Цефазон

• русский
• қазақша

• Скачать инструкцию медикамента

Саудалық атауы

Цефазон

Халықаралық патенттелмеген атауы

Цефтриаксон

Дәрілік түрі

Инъекция үшін ерітінді дайындауға арналған 1 г ұнтақ

Құрамы

Бір құтының ішінде

белсенді зат – стерильді натрий цефтриаксоны 1 г сусыз цефтриаксонға баламалы

Сипаттамасы

Ақтан ақшыл-сары түске дейінгі сәл гигроскопиялы ұсақ кристалды ұнтақ.

Фармакотерапиялық тобы

Бактерияларға қарсы жүйелік пайдалануға арналған препараттар. Бактерияларға қарсы бета-лактамдық басқа да препараттар. Үшінші буынды цефалоспориндер. Цефтриаксон

АТХ коды J01DD04

Фармакологиялық қасиеттері

Фармакокинетикасы

Биожетімділігі – 100 %. Бұлшықет ішіне енгізгеннен кейін ең жоғары концентрацияға жету уақыты (ТСmax) – 2-3 сағат, вена ішіне енгізгеннен кейін – инфузия соңында. Бұлшықет ішіне 1 г дозада енгізгеннен кейін ең жоғары концентрациясы (Сmax) 76 мкг/мл құрайды, вена ішіне 1 г дозада енгізгенде – 151 мкг/мл. Ересектерде дене салмағының әр кг шаққанда 50 мг дозада енгізгеннен кейін 2-24 сағаттан соң жұлын-ми сұйықтығындағы (ЖМС) концентрациясы менингиттің көбірек таралған қоздырғыштары үшін ең аз басым концентрациядан (ЕБК) бірнеше есе артық болады. Ми қабықтары қабынғанда ЖМС-ке жақсы өтеді. Плазма ақуыздарымен байланысы – 83-96 %. Таралу көлемі – 0.12-0.14 л/кг (5.78-13.5 л), балаларда – 0.3 л/кг, плазмалық клиренсі – 0.58-1.45 л/сағ, бүйректік клиренсі – 0.32-0.73 л/сағ.

Менингиті бар балаларда дене салмағының әр кг шаққанда 50-75 мг дозада бұлшықет ішіне енгізгеннен кейінгі жартылай шығарылу кезеңі (Т ½) 5.8-8.7 сағатты, вена ішіне енгізгеннен кейін 4.3-4.6 сағатты құрайды; гемодиализде жүрген науқастарда (креатинин клиренсі (КК) 0-5 мл/мин) – 14.7 сағ., КК 5-15 мл/мин болғанда – 15.7 сағат, 16-30 мл/мин болғанда – 11.4 сағ, 31-60 мл/мин – 12.4 сағ.

Өзгермеген күйінде шығарылады: 33-67%-ы бүйрек арқылы, 40-50%-ы ішекке өтпен бірге, сонда ол белсенділігін жояды. Жаңа туған балаларда препараттың 70%-ға жуығы шығарылады. Гемодиализ тиімді емес.

Фармакодинамикасы

Цефазон – парентеральді түрде енгізуге арналған, әсер ету ауқымы кең, ІІІ буынды цефалоспоринді антибиотик. Бактерицидтік белсенділігі бактериялардың жасушалық қабырғасы синтезінің басылуымен жүзеге асырылады. Грамтеріс және грамоң микроорганизмдердің бета-лактамазалардың көбісінің әсеріне төзімділігімен ерекшеленеді.

Келесі микроорганизмерге қатысты белсенді: грамоң аэробтар – Staphylococcus aureus (пенициллиназаны өндіретін штаммдарды қоса), Staphylococcus epidermidis, Staphylococcus pneumoniae, Staphylococcus pyogenes, Staphylococcus viridans;

грамтеріс аэробтар: Acinetobacter calcoaceticus, Enterobacter aerogenes, Enterobacter cloacae, Escherichia coli, Haemophilus influenzae (соның ішінде пенициллиназаны түзетін штаммдар), Haemophilus parainfluenzae, Klebsiella spp. (соның ішінде Klebsiella pneumoniae), Moraxella catarrhalis (пенициллин өндіретін штаммдарды қоса), Morganella morganii, Neisseria gonorrhoeae (соның ішінде пенициллиназаны түзетін штаммдар), Neisseria meningitides, Proteus mirabilis, Proteus vulgaris, Serratia spp. (соның ішінде Serratia marcescens); жекелеген Pseudomonas aeruginosa штаммдары да сезімтал;

анаэробтар: Bacteroides fragilis, Clostridium spp. (Clostridium difficile-ден басқа), Peptostreptococcus spp.

