Цефтазидим (1000 Миллиграмм) (Цефтазидим)

Цефтазидим

Цефтазидим

Дәрілік түрі, дозалануы

Вена ішіне және бұлшықет ішіне енгізу үшін ерітінді дайындауға арналған ұнтақ, 500 мг, 1000 мг, 2000 мг

Жүйелі қолдануға арналған инфекцияға қарсы препараттар. Жүйелі қолдануға арналған бактерияға қарсы препараттар. Бактерияға қарсы басқа бета-лактамдық препараттар. Үшінші буын цефалоспориндері. Цефтазидим. ATХ коды J01DD02

Цефтазидим ересектердегі және жаңа туған нәрестелерді (туғаннан бастап) қоса алғанда балалардағы, цефтазидимге сезімтал қоздырғыштардан туындаған инфекцияларды емдеу үшін қолданылады:

• ауруханаішілік пневмонияда

• муковисцидоз кезіндегі бронх-өкпе инфекцияларында

• бактериялық менингитте

• созылмалы іріңді ортаңғы отитте

• некрозданған (қатерлі) сыртқы отитте

• несеп шығару жолдарының асқынған инфекцияларында

• тері мен жұмсақ тіндердің асқынған инфекцияларында

• асқынған интраабдоминальді инфекцияларда

• сүйектер мен буындардың инфекцияларында

• тұрақты амбулаториялық перитонеальді диализбен (ТАПД/CAPD) байланысты перитонитте

• жоғарыда аталған инфекциялардың кез келгенімен байланысты бактериемияда

• бактериялық инфекцияларға күдік туған кезде фебрильді нейтропениясы бар пациенттерді емдеуде

• қуықасты безіне жасалатын операциялар (трансуретральді резекция) кезіндегі инфекциялық асқынулардың профилактикасы үшін

• аэробты грамтеріс бактериялардан туындаған инфекцияларда

• егер болжамды бактериялар оның әсер ету ауқымына тура келмесе, басқа бактерияға қарсы препараттармен біріктірілімде.

Бактерияларға қарсы дәрілерді дұрыс пайдалану жөніндегі ресми нұсқауларды ескеру керек.

Қолданудың басталуына дейінгі қажетті мәліметтер тізбесі

• цефтазидимге, кез келген басқа цефалоспориндерге немесе қосымша заттардың кез келгеніне аса жоғары сезімталдық

• анамнезде басқа бета-лактамдық антибиотиктерге (пенициллиндер, монобактамдар және карбапенемдер) ауыр аса жоғары сезімталдықтың болуы (мысалы: анафилаксиялық реакция)

Сақтықпен: бүйрек жеткіліксіздігінде, жүктілікте, лактация кезеңінде, жаңа туған нәрестелерде

Қолдану кезіндегі қажетті сақтандыру шаралары

Жоғары сезімталдық

Барлық бета-лактамдық антибиотиктер тәрізді, фатальді жағдайларды қоса, цефтазидимге күрделі аллергиялық реакциялар байқалған. Ауыр аллергиялық реакцияларда емдеуді дереу тоқтатып, аллергияға қарсы талапқа сай емді бастау керек.

Емдеуді бастар алдында науқастың анамнезінде цефтазидимге, басқа цефалоспориндерге немесе басқа бета-лактамдық антибиотиктерге ауыр аллергиялық реакциялар бар-жоғын нақтылау керек. Анамнезінде басқа бета-лактамдық антибиотиктерге ауыр емес аллергиялық реакциялар болған пациенттерге сақтықпен қолдану керек.

