Цераксон® (500 мг)

МНН: Цитиколин
Производитель: Феррер Интернасьональ С.А.
Анатомо-терапевтическо-химическая классификация: Citicoline
Номер регистрации в РК: № РК-ЛС-5№016676
Период регистрации: 02.09.2015 - 02.09.2020

Инструкция

Саудалық атауы

Цераксон®

Халықаралық патенттелмеген атауы

Цитиколин

Дәрілік түрі

Үлбірлі қабықпен қапталған 500 мг таблеткалар

Құрамы

Бір таблетканың құрамында

белсенді зат - 522,5 мг натрий цитиколині (500 мг

цитиколинге баламалы)

қосымша заттар: тальк, магний стеараты, сусыз коллоидты кремнийдің қостотығы, натрий кроскармеллозасы, гидрогенизделген майсана майы, микрокристалды целлюлоза

қабықтың құрамы: тальк, магний стеараты, титанның қостотығы Е171, полиэтиленгликоль 6000, эудрагит Е

Сипаттамасы

Ақ түсті, сопақша келген, үлбірлі қабықпен қапталған, «С500» деген бедері бар таблеткалар

Фармакотерапиялық тобы

Психоаналептиктер. Психостимуляторлар және ноотроптар. Басқа да психостимуляторлар және ноотроптар. Цитиколин

ATХ коды N06BX06

Фармакологиялық қасиеттері

Фармакокинетикасы

Сіңуі

Цитиколин ішу арқылы қабылдаған кезде жақсы сіңеді. Пероральді қабылдағаннан кейін сіңірілуі толық дерлік, ал биожетімділігі көктамыр ішіне енгізгеннен кейінгімен шамамен бірдей.

Метаболизмі

Препарат холин мен цитидинді түзе отырып, ішекте және бауырда метаболизденеді. Препаратты қабылдаудан кейін плазмадағы холин концентрациясы едәуір жоғарылайды.

Таралуы

Цитиколин холин фракциясының құрылымдық фосфолипидтерге және цитидин фракциясының цитидин нуклеотидтеріне және нуклеин қышқылдарына жылдам енгізілуімен ми құрылымдарында елеулі дәрежеде таралады. Цитиколин миға өтеді және құрылымдық фосфолипидтер фракциясының бөлігін түзе отырып, жасушалық, цитоплазмалық және митохондриялық жарғақшаларда белсенді орналасады.

Шығарылуы.

Цитиколиннің енгізілген дозасының тек 15 %-ы ғана организмнен шығарылады: 3 %-дан азы – бүйрекпен және ішек арқылы, ал 12 %-ға жуығы деммен сыртқа шығарылған СО2-мен (көмірқышқыл газымен).

Цитиколиннің несеппен шығарылуын 2 фазаға бөлуге болады: 36 сағатқа жуық созылатын, бөлініп шығу жылдамдығы төмендейтін алғашқы фаза және шығарылу жылдамдығы баяуырақ азаятын екінші фаза. Деммен шығарылатын СО2-мен де дәл осылай болады - бөлініп шығу жылдамдығы шамамен 15 сағаттан соң жылдам азаяды, соңынан барынша баяуырақ төмендейді.

Фармакодинамикасы

Цераксон® – ноотропты препарат. Жүйке импульстарының холинергиялық нейрондарға берілуін жақсартады - нейрональді мембраналардың иілгіштігіне және рецепторлардың функциясына жағымды әсер етеді. Церебральді қан ағысын жақсартады, бас мида метаболизмдік үдерістерді күшейтеді, бас мидың ретикулярлы формациясының құрылымын белсенді етеді және бас ми жарақаттан зақымданғанда сананы қалпына келтіреді.

Цераксон® холиннің көзі, ацетилхолиннің синтезін арттырады және нейрондардың жарғақшаларында құрылымдық (тірек) фосфолипидтердің биосинтезін көтермелейді, ол жарғақшалық механизмдердің функциясының, оның ішінде ион алмасу сорғыларының және ондағы рецепторлар функциясының, жақсаруына мүмкіндік береді, олардың модуляциясы нейроберілім үшін қажетті болып табылады.

Цераксон® жадының нашарлауын, эмоциялық құбылмалылықты, жігерсіздікті, күнделікті іс-қимылдарды орындаудағы және өзіне-өзі қызмет көрсетудегі қиындықтарды қоса, мидың гипоксиясы мен ишемиясында байқалатын симптомдарды жеңілдетеді.

Цераксон® шығу тегі дегенеративті және қантамырлық бұзылулардан болған когнитивті, сезімталдық және қимыл-қозғалыстық неврологиялық бұзылыстарды емдеуде тиімді.