Клиникалық маңызы белгісіз болса да, келесі микроорганизмдердің көптеген штаммдарына in vitro белсенділігі бар: Citrobacter diversus, Citrobacter freundii, Providencia spp., Providencia rettgeri, Salmonella spp., (включая Salmonella typhi), Shigella spp.; Streptococcus agalactiae, Bacteroides bivius, Bacteroides melaninogenicus.

Метициллинге төзімді стафилококктер цефалоспориндерге, соның ішінде цефтриаксонға, D тобының стрептококктерінің және энтерококктердің көптеген штаммдарына, соның ішінде Enterococcus faecalis-ге төзімді, сондай-ақ цефтриаксонға да төзімді.

Қолданылуы

Цефазон препаратына сезімтал қоздырғыштардан туындаған инфекцияларда:

• сепсисте

• менингитте

• диссеминацияланған Лайм ауруында (аурудың ерте және кеш сатылары)

• құрсақ қуысы ағзаларының инфекцияларында (перитонитте, өт шығару жолдарының және асқазан-ішек жолының инфекцияларында)

• сүйектердің, буындардың, жұмсақ тіндердің, терінің инфекцияларында, жара инфекцияларында

• иммунитеті әлсіреген пациенттердегі инфекцияларда

• бүйрек және несеп шығару жолдарының инфекцияларында

• тыныс алу жолдарының инфекцияларында, әсіресе ЛОР-ағзаларының инфекцияларында

• генитальді инфекцияларда, созды қоса

• операция алдындағы инфекциялық асқынуларға профилактика жүргізу үшін.

Қолдану тәсілі және дозалары

Вена ішіне және бұлшықет ішіне.

Ересектерге және 12 жастан асқан балаларға – тәулігіне 1 рет 1-2 г-ден немесе әрбір 12 сағат сайын 0.5-1 г, тәуліктік доза 4 г-ден аспауы тиіс.

Жаңа туған нәрестелер үшін (2 апталыққа дейінгі) – тәулігіне 20-50 мг/кг.

Емшектегі балалар және 12 жасқа дейінгі балалар үшін тәуліктік доза – дене салмағының әр кг шаққанда 20-80 мг. Дене салмағы 50 кг және одан жоғары балаларда ересектерге арналған дозаны қолданады. Дене салмағының әр кг шаққанда 50 мг-ден көбірек дозаларды 30 минут бойы вена ішіне инфузия түрінде тағайындау қажет.

Цефазонды, құрамында кальций бар ұзақ инфузияны қоса, құрамында кальций бар ерітінділермен вена ішіне енгізу арқылы емдеу тағайындалып қойған немесе тағайындау керектігі шамаланған жаңа туған (≤8 күн) нәрестелерге, цефтриаксонның кальций тұздарының преципитаттарының түзілу қаупі бар болғандықтан, қолдануға болмайды.

Егде және қартаң жастағы науқастар

Ересектер үшін, жасына қарай түзетусіз, әдеттегі доза.

Емдеу ұзақтығы ауру барысына байланысты. Қашанда антибиотиктермен емдеудегі сияқты, Цефазон препаратын енгізуді науқастарға, температурасы қалыпқа келгеннен кейін және қоздырғыштардың эрадикациясы айғақталғаннан кейін тағы да, ең кемінде, 48-72 сағат бойы жалғастырған жөн.

Біріктірілген ем

Көптеген грамтеріс бактерияларға қатысты Цефазон препараты мен аминогликозидтер арасында синергизм көрсетілген. Осындай біріктірілімдердің жоғары тиімділігінің әрдайым алдын ала болжанбайтынына қарамастан, оны өмірге қауіп төндіретін Pseudomonas aeruginosa сияқты ауыр инфекцияларда ескерген жөн. Цефтриаксон мен аминогликозидтердің физикалық үйлесімсіздігіне байланысты, бұларды олар үшін ұсынылған дозаларда бөлек енгізген жөн.