Әсер ету ауқымы

Цефтазидимнің бактерияға қарсы белсенділігінің ауқымы шектеулі. Тек қоздырғышы құжатталған және сезімталдығы белгілі болған, немесе егер ең ықтимал қоздырғыш (қоздырғыштар) цефтазидиммен емдеуге сезімтал болады деген күдік өте күшті болған жағдайларды қоспағанда, инфекциялардың кейбір түрлерін емдеу үшін жалғыз антибиотик ретінде қолдануға ол жарамсыз. Бұл бактериемия, бактериялық менингит, тері мен жұмсақ тіндердің инфекциялары, сүйектер пен буындардың инфекциялары бар пациенттерді емдеуде ерекше маңызды. Сонымен қатар, цефтазидим кейбір әсер ету ауқымы кеңейтілген β-лактамазалармен (АҚБЛ) гидролизге ұшырайды. Сондықтан, емдеу үшін цефтазидимді таңдағанда, АҚБЛ өндіретін микроорганизмдердің таралуы туралы ақпаратты ескеру керек.

Жалған жарғақшалы колит

Барлық дерлік бактерияға қарсы препараттарды, соның ішінде цефтазидимді қолданғанда, бактерияға қарсы препараттармен астасқан колит пен жалған жарғақшалы колит туралы хабарланды, олардың ауырлық дәрежесі жеңілден өмірге қауіп төндіретінге дейін ауытқуы мүмкін. Сондықтан бұл диагнозды цефтазидиммен емдеу кезінде немесе одан кейін пайда болған диареясы бар пациенттерде қарастырған маңызды. Цефтазидиммен емдеуді тоқтату және Clostridium difficile арнайы емін тағайындау туралы мәселені қарастыру керек. Ішектің перистальтикасын бәсеңдететін дәрілік заттарды тағайындауға болмайды.

Бүйректің бұзылулары

Цефалоспориндердің және аминогликозидтер, күшті әсер ететін диуретиктер (мысалы, фуросемид) тәрізді нефроуытты дәрілік заттардың жоғары дозаларын бір мезгілде тағайындау бүйрек функциясына қолайсыз ықпал етуі мүмкін.

Цефтазидим бүйрек арқылы шығарылатын болғандықтан, оның дозасы бүйрек функциясының бұзылу дәрежесіне сәйкес төмендетілуі керек. Бүйрек функциясы бұзылған пациенттерде қауіпсіздігі мен тиімділігіне мұқият мониторинг жасалуы қажет. Бүйрек функциясы бұзылған пациенттерде препарат дозасын талапқа сай төмендетпеген кезде неврологиялық асқынулар байқалған.

Сезімтал емес организмдердің шектен тыс көбеюі

Цефтазидимді ұзақ уақыт қолдану резистентті микроорганизмдердің (энтерококктар, саңырауқұлақтар) шектен тыс өсуіне әкелуі мүмкін, бұл емдеуді тоқтатуды және басқа тиісті шараларды талап етуі мүмкін. Пациенттің жай-күйіне қайта баға берудің маңызы зор.

Зертханалық зерттеулердің нәтижелеріне ықпалы

Цефтазидим энзимдік тестілер көмегімен глюкозурияны анықтау тестілерінің нәтижелеріне ықпал етпейді, бірақ мысты қалпына келтіру әдістеріне (Бенедикт, Фехлинг, Клинитест әдістері) елеусіз (жалған оң) ықпал етуі мүмкін.

Цефтазидим креатининді сілтілі-пикраттық әдіспен сандық анықтауға әсер етпейді.

Цефтазидимді қолдануға байланысты пациенттердің шамамен 5%-ында Кумбстың оң реакциясының дамуы қан үйлесімділігі сынамасына ықпал етуі мүмкін.

Басқа дәрілік препараттармен өзара әрекеттесуі

Өзара әрекеттесуін зерттеулер тек пробенецидпен және фуросемидпен жүргізілді.

Цефтазидимнің жоғары дозаларын нефроуытты дәрілік препараттармен бір мезгілде қолдану бүйрек функциясына теріс ықпал етуі мүмкін («Қолдану кезіндегі қажетті сақтандыру шаралары» бөлімін қараңыз).

