Цефограм (500 мг)

• русский
• қазақша

• Скачать инструкцию медикамента

Саудалық атауы

Цефограм

Халықаралық патенттелмеген атауы

Цефтриаксон

Дәрілік түрі

Инъекция үшін ерітінді дайындауға арналған 250 мг, 500 мг, 1000 мг ұнтақ

Құрамы

Бір құтының ішінде

белсенді зат – натрий цефтриаксоны (сусыз цефтриаксонға баламалы) (250), (500), (1000)

Сипаттамасы

Ақтан сарғыш-қызыл сары түске дейінгі кристалды ұнтақ.

Ұнтақты инъекцияға арналған суда еріткенде бозғылт- сарыдан янтарь түстіге дейін болатын мөлдір ерітінді түзіледі.

Фармакотерапиялық тобы

Микробтарға қарсы жүйелі қолдануға арналған препараттар. Басқа да бета-лактамды антибиотиктер. Цефалоспориндер.

АТЖ коды J01DD04

Фармакологиялық қасиеттері

Фармакокинетикасы

1 г дозада көктамырішіне (к/і) енгізгеннен кейін ең жоғарғы деңгейі қан сарысуында 150 мкг/мл құрайды. Бұлшықетішіне енгізген кезде препараттың биожетімділігі 100% құрайды. Плазма ақуыздарымен байланысуы 85-95%. Цефограм к/і енгізгеннен кейін тіндерде және органимзм сұйықтықтарына жақсы өтеді, 24 сағаттан аса уақыт ішінде сезімтал микроорганизмдерге қатысты оның бактерицидті концентрациясы сақталады. Балалардағы менингит кезінде (оның ішінде жаңа туғандар) Цефограм қабынған ми қабаттарынан өтеді, осы жағдайда жұлын сұйықтығында (ЖС) жеткілікті бактерицидті концентрация пайда болады. Ересектерде Цефограмды 50 мг/кг дозада енгізгеннен кейін 2 сағаттан соң ЖС концентрация деңгейі менингиттің ең көп тараған қоздырғыштарын тежейтін ең аз мөлшердегі концентрация деңгейінен бірнеше есе артық болады.

Жартылай шығарылу кезеңі 8 сағатты құрайды. Цефограм бүйрекпен -60% және өтпен - 40% шығарылады. Емшектегі балаларда, егде жастағы науқастарда, сондай-ақ бүйрек пен бауырдың ауыр түрдегі ауыруларында жартылай шығарылу кезеңі 2 есеге артады.

Фармакодинамикасы

Цефограм парентеральді қолдануға арналған үшінші буындағы цефлоспориндер тобының антибиотигі болып табылады.

Цефограм митоз фазасында бактерияның жасушалық қабырғасындағы мукопептидтер синтезін тежеу арқылы бактерицидті әсер етеді.

Кең ауқымда әсер етеді. Көптеген бета – лактамаза әсеріне төзімді.

Цефограм грамоң флораларға, әсіресе микроорганизмдердің грамтеріс штаммдарына белсенді. Оның белсенділік ауқымына мынадай микроорганизмдер кіреді грамоң флоралар: А, В, С және G тобындағы стрептококктар, Streptococcus pneumonia, Streptococcus pyogenes, Streptococcus agalactiae, Streptococcus viridans, Staphylococcus aureus, Staphylococcus epidermidis.

Грамтеріс флоралардан: Aeromonas hydrophilia, Bacillus subtilis, Borrelia burgdorferi, Morganella morganii, Citrobacter diversus, Clostridium perfringens, Corinebacterium difteriae,Neisseria gonorrhoeae, Neisseria Meningitidis, E. coli, штаммы Enterobacter, Haemophilus, Moraxella catarrhalis, Klebsiella pneumonia, Proteus mirabilis, Proteus vulgaris, Eubacterium, Shigella, Salmonella, Yersinia

және б.

