Цефтазидим (2000 мг)

МНН: Цефтазидим
Производитель: Химфарм АО
Анатомо-терапевтическо-химическая классификация: Ceftazidime
Номер регистрации в РК: № РК-ЛС-5№010424
Период регистрации: 30.10.2015 - 30.10.2020
Республиканский центр развития здравоохранения
КНФ (ЛС включено в Казахстанский национальный формуляр лекарственных средств)
Предельная цена закупа в РК: 987.58 KZT

Инструкция

Саудалық атауы

Цефтазидим

Халықаралық патенттелмеген атауы

Цефтазидим

Дәрілік түрі

Инъекция үшін ерітінді дайындауға арналған 500 мг, 1000 мг, 2000 мг ұнтақ

Құрамы

Бір құтының ішінде

Цефтазидим мен натрий карбонатының стерильді қоспасы,

соның ішінде:

белсенді зат - 582.5мг, 1165мг, 2330 мг цефтазидим пентагидраты

(500 мг, 1000мг, 2000мг цефтазидимге шаққанда),

қосымша зат - сусыз натрий карбонаты.

Сипаттамасы

Ақтан крем тәріздес түске дейінгі кристалды ұнтақ.

Фармакотерапиялық тобы

Жүйелі қолдануға арналған бактерияларға қарсы препараттар.

Басқа да бета-лактамды бактерияларға қарсы препараттар. Үшінші буын цефалоспориндері. Цефтазидим.ATХ коды J01DD02

Фармакологиялық қасиеттері

Фармакокинетикасы Енгізгеннен кейін препарат адам организмінде тез таралады және, синовиальді, перикардиальді және перитонеальді сұйықтықты қосқанда, тіндер мен сұйықтықтардың көбінде сондай-ақ өтте, қақырықта және несепте емдік концентрацияларына жетеді. Сонымен бірге сүйектерде, миокардта, өт қалтасында, тері мен жұмсақ тіндерде, әсіресе препараттың диффузиясын күшейтетін қабыну үдерістерінде, инфекциялық ауруларды емдеу үшін жеткілікті концентрацияларда таралады. Зақымданбаған гематоэнцефалдық бөгет арқылы нашар өтеді, бірақ жұлын сұйықтығындағы препараттың жеткен емдік деңгейі менингитті емдеу үшін жеткілікті. Қан плазмасы ақуыздарымен қайтымды байланысады (15%-дан аз), бактерицитік әсерге тек бос күйінде ие болады. Қан ақуыздарымен байланысу дәрежесі концентрациясына байланысты емес.

0,5 г немесе 1 г бұлшықет ішіне енгізгенде плазмадағы ең жоғарғы концентрациясы бір сағаттан соң сәйкесінше 17 мкг/мл және 39 мкг/мл-ге тең, вена ішіне енгізгенде сәйкесінше 42 мкг/мл және 69 мкг/мл құрайды. Қан плазмасындағы ең жоғарғы концентрациясына жету уақыты бұлшықет ішіне енгізгенде - 1 сағат, вена ішіне енгізгенде – инфузияның соңына қарай. Препараттың 4 мкг/мл тең концентрациясы, 6-8 сағ. ішінде сақталады. Қан плазмасындағы емдік концентрациясы 8 – 12 сағат бойы сақталады. Бүйрек функциясы қалыпты болғанда жартылай шығарылу кезеңі – 1,8 сағат; бұзылғанда - 2,2 сағат.

Таралу көлемі 0,21 – 0,28 л/кг құрайды. Препарат жұмсақ тіндерде, бүйректе, өкпеде, сүйек пен буындарда, сероздық қуыстарда жиналады.

Препарат бауырда метаболизденбейді, бауыр функциясының бұзылуы препараттың фармакодинамикасы мен фармакокинетикасына әсер етпейді. Мұндай пациенттерде доза әдеттегідей қала береді. Бүйрекпен өзгеріссіз күйде 80-90%-ға дейін (енгізілген дозасының 70% алғашқы 4 сағатта шығарылады) тәулік бойы шумақтық сүзіліс және өзекшелік сөлініс жолымен тең дәрежеде шығарылады. Бүйрек функциясы бұзылғанда, дозасын төмендету ұсынылады.