Хлорамфеникол цефтазидимнің және басқа цефалоспориндердің антогонисі ретінде әсер етеді, аталған фактінің клиникалық мәні белгісіз, емдеу үшін препаратты таңдауда антагонизм мүмкіндігін ескеру қажет.

Арнайы сақтандырулар

Цефтазидим препаратының құрамында натрий бар (500 мг бір құтыда 52.5 мг натрий, 1000 мг бір құтыда - 105.0 мг натрий, 2000 мг бір құтыда - 210.0 мг натрий бар), бұл натрий бақыланатын диетадағы пациенттер үшін ескерілуі керек.

Жүктілік немесе лактация кезінде

Цефтазидимді жүкті әйелдерде қолдану жөніндегі деректер шектеулі. Жануарларда жүргізілген зерттеулер жүктілік кезінде эмбрионның/ұрықтың дамуына, босануға немесе постнаталдық дамуға тікелей немесе жанама зиянды әсерін анықтаған жоқ.

Цефтазидимді жүкті әйелдерге пайдасы қаупінен асып түсетін болған жағдайда ғана тағайындау керек.

Цефтазидим емшек сүтімен аздаған мөлшерлерде бөлініп шығады, алайда цефтазидимді емдік дозаларда қолданған кезде емшек еметін балаға ешқандай әсер етуі күтілмейді. Цефтазидимді емшек емізу кезінде қолдануға болады.

Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері

Көлік құралдарын басқару және механизмдермен жұмыс істеу қабілетіне ықпалын зерттеулер жүргізілмеген. Алайда жағымсыз әсерлер (мысалы, бас айналу) туындауы мүмкін, олар көлік құралдарын басқару және механизмдермен жұмыс істеу қабілетіне ықпал етуі мүмкін.

Үйлесімсіздігі

Үйлесімділігінің зерттеулері болмаған кезде бұл дәрілік затты басқа дәрілік заттармен араластыруға болмайды.

Цефтазидимнің басқа венаішілік сұйықтықтарға қарағанда, натрий бикарбонатының инъекциялары кезіндегі тұрақтылығы аздау. Сұйылтқыш ретінде ұсынылмайды.

Цефтазидим мен аминогликозидтерді бір жинақта немесе шприцте араластыруға болмайды.

Цефтазидим ерітіндісіне ванкомицинді қосқан кезде тұнба түзілетіні хабарланды. Сондықтан осы екі препаратты енгізу аралығында енгізетін жинақтарды және венаішілік желілерді жуған дұрыс болады.

Цефтазидим аминофиллинмен үйлесімді емес. Пентамидпен үйлесімсіз болуы мүмкін.

Қолдану жөніндегі нұсқаулар

Дозалау режимі

Препараттың дозасын және емдеу ұзақтығын ауру ағымының ауырлығына, қоздырғыштың орналасуына, түріне және оның препаратқа сезімталдығына, сондай-ақ пациенттің жасына және бүйрек функциясына байланысты жекелей белгілейді.

Ересектер мен > 40 кг балалар:

Инъекция түрінде:

Муковисцидоз кезіндегі бронх-өкпе инфекциялары - әр 8 сағ. сайын 100-ден 150 мг/кг/тәу дейін, ең жоғары тәуліктік дозасы - 9 г/күн1)

Фебрильді нейтропения, ауруханаішілік пневмония, бактериялық менингит, бактериемия* - әр 8 сағ. сайын 2 г.

Сүйектер мен буындардың инфекциялары, тері мен жұмсақ тіндердің асқынған инфекциялары - әр 8 сағ. сайын 1-2 г.

Асқынған интраабдоминалдық инфекциялар және тұрақты амбулаториялық перитонеальді диализдегі (ТАПД) пациенттердегі диализге байланысты перитонит - әр 8 сағ. сайын 1-2 г.

Несеп шығару жолдарының асқынған инфекцияларында әр 8 немесе 12 сағ. сайын 1-2 г.

Қуықасты безіне жасалатын операциялар (трансуретральді резекция) кезіндегі инфекциялық асқынулардың профилактикасы - кіріспе анестезияда 1 г., және екінші дозасы - катетерді алып тастау кезінде.

