Цефтрокс™ (1 г)

• русский
• қазақша

• Скачать инструкцию медикамента

Саудалық атауы

Цефтрокс ТМ

Халықаралық патенттелмеген атауы

Цефтриаксон

Дәрілік түрі

Инъекция үшін ерітінді дайындауға арналған ұнтақ, 1 г

Құрамы

Бір құтының ішінде

белсенді зат - 1 г цефтриаксонға баламалы натрий цефтриаксоны бар

Сипаттамасы

Ақтан сарғыш - қызыл сары түске дейінгі кристалды ұнтақ.

Фармакотерапиялық тобы

Бактерияларға қарсы жүйелі қолдануға арналған препараттар. Бактерияларға қарсы басқа да бета-лактамды препараттар. III буынды цефалоспориндер.

Цефтриаксон

АТХ коды J01DD04

Фармакологиялық қасиеттері

Фармакокинетикасы

Сіңуі мен таралуы: цефтриаксон бұлшықет ішіне енгізілгенде толық

сіңеді, плазмалық шыңдық концентрациясы бұлшықет ішіне

енгізілгеннен кейін 2 және 3 сағаттан соң анықталады. 12 немесе 24

сағаттан соң 0,5 г- 2 г к/і және б/і көп рет енгізу бір реттік дозасынан 15-36-ға асып түсетін цефтриаксонның жинақталуына алып келеді. К/і 1 г енгізілгеннен кейін цефтриаксонның орташа концентрациясына 1-3 сағаттан соң жетеді, өт қабында 581 мкг/мл, жалпы өт өзегінде 788 мкг/мл, қуық түтігінде 898 мкг/мл, өт қабының кенересінде 78,2 мкг/мл және плазмада 62,1 мкг/мл құрады. Цефтриаксонның несептегі концентрациясы - жоғары. Цефтриаксон қабынған ми қабықтарына өтеді.

0,15 г - 3 г енгізілгенде орташа жартылай шығарылу кезеңі 5,8-8,7 сағат, таралу көлемі 5,78-13,5 л; плазмалық клиренсі – 0,58-1,45 л/сағат; бүйрек клиренсі 0,32-0,73 л/сағатты құрады.

Цефтриаксон плазма ақуыздарымен жақсы байланысады, байланысу мүмкіндігі плазмалық концентрациясы 25 мкг/мл-ден төмен болғанда 95 %-дан 85%-ға дейін азаяды.

Шығарылуы: цефтриаксонның 33% - 67%-ы өзгермеген түрде несеппен, қалған мөлшері микробиологиялық белсенді емес зат түрінде нәжіспен шығарылады.

Цефтриаксон гемодиализ арқылы плазмадан шығарылмайды.

Фармакодинамикасы

Цефтриаксонның бактерицидті әсеріне бактериялардың жасуша қабырғаларының синтезін бәсеңдету жолымен жетеді. Цефтриаксон грамтеріс және грамоң микроорганизмдердің бета-лактамазаларына жоғары дәрежеде төзімді.

Препарат мынадай грамтеріс аэробтарға қатысты белсенді: Acinetobacter

calcoaceticus, Enterobacter aerogenes, Enterobacter cloacae, Esherichia coli,

Haemophilus influenzae (ампициллинге төзімді және бета-лактамаза

өндіретін штамдарды қоса алғанда), Haemophilus parainfluenzae,

Klebsiella oxitoca, Klebsiella pneumoniae, Moraxella catarrhalis (бета-

лактамаза өндіретін штаммдарды қоса алғанда), Morganella morganii,

Neisseria gonorrhoea (пенициллиназаны өндіретін және өндірмейтін

штаммдарды қоса алғанда), Neisseria meningitidis, Proteus mirabilis, Proteus

vulgaris, Serratia marcescens, Citrobacter divarsus, Citrobacter freundii,

Providencia spp. (Providеncia rettgeri қоса), Salmonella spp. (S.

typhi қоса), Shigella spp.; грамоң аэробтарды: Staphylococcus aureus

(пенициллиназа өндіретін штаммдарды қоса алғанда), Staphylococcus

epidermidis, Streptococcus pneumoniae, Streptococcus pyogenes, Streptococcus

viridans, Streptococcus agalactiae; анаэробтар: Bacteroides fragilis,

Clostridium spp., Peptostreptococcus spp., Bacteroides bivius,Bacteroides

melaninogenicus

Цефтриаксон сондай-ақ Pseudomonas aeuroginosa-ның көптеген

штаммдарына қатысты белсенді.