Қолданылуы

- тыныс жолдарының жұқпалы аурулары (оның ішінде пневмония, өкпенің абсцесі, плевра эмпиемасы)

- несеп шығару жолдарының жұқпасы (оның ішінде пиелонефрит)

- сепсис

- менингит

- құрсақ қуысы мүшелерінің жұқпасы (оның ішінде перитонит)

- сүйек және буын жүйелерінің жұқпасы

- тері мен жұмсақ тіндердің жұқпалары

- урологиялық және акушерлік-гинекологиялық тәжірибедегі, асқазан-ішек жолдарына хирургиялық араласулар кезіндегі жұқпалы-қабынбалы асқынулардың алдын алу үшін.

Қолдану тәсілі және дозалары

Ересектер мен 12 жастан асқан балаларға Цефограмды тәулігіне 1 рет 1-2 г-нан тағайындайды. Ересектерге арналған ең жоғарғы тәуліктік доза 4г құрайды. Жаңа туғандарға препаратты дене салмағының әр келісіне 20-50 мг дозада тәулігіне 1 рет тағайындайды. 3 аптаға толған және 12 жасқа дейінгі балаларға препаратты әр келісіне 20-100 мг дозада тәулігіне 1 рет тағайындайды. КК 10 мл/мин-нен кем емес кезінде ауыр бүйрек және бауыр жеткіліксіздігі бар емделушілерде препараттың тәуліктік дозасын 2 есе азайтады.

Ерітіндіні дайындау және енгізу тәсілі

Көктамыр ішіне сорғалатып енгізуге арналған ерітінді дайындау үшін еріткіш ретінде инъекцияға арналған суды қолданады. 500 мг препарат дозасына 5 мл еріткішті пайдаланады, 1 г доза үшін – 10 мл. Препаратты көктамырішіне баяу 2-4 минут бойы баяу енгізеді.

Көктамыр ішіне тамшылатып енгізуге арналған ерітінді дайындау үшін еріткіш ретінде инъекцияға арналған суды қолданады, 5% немесе 10% глюкоза ерітіндісін. Препарат дозасына 1-2 г және көбінесе 50-100 мл еріткішті пайдаланады. 30 минут бойы баяу енгізеді.

Бұлшықет ішіне енгізуге арналған ерітінді дайындау үшін еріткіш ретінде инъекцияға арналған суды немесе 1% лидокаин ерітіндісін қолданады. 500 мг препарат дозасына 2 мл еріткішті пайдаланды, 1г доза үшін – 4 мл. Бұлшықет ішіне бір реттік ең жоғары доза 1 г.

Жағымсыз әсерлері

- жүрек айнуы, құсу, диарея, дисбактериоз, бауыр трансаминаздарының белсенділігінің транзиторлы көтерілуі

- есекжем, тері қышымасы, эозинофилия, қызба, Квинке ісінуі, артралгия, анафилактикалық шок

- қайтымды лейкопения, нейтропения, тромбоцитопения

- геморагия, мұрыннан қан кетулер

- бүйрек қызметінің бұзылуы

- кандидоз

Сирек

- бас ауыруы, бас айналуы

- (экссудативті мультиформалы эритема, Стивенс-Джонсон синдромы, Лайелл синдромы, немесе уытты эпидермальді некролиз)

Өте сирек

- псевдомембраноздық колит

Жергілікті реакциялар: бұлшықетішілік енгізу орнының ауыруы және

инфильтрат

- көктамыр ішіне енгізуден кейінгі флебит. Оны препаратты баяу енгізу арқылы болдырмауға болады (2-4 минут ішінде). Бұлшықетішілік инъекция лидокаин қолданылмаса ауыртумен жүреді.

