған кезде бүйрек функциясының бұзылуы байқалған жоқ. Цефалоспориндермен бірге қолданғанда аминогликозидтердің бүйректік уыттылығының ықтимал артуы туралы қарама-қайшы деректер бар. Мұндай жағдайларда аминогликозидтер деңгейін және бүйрек қызметін бақылау бойынша ұсыныстарды клиникалық тәжірибеде мұқият орындау керек. Дегенмен, екі препаратты да бөлек қолдану керек («Үйлесімсіздігі» бөлімін қараңыз).

Цеф III® қабылдағаннан және алкогольді тұтынғаннан кейін «дисульфирам тәрізді» әсерді көрсету мүмкін болмады. Цефтриаксонның құрамында басқа цефалоспориндер жағдайындағыдай этанолдың жақпаушылығы мен қан кету проблемаларын тудыруы мүмкін N-метилтиотеразол компоненті жоқ.

Пробенецид цефтриаксонның шығарылуына әсер етпейді.

Бактериостатикалық дәрілер цефалоспориндердің бактерицидтік әсеріне теріс ықпал етуі мүмкін.

Цефтриаксонды левомицетинмен біріктірілген in vitro зерттеуде антагонистік әсерлері байқалды.

Рингер немесе Хартман ерітіндісі сияқты құрамында кальций бар еріткіштерді Цеф III® ампулаларын қалпына келтіру үшін немесе вена ішіне енгізуге арналған сұйылтылған ампуланы одан әрі сұйылту үшін пайдаланбаңыз, өйткені тұнба пайда болуы мүмкін. Кальций-цефтриаксон преципитаттары Цеф III® препаратын құрамында кальций бар ерітінділермен бір инфузиялық желіде араластырғанда да түзілуі мүмкін. Цеф III® препаратын құрамында кальций бар инфузиялық ерітінділермен, соның ішінде Y-коннектор арқылы парентералдық тамақтану сияқты құрамында кальций бар ұзақ мерзімді инфузиялармен бір мезгілде енгізуге болмайды. Алайда, жаңа туған нәрестелерді қоспағанда, басқа пациенттерге Цеф III® және құрамында кальций бар ерітінділерді, егер инфузиялық түтік инфузиялар арасында үйлесімді ерітіндімен мұқият шайылған болса, бірізділікпен енгізуге болады. Ересектердің плазмасымен және жаңа туған нәрестелердің кіндік қанымен жүргізілген in vitro зерттеулер жаңа туған нәрестелерде цефтриаксон кальцийінің преципитациясының жоғары қаупін көрсетті.

Цефтриаксонның құрамында кальций бар пероральді препараттармен немесе бұлшықет ішіне енгізілетін цефтриаксон мен құрамында кальций бар препараттардың (вена ішіне немесе пероральді) арасындағы өзара әрекеттесулер туралы хабарламалар жоқ.

Цефтриаксонды К дәруменінің антагонистерімен бір мезгілде қолдану қан кету қаупін арттыруы мүмкін.

Цефтриаксонмен емдеу кезінде де, одан кейін де коагуляция көрсеткіштерін жүйелі түрде тексеріп, антикоагулянт дозасын сәйкесінше түзету керек.

Лидокаинмен (бұлшықет ішіне енгізуге арналған еріткіштің құрамында бар) өзара әрекеттесуі

Фармакокинетикалық өзара әрекеттесуі: Лидокаин CYP450 CYP1A2 және CYP3A4 ферменттерінің субстраты болып табылады. Осылайша, лидокаинның метаболизмі CYP тежегіштерін (мысалы, итраконазол, вориконазол, флуконазол, кларитромицин, эритромицин, циметидин) бір мезгілде қолданғанда тежелуі және ферменттердің индукторларын (мысалы, барбитураттар, карбамазепин, фенитоин, примидон, рифампицин) бір мезгілде қолданғанда күшеюі мүмкін.