Менингит

Емшектегі балаларда және жасы кіші балалардағы бактериялық менингитте емдеуді тәулігіне 1 рет 100 мг/кг дозадан (бірақ 4 г-ден көп емес) бастайды. Қоздырғыштарды идентификациялаудан және оның сезімталдығын анықтаудан кейін дозаны тиісінше азайтуға болады.

Өте жақсы нәтижелерге менингококктік менингитте емдеудің 4-ші күні, Haemophilus influenzae әсерінен болған менингитте - 6 күні, Streptococcus pneumoniae әсерінен болған менингитте - 7 күні қол жеткізілді.

Лайм ауруы

Ересектерге 14 күн бойы тәулігіне бір рет 50 мг/кг (жоғары тәуліктік доза - 2 г).

Соз (пенициллиназа түзетін және пенициллиназа түзбейтін штаммдардан туындаған)

250 мг Цефазон препаратын бір рет бұлшықет ішіне енгізу

Операциядан кейінгі инфекциялар профилактикасы

Инфекциялық қауіптің дәрежесіне байланысты, операцияның басталуынан 30-90 мин бұрын 1-2 г препарат бір рет енгізіледі. Жуан және тоқ ішекке операция жасағанда Цефазон препаратын және 5-нитроимидазолдардың біреуін, мысалы, орнидазолды бір мезгілде енгізуді ұсынған жақсы болды.

Кіріспе

Жалпы ереже ерітінділерді әзірлегеннен кейін бірден пайдалануда болуы тиіс.

Әзірленген ерітінділер бөлме температурасында 6 сағат бойы (2-8ºC температурада 24 сағат бойы) өзінің физикалық және химиялық тұрақтылығын сақтайды. Концентрациясына және сақтау ұзақтығына байланысты ерітінділердің түсі бозғылт-сарыдан янтарь түске дейін өзгеруі мүмкін. Ерітіндінің бояуы препараттың тиімділігіне немесе жағымдылығына ықпалын тигізбейді.

Бұлшықет ішіне инъекция жасау үшін 500 мг Цефазон препаратын 2 мл, ал 1 г - 3.5 мл 1% лидокаин ерітіндісінде ерітеді және ең үлкен бұлшықетке (бөксеге) терең етіп енгізеді. Бір немесе сол бұлшықетке 1 г-ден асырмай енгізу ұсынылады.

Цефтриаксонды бұлшықет ішіне енгізер алдында, еріткіш ретінде лидокаин пайдаланылған кезде, лидокаин үшін қарсы көрсетілімдерін ескерген жөн (лидокаин дәрілік затының медициналық қолдану жөніндегі нұсқаулығындағы ақпаратты қараңыз).

Құрамында лидокаин бар ерітіндіні вена ішіне енгізуге болмайды.

Балаларда және жасөспірімдерде еріткіш ретінде лидокаинға тыйым салынған!

Цефазон препаратының ерітіндісін, үйлесімсіздіктің мүмкін болуына байланысты, микробтарға қарсы басқа препараттары бар ерітінділермен немесе басқа да еріткіштерімен араластыруға немесе қосуға болмайды.

Жағымсыз әсерлері

Жағымсыз реакциялар ағзалар жүйесінің класына және олардың көрініс беру жиілігіне сәйкес беріледі. Жиілігі бойынша санаттар былайша белгіленген: өте жиі (>1/10), жиі (> 1/100-ден < 1/10 дейін), жиі емес (> 1/1000-нан < 1/100 дейін), сирек (> 1/10 000-нан < 1/1000 дейін), өте сирек (< 1/10 000) және белгісіз (жиілігін анықтау мүмкін емес). Әрбір санатта жағымсыз реакциялар күрделілігінің кему дәрежесінің ретімен берілген.

Жиі

- стоматит, глоссит, жүректің айнуы, құсу, метеоризм, сұйық нәжіс, диарея

Жиі емес

- дәмнің бұзылуы

- макулопапулезді бөртпе, экзантема, қышыну, дерматит, есекжем, ісінулер, полиморфты экссудативті эритема

Сирек

- «бауыр» трансаминазалары және сілтілік фосфатаза белсенділігінің жоғарылауы, гипербилирубинемия, гепатит, сарғаю

- өт қалтасындағы кальций тұздарының преципитациясы

- эозинофилия, лейкопения, нейтропения, гранулоцитопения, анемия, гемолиздік анемия, тромбоцитопения, тромбоцитоз, лейкоцитоз, тромбопластин және протромбин уақытының ұзаруы