Қолданылуы

Цефтриаксон сезімталдығы мынадай микроорганизмдер штаммдарынан туындаған келесі жұқпаларды парентеральді емдеуге арналған:

- пневмонияда

- септицемияда

- менингитте

- сүйектің, тері және жұмсақ тіндердің жұқпаларында

- нейтропениясы бар емделушілердегі жұқпаларда

- гонореяда

- хирургиялық араласуларға дейінгі және одан кейінгі жұқпалардың алдын алу үшін

Емдеуді микроорганизмдердің препаратқа сезімталдығын анықтау нәтижесі алынғанға дейін бастауға болады.

Қолдану тәсілі және дозалары

Цефтриаксонды төменде келтірілген нұсқауларға сай ерітінді дайындаудан соң, бұлшықет ішіне терең, сондай-ақ көктамырішілік инъекция түрінде баяу, немесе көктамырішілік инфузия түрінде, баяу енгізуге болады.

Препарат ерітіндісі дайындалғаннан кейін дереу пайдаланылуы тиіс. 1 г препаратты б/і енгізу үшін 3,5 мл 1% лидокаин ерітіндісінде ерітеді. Бір бөксеге 1 г асырмай енгізу ұсынылады. К/і инъекцияға арналған 1 г препаратты инъекцияға арналған 10 мл суда ерітеді. К/і баяу енгізеді (2-4 мин). К/і инфузияға арналған 2 г препаратты құрамында кальций жоқ 40 мл ерітіндіде (натрий хлоридінің 0,9% ерітіндісі, 5-10% декстроза ерітіндісі) ерітеді. 50 мг/кг және одан астам дозаны к/і тамшылатып, 30 минут бойына енгізу керек.

Құрамында лидокаин бар ерітіндіні көктамыр ішіне енгізуге болмайды!

Цефтриаксон ерітіндісін дайындау үшін шөгінді түзілуі мүмкіндігінен құрамында кальций бар (мысалы, Рингер немесе Хартман ерітіндісі) еріткіштерді пайдалануға болмайды. Цефтриаксон-кальций шөгіндісінің түзілуі сондай-ақ цефтриаксонды құрамында кальций бар ерітінділермен бір жүйеде енгізгенде де болуы мүмкін. Сондықтан цефтриаксонды құрамында кальций бар ерітінділермен бір мезгілде енгізуге болмайды.

Дозасын және енгізу тәсілін жұқпа ауырлығына, микроорганизм сезімталдығына және емделуші жай-күйіне қарай анықтайды. Көп жағдайларда препаратты тәулігіне бір рет енгізу жеткілікті.

Ересектер мен 12 жастан асқан және одан үлкен балаларға

Стандартты емдік доза: тәулігіне 1 грамм

Ауыр жұқпаларда: тәулігіне 2-4 грамм, әрбір 24 сағат сайын бір реттік доза түрінде.

Емдеудің ұзақтығы ауру барысына қарай ауытқиды. Басқа да антибиотиктермен емдегендегі сияқты, цефтриаксонды температурасы қалыпқа түскен соң және жұқпаның бактериялық қоздырғышы эрадикацияға жеткен соң тағы да 48-72 сағат бойына енгізуді жалғастыру керек.

Асқынбаған жедел соз: бұлшықет ішіне 250 мг бір реттік доза. Пробенецидті бір мезгілде тағайындау көрсетілмеген.

Хирургиялық операциялардағы жұқпалардың алдын алу: 1 грамм цефтриаксон бұлшықет ішіне бір реттік инъекция немесе көктамырішілік баяу инъекция түрінде. Колоректальді операцияларда 2 граммды бұлшықет ішіне енгізу керек. 1 граммнан асатын доза тағайындағанда оларды әр бөлек жерге, бөлек-бөлек енгізу керек, немесе көктамыр ішіне инфузия түрінде, анаэробты жұқпаны емдеу үшін ыңғайлы бактерияға қарсы дәрілермен үйлесімде енгізу керек.