Фармакодинамикалық өзара әрекеттесуі. Құрылымы жағынан амидті типтегі жергілікті анестетиктерге ұқсас белсенді ингредиенттерді (мысалы, мексилетин немесе токаинид сияқты аритмияға қарсы дәрілермен) бір мезгілде қолданғанда жүйелі уытты әсерлері аддитивті болуы мүмкін. Сондықтан мұндай препараттарды қабылдайтын пациенттерге Цеф III® (құрамында лидокаин бар еріткішпен) бұлшықет ішіне инъекцияларын аса сақтықпен тағайындау керек.

Миорелаксанттардың әсерін лидокаинмен күшейтуге болады.

Сондай-ақ, бір мезгілде қолданылатын дәрілер туралы ақпаратпен танысып шығу ұсынылады.

Арнайы сақтандырулар

Балалар

Цеф III® препаратының жаңа туған нәрестелердегі, емшектегі балалар мен кішкентай балалардағы қауіпсіздігі мен тиімділігі «Қолдану жөніндегі нұсқаулар» бөлімінде сипатталған дозалары үшін анықталды. Зерттеулер цефтриаксонның басқа цефалоспориндер сияқты, билирубинді сарысу альбуминімен байланыстан ығыстыруы мүмкіндігін көрсетті.

Цеф III® препаратын жаңа туған, әсіресе, билирубиндік энцефалопатия қаупі бар шала туған нәрестелерде қолдануға болмайды.

Жүктілік

Цефтриаксон

Цефтриаксон плаценталық бөгет арқылы өтеді. Бақыланатын клиникалық зерттеулер жоқ. Тиісті клиникаға дейінгі зерттеулерде тератогендік қасиеттері табылмаса да, Цеф III® тек жүктілік кезінде, әсіресе алғашқы үш айда қатаң көрсетілімдер болған кезде қолданылуы керек.

Лидокаин

Лидокаин (бұлшықет ішіне енгізуге арналған еріткіштің құрамында бар) плаценталық бөгет арқылы өтеді.Сондықтан цефтриаксонның бұлшықет ішіне инъекциясын жүктілік кезінде (әсіресе алғашқы үш айда) қолдануға болмайды. Егер Цеф III® қолдану өте қажет болса, лидокаинсіз енгізуден аулақ болу керек.

Босану кезінде лидокаин сияқты жергілікті анестетиктерді қолдану ананың және/немесе болашақ сәбиде жағымсыз әсерлер тудыруы мүмкін (мысалы, брадикардия).

Бала емізу

Цефтриаксон және Лидокаин

Цефтриаксон - төмен концентрацияларда болса да - және лидокаин (б/і инъекцияға арналған еріткіштің құрамында бар) емшек сүтімен бөлінетіндіктен, препаратты бала емізу кезеңінде қолданбау керек. Егер емдеу аса қажет болса, бала емізуді тоқтату керек.

Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері

Цеф III® препаратымен емдеу кезінде көлік құралдары мен механизмдерді басқару қабілетіне әсер етуі мүмкін бас айналуының және басқа жағымсыз реакциялардың туындауы мүмкіндігіне байланысты сақтық таныту керек

Қолдану жөніндегі нұсқаулар

Дозалау режимі

Лидокаинді 15 жасқа толмаған балаларға Цеф III® препараты ұнтағының еріткіші ретінде қолдануға тыйым салынады.

15 жасқа дейінгі балаларда Цеф III® препаратының ұнтағына еріткіш ретінде кейіннен бұлшықет ішіне енгізу үшін инъекцияға арналған суды пайдалану керек.

Бұлшықет ішіне енгізуді ірі бұлшықеттерге орындау керек, бір бұлшықетке 1 г-нан артық енгізбейді.

Лидокаинді еріткіш ретінде пайдаланған кезде цефтриаксонның алынған ерітіндісін вена ішіне енгізуге болмайды!

15 жастан асқан пациенттерде лидокаинді еріткіш ретінде пайдаланған кезде лидокаинге тері ішілік аллергиялық сынама жүргізу ұсынылады.