- бас ауыру, бас айналу, құрысулар

- анафилактоидтық және анафилаксиялық реакциялар

- флебит, вена ішіне инъекция жасалған жердің ауыруы

- суперинфекциялар, соның ішінде жыныс жолдарының микоздары

- олигурия, сарысу креатининінің артуы, глюкозурия, гематурия

- қызба, қалтырау

- аллергиялық пневмонит, бронхтың түйілуі

- қан кернеулер, жүректің қағуы, қатты терлеу

Өте сирек

- жалған жарғақшалы колит, негізінен, Clostridium difficile әсерінен туындаған, панкреатит

- эритема, Стивенс-Джонсон синдромы, Лайелл синдромы (уытты эпидермальді некролиз)

- агранулоцитоз, қан ұйығыштығының бұзылуы

- анурия, бүйрек функциясының жеткіліксіздігі, жедел тубулярлы некроз

- бүйректе цефтриаксон-кальцийдің жиналып қалуы

- Кумбстің оң реакциясы

Жиілігі белгісіз

- иммундық гемолиздік анемия

- фатальді аяқталатын гемолиз

Кальций иондарымен өзара әрекеттесуі

Цефтриаксон және құрамында кальций бар ерітінділерді қабылдаған жаңа туған нәрестелерде аутопсияны зерттеу нәтижелері бойынша, өкпеде және бүйректе преципитаттардың түзілуінің жекелеген фатальді жағдайлары болғаны сипатталған. Мұндайда жекелеген жағдайларда бір венозды түрде енгізу пайдаланылған, және преципитаттардың түзілуі тікелей вена ішіне енгізуге арналған жүйеде байқалған. Сондай-ақ цефтриаксонды және құрамында кальций бар ерітінділерді әртүрлі вена ішіне енгізгенде және әртүрлі уақытта енгізгенде, ең кемінде, өліммен аяқталған бір жағдай сипатталған. Мұндайда осы жаңа туған нәрестеде аутопсияны зерттеу нәтижесінде преципитаттар табылған жоқ. Ұқсас жағдайлар тек жаңа туған нәрестелерде ғана байқалды.

Агранулоцитоздың кездейсоқ жағдайлары жөнінде мәлімделді (<500/мл), олардың көп бөлігі 10 күн емдеуден кейін және 20 г-ден көбірек жиынтық дозаларды тағайындау аясында байқалды.

Күрделі реакциялардың (мультиформалы эритема, Стивенс-Джонсон синдромы, уытты эпидермальді некролиз (Лайелл синдромы)) кездейсоқ жағдайлары жөнінде мәлімделді.

Жалған жарғақшалы колиттің (<0.01%) және қан ұйығыштығы бұзылуының, сондай-ақ бүйректе конкременттердің түзілуінің өте сирек жағдайлары, негізінен, препараттың тәуліктік үлкен дозаларын (тәулігіне дене салмағының әр кг шаққанда 80 мг-ден көбірек), немесе 10 г-ден көбірек жиынтық дозаларды қабылдаған, сондай-ақ қосымша қауіп факторлары (сұйықтықты пайдаланудың шектелуі, төсек тарту және т.б.) бар, 3 жастан асқан балаларда сипатталған. Бүйректе конкременттердің түзілуі симптомсыз немесе клиникалық тұрғыдан өтуі мүмкін, бүйрек функциясының жеткіліксіздігіне әкеп соғуы мүмкін. Осы жағымсыз құбылыс қайтымды сипатқа ие және цефтриаксонмен емдеуді тоқтатқаннан кейін жоғалады.

Сирек жағдайларда цефтриаксонмен емдеген кезде науқастарда Кумбс сынамасының жалғаноң нәтижелері білінуі мүмкін. Басқа да антибиотиктер сияқты, Цефазон галактоземияға сынамаға жалғаноң нәтиже беруі мүмкін. Жалғаноң нәтижелер несептегі глюкозаны ферменттік емес әдіспен анықтаған кезде де алынуы мүмкін, сондықтан глюкозурияны цефтриаксонмен емдеу барысында қажет болса, тек ферменттік әдіспен ғана анықтау керек.

Нұсқаулықта көрсетілмегендерді қоса, кез келген жағымсыз әсерлер пайда болған жағдайда дәрігерге қаралу қажет.

