Цефекон® Н
Инструкция
-
русский
-
қазақша
Саудалық атауы
Цефекон® Н
Халықаралық патенттелмеген атауы
Жоқ
Дәрілік түрі
Ректальді суппозиторийлер
Құрамы
Бір суппозиторий құрамында
белсенді заттар: кофеин 50 мг
напроксен 75 мг
салициламид 600 мг
қосымша заттар: қатты май (Витепсол (H 15, W 35 маркалары), Суппосир (NA 15, NAS 50 маркалары)) - массасы 2.20 г суппозиторий алғанға дейін
Сипаттамасы
Торпедо тәрізді пішіндегі, ақ немесе крем тәріздес немесе сарғыш реңді ақ түсті суппозиторийлер.
Суппозиторийлердің ұзына бойы қимасында теңбілдер болмауы тиіс, ауалы өзегі немесе шұңғыма тәрізді ойығы болуы мүмкін.
Фармакотерапиялық тобы
Анальгетиктер және антипиретиктер. Салицил қышқылы және оның туындылары
АТХ коды N02BA55
Фармакологиялық қасиеттері
Фармакокинетикасы
Ректальді енгізудегі белсенді заттар біріктірілімінің (напроксен, кофеин, салициламид) фармакокинетикасы зерттелмеген.
Фармакодинамикасы
Цефекон® Н – біріктірілген препарат, ауыруды басатын, ыстықты түсіретін және қабынуға қарсы әсер етеді.
Напроксен және салициламид стероидты емес қабынуға қарсы препараттар болып табылады, олардың әсер ету механизмі простагландиндер синтезін тежеумен және гипоталамуста ыстықты реттейтін орталыққа әсер етумен байланысты.
Кофеин психостимуляциялаушы, аналептикалық және тегіс бұлшық еттерге спазмолитикалық әсер етеді, көлденең-жолақты бұлшықеттерді көтермелейді.
Қолданылуы
-
ауырлығы жеңіл және орташа ауыру синдромында ауыруды басатын дәрі ретінде: невралгияда, миалгияда, ишиаста, люмбагода; тірек-қимыл аппаратының дегенеративті-дистрофиялық ауруларында (остеохондроз, остеоартроз, шорбуынданатын спондилоартрит); бас және тіс ауырғанда, бас сақинасында; дисменореяда (ауырып келетін етеккірде)
-
ыстықты төмендететін дәрілер ретінде: суық тиюден, жұқпалы және қабыну ауруларынан болған қызба синдромында
Қолдану тәсілдері және дозасы
Ректальді. Суппозиторийді пішінді ұяшықты қаптамасынан босатады және ішек өздігінен босағаннан немесе клизма арқылы тазартқаннан кейін тік ішекке тереңірек етіп, 1 суппозиторийден тәулігіне 1-3 рет енгізеді. Суппозиторийді енгізгеннен кейін емделуші көлденең күйінде 30-40 минут жатуы қажет.
Дәрігердің кеңесінсіз ауыруды басатын дәрі ретінде қабылдау ұзақтығы 5 күннен аспауы және ыстықты төмендететін дәрі ретінде 3 күннен аспауы керек.
Жағымсыз әсерлері
- аллергиялық реакциялар (тері бөртпесі, қышыну, есекжем, ангионевроздық ісіну)
- бас айналу, қозу, ұйқышылдық, психомоторлы реакциялар жылдамдығының бәсеңдеуі, құлақтың шуылдауы
- тахикардия, артериялық қысымның көтерілуі
- тромбоцитопения, агранулоцитоз, апластикалық анемия
- бауыр және/немесе бүйрек функциясының бұзылуы
- тік ішектің қышуы және ауыруы
Қолдануға болмайтын жағдайлар
- препарат компоненттеріне аса жоғары сезімталдық
- асқазан мен он екі елі ішектің ойық жаралы ауруы (өршу сатысында)
- қабынуға қарсы стероидты емес препараттарды көтере алмаушылық (сыртартқыда)
- гипокоагуляция
- бүйрек және/немесе бауыр функциясының айқын жеткіліксіздігі
- артериялық гипертензия, жүрек-қан тамырлары жүйесінің органикалық аурулары, жүрек жеткіліксіздігі
- қан аурулары
- ісінулер
- вестибулярлық аппарат патологиясы
- жоғары қозғыштық, ұйқысыздық
- жабық бұрышты глаукома
- бронхобструкция (оның ішінде қабынуға қарсы стероидты емес препараттар қабылдаудан болған)
- егде жаста (70 жастан асқан) және балаларға (16 жасқа дейін)
- жүктілік
- лактация кезеңі
Дәрілермен өзара әрекеттесуі
Напроксен бета-адреноблокаторлардың гипотензивтік әсерін төмендетеді. Бір уақытта қолданғанда напроксен фуросемидтің диуретикалық әсерінің төмендеуін туындауы мүмкін. Напроксен фенитоинның, сульфаниламидтің, метотрексаттың уыттылығын жоғарылатады.