Созылмалы іріңді ортаңғы отит, некрозданған (қатерлі) сыртқы отит - әр 8 сағ. сайын 1-2 г.

Үздіксіз инфузия түрінде:

Фебрильді нейтропения, ауруханаішілік пневмония, муковисцидоз кезіндегі бронх-өкпе инфекциялары, бактериялық менингит, бактериемия*, сүйек пен буындардың инфекциялары, тері мен жұмсақ тіндердің асқынған инфекциялары, асқынған интраабдоминалдық инфекциялар және тұрақты амбулаториялық перитонеальді диализдегі (ТАПД) пациенттердегі диализге байланысты перитонит – жүктемелік дозасы 2 г., әрі қарай үздіксіз инфузия түрінде әрбір 24 сағат сайын 4-тен 6 г дейін енгізіледі1

*«Қолданылуы» бөлімінде атап келтірілген инфекциялардың кез келгенінің нәтижесіндегі бактериемия немесе сол инфекцияларға күдіктің болуы.

1 бүйрек функциясы қалыпты ересектерде тәулігіне 9 г доза жағымсыз құбылыстар жоқ болған кезде пайдаланылды.

Пациенттердің ерекше топтары

<40 кг балалар және >2 айлық балалар

Инъекция түрінде:

Несеп шығару жолдарының асқынған инфекциялары - тәулігіне үш мәрте енгізуге 100-150 мг/кг, ең жоғары тәуліктік дозасы - 6 г.

Созылмалы іріңді ортаңғы отит, некрозданған (қатерлі) сыртқы отит - тәулігіне үш мәрте енгізуге 100-150 мг / кг, ең жоғары тәуліктік дозасы 6 г. Нейтропениясы бар балалар, муковисцидоз кезіндегі бронх-өкпе инфекциялары, бактериялық менингит, бактериемия* - тәулігіне үш мәрте енгізуге 150 мг/кг, ең жоғары тәуліктік дозасы - 6 г.

Сүйектер мен буындардың инфекциялары, тері мен жұмсақ тіндердің асқынған инфекциялары, асқынған интраабдоминалдық инфекциялар және тұрақты амбулаториялық перитонеальді диализдегі (ТАПД) пациенттердегі диализге байланысты перитонит - тәулігіне үш мәрте енгізуге 100-150 мг/кг, ең жоғары тәуліктік дозасы - 6 г.

Үздіксіз инфузия түрінде:

Фебрильді нейтропения, ауруханаішілік пневмония, муковисцидоз кезіндегі бронх-өкпе инфекциялары, бактериялық менингит, бактериемия*, сүйектер мен буындардың инфекциялары, тері мен жұмсақ тіндердің асқынған инфекциялары, асқынған интраабдоминалдық инфекциялар және тұрақты амбулаториялық перитонеальді диализдегі (ТАПД) пациенттердегі диализге байланысты перитонит – жүктемелік дозасы 60-100 мг/кг, әрі қарай үзіліссіз инфузия түрінде 100-200 мг/кг/тәулік енгізіледі. Ең жоғары тәуліктік доза - тәулігіне 6 г.

*«Қолданылуы» бөлімінде атап келтірілген инфекциялардың кез келгенінің нәтижесіндегі бактериемия немесе сол инфекцияларға күдіктің болуы.

Жаңа туған нәрестелер мен ≤ 2 айлық сәбилер

Инъекция түрінде

Көптеген инфекцияларда - 25-60 мг/кг/күн екі мәрте енгізу1 (жаңа туған нәрестелер мен ≤ 2 айлық сәбилерде цефтазидимнің қан сарысуындағы жартылай шығарылу кезеңі ересектерге қарағанда үш-төрт есе ұзағырақ болуы мүмкін).