Қолдануға болмайтын жағдайлар

- цефалоспориндерге және басқа бета-лактамды антибиотиктерге жоғары сезімталдықта

- сыртартқысында қан кету, энтероколиттер болғанда

- жүктілік және лактация кезеңі

- гипербилирубинемиямен жаңа туған балаларда

Дәрілермен өзара әрекеттесуі

Цефограмның және күшті диуретиктердің үлкен дозаларын (мысалы, фуросемид) бір уақытта қолданғанда, бүйрек қызметі бұзылуы байқалмады. Цефограмның аминогликозидтердің нефроуыттылығын ұлғайтатынына көрсетілім жоқ. Цефограм енгізгеннен кейін алкоголь пайдалану дисульфирамға ұқсас реакциялармен қоса жүрмеді. Цефограм құрамында этанол көтере алмаушылық пен қан кету туындатуы мүмкін, кейбір басқа цефалоспориндерге тән N-метилтиотетразолды топ жоқ.

Пробенецид Цефограм шығарылуына әсер етпейді.

In vitro хлорамфеникол мен цефтриаксон арасындағы антагонизм анықталды.

Цефограм мен аминогликозидтерді бір уақытта қолданғанда көптеген грамтеріс бактерияларға қатысты синергизм байқалады. Құрамында басқа антибиотигі бар ерітінділермен, құрамында кальций ионы бар ерітінділермен фармацевтикалық тұрғыдан үйлесімсіз.

Айрықша нұсқаулар

Препаратпен емдеген кезде шеткергі қан құрамын ұдайы бақылап отыру керек.

Цефограмды қабылдап жүргенде науқастарға гемодиализ жүргізгенде қан плазмасындағы препараттың концентрация деңгейін қадағалау керек, өйткені оларда оның шығу жылдамдығы төмендеуі мүмкін.

Дәрілік заттың көлік құралын немесе қауіптілігі зор механизмдерді басқару қабілетіне әсер ету ерекшеліктері

Жағымсыз әсерлерін ескере отырып, көлік құралдарын басқарғанда және қозғалыстағы механизмдермен жұмыс істегенде сақтық жасау керек.

Артық дозаланғанда

Симптомдары: қайтымды энцефалопатияның дамуы мүмкін.

Емдеу: симптоматикалық. Арнайы у қайтарғысы жоқ.

Цефтриаксон гемодиализ немесе перитонеальді диализ жолымен шығарылмайды.

Шығарылу түрі және қаптамасы

250 мг, 500 мг немесе 1 г препараттан (белсенді затқа есептегенде) III классты мөлдір шыныдан жасалған, сұр түсті резеңке тығынмен герметикалық тығындалған, көгілдір түсті қақпақшалы алюминий қалпақшамен қаусырылған

құтыға салынған.

Құтыға заттаңбалық қағаздан жасалған заттаңба жапсырылады.

1 құты медицинада қолданылуы жөнінде мемлекеттік және орыс тілдеріндегі нұсқаулықпен бірге картон қорапқа салынған.

Сақтау шарттары

Құрғақ, жарықтан қорғалған жерде, 25º С-ден төмен температурада сақтау керек.

Балалардың қолы жетпейтін жерде сақтау керек!

Сақтау мерзімі

3 жыл

Қаптамасында көрсетілген жарамдылық мерзімі өткеннен кейін қолдануға болмайды.

Дәріханадан босатылу шарттары

Рецепт арқылы

Өндіруші

«Орхид Хелскэр, Орхид Кемикалс Энд Фармасьютикалс Лтд бөлімшесі»

Орхид Тауэрс

313, Валлувар Коттам Хай Роуд,

Нунгамбаккам,

Ченнай – 600 034

Үндістан

Тіркеу куәлігінің иесі

«Орхид Хелскэр, отделение Орхид Кемикалс Энд Фармасьютикалс Лтд»

Орхид Тауэрс

313, Валлувар Коттам Хай Роуд,

Нунгамбаккам,

Ченнай – 600 034

Үндістан

Қазақстан Республикасы аумағында тұтынушылардан өнім (тауар) сапасына қатысты шағымдарды қабылдайтын ұйымның мекенжайы

ҚР-дағы өкілдігі, Алматы қ., Достық даңғылы 114 үй, 49 кеңсе

Телефон. тел +7(727) 2640985 факс (727) 2640934

Электрондық поштасы georgiyperm@hotmail.com