Фармакодинамикасы

Цефтазидим препараты III буынды цефалоспориндер тобының бактерияға қарсы препараты болып табылады, әсер ету аясы кең және бактерицидті әсер береді, микроорганизмдердің жасуша қабырғаларының синтезін бұзады, бета-лактамазалардың көпшілігінің әсеріне төзімді. Препарат мына грамтеріс микроорганизмдерге қатысты белсенді: Haemophilus influenzae, Neisseria gonorrhoeae және басқа Neisseria spp. және Enterobacteriaceae тұқымдастары өкілдерінің көпшілігі (Citrobacter spp., Enterobacter spp., Escherichia coli, Klebsiella pneumoniae және басқа Klebsiella spp., Morganella morganii және басқа Morganella spp., Proteus mirabilis (соның ішінде, индолоң), Proteus vulgaris және басқа Proteus spp., Providenсia rettgeri және басқа Providenсia spp. және Serratia spp.), Acinetobacter spp., Haemophilus parainfluenzae (ампициллинге төзімді штамдарды қосқанда), Pasteurella multocida. Salmonella spp., Shigella spp. және Yersinia enterocolitica.

Цефтазидим препаратының III буынды цефалоспориндер арасында Pseudomonas aeruginosa және ауруханаішілік инфекцияларға қатысты белсенділігі жоғары. Препарат грамоң бактерияларға қатысты белсенді: Micrococcus spp., Streptococcus aureus, Streptococcus mitis, Streptococcus pneumoniae, A тобының Streptococcus pyogenes, Streptococcus viridans және басқа Streptococcus spp. (Streptococcus faecalis-ті қоспағанда); метициллинге төзімді штамдарға: Staphylococcus aureus, Staphylococcus epidermidis. Цефтазидим препараты анаэробты бактерияларға қатысты белсенді: Bacteroides spp. (Bacteroides fragilis штамдарының көпшілігі - резистентті), Clostridium perfringens, Peptococcus spp., Peplostreptococcus spp. және Propionobacterium spp. Препарат метициллинге төзімді штамдарға Campilobacter spp., Chlamydiа spp., Clostridium difficile, Enterococcus spp., Listeria monocytogenes және басқа Lisleria spp., Staphylococcus aureus және Staphylococcus epidermidis; Streptococcus faecalis қатысты белсенді емес.

Қолданылуы

Цефтазидим ересектер мен балалардағы, жаңа туған нәрестелерді (туғаннан бастап) қоса алғанда, цефтазидимге сезімтал қоздырғыштардан туындайтын инфекцияларды емдеуге қолданылады:

  • ауруханаішілік пневмония

  • муковисцидоз кезіндегі бронхөкпе инфекциялары

  • бактериялық менингит

  • созылмалы іріңді ортаңғы отит

  • қатерлі сыртқы отит

  • несеп шығару жолдарының асқынған инфекциялары

  • тері мен жұмсақ тіндердің асқынған инфекциялары

  • асқынған интраабдоминальді инфекциялар

  • сүйектер мен буындардың инфекциялары

  • тұрақты амбулаториялық перитонеальді диализбен (ТАПТ/CAPD) байланысты перитонит.

Жоғарыда аталған инфекциялардың кез келгенімен байланысты туындайтын немесе байланысты деп болжанатын бактериемиямен науқастарды емдеу.

Бактериялық инфекцияларға күдік туған кезде нейтропениясы бар қызбаға ұшыраған пациенттерді емдеу.

Қуық асты безіне операцияларда (трансуретральдік резекция) инфекциялық асқынулардың профилактикасы

Цефтадизимді тағайындаған кезде оның бактерияға қарсы спектрін ескеру керек, ол негізінен, аэробты грамтеріс бактерияларға дейін шектелген.

Егер болжамды бактериялар оның әсер ету спектріне тура келмесе, цефтадизимді бактерияға қарсы басқа препараттармен біріктіру қажет.

Бактерияға қарсы дәрілерді тиімді пайдалану жөніндегі ресми нұсқаулықтарға назар аудару керек.

Қолдану тәсілі мен дозалары

Препараттың дозасын және емдеу ұзақтығын ауру ағымының ауырлығына, қоздырғыштың түріне, орналасуына және оның препаратқа сезімталдығына, сондай-ақ пациенттің жасына және бүйрек функциясына байланысты жекелей белгілейді.

Ересектер мен балалар > 40 кг:

Инъекция түрінде:

Муковисцидоз кезіндегі бронхөкпе инфекциялары – әр 8 сағ. сайын 100-ден 150 мг/кг/тәу дейін, ең жоғары тәуліктік дозасы – 9 г/күн1)

Нейтропениялы науқастардағы қызба, ауруханаішілік пневмония, бактериялық менингит, бактериемия* - әр 8 сағ. сайын 2 г.