Лидокаинді еріткіш ретінде пайдаланған кезде ерітіндіні енгізер алдында пациентте лидокаинді қолдануға қарсы көрсетілімдердің жоқ екенін анықтау (лидокаин дәрілік препаратының қысқаша сипаттамасын қараңыз), сондай-ақ анамнездегі лидокаинге аллергиялық реакцияларға назар аудару керек.

Дозалау режимі

Ересектер мен 12 жастан асқан балалар

Тәулігіне қарай бір рет 1-2 г (әр 24 сағат сайын). Ауыр инфекциялар немесе сезімталдығы орташа микроорганизмдерден туындаған инфекциялар кезінде, тәуліктік бір реттік дозасын 4 г дейін арттыруға болады.

Жаңа туған нәрестелер, сәбилер және 12 жасқа дейінгі балалар

Келесі тәуліктік бір реттік дозалар ұсынылады:

Жаңа туған (14 күнге дейінгі) нәрестелер

Дене салмағына қарай тәулігіне бір рет 20-50 мг/кг; тәуліктік дозасы 50 мг/кг аспауы тиіс.

Цеф III® препаратын 41 апта мерзімге дейін (гестациялық және постнатальді жасының жиынтығы) шала туған нәрестелерде қолдануға болмайды .

Құрамында кальций бар препараттардың ұзаққа созылатын инфузияларын қоса, құрамында кальций бар венаішілік ерітінділермен емдеу қажет болатын (болжам бойынша), мысалы, парентеральді қоректендіріліп жүрген жаңа туған (≤ 28 күн) нәрестелерге Цефтриаксонның кальций тұздары преципитаттары-

нының түзілуі қаупіне байланысты, Цеф III® препаратын қолдануға болмайды.

Жаңа туған нәрестелер, сәбилер мен балалар (жасы 15 күннен бастап 12 жасқа дейін )

Дене салмағына қарай тәулігіне бір рет 20-80 мг/кг.

Дене салмағы 50 кг және одан жоғары балаларға әдеттегі ересектер дозасын пайдалануға болады.

Егде жастағы пациенттер

≥65 жастағы пациенттерде бүйрек немесе бауыр функциясының ауыр бұзылулары болмаған жағдайда, Цеф III® препаратының дозасын түзету қажет емес.

Емдеу ұзақтығы

Емдеу ұзақтығы көрсетілімдеріне және аурудың ағымына тәуелді.

Біріктірілген ем

Эксперимент жүзінде, цефтриаксон мен аминогликозидтер көптеген грамтеріс бактерияларға қатысты синергизмге ие екендігі көрсетілді. Аталған біріктірілімдердің тиімділігінің жоғарылығы әрдайым болжана бермейтініне қарамастан, оны Pseudomonas aeruginosa туғызған, ауыр, өмірге қауіп төндіретін инфекциялар дамыған жағдайда қолдану мүмкіндігін қарастыру

керек. Химиялық тұрғыдан үйлесімсіздігінің салдарынан, екі дәрілік затты ұсынылған дозасында бөлек-бөлек енгізу керек.

Дозалануы жөніндегі айрықша нұсқаулар

Бактериялық менингит

Бактериялық менингит кезінде сәбилер мен балаларда препаратпен емдеуді тәулігіне бір рет 100 мг/кг дозадан бастайды (4 г аспайды). Қоздырғышы идентификацияланғаннан және оның сезімталдығы анықталғаннан кейін, дозасын сәйкесінше азайтуға болады. Өте жақсы нәтижелерге, емдеудің келесі ұзақтығында қол жеткізілген:

Диссеминацияланған Лайм ауруы

Балалар мен ересектер үшін ұсынылатын дозасы 14 күн бойы тәулігіне бір рет 50 мг/кг құрайды (ең жоғарысы 2 г).

Соз

Созды (пенициллиназа түзетін және түзбейтін штамдардан туындаған) емдеу үшін 250 мг дозадағы препаратты бұлшықет ішіне бір рет енгізу ұсынылады.

