Холина альфосцерат

МНН: Холина альфосцерат
Производитель: Открытое акционерное общество "Борисовский завод медицинских препаратов" (ОАО "БЗМП")
Анатомо-терапевтическо-химическая классификация: Choline alfoscerate
Номер регистрации в РК: № РК-ЛС-5№121651
Период регистрации: 08.10.2015 - 08.10.2020

Инструкция

Саудалық атауы

Холин альфосцераты

Халықаралық патенттелмеген атауы

Холин альфосцераты

Дәрілік түрі

Инъекцияға арналған ерітінді 250 мг/мл

Құрамы

Бір ампуланың ішінде:

белсенді зат - холин альфосцераты 1 г,

қосымша зат - инъекцияға арналған су.

Сипаттамасы

Мөлдір түссіз немесе аздап сарғыштау сұйықтық.

Фармакотерапиялық тобы

Басқа да жүйке жүйесі ауруларын емдеуге арналған препараттар. Басқа да парасимпатомиметиктер. Холин альфосцераты.

АТХ коды N07AX02

Фармакологиялық қасиеттері

Фармакокинетикасы

Сіңуі және таралуы

Ішке қабылдағаннан кейін абсорбциясы 88% құрайды. Гематоэнцефалдық бөгет арқылы жеңіл өтеді, негізінен мида (концентрациясы қан плазмасындағы деңгейінен 45% жетеді) өкпе мен бауырда жинақталады.

Метаболизмі және шығарылуы

85% көмірсуының қостотығы түрінде өкпемен, қалған мөлшері (15%) – бүйрекпен және ішек арқылы шығарылады.

Фармакодинамикасы

Нейрометаболизмдік әсерге ие дәрілік препарат. Ацетилхолиннің ізашары. Орталық жүйке жүйесінің холинергиялық синапстарында нейромедиаторлық белсенділікке әсер етеді. Белсенді затынан холиннің босап шығуы орталық жүйке жүйесінде жүреді, ол жерде холин кейіннен ацетилхолин биосинтезіне қатысады (жүйке қозуының негізгі медиаторларының бірі). Глицерофосфат нейрондар жарғақшалары фосфолипидтерінің (фосфатидилхолиннің) ізашары болып табылады.

Жүйке импульстарының берілуін, жарғақшалардың иілгіш қасиетін және нейрорецепторлардың функциясын жақсартады.

Холинергиялық белсенділіктің төмендеуі және нейрондар жарғақшаларының фосфолипидті құрамының өзгеруі секілді инволюциялық психоорганикалық синдроммен қатар жүретін патологиялық үдерістерге алдын алатын және түзететін әсер білдіреді.

Қолданылуы

- ишемиялық тип және геморрагиялық тип (қалпына келтіретін кезең) бойынша ми қан айналымының бұзылуында (жедел және қалпына келтіретін кезең)

- жадының бұзылуы, сананың шатасуы, бағдарсыздық, мотивацияның, инициативтіліктің және зейінді жұмылдыруға қабілеттіліктің төмендеуімен сипатталатын мнестикалық функцияның алғашқы және салдарлы бұзылуында, цереброваскулярлық жеткіліксіздіктің салдары мен дегенеративті және инволюциялық психоорганикалық синдромда

- эмоциялық және мінез-құлықтық сфераның өзгеруінде: эмоциялық ауытқымалық, жоғары ашушаңдық, қызығушылықтың төмендеуі, кәрілердің псевдомеланхолиясы.

Қолдану тәсілі және дозалары

Бұлшықет ішіне немесе көктамыр ішіне баяу, тамшылатып қолданылады.

Бұлшықет ішіне тәулігіне 1 г (4 мл), жедел жағдайларда көктамыр ішіне тәулігіне 1 г-дан 3 г дейін (4-12 мл) дозада. Көктамыр ішіне енгізгенде бір ампуланың ішіндегіні (4 мл) 50 мл физиологиялық ерітіндіде сұйылтады, инфузия жылдамдығы минутына 60-80 тамшы. Әдетте емнің ұзақтығы 10 күн құрайды. Емнің ұзақтығын емдеуші дәрігер анықтайды.