Сүйектер мен буындардың инфекциялары, тері мен жұмсақ тіндердің асқынған инфекциялары – әр 8 сағ. сайын 1-2 г.

Асқынған интраабдоминальді инфекциялар және тұрақты амбулаториялық перитонеальді диализдегі (ТАПТ) пациенттерде диализге байланысты перитонит – әр 8 сағ. сайын 1-2 г.

Несеп шығару жолдарының асқынған инфекциялары әр 8 немесе 12 сағ. сайын 1-2 г.

Қуық асты безіне операцияларда (трансуретральдік резекция) инфекциялық асқынулардың профилактикасы – енгізілетін анестезияда 1 г., және екінші доза – катетерді алып тастау кезінде.

Созылмалы іріңді ортаңғы отит және сыртқы құлақтың қатерлі отиті – әр 8 сағ. сайын 1-2 г.

Үзіліссіз инфузия түрінде:

Нейтропениясы бар науқастардағы қызба, ауруханаішілік пневмония, муковисцидоз кезіндегі бронхөкпе инфекциялары, бактериялық менингит, бактериемия, сүйектер мен буындардың инфекциялары, тері мен жұмсақ тіндердің асқынған инфекциялары, асқынған интраабдоминальді инфекциялар және тұрақты амбулаториялық перитонеальді диализдегі (ТАПТ) пациенттердегі диализге байланысты перитонит – жүктемелік дозасы 2 г., әрі қарай үзіліссіз инфузия түрінде әрбір 24 сағат сайын 4-тен 6 г дейін енгізіледі1)

  • бүйрек функциясы қалыпты ересектерде 9 г/тәу доза жағымсыз құбылыстар жоқ болған кезде пайдаланылды.

    Балалар <40 кг және балалар > 2 ай

    Инъекция түрінде

    Несеп шығару жолдарының асқынған инфекциялары – 100-150 мг/кг/тәулік үш мәрте енгізуге, ең жоғары тәуліктік дозасы 6 г.

    Нейтропениясы бар балалар, муковисцидоз кезіндегі бронхөкпе инфекциялары бактериялық менингит, бактеремия* - 150 мг/кг/тәулік үш мәрте енгізуге, ең жоғары тәуліктік дозасы 6 г.

    Сүйектер мен буындардың инфекциялары, тері мен жұмсақ тіндердің асқынған инфекциялары, асқынған интраабдоминальді инфекциялар және тұрақты амбулаториялық перитонеальді диализдегі (ТАПТ) пациенттердегі диализге байланысты перитонит - 100-150 мг/кг/тәулік үш мәрте енгізуге, ең жоғары тәуліктік дозасы 6 г.

    Үзіліссіз инфузия түрінде:

    Нейтропениясы бар науқастардағы қызба, ауруханаішілік пневмония, муковисцидоз кезіндегі бронхөкпе инфекциялары, бактериялық менингит, бактериемия*, сүйектер мен буындардың инфекциялары, тері мен жұмсақ тіндердің асқынған инфекциялары, асқынған интраабдоминальді инфекциялар және тұрақты амбулаториялық перитонеальді диализдегі (ТАПТ) пациенттердегі диализге байланысты перитонит – жүктемелік дозасы 60-100 мг/кг әрі қарай үзіліссіз инфузия түрінде 100-200 мг/кг/тәулік енгізіледі.

    * «Қолданылуы» бөлімінде келтірілген инфекциялардың кез келгенінің нәтижесіндегі бактеремия немесе осы инфекцияларға күдік туған кезде.

    Жаңа туған нәрестелер мен сәбилер ≤ 2 ай

    Инъекция түрінде:

    Көптеген инфекцияларда – 25-60 мг/кг/күн екі мәрте енгізу (жаңа туған нәрестелер мен ≤ 2 айлық сәбилерде цефтазидимнің қан сарысуындағы жартылай шығарылу кезеңі ересектерге қарағанда үш-төрт есе ұзағырақ болуы мүмкін).

    Балалар популяциясы

    Цефтазидимнің жаңа туған нәрестелер мен ≤ 2 айлық сәбилердегі үзіліссіз инфузия түріндегі қауіпсіздігі мен тиімділігі анықталмаған.

    Егде жастағылар

    Егде адамдардағы бүйрек клиренсінің жасқа байланысты төмендеуін ескеріп, 80 жастан асқан пациенттерде ұсынылған доза <3 г/тәулік болуы тиіс.

    Бауыр жеткіліксіздігі

    Қолда бар деректер бойынша бауыр функциясы бұзылуының жеңіл немесе орташа дәрежесінде дозаны түзету қажеттілігі талап етілмейді, айқын бауыр жеткіліксіздігі кезіндегі деректер жоқ. Емдеудің қауіпсіздігі мен тиімділігіне клиникалық бақылау жүргізу ұсынылады.

