Цефаксон

МНН: Цефтриаксон
Производитель: Люпин Лтд
Анатомо-терапевтическо-химическая классификация: Ceftriaxone
Номер регистрации в РК: № РК-ЛС-5№015056
Период регистрации: 30.12.2015 - 30.12.2020

Инструкция

Саудалық атауы

Цефаксон

Халықаралық патенттелмеген атауы

Цефтриаксон

Дәрілік түрі

Инъекция үшін ерітінді дайындауға арналған ұнтақ, 1000 мг

Құрамы

Бір құтының ішінде:

белсенді зат – цефтриаксонға баламалы

натрий цефтриаксоны 1000.0 мг

Сипаттамасы

Ақ немесе сарғыштау - қызыл сары түсті кристалды ұнтақ

Фармакотерапиялық тобы

Жүйелі пайдалануға арналған микробтарға қарсы препараттар.

Үшінші буын цефалоспориндері. Цефтриаксон

АТХ коды J01DD04

Фармакологиялық қасиеттері

Фармакокинетикасы

Бұлшықет ішіне енгізгеннен кейін қан плазмасындағы ең жоғары деңгейіне 30 минуттан кейін жетеді және ол сезімтал микроорганизмдердің ең төмен тежейтін концентрациясынан жоғары.

Цефтриаксон организмнің тіндері мен биологиялық сұйықтықтарына жақсы таралады. Белсенді затының жоғары концентрациясы паренхиматозды ағзалар, сүйек тіні, байламдар, несеп-шығару жүйесі ағзаларының тіндерінде, теріде анықталады. Цефтриаксон сондай-ақ гематоэнцефалдық бөгет арқылы өтеді. Плазма ақуыздарымен байланысуы өтпелі сипат иеленген және плазмадағы белсенді заттарының 25 мкг/мл концентрациясында 95%, 300 мкг/мл концентрациясында – 85% құрайды.

Цефтриаксонның жартылай шығарылу кезеңі 6-9 сағат құрайды.

Препараттың 33-67% өзгермеген түрінде бүйрек арқылы шығарылады, қалған бөлігі өтпен шығарылады және ішек микрофлорасының әсерімен белсенсіз метаболиттерге дейін ыдырайды.

Ауыр бүйрек жеткіліксіздігінде (креатинин клиренсі минутына 10 мл төмен) немесе бүйрек пен бауыр функциясының бір мезгілде бұзылуында дозалау режимін түзету талап етіледі.

Фармакодинамикасы

Цефаксон – кең ауқымды әсер ететін III буындағы цефалоспоринді антибиотик, бактериялардың жасушалық жарғақшасының синтезін тежеу арқылы бактерицидті әсер етеді. Бета-лактамазалардың әсеріне төзімді.

Келесі грамоң аэробты бактерияларға: Staphylococcus aureus, Staphylococcus epidermidis, Streptococcus pneumoniae, Streptococcus pyogenes, Streptococcus agalactiae, Streptococcus viridans, Streptococcus bovis; грамтеріс аэробты бактерияларға: Acinetobacter calcoaceticus, Aeromonas spp., Alcaligenes spp., Branhamella catarrhalis (оның ішінде бета-лактамаза өндіретін штамдар), Citrobacter spp., Enterobacter aerogenes, Enterobacter cloacae, Escherichia coli, Haemophilus ducreyi, Haemophilus influenzae (оның ішінде пенициллиназа өндіретін штамдар), Haemophilus parainfluenzae, Klebsiella spp. (оның ішінде Klebsiella pneumoniae), Moraxella spp., Morganella morganii, Neisseria gonorrhoeae (оның ішінде пенициллиназа өндіретін штамдар), Plesiomonas shigelloides, Proteus mirabilis, Proteus vulgaris, Providencia spp., Salmonella spp. (оның ішінде Salmonella typhi), Serratia spp. (оның ішінде Serratia marsescens), Shigella spp., Vibrio spp. (оның ішінде Vibrio cholerae), Yersinia spp., Pseudomonas aeruginosa, Treponema pallidum;

грамтеріс анаэробты бактерияларға: Bacteroides spp., Clostridium spp. (Clostridium difficile басқа), Fusobacterium spp. (Fusobacterium mortiferum, Fusobacterium varium басқа), Peptococcus spp., Peptostreptococcus spp. қатысты белсенді.

Staphylococcus spp., Enterococcus spp., Clostridium difficile метициллин-резистентті штаммдар, бета-лактамаза өндіретін Bacteroides штаммдары цефтриаксонға төзімді.