1Жаңа туған нәрестелер мен 2 айлықтан кіші сәбилерде цефтазидимнің қан сарысуындағы жартылай шығарылу кезеңі ересектерге қарағанда үш-төрт есе ұзағырақ болуы мүмкін.

Балалар

Цефтазидимнің жаңа туған нәрестелер мен ≤ 2 айлық сәбилердегі үздіксіз инфузия түріндегі қауіпсіздігі мен тиімділігі анықталмаған.

Егде жастағы пациенттер

Егде адамдардағы бүйрек клиренсінің жасқа байланысты төмендеуін ескеріп, 80 жастан асқан пациенттерде ұсынылған доза <3 г/тәулік болуы тиіс.

Бауыр жеткіліксіздігі бар пациенттер

Қолда бар деректер бойынша бауыр функциясы бұзылуының жеңіл немесе орташа дәрежесінде дозаны түзету қажеттілігі талап етілмейді, бауырдың айқын жеткіліксіздігі кезіндегі деректер жоқ. Емдеудің қауіпсіздігі мен тиімділігіне клиникалық бақылау жүргізу ұсынылады.

Бүйрек жеткіліксіздігі бар пациенттер

Цефтазидим өзгермеген күйде бүйрекпен шығарылады, сондықтан бүйрек функциясы бұзылған пациенттерде доза азайтылуы тиіс.

Препараттың бастапқы жүктемелік дозасы 1 г құрайды. Демеуші дозаны креатинин клиренсіне байланысты таңдап алады.

Бүйрек жеткіліксіздігі кезіндегі ұсынылатын демеуші дозалары

Инъекция түрінде енгізгенде

Ересектер мен > 40 кг балалар

Ауыр инфекциялары бар пациенттерге демеуші дозаны 50%-ға арттыруға немесе препаратты енгізу жиілігін ұлғайтуға болады. Балаларда креатинин

клиренсінің көрсеткіштерін дене беткейінің ауданына немесе дененің бұлшықет массасына байланысты түзету керек.

< 40 кг балалар

*Сарысудағы креатинин мәндері бағдарлық мәндер болып табылады, олар бүйрек функциясы төмендеген барлық пациенттер үшін дозаны төмендетудің тура сол дәрежесін дәл көрсете алмайды.

**Дене беткейінің ауданына негізделген немесе өлшенген.

Емдеудің қауіпсіздігі мен тиімділігіне мұқият клиникалық бақылау жүргізу ұсынылады.

Бүйрек жеткіліксіздігі кезіндегі ұсынылатын демеуші дозалары

Үздіксіз инфузия түрінде енгізгенде

Ересектер және > 40 кг балалар

Дозаларды сақтықпен таңдау және қауіпсіздік пен тиімділікті мұқият клиникалық бақылау керек.

<40 кг балалар

Цефтазидимнің бүйрек жеткіліксіздігі бар <40 кг балалардағы үздіксіз инфузия кезіндегі қауіпсіздігі мен тиімділігі анықталмаған. Қауіпсіздігі мен тиімділігін мұқият клиникалық бақылау ұсынылады.

Бүйрек функциясы бұзылған балаларға үздіксіз инфузия кезінде креатинин клиренсін дене беткейінің ауданы мен дененің бұлшықет массасына байланысты түзету керек.

Гемодиализ

Гемодиализ кезінде сарысудағы цефтазидимнің жартылай шығарылу кезеңі 3-5 сағатты құрайды.

Гемодиализдің әрбір сеансынан кейін кестелерде көрсетілген ұсынымдарға сәйкес цефтазидимнің демеуші дозаларын қайталау керек.

Перитонеалдық диализ

Цефтазидим перитонеалдық диализде және тұрақты амбулаториялық перитонеалдық диализде (ТАПД) пайдаланылуы мүмкін.

Цефтазидимді вена ішіне қолданудан бөлек диализдік ерітіндіге қосуға болады (әдетте 2 л диализдік ерітіндіге 125-250 мг).