    Бүйрек жеткіліксіздігі

    Цефтазидим өзгермеген күйде бүйрекпен шығарылады, сондықтан бүйрек функциясы бұзылған пациенттерде доза азайтылуы тиіс. Препараттың бастапқы жүктемелік дозасы 1г құрайды. Демеуші дозаны креатинин клиренсіне байланысты таңдап алады.

    Бүйрек жеткіліксіздігі кезіндегі ұсынылатын демеуші дозалар

    Инъекция түрінде енгізгенде

    Ересектер мен балалар > 40 кг

    Креа-тинин клиренсі (КК) мл/мин

    Креатининнің сарысудағы концентра-циясы, мкмоль/л (мг/дл)

    Ұсынылатын бір реттік дозалар (г)

    Препаратты енгізу жиілігі

    50-31

    150-200 (1.7-2.3)

    1.0

    Әр 12 сағ

    30-16

    200-350 (2.3-4.0)

    1.0

    Әр 24 сағ

    15-6

    350-500 (4.0-5.6)

    0.5

    Әр 24 сағ

    <5

    >500 (>5.6)

    0.5

    Әр 48 сағ

    Ауыр инфекциялы пациенттерге демеуші дозаны 50% арттыруға немесе препаратты енгізу жиілігін ұлғайтуға болады. Балаларда креатинин клиренсінің көрсеткіштерін дене бетінің ауданына немесе дененің бұлшықет массасына байланысты түзету керек.

    Балалар < 40 кг

    Креа-тинин клиренсі (КК) мл/мин**

    Креатининнің* сарысудағы концентра-циясы, мкмоль/л (мг/дл)

    Ұсынылатын бір реттік дозалар (мг/кг)

    Препаратты енгізу жиілігі

    50-31

    150-200 (1.7-2.3)

    25

    Әр 12 сағ

    30-16

    200-350 (2.3-4.0)

    25

    Әр 24 сағ

    15-6

    350-500 (4.0-5.6)

    12.5

    Әр 24 сағ

    <5

    >500 (>5.6)

    12.5

    Әр 48 сағ

    *Сарысудағы креатинин мәндері бағдарлық мәндер болып табылады, олар бүйрек функциясы төмендеген барлық пациенттер үшін дозаны төмендетудің тура сол дәрежесін дәл көрсете алмайды.

    **Дене бетінің ауданына негізделген немесе өлшенген.

    Емдеудің қауіпсіздігі мен тиімділігіне мұқият клиникалық бақылау жүргізу ұсынылады.

    Бүйрек жеткіліксіздігі кезіндегі ұсынылатын демеуші дозалар

    Үзіліссіз инфузия түрінде енгізгенде

    Ересектер және балалар > 40 кг

    Креатинин клиренсі (КК) мл/мин

    Креатининнің сарысудағы концентрациясы, мкмоль/л (мг/дл)

    Препаратты енгізу жиілігі

    50-31

    150-200 (1.7-2.3)

    Жүктемелік доза 2 г

    әрі қарай 1 г-ден 3 г дейін /24 сағ енгізу

    30-16

    200-350 (2.3-4.0)

    Жүктемелік доза 2 г

    әрі қарай 1 г /24 сағ енгізу

    <15

    >350 (> 4.0)

    Бағалау жүргізілген жоқ

    Дозаларды сақтықпен таңдау және қауіпсіздік пен тиімділікті мұқият клиникалық бақылау керек.

    Балалар <40 кг

    Цефтазидимнің бүйрек жеткіліксіздігі бар <40 кг балалардағы үзіліссіз инфузия кезіндегі қауіпсіздігі мен тиімділігі анықталмаған. Қауіпсіздік пен тиімділікті мұқият клиникалық бақылау ұсынылады.

    Бүйрек функциясы бұзылған балаларға үзіліссіз инфузия кезінде креатинин клиренсін дене бетінің ауданы мен дененің бұлшықет массасына байланысты түзету керек.

    Гемодиализ

    Қан сарысуындағы цефтазидимнің гемодиализ кезінде жартылай шығарылу кезеңі 3-5 сағатты құрайды.

    Гемодиализдің әрбір сеансынан кейін кестелерде көрсетілген ұсыныстарға сәйкес цефтазидимнің демеуші дозаларын қайталау керек.