Периоперациялық профилактика

Контаминацияланатын немесе контаминациялануы ықтимал араласымдар кезінде операциядан кейінгі инфекциялардың профилактикасы мақсатында, инфекцияның қауіптілік дәрежесіне байланысты, 1-2 г дозадағы Цеф III® препаратын операция басталғанға дейін 30-90 минут бұрын бір рет енгізу ұсынылады. Тоқ ішек пен тік ішекке жасалатын операциялар кезінде Цеф III® препараты мен 5-нитроимидазолды, мысалы, орнидазолды бір мезгілде енгізген тиімді.

Бүйрек функциясының бұзылуы бар пациенттер

Бүйрек функциясының бұзылуы болмаған жағдайда, Цеф III® препаратының дозасын түзету қажет емес. Тек бүйректің терминалды жеткіліксіздігі

(креатинин клиренсі (КК) <10 мл/мин) жағдайларында ғана Цеф III® препаратының тәуліктік дозасы 2 г аспауы тиіс.

Цефтриаксон гемодиализ немесе перитонеальді диализ кезінде шығарылмайды. Диализ жүргізілетін пациенттерге, диализ аяқталғаннан кейін препараттың қосымша дозасын енгізу қажет емес. Диализ жүргізілетін пациенттерде препараттың тәуліктік дозасы 2 г аспауы тиіс.

Бауыр функциясының бұзылуы бар пациенттер

Бауыр функциясының бұзылуы болмаған жағдайда, Цеф III® препаратының дозасын түзету қажет емес.

Бауыр мен бүйректің ауыр жеткіліксіздігі бар пациенттер

Бүйрек пен бауырдың ауыр жеткіліксіздігі бар пациенттерде препараттың қауіпсіздігі мен тиімділігіне мұқият клиникалық мониторинг жүргізу ұсынылады.

Қолдану тәсілі

Бұлшықет ішіне енгізу

Бұлшықет ішіне енгізуді бұлшықетке терең енгізумен жүзеге асыру керек. Бір бұлшықетке 1 г асырмай енгізу ұсынылады.

Құрамында лидокаин бар ерітіндіні вена ішіне енгізуге болмайды.

Вена ішіне енгізу

Цеф III® препаратын 30 минуттан кем емес венаішілік инфузия түрінде (қолайлы жолы), вена ішіне 5 минут бойы баяу сорғалатып қолдану керек. Вена ішіне сорғалатып енгізуді 5 минут ішінде, дұрысы ірі веналарға жүргізу керек. Сәбилер мен 12 жасқа дейінгі балаларда венаішілік 50 мг/кг немесе одан көп дозаларын баяу инфузия жолымен енгізу керек. Жаңа туған нәрестелерде билирубиндік энцефалопатияның ықтимал қаупін азайту үшін, инфузия ұзақтығы 60 минуттан артықты құрауы тиіс. Вена ішіне енгізу мүмкін болмаған немесе бұлшықет ішіне енгізу жолы пациент үшін қолайлы болып табылатын жағдайларда, Цеф III® ерітіндісін бұлшықет ішіне енгізген дұрыс. 2 г асатын дозалары үшін вена ішіне енгізу тәсілін пайдалану керек.

Тұнба түзілуі қаупіне байланысты, цефтриаксонды еріту үшін құрамында кальций бар препараттарды (Рингер ерітіндісі, Хартман ерітіндісі) қолданбау керек. Сонымен қатар, цефтриаксонның кальций тұздары преципитаттарының туындауы препаратты құрамында кальций бар ерітінділермен, вена ішіне енгізуге арналған бір инфузиялық жүйеде араластырған кезде орын алуы мүмкін. Сондықтан, цефтриаксон мен құрамында кальций бар ерітінділерді араластырмау немесе бір мезгілде қолданбау керек .

Цеф III®, 1 г, вена ішіне және бұлшықет ішіне енгізу үшін ерітінді дайындауға арналған ұнтақ

Вена ішіне енгізу үшін Цеф III® , 1 г, вена ішіне және бұлшықет ішіне енгізу үшін ерітінді дайындауға арналған ұнтақты инъекцияға арналған 10 мл суда еріту керек. Инъекцияны 5 минут ішінде тікелей венаға немесе инфузиялық түрде енгізу керек.