Егде жастағы емделушілер

Егер бауыр және бүйрек функциясы бұзылмаса егде емделушілердегі цефтриаксон дозасын модификациялау талап етілмейді.

Жаңа туған нәрестелер және 12 жасқа дейінгі балалар.

Препараттың төмендегі дозалары ұсынылады:

Жаңа туған нәрестелерге

Дене салмағының әр келісіне тәуліктік доза 20-50 мг тағайындалады, бірақ 50 мг/кг аспауы тиіс. Жаңа туған нәрестелерде билирубиндік энцефалопатия даму қаупін төмендету үшін көктамырішілік қан құюды 60 минут ішінде жүргізу керек.

Нәрестелерге және 12 жасқа дейінгі балаларға

Стандартты емдік доза: дене салмағына қарай тәулігіне 20-50 мг/кг.

Ауыр жұқпаларда дене салмағының әр келісіне тәулігіне 80 мг дейін тағайындалады. Дене салмағы 50 кг асатын балаларға ересектерге арналған стандартты доза тағайындауға болады. 50мг/кг-дан басталатын немесе одан астам дозаны көктамыр ішіне баяу, 30 минут ішінде енгізу керек. Өт преципитациясы даму қаупі жоғарылайтындықтан дене салмағының әр келісіне 80 мг асатын доза тағайындаудан аулақ болу керек.

Бүйрек және бауыр функциясы бұзылуы

Бүйрек функциясы бұзылуы бар емделушілерде егер бұл арада бауыр функциясы бұзылмаса цефтриаксон дозасын төмендетпеуге болады. Тек айқын бүйрек жеткіліксіздігі жағдайында (креатинин клиренсі минутына < 10 мл) цефтриаксон дозасын 2 граммға немесе одан азға дейін шектеу керек.

Бауыр функциясы бұзылуы бар емделушілерде егер бұл арада бүйрек функциясы бұзылмаса цефтриаксон дозасын төмендетпеуге болады.

Бауыр жеткіліксіздігімен қатарлас жүретін бүйрек функциясының ауыр бұзылуында цефтриаксонның плазмалық концентрациясын ұдайы анықтау және дозаға қажетті түзету жүргізу керек.

Гемодиализдегі емделушілерде гемодиализден кейін цефтриаксонды қосымша енгізу талап етілмейді. Алайда препараттың сарысулық концентрациясын бақылау керек және препараттың шығарылу деңгейі мұндай науқастарда төмендеуі мүмкіндігінен қажет болса дозасына түзету жүргізу керек.

Жағымсыз әсерлері

Цефтриаксонмен емдегенде көбіне диарея, жүрек айнуы және құсу сияқты реакциялар өрбиді. Сондай-ақ тері тарапынан аллергиялық реакциялар және анафилактикалық реакциялар сияқты жоғары сезімталдық реакциялары дамығаны туралы хабарланған. Ашытқылық, зеңдік немесе резистентті организмдерден туындаған салдарлы жұқпалар дамуы, сондай-ақ қанның жасушалық құрамы тарапынан өзгерістер болуы мүмкін.

Сирек жағдайларда, цефтриаксонды және кальций препараттарын көктамыр ішіне енгізгенде шала туғандарда және мезгілінде туылған 28 күнге дейінгі жаңа туған нәрестелерде ауыр, кейде өлімге соқтыратын реакциялар дамиды. Бұндай жаңа туған нәрестелердің ішін ашып қарағанда өкпелерінде және бүйректерінде цефтриаксонның және кальцийдің шөгіндісі түзілуі байқалды.

Цефтриаксонның және кальцийдің шөгіндісі түзілуінің жоғары қаупі ересектермен салыстырғандағы қан көлемінің төмендігімен және цефтриаксонның жартылай шығарылу кезеңінің ұзағырақ болуымен түсіндіріледі.