Қолданылуы

  • инсультта және оның зардаптарында

  • бассүйек-ми жарақатында және оның салдарында

  • дегенеративті өзгерулерден және қантамырлық бұзылулардан болған когнитивті, сезімталдық және қимылдық неврологиялық бұзылыстарда.

Қолдану тәсілі және дозалары

Ересектер

Ұсынылатын дозасы күніне 500-ден 2000 мг-ге дейін (1 – 4 таблетка), аурудың ауырлығына байланысты

Доза дәрігердің нұсқауымен өзгеруі мүмкін.

Егде жастағы адамдар

Осы жас тобы үшін дозаны түзету қажет етілмейді.

Жағымсыз әсерлері

Өте сирек (<1/10,000) (жекелеген реакцияларды қосқанда).

  • аллергиялық реакциялар, есекжем, экзантема, терінің қанқызыл түске боялғанша қызаруы, тері қышымасы, ісінулер, анафилактикалық шоктың дамуы мүмкін

  • бас ауыруы, бас айналуы, елестеулер, қозу, ұйқысыздық, температураның көтерілуі, ыстықты сезіну, тремор

  • диспноэ

  • жүрек айнуы, құсу, диарея

  • артериялық қысымның жоғарылауы немесе қысқа мерзімді төмендеуі

Қолдануға болмайтын жағдайлар

  • препараттың компоненттеріне жоғары сезімталдық

  • парасимпатикалық жүйке жүйесінің жоғары тонусты жағдайы (ваготония)

  • 6 жасқа дейінгі балалар (таблеткалық түрі)

Дәрілермен өзара әрекеттесуі

Цитиколин L-дигидроксифенилаланин әсерлерін күшейтеді. Құрамында меклофексонат бар дәрілік заттармен бір мезгілде тағайындамаған жөн.

Айрықша нұсқаулар

Педиатрияда қолданылуы

Балалар тәжірибесінде дәрілік препаратты, егер күтілетін емдік пайдасы ықтимал қаупінен басым болса, тағайындайды. Баланың жасы және дозалау тәртібін емдеу жүргізетін дәрігер жекелей анықтайды.

Жүктілік және лактация кезеңі

Препаратты жүктілік кезінде немесе лактация кезеңінде қолданғанда алынған қауіп дәлелдері болмаса да, препаратты күтілетін пайда ұрық пен сәбиге төнетін зор қауіптен артық болғанда ғана тағайындайды.

Дәрілік заттың көлікті немесе ықтимал қауіпті механизмдерді басқару қабілетіне ықпал ету ерекшеліктері

Цитиколин көлікті басқару және механизмдерді қолдану қабілетіне ықпалын тигізбейді.

Артық дозалануы

Симптомдары: препараттың жағымсыз әсерлерінің күшеюі

Емдеуі: симптоматикалық

Шығарылу түрі және қаптамасы

Поливинилхлоридті үлбірден және алюминий фольгадан жасалған пішінді ұяшықты қаптамаларға 5 таблеткадан салынған.

4 пішінді ұяшықты қаптама медициналық қолданылуы жөніндегі мемлекеттік және орыс тілдеріндегі нұсқаулықпен бірге картон қорапшаға салынған.

Сақтау шарттары

15º C -ден 30º C-ге дейінгі температурада сақтау керек.

Балалардың қолы жетпейтін жерде сақтау керек!

Сақтау мерзімі

3 жыл

Қаптамасында көрсетілген жарамдылық мерзімі өткеннен кейін қолдануға болмайды.

Дәріханадан босату шарттары

Рецепт арқылы

Өндіруші

Феррер Интернасьональ, С.А., Барселона, Испания

Тіркеу куәлігінің иесі

Феррер Интернасьональ, С.А., Испания.

Тұтынушылардан өнім (тауар) сапасы жөнінде шағымдарды Қазақстан Республикасы аумағында қабылдайтын ұйымның мекенжайы:

Қазақстандағы «Takeda Osteuropa Holding GmbH» (Австрия) компаниясы-ның өкілдігі

Алматы қ-сы, Шашкин к-сі 44

Телефон нөмірі (727) 2444004

Факс нөмірі (727) 2444005

Электронды поштасы DSO-KZ@takeda.com

 

Прикрепленные файлы

708189941477976415_ru.doc 62.5 кб
377873501477977613_kz.doc 62.5 кб

Отправить прикрепленные файлы на почту

Источники

Национальный центр экспертизы лекарственных средств, изделий медицинского назначения и медицинской техники