Үзіліссіз артериялық-веналық гемодиализдегі немесе қарқынды ем бөлімшелеріндегі жоғары ағынды гемофильтрациядағы бүйрек жеткіліксіздігі бар пациенттер үшін: 1 г/тәулік, бір реттік доза түрінде немесе бірнеше қабылдауға. Төмен ағынды гемофильтрацияда бүйрек функциясының бұзылысы кезінде ұсынылған дозаларды тағайындау керек.

Вена-веналық гемофильтрациядағы және вена-веналық гемодиализдегі пациенттер үшін, төмендегі кестелерде көрсетілген дозалар ұсынылады.

Үздіксіз вена-веналық гемофильтрация үшін ұсынылатын дозалары

Үздіксіз вена-веналық гемодиализ үшін ұсынылатын дозалары

1 Демеуші доза әр 12 сағат сайын тағайындалады.

Қолдану тәсілі

Қолдану жөніндегі нұсқаулық

Цефтазидимді венаішілік инъекция немесе инфузияның көмегімен, немесе терең бұлшықетішілік инъекция жолымен енгізу керек. Егер венаішілік енгізу жолына мүмкіндік болмаса немесе пациент үшін қолайлылығы нашар болса, бұлшықет ішіне енгізу керек.

Препаратты бұлшықет ішіне инъекция түрінде қолдану: қолданар алдында препаратты инъекцияға арналған суда немесе инъекцияға арналған 0.5% лидокаин гидрохлориді ерітіндісінде немесе инъекцияға арналған 1% лидокаин гидрохлориді ерітіндісінде еріту қажет.

Лидокаинді педиатриялық тәжірибеде (15 жасқа дейін) еріткіш ретінде пайдаланбайды.

Препаратты вена ішіне инъекция түрінде қолдану: қолданар алдында Цефтазидимді инъекцияға арналған суда еріту қажет. Ерітіндіні тікелей венаға 3-5 мин бойы немесе канюля арқылы баяу енгізеді.

Цефтазидим ерітіндісін, β-лактамдар тобына жататын көптеген антибиотиктердің ерітінділері сияқты, олар үйлеспейтін болғандықтан, аминогликозидтердің ерітінділерімен және ванкомицинмен араластыруға болмайды. Цефтазидим препараты және аминогликозидтермен біріктірілген ем тағайындаған жағдайда, осы препараттардың ерітінділерін бөлек енгізген жөн.

Ерітінді дайындау бойынша нұсқаулық:

Цефтазидим вена ішіне енгізу үшін кең қолданылатын ерітінділердің көпшілігімен үйлесімді. Алайда инъекцияға арналған натрий бикарбонатын еріткіш ретінде қолданбаған жөн.

Үйлесімділігінің зерттеулері болмаған кезде бұл дәрілік затты басқа дәрілік заттармен араластыруға болмайды.

Цефтазидим аминофиллинмен үйлесімді емес. Пентамидпен үйлесімсіз болуы мүмкін.

1-ден 40 мг/мл дейінгі концентрацияда келесі ерітінділермен фармацевтикалық тұрғыда үйлесімді:

0.9 % натрий хлориді ерітіндісі;

5 % және 10 % декстроза ерітіндісі;

0.225 % натрий хлориді ерітіндісі және 5 % декстроза ерітіндісі;

0,45% натрий хлориді ерітіндісі мен 5% декстроза ерітіндісі;

0.9 % натрий хлориді ерітіндісі мен 5 % декстроза ерітіндісі;

0.18 % натрий хлориді ерітіндісі мен 4 % декстроза ерітіндісі;

Цефтазидимді, егер цефтазидим концентрациясы 4 мг/мл болса, басқа препараттармен біріктірген жағдайда, екі препарат та өзінің тиімділігін сақтайды:

• 0.9% натрий хлориді немесе 5% декстроза ерітіндісіндегі 1 мг/мл гидрокортизон (натрий фосфат гидрокортизоны);

• 0.9% натрий хлориді ерітіндісіндегі 3 мг/мл цефуроксим (натрий цефуроксимі);

• 0.9% натрий хлориді ерітіндісіндегі 4 мг/мл клоксациллин (натрий клоксациллині);

• 0.9% натрий хлориді ерітіндісіндегі 10 ХБ/мл немесе 50 ХБ/мл гепарин;

• 0.9% натрий хлориді ерітіндісіндегі 10 мэкв/л немесе 40 мэкв/л калий хлориді.