Жиі (≥ 1% - < 10%)

- жұмсақ нәжіс немесе диарея, жүрек айнуы, құсу

Сирек (≥0.01% - < 0.1%)

- гениталий микозы

- нейтропения, лейкопения, эозинофилия, тромбоцитопения, анемия, гемолитикалық анемияны, протромбиндік уақыттың аздаған ұзаруын қоса

- анафилактикалық (мысалы, бронх түйілуі) және анафилактоидты реакциялар

-бас ауыруы, бас айналуы

- стоматит, глоссит

Бұл жағымсыз реакциялар әдетте айқын болмайды және емдеу уақытында немесе емді тоқтатқаннан кейін жойылады

- бауыр ферменттері деңгейінің жоғарылауы (АЛТ, АСТ, сілтілік фосфатазалар)

Көбіне ұсынылғаннан жоғары дозаны қабылдаушы емделушілерде кальций цефтриаксонының өт қабында шөгетіні бақыланған. Балалардағы проспективті зерттеулер барысында препаратты көктамыр ішіне енгізуде цефтриаксонның кальций тұздарының преципитациясының 30%-ға дейінгі жағдайлары анықталды. Цефтриаксонның шөгу жиілігі препаратты көктамыр ішіне баяу енгізуде азырақ болады (20-30 минут ішінде). Цефтриаксонның кальций тұздарының шөгуі сирек жағдайларда ауыру, жүрек айнуы және құсу сияқты клиникалық симптомдармен қатарлас жүрді.

Бұндай жағдайларда симптоматикалық ем ұсынылады. Шөгінді түзілуі әдетте цефтриаксонмен емдеу тоқтатылғаннан кейін қайтымды болып келеді.

- аллергиялық реакциялар, макулопапулезді бөртпе немесе экзантема, есекжем, дерматит, қышыну, ісіну

- сарысулық креатинин жоғарылауы, олигурия, глюкозурия, гематурия

- көктамыр ішіне енгізуден кейінгі флебит және инъекция орнының ауыруы. Бұл реакцияларды препаратты 2-4 минут ішінде баяулатып енгізу есебінен жоққа тән азайту мүмкіндігі бар.

Өте сирек (< 0.01%), бірен-саран жағдайларды қоса

- Кумбстың оң тестісі, коагуляция бұзылуы, агранулоцитоз (< 500/м3), көбіне емнен 10 күн өткен соң, сондай-ақ цефтриаксонды 20 грамм және одан астам дозада тағайындағаннан кейін

- жалған жарғақшалы колит (көбіне Clostridium difficile туындаған), панкреатит (өт жолдары тарылуынан туындауы мүмкін)

- мультиформалы эритема, Стивенс-Джонсон синдромы, Лайелл синдромы, уытты эпидермальді некролиз

- көбіне 3 жастан асқан балаларда, препараттың жоғары дозаларын қабылдаған (тәулігіне 80 мг/кг және одан астам), сусыздану немесе иммобилизация сияқты басқа қауіптермен бірге 10 граммнан асатын жалпы дозаны қабылдағандарда бүйректе шөгінді түзілуі. Бүйректе препараттың шөгуі қайтымды реакция болып табылады және емдеуді тоқтатқаннан кейін жойылады. Анурияның дамуы және бүйрек функциясы бұзылуы туралы хабарланған.

Болуы мүмкін

- ашытқыдан, зеңдерден немесе резистентті микробтардан туындаған әртүрлі органдардың асқын жұқпасы

- қалтырау, қызба дамуы.

Лидокаин ерітіндісінсіз бұлшықет ішіне енгізу ауырсынумен жүреді.

Қолдануға болмайтын жағдайлар

- цефтриаксонға, бета-лактамды антибиотиктерге, оның ішінде пенициллиндерге аса жоғары сезімталдық

- еріткіш – лидокаинға жоғары сезімталдық

- жаңа туған нәрестелердегі және шала туған нәрестелердегі гипербилирубинемия

- 41 аптаға дейінгі шала туған нәрестелерде (жүктілік апталары өмір апталары), айы-күні жеткен жаңа туған нәрестелер, туғаннан 28 – күнге дейін:

- сарғаюы, гипербилирубинемиясы және ацидозы бар болғанда, өйткені бұл ауруларда билирубин байланысуы жеткіліксіз болуы ықтимал

- цефтриаксонның кальций тұздары преципитаттары түзілуі қаупінен, құрамында кальций бар ерітінділермен көктамырішілік емдеу тағайындалған немесе жоспарланған

- жүктілік және лактация кезеңі

Дәрілермен өзара әрекеттесуі

Цефтриаксонның және несеп айдайтын күшті препараттардың (мысалы, фуросемид) жоғары дозаларын бірге енгізуден кейін бүйрек функциясы бұзылуы анықталмаған.