Қолдануға болмайтын жағдайлар

• цефалоспориндерге және пенициллиндерге жоғары сезімталдық

• еріткішке – лидокаинге жоғары сезімталдық

• анамнезде бактерияларға қарсы бета-лактамдық препараттардың кез келген басқа типіне (пенициллиндерге, монобактамдарға, карбапенемдерге) ауыр аса жоғары сезімталдық реакциялары (мысалы, анафилаксиялық реакциялар)

• жаңа туған және шала жаңа туған нәрестелердегі гипербилирубинемия (мұндай пациенттерде цефтриаксон билирубинді сарысулық альбуминмен байланысынан ығыстырып, билирубинді энцефалопатияның даму қаупін арттыруы мүмкін)

• 41 аптаға дейінгі шала жаңа туған нәрестелерде (жүктілік аптасы + өмірінің аптасы)

• жаңа туған нәрестелер (≤28 күн), оларға вена ішіне, құрамында кальций бар ерітіндімен ұзақ инфузияны қоса, құрамында кальций бар ерітінділермен ем тағайындалған немесе соған болжам жасалған, мысалы, парентеральді түрде қоректендіргенде, цефтриаксонның кальций тұздары приципитаттарының түзілу қаупі бар болғандықтан

• жүктіліктің I триместрі

• құрамында лидокаин бар ерітінділерді вена ішіне енгізуге тыйым салынады

• балаларға және жасөспірімдерге еріткіш ретінде лидокаинды қолдануға болмайды.

Дәрілермен өзара әрекеттесуі

Цефазонды бір құтыда немесе шприцте басқа антибиотикпен араластыруға болмайды. Цефтриаксон және аминогликозидтер грамтеріс бактерияларға қатысты синергизм танытады (әсіресе ауыр және өмірге қатер төндіретін инфекцияларда бірге қолдануға негізделген). Цефтриаксон, ішек флорасын баса отырып, К дәруменінің синтезіне кедергі жасайды. Сондықтан тромбоциттердің агрегациясын төмендететін препараттармен (ҚҚСП, салицилаттар, сульфинпиразон) бір мезгілде қолданғанда қан кету қаупі ұлғаяды. Осы себепті антикоагулянттармен бір мезгілде қолданғанда антикоагулянттық әсерінің күшеюі байқалады. Ілмектік диуретиктермен бір мезгілде қолданғанда нефроздық әсерінің даму қаупі ұлғаяды.

Үйлесімсіздік

Цефазонды құрамында кальций бар инфузиялық ерітінділерге, мысалы, Хартман және Рингер ерітіндісіне қоспаған жөн. Цефтриаксон амсакринмен, ванкомицинмен, флуконазолмен және аминогликозидтермен үйлеспейді және араластырылмауы тиіс.

Зертханалық талдау нәтижелерін ықпалы

Сирек жағдайларда Цефазонмен емдеген кезде науқастарда Кумбс сынамасының жалғаноң нәтижелері білінуі мүмкін. Басқа да антибиотиктер сияқты, Цефазон галактоземияға сынамаға жалғаноң нәтижелер беруі мүмкін. Жалғаноң нәтижелер несептегі глюкозаны анықтаған кезде де алынуы мүмкін, сондықтан Цефазонмен глюкозурияны емдеу барысында, егер қажет болса, оны тек ферменттік әдіспен анықтау керек.

Айрықша нұсқаулар

Басқа да цефалоспориндерді қолданған кездегі сияқты, тіпті пациенттің анамнезінде аллергиялық реакциялар болмағанның өзінде, анафилаксиялық реакциялар, соның ішінде өліммен аяқталған жағдайлар тіркелді.

Басқа да цефалоспориндерді қолданған кездегі сияқты, Цефазон препаратымен емдеген кезде аутоиммундық гемолиздік анемия дамуы мүмкін. Ересектер мен балаларда ауыр гемолиздік анемияның, соның ішінде өліммен аяқталған жағдайлары тіркелді.

Цефтриаксонмен емделіп жүрген пациентте анемия дамыған кезде цефалоспоринмен астасқан анемия диагнозын жоққа шығаруға болмайды және себебі анықталғанша емдеуді тоқтата тұру қажет.