Цефтазидим ерітіндісі (инъекцияға арналған 1,5 мл судағы 500 мг) мен метронидазолды (500 мг/100 мл) араластырғанда екі компонент те өз белсенділігін сақтайды.

Бұлшықет ішіне немесе вена ішіне болюстік инъекция үшін ерітінді дайындау:

Вена ішіне тамшылатып енгізілетін инфузия үшін ерітінділер дайындау:

Ескертпе: Препарат ерітіндісі, құты және парентералдық енгізуге арналған керек-жарақтар көзбен тексерілуі тиіс.

Тек жаңа дайындалған ерітіндіні пайдалану керек!

Артық дозалану жағдайында қабылдау қажет болатын шаралар

Симптомдары: энцефалопатия, құрысулар және команың дамуымен неврологиялық асқынулар.

Артық дозалану симптомдары бүйрек функциясы бұзылған пациенттерде препараттың дозасы талапқа сай төмендетілмеген жағдайда дамуы мүмкін.

Емі: емі симптоматикалық және демеуші, ауыр артық дозалану жағдайында, консервативтік ем сәтсіз болса, қандағы препараттың концентрациясын гемодиализдің немесе перитонеалдық диализдің көмегімен азайтуға болады

Дәрілік препараттың бір немесе бірнеше дозаларын өткізіп алғанда қажет болатын шаралар

Қабылданбай қалған дозаның орнын толтыру үшін қосарлы дозаны қабылдамаңыз.

Дәрілік препаратты қолдану тәсілін түсіну үшін медициналық қызметкерінен кеңес алуға бару жөнінде нұсқаулар

Препарат  қолдану туралы қосымша сұрақтар туындаса, емдеуші дәрігерге немесе фармацевтке жүгініңіз.

ДП стандартты қолдану кезінде көрініс беретін жағымсыз реакциялар сипаттамасы және осы жағдайда қабылдау керек шаралар

Жиі

• эозинофилия, тромбоцитоз

• диарея

• вена ішіне енгізген кездегі флебит немесе тромбофлебит

• бір немесе одан көп бауыр ферменттері белсенділігінің өтпелі жоғарылауы - AЛT, AСT, ЛДГ, ГГТ және сілтілі фосфатаза

• дақты-папулалық бөртпе немесе есекжем

• Кумбстың жалған оң реакциясы (пациенттердің шамамен 5%-да дамиды, дамиды, қанның үйлесімділік үлгісіне әсер етуі мүмкін

• инъекция орнының ауыруы және/немесе қабынуы (бұлшықет ішіне енгізуден кейін)

Жиі емес

• кандидоз (вагинитті және ауыз қуысының кандидозын қоса)

• нейтропения, лейкопения, тромбоцитопения

• бас ауыруы, бас айналуы

• антибиотик-астасқан диарея және колит (Clostridium difficile-мен байланысты болуы және жалған жарғақшалы колит ретінде көрініс беруі мүмкін)

• іштің ауыруы, жүрек айнуы, құсу

• қышыну

• қандағы мочевина, мочевина азотының және/немесе креатинин деңгейінің өтпелі жоғарылауы

• қызба

Сирек

• интерстициальді нефрит, бүйректің жедел жеткіліксіздігі

Белгісіз

• лимфоцитоз, гемолиздік анемия, агранулоцитоз

• анафилаксиялық реакцияла, бронх түйілуін және/немесе артериялық гипотензияны қоса