Бұлшықет ішіне енгізу үшін Цеф III® , 1 г вена ішіне және бұлшықет ішіне енгізу үшін ерітінді дайындауға арналған ұнтақты 1% лидокаин гидрохлориді ерітіндісінде 3,5 мл еріту керек. Ерітіндіні бұлшықет ішіне терең инъекция жолымен енгізу керек. 1 г-ден асатын дозаларды бөліп, бір орыннан басқа жерге енгізу керек.

Цеф III®, 1 г ығыстыру көлемі инъекцияға арналған суда 0,71 мл және лидокаин гидрохлориді ерітіндісінің 1% құрайды. Инъекцияға арналған 10 мл су қосылған кезде қалпына келтірілген ерітіндінің соңғы концентрациясы 93,37 мг / мл құрайды. 3,5 мл 1% лидокаин гидрохлориді ерітіндісін қосқан кезде қалпына келтірілген ерітіндінің соңғы концентрациясы 237,53 мг / мл құрайды.

Цеф III®, 0.5 г, вена ішіне және бұлшықет ішіне енгізу үшін ерітінді дайындауға арналған ұнтақ

Вена ішіне енгізу үшін Цеф III®, 0.5 г, вена ішіне және бұлшықет ішіне енгізу үшін ерітінді дайындауға арналған ұнтақты инъекцияға арналған 5 мл суда еріту керек. Инъекцияны 5 минут ішінде тікелей венаға немесе инфузиялық түрде енгізу керек.

Бұлшықет ішіне инъекция үшін Цеф III® , 0.5 г, вена ішіне және бұлшықет ішіне енгізу үшін ерітінді дайындауға арналған ұнтақты 1%-дық лидокаин гидрохлоридінің 2 мл ерітіндісінде еріту керек. Ерітіндіні бұлшықет ішіне терең инъекция жолымен енгізу керек. 1 г-ден асатын дозаларды бөліп, бір орыннан басқа жерге енгізу керек.

Ерітінділердің түсі ақшыл-сарыдан қоңыр-сарыға дейін өзгеруі мүмкін.

Артық дозалану жағдайында қабылдау қажет болатын шаралар

Цефтриаксон:

Цефтриаксонның плазмадағы шамадан тыс жоғары концентрацияларын гемо- немесе перитонеальді диализ көмегімен төмендету мүмкін емес. Артық дозаланғаннан кейін пациенттерді емдеу үшін симптоматикалық шаралар ұсынылады.

Лидокаин (б/і инъекцияға арналған еріткіштің құрамында бар):

Лидокаиннің артық дозалануынан болатын уытты реакциялар көбінесе орталық жүйке жүйесін және жүрек-қантамыр жүйесін зақымдайды. ОЖЖ уытты зақымдануы үдемелі сипатта болады, яғни, симптомдардың ауырлығы ұдайы артып отырады.

Кездейсоқ тамыр ішіне енгізу кезінде келесі симптомдар дереу пайда болады (яғни 1–3 минут ішінде), ал артық дозаланғанда олар 20–30 минуттан кейін ғана пайда болады.

Артық дозаланудың ерте симптомдары мыналар: есінеу, парестезиялар (әсіресе ауыз маңайында), ұйқышылдық, мазасыздық, бас айналу, құлақтағы шуыл, гипоакузия, көрудің бұзылулары, дизартрия және атаксия, сондай-ақ жүрек айнуы мен құсу. Орташа ауырлық дәрежесіндегі улануларда бұлшықеттердің тартылуы немесе бұлшықет түйілуі және кейіннен жайылған құрысулар да туындауы мүмкін, олар сананың жоғалуымен, тыныс алудың бәсеңдеуімен және комамен бірге жүруі мүмкін.

Ауыр жағдайларда жүрек-қантамыр жүйесіне әсерлері де байқалады (әдетте ОЖЖ тарапынан симптомдар басталғаннан кейін ғана). Симптомдар гипотонияны, брадикардияны және аритмияны қамтиды. Өте ауыр улануларда толық АВ-блокада және жүрек-қантамыр жүйесінің тоқтап қалуы мүмкін.