Салициламид тікелей емес антикоагулянттардың, антиагреганттардың, фибринолитиктердің әсерін күшейтеді. Cалициламидті бірге қолданғанда глюкокортикостероидтардың, минералокортикостероидтардың, эстрогендердің жағымсыз әсерлерінің даму қаупін арттырады. Салициламидті миелоуытты дәрілік заттармен бір уақытта қолданғанда ми қан айналымының (гемопоэз) бәсеңдеу қаупі ұлғаяды.
Кофеин жүрек гликозидтерінің сіңірілуін тездетеді және әсерін күшейтеді, олардың уыттылығын арттырады. Кофеинді бета-адреноблокаторлармен бірге қолдану терапиялық әсерлердің өзара басылуына әкелуі мүмкін; адренергиялық бронх кеңейтетін дәрілік заттармен – орталық жүйке жүйесінің қосымша стимуляциясына және басқа аддитивті уытты әсерлерге әкелуі мүмкін.
Айрықша нұсқаулар
Тік ішекте қышу немесе жағымсыз сезімдер пайда болған кезде препаратты қолдануды тоқтатып, дәрігерге қаралу керек.
Дәрілік заттың көлік құралын немесе қауіптілігі зор механизмдерді басқару қабілетіне ықпал ету ерекшеліктері
Препараттың автокөлік пен механизмдерді басқару қабілетіне ықпал етуіне қатысты арнайы зерттеулер жүргізілмеген.
Емделу кезеңінде зейінді жұмылдыруды және психомоторлы реакциялар шапшаңдығы мен көздің көруі жақсы болуын талап ететін автокөлік жүргізу және қауіптілігі зор қызмет түрлерімен айналысқанда сақ болған жөн.
Артық дозалануы
Цефекон® Н препаратының артық дозалану жағдайлары туралы хабарлар болмаған.
Шығарылу түрі және қаптамасы
5 суппозиторийден полиэтиленмен ламинацияланған поливинилхлоридті үлбірден жасалған пішінді ұяшықты қаптамаға салынған.
2 пішінді қаптамадан медициналық қолдану жөніндегі мемлекеттік және орыс тілдеріндегі нұсқаулықпен бірге картон қорапшаға салынған.
Сақтау шарттары
25ºС-ден аспайтын температурада сақтау керек.
Балалардың қолы жетпейтін жерде сақтау керек!
Сақтау мерзімі
2 жыл
Жарамдылық мерзімі өткеннен кейін қолдануға болмайды.
Дәріханалардан босатылу шарттары
Рецептісіз
Өндіруші
«Нижфарм» ААҚ, Ресей Федерациясы
603950, Нижний Новгород қ.,
ҚҚП-459, Салганская к-сі, 7
тел.: (831) 278-80-88
факс: (831) 430-72-28
веб сайт: http://www.nizhpharm.ru
Тіркеу куәлігі иесінің атауы мен елі
«Нижфарм» ААҚ, Ресей Федерациясы
Қазақстан Республикасы аумағында тұтынушылардан өнім (тауар) сапасына қатысты шағымдарды қабылдайтын ұйымның мекенжайы
«Нижфарм» АҚ ҚР Өкілдігі
050043, Қазақстан Республикасы,
Алматы қ., Хан-Тәңірі ы/а, 55б
тел.: (727) 2222-100
факс: (727) 398-64-95
e–mail: almaty@stada.kz