• парестезия, неврологиялық асқынулар, тремор, миоклония, құрысулар, энцефалопатия және кома қоса (бүйрек функциясы бұзылған пациенттерде препараттың дозасы талапқа сай төмендетілмеген жағдайда )

• дәм сезудің бұзылулары

• сарғаю

• ангионевроздық ісіну, мультиформалы эритема, Стивенс-Джонсон синдромы, уытты эпидермалық некролиз

• DRESS-синдромы (эозинофилиямен және жүйелі симптомдармен дәрілік бөртпе)1

1Цефтазидимді қолданған кездегі DRESS-синдром жөнінде бірлі-жарым мәлімдемелер бар

Жағымсыз дәрілік реакциялар туындағанда медициналық қызметкерге, фармацевтикалық қызметкерге немесе, дәрілік препараттардың тиімсіздігі туралы хабарламаларды қоса, дәрілік препараттарға болатын жағымсыз реакциялар (әсерлер) жөніндегі ақпараттық деректер базасына тікелей хабарласу керек

Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК

http://www.ndda.kz

Қосымша мәліметтер

Дәрілік препарат құрамы

Бір құтының ішінде

Цефтазидим мен натрий карбонатының стерильді қоспасы, соның ішінде:

белсенді зат - 582.5 мг, 1165.0 мг, 2330.0 мг цефтазидим пентагидраты

(500.0 мг, 1000.0 мг, 2000.0 мг цефтазидимге шаққанда),

қосымша зат - сусыз натрий карбонаты.

Сыртқы түрінің, иісінің, дәмінің сипаттамасы

Ақтан ақсары түстеске дейінгі кристалл ұнтақ.

Шығарылу түрі және қаптамасы

500 мг, 1000 мг немесе 2000 мг белсенді заттан шыныдан жасалған, резеңке тығындармен герметикалық тығындалған, алюминий қалпақшалармен немесе біріктірілген «FLIP OFF» қалпақшалармен қаусырылған құтыларға салынған.

Әрбір құтыға заттаңба жабыстырылады.

1 құтыдан медициналық қолдану жөніндегі қазақ және орыс тілдеріндегі бекітілген нұсқаулықпен бірге картон қорапшаға салынады.

Дәрілік препараты бар қорапшалар картон қораптарға салынады.

Қорапшаға салмай қаптауға рұқсат етіледі: құтылар медициналық қолдану жөніндегі қазақ және орыс тілдеріндегі бекітілген нұсқаулықтармен бірге картон қораптарға салынады, медициналық қолдану жөніндегі нұсқаулықтар саны құтылардың санына қарай қоса салынады.

2 жыл

Жарамдылық мерзімі өткеннен кейін қолдануға болмайды!

Түпнұсқалық қаптамасында 25°С-ден аспайтын температурада сақтау керек.

Балалардың қолы жетпейтін жерде сақтау керек!

Рецепт арқылы

Өндіруші туралы мәліметтер

«Химфарм» АҚ, Қазақстан Республикасы, Шымкент қ., Рашидов көш., 81

Телефон нөмірі +7 7252 (610151)

Автожауапбергіш нөмірі +7 7252 (561342)

Электрондық пошта complaints@santo.kz

Тіркеу куәлігінің ұстаушысы

«Химфарм» АҚ, Қазақстан Республикасы, Шымкент қ., Рашидов көш., 81

Телефон нөмірі +7 7252 (610151)

Автожауапбергіш нөмірі +7 7252 (561342)

Электрондық пошта complaints@santo.kz

Қазақстан Республикасы аумағында тұтынушылардан дәрілік заттар сапасына қатысты шағымдар (ұсыныстар) қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымның

атауы, мекенжайы және байланыс деректері (телефон, факс, электрондық пошта)

«Химфарм» АҚ, Қазақстан Республикасы, Шымкент қ., Рашидов көш., 81

Телефон нөмірі +7 7252 (610150)

Электрондық пошта phv@santo.kz; infomed@santo.kz