Жедел жүйелі уыттылық белгілері пайда болса, инъекцияны дереу тоқтату керек. Арнайы антидоты жоқ, артық дозалануды симптоматикалық түрде емдейді; Жүрек тоқтаған жағдайда жедел жүрек-өкпе реанимациясы, соның ішінде ацидозды емдеу қолданылады.

Дәрілік препараттың бір немесе бірнеше дозасын өткізіп алу кезіндегі қажетті шаралар

Ұмытылып қабылданбай қалған дозаның орнын толтыру үшін қосарлы дозаны қабылдамаңыз.

Дәрілік препаратты қолдану тәсілін түсіндіру үшін медицина қызметкерінен кеңес алуға жүгіну бойынша ұсынымдар

Дәрілік препаратты қолданар алдында кеңес алу үшін дәрігерге жүгініңіз.

ДП стандартты қолдану кезінде көрініс беретін жағымсыз реакциялар сипаттамасы және осы жағдайда қабылдау керек шаралар

ЖР туындаған жағдайлардың жиілігін сипаттау үшін келесі санаттар пайдаланылады: өте жиі (≥1/10), жиі (≥1/100 - <1/10 дейін), жиі емес (≥1/1000 - <1/100 дейін), сирек (≥1/10 000 -<1/1000 дейін), өте сирек (<1/10

000) және белгісіз (жиілігін қолда бар деректердің негізінде есептеп шығару мүмкін емес).

Цефтриаксон лидокаинсыз немесе лидокаинмен (бұлшықет ішіне енгізуге арналған еріткіштің құрамында бар).

Цефтриаксонға жиілігі көбірек жағымсыз реакциялар эозинофилия, лейкопения, тромбоцитопения, сұйық нәжіс, бөртпе және бауыр ферменттері белсенділігінің жоғарылауы болып табылады.

Цефтриаксон лидокаинсыз немесе лидокаинмен (бұлшықет ішіне енгізуге арналған еріткіштің құрамында бар)

Цеф III® емдеу кезінде мынадай жағымсыз реакциялар байқалды, олар өздігінен басылды немесе препаратты тоқтатқаннан кейін басылды.

Өте жиі

• өт қалтасында цефтриаксон-кальций преципитаттарының симптомати-

тикалық түзілуі, балалардағы қайтымды өттас ауруы. Бұл ауру ересектерде сирек кездеседі.

Жиі

• эозинофилия, лейкопения, тромбоцитопения, протромбин уақытының ұзаруы

• диарея, сұйық нәжіс

• бауыр ферменттері белсенділігінің жоғарылауы (АЛТ, АСТ, сілтілік фосфатаза)

• бөртпе, ісіну

Жиі емес

• жыныс мүшелерінің микоздары

• гранулоцитопения, анемия, коагулопатия, қан сарысуындағы креатинин деңгейінің жоғарылауы

• бас ауыруы, бас айналуы

• жүрек айнуы, құсу

• прурит

• флебит, енгізген жердегі реакциялар (мысалы, енгізген жердегі ауыру, эритема, ашыту, қызару, флебит, ісіну, бөртпе, қышыну, қабыну, қатаю, гематома, инфекция, абсцесс), қызба

Сирек

• жалған жарғақшалы колит

• энцефалопатия

• бронх түйілуі

• ядролық сарғаю

• есекжем

• олигурия, гематурия, глюкозурия

Негізінен, препараттың жоғары дозаларын (мысалы, тәулігіне ≥80 мг/кг немесе 10 г асатын, жинақталатын дозаларын) қабылдаған, сондай-ақ, қосымша қауіп факторлары (мысалы, сусыздану, төсек тартып жату режимі) болған балаларда несеп шығару жолдарында цефтриаксон преципитаттары түзілген жағдайлар туралы хабарланды. Бұл құбылыс симптомсыз жүруі немесе клиникалық тұрғыдан көрініс беруі және несепағардың обструкциясы мен бүйректің постренальді жедел жеткіліксіздігіне алып келуі мүмкін, бірақ әдетте, Цеф ІІІ препаратын қолдануды тоқтатқаннан кейін қайтымды сипатқа ие.