    Перитонеальді диализ

    Цефтазидим перитонеальді диализде және тұрақты амбулаториялық перитонеальді диализде (ТАПТ) пайдаланылуы мүмкін.

    Цефтазидимді вена ішіне қолданудан бөлек диализдік ерітіндіге қосуға болады (әдетте 2 л диализдік ерітіндіге 125-250 мг). Үзіліссіз артериялық-веналық гемодиализдегі немесе қарқынды ем бөлімшелеріндегі жоғары ағынды гемофильтрациядағы бүйрек жеткіліксіздігі бар пациенттер үшін: 1 г/тәу, бір реттік доза түрінде немесе бірнеше қабылдауға. Төмен ағынды гемофильтрацияда бүйрек функциясының бұзылысы кезінде ұсынылған дозаларды тағайындау керек.

    Вена-веналық гемофильтрациядағы және вена-веналық гемодиализдегі пациенттер үшін, төмендегі кестелерде көрсетілген дозалар ұсынылады.

    Үзіліссіз вена-веналық гемофильтрация үшін ұсынылатын дозалар

    Креатинин

    клиренсі (КК) мл/мин

    Ультрафильтрация жылдамдығы (мл/мин)кезіндегі демеуші доза (мг) 1:

    5

    16.7

    33.3

    50

     

    250

    250

    500

    500

    5

    250

    250

    500

    500

    10

    250

    500

    500

    750

    15

    250

    500

    500

    750

    20

    500

    500

    500

    750

    1 Демеуші доза әр 12 сағат сайын тағайындалады.

    Үзіліссіз вена-веналық гемодиализ үшін ұсынылатын дозалар

    Креатинин

    клиренсі (КК) мл/мин

    Диализат ағыны жылдамдығы кезіндегі демеуші доза (мг)1:

    1.0 л/сағ

    2 л/сағ

    Ультрафильтрация

    жылдамдығы (л/сағ)

    Ультрафильтрация

    жылдамдығы (л/сағ)

    0.5

    1.0

    2.0

    0.5

    1.0

    2.0

     

    500

    500

    500

    500

    500

    750

    5

    500

    500

    750

    500

    500

    750

    10

    500

    500

    750

    500

    750

    1000

    15

    500

    750

    750

    750

    750

    1000

    20

    750

    750

    1000

    750

    750

    1000

    1 Демеуші доза әр 12 сағат сайын тағайындалады.

    Қолдану жөніндегі нұсқаулық

    Цефтазидимді венаішілік инъекция немесе инфузия көмегімен немесе терең бұлшықетішілік инъекция жолымен енгізу керек.

    Егер венаішілік жол мүмкін болмаса немесе пациентке қолайсыздау болса, бұлшықет ішіне енгізуді орындау керек.

    ЕРІТІНДІЛЕРДІ ДАЙЫНДАУ: ұнтақты еріткенде көміртегінің қостотығы бөлінеді. Еріткішті енгізгеннен кейін, құтыны мөлдір ерітінді алу үшін шайқау керек. Препараттың алынған дайын ерітіндісінде көміртегі қостотығының кішігірім көпіршіктері болуы мүмкін.

    Алынған ерітінді ақшыл-сары түстен қоңыр-сары түске дейін болуы мүмкін. Егер препаратты сұйылтудың барлық ұсынылған ережелері сақталса, оның тиімділігі алынған сұйықтықтың түсіне байланысты болмайды.

    1. "БАСТАПҚЫ СҰЙЫЛТУ"

    Бұлшықет ішіне енгізу үшін құтының ішіндегісін 1.5 мл (500 мг), 3 мл (1.0 г) еріткіште (инъекцияға арналған су, 0.5-1 % лидокаин гидрохлориді ерітіндісі) ерітеді. Лидокаин педиатриялық тәжірибеде еріткіш ретінде қолданылмайды.

    Вена ішіне енгізу үшін құтының ішіндегіні 5 мл (500мг), 10 мл (1.0 г) және 10 мл (2.0 г) еріткіште (инъекцияға арналған су) ерітеді.

    2."ЕКІНШІ РЕТ СҰЙЫЛТУ"

    Вена ішіне ТАМШЫЛАТЫП енгізу үшін жоғарыда көрсетілген тәсілмен алынған Цефтазидим препаратының ерітіндісін қосымша мына төменде аталған венаішілік енгізуге арналған ерітінділердің біреуінің 50-100 мл-інде сұйылтады: 0,9% натрий хлоридінің ерітіндісінде, 5%, 10% глюкоза ерітіндісінде (декстроза), 0,9% натрий хлоридінің ерітіндісімен 5% глюкоза ерітіндісінде (декстроза). Тек жаңа дайындалған ерітіндіні пайдалану керек!