Цефтриаксонмен бірге тағайындағанда аминогликозидтердің нефроуыттылығы жоғарылауы немесе әсері байқалмаған.

Цефтриаксон енгізуден кейін спирт ішімдіктерін қабылдағанда дисульфирам сияқты реакциялар байқалмаған. Цефтриаксон құрамында басқа цефалоспориндер сияқты, этанол жақпаушылығын және қан ұюы бұзылуын туындатуы мүмкін метилтиотетразолдың N-тобы болмайды.

Цефтриаксонның шығарылуы пробенецид қатысуында өзгермейді.

In vitro зерттеулерінде цефтриаксонды хлорамфениколмен біріктіргендегі антагонистік әсері бақыланған. Бұл өзара әрекеттесудің клиникалық мәні белгісіз, бірақ бұл препараттарды бірге тағайындағанда сақтық жасау керек.

Шөгінді түзілуі мүмкін болғандықтан Цефтрокс ТМ ерітіндісін дайындау үшін құрамында кальций бар (мысалы, Рингер немес Хартман ерітіндісі) еріткіштерді пайдалануға болмайды. Сондай-ақ цефтриаксон-кальций шөгіндісі түзілуі цефтриаксонды құрамында кальций бар ерітінділермен бір жүйеде енгізгенде болуы ықтимал. Сондықтан цефтриаксонды және құрамында кальций бар ерітінділерді көктамырішілік бір жүйе арқылы, бұғана астылық катетермен парентеральді қоректендіруді қоса алғанда, бір мезгілде енгізуге болмайды. Алайда, жаңа туған нәресте емделушілерді қоспағанда, ЦефтроксТМ және құрамында кальций бар ерітінділерді, егер көктамыр ішіне енгізуге арналған жүйені осы ерітінділердің біреуін енгізуден кейін мұқият жуып-шайып отырса, бірізді (бірінен кейін екіншісін) енгізуге болады.

Ғылыми әдебиеттердің деректеріне сәйкес, цефтриаксон амсакринмен, ванкомицинмен, флуконазолмен және аминогликозидтермен үйлесімсіз. ЦефтроксТМ қабылдаушы емделушілерде Кумбс реакциясы жалғаноң болуы мүмкін. Цефтриаксон, басқа да антибиотиктер сияқты, галактоземияға тестілеуде жалғаноң реакция туындатуы мүмкін. Сондай-ақ цефтриаксонмен емдегенде несептегі глюкозаны ферментті емес әдістермен анықтағанда жалғаноң реакция беруі мүмкін. Сондықтан цефтриаксонмен емдегенде несептегі глюкозаны анықтау үшін тек ферментті әдісті пайдалану керек.

Цефтриаксон ішу арқылы қабылданатын ұрықтануға қарсы гормональді дәрілердің тиімділігіне әсер етуі мүмкін. Сондықтан цефтриаксонмен емдеуде және емдеуді тоқтатқаннан кейін 1 ай бойына қосымша контрацепция (гормональді емес) әдісін қолдану ұсынылады.

Айрықша нұсқаулар

Басқа да цефалоспориндермен емдегендегі сияқты, тіпті егер емделуші бұрын цефтриаксон әсеріне ұшырамаса да, цефтриаксон өліммен аяқталатын анафилактоидты реакциялар туындатуы мүмкін.

Цефтриаксонмен емдеуді бастағанға дейін емделушіде бұрын цефтриаксонға немесе басқа да цефалоспориндерге, немесе пенициллиндерге болмаса басқа бета-лактамды препараттарға жоғары сезімталдық реакциялары болмағанын анықтау керек. Цефтриаксонға немесе басқа да цефалоспориндерге, немесе пенициллиндерге болмаса басқа бета-лактамды препараттарға жоғары сезімталдығы бар емделушілерге Цефтриаксонды қолдануға болмайды. Сондай-ақ цефтриаксонды препараттарға жоғары сезімталдықтың кез келген түрі және аллергиялық диатезі бар емделушілерге тағайындағанда сақ болу керек.

