Хлорофиллипт (раствор спиртовой 10 мг/мл, Галичфарм)

• русский
• қазақша

• Скачать инструкцию медикамента

Саудалық атауы

Хлорофиллипт

Халықаралық патенттелмеген атауы

Жоқ

Дәрілік түрі

10 мг/мл, 100 мл спирт ерітіндісі

Құрамы

1 мл ерітіндінің құрамында

белсенді зат: 100 құрғақ затқа шаққанда хлорофиллипттің қою сығындысы (1:15,3) – 10 мг;

қосымша зат: 96% этанол.

Сипаттамасы

Күңгірт-жасыл түсті сұйықтық. Сақтау үдерісінде шөгінді түзілуіне жол беріледі.

Фармакотерапиялық тобы

Антисептиктер мен басқа зарарсыздандырғыш препараттар.

АТХ коды D08AX

Фармакологиялық қасиеттері

Фармакокинетикасы

Зерттелген жоқ

Фармакодинамикасы

Хлорофиллипттің құрамында эвкалипт жапырақтарында болатын хлорофилдер қоспасы бар. Препарат стафилококктарға, оның ішінде антибиотиктерге төзімді штамдарға қатысты бактерияға қарсы белсенділікке, қабынуға қарсы белсенділікке ие, иммунитет жүйесін көтермелейді.

Жергілікті қолданған кезде зақымданған тіндердің қайта қалпына келуіне ықпал етеді.

Қолданылуы

Стафилококктардың антибиотикке төзімді штамдарынан пайда болған ауруларда

- күйік ауруларында, трофикалық ойық жараларда, жатыр мойнының эрозиясында;

- асқазан-ішек жолының жұқпалы ауруларында, оның ішінде:

ішекте стафилококтарды тасымалдаушылықта, пародонттың қабыну ауруларында, ауыз қуысының шырышты қабығының бактериялық зақымдануларында.

Қолдану тәсілі мен дозалары

Қолданар алдында шайқау керек.

Препаратты ішке, ректальді және жергілікті тағайындайды.

Ересектерге ішке 30 мл суда сұйылтылған препараттың 5 мл 1 % спирттік ерітіндісінен күн сайын тамақтанғанға дейін 40 минут бұрын күніне 3 рет тағайындайды. Емдеу ұзақтығы емнің тиімділігі мен ауру ауырлығына байланысты жекелей белгіленеді.

Ректальді клизма түрінде қолданады: Хлорофиллипттің 20 мл 1 % спирттік ерітіндісін 1 л суда сұйылтады (1 клизмаға арналған доза). Хлорофиллиптпен клизманы әр 2 күн сайын қояды. Емдеу курсы 10 емшарадан тұрады.

Жергілікті қолдану үшін (күйіктер мен трофикалық ойық жараларда) 1 % спирттік ерітіндіні 1:5 0,25 % новокаин ерітіндісімен сұйылтады.

Жатыр мойны эрозиясын емдеген кезде қынаптың барлық шырышты қатпарларын және жатыр мойнының қынапты бөлігін тампонмен алдын ала құрғатады және жатыр мойнының өзегіне Хлорофиллипттің 1 спирттік ерітіндісін жағады.

Жағымсыз әсерлері

- аллергиялық реакциялар (еріннің, ауыздың шырышты қабығының ісінуі)

- тері бөртпелері, қышыну

- гиперемия

- бас айналу, бас ауыруы.

Қолдануға болмайтын жағдайлар

- препаратты жекелей көтере алмаушылық

- 18 жасқа дейінгі балаларға

Дәрілермен өзара әрекеттесуі

Жарада сутегінің асқын тотығының қалдығы қалған кезде Хлорофиллипт тұнбаға түседі. Сондықтан жараны сутегінің асқын тотығымен жуғаннан кейін оның қалдығын натрий хлоридінің 0,9 % стерильді ерітіндісімен алып тастау қажет. Антисептикалық препараттардың әсерін күшейтеді.

Айрықша нұсқаулар

Қолдануды бастар алдында Хлорофиллиптке сезімталдықты анықтайды, сол үшін науқас 1 ас қасық суға сұйылтылған препараттың 25 тамшысын ішеді. 6-8 сағаттан соң аллергиялық реакция белгілері болмаса, препаратты қолдануға болады.

Препарат құрамында 96 % спирт бар, сондықтан алкоголизмге бейімділігі, бауыр қызметінің айқын бұзылыстары, қант диабеті, эпилепсиясы бар емделушілерге оны тағайындамау керек.

Жүктілік және лактация кезеңі

Жүктілік және бала емізу кезеңінде препаратты қолданудың тиімділігі мен қауіпсіздігі зерттелмеген, сондықтан бұл санаттағы емделушілерге препаратты қолдану ұсынылмайды.

Дәрілік заттың автокөлік құралын немесе қауіптілігі зор механизмдерді басқару қабілетіне әсер ету ерекшеліктері

Зерттелмеген, бірақ құрамында 96 % спирт болғандықтан, көлік басқарғанда немесе басқа да қауіптілігі зор механизмдермен жұмыс істегенде сақтықпен қолдану қажет.

Артық дозалануы

Симптомдары: жағымсыз реакциялардың пайда болуы күшеюі мүмкін.

Емі - симптоматикалық

Шығарылу түрі және қаптамасы

100 мл препараттан полиэтилен тығынмен және бұрандалы қақпақпен немесе алюминий қалпақшамен тығындалған шыны құтыда немесе шыны банкіде немесе полимер қақпағы бар полимер құтыда. Құтыларға немесе банкілерге заттаңба жапсырылады.

1 құтыдан немесе банкіден медицинада қолданылуы жөніндегі мемлекеттік және орыс тілдеріндегі нұсқаулықпен бірге картон пәшкеге салынған.

Сақтау шарттары

Түпнұсқалуқы қаптамасында 20 ºС-ден аспайтын температурада.

Балалардың қолы жетпейтін жерде сақтау керек.

Сақтау мерзімі

2 жыл

Дәріханалардан босатылу шарттары

Рецепт арқылы

Өндіруші

«Галичфарм» АҚ Украина, 79024, Львов қ., Опрышковская к-сі, 6/8

Тіркеу куәлігі иесінің атауы мен елі

«Галичфарм» АҚ, Украина

Қазақстан Республикасы аумағында тұтынушылардан өнім сапасына қатысты шағымдарды қабылдайтын ұйымның мекенжайы:

Қазақстан Республикасындағы «Артериум» корпорациясының өкілдігі

050060, Алматы қ., Әл-Фараби д-лы, 97 үй, 3 подъезд, «54» кеңсе

Тел/факс: 8(727)315-82-09; 8(727)315-82-10;

Е-mail: office@arterium.kz