Жағымсыз әсерлері

Жиі

- эозинофилия, тромбоцитоз

- флебит немесе тромбофлебит (вена ішіне енгізгенде), инъекция орнындағы ауыру және/немесе қабыну (бұлшықет ішіне енгізгеннен кейін)

- диарея

- бір немесе одан көп бауыр ферменттерінің - AЛT, AСT, ЛДГ, ГГТ және сілтілі фосфатаза белсенділігінің транзиторлы жоғарылауы, Кумбстың жалғаноң реакциясы (пациенттердің шамамен 5%-да дамиды, қанның үйлесімділік сынамасына әсер етуі мүмкін)

- дақты-папулезді бөртпе немесе есекжем

Жиі емес

- кандидоз (оның ішінде кандидозды вагинит, ауыздың шырышты қабығының уылуы)

- лейкопения, нейтропения, тромбоцитопения

- бас ауыруы, бас айналуы

-антибиотик-астасқан диарея және колит (Clostridium Difficale-мен астасқан болуы және жалғанжарғақшалы колит түрінде білінуі мүмкін)

- абдоминальді ауырулар, жүрек айну, құсу

- қышыну

- қызба

- мочевина, азот мочевинасы және/немесе қан сарысуындағы креатинин деңгейінің транзиторлы жоғарылауы

Өте сирек

- интерстициальді нефрит, жедел бүйрек жеткіліксіздігі

Жиілігі белгісіз

- лимфоцитоз, гемолитикалық анемия, агранулоцитоз

- анафилаксия (бронх түйілуі мен артериялық қысымның төмендеуін қоса)

- парестезия

- тремор, миоклония, құрысуды, энцефалопатия және команы (бүйрек функциясы бұзылған пациенттерде препарат дозасының адекватты төмендеуі болмағанда) қоса, неврологиялық асқынулар

- дәм сезудің бұзылуы

- сарғаю

- ангионевроздық ісіну, мультиформалы эритема, Стивенс-Джонсон синдромы, уытты эпидермальді некролиз

- DRESS-синдром (эозинофилиялы және жүйелі симптомдары бар дәрілік бөртпе)

Қолдануға болмайтын жағдайлар

- цефтазидимге немесе препараттың кез келген басқа компонентіне аса жоғары сезімталдық

- анамнезде басқа бета-лактамды антибиотиктерге (пенициллиндер, монобактамдар және карбапенемдер) ауыр аса жоғары сезімталдықтың болуы (мысалы: анафилаксиялық реакция)

Сақтықпен: бүйрек жеткіліксіздігінде, жүктілікте, лактация кезеңінде, жаңа туылғандарға

Дәрілермен өзара әрекеттесуі

Өзара әрекеттесу жөніндегі зерттеулер пробенецидпен және фуросемидпен ғана жүргізілді.

Цефтазидимнің жоғары дозаларын нефроуытты дәрілік препараттармен бір мезгілде пайдалану бүйрек функциясына теріс ықпал етуі мүмкін («айрықша нұсқаулар» бөлімін қараңыз).

Хлорамфеникол цефтазидимнің және басқа цефалоспориндердің антогонисі ретінде әсер етеді, аталған фактінің клиникалық мәні белгісіз, емдеу үшін препарат таңдауда антагонизм мүмкіндігін ескеру қажет.

Мына ерітінділермен фармацевтикалық үйлесімде:

1-ден 40 мг/мл-ге дейінгі концентрациясында - 0,9% натрий хлориді ерітіндісі; натрий лактат ерітіндісі; Хартман ерітіндісі; 5 % және 10 % декстроза ерітіндісі; 0.225 % натрий хлориді ерітіндісі және 5 % декстроза ерітіндісі; 0,45% натрий хлориді ерітіндісі мен 5% декстроза ерітіндісі;

0.9 % натрий хлориді ерітіндісі немесе 5 % декстроза ерітіндісі; 0.18 % натрий хлориді ерітіндісі мен 4 % декстроза ерітіндісі; 10 % Декстран 40 ерітіндісі 0.9 % натрий хлориді ерітіндісінде немесе 5 % декстроза ерітіндісінде; 6 % Декстран 70 ерітіндісі 0.9 % натрий хлориді ерітіндісінде немесе 5 % декстроза ерітіндісінде. Цефтазидим ерітіндісі (инъекцияға арналған 1,5 мл суға 500 мг) мен метронидазолды (500 мг/100 мл) араластырғанда, екі компонент те өз белсенділіктерін сақтап қалады.