Бактерияларға қарсы басқа препараттардың көбісін қолданған кездегі сияқты, цефтриаксонмен емдеген кезде Clostridium difficile (C. difficile) әсерінен туындаған, ауырлығы әртүрлі: жеңіл диареядан өліммен аяқталатын колитке дейінгі диареяның даму жағдайлары тіркелді. Бактерияларға қарсы препараттармен емдеу жуан ішектің қалыпты микрофлорасын басады және C. difficil өсуін өршітеді. Өз кезегінде, C. difficile А және B уыттарын түзеді, олар C. difficile әсерінен туындаған диарея патогенезінің факторлары болып табылады. Уыттарды аса көп түзетін С. difficile штаммдары асқынудың және өлімге ұшыраудың жоғары қаупі бар инфекциялардың қоздырғыштары болып табылады, олардың микробтарға қарсы емге төзімді болуы салдарынан, емдеу колэктомияны қажет етуі мүмкін. Антибиотиктермен ем жүргізгеннен кейін диареясы бар барлық пациенттерде C. difficile әсерінен туындаған диареяның дамуы мүмкін екендігін ескеру қажет. Анамнезді мұқият жинау қажет, өйткені антибиотиктермен емдеуден кейін 2 айдан уақыт өткен соң C. difficile әсерінен туындаған диареяның пайда болу жағдайлары білінді. C. difficile әсерінен туындаған диареяға күмәнданған немесе ол айғақталған жағдайда ағымдағы С.difficile бағытталмаған антибиотик емін тоқтату қажет етілуі мүмкін. Клиникалық көрсетілімдерге сәйкес, сұйықтықты және электролиттерді, ақуыздарды енгізумен бірге С. difficile қатысты тиісті антибиотик емі, хирургиялық ем тағайындалуы тиіс.

Бактерияларға қарсы басқа да препараттармен емдеген кездегі сияқты, суперинфекциялар дамуы мүмкін.

Цефазон қабылдаған пациенттерде протромбин уақыты өзгеруінің сирек жағдайлары сипатталған. К дәруменінің жеткіліксіздігі (синтездің бұзылуы, тамақтанудың бұзылуы) бар пациенттерде емдеуді бастағанға дейін немесе емдеу кезінде протромбин уақыты артқан кезде протромбин уақытын бақылау және К дәруменін (аптасына 10 мг) тағайындау қажет болуы мүмкін.

Цефтриаксонды әдетте ұсынылған стандартты дозадан артық дозаларда қолданғаннан кейін, өт қалтасын ультрадыбыстық зерттеу кезінде тас деп қате қабылдаған көлеңкелер байқалды. Олар цефтриаксонның кальций тұздарының преципитаттары болып табылады, бұлар Цефазон препаратымен емдеуді аяқтағаннан немесе тоқтатқаннан кейін жоғалады. Осыған ұқсас өзгерулер қандай да бір симптомтиканы сирек береді, бірақ мұндай жағдайларда тек консервативтік ем ұсынылады. Егер осы құбылыстар клиникалық симптоматикамен қатар жүрсе, онда препаратты тоқтату жөніндегі шешім емдеуші дәрігердің қарауына қалдырылады.

Цефазонды қабылдаған науқастарда өт жолдарының обструкциясы салдарынан дамуы мүмкін панкреатиттің сирек жағдайлары сипатталған. Осы науқастардың көбісінде осыған дейін-ақ өте жолдарында іркіліс қаупінің факторлары, мысалы бұрын жүргізілген ем, ауыр сырқаттар және толық парентеральді түрде тамақтану болған. Мұндайда панкреатиттің дамуында өт жолдарында Цефазон препаратының ықпал етуімен түзілген преципитаттардың рөлін жоққа шығаруға болмайды.

Цефтриаксонды қолданған кезде препаратты қабылдауды тоқтатқаннан кейін қайтатын нефролитиаз жағдайлары сипатталды. Клиникалық симптоматика пайда болған жағдайда бүйректі ультрадыбыстық зерттеу көрсетілген. Цефазон препаратын анамнезінде нефролитиазы немесе гиперурикемиясы бар пациенттерге тағайындау жөніндегі шешімді дәрігер «пайда/қаупіне» баға бергеннен кейін қабылдауы тиіс.

Цефтриаксонды және құрамында кальций бар инфузиялық ерітінділерді немесе құрамында кальций бар басқа да препараттарды қолданған кезде қантамырлар ішінде преципитаттардың түзілуі жөнінде деректердің бар екендігіне қарамастан, балаларда және ересек пациенттерде Цефазонды құрамында кальций бар инфузиялық ерітінділермен бір мезгілде, тіпті әртүрді веналарға енгізу пайдаланылғанның өзінде, олармен араластырмаған немесе тағайындамаған жөн.