Қолданылуы

препаратқа сезімтал микроорганизмдермен туындаған жұқпалы-қабыну ауруларында:

- тыныс жолдарының жоғары бөлігінің

- несеп шығару жүйесінің

- іш қуысы азаларының

- сүйек және жұмсақ тіндердің

- тері жұқпаларының

- создың

- менингиттің

- екіншілік операциядан кейінгі жұқпалардың алдын алуда

- әлсіреген иммунитетімен емделушілердегі жұқпалы-қабыну ауруларында

Қолдану тәсілі және дозалары

Цефтриаксонды бұлшықет ішіне немесе көктамыр ішіне енгізеді.

Бұлшықет ішіне: 1г цефтриаксонды лидокаиннің 3,5 мл 1% ерітіндісінде ерітеді және бұлшықет ішіне енгізеді.

Көктамыр ішіне: 1г цефтриаксонды - инъекцияға арналған 10 мл стерильді суда ерітеді, содан кейін көктамыр ішіне 2-4 минут ішінде енгізеді.

Ересектер мен 12 жастан асқан балаларға арналған орташа дозасы жұқпаның ауырлығы мен типіне байланысты тәулігіне бір рет 1-2 г құрайды (немесе күніне екі рет дәл бөлінген дозасы)

Ең жоғары тәуліктік дозасы 4 г құрайды.

Созды емдеу үшін препаратты бұлшықет ішіне 250 мг дозада бір рет тағайындайды.

Хирургиялық жұқпаның алдын алу мақсатында препаратты операцияға дейін 0,5-2 сағат бұрын 1г бір реттік дозада тағайындайды.

15 күннен бастап 12 жасқа дейінгі балаларға тәуліктік доза 2 енгізуге 20-80 мг/кг құрайды. Дене салмағына 50 мг/кг асатын тәуліктік дозасын көктамырішілік инфузия түрінде енгізеді. Ең жоғары тәуліктік доза – 2,0 г.

Жаңа туғандар үшін (екі жасқа дейін) тәуліктік доза тәулігіне 20-50 мг/кг құрайды. Ең жоғары тәуліктік доза тәулігіне 50 мг/кг аспауы керек.

Емдеу курсының ұзақтығы жұқпаның түріне және жағдайының ауырлығына байланысты және әдетте 10 күннен аспауы керек. Препаратты енгізуді дене температурасы қалпына келгеннен және аурудың симптомдары қайтқаннан кейін 2-3 күн бойы жалғастырады.

Ауыр бүйрек жеткіліксіздігінде (креатинин клиренсі минутына 10 мл төмен), сондай-ақ бір мезгілде бүйрек және бауыр жеткіліксіздігінде цефтриаксонның тәуліктік дозасы 2 г аспауы керек.

Құрамында лидокаин бар ерітіндіні көктамыр ішіне енгізуге болмайды.

Лидокаин педиатриялық тәжірибеде еріткіш ретінде қолданылмайды.

Жағымсыз әсерлері

  • есекжем, қызба, қалтырау, эозинофилия, қышыну, бөрту, аллергиялық дерматит, мультиформалы экссудативті эритема (Стивенс-Джонсон синдромы), ангионевратикалық ісіну, анафилактикалық шок, сарысу құю ауруы, бронхтүйілуі

  • уытты эпидермальді некролиз

  • бас ауыруы, бас айналуы

  • жүрек айнуы, құсу, дәм сезудің бұзылуы, іш кебуі, диарея, жалғанжарғақшалы колит, псевдохолелитиаз, холестатикалық сарғаю, дисбактериоз

  • стоматит, глоссит

  • трансаминазалар белсенділігінің жоғарылауы, гиперкреатининемия, мочевина деңгейінің жоғарылауы

  • олигурия, глюкозурия, гематурия, цилиндурия

  • плазмадағы креатинин деңгейінің жоғарылауы

  • тромбоцитоз, тромбоцитопения, лейкопения, эозинофилия, гранулоцитопения

  • супержұқпаның дамуы (оның ішінде кандидоз)

  • енгізілген жердің ауыруы

Сирек

  • сілтілі фосфотаза белсенділігінің жоғарылауы, гипербилирубинемия

  • лейкоцитоз, нейтропения, лимфопения, базофилия, агранулоцитоз

  • гемолитикалық анемия, қан ұюының плазмалық факторлары (II, VII, IX, X) деңгейінің төмендеуі салдарынан протромбиндік уақыттың артуы

Цефтриаксон жақсы көтерімді. Жағымсыз әсерлері әдетте жеңіл және емдеуді тоқтатуды талап етпейді.