Еріткіш ретінде натрий гидрокарбонаты ерітіндісін қолдануға болмайды.

Аминогликозидтермен, ванкомицинмен фармацевтикалық үйлесімсіз.

Айрықша нұсқаулар

Жоғары сезімталдық

Барлық бета-лактамды антибиотиктер тәрізді, фатальді жағдайларды қоса, цефтазидимге маңызды аллергиялық реакциялар байқалған. Ауыр аллергиялық реакцияларда емдеуді дереу тоқтатып, аллергияға қарсы адекватты емді бастау керек.

Емдеуді бастар алдында науқастың анамнезінде цефтазидимге, басқа цефалоспориндерге немесе басқа бета-лактамды агенттерге ауыр аллергиялық реакциялар бар-жоғын нақтылау керек. Анамнезінде басқа бета-лактамды антибиотиктерге ауыр емес аллергиялық реакциялар болған пациенттерге сақтықпен қолдану керек.

Цефтадизим препаратын тағайындар алдында пациенттің анамнезінде цефтазидимге, цефалоспориндерге пенициллиндерге немесе басқа препарттарға аса жоғары сезімталдық реакциялары бар-жоғын анықтау қажет.

Пенициллиндерге және бета-лактамды антибиотиктерге белгілі аса жоғары сезімталдығы бар пациенттерге препаратты қолданған кезде ерекше сақтық таныту керек («Қолдануға болмайтын жағдайлар» бөлімін қараңыз).

Әсер ету спектрі

Цефтазидимнің бактерияға қарсы белсенділігінің спектрі шектеулі және кейбір инфекция түрлерін монотерапия түрінде емдеуге жарамсыз, тек қана егер қоздырғышы құжатпен расталған, сезімтал болса, бұл қоздырғыш үшін цефтазидим ең жақсы таңдау болатынының ықтималдығы зор.

Бұл әсіресе бактериемиямен ауыратын науқастарды емдегенде, бактериялық менингитте, тері мен жұмсақ тіндер инфекциясында, сүйектер мен буындар инфекциясында маңызды. Бұдан бөлек, цефтазидим кеңейтілген спектрдегі кейбір бета-лактамаздардың (ESBLs) гидролизіне сезімтал, цефтазидимді таңдаған кезде осы ақпаратты ескерген жөн.

Жалғанжарғақшалы колит

Кейбір пациенттерде цефтазидимді қабылдау кезінде немесе қабылдағаннан кейін Clostridium difficile өндірген токсиндер туындатқан антибиотик-астасқан колит және жалғанжарғақшалы колит дамуы мүмкін (диареяның жеңіл дәрежесінен ауырына дейін). Бұл жағдайда емдеуді тоқтатады және тиісті ем жүргізеді. Ішек жиырылуын бәсеңдететін препараттарды тағайындамау керек.

Бүйрек бұзылыстары

Цефалоспориндердің және аминогликозидтер, күшті әсер ететін диуретиктер (мысалы, фуросемид) тәрізді нефроуытты дәрілік заттардың жоғары дозаларын бір мезгілде тағайындау бүйрек функциясына қолайсыз ықпал етуі мүмкін.

Цефтазидим бүйрек арқылы шығарылатын болғандықтан, оның дозасы бүйрек функциясының бұзылу дәрежесіне сәйкес төмендетілуі керек. Бүйрек функциясы бұзылған пациенттерде қауіпсіздігі мен тиімділігіне мұқият мониторинг жасалуы қажет. Бүйрек функциясы бұзылған пациенттерде препарат дозасын адекватты түрде төмендетпеген кезде неврологиялық асқынулар байқалған.

Сезімтал емес организмдердің шектен тыс өсуі

Цефтазидимді ұзақ уақыт қолдану резистентті микроорганизмдердің (энтерококктар, зеңдер) шектен тыс өсуіне әкелуі мүмкін, бұл емдеуді тоқтатуды және басқа тиісті шараларды талап етуі мүмкін. Пациенттің жай-күйіне қайта баға берудің маңызы зор.

Цефтазидим энзимдік тестілер көмегімен глюкозурияны анықтау тестілерінің нәтижелеріне ықпал етпейді, бірақ мысты қалпына келтіру әдістеріне (Бенедикт, Фехлинг, Клинитест әдістері) елеусіз (жалғаноң) ықпал етуі мүмкін.

Цефтазидимді қолдануға байланысты пациенттердің шамамен 5% -да Кумбстың оң реакциясының дамуы қан үйлесімділігі сынамасына ықпал етуі мүмкін.