• ісіну, қалтырау, анафилаксиялық немесе анафилактоидтық реакция

Өте сирек

• жалған жарғақшалы энтероколит

Белгісіз

• панкреатит*, стоматит, глоссит

* өт шығатын жолдардың бітелуіне байланысты болуы мүмкін. Пациенттердің көпшілігінде тексеру кезінде өт іркілуінің және билиарлық сладждың қауіп факторлары анықталды, мысалы, алдында болған ауқымды ем, ауыр аурулар және толық парентералдық тамақтану. Препараттың әсерінен өт жолдарында преципитаттардың пайда болуының триггерлік немесе қатарлас факторын жоққа шығаруға болмайды.

• сезімтал емес қоздырғыштардан болатын асқын инфекция

• құрысулар

• терінің ауыр жағымсыз реакциялары (SCAR): Стивенс Джонсон синдромы, уытты эпидермалық некролиз, жүйелі симптомдармен дәріге байланысты эозинофилия (DRESS-синдром), Яриш-Герксгеймер реакциясы (JНR), мультиформалы эритема және жедел жайылған экзантематоздық пустулез (AGEP)

• агранулоцитоз (<500/мм³), көпшілік жағдайлары 20 г және одан көп жиынтық дозаларын тағайындағаннан кейін дамыған

• Коунис синдромы

Протромбиндік уақыттың елеусіз ұзаруы туралы хабарланды. Постмаркетингтік кезеңде бақыланған жағымсыз реакциялар

Белгісіз: терінің ауыр жағымсыз реакциялары (SCAR): Стивенс Джонсон синдромы, уытты эпидермалық некролиз, жүйелі симптомдармен дәріге байланысты эозинофилия (DRESS-синдром), Яриш-Герксгеймер реакциясы (JНR), мультиформалы эритема және жедел жайылған экзантематозды пустулез (AGEP)

Кальциймен өзара әрекеттесу

Цефтриаксон мен кальцийдің арасындағы өзара әрекеттесуін зерттеу үшін екі in vitro зерттеу жүргізілді, біреуі - ересектердің плазмасын қолданды, екіншісі - жаңа туған нәрестенің кіндік қан плазмасын қолданды.

Цефтриаксонның 1 мМ-ге дейінгі концентрациясы (30 минут ішінде 2 г цефтриаксон инфузиясынан кейін in vivo қол жеткізілген концентрациядан асатын) кальцийдің 12 мМ-ге дейінгі концентрациясымен (48 мг/дл) үйлесімде қолданылды. Цефтриаксонның плазмадан шығарылуы кальций концентрациясы ересектер плазмасында 6 мМ (24 мг/дл) немесе одан жоғары және жаңа туған нәрестенің плазмасында 4 мМ (16 мг/дл) немесе одан жоғары болған кезде төмендеді, бұл кальций-цефтриаксон преципитаттарының түзілуін көрсетуі мүмкін.

Цеф III® және құрамында кальций бар ерітінділер қабылдаған жаңа туған нәрестелерде өліммен аяқталған бірнеше жағдайы тіркелді, бұл ретте аутопсия кезінде өкпе мен бүйректе преципитаттар табылды.

Осы жағдайлардың кейбірінде Цеф III® препаратын және құрамында кальций бар ерітінділерді енгізу үшін бір ғана инфузиялық желі қолданылды, ал басқа жағдайларда инфузиялық желіде тұнба табылды.

Цеф III® және құрамында кальций бар ерітінділер әртүрлі уақытта және

әртүрлі инфузиялық желілер арқылы енгізілгенде, кем дегенде бір неонатальді өліммен аяқталған жағдайы туралы хабарланды; аутопсия кезінде преципитаттар табылған жоқ.

Жаңа туған нәрестелерден басқа, пациенттердің басқа жас санаттарына қатысты мұндай хабарламалар болған жоқ.