Цефтриаксонды және кальций препараттарын көктамыр ішіне енгізуде

шала туғандарда және 28 күнге дейінгі жастағы мезгілінде жаңа туған нәрестелерде ауыр, кейде өлімге соқтыратын реакциялар дамуы мүмкін. Бұндай жаңа туған нәрестелердің ішін ашып қарағанда өкпелерінде және бүйректерінде цефтриаксонның және кальцийдің шөгіндісі түзілгені байқалды.

In vitro зерттеулері жаңа туған нәрестелерде басқа жастағы топтағылармен салыстырғанда цефтриаксон-кальций преципитаты даму қаупі жоғары екендігін көрсетеді.

Кез келген жас тобындағы емделушілерге цефтриаксонды көктамыр ішіне құрамында кальций бар ерітінділермен бірге, тіпті бөлек көктамыр жүйесі арқылы немесе әртүрлі орындарға көктамырішілік енгізуге болмайды. Толық парентеральді қоректендіру үшін құрамында кальций бар ерітінділерді көктамырішілік ұзақ уақыт енгізу талап етілетін емделушілерге преципитаттардың түзілу қаупі аз альтернативті түрдегі бактерияға қарсы дәрі тағайындауға болады. Егер цефтриаксонмен ғана емдеу қажет болса ЦефтрокстыТМ және толық парентеральді қоректендіруге арналған ерітіндіні әртүрлі көктамырларға бөлек-бөлек көктамыр жүйесі арқылы енгізу керек. Болмаса ЦефтроксТМ енгізу уақытында толық парентеральді қоректендіруге арналған ерітіндіні енгізуді тоқтату керек, соңынан көктамырішілік енгізуге арналған жүйені шаяды.

Антибиотиктердің барлығы дерлік ауырлығы диареяның жеңіл түрінен өлімге соқтыратын колитке дейінгі, Clostridium difficile (CDAD) туындайтын диарея дамытуы мүмкін. Антибиотиктермен емдеу қалыпты ішек флорасының өзгерістерін туындатады, бұл Clostridium difficile. шамадан артық өсуіне алып келеді.

Clostridium difficile диарея дамуына ықпал ететін А және В токсиндерін өндіреді. Гипертоксиндер өндіретін Clostridium difficile штаммдары микробқа қарсы ем әсеріне төзімді, аурудың және өлім жағдайы деңгейінің жоғары болуы осыған байланысты. Кейбір жағдайларда колэктомия жүргізу (тоқішекті алып тастау) талап етіледі. Бұл аурудың диареясы бар барлық емделушілерде антибиотиктер қабылдағаннан кейін дамуы мүмкіндігін ескеру керек. Кейде C. difficil туындаған диарея бактерияға қарсы ем жүргізілгеннен кейін екі айдан соң дамиды.

CDAD күдік болғанда немесе нақтыланғанда пайдаланатын антибиотикті C. difficile қарсы әсер ететін басқасына ауыстыру керек, су-электролитті теңгерімге түзету жүргізу, ақуызбен қоректендіру және қажет болса хирургиялық араласулар мәселесін шешу керек.

Цефтриаксон қабылдаушы емделушілерде кейде өліммен аяқталатын, иммунитетпен байланысты гемолитикалық анемия дамуы байқалды. Егер ЦефтрокспенТМ емдеуде емделушілерде анемия дамыса, дамыған анемияның этиологиясын анықтағанша емдеуді тоқтату керек.

Жалған жарғақшалы колит барлық дерлік антибиотиктерді тағайындағанда дамуы мүмкін, сондықтан ЦефтроксТМ қабылдаушы емделушілерде диарея дамыған кезде бұл аурудың болу мүмкіндігін ескеру керек.

Цефтриаксонды сыртартқысында асқазан-ішек жолдарының ауруы, әсіресе колит бар емделушілерге сақтықпен қолдану керек.

Цефтриаксонды ұзақ уақыт қолданғанда Enterococcus және Candida spp. түріндегі зеңдер сияқты сезімтал емес микроорганизмдердің шамадан тыс өсуі мүмкін.

Ауыр бүйрек немесе бауыр жеткіліксіздігі бар емделушілерде ұсыныстарға сәйкес цефтриаксон дозасын төмендету керек.