Цефтазидим инъекциясы үшін ерітінді дайындауға арналған 500 мг ұнтақ құрамында құтысына 1 ммоль (22,8 мг) натрий бар

Цефтазидим инъекциясы үшін ерітінді дайындауға арналған 1000 мг ұнтақ құрамында құтысына 2 ммоль (45,6 мг) натрий бар

Цефтазидим инъекциясы үшін ерітінді дайындауға арналған 2000 мг ұнтақ құрамында құтысына 4 ммоль (91,1 мг) натрий бар

Мұны натрий бақыланатын диетадағы пациенттер үшін ескеру керек.

Жүктілік және лактация

Цефтазидимді жүкті әйелдерге пайдалану жөніндегі деректер саны шектеулі. Жануарларға жүргізілген зерттеулерде жүктілікке, эмбриондық/фетальдік дамуға, босануға/босанудан кейінгі дамуға қатысты тікелей немесе жанама зиянды әсерлер анықталған жоқ.

Цефтазидимді қолданудың пайдасы оның қаупінен жоғары болса ғана, жүкті әйелдерге тағайындауға болады.

Цефтазидим организмнен ана сүті арқылы аз мөлшерде шығарылады, бірақ емдік дозаларда цефтазидим емшек еметін балаға жағымсыз әсер етпейді, сондықтан емшек емізу кезінде пайдалануға болады.

Дәрілік заттың көлік құралдарын және қауіптілігі зор механизмдерді басқару қабілетіне ықпал ету ерекшеліктері

Көлік құралын басқару қабілетіне ықпалы туралы зерттеулер жоқ, алайда қолайсыз әсерлер (мысалы: бас айналу) көлік құралдары мен машиналарды басқару қабілетіне ықпал етуі мүмкін.

Артық дозалануы

Симптомдары: энцефалопатия, құрысу және команың дамуымен неврологиялық асқынулар.

Артық дозалану симптомдары бүйрек функциясы бұзылған пациенттерде препараттың дозасы адекватты төмендетілмеген жағдайда дамуы мүмкін.

Емі: симптоматикалық және демеуші ем қолданылады, ауыр артық дозаланған жағдайда, консервативті емдеу нәтижесіз болса, препараттың қандағы концентрациясы гемодиализдің немесе перитонеальді диализдің көмегімен азайтылуы мүмкін.

Шығарылу түрі мен қаптамасы

500.0 мг, 1.0 г және 2.0 г белсенді заттан резеңке тығынмен тұмшаланып тығындалған, алю­миний қалпақшаларымен, немесе біріктірілген импорттық «FLIPP OFF» қақпақшаларымен қаусырылған шыны түтіктен жасалған құтыларда.

Әрбір құтыға заттаңбалық немесе жазатын қағаздан жасалған немесе өздігінен жапсырылатын импорттық өндірілген заттаңбаны жапсырады немесе мәтінді құтыға терең баспалы бояумен жазады.

Әрбір құты медициналық қолдану жөніндегі мемлекеттік және орыс тіліндегі бекітілген нұсқаулықпен бірге картон қорапшаға салынған.

Медициналық қолдану жөніндегі мемлекеттік және орыс тіліндегі бекітілген нұсқаулық мәтінін қорапшаға басуға жол беріледі.

Сақтау шарттары

Құрғақ, жарықтан қорғалған жерде, 25°С-ден аспайтын температурада сақтау керек.

Балалардың қолы жетпейтін жерде сақтау керек!

Жарамдылық мерзімі

2 жыл

Жарамдылық мерзімі өткеннен кейін қолдануға болмайды.

Дәріханалардан босатылу шарттары

Рецепт арқылы

Өндіруші

«Химфарм», АҚ, Қазақстан Республикасы

Тіркеу куәлігінің иесі

«Химфарм» АҚ, Қазақстан Республикасы

Қазақстан Республикасы аумағында тұтынушылардан дәрілік заттардың сапасына қатысты шағымдарды (ұсыныстарды) қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымның мекенжайы:

«Химфарм» АҚ, Қазақстан Республикасы, Шымкент қ., Рашидов к-сі 84,

Телефон нөмірі 7252 (561342)

Факс нөмірі 7252 (561342)

Электронды поштасы infomed@santo.kz

 

Прикрепленные файлы

840242321477976397_ru.doc 56.37 кб
709836071477977610_kz.doc 74.05 кб

Отправить прикрепленные файлы на почту

Источники

Национальный центр экспертизы лекарственных средств, изделий медицинского назначения и медицинской техники