Лидокаин

Жиі

• күйгелектік, үрейлену, эйфория, сананың шатасуы

• бас айналуы, парестезия, ұйқышылдық, түйсік сезімталдығы, тремор, дизартрия, құрысулар, естен тану

• көрудің нашарлауы, диплопия

• құлақтағы шуыл

• брадикардия, артериялық гипотензия, артериялық гипертензия

• тыныс алу бәсеңдеуі, тыныс алу жеткіліксіздігі

• жүрек айнуы, құсу

• бұлшықет тартылулары

• ісіну, суықты және/немесе қатты ысынуды сезіну

Жиі емес

• гиперакузия

Сирек

• анафилаксиялық реакциялар

• нейропатия

• аритмия, кардиоваскулярлық коллапс, жүректің тоқтап қалуы

Белгісіз

• терінің зақымдануы, есекжем

Жағымсыз дәрілік реакциялар туындағанда медицина қызметкеріне, фармацевтикалық қызметкерге немесе, дәрілік препараттардың тиімсіздігі туралы хабарламаларды қоса, дәрілік препараттарға болатын жағымсыз реакциялар (әсерлер) жөніндегі ақпараттық деректер базасына тікелей хабарласу керек

Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК

http://www.ndda.kz

Қосымша мәліметтер

Дәрілік препарат құрамы

Бір құтының ішінде

белсенді зат - натрий цефтриаксоны

0.5 г, 1.0 г (цефтриаксонға шаққанда)

Сыртқы түрінің, иісінің, дәмінің сипаттамасы

Ақ дерлік түстен сарғыштау немесе сарғыштау-қызыл сары түске дейінгі кристалл ұнтақ, сәл гигроскопиялы.

Шығарылу түрі және қаптамасы

0.5 г, 1.0 г белсенді зат резеңке тығындармен герметикалық тығындалған, алюминий қалпақшалармен немесе біріктірілген «FLIP OFF» қалпақшаларымен қаусырылған шыны құтыларға салынады.

Әр құтыға заттаңба жабыстырылады.

1, немесе 5, немесе 50 құтыдан медициналық қолдану жөніндегі қазақ және орыс тілдеріндегі бекітілген нұсқаулықпен/ нұсқаулықтармен бірге картон қорапшаларға салынады.

Дәрілік препараты бар қорапшалар картон қораптарға салынады.

Қорапшаға салмай қаптауға рұқсат етіледі : құтылар медициналық қолдану жөніндегі қазақ және орыс тіліндегі бекітілген нұсқаулықтармен бірге картон қораптарға салынады, медициналық қолдану жөніндегі нұсқаулықтар саны құтылардың санына қарай қоса салынады.

3 жыл

Жарамдылық мерзімі өткеннен кейін қолдануға болмайды!

Түпнұсқалық қаптамасында, 25°С-ден аспайтын температурада сақтау керек.

Препараттың қалпына келтірілген ерітіндісін дайындағаннан кейін бірден пайдалану керек.

Балалардың қолы жетпейтін жерде сақтау керек!

Рецепт арқылы

Өндіруші туралы мәліметтер

«Химфарм» АҚ, Қазақстан Республикасы, Шымкент қ., Рашидов көш., 81

Телефон нөмірі +7 7252 (610151)

Автожауапбергіш нөмірі +7 7252 (561342)

Электрондық пошта complaints@santo.kz

Тіркеу куәлігінің ұстаушысы

«Химфарм» АҚ, Қазақстан Республикасы,

Шымкент қ., Рашидов көш., 81

Телефон нөмірі +7 7252 (610151)

Автожауапбергіш нөмірі +7 7252 (561342)

Электрондық пошта complaints@santo.kz

Қазақстан Республикасы аумағында тұтынушылардан дәрілік заттар сапасына қатысты шағымдар (ұсыныстар) қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон, электрондық пошта)

«Химфарм» АҚ, Қазақстан Республикасы, Шымкент қ., Рашидов көш., 81

Телефон нөмірі +7 7252 (610150)

Электрондық пошта phv@santo.kz