Цефтриаксон өт қабында шөгуі мүмкін, бұл УДЗ көлеңке түрінде анықталады. Препараттың шөгуі көп жағдайда сәби жастағы балаларда байқалады. Балаларға дене салмағының әр келісіне 80 мг астам доза тағайындаудан аулақ болу керек.

Әдетте препараттың өт жолдарында шөгуі симптомдарсыз жүреді, бірақ кейде, сирек жағдайларда клиникалық симптоматикалары дамуымен қатар жүреді. Консервативті емдеу ұсынылады.

Цефалоспориндер эритроциттер беткейінде сіңуі және препаратқа қарсы әсер етуші антиденелермен өзара әрекеттесуі мүмкін, Кумбс тесті нәтижесінде оң болуы мүмкін, және сирек жағдайларда гемолитикалқ анемия дамиды. Пенициллиндермен айқаспалы өзара әрекеттесулері болуы мүмкін.

Өт шығару жолдары тарылуынан туындауы мүмкін панкреатиттің дамығаны туралы сирек хабарламалар бар.

Цефтрокстың жаңа туған нәрестелерге, емшек жасындағы сәбилерге және балалар үшін қауіпсіздігі және тиімділігі «Қолдану тәсілі және дозалары» тарауында сипатталған дозалар үшін анықталған. Зерттеулер цефтриаксонның, басқа да цефалоспориндер сияқты, сарысулық альбуминнен билирубинді ығыстырып шығару қабілеті барын көрсетті.

Ұзақ уақыт емдеген жағдайда толық қан талдауын ұдайы жасап отыру керек.

Лидокаинді еріткіш ретінде тек бұлшықет ішіне инъекция жүргізу үшін қолдануға болады. Лидокаинді еріткіш ретінде балаларда және жасөспірімдік жаста қолдануға тыйым салынған.

Дозаны ұсынылғаннан арттыруға болмайды.

Дәрілік заттың көлік құралын немесе қауіптілігі зор механизмдерді басқару қабілетіне әсер ету ерекшеліктері

ОЖЖ тарапынан жағымсыз әсерлер дамуына байланысты (бас ауруы, бас айналуы) көлік құралын жүргізу және механизмдермен жұмыс істеуден аулақ болу ұсынылады.

Артық дозалануы

Симптомдары: жүрек айнуы, құсу, диарея

Емі: симптоматикалық.

Шығарылу түрі және қаптамасы

Алюминиймен қаусырылған және сақтандырғыш қалпақшасы бар тығыз резеңке тығынмен тығындалған, тұмшаланған шыны құтыға 1.0 г цефтриаксоннан қапталған.

Препараты бар 1 құтыдан медицинада қолданылуы жөнінде мемлекеттік және орыс тілдеріндегі нұсқаулықпен бірге картон пәшкеге салынған.

Препараты бар 25 құтыдан медицинада қолданылуы жөнінде мемлекеттік және орыс тілдеріндегі нұсқаулықпен бірге полиэтилен пакетке салынады.

Сақтау шарттары

Құрғақ, жарықтан қорғалған жерде, 250С-ден аспайтын температурада.

Балалардың қолы жетпейтін жерде сақтау керек!

Сақтау мерзімі

3 жыл

Жарамдылық мерзімі өткеннен кейін қолдануға болмайды.

Дәріханадан босатылу шарттары

Рецепт арқылы

Өндіруші

Плетхико Фармасьютикалз Лтд

Мекенжайы:

A.Б. Роуд, Манглия - 453 771, Индор (М.П.), Үндістан

Заңды мекенжайы:

37/37А, Индастриал Истейт, Полограунд, Индор (М.П.), 452 015, Үндістан

Тіркеу куәлігінің иесі

Плетхико Фармасьютикалз Лтд, Үндістан

 

Қазақстан Республикасы аумағында тұтынушылардан өнім (тауар) сапасына қатысты шағымдарды қабылдайтын ұйымның мекенжайы

100009 Қарағанды қ., Ермеков к-сі, 110/2

Тел.: /7212/ 48 16 44, 43 15 34, 43-15-63,48-17-67; тел./факс: /7212/ 48 17 44;

e-mail rezlov_ltd@mail.ru, rezlov-ltd@rambler.ru