Қолдануға болмайтын жағдайлар

  • цефтриаксонға және басқа да цефалоспориндерге, пенициллиндерге, карбапенемдерге аса жоғары сезімталдық

  • еріткіш – лидокаинға жоғары сезімталдық

  • бүйрек-бауыр жеткіліксіздігі

  • сыртартқысында қан кету және асқазан-ішек жолдарының аурулары (спецификалық емес ойықжаралы колит, асқазан мен он екі елі ішектің ойық жара ауруының белсенді түрі)

  • сыртартқысында антибактериальді препараттарды қолданумен байланысты энтероколит

  • жүктілік, лактация кезеңі

  • жаңа туғандар мен күні жетпей туғандардағы гипербилирубинемия (цефтриаксон осындай емделушілерде билирубиндік энцефалопатия даму қаупін жоғарылатып, билирубинді сарысулық альбуминмен байланыстан ығыстыруы мүмкін)

  • құрамында кальций бар ұзақ инфузияларды қоса, мысалы, парентеральді қоректенгенде, цефтриаксонның кальций тұздарының преципитаттары түзілу қаупіне байланысты құрамында кальций бар ерітінді тағайындалған немесе көктамыр ішіне енгізу болжамданған жаңа туғандарға (≤28 күн)

Дәрілермен өзара әрекеттесуі

Грамтеріс флораға қатысты аминогликозидті антибиотиктермен синергизм иеленген.

Стероидты емес қабынуға қарсы препараттармен, антиагреганттармен, антикоагулянттармен бір мезгілде қолданғанда қан кетудің даму мүмкіндігі артады.

Ілмектік диуретиктермен бір мезгілде қолданғанда (жоғары дозаларда) препараттың нефроуытты әсері мүмкіндігі артады.

Алкогольді бір мезгілде қолданғанда келесі әсерлер дамуы мүмкін: беттің қызаруы, іштің және асқазан аймағының түйіліп ауыруы, жүрек айнуы, құсу, бас ауыруы, гипотония, тахикардия, ентігу.

Цефтриаксон ерітіндісі құрамында басқа антибиотиктер бар ерітінділермен, сондай-ақ құрамында кальций иондары бар ерітінділермен фармацевтикалық сыйымсыз.

Айрықша нұсқаулар

Цефтриаксонмен емдеу аясында диарея дамыған жағдайда жалғанжарғақшалы колиттің даму мүмкіндігін ескеру керек. Кең ауқымды әсер ететін антибиотиктер, оның ішінде цефтриаксон ішек микрофлорасын өзгертеді, ол дисбактериоз, кандидоз дамуына әкелуі мүмкін. Басқа антибиотиктер үшін міндетті, сыртартқысымен мұқият танысқанына қарамастан, анафилактикалық шоктың даму мүмкіндігін жоққа шығаруға болмайды, ол өз кезегінде алдымен адреналин, содан кейін глюкокортикоидтарды көктамыр ішіне енгізумен, ургентті емді талап етеді.

Педиатрияда қолданылуы

Гипербилирубинемиямен жаңа туғандарда және әсіресе жаңа туған, күні жетпей туған балаларда цефтриаксонды қолдану сақтықты талап етеді.

Дәрілік заттың көлік құралын немесе қауіптілігі зор механизмдерді басқару қабілетіне әсер ету ерекшеліктері

Дәрілік заттардың жағымсыз әсерін ескеріп көлік құралын немесе қауіптілігі зор механизмдерді басқару кезінде сақтық шараларын сақтау керек.

Артық дозалануы

Симптомдары – жағымсыз әсерлерінің күшеюі.

Емі – белгісіне қарай. Арнайы у қайтарғысы белгісіз.

Шығарылу түрі және қаптамасы

1000 мг препараттан резеңке тығынмен тығындалған және алюминий қалпақпен қаусырылған және көк түсті пластмасса қақпағымен түссіз шыныдан жасалған құтыға салынған.

1 құтыдан мемлекеттік және орыс тіліндегі медициналық қолданынылуы жөніндегі нұсқаулықпен бірге картон қорапқа салынған.

Сақтау шарттары

Құрғақ, жарықтан қорғалған жерде, 250С-ден аспайтын температурада сақтау керек.

Балалардың қолы жетпейтін жерде сақтау керек!

Сақтау мерзімі

3 жыл

Жарамдылық мерзімі өткеннен кейін пайдалануға болмайды.

Босатылу шарттары

Рецепт арқылы

Өндіруші

Люпин Лтд, Үндістан

159, Си Эс Ти Роуд Калина, Сантакруз (Ист)

Мумбай 400 098 ҮНДІСТАН

Тіркеу куәлігі иесі

Люпин Лтд, Үндістан

Қазақстан Республикасы аумағында тұтынушылардан өнім сапасына қатысты шағымдарды қабылдайтын ұйымның мекенжайы:

Қазақстан Республикасындағы Люпин ЛТД өкілдігі

Алматы қ-сы, 419 кеңсе, Жангелдин к-сі, 31, «Жар-Су» БО,

тел/факс + 7 (727)3572419

Прикрепленные файлы

080672431477976305_ru.doc 58.5 кб
691944621477977552_kz.doc 76 кб

Отправить прикрепленные файлы на почту

Источники

Национальный центр экспертизы лекарственных средств, изделий медицинского назначения и медицинской техники