Цефазон препаратының жаңа туған нәрестелерде, емшектегі балаларда және жасы кіші балалардағы қауіпсіздігі және тиімділігі «Қолдану тәсілі және дозалары» бөлімінде сипатталған дозаларда берілген. Зерттеулер басқа цефалоспориндердегі сияқты, цефтриаксон билирубинді сарысулық альбуминмен байланысынан ығыстыратынын көрсетті. Цефазонды жаңа туған нәрестелерге, әсіресе билирубинді энцефалопатияның даму қаупі бар жаңа шала туған нәрестелерге қолдануға болмайды.

Ұзақ емдеген кезде қанға толық талдау жасауды ұдайы жүргізіп отырған жөн.

Бүйрек және бауыр функцияларының ауыр жеткіліксіздігінде препараттың қауіпсіздігін және тиімділігін клиникалық бақылау қажет.

Жүктілік және лактация

Жүктілік кезінде цефтриаксонның қауіпсіздігіне адекватты және қатаң бақыланатын зерттеулер жүргізілген жоқ.

Препаратты жүктіліктің II және III триместрлерінде, егер бұған абсолюттік көрсетілімдер жоқ болса, қолдануға болмайды. Цефтриаксон плацентарлық бөгет арқылы өтеді.

Препаратты лактация кезеңінде қолдану қажет болғанда емдеу кезінде емшек емізуді тоқтатқан жөн. Цефтриаксон аз ғана концентрацияларда емшек сүтімен бірге бөлініп шығады.

Көлік құралын басқару қабілетіне дәрілік заттың ықпал ету ерекшеліктері

Цефтриаксонның автомобильді немесе басқа да көлік құралын басқару қабілетіне қандай да болсын ықпалын көрсететін ешқандай деректер жоқ.

Артық дозалануы

Симптомдары: бөртпе, есекжем, қызба, қалтырау, бас ауыру, бас айналу, қатты терлеу, жүректің айнуы, құсу, сананың шатасуы және құрысулар. Спецификалық антидоты жоқ.

Емі: плазмадағы цефтриаксонның шамадан тыс жоғары концентрациялары гемодиализ жәрдемімен төмендетілуі мүмкін емес. Артық дозалану жағдайларын емдеу үшін симптоматикалық шаралар ұсынылады.

Шығарылу түрі және қаптамасы

Резеңке тығынмен тығындалған және пластмасса қалпақшасы бар алюминий қалпақшамен қаусырылған, түссіз шыны құтыларға 1 г препараттан (сусыз цефтриаксонға шаққанда) салынған.

Құтыға өздігінен желімденетін қағаз заттаңба жапсырылады.

1 құты медициналық қолдану жөнінде мемлекеттік және орыс тілдеріндегі нұсқаулықпен бірге картон қорапқа салынған.

Сақтау шарттары

Құрғақ, жарықтан қорғалған жерде, 25С-ден аспайтын температурада сақтау керек.

Қалпына келген ерітінді 25оС-ден аспайтын температурада 6 сағат бойы немесе 2оС-ден 8оС-ге дейінгі температурада 24 сағатқа дейін тұрақты.

Балалардың қолы жетпейтін жерде сақтау керек!

Сақтау мерзімі

2 жыл

Қаптамасында көрсетілген жарамдылық мерзімі өткеннен кейін қолдануға болмайды.

Дәріханалардан босатылу шарттары

Рецепт арқылы

Өндіруші

Swiss Parenterals Pvt. Ltd., Үндістан

402, 412-414, Kerala Industrial Estate, Nr. Bavla, Dist. Ahmedabad – 382 220 Gujarat, India

Тіркеу куәлігінң иесі

Inter Pharma, Үндістан

Тұтынушылардан дәрілік заттың сапасы жөніндегі шағымдарды Қазақстан Республикасы аумағында қабылдайтын және тіркеуден кейін дәрілік заттың қауіпсіздігін бақылауға жауапты ұйымның мекенжайы

«КазЕвроФарм» ЖШС

050000, Қазақстан Республикасы, Алматы қ., Құрманғазы к-cі, 48а, 9 кеңсе

тел./факс: +7 (727) 2615141, 2614466

электронды пошта: registration@kazeuropharm.com