Жағымсыз әсерлері

-жүрек айнуы (допаминергиялық белсенділендіру салдарынан), іш қату, диарея, ауыз қуысы шырышты қабатының құрғақтығы, фарингит

- бас ауыруы, ұйқышылдық, ұйқысыздық, озбырлық, үрей, ашушаңдық, бас айналуы

- енгізілген орындағы ауыру, несеп шығарудың жиілеуі

- аллергиялық реакциялар (сирек)

Қолдануға болмайтын жағдайлар

- препарат компоненттеріне жоғары сезімталдық

- жүктілік және лактация кезеңі

- геморрагиялық инсульт (жедел сатысы)

- 18 жасқа дейінгі балалар мен жасөспірімдер

Дәрілермен өзара әрекеттесуі

Басқа препараттармен клиникалық мәні бар өзара әрекеттесуі анықталмаған.

Айрықша нұсқаулар

Препаратты қабылдағаннан кейін жүрек айнуы туындағанда дозаны азайту керек.

Көлік құралдарын немесе әлеуетті қауіпті механизмдерді басқару қабілетіне әсер ету ерекшеліктері

Бас айналуы немесе ұйқышылдық туындаған емделушілер көлік құралдарын жүргізу және қозғалыстағы механизмдермен жұмыс жасаудан аулақ болу керек.

Артық дозалануы

Симптомдары: жүрек айнуы, бас ауыруы, қозу.

Емі: аталған симптомдар дамығанда препарат дозасын төмендету керек.

Шығарылу түрі және қаптамасы

4 мл-ден 5 мл сыйымдылықпен ампулаларда.

10 ампуладан ампуланы ашуға арналған пышақ немесе скарификатормен бірге полиграфиялық картоннан немесе хром-эрзац маркалы картоннан жасалған қорапқа салынған.

Қорапқа айналдыра баспаға арналған қағаздан немесе офсетті қағаздан немесе сапасы жақсы офсетті қағаздан жасалған заттаңба-бандероль жапсырады.

Қораптар медицинада қолданылуы жөніндегі мемлекеттік және орыс тіліндегі нұсқаулықпен бірге топтық қаптамаға салынған.

Медицинада қолданылуы жөніндегі мемлекеттік және орыс тіліндегі нұсқаулықтар саны қаптамалар санына сәйкес келуі керек.

5 ампуладан поливинилхлоридті үлбірден жасалған пішінді ұяшықты қаптамаға салынған. Ампулалармен 2 пішінді ұяшықты қаптама ампуланы ашуға арналған пышақпен немесе ампула скарификаторымен және медицинада қолданылуы жөніндегі мемлекеттік және орыс тіліндегі нұсқаулықпен бірге хром-эрзац картоннан жасалған қорапшаға салынған.

5 немесе 10 ампуладан ампуланы ашуға арналған пышағы немесе скарификаторымен және медицинада қолданылуы жөніндегі мемлекеттік және орыс тіліндегі нұсқаулықпен бірге картоннан жасалған қорапшаға салынған

Сындыру сақинасы немесе кертігі және сындыру нүктесі бар ампулаларды қолданғанда, ампуланы ашуға арналған пышақты салуға болмайды.

Сақтау шарттары

Жарықтан қорғалған жерде, 25оС-ден аспайтын температурада сақтау керек.

Балалардың қолы жетпейтін жерде сақтау керек!

Сақтау мерзімі

2 жыл

Жарамдылық мерзімі өткеннен кейін пайдалануға болмайды.

Дәріханалардан босатылу шарттары

Рецепт арқылы

Өндіруші

«Борисов медициналық препараттар зауыты», ашық акционерлік қоғамы, Беларусь Республикасы, Минск обл., Борисов қ-сы, Чапаев к-сі, 64

тел/факс 8-(10375177)744280.

Тіркеу куәлігінің иесі

«Борисов медициналық препараттар зауыты», ашық акционерлік қоғамы, Беларусь Республикасы

Қазақстан Республикасы аумағында өнім (тауар) сапасына қатысты шағымдарды қабылдайтын ұйымның мекенжайы:

«Борисов медициналық препараттар зауыты», ашық акционерлік қоғамы, Беларусь Республикасы, Минск обл., Борисов қ-сы, Чапаев к-сі, 64

тел/факс 8-(10375177)744280,

электронды поштасы market@borimed.com

Прикрепленные файлы

471137821477976389_ru.doc 60 кб
958950771477977591_kz.doc 82 кб

Отправить прикрепленные файлы на почту

Источники

Национальный центр экспертизы лекарственных средств, изделий медицинского